Butun umr kuzda yashasang.

@Muhammad_Hodiy

Titradim samovot tuzgan tadbirdan,
Unut tuyg'ularim barg yozdi birdan.
Ko'klamay bo'lurmi, o'smay bo'lurmi,
Hayot isi kelib tursa yomg'irdan?!

Mansur Jumayev

@Muhammad_Hodiy

Умримни бир олис ишққа алмашдим.
Қочдим ҳушёрликдан, тушга алмашдим.
Беқанот, қалбимни қушга алмашдим —

Сизсиз ўтган умрим бекор, ёрижон!
Не бахтким, юрагим бемор, ёрижон!

Ул кўзда қай куни порлади зиё,
Дунёдан кечгулик топдим бир дунё.
Бу дунё нимадур? Бу дунё — рўё —

Фақат пок ишқингиз ҳақдир, ёрижон,
Қалбимга энг юксак тахтдир, ёрижон.

Гарчи ўртамизда соғинчу ҳижрон,
Гарчи висол йўли вайрондир, вайрон,
Аммо азобингиз кўксимда ҳар он —

Муқаддас оловдай қолди, ёрижон,
Шукурким, сиз билан ёндим, ёрижон,

Яшардим ўзимга муз каби боқиб,
Ишқ келди, жўнадим, дарёдай оқиб,
Менга ҳабиб бўлди ҳатто шум рақиб —

Кўриб; — тўлқин-тўлқин қоним, ёрижон,
Сиз менинг жонимсиз, жоним, ёрижон.

Ҳеч қачон демасман бошни йўқотдим,
Эридим, вужуддан тошни йўқотдим.
Йилларни йўқотдим — ёшни йўқотдим,

Мендан айро тушди ёлғон, ёрижон.
Шунданми тилларим равон, ёрижон.

Нодон дер "Сен борни йўққа алмашдинг,
Қуёшни бир ғариб чўққа алмашдинг..."
Куламан: "Халқобни кўкка алмашдим..."

Энди юрар йўлим фалак, ёрижон,
Қанотга айланди юрак, ёрижон!
Қанотга айланди юрак, ёрижон!

Усмон Азим

http://t.me/UsmonAzimijodi

Men-yomg'ir! Qaragin, jonim, qaragin!

@Muhammad_Hodiy

MEN QAYTAMAN

Men qaytaman, kipriging soyasiga qaytaman,
irmoqlarga – dunyoning doyasiga qaytaman,
boshlarini toshlarga urgan keksa burgutning
polaponi koʻz ochgan qoyasiga qaytaman.

Men qaytaman, dilu yod orasida qaytaman,
men qaytaman, koʻzlaring qorasida qaytaman,
bir qizchaning kulgichli chehrasida porlagum,
bir jununvash oʻgʻilning orazida qaytaman.

Men shundayin kuyuk dil porasida yasharman,
men shundayin begʻubor, norasida yasharman,
men shundayin beqaror – tuproq, havo, oʻt va suv
himmatidan zarralab bino boʻlgan basharman.

Anglamayman qandayin tugʻilmoqda aytarim;
qulogʻingga shivirlab aytayotgan baytlarim
andozasi ruhimda yaralgandir, ehtimol,
rabbim bilan falakda vaʼdalashgan paytlarim.

Men qaytaman, ketdi deb suyunma bir lahza ham,
yo qaroqda jimirlab oʻynamasin zarra nam,
gʻam chekmagin, Sendaman – pok dilingda zindaman;
shoirlar oʻlish uchun tugʻilmaydi, jonginam!

Mansur JUMAYEV

@Muhammad_Hodiy

Tashqarida zim-ziyo zulmat,
Qora shamol kuylaydi: gʻir-gʻir.
Uyda fonus menga hamsuhbat,
Derazamda yigʻlaydi yomgʻir.

Eshqobil Shukur

@Muhammad_Hodiy

Tomirlarim qaqshab ketar,
Hayqiraman majnun boʻlib.

Suhrob Ziyo

Дўстлар илтимосига кўра...

* * *

ТОНГДА САМОЛЁТЛАР УЙҒОТАР МЕНИ…

Тонгда самолётлар уйғотар мени.
Дераза зириллар, эшиклар қақшар.
Ватан осмонида – уйлар устида
Тонгда учиб юрган одамлар яхши.

Уйқум учиб кетар учоқлар билан.
Исмим Мирзо менинг,
ётаман тўлиб,
Онамнинг бағрида ётган сингари
Кулбамнинг ичида ғужанак бўлиб.
Кулбамдан чиқсам мен, демак, туғилсам,
Исмим ўша бўлар бугун ҳам.

Мен ҳануз ётаман,
Аста уйғотаман тасаввуримни;
Чўзилган йўлларнинг кўрпачасида
Чинорлар ўлтирар чордона қуриб,
Бошларин чангаллаб турганга ўхшар.
Кўраман букилган тиззаларини;
Томир-оёқлари минг йил увишмас,
Чинорлар
Ёш ва шўх дунёга қараб
Бошларин чангаллаб ўлтирар минг йил.

Тераклар ўлтирмас,
Узун гавдаларни зўрға кўтарган
Илдизларни кўриб,
Увишади юраклар.
Ўткинчи елларга чапаклар чалиб,
Тик туришга маҳкум умрбод
Оёқлари мажруҳ тераклар.
Улар чапак чалар учоқларга ҳам.

Мен терак эмасман,
Ҳануз ётаман,
Аста уйғотаман хотиротимни:
Талаба эдим мен. Баъзан оч эдим,
Сўнгги тангаларим мендан уялган –
Чўнтагимни тешиб, йўл топиб,
Костюм астарига қамалган.
У пайтлар иккинчи ётоғхонанинг
Ғиштин баданлари яланғоч эди,
Бизнинг хотиралар энди сувалган.

Унда талабалар ухлайди ҳануз –
Ҳар турли шеърларнинг одил ҳаками.
Уларни уйғотар
Йўлакдаги шип-шип товушлар –
Саҳархез қизларнинг юмшоқ қадами.
Улар тонгда ухлар донг қотиб,
Тан қотар, руҳ қотар, ўй қотар.
Уларни уйғотар «Тарих», «Фалсафа»,
«Сиёсий иқтисод» уйғотар!

Тонгда самолётлар уйғотар мени.
Ватан осмонида учоқлар рақси.
Қайси манзилларга бўлса ҳам, тонгда
Учиб кетаётган одамлар яхши.

Айлангувчи дунё ичинда
Халқнинг бир жайдари сўзи ёдимда:
Ким она қорнида йиғласа,
Исми Машраб бўлар удумда.

Мен ҳануз Мирзоман, ётаман тўлиб,
Онамнинг қорнида ётган сингари
Ер шари ичида ғужанак бўлиб.
Бошимда чарх уриб айланиб юрган
Фазовий кемалар уйғотар мени.

Мен ҳануз ётаман,
Аста уйғотаман сўнг қўлларимни:
Сийпалаб кўраман – юзларимда ёш.

Сенга бир сўзим бор, товушсиз айтсам,
Тушун ва асраб қўй, Она Сайёра:
... Мен сенинг қорнингда йиғладим...
Бир куни туғилсам – бағрингдан кетсам,
Исмимни Машраб қўй, Она сайёра!..

1984

Мирзо КЕНЖАБЕК


@m_kenjabek| @xojagon_uz
•┈┈• ❀ 🌷☘️🌷 ❀ •┈┈•

Afsun

Men qoldim bogʻlarning oʻrtasida jim,
Lablarim yorigʻi qishdan nishona.
Yuzimda toʻzgʻidi issiq nafasing,
Koʻzimda bir tomchi qotdi pinhona.

Men qolib, daraxtga she’r aytib chiqdim,
Kuzaklar chidolmay belidan sindi.
Qahraton shamollar elaydi sochim,
Va qoʻlimdan mahkam siqadi kimdir.

Oy nuri berkinar shoxlar ortiga,
Maysalarni quchib, oʻpib yotar tun.
Ketding-u va endi hammasi tugar,
Koʻzimdan yumalab tushadi afsun.

Bu afsun bir iliq, biram yoqimli,
Bu afsun ichida porlar xotiram.
Nahotki, bir oʻzim qolaveraman
Nahotki, bu sehr tuganmas sira?

Yoʻlaklar bagʻrida shamolni silab,
Bosgan izlaringga tutib chiqdim sham.
Avaylab-avaylab oʻpib qoʻyaman,
Qoʻling hidi qolgan xazonlarni ham.

Men qoldim – chiroqlar kuygan bogʻlarda,
Olovga otilgan qulday bemajol.
Yigʻladim, sogʻindim qay bir yoqlardan,
Ising olib keldi bagʻrimga shamol.

Izingdan ergashdim, moʻltirab kutdim,
Sovuqni unutib, qishni unutib.
Bogʻlarni quyoshga qoldirib ketdim,
Bir quchoq barglarni koʻzimga surtib.

Muhammad Hodiyev

@Muhammad_Hodiy

Biz-chi, dunyo ishin bilamiz andak,
Oila quramiz, bola koʻramiz.
Lekin mashinaga boqqanday goʻdak,
Hamon ilk sevgini eslab yuramiz.

Abdulla Oripov

@Muhammad_Hodiy

Sen qaydan bilasan,
Balki yulduzlar
Menga sirlarini soʻylayotgandir.
Sen qaydan bilasan,
Balki bu koʻzlar
Unsiz bir qoʻshiqni kuylayotgandir.

A.O.

@Muhammad_Hodiy

Men nola qilay shomu sahar dod, eshigingda,
Jonimni beray, sho’xi parizod, eshigingda.
Ul lolavu rayhonu suman, toqa qizil gul,
Ham sarv bukuldi, qadi shamshod eshigingda.
Xo’boni jahon bo’lsa taqi Yusufi Kan’on,
Sultonu amir bandayo, ozod eshigingda.
Zulfing seni bu jonima yuz domi balodur,
Jonim qushi sayd o’ldi chu sayyod eshigingda.
Olam borisi lazzati husnungni topibdur,
Giryonu fig’on, nolavu faryod eshigingda.
Savdoyi muhabbatga tushubman seni izlab,
O’lturdi g’aming, ko’zlari jallod, eshigingda.
Ashkim to’kubon hajru g’amingda kecha-kunduz,
Vayrona vatan - manzil obod eshigingda.
Ul husnu jamoling o’ti Mashrabg’a tushubdur,
Parvonasifat kuydi, parizod, eshigingda.

Mashrab

@Muhammad_Hodiy

Qor esa erisa lablaringda jim.

X.D