Ассалому алайкум!

Азиз шеърият ва санъат ихлосмандлари, ҳурматли ижод аҳли!

Сизларни 1-Октябрь Устоз ва мураббийлар куни муносабати билан 
" Устозларга таъзимдамиз" деб  номланувчи байрамона ижодий кечамизга лутфан таклиф этамиз.
Ижодий кечада  гўзал ижоди билан кўплаб инсонлар қалбидан чуқур жой эгаллаган, бир неча кўрик танловлар ғооиби, кўплаб унвонлар соҳиби,
Хозирда Ўзбекистон ёзувчилар уюшмасида иш фаолиятини олиб бораётган, кўплаб шеърлари таниқли саънаткорлар тамонидан қўшиқ бўлиб куйланиб келинаётган,
элимиз ардоғида бўлган севимли шоирмиз
БОТИРЖОН ЭРГАШЕВ азиз меҳмонимиз бўладилар.

Азизлар байрамона дастуримизни ўтказиб юборманг!

Дастур  1 Октябрь
Кеч соат, 21:00 да бўлиб ўтади.

Дастурни мафтункор шоирамиз
Сайёра Раҳимий қизи олиб борадилар.

Ижодий кеча ташкилотчиси
Зулфия Султон.

Эслатиб ўтамиз.
Ижодий кеча ДИЛ ОШЁНИ КАНАЛИНИНГ,
ИЖОД ГУЛШАНИ ГУРУҲИДА БЎЛИБ ЎТАДИ.

Ҳурмат ва эҳтиром ила
Канал раҳбари
ДИЛАФРУЗ ЖАМОЛ

👇👇👇
https://t.me/dil_ijodgulshani

Ijrochi : Orifjon Mustapov

Muallif : Aziz Xo'ja Nur

Musiqachi : Shuxrat Aliyev

Pastdagi vidioni ko'pgina Telegram kanallarida ustoz Muhammad Yusufning so'ngi yozgan she'ri deya joylanayotganini kuzatayapman.

She'r muallifi shoir O'lmasbek Samarqandiy akamiz ekan.
She'r juda tasirli.

Ammo, biron joyga yuborishdan, joylashdan oldin biroz e'tiborli bo'ling hurmatli Adminlar.
Mazmunan ham ustoz qalamiga mansub emasligi, ustoz tilidan, ustoz nomidan yozilganligi sezilib turibdi–ku.
(Iltimos, ustoz ruhiga ham, muallif shoirga ham hurmat saqlang!..)

@Muhammad_Yusuf_ijodi
@Muhammad_Yusufsherlari
@Muhammad_Yusuf_shoir telegram kanallari nomidan...


https://t.me/MUHAMMAD_YUSUF_IJODI/2485

#gozal_sher

O‘tar qancha yillar to‘zoni,
Yulduzlar – ko‘zyoshi samoni.
O‘tar inson yaxshi-yomoni,
Mehr qolur, muhabbat qolur.

Qorachug‘da porlagan o‘sha,
Iqboliga chorlagan o‘sha.
Dunyoni tor aylagan o‘sha –
Mehr qolur, muhabbat qolur.

Anor sening yuzlaring, suluv,
Xumor sening ko‘zlaring, suluv,
Yodda qolmas so‘zlaring, suluv,
Mehr qolur, muhabbat qolur.

Oqib ketdi suvlarda Tohir,
Zuhro yig‘lab qoldi qon bag‘ir.
Kelganda ham qiyomat oxir,
Mehr qolur, muhabbat qolur.

Nima deysan, ey, g‘ayur inson?
G‘iybatlaring qildi meni qon.
Sen ham bir kun o‘tursan, inon,
Mehr qolur, muhabbat qolur.

©M.Yusuf.

T.me/Muhammad_Yusuf_ijodi

🎤 Azizbek Moʻminov
📝 Eslayverdim
✍ Muhammad Yusuf

@Muhammad_Yusuf_ijodi

ODDIY MUALLIM

Qadri bilinadi endi menga goh,
Olis maktabimning o'sha behasham...
Navoiy-ku bizga ustozdir, biroq
Kimdir o'qitgan-ku Navoiyni ham.
Shunday buyuk zotga harf o'rgatgan kim?...
Oddiy muallim-da, oddiy muallim.

Tuproqdek xokisor, bezovta jonlar,
Ammo qanoatda tog'dek ulug'vor,
Hatto Temurdayin Sohibqironlar
Pirim deb, etagin o'pgan zotlar bor.
Qaysar Jahongirga yo'l ko'rsatgan kim?..
Oddiy muallim-da, oddiy muallim.

Yo'qdan Beruniylar binolar qilgan,
Mashrabni mashhuri dunyolar qilgan.
Husaynni - Ibn Sinolar qilgan,
Abdulloning tilin burrolar qilgan,
Ilon o'ynatgandek so'z o'ynatgan kim?...
Oddiy muallim-da, oddiy muallim.

Lekin bu hayot nish-sanchiqlaridan,
Qoqinsa ko'targan qo'ltiqlaridan,
Otadek ezilgan g'ussaga botsa,
Boladek quvongan yutuqlaridan,
Uyquda shogirdin o'ylab yotgan kim?...
Oddiy muallim-da, oddiy muallim.

Ulfat ko'p-u, ammo bir do'sti hamroh-
Halim topolmadim undan halimroq,
Qancha ustoz ko'rdim, qancha oliygoh,
Olim topolmadim undan olimroq.
Bola yuragimda bebaho tilsim-
Oddiy muallim-da, oddiy muallim.

Yuzga kiraman men, Xudo xohlasa,
Yuz yildan keyin bir mo'min o'rtog'im,
Ko'zim yopib qo'ysa, jag'im bog'lasa,
So'ngra safar sari otlangan chog'im,
Faqat bir kimsadan bo’ladi qarzim,
Oddiy muallim-da, oddiy muallim!

✍ Muhammad YUSUF


@Muhammad_Yusuf_Ijodi

ОТАБЕК ҚЎШИҒИ

Сен Ширину мен ҳам Фарҳод эмасман,
Сен аччиғу мен ҳам наввот эмасман.
Зайнаб, Зайнаб, менга айтма зорингни,
Сен дилхуну мен ҳам дилшод эмасман…

Бошга неки тушса кўкдан атомиш,
Биз бир қафас аро гирён бир жуфт қуш.
Бир гўшада сен хомушсан, мен хомуш —
Сен вайрону мен ҳам обод эмасман.

Биз бир динда муридлар икки пирга,
Йўлатмасман сени мен билган сирга,
Биз на дўстмиз, биз на ғаним бир-бирга,
Сен жайрону мен хам сайёд эмасман.

Сенга қўйсин суймаганни суйишни,
Шундай яшаш айтгил, кўнглингга хушми?..
Сени қучиб, соғинаман Кумушни;
Жон омону ўзим ҳаёт эмасман.

Эй гул, суйиб не топдинг мен ёмондан,
Бекман, сенга ёр тилайман султондан,
Кўз узмасман мен Марғилон томондан,
Сенга кет ҳам, сенга қол ҳам демасман..

Сен Ширину мен ҳам Фарҳод эмасман,
Сен аччиғу мен хам наввот эмасман,
Зайнаб, Зайнаб, менга айтма зорингни,
Сен вайрону мен ҳам обод эмасман!

© Муҳаммад Юсуф

🎼🎙 Bahtiyor Rahmanov

📃 “Boshqacha”

✍🏻 Muhammad Yusuf

*.*.*.*.*.*

Кузда гўзал бизнинг Фарғона,
Қиёси йўқ жаннат маскандир.
Уйимизни соғиндим, она,
Боғимизда беҳи пишгандир...

Елар елдек, қирда беарқон
Туёқлари чақноқ қулунлар.
Сойда танга сочардир ҳамон
Ўғил сўраб сулув келинлар.

Сиз-чи, юрибсизми ғимирлаб,
Кўнглингизда ғаройиб ҳислар.
Олдингиздан ўтса қиқирлаб
Сочига қўл тегмаган қизлар.

Мен ҳам ўша-ўшаман, нодон,
Гоҳ панд бериб, гоҳида панд еб.
Машҳур қил, деб сўраб Худодан,
Тиламабман бахтли бўлай деб...

Кузда гўзал бизнинг Фарғона,
Қиёси йўқ жаннат Ватандир.
Хатм тамом.
Айтгандек, она,
Зеби эрга тегиб кетгандир?!

✍ Муҳаммад ЮСУФ

https://t.me/MUHAMMAD_YUSUF_IJODI

ОТАЖОН

Назм гулшанида булбул забоним,
Туйғуларга ғулу солган уммоним.
Ўзгалар дардини ўзиники деб,
Опичлаб ўтолган оғир карвоним.
Тангрим азиз этган улуғ инсоним,
Шеърият аталган юртга ҳоқоним.

Сизнинг чаманзорлар кўрмасин аёз,
Ўзгага ўхшамас сиз битган баёз.
Шараф деб аталган баланд қояда,
Қисматдан шайхлардек топдингиз эъзоз.
Тангрим азиз этган улуғ инсоним,
Юзлаб шогирдларга темир қўрғоним.

Мушкулдир сиз юрган йўллардан юрмоқ,
Шеърият юртида бинолар қурмоқ.
Бахтингиз топдингиз элнинг меҳрида,
Давлатингиз эди камолин кўрмоқ.
Тангрим азиз этган улуғ инсоним,
Ҳалқига минг битта жони қурбоним.

Озод юрт илҳоми бўлди мададкор,
Савлатингиз бисёр юртда улуғвор.
Ким етди,етмади кимлар бу кунга,
Замонага беҳад шукронангиз бор.
Тангрим азиз этган улуғ инсоним,
Ватанин кўксига битта қалқоним.

Шоҳу-гадонинг ҳам меҳрин қозониб,
Дунёдан қуёшдек ўтдингиз ёниб.
Назмингиз булоқдир  асрлар оша,
Чанқаган юраклар симирсин қониб.
Тангрим азиз этган улуғ инсоним,
Тоабад ҳалқига қадри осмоним!

✍Мадина Юсуф қизи

📝 Jufti halolim
✍ Muhammad Yusuf
🎼 Layloxon va Lochinbek

https://t.me/MUHAMMAD_YUSUF_IJODI/2934

МУДДАО

Кузда гўзал бизнинг Фарғона,
Қиёси йўқ жаннат маскандир.
Уйимизни соғиндим, она,
Боғимизда беҳи пишгандир...

Елар елдек, қирда беарқон
Туёқлари чақноқ қулунлар.
Сойда танга сочардир ҳамон
Ўғил сўраб сулув келинлар.

Сиз-чи, юрибсизми ғимирлаб,
Кўнглингизда ғаройиб ҳислар.
Олдингиздан ўтса қиқирлаб
Сочига қўл тегмаган қизлар.

Мен ҳам ўша-ўшаман, нодон,
Гоҳ панд бериб, гоҳида панд еб.
Машҳур қил, деб сўраб Худодан,
Тиламабман бахтли бўлай деб...

Кузда гўзал бизнинг Фарғона,
Қиёси йўқ жаннат Ватандир.
Хатим тамом.
Айтгандек, она,
Зеби эрга тегиб кетгандир?!

✍ Муҳаммад ЮСУФ

https://t.me/MUHAMMAD_YUSUF_IJODI

МУҲАММАД  ЮСУФНИ  ЭСЛАБ
26 апрель шоирнинг тўғилган куни

Бизни таништирган гавжум давралар,
Саодати ҳануз дилни ўртайди.
Ўша сўлим Дўрмон боғчаларини,
Жўшқин минбарларни яна кўрсайдим.
Бизлар бир давроннинг ёшлари  эдик,
Ҳали ҳамон эслаб қалбим тўлғанар.
Минбарлар талашиб юрганларимиз,
Тунни тонгга улаб ўтган семинар.
Икки-уч кишилик шинам хонада,
Қирқимиз йиғилиб ўқилган шеърлар.
Рауф Парфи бунда, Азим Суюн ҳам,
“Шеърингни ўқи” деб қисталанг қилар.
Аммо мум тишлаган менинг тилгинам,
Ҳамон ҳижолатдан сукут сақлайди.
На китоб чиқардим, на бирор тўплам,
Ёзганим ўзимга сира  ёқмайди.
Қумга ёзганларим  тўзиб битдилар,
Сувга ёзганларим оқиб кетдилар.
Айтган қўшиқларим учирди сабо,
На боғлар, на тоғлар бермас акс-садо.
Соғинтирган ёшлик олислаб борар,
Умрим поёнига чопар елдирим.
Эл дея, шеър дея ёнган юрагим,
Баён этоларми қолган кунларим.
Мени хушламайди бугун минбарлар,
Шамоли мен томон қараб эсмайди.
Мени билганлар ҳам ўтиб кетсалар,
Мени кимлар нима дея эслайди.
“Ҳамма ашъор ўқиб танилсалар, сиз,
Ўқимай танилган Сирдарёлик қиз.”
Деган гапларингиз хамон ёдимда,
Йўқотган кунларим оҳу-додимда.
Аммо биз қайдан ҳам билибмиз дейсиз,
Бунчалар тез шиддат олишингизни.
Шоҳ Мирзо Бобурнинг ёшига етиб,
Ёнларига кетиб қолишингизни.
Бугун ҳам ҳалқ билан шеърлар ўқийсиз,
Мушоираларида она Ватаннинг.
Ака, сиз ғолибсиз, сиз мутлоқ ғолиб,
Энг ёш ҳалқ шоирисиз Ўзбекистоннинг.
Ҳа, шоирим, сизга  ҳавас қиламан.
Бурро, теран шеърлар  ўқигим келар.
Ҳалқ шоираси бўлолмасам-да,
Муносиб шафоат насиби бўлар.
Фақат қўллаб туринг, Аршу-Аълодан,
Файзу Раҳмат ёғсин ҳақ Таоллодан.
 
Янглиш НИГОҲ,🧚‍♀🧚‍♀🧚‍♀                                          
2021 йил, 26 апрель.

https://t.me/MUHAMMAD_YUSUF_IJODI

ИҚРОР

Шоирлик мен учун асло орзумас,
Шу ҳам иш бўлдими йигит бошимга.
Ҳамма шоир зотин йиғса - арзимас
Онамни соғиниб тўккан ёшимга.

Ана, улар қилар булбулларга дўқ:
"Эй қуш, бу боғларнинг мен булбулиман!"...
Шоирлар билан ҳеч ошнолигим йўқ,
Мен ёруғ дунёда кўнглим қулиман.

Аммо юрагимни қийнар бир азоб,
Қўй десам қўймайди, тутқазар қалам.
Мен кетмон сўрасам - тутади рубоб,
Куйлайман жонимдан ўтганда алам.

Осмонга қарасам кўринар тупроқ,
Майсага термулиб ойни кўраман.
Бу қандай кўргулик, билмайман, ўртоқ,
Мен қачон далада буғдой ўраман!..

Шоирлик мен учун асло орзумас,
Шу ҳам иш бўлдими эркак бошимга.
Ҳамма шоир зотин йиғса - арзимас
Уйимни соғиниб тўккан ёшимга.

Ана, улар салқинг хиёбонларда
Энтикиб ёзишар келажакка хат.
Оқибат ҳақида ҳайқиришар ва
Абдулла Орифни қилишар ғийбат...

Бўлди.
Шеър ёзмайман.
Мен энди одам,
Оддий одам бўлиб яшай бошлайман.
Кўнглимга ачиниб агар ёзсам ҳам,
Тунда ёзиб, тонгда ўтга ташлайман!

© Мухаммад Юсуф

https://t.me/MUHAMMAD_YUSUF_IJODI

🎄Yangi yil kechasi

Ko’ngil mayus tortdi yilning so’nggida,
Bilmam, nimang bilan sehrlading, qor.
Bugun kuppa-kunduz ko’zim o’ngida,
Yana bir yoshimni o’g’irlading, qor.
Qirqinchi qasrmga o’taymi endi,
Kechagi yoshligim ertakmi endi?..

Bahorim yetkudek qo’lim uzatsam,
Yetolmay dilimni ne deb yupatsam.
Laylakqor, azizim, g’alat bayram bu —
Kulib kuzatsammi, yig’lab kuzatsam…
Dardim jim ichimga yutsammi endi,
Kechagi yoshligim ertakmi endi?

So’rsang, sevinchimdan o’kinchim ko’proq,
Sendan-da kumushroq sochimdagi oq.
Yilim kelmay turib, yilim ketmoqda,
Ko’zda tabassum – u kiprikda titroq.
Men ham sal shoshdim-da, qaytaymi endi,
Kechagi yoshligim ertakmi endi?

Yangi yil,
Kelaver qanday kelsang ham,
Kimlar yetdi senga, kimlar yetmadi.
Sen yangi yo’ldoshsan, sen yangi hamdam,
Yo’qlab kelganingni o’zi bir bayram.
Qulog’ingga bir gap aytaymi, endi,
Kechagi yoshligim ertakmi, endi…

©️Muhammad Yusuf


Kanalimizga obuna bo‘ling!
👇👇👇👇👇👇👇

https://t.me/MUHAMMAD_YUSUF_IJODI