АМИР ТЕМУР ИСЁНИ

Кимки Оллоҳ йўлида
Жиҳод қилса ғозийдир.
Қуръон ушлаб қўлида
Раҳмону раҳийм учун
Карийм-у, ҳаким учун
алийм-у, азийм учун
раззоқ-у, фаттоҳ учун
ҳакам учун, ҳақ учун
латийф-у, рауф учун
жалийл-у, афувв учун
ғофур учун, нур учун
заҳийр-у, қодир учун
сабир-у, кабир учун
рашийд-у,мажийд учун
шахийд-у, ҳамийд учун
важийд-у, ваҳийд учун
ҳофиз учун кўнглида
исён-у, иймон бўлса,
Оллоҳ бор—у ғолибдур!
Оллоҳ ёр—у ғолибдур!
У туғилган ватанда
ҳукм сурса гар кофир,
ўралгайдир кафанга.
Махкум шунга ҳар кофир!
Енгар куч йўқ ОЛЛОҲни
Якка Олампаноҳни!
Ким ҳаққа қурбон бўлса
Асло ўлим топмас у.
Тупроқ аро ётмас у.
Ғазотдан нажот топгай
Туганмас ҳаёт топгай!

МУҲАММАД ИСМОИЛ

Мана бугун асл ўзбек фарзанди, асл Хоразм ўғлони, тақдир тақозоси билан Туркиянинг Кўнё шаҳрида истиқомат қилиб қолиб кетган Ҳазрат Баҳоуддин пиримнинг жигарбанди, Ер юзининг энг буюк шоирларидан бири, буюк авлиё, буюк пир Ҳазрат Жалолиддин Румий мақбараси зиёратидамиз. Манзилимиз Туркия Жумҳурияти, Кўнё шаҳри. Келинг биргаликда Румий ҳазратнинг ҳақларига дуо қилайлик, Қуръон тиловат қилайлик азизлар! Қутлуғ Рамазони шарифнинг муборак кунларида қилинган дуолар ижобат бўлгусидир, иншоолло!

ҚОДИРИЙ БОБО

Қаламдан нур эмас, дард оққан кунлар,
Миллатнинг кўнглига қурдингиз сарой.
Сиз сабаб ёришди энг зулмат тунлар,
Сиз сабаб жилмайиб боқди бизга ой.

Бир тонгда Кумушнинг оҳини ёзиб,
Бир тонгда миллатнинг ғамин едингиз.
Ўткан кунлар ичра ўзликни излаб,
«Биз буюк миллатмиз— халқмиз» дедингиз.

Мирзонинг соғинчи, Раъно кулгуси –
Сизнинг жонингиздан тўкилган  ашъор.
Фаришта инсонга жабр бўлғуси,
Сўнгги бора кўрдингиз юртни беғубор.

«Ўткан кунлар» келди... Сиз эса йўқсиз,
Марғилон йўлида қолди изингиз.
Бугун шеър ёзмаган қаламлар маҳзун,
Йиғлаб хат битмоқда «Кумуш» қизингиз.

Сиз куйган ул ишқнинг замони қайда?
Отабек саргардон, кўнгил қафасда.
Биз гўзал туйғуни бой бердик атай,
Ҳайрат ўлиб борар ҳар бир нафасда.

«Меҳробдан чаён»лар чиқдими яна?
Кимларнинг умрига заҳарлар сочди.
Сиз халқ деб ёндингиз, ёдингиз мана –
Миллатнинг кўзини қайтадан очди.

Қамоқ деворлари совуқ ва тилсиз,
Сизни олиб кетди зулмат қўйнига.
Лекин юракларда яшар исмингиз,
Дош бериб тақдирнинг қаттол ўйнига.

Биз на шоир бўлдик, на олим бўлдик,
Шунчаки вақтларни совурган каслар.
Сизнинг асарларни варақлаб туриб,
Ўзимизни тафтиш қилади Сўзлар .

Руҳингиз титраса Марғилон томон,
Бир бора эшикни қоқиб ўтингиз.
Биз ёзмай қўйган ул гўзал шеърларни,
Тушларда бир бора ўқиб кетингиз...

Бобо, сиздан қолган ўша Кумушлар,
Ҳамон вафо излаб кўзлари гирён.
Сизнинг чироғингиз ёниб турар то –
Ўзбекнинг қалбида бор экан имон.

10.04.2026.

©  Фариштабону МАҲМУДОВА

••┄┄┄❅┄┄┄•••••┄┄┄❅┄┄┄•••
https://t.me/Farishtabonu_Mahmudovna
••┄┄┄❅┄┄┄•••••┄┄┄❅┄┄┄•••

Улуғ Амир ва донна Мария филъмига тушдим.

Улуғ устоз Мухтор Худойқулов билан самимий суҳбат

Алишер Навоий номидаги Республика кино саройида

ЗУЛАЙҲО ХОЖИ ОНА ИСМОИЛОВА

Зулайҳо хожи она Исмоилова 1927 йил, 15 май куни ҳозирги Жиззах вилоятининг Зомин туманида туғилган. 1947 йилдан ҳозирги Сирдарё вилояти Ховос шаҳарчасида яшаган. Мактабда тўртинчи синфгача ўқиган. Иккинчи Жаҳон уруши сабабли мактаблар ёпилиб, фронт орти хизматларига жалб этилган. Буғдой етиштиришда иштирок этиб, фронтга жўнатган.
Поезд машинисти Исмоилов Раҳмонқулга турмушга чиққан. Дастлаб Мордовский (Ховоснинг вақтинчалик ўзгарган номи) посёлкага, землянка (ертўла уй) га келин бўлиб тушган. Ўн фарзанднинг онаси. Қаҳрамон она кўкрак нишони соҳиби. Турмуш ўртоғи эрта қазо қилганидан сўнг, ўн йил Ховос шаҳарчасидаги 85 (ҳозирги 9 ) мактабда фаррош, Мирзачўлдаги бир қанча савхозларда йигирма беш йил қовун тарвуз, пиёз, пахта етиштирган, деҳқончилик қилган.
Хукуматимиз томонидан биринчи даражали Меҳнат фахрийси, “Мўътабар аёл” , Халқаро Амир Темур кўкрак нишони, Россиянинг Халқаро Дўстлик, Туркиянинг “Туркия қутқарувчиси” кўкрак нишонлари соҳиби.
Зулайҳо хожи онанинг донишмандлиги, оқилалиги, халқ оғзаки ижоди намуналарини, ислом ахкомларини яхши билгани сабаб, унинг ҳузурида элимизнинг ардоқли ёзувчи ва шоирлари, санъаткорлари Одил Ёқубов, Шукрулло, Абдулла Орипов, Шерали Жўраев, Шайх Алоуддин Мансур, Шайх Абдулазиз Мансур, Анвар қори Турсунов, Муфтий Абдурашид қори Баҳромов, Шукур Холмирзаев, Омон Матжон, Ҳалима Худойбердиева, Худойберди Тўхтабоев, Ортиқ Отажонов, Бобомурод Ҳамдамов, Муҳаммад Юсуф, Турсуной Содиқова, Тоҳир Малик, Ёқуб Аҳмедов, Шуҳрат Аббосов, Мамадали Маҳмудов, Абдусаид Кўчимов, Нуриддин Ҳамроқулов, Насиба Мақсудова, Ғаффор Ҳотамов, Анор Назаров, Усмон Азим, Нурали Қобул, Азим Суюн, Шароф Убадуллаев, Эркин Комилов, Теша Мўминов, Ойбек Ашурматов, Озодбек Назарбеков, Фарида Афрўз, Жамила Шермуҳамедова, Каримбой Раҳмон, Оролмирзо Сафаров, Равшан Маҳмудов, Ўтбосар Абдиев, Собир Ўнар, Азиза Ниёзметова, Аҳрор Усмонов, Анвар Санаев, Севара Назархон, Фатхулла Маъсудов, Раҳимжон Бобоев, Баҳор Холбекова, Норинисо Қосимова, Сирожиддин Рауф, Анвар Собиров, Дилшод Раҳмон, Толибжон Исроилов, Илҳом Фармонов, Эркин Худойқулов, Лола Аҳмедова, Рислиғой Хотамова, Ботир Эргашев, Зулҳаё Мингбоева сингари юзлаб инсонлар зиёратда бўлишган.
Зулайҳо хожи она Исмоиловага бағишланиб юзга яқин шеър ва қўшиқлар, мақолалар, бадиҳалар ёзилган, ўнга яқин телекўрсатувлар тайёрланган. Муҳаммад Исмоилнинг “Бошимдаги тожим Онам” китоби Зулайҳо хожи онага бағишланган.
Зулайҳо хожи она 2025-йил, 23-март куни, Лайлатулқадр кечаси, жойномоз устида, қиблага юз бурганча, мелодий 98, ҳижрий 101 ёшда Ховос шаҳарчасида омонатларини ҳаққа топширди.
Зулайҳо хожи онанинг ёрқин хотираси шеърларда, қўшиқларда, кино ва видеофильмларда, халқимиз хотирасида абадий яшайди.

Бизнинг футбол жамоа ⚽

Зулайхо ҳожи она.

Ўзбекистон Ёзувчилари уюшмаси аъзоси,
" Истиқлол тонги" мукофоти совриндори,
Турон фанлар академияси академиги шоир Мухаммад Исмоилнинг "Бошимдаги тожим онам" китобини ўқиб,онахон билан ўтган ширин суҳбатларимизни эслаб шуни англадимки Зулайхо она ўзбек аёлларининг ,бутун жаҳон муштипар оналарининг бетакрор ва гўзал тимсоли эканлигини ҳис қилдим.
У бу китобни оналарига буюк муҳаббат билан ёзган.
Мен учун ватанни севиш онамнинг юрагидан бошланган,менинг шоирлигим шу юрак тебранишларидан, тарбиясидан улғайди,шу юрак ҳароратидан куч олди,шакилланди.
Менинг мувоффоқиятларим юксалиши онажонимни дуоларини Ижобатидир.
Онажоним мени ва улусни шундай дуо қилар эдилар :
Элга берсин,юртга берсин,бахт қарасин,хизир дарсини,кетмас давлат ,кенг феъл берсин.йўлга чиққанни йўлини берсин,яхшиларга
ёндаштирсин ,ёмонлардан адаштирсин,оққа берсин,бошга берсин,қарига ва ёшга берсин.
Кўзларимизни нам қилмасин,кўп ичида кам қилмасин тўрт кўз тугалликни берсин.Дастурхонлар нонга тўлсин.Яхшиликнинг мукофоти яхшилик.Яратган эгам қўллайверсин.ю

Онаизор Ўғлига ва элдошларига қарата : эртага худо мендан қандай касб қилувдинг деб сўрамайди, қандай эр эдинг деб сўрайди. Қандай ота эдинг,фарзандингга қандай тарбият бергансан деб сўрайди сийлаи рахм,саховат, кимларга мурувват қилдинг деб. сўрайди.Ўзинг ночор ,босган йўлинг хатарли бўлмасин деб уқтирар эдилар.
Гарчи Мухаммаднинг оиласида тотувлик ҳукум
сурсада билмай адашиб қолишидан эҳтиёт қилар эдилар ..
Зулайхо она мактабда фаррошлик ва деҳқончилик ларга ёрдам бериб,меҳнат билан топилган нон беҳуда кетмаслигини тушунди ва ўзгалар қалбига ҳам шундай оқилона фкрларини сингдиришга ҳаракат қилади.10 та фарзандни тўғри тарбиялаб ўстирган муштипар меҳр уммонида ўзига хос донолик ўзбек аёлига мос ғурур,шижоат бор эди.
Ховослик Зулайхо она тимсолида кўпболали ,меҳнаткаш,сўзлари ибратли,метин иродали,бой ҳаёт тажрибасига эга етук ўзбек аёлини таниймиз.
Эри касал бўлиб ётиб қолганда вафоли ёр даволаниш учун машинани ҳам ,молларини ҳам соттирди .
Эри вафотидан сўнг жабрдийда она болаларига бош бўлиб, ўзгалардан қарз сўрашни фарзандларига раво кўрмади. Муаммоларни барчасини вақт даволайди.Халол меҳнат билан барча муаммолар ечимини топишини таъкидлар эдилар.
Маҳалланинг энг яқин маслаҳатгўйига айлан эдилар.
Фарзандларини иймонли, диёнатли қилиб тарбиялади.

Хотинни яхши кўрсатган қўлидаги боласи,
Дарёни довруғини кўтарган
балиғидир.
Қиз берсанг отасига қара,

Қиз олсанг онасига қара.
Тўғри сўзлаб, тўғри берсанг меҳнатдан қочмасанг худони ўзи барака бераверади.Меҳнат турмушнинг чечаги ,унга эътибор берсанг гул бўлиб
яшнаб кўзингни қувонтиради.
Бў сўзларда қанчалик тийран фкр,УЛУҒ ҳикмат бор.
Ислом уламоси Анвар қори ,халқ хофизи Шерали Жўраев каби халқимизнинг буюк Инсонлари ҳам бу мўътабар Зулайхо онани тириклигида йўқлаб Зиёрат қилганлар.
Онахонимиз берган ўгитлар Юртбошимизнинг ЯНГИ Ўзбекистон стратегияси тамойилларига мос ёшларни аҳил оила, бахтли турмуш эгалари бўлиб нурли келажак сари етакловчи куч эди.
Ватанимиз да шундай онахонлар бор экан ,улар тарбият қилган билимдон фарзандлари туфайли ҳаёт гўзал,юртимиз обод,тинч ва осуда ,ватан сархадлари мустаҳкам,осмонимиз мусаффо.Ёт ғоялар улар бор жойда бегонадир.

Zulaho aya o‘zbek onalatining yorqin timsoli bo‘lsa, Muhammad Ismoilning "Boshimdagi tojim onam" asari esa o‘zbek onalariga qo‘yilgan buyuk haykaldir.
Po‘lat Mansur.

Таваллуд айёми муборак бўлсин улуғ зот!