Juda ko'o'o'o'p yil bo'libdi shu suratga ham...

Siz hech qachon raqamli ravishda yaratilgandek ko'rinadigan shunchalik g'ayrioddiy fotosuratni ko'rganmisiz? Yuqoridagi rasm haqiqiy.
Oltin daryo qirg'oqlari va qora cho'kindi orollar orasidan oqib o'tuvchi sutli firuza rang suv Yangi Zelandiyaning Janubiy orolidagi Vanaka yaqinidagi Makarora daryosi tizimidir va yerdan qaraganda, u har qanday havodan olingan suratdan ham hayratlanarliroq.

Suratda Yangi Zelandiyaning eng o'ziga xos va suratga olingan tabiiy xususiyatlaridan biri ko'rsatilgan. Ajoyib firuza rang muzlik unidan kelib chiqadi: ming yillar davomida muzliklar tomonidan maydalangan, erigan suvda osilgan ultra mayda tosh zarralari. Bu cho'kindi yorug'likni hech qanday filtr takrorlay olmaydigan imkonsiz ko'k-yashil rangni hosil qiladigan tarzda sochadi.

@Muhammad_Fozil

U yerga qanday borsa bo'ladi?

Vanaka Yangi Zelandiyaning Janubiy orolida joylashgan bo'lib, Christchurchdan taxminan to'rt-besh soatlik yo'l va Queenstowndan taxminan bir soatlik yo'l.
Transport imkoniyatlari:
1. Queenstown xalqaro aeroportiga (ZQN) uching - eng yaqin xalqaro darvoza, Vanakadan taxminan 60 kilometr uzoqlikda; Ijaraga beriladigan avtomobillar aeroportda mavjud va eng amaliy variant hisoblanadi.
2. Shaharlararo avtobuslar Vanakani Kvinstaun, Kromvel va Janubiy orolning boshqa yo'nalishlariga bog'laydi — chiptalar bir tomonga taxminan 15 dan 25 dollargacha.
3. Kvinstaundan ijaraga olingan avtomobil — ko'pchilik tashrif buyuruvchilar uchun standart yondashuv; standart avtomobil uchun kuniga 50 dan 100 dollargacha to'lashni kuting.
4. Vanakaning mahalliy aerodromiga charter manzarali reyslar havo orqali qo'nishni istaganlar uchun mavjud — va yaqinlashganda to'qilgan daryolar manzaralari unutilmas.
Treble Cone, Rob Roy muzliklari va Aspiring milliy bog'iga kirish uchun avtomobil juda muhim — bularning barchasi sizni ushbu fotosuratda ko'rsatilgan to'qilgan daryo manzaralariga yaqinlashtiradi.
Ushbu manzarani ko'rish uchun eng yaxshi vaqt
Ushbu fotosuratda ko'rinadigan oltin ranglar Otago vodiysidagi kuzga xosdir. Vodiydagi kuz ranglari aprel va may oylarida ajoyib ko'rinadi, bunda atrofdagi tumshuq va mahalliy o'simliklar chuqur kehribar va zang rangiga kiradi. Bu shuningdek, yelka mavsumi, ya'ni kamroq olomon va arzonroq turar joy degan ma'noni anglatadi.
Yoz (dekabrdan martgacha) fotosuratga olish uchun eng issiq harorat va eng musaffo osmonni taklif etadi, uzun oltin soatli derazalar dronlar bilan ishlash uchun idealdir. Qish atrofdagi cho'qqilarga qor olib keladi va landshaftni butunlay boshqacha manzaraga aylantiradi

U yerga borganda joylashish mumkin bo'lgan mehmonxonalar haqida

Wānaka ko'l bo'yidagi hashamatli mehmonxonalardan tortib mustaqil yotoqxonalargacha bo'lgan barcha byudjetlarga mos turar joylarni taklif etadi.
- Byudjet: Wānaka Backpacker va shunga o'xshash yotoqxona variantlari yotoqxonalarni bir kecha uchun 30 dollardan 45 dollargacha, alohida xonalarni esa 80 dollardan 100 dollargacha taklif qiladi.
- O'rta darajadagi: Wānaka ko'li bo'yidagi mehmonxonalar va mustaqil kvartiralar bir kecha uchun 150 dollardan 250 dollargacha, ko'l yoki tog' manzaralari esa bu narxda keng tarqalgan.
- Hashamatli: Wānakaning zamonaviy turar joylariga butik lojalar va bir kecha uchun 350 dollardan 600 dollargacha bo'lgan yuqori darajadagi dam olish maskanlari kiradi, ularning ko'plari bu mintaqani juda ajoyib qiladigan tog' va ko'l manzaralarini maksimal darajada oshirish uchun joylashtirilgan.
Fotograflar uchun amaliy maslahatlar
1. Dronlar Yangi Zelandiyada Fuqaro aviatsiyasi boshqarmasidan ro'yxatdan o'tishni talab qiladi — sayohat qilishdan oldin amaldagi qoidalarni tekshiring
2. To'qilgan daryolar ustidagi eng yaxshi havo nuri quyosh chiqqandan ikki soat o'tgach va quyosh botishidan bir soat oldin tushadi
3. Kuz (apreldan maygacha) ushbu fotosuratda ko'rinib turgan firuza suvi va oltin rangli o'simliklar o'rtasidagi iliq tonal kontrastni ta'minlaydi
4. Yer sathidagi daryo fotosuratlari uchun rezina etiklar juda muhim — shag'al tekisliklarga piyoda borish mumkin, ammo kanallar faol.
Muzlik daryosining chetida shaxsan turish — Janubiy Alp tog'lari osmoni ostida kumushrang-kulrang shag'al ustiga bo'linib, qo'shilib ketayotgan imkonsiz firuza suvini tomosha qilish — bu sizning miqyos tuyg'usini qayta tiklaydigan lahzalardan biridir. Yuqoridagi fotosurat ajoyib. Unda aks ettirilgan haqiqat butunlay boshqa narsa. Siz hech qachon fotosuratda xotirangizdagidan ko'ra ko'proq real ko'rinadigan joyda bo'lganmisiz? Vanaka aksincha ishlaydi.

Avvallari "eramizgacha" va "eramizning" deb nomlangan birikmadan keyin yillar oldiga yillar qo'yib gapirilgan. Ammo, vaqt o'tib dunyoda COVID19 pandemiyasi paydo bo'ldi va meningcha karatingacha va karantindan keyin so'zlari urf bo'ldi.
Iqtisodiyotni yaxshi tushunmasamda, shu davrda juda katta sotuvlarni amalga oshirib, psixologik bilimlar bilan ko'plab odamlarni boshqara olgan kompaniyalar marketingda qo'llaydigan bir nechta xiylalar haqida o'qib qoldim, eng achinarlisi, men ham bu "tuzoqlar" qurboni bo'lganman buni yashirmayman. Shunday ekan, ularni bo'lishgim keldi. Eslatib o'taman, bu effektlar va xiylalarning aniq nomlarini kamroq bilaman, shuning uchun ularning mohiyatini bilgan durustroq deb faqat shular atrofida to'xtalamiz bugun.

1. Yo'qotishdan qo'rqish. Ko'plab odamlarga "Do'stlaringiz shuncha topdi" yoki "Shuncha ishlab olishingiz mumkin" qabilida emas, "Buni bilmay, falon so'm yo'qotyabsiz", "Agar buni bilmasangiz siz falon bo'lolmaysiz" kabi narsalarni aytgan osonroq va beradigan "hook" kuchli bo'ladi. Odamlar, o'zlariga yangi narsa olish o'rniga qo'lida borini boy berishdan qo'rqishadi. Spoiler: Shu yerda bitta achchiq haqiqatni aytaman, siz nega hech qachon omonatga qo'ymasligingizga sabab shu, siz kelajakni uzoq taraflama ko'ra olmaysiz, shu ehtimol tufayli qo'lga pul kelib tushganda ehtiyojlar g'alayon ko'taradi va siz aynan kerak bo'lgan narsani keraksizdan ajratolmay xarajatlarga ko'milib ketasiz. Darvoqe, aynan shu haqida gaplashish kerak bo'lsa izohda yozing, alohida post qilaman

2. Proporsionallik. Men bu effektni shunday atadim. Ba'zilar "Benjamin Franklin" effekti deyishadi. Xullas, sizga bir marta yoki bir necha marta tekin taom/xizmat/kurs/va hokazo beriladi, ko'rsatiladi, foydalanasiz. Keyin nima bo'ladi? Ular sotuvda bundan yaxshisi bor ekanini aytishadi. Siz sotuvga bu sabab bilan emas "Ular menga nimadir berdi, taak manam ularga yaxshiligiga yaxshilik bilan javob berishim kerak" deysiz. Product sold!

3. Past narx. Ishoning, har qanday odatiy odam yuqori narx eshitganda "o'hhho" deb yuboradi bu shubhasiz. Ular esa, sizga bu narsani chiroyli tushuntirishadi: "Bizni 3 oylik kursimiz bor oyiga 400 ming, 6 oylik kursimiz bor, oyiga 350 ming, eng arzon taklif siz uchun, 1 yillik tarifimiz oyiga atigi 250 ming so'mdan" siz 250 mingni hali telefonni o'chirmay turib tanlaysiz, chunki bu qolganlariga nisbatan past narx. Yangi asar o'qiyabman shu desangiz, 1 oyda tugatishim uchun men kuniga 14 daqiqa o'qishim kerak, 14 daqiqa. Bundan mantiq shuki, kitob 400 betdan ko'proq, yashirib nima qildim, 442 bet ekan, 14 daqiqadan o'qisam 1 oyda tugataman. Tomchilar ko'lga aylanadi.

Siz yana nimalarni bilasiz bunga o'xshash? Men bilgan va esimda qolganlarini bo'lishdim. Boshqa ortiqcha narsa yo'q va men ham sizga nimadir sotmoqchi emasman. Shunchaki, o'ylab olishga sizda vaqt bo'lsa, xato qilmang deyman. Bor gap shu.

@Muhammad_Fozil

O'qish "Angry birds" o'yiniga o'xshaydi. Boshida bosqichdan 3 ta yulduzcha bilan o'taman deysan-u, oxirida zo'rg'a o'tib olganingga shukr qilvorasan

@Muhammad_Fozil

Oxir oqibat ular baribir sizni muhokama qilishadi, shuning uchun o'z hayotingizni yashang

@Muhammad_Fozil

Oyoq kiyimi toza odam loyni ehtiyotkorlik bilan aylanib o‘tadi.

Lekin bir marta oyog‘i toyib, poyabzalini bulg‘asa, u endi unchalik ehtiyot bo‘lmay qo‘yadi. Oyoq kiyimi butunlay loy bo‘lganini ko‘rgach esa, battar bulg‘anayotganiga qaramay, loy kechib ketaveradi.

Inson ham yoshligida, hali yomon va buzuq ishlardan pok ekan, har qanday yomonlikdan o‘zini tiyadi, chetda yuradi. Ammo bir-ikki marta adashsa, «ehtiyot bo‘lsang ham, bo‘lmasang ham baribir emasmi» deb o‘ylaydi-da, o‘zini barcha qusurlarga bandi qiladi. Sen bunday qilma. Bulg‘andingmi — artib tashla va yanada ehtiyotkor bo‘l; gunoh qildingmi — tavba qil va o‘zingni gunohdan yanada qattiqroq asra.

Lev Tolstoy
«Hayot yo‘li»

BAHO

Odamzod qavmiga tashlasang nazar,
G‘oyatda o‘xshashdir ularning turqi.
Ammo siyratiga razm solsang gar,
Tamom boshqa erur atvori, xulqi.

Biri oqil bo‘lsa, o‘zgasi nodon,
Biri mahmadona, biri ginachi.
Birovi bosiqdir misoli karvon,
Birovi betayin, go‘yo ninachi.

Odam suvratiga ishonmang aslo,
Uchragan har kimsa bo‘lolmas hamdam.
Ajib ulfat erur tund kishi goho,
Balki qiziqchining ichi to‘la g‘am.

Yashaymiz, kimnidir nazarga ilmay,
O‘tib boraverar quvonchlar, g‘amlar.
Hayot shu, ko‘pincha, aslini bilmay,
Bir-birin baholab yurar odamlar.

✍️ Abdulla Oripov

@Muhammad_Fozil

Agar inson baxtsiz boʻlsa, uni baxtli qilishni xohlaydigan kimdir paydo boʻladi deb oʻylash ahmoqlikdir. Hech kimning boshqa birovning ichki xotirjamligi uchun kechayu kunduz kurashishga na kuchi, na sabr-toqati, na his-tuygʻulari yetadi. Haqiqiy muhabbat oʻz-oʻzi bilan yolgʻiz qolganda ham baxtli boʻlishni biladigan, ruhan toʻkis insonlar oʻrtasida boʻlishi mumkin. Uchrashib, bir-birlarini sevib qolgach, ular baxtlarini yanada koʻpaytirish uchun hayot yoʻlidan birga borishga qaror qiladilar.

Elchin Safarli
“Menga dengiz haqida soʻzlab ber”

@Muhammad_Fozil

Boridan foydalanmaslik afsuslantiradi

Bugun har qadamda topiladigan muhim narsalar haqida gaplashamiz, ammo ba'zida mavzu poyma-poy ketib qolishi mumkin, garchi mohiyat bitta.

Anchandan buyon shaxsiy kundalik yuritaman. Yozib boraman o'zimga kerakli(ba'zida keraksiz, stress paytida kelgan fikrlarni) narsalarni. Bular bir kuni hayotda asqotadimi yo'qmi bu ma'lum emas, lekin 1 oy ichida xotiraning yaxshilanib qolgani menga muhim va kerakli narsa bo'ldi.

Atrofda pullik kurslar bilan birgalikda bepul vositalar bor. Ko'pincha biz tekin kontentni ham sifatlisini iste'mol qila olmaymiz eplab. Avvalgidan ko'ra hozir har tomonlama qidirish-qidirmasdan qat'iy nazar bepul vositalar ko'p, ular orqali ancha narsani boshlang'ich o'rganib keyinchalik to'xtatib bo'lmas darajaga chiqsa bo'ladi

Foydalanish uchun turli darslarning namunalari bepul qo'llanmalar qaysidir tanishimiz qachondir o'qiysan deb bizga bergan, sovg'a qilgan kitobi, boshqa har xil narsalar - xullas foydalanmasak ular keraksiz buyumdek hayotda.

Qo'rqinchli tarafi, miyani ham buyum qatoriga qo'shilib qolishi. Buni oqibatida bor diqqat mushaklari ishdan chiqishi, o'zdan qoniqmaslik, qoniqqan va o'zini tuta bilganlar storisi ga "yoqtirma" bosib o'tirish.

Men falsafa so'qib, o'zimdan kimnidir yasab olmoqchi emasman, oxirgi xulosa, ming marta eshitgan bilan bir marta ko'rgan yaxshi va albatta bularni qo'lda yozib chiqsa, bir ustozim menga aytganidek "bamisoli qalbga yozilgandek" bo'ladi. E'tibor bering, kundalikka choy to'kib yuborsangiz, iflos bo'lsa g'ashingiz keladi shundaymi?
Bo'lmag'ur narsalarga alohida kundalik, o'rganish uchun alohida kundalik, ichdan quyilib kelgan fikrlar uchun alohida kundalik yo tuting yoki hammasini bitta daftarni turli sahifalarida aks ettiring.

Kelajakda matn o'qiydiganlar va diqqatini jamlay oladiganlar axborot oqimida yashab qola oladi degan gapni isboti bo'lib qolasiz. Bu eng to'g'ri yo'l fikrimizcha.

@Muhammad_Fozil

Kimdandir ko‘nglingiz sovusa, gap uning yomonligida emasligini anglaysiz. Ayb o‘zingizda — unga loyiq bo‘lganidan ortiqcha qadr bergansiz va u ko‘tara olmaydigan fazilatlarni undan kutgansiz.

✍️Ivan Turgenev

@Muhammad_Fozil

So’ngi (ogohlantiruvchi) qo’ng’iroq

Bugun oxirgi qo’ng’iroq chalinadi.
Kimdir ko’zida yosh bilan sinfdoshlarini quchib xayrlashmoqda. Kimdir oxirgi marta sinf derazasidan tashqariga qarab o’tiribdi.

Doimo yoshlarga ilm-u ma’rifat ulashish bilan birgalikda o’z tajribamdan kelib chiqib hayotiy tavsiyalar berishga ham haqliman deb o’ylayman. Chunki mening lavozim yo’riqnomamda viloyatimiz yoshlarini to’g’ri yo’lga chorlash yozilgan.

Men maktabni bitirganimga 13 yil bo’ldi. 13 yilda maktabni bitirish arafasidagi ukalarimga hayot davomida kerak bo’luvchi gaplarni aytish uchun yetarlicha tajriba to’planar ekan.

Bu yillarda juda ko’p narsa ko’rdim. Ba’zi odamlarni ushlab qolishim kerak edi, lekin la’nati mag’rurligim sabab qo’yib yubordim.
Ba’zilarini esa allaqachon qo’yib yuborishim kerak edi, lekin ular hali ham men bilan.

Shu 13 yil ichida angladimki hayot odamni bir kunda sindirmaydi. Mayda-chuyda noto’g’ri qarorlar sekin-sekin o’z ta’sirini o’tkazib boradi. Bir paytlar “hech narsa bo’lmaydi” deb qilingan xatolar keyinchalik taqdirga aylanadi.

O’smirlik paytida odam o’zini abadiy navqiron deb o’ylaydi. Go’yo vaqt hech qachon tugamaydigandek. Go’yo ota-onang doim yoningda bo’ladigandek. Do’stlaring hech qachon o’zgarmaydigandek. Sog’liging va kuching ham cheksizdek tuyuladi.

Bir kuni uyg’onasan-u qarasang maktabni bitirganingga 13 yil bo’libdi. Kecha sen bilan bir sinfda o’tirgan bolalarning ba’zilari bugun to’g’ri yo’lda boshini tik tutib yuribdi, ba’zilari esa ichida alam bilan yashamoqda, boshqasi esa bu hayotdan ko’z yumgan bo’ladi.

Jon ukalar, ishoninglar, sizni mag’lubiyatdan ham ko’ra ko’proq qiynaydigan bir narsa bor, bu ham bo’lsa “Qaniydi…” degan gap.

Qaniydi o’shanda vaqtni bekorga sovurmaganimda. Qaniydi onam bilan qo’pol gaplashmaganimda.
Qaniydi otamning gapini ko’proq eshitganimda. Qaniydi ko’proq kitob o’qiganimda. Qaniydi o’zimni isloh qilishni ertaroq boshlaganimda. Va yana minglab shunday “qaniydi…”lar.

Yelkasiga “Bitiruvchi” deb yozilgan tasma ilgan ukalarim, hozir qilayotgan har bir odatingiz kelajakdagi taqdiringizni qurmoqda. Har bir dangasalik, har bir bekorchi davra, har bir noto’g’ri tanlov, ota-onaga qaytarilgan har bir gap bir kuni oldingizdan chiqadi. O’shanda hayot kechirmaydi.

Haqiqiy kuch - ko’chada “krutoy” bo’lish emas, nafsingni yenga olishing, vaqtingni qadrlashing, ota-onangni rozi qilishing, ilming, vijdoning va eng qiyin paytda ham yengilmagan iymoningdir.

Bugun eng ko’p takrorlanadigan jumla “katta hayotga qadam qo’yish” degan gap. Lekin agar o’sha katta hayotda to’g’ri qadam bosmasangiz hayot sizni o’z qadamlari bilan ezg’ilab tashlaydi.

Bir kun kelib siz ham ortga qaraysiz. O’shanda yuragingizda pushaymon emas, faxr ko’proq bo’lishi uchun bu gaplarni aytayapman. Chunki vaqt juda shafqatsiz narsa.

U hech kimni kutmaydi. Siz hali ulguraman deb yurganingizda, u sekin-sekin eng qimmat narsalaringizni olib ketadi.

Odam yoshligida yo’qotish degan narsaga ishonmaydi. Hammasi doimiydek tuyuladi. Lekin hayotning eng katta zarbasi ham shunda:
u “abadiy” deb o’ylagan narsalarimiz vaqtinchalik ekanini isbotlaydi.

Bunaqa gaplar bilan sizni qo’rqitmoqchi emasman, uyg’otmoqchiman.

Chunki hozir “hali vaqt ko’p” deb yurgan bola, oradan 10 yil o’tib o’sha vaqt uchun hamma narsasini berishga tayyor bo’ladi.

Ishoninglar, insonni charchatadigan ish emas, tartibsiz hayot ekan. Sindiradigani yo’qchilik emas maqsadsiz yashab yuborilgan yillar ekan. Qaritadigani o’sha yillar emas pushaymonlar ekan.

Hamma ham sizni yaxshi ko’rmaydi. Hamma ham siz bilan oxirigacha bormaydi. Atrofingizdagi ko’pchilik foydangiz tegishi mumkinligi uchungina siz bilan.

Eng paradoksal holat esa aynan o’shalar yiqilishingizni eng ko’p kutadiganlardir.

Hozir aytgan gaplarimni balki unutib yuborarsiz. Lekin oradan yillar o’tib shiftga termulib yotganingizda aynan bugungi kunlaringizni eslaysiz. O’shanda o’zingizdan uyalmaydigan hayot quringlar.

Mayli, o’zingizni ehtiyot qiling, qalbingizni, vaqtingizni ham. Siz hali zo’r inson bo’lasiz! Bitiruv oqshomingiz muborak bo’lsin!

@sheroziy_fikri

Kitobxon qizga

Uylanaman!
Menbop qiz darkor,
Xohi sodda , xoh bo'lsin makkor.
Zarari yo'q qilsa ko'p pardoz,
To'poriroq yursa,
Qaytam soz.
So'z bermasin men-chun o'lgani,
She'r o'qishni suysa bo'lgani.
Xullas,
Bitta she'rxon qiz kerak...
Ana-a! Menga xuddi Siz kerak!


©Anvar Obidjon.

@Muhammad_Fozil

P/s: she'r shunchaki yoqdi, yosh kitobxon g'olibi Jasurbekdan oldim

Agar "Ikki eshik orasi" asari qahramonining telegrami bo'lganida...

@Muhammad_Fozil

"Mutolaa" jamoasi a'zosi va Yosh kitobxon respublika bosqichi sovrindori O'g'uljeren Xoldurdiyevani taniysizlarmi? Shu kishi kanalida yaxshi challenge boshlavoribdi. Shu desangiz, menga qiziq bo'lgan tarafi final bosqichi.

E shoshmang nimani finali haqida gap ketyabdi desangiz oldin shu kanalga o'tib o'zidan hamma ma'lumotni bilib olib keyin kanalga a'zo bo'lib "pin" qilib qo'yekkon joyi.

Hammani chaqiringlar, bu kishi faollikka qarab ishni yurgizadi buyog'iga meni uyaltirmay aktiv bo'lib beringlar, shu challenge bahona biz ham Toshkentda ko'rishsak nasib

Inson tabiati qiziq: ahvoli yaxshilangani sayin ehtiyojlari ham cheksizlashib boradi. Kecha u uchun ulkan muruvvat bo‘lib ko‘ringan narsa, ertaga oddiy bir majburiyatga aylanadi. Eng yomoni, vaqt o‘tib buni shunday bo‘lishi shartdek qabul qiladi-yu, zarracha minnatdorchilik bildirishni ham ortiqcha ko‘radi.

©Mixail Zagoskin

@Muhammad_Fozil

Eh bolakay, bolakay, kulgularingni qancha yaxshi ko'rishimni bilsang edi...

©Antuan de-Sent Ekzyuperi

P.s: 1-iyun - Bolalarni himoya qilish kuni muborak bo'lsin!

@Muhammad_Fozil

Inglizlarda: "Goodbye, see you later!"

Ruslarda: "До свидания!"

Turklarda: "Hoşça kal, görüşürüz!"

O'zimizda: "Bo'pti gaplashamiz, yaxshi yetvol, ha aytgandek, uydagilarga salom ayt, payshanba kuni anu Rustam akani tom bosib o'tib qolgan o'g'lini janozasidan chiqqandan keyin, asrdan chiqishga Beshim akani choyxona o'tirishiga xizmat qib qo'yish kerak, bollarni yig'ib, xizmatdan keyin uyga o'tarsan osh qilib beraman!"

P.s: juda sertakallufmizda...

@Muhammad_Fozil