⚡️ «Professional Start» loyihasida qatnashing va yangi o’quv yilini o’zgacha ishonch bilan boshlang!

Sizni Zamonaviy Pedagog kursi ustozlaridan BEPUL 1 haftalik jonli darslar kutmoqda!

Loyiha davomida siz:
— 4 nafar spikerdan pedagogika bo’yicha amaliy darslar
— 1 hafta davomida jonli mashg’ulotlar
— Darsda darhol qo’llashingiz mumkin bo’lgan tayyor metodik qo’llanmalar
— Zamonaviy Pedagog kursi uchun maxsus vaucherlar
— 20 nafar ishtirokchiga pedagogik kitoblar sovg’asi

🎁 Siz ham qatnashing va asosiy sovg’alarimizni qo’lga kiriting!

Yangi o’quv yilini kuchli boshlang — o’zgacha ishonch bilan!

Bunday imkoniyatni boy bermang 👇
@professionalstart_bot
@professionalstart_bot
@professionalstart_bot

Ertaga boshlaymiz!

Darslarimizni ertadan o’zim boshlab beraman. Bu darsdan keyin birinchi dars va haftangiz butun yilingizga ijobiy ta’sir o’tkazadi.

Bu darslikni 200 atrofida ustozlarga jonli o’tib bo’ldim. Endi faoliyatini boshlayotganga ham, katta tajribali ustozlarga ham juda manfaatli bo’ldi.

Sizchi? Yopiq guruhga qo’shilishga ulgurdingizmi?

Yopiq guruhga qanday qo’shilsam bo’ladi?

Izohlarda ko’pchilik ustozlar shuni so’rashibdi.

1. Avvalo botga kirib start tugmasini bosasiz.

2. Bot sizdan 4 ta kanalga obuna bo’lishingizni so’raydi, har biriga a’zo bo’lishingiz shart.

3. 4 ta kanalga a’zo bo’lganingizdan so’ng. Bot sizga link jo’natadi. Shu linkni ustozlarga jo’natasiz. Kamida 5 ta ustoz siz yuborgan bot orqali yuqoridagi 4 ta kanalga obuna bo’lsagina, keyin sizga yopiq guruhga link beriladi.


Faqatgina o’zingiz 4 ta kanalga a’zo bo’lishingiz yoki undan keyin 5 ustozga yuborib qo’yishingiz yetarli bo’lmaydi.

Shartlar to’liq bajarilgandan keyingina guruhga link ololasiz ustozlar.

Hammangizga omad, sizlarni ertangi darsimizda kutib qolamiz. Tezroq harakat qiling biz 200 ga yaqinlashib qoldik)

O'zimizning ayblarimizga chidayapmiz. Balki sezmayapmiz ham. Balki, uning ayblariga ham shuni qo'llarmiz?

Aziz aka Rahimovning shu iqtiboslarini nafaqat oila a’zo va do’stlarimizga balki o’quvchilarimizga ham qo’llasakchi?

Birinchi dars — yil taqdiri: uni qanday o‘tkazasiz?

70–80% talabalar o‘qituvchi haqida ilk taassurotni 5–15 daqiqada shakllantiradi.

1 ta salbiy taassurotni tuzatish uchun 20 marta ijobiy aloqa kerak bo‘ladi.

65–70% o‘quvchilar yil davomida o‘qituvchini shu taassurot asosida baholaydi.

Xulosa: Ilk darsingiz = eng muhim darsingiz!

Muhimligini bilamiz, ammo birinchi darsni qanday o‘tkazishni aniq bilmaymiz.

Shu sabab men, “Zamonaviy Pedagog” kursi asoschisi, Muhammad Uralov, siz uchun maxsus qo‘llanma tayyorladim.

Qo‘llanmada — birinchi darsni samarali o‘tkazish bo‘yicha aniq, amaliy va oddiy ko‘rsatmalar berilgan.

Ustozlar guruhiga ulashib qo'yishni unutmang.

@MuallimMuhammad

Ish e’lonlari chiqarayotganda talablari ichiga “stressga chidamlilik”ni qo’shgan maktablarda yo oylik kechikadi yoki rahbariyat keraksiz bosimlarni ko’p bersa kerak deb o’ylab qolaman😅

Bo’lmasa biz ustozlar kamdan-kam bolalar bilan erkin ishlab stressga tushsak kerak.

@MuallimMuhammad

Birinchi darsni qanday o’taman 2-qism

Ertaga birinchi darslarimni boshlayman. Shaxsan o’zim nimalar qilaman?

1. Ismlarni yodlayman
Darsimga kiradigan barcha bolalar ismlarini rasmiga qarab yodlab olaman. Hamma ustozlar “o’zingizni tanishtiring” deb qayta-qayta so’rayveradigan kunda men ularni tanib darsga kiraman. Noodatiylik hissini beradi sizga nisbatan.

2. Tartib-qoidalar
Bolalarni 4-5 guruhga bo’lib, sinfimizda nimalar qilish mumkin va mumkin emasligini muhokama qilib yozdiraman. Keyin barchasini o’qib, mos keladiganini olaman, qolganiga o’zimnikini qo’shaman. Bolalar o’zlari qoidalarni tuzishdagi ishtiroki tufayli amal qilishlari oson bo’ladi.

3. Jazo va mukofotlar
Belgilangan qoidalarga amal qilmasa nima jazo beriladiyu, qilinsa nima mukofotlar bor? Buni ham guruhlar miqyosida muhokama qilamiz. Yakuniy xulosani ulardan eshitgan holda o’zim beraman. Ham o’yin, ham guruhda ishlash, ham fikrlashga undash, ham tartib joyiga keladi.

4. Tarix nega kerak?
Bu mavzuda dars o’tib beraman. 5-6 ta muhim sabablar keltiraman. Bolalar tarix o’qimasa nima yo’qotishi mumkinligini anglataman. Buni butun fanga bir marta o’taman. Har bir mavzuga ham so’rab qolishsa, “fanni tushuntirganman, mavzu esa fanning bir bo’lagi” deb javob berib ketaman.

5. Qayerga boramiz?
Bir yillik yo’lni ko’rsataman. Nimalar qilamiz? Nimalarni o’rganamiz? Qanaqa inson bo’lib chiqamiz bu xonadan?

6. O’zimni tanishtiraman
Yo’q, ism-familiyam va qiziqishlarimni emas. Xarakterimni va men bilan qanday muomala qilsa ishlash osonligini o’rgataman.

Masalan: “Jahlim tez chiqishi mumkin, shu vaqtda talashmang. Ozgina vaqtdan keyin oldimga yolg’iz kelib, xato qilgan bo’lsam tushuntirsangiz, kechirim so’rashdan uyalmayman” deyman.

7. Ulardan kutuvlarim
Maqsadim ilm va xarakter shakllantirish ekanligini, qadriyatlarimizga amal qilishlarini, ulardan yuqori kutuvlarim borligini va buning sabablarini tushuntiraman. Ustoz-shogird an’anasini tushuntiraman va bunga amal qilishlarini kutishimni aytaman.

Xato qilish xonamda tabiiy qabul qilinishini, uyalish va kibrni tashqarida qoldirishlarini, xato qilsa tan olishlarini, mardlik va himmatni ulardan kutishimni uqtiraman.

8. Kimni aytgani bo’ladi?
Meni ham sizni ham xohlaganingiz bo’lmaydi. Sizni ta’lim va tarbiyangiz uchun nima yaxshi bo’lsa shu bo’ladi. Men aytganim xato bo’lsa mantiqiy asos keltira olsangiz o’zgartiramiz deyman.

@MuallimMuhammad

Bizda imkoniyat ko’proq!

Albatta, sabr qiluvchilarga ajrlari hisobsiz, so‘zsiz to‘liq berilur.

Zumar surasi, 10-oyat

Ana o‘shalar sabr qilganliklari sababli jannatdagi baland koshona bilan mukofotlanurlar va unda salom hamda omonlik bilan kutib olinurlar.

Furqon surasi, 75-oyat

Sabr nima? Hissiyot va nafsni aql hamda shariat mezonlariga bo‘ysundirish, o‘zini boshqara olish kuchi.

Alloh taolo deyarli barcha amallar uchun ma’lum miqdorda savob belgiladi, sabrning savobi esa cheksiz.

Sabr qachon qilinadi? Mashaqqatda!

Bolalar sho‘xligiga chidaganingizda, bir mavzuni qayta-qayta turlicha tushuntirganingizda, ularning xatolarini kechirganingizda, injiqliklariga chidaganingizda, charchasangiz ham darsga sifatli tayyorlanganingizda, natijani uzoq vaqt mehnat qilib kuta olganingizda siz sabr qilyapsiz.

Bu orqali Alloh taologa sevimli bo‘lyapsiz.

Biz ustozlarda bunga imkoniyat (mashaqqat) ko‘proq. Foydalanaylik. Sevimli ustoz va inson bo‘laylik.

O‘quv yilingiz xayrli bo‘lsin!

@MuallimMuhammad