Gohida inson yashashda davom etish uchun shafqatli qo‘lga, iliq so‘zga muhtoj bo‘ladi. Insonlar hayotni emas o‘zlariga yoqmaydigan sharoitni ko‘proq yomon ko‘rishadi. Sharoitlar gohida insonni yutib yuboradigan dahshatli maxluqqa aylanadi. Insonning bu maxluqqa qarshi kurashadigan yagona quroli - yashashga bo‘lgan umidi hisoblanadi...
@Muhammad_Fozil

Ba'zan "Hazillashdim" orasida haqiqat bor.
Ba'zan "Bilmayman" orasida bilim bor.
Ba'zan "Menga baribir" orasida keraklisi bor.
Siz shunchaki anglashni biling.
@Muhammad_Fozil

Alloh sizga ishlaringiz yaxshi bo'ladi demadi, lekin aytdiki: "Albatta Alloh sabrlilar bilandir.
Baqara surasi, 153-oyat
@Muhammad_Fozil

Dunyoda hamma narsa nisbiy. Men falonchiga nisbatan insofliman, sen esa menga nisbatan, yana bir odam senga nisbatan insofliroq. Har birimiz haqiqatni o‘zimizcha tushunamiz.

Tohir Malik, "Shaytanat"
@Muhammad_Fozil

Odamlar juda xavfli...
(Astag'firulloh)
Kunlardan birida shayton o'z bolalaridan birini yetaklagan ko'yi ko'cha aylanadi va hamma narsani shaytonvachchaga tushuntira boshlaydi.
Shunda yosh shaytonvachcha sigirni ko'rsatib so'raydi:
-Bu nima?
-Bu sigir. U sut beradi. Shoxlari bizniki bilan bir xil. Ishtahasi karnay hayvon.
-Bu nima?
-Bu echki. Uning yungi, soqoli va boshqa a'zolarini biz o'zimizga olganmiz. U ham go'sht, ham sut beradi.
Shu vaqt bir navqiron yigit ko'chadan o'tib qoladi. Shunda yosh shaytoncha yana so'raydi:
-Bu kim?
-Bu xudo yaratgan maxluqotlar ichida eng xavflisidir. Undan ehtiyot bo'lmoq darkor.
-Nega?
-Chunki bo'tam, u qilg'ilikni qilib yana hamma aybni senga to'nkaydi!
P.s: Shu darajada insonlar ham bormi oramizda nahot?!
@Muhammad_Fozil

Men "Amalga oshishi amri mahol!", degan so‘zga ishonmayman. Chunki, bunday  kalima Qur’onda zikr qilinmagan...
Men  "Albatta, Alloh har bir ishga Qodirdir!",  deya zikr qilingan kalimaga ishonaman va iymon keltiraman!
@Muhammad_Fozil

#dialog
-Nega kechirmayapsan meni? Axir afsusdaman...
-Bir shisha idish ol va uni yerga tashla. Sindimi? Endi uzr so'rab ko'r-chi butun bo'lib qolarmikan?!
@Muhammad_Fozil

"Men hayot haqida o'rganganlarimni uchta so'z bilan ifodalashim mumkin: u davom etadi."
Robert Frost
@Muhammad_Fozil

“Baxt kapalak kabidir; Qanchalik ko‘p quvsang, shunchalik ko‘p seni chetlab o‘tadi, lekin e’tiboringni boshqa narsalarga qaratsang, u kelib, yelkangga ohista o‘tirib oladi”.
Genri Devid Toro
@Muhammad_Fozil

O‘GENRI. VAQT QIYMATI (HIKOYA)

Ota odatdagidek ishdan kech qaytdi. Horg‘in, hafsalasiz, pajmurda gavdasini arang sudrab ostona hatladi. Bo‘sag‘ada uni mijja qoqmay ko‘zlari to‘rt bo‘lib, intiq kutayotgan 5 yashar o‘g‘li qarshi oldi.
— Salom, dada! – dedi u quvonchdan ko‘zlari porlab.
— Salom, bo‘talog‘im, haliyam yotmadingmi?
— Yo‘q. – deya javob berdi bola va sabrsizlik bilan so‘radi. — Dada, maylimi sizga savol bersam?
— Mayli. Qani eshitaylik-chi, oromingni o‘g‘irlab, allamahalgacha senginani yo‘limga intizor qildirgan qanday savol bo‘ldi u?
— Bir soatda qancha pul ishlaysiz? – ko‘zlarini pirpiratib bolalarga xos sodda samimiyat ila so‘radi bolakay.
Horiqulodda berilgan 5 yashar bolaning kutilmagan savoli otani tong qoldirdi va turib – turib jahlini chiqardi.
— Bemahalda boshqa bo‘lmag‘ur savol o‘ylab topolmadingmi? Qalaversa, bu sening ishing emas, zumrasha.
— Dada, iltimos, men shunchaki bilmoqchi edim, ayta qoling, bir soatda qancha pul topasiz? – oyoq tirab oldi bolakay.
Bolaning hukmi poshshoning hukmidan ustun emasmi, ota qarasa javob bermasa bo‘lmaydigan, jovdirab tikilayotgan pokiza ko‘zlar bilan nigohi baqamti kelganida ko‘ngli iyidi va:
— Bir soatda 20 dollar ishlayman, qo‘zim, - deya javob qildi u bolasining boshini silab.
— Yashasin! – qichqirib yubordi kichkintoy. — Dada, menga 10 dollar qarz berib tura olasizmi?
Bunisi hammasidan o‘tib tushdi va darg‘azab otaning sabr kosasi to‘lib, ortiq jahlini yashirolmadi:
— Ie, tag‘in yana nima o‘ylab topding. Qaerdagi keraksiz o‘yinchoqlarni sotib olishing uchun dadam 10 dollar beradi, deb o‘ylasang, chuchvarani xom sanabsan. Qani hoziroq o‘z o‘rningga borib yot va oxirgi paytlarda qanchalar xudbin bo‘lib ulg‘ayotganing haqida bosh qotirib ko‘r! Men har kun betinim mashaqqatli mehnat qilaman va jonim halqumimga kelib arang uyga qaytaman. Sening xarxashalaring va injiqliklaringni ko‘tarishga tobim yo‘q!
Mo‘ltirab tikilib turgan ko‘zlarga yosh qalqdi. Bolakay indamay ortiga o‘girildi. Charchagan ota dam olgali o‘rniga cho‘zildi, biroq har qancha horigan, jismonan ezilgan bo‘lmasin, hadeganda ko‘zlariga uyqu inay demasdi. Asablari dosh bermay, bolasiga baqirgani uchun ko‘ngli buzildi. “Tun yarmigacha uxlamay, topgan savolini qarang. Qiziq, 10 dollar unga nega kerak bo‘lib qoldiykin?”. Shu yo‘sinda oradan bir soat o‘tdi. Ota u yoniga ag‘darildi, bu yoniga ag‘darildi, lekin ko‘zlari yumilmadi. Bu turishda saharga dovur uxlolmasligini anglab, o‘rnidan turdi. Hovuridan tushgan ota sokin o‘y surar ekan: “Chindan ham bolam shu 10 dollarga muhtoj bo‘lsa, men jigargo‘shamning gapini eshitmay turib, kutganini ham ro‘yxotir qilmay urishib berdim” deya ko‘ngli xijil bo‘ldi.
U o‘g‘lining xonasi tomon yo‘naldi. Eshikni sekingina ochib:
— Uxlayapsanmi, bolajonim? – deb so‘radi.
— Yo‘q, uyg‘oqman, dada.
— Senga nisbatan nohaqlik qildim, qattiqqo‘llik qilganimni tushundim. Shuning uchun chiqar chirm etganim yo‘q. Mendan ranjimadingmi? Ba’zan kattalar ham xato qiladilar. Mana senga 10 dollar, endi eski ginalarni unutamiz.
Bola pulni qo‘liga ham olmay, chopqilab borib yostig‘ining ostidan bir dasta g‘ajimlangan pullarni chiqardi. O‘g‘lining hararakatlarini sukut saqlab kuzatib turgan ota hayratda edi.
— Shuncha puling bor ekan, mendan tag‘in 10 dollar so‘raganing nimasi, bo‘talog‘im?
— Pulim borlikka bor edikuya, ammo yetmasdi-da. Mana endi 20 dollarim bor. Dada, men bir soat vaqtingizni sotib olmoqchiman. Erta uyga vaqtliroq keling, birga tushlik qilsam devdim...

Ingliz tilidan Shahnoza Rahmonova tarjimasi

@Muhammad_Fozil

#kulgu
Facebook ijtimoiy tarmog'ida bir ateist yigit o'z sahifasiga koinotga sayohat qilib, "bu yerda xudoni ko'rmayapman" degan bannerni qo'lida ushlab tushgan suratini joylab qo'yibdi. Shunda kommentlardan bir musulmon yigitning javobini o'qib qoldim. "Shlemni yechsang, albatta ko'rasan."
@Muhammad_Fozil

"Daryolar buni bilishadi: shoshmaslik kerak. Biz u yerga bir kun yetib boramiz."
Alan Aleksandr Miln
@Muhammad_Fozil

Men boshqalarga o'xshashni xohlamayman. Boshqalar menga o'xshashni xohlashsin!
@Muhammad_Fozil

Haqiqat shuki, biz hammamiz yolg'onchimiz.
@Muhammad_Fozil

Kambag'al otam doim "pul yomon narsa" deb uqtirardi. Bora-bora ko'z o'ngimda qashshoqqa aylanib qoldi.
Boy otam esa "pul bu - kuch" derdi va u eng yaxshi milliarderga aylandi.
Robert Kiosaki "Boy ota, kambag'al ota" asaridan
P.s: siz uchun kimning fikri to'g'ri?

Yaqinda musulmon boʻlgan bir yahudiy hikoya qiladi:

“Bir musulmon inson bilan sheriklikda ancha yillar tijorat bilan shugʻullandik. Ishimiz juda kattalashdi. Katta foydalar qildik. Vaqti kelib, ikkimiz ajralishga qaror qildik. Oʻrtadagi molimizni hisobladik. Ikkimizning ulushimiz aniq boʻldi. Shundan soʻng musulmon sherigim menga dedi:
— Mana shu mol ham senga boʻlsin.
— Nima uchun?
— Biz sen bilan shuncha yil ish qildik. Koʻp foydalar qildik. Bizning dinimizda «qul haqqi» degan bir gap bor. Bu jiddiy masala. Yana biror joyda sening haqqing menga oʻtib ketgan boʻlmasin. Men gʻayri muslim bir insonning haqidan qoʻrqaman. Meniki senga oʻtgan boʻlsa, men roziman.
— “Qul haqqi” nima degani?
— Men bu masalani senga tafsiloti bilan tushuntira olmayman. Lekin, nozik masala ekanini bilaman. Istasang, bu masalani yaxshilab tushuntirib beradigan bir domladan soʻraymiz.

Bir ilm odamining oldiga bordik. “Qul haqqi” toʻgʻrisida maʼlumotlar oldik. Insonlarning molini nohaq yeyishlikning juda nozik tomonlarigacha anglatdi.

Men u yerdan chiqib toʻgʻri oʻz dinimning, yaʼni yahudiy olimining oldiga bordim. Undan soʻradim:
— Musulmonlarda “qul haqqi” degan tushuncha bor ekan. Musulmonlar hayotlarida bu narsadan juda ehtiyot boʻlar ekanlar. Bizda bu haqda nima deyilgan?
— Bizda agar “qul haqqi” degan tushuncha boʻlganda, hech bir ish qilolmagan boʻlardik.
Bizda har narsa “halol”.
Bir narsa, xususan, musulmonga tegishli boʻlgan bir molni agar tortib ololsang, bu sening uchun savob ish hisoblanadi....

Qanday razillik!

Musulmonlardachi?
Musulmonlarda bir mol, garchi dushmaning qoʻlida boʻlsa ham, uni himoya qilishga buyurilgan...

Qanday oliyjanoblik!

Uyga qaytib, darhol musulmon boʻldim.»

Bir gʻayri muslimni musulmon boʻlishini istasangiz, uni masjidlarga olib bormang. Maʼruzalar tinglatmang. Faqat, ular bilan tijorat qilar ekansiz, durust harakat qiling.
Birovning haqqiga rioya qiling.
Goʻzal voiz boʻlishingiz shart emas.
Islom odobi bilan bezaning!
Shuning oʻzi yetadi!

Shoolim Shomansur

@Muhammad_Fozil

#kulgu
-Dunyodagi eng qiyin kasb egalari kimlar?
-Morgdagilar
-Nega?
-O'lgandan keyin ham ish joyiga qaytib boradida!
@Muhammad_Fozil

Keling qayergadir ketamiz. Va hech qachon qaytmaymiz
@Muhammad_Fozil

Kambag'al otam menga "o'g'lim doim a'lo o'qib, biror-bir korxonaga xodim bo'lib ishga joylash" deb uqtirsa, boy otam "o'g'lim doim a'lo o'qib, biror-bir korxonaning boshlig'i bo'l, yoki sotib ol" deb aytardi.
Robert Kiosaki "Boy ota, kambag'al ota" asaridan
@Muhammad_Fozil

Darding bo'lsa, osmonga ayt, daraxtga ayt, tuproqqa ayt, mayli ana, hayvonga ayt insonga ham aytasanmi dardingni?!
@Muhammad_Fozil