Agar bugun maktab qurmasak, ertaga qamoqxona qurishga to‘g‘ri keladi.

Bismark: Germaniyani birlashtirgan bosh vazir.

Balki shuni: bugun sifatli maktab qurmasak, infrastrukturaga e’tibor bermasak, ta’limga moliya ajratmasak, ustozlarga erkinlik berib, ta’limga e’tibor bermasak, ertaga qamoqxona quramiz, deb o‘zgartirish kerakdir.

@MuallimMuhammad

Yaxshi dars o’tishning ikkita sharti bor:

1. Yakshanba kuni haftalik darslarga tayyorlanib olish.

2. Har kuni yetarlicha uxlash.

Birinchisi darsni sodda va qiziqarli o’tishga imkon beradi. Ikkinchisi ustoz o’zini va bolalarni samarali boshqarishiga yordam beradi.

@MuallimMuhammad

Darsga qanday tayyorlanaman?

Aytaylik, tarixdagi “Yuz yillik urush” mavzusini olamiz.

1. Darslikda berilgan ma’lumotlarga ko‘z yugurtirib chiqaman. 5-6 ta savol tug‘iladi: nega degan? Google, ChatGPT va YouTubedan javobini qidirib topaman.

2. Qo‘shimcha ma’lumot uchun YouTubedagi ingliz tilida tarixiy kanallardan videodarslar ko‘raman. Ba’zan Googledan o‘qiyman.

3. Har bir mavzudan bir personajni ajratib olaman va uni chuqurroq o‘rganaman. Bu mavzuda Janna d’Arkni. Hayoti va faoliyatini o‘rganaman. O‘zim va bolalar uning hayotidan nima olishi mumkin? Nimada namuna bo‘la oladi bizga degan savol bilan qidiraman.

4. Mavzu yaxshi o‘zlashtirilgandan keyin darsni boshlash uchun “hook” qidiraman. Mavzuni qanday boshlasam, bolalarga qiziqroq bo‘ladi, degan savol muhim. Qiziqroq video, rasm, mem, savol yoki fakt topaman.

5. Darsni boshida, o‘rtasida va oxirida qanday metodika qo‘llasam bo‘ladi? Bu mavzuga mos qanday metodikalar bor? Bolalar zerikib qolsa, nima o‘yin o‘ynatishim mumkin?

6. Mustahkamlash uchun guruh bo‘lib ishlatsammikin yoki yakka tartibda? Tanlayman va shunga mos metodikada mavzuni so‘rab olaman.

Bu ideal darsga tayyorlanish jarayonim. Men har doim ham bunga 100% ulgurmayman. 2-3 soat ketadi.

Chunki 15 ta sinf, 30 soat dars olganman. Shanba-yakshanba esa tushlikdan keyin ustozlarga mentorshipda dars o‘tamiz. Bu shanbadan tushlikkacha butun maktabga “Zakovat” qilishni ham boshlaymiz. 25-sentabrdan boshlanadigan onlayn darslarimizga ham tayyorgarlik boshlangan. Work-life balance biroz buzilgan, qisqasi)

Idealda 100% bo‘lmasa ham, kamida 70% tayyor bo‘lsangiz, darsingiz yomon o‘tmaydi. Siz-chi darsga qanday tayyorlanasiz?

@MuallimMuhammad

Komentlarda savol ko‘p kelibdi: “Yangi ustozman, nima qilay?”

Siz uchun 5 ta muhim maslahatni berdim. Amal qilsangiz, 2 yilda eng zo‘rlaridan bo‘lasiz.

1. Yangi ustoz bo‘lganimda haftalik eng ko‘pi 15–20 soat dars olardim. Kam dars olib, juda ham sifatli tayyorlanardim.

5 soatlik sifatli darsga 5–6 soat tayyorgarlik kerak. Uy, dam haqida unutish kerak. Lekin yetarli uyquni emas.

2. Har kuni darsimga bir-ikki eng zo‘r hamkasblarimni kuzatuvga taklif qilardim. Kirmasa, majburlab bo‘lsa ham olib kirib, darsimni tahlil qildirardim. Balki sovg’a berib)

3. Ingliz tilini o‘rganib, pedagogikaga oid kitoblar, saytlar va bloglarni kuzatardim. 5 soat darsga tayyorlansam, 1 soat pedagogika bo‘yicha o‘qirdim.

4. Bor pulimni o‘zimga tikardim. Yaxshi ustozlardan konsultatsiyalar sotib olardim. Hamkasblarim bilan maktabning o‘zida kichik ustozlar jamiyati tashkil qilib qo‘yardim.

5. Eng muhimi, ertaga qabul ochilishi kutilayotgan “Zamonaviy pedagog” kursimizda aniq o‘qigan bo‘lardim. Bu o‘zi boshqa daraja. Bir oyda aniq boshqa ustoz bo’lib chiqasiz)

@MuallimMuhammad

Yilning eng oxirgi imkoni

"Zamonaviy Pedagog" 12-guruhiga qabulni boshladik!

Jamoa bilan qattiq tayyorlandik. Ko'plab yangiliklar qo'shdik.

💡Atigi 1,5 oyda:
— Sho‘x o‘quvchilarni boshqarasiz
— Interaktiv metodlarni qo‘llashni o‘rganasiz
— O‘quvchilarni ushlab qolib, yangilarini jalb qilasiz
— Qiziqmaydiganlarni darsga qiziqtirasiz
— O‘zingizga ishonchingizni oshirib, daromadingizni ko‘paytirasiz, inshaAlloh!

Ushbu linkda kurs vaqti, boshlanish kuni, dars rejalari haqida batafsil ma'lumot olishingiz mumkin:

👉 Ustiga bosing

Kursga ro'yxatdan o'tish uchun:

👉 https://forms.gle/9GARNb5iFkqm28f38

Ha, 2025-yilda boshqa kurs o’tmaymiz. Sevimli ustoz bo’lish uchun so’nggi imkon bu)

@MuallimMuhammad

Boltangizni charxlang

2 yil oldin 700–800 $ oylikka ishlayotgan vaqtim 1 500 $ lik mentorship sotib olgandim. Daromadimdan 2 barobar ko‘proq pulga.

Ota-onamni ishontirish qiyin bo‘lgan, 2–3 oy faqat qarz to‘lash uchun ishlaganman. Natija 1 yilda sezilgandi. Daromadim 1 500 $ gacha ko‘tarilgan. Ilm orqali o‘zimga ishonch kelgan, networking shakllangandi.

Bu yoz ham keyingi darajaga chiqa olmay qolib ketayotganimizni sezdik Moxir bilan. Yozda daromadimiz bo‘lmasa ham “Zamonaviy pedagog” hisobidan shu loyihani rivojlantirish uchun 3 000 $ ga kurs sotib oldik.

Angliyadan 500 $ ga kitoblar olib keldim. Ma’lum miqdor qarzga ham kirdim.

Menga topayotgan daromadimni, daromadim kelayotgan joyga tikish eng ko‘p foyda olib kelgan.

Dars berishdan daromad qilamanmi? Demak, darsimni sifatliroq o‘tishga yordam beradigan kurs, kitob, konsultatsiya, mentorshiplardan pul ayamayman. Natija 1–2 oyda ko‘rinmaydi, lekin uzoq muddatda albatta keladi.

Oylik 3 mln olsa ham bir yilda 30 mln daromad. Lekin shuning hech bo‘lmasa 1/10 qismini o‘z darslarimizni yaxshilash uchun tikmaymiz ba’zan. 3 mlnni qimmat hisoblaymiz. Lekin 10 oy o‘z darslarimizdan o‘zimiz zerikib, bolalar bilan chiqisha olmay, o‘z-o‘zimizdan qoniqish hissi bo‘lmasdan o‘tkazamiz. Bir amallab darslarimizni tugatamiz va yil oxirida “nima bo‘lsa ham ishimizni yo‘qotib qo‘ymaylik, dars soatimiz qisqarmasin” deb yuramiz. Yoki yaxshi maktablarga baland oylikka ishga kira olmaymiz.

Kiyinish, yeb-ichish, to‘y-hashamga millionlar yig‘amiz. Ta’limga kelganda ziqnaligimiz tutadi. Orqasidan “ustozlar daromadi kam, obro‘si yo‘q” deb nolib ham qo‘yamiz.

Men aynan bizning kursni sotib oling demoqchi emasman. Xohlaganingizni oling. Lekin investitsiya kiriting o‘zingizga, ustozlar. O‘z bilimingizdan pul ayamang. Qadringizni ilm bilan oshiring.

“Agar menga daraxtni chopish uchun 6 soat berishsa, men dastlabki 4 soatini boltani charxlashga sarflayman”,

degandi Linkoln. Siz ham “boltangizni” charxlang. O‘tmas bolta bilan maktabga bormang, ustozlar.

@MuallimMuhammad

Eng, eng, eng

6-oktabrda boshlanadigan 12-guruh Zamonaviy pedagog kursimiz hozirgacha bo‘lgan darslarning eng zo‘ri bo‘ladi, inshaalloh.

Bu kurs bizning eng ko‘p tayyorlangan, eng ko‘p sarmoyamiz ketgan, eng ko‘p jamoa ishlagan, eng ko‘p ustozlar dars beradigan va yana bir necha “eng ko‘p” nominatsiyalarida mutlaq rekordchi kursimiz bo‘ladi.

Moxir bilan bu kursni qanday qilib yanada yaxshiroq qilsak bo‘ladi, deb ko‘p o‘yladik. Vaqtlari juda kam bo‘lishiga qaramasdan, Aziz aka Rahimovni mehmon spiker bo‘lishlariga kelishib oldik.

Offline kela olmaydiganlarga online translatsiya qilamiz. Kelganlar esa o‘zlariga o‘xshash intiluvchan ustozlar va Aziz aka Rahimov bilan tanishish imkoniga ega bo‘ladilar.

Ro‘yxatdan o‘tishga ulgurmagan bo‘lsangiz, shoshiling – atigi 4 kun qoldi.

👉https://forms.gle/9GARNb5iFkqm28f38

@MuallimMuhammad

Hamkasbim haftada uch kun ertalab 6:45–8:00 da futbol o‘ynaydi. 2006-yildan beri.

Bizning bu an’anani boshlab bergan odam 85 yoshlarida futbol o‘ynardilar. Shu vaqtda vafot etganlar, dedilar.

Shayximiz 63 yoshlarida basketbol o‘ynaganlaridan keyin vafot etganlarini eshitgandim.

Ikkisini ham eshitib, rosa ta’sirlandim. Qanday go‘zal xotima. 60 yoshida ba’zilar hassasida ham yurolmayotganda, siz 85 yoshingizda futbol o‘ynasangiz. Hech kimga suyanib qolmasangiz. O‘zingizni ko‘tarib yura olsangiz. Sifatli qarilik gashtini sursangiz.

Mendagi eng katta fobiya ham shu — kimgadir suyanib qolish, o‘z-o‘zimni nazorat qila olmaslik. O‘zi asrasin.

Bu haqida suhbatlashib kelayotganimizda biz ikki kun dengiz sathidan 850 metr balandlikda futbol o‘ynab qaytayotgan edik. Futbolni ko’paytirishga kelishib oldik.

Sifatli qarilik uchun hozirdan sportni prioritet qilmasak bo‘lmaydi. Ayniqsa, bizdek aqliy mehnat bilan shug‘ullanuvchi ustozlar sportsiz uzoqqa borolmaymiz.

@MuallimMuhammad

So’nggi imkon

Kursimiz boshlanishiga 1 kun qoldi. Kuchli ustozlar jamoasi yig’ilmoqda. Joylar kam qoldi.

Kurs haqida ma’lumot:
1. Ustoz-shogird munosabatlari. Bolalar bilan qanday munosabat o’rnatish kerak? Yaqin bo’lish yoki masofa? Jazolar va mukofotlar qachon, qanday shaklda berilishi kerak? Qanday sevimli ustoz bo’laman?

2. Darsga to’g’ri tayyorlanish. Darsning boshi, o’rtasi va oxiri qanday bo’lishi kerak? Nima qilsak, ham qiziqarli, ham samarali dars bo’ladi?

3. Kreativlik. U o’zi nima? Qanday kreativ bo’lsam bo’ladi? Bizdagi metodikalardan tashqari o’zingiz ham metodikalar yarata oling. Borlarini sinfingizga moslashtira oling.

4. Karyera. Qanday qilib ta’lim sohasida o’sish mumkin? Qanday qilib daromadni oshirish mumkin?

17 ta darsda shu 4 yo’nalishni chuqur ko’rib chiqamiz. 16 ta dars onlayn, bitta Aziz akani darslari offlayn bo’ladi. O’zingizga o’xshash kuchli ustozlar bilan tanishib, savol-javoblar qilish imkoni bo’ladi.

Doimiy darsda qatnashsangiz, vazifalarni bajarsangiz va bilimlarni amaliyotga tatbiq etsangiz, 1,5 oyda aniq boshqa ustoz bo’lib chiqasiz. Sevimli ustozga aylanasiz!

Barcha 1,5 oylik bilimlar narxi — 100$. O’zgarishga tayyor bo’lsangiz, bu kurs sizdagi muammolarga yechim bersa, @MuhammadUralovv hoziroq aloqaga chiqing. Kurs pulini ikkiga bo’lib to’lash imkoni ham bor.

400 dan ortiq ustozlar yozilgani uchun hammaga aloqaga chiqishga ulgurmayapmiz. Bu, yil uchun so’nggi kursimiz.

@MuallimMuhammad

U sizning do’stingiz emas!

O’z do’stlarimiz, tengdoshlarimiz bilan munosabatga kirisharkanmiz yoshimiz, hayotiy tajribamiz, aql-farosatimiz o’zaro yaqinroq bo’lganligi uchun ular qilgan xatolardan xafa bo’lishimiz, buni ularga sezdirishimiz va ba’zan himoyalanish uchun ularga bu xatolar uchun oqibatlar berishimiz to’g’ri.

Lekin, ustoz va shogird munosabatida bu qoida ishlamaydi. Men 28 yoshman, o’quvchilarimning eng kattasi 18 yosh. O’rtamizda 10 yil farq bor va eng asosiy o’sish nuqtasi ham shu 10 yillikda bo’ladi.

O’quvchilarimizdan do’stlarimiz va tengdoshlarimiz darajasidagi aql, mas’uliyat, farosatni kutmasligimiz kerak. Va ular qilgan xatoga xuddi o’zimizning tengdoshlarimizga qilgandek munosabat bildirmasligimiz, xuddi shunday jiddiy jazolar bermasligimiz va buni o’zimizga o’ta jiddiy qabul qilmasligimiz kerak.

Unutmaylik, biz hali aqlan, ruhan, ma’nan va jismonan voyaga yetmagan bolalar bilan ishlaymiz, o’zimiz tengi insonlar bilan emas! Biz umuman boshqa darajadamiz ustozlar!

Biz ularga do’st bo’lishimiz, lekin ulardan do’stlik kutmasligimiz kerak.

@MuallimMuhammad

O‘quvchilarim so‘rashdi: “Ustoz, ahmoqlarga o‘qitishni o‘rgatadigan kitob o‘qiyapsizmi?”😅

Men: “Yo‘q, ahmoqlarni o‘qitishni o‘rgatadigan kitob o‘qiyapman”, — deb o’zlariga qarab qo‘ydim😁

@MuallimMuhammad

Bolalar bilan qanday iliq munosabat o‘rnatishim mumkin?

1. Suhbat. Darsdan tashqari, ular bilan, ular haqida gaplashib turing. Nimalarni yoqtirishadi? Sevimli mashg‘ulot, ovqat, kitob va kino. Bularni bilib olishingiz doimiy suhbatlar qilishingiz va uni yaxshiroq tushunishingizga yordam beradi.

2. Activitylar. Yil boshidagi darslarda bolalardan ular eng yaxshi ko‘rgan 5 narsani yozdirib o‘qitishingiz yoki “Men uchun eng muhim narsa” mavzusida 1 daqiqalik prezentatsiya qildirishingiz mumkin. Bu orqali qisqa vaqtda bolalarning maktabdan tashqari hayoti haqida to‘liqroq bilib olasiz.

3. Yuz ifodalari va ko‘zlar. Darsda o‘tayotganingizda bolalar ko‘zlariga qarashni unutmang. Ko‘zlar ruhning oynasidir. Bu orqali ularga bog‘lanish osonroq bo‘ladi. Chehrangiz ochiq bo‘lsin, bolalar javob berganda jilmayib qo‘ying. Ular gapirayotganda oddiygina qoshingizni ko‘tarsangiz, ularning fikri sizga qiziqligini bildiradi. Lekin buni shu postda yozilgani uchungina yasama qilsangiz, bolalar tez sezib olishadi)

4. Doska oldida qotib qolmang. Bolalar vazifa bajarayotganda imkon qadar har birining oldiga borib chiqing, qiynalayotganlariga yordam bering, savol so‘rang, hazillashing. Ularga yaqinlashing. Qisqasi, sinfxona to‘rt devoriga ham qo‘lingiz teksin)

5. Bolalarni toqqa, bog‘ga, menga o‘xshab dachaga olib chiqing😅Hech kim ruxsat bermagan narsalarga xavfsizlikni ta’minlagan holda imkon bering. Birga ovqatlaning, futbol o‘yinlariga boring.

Bolalarni yaxshi tanimaguningizcha, ularning ba’zi xatti-harakatlari yoqimsiz tuyulaveradi. Yaqinlashsangiz, harakatlar ortidagi sabab va samimiylik ko‘rinadi. Ularni boricha qabul qilishni boshlaysiz.

Bolalar sizni yaxshi ko‘rib qolarkan, sizga yoqish uchun faningizni ham maromiga yetkazib qo‘yishadi)

@MuallimMuhammad

U “o‘quvchilar bilan Ideal munosabatlar” kitobini boshlayotgan edi, bolalar savollar berib qolishdi.

U esa: “Hammang jim o‘tir, savollaring bilan jonga tegdilaring”, — dediyu kitobdan ideal munosabatlar uchun lifehacklar qidira ketdi.

@MuallimMuhammad

Sevimsiz ustoz bo’lishning 10 ta siri)

1. Darsga umuman tayyorlanmasdan boring.

2. Bolalarga baqiring, uring, so’king. Imkoni bo’lsa, umuman suhbatlashmang.

3. Mavzuni atamalar, qiyin so’zlar bilan tushuntiring. Bu sizni aqlliroq ko’rsatadi. Soddalashtirish va misollar keltirishni hayolingizga ham keltirmang.

4. Yillik rejadan umuman chekinmang. Bolalar o’rganyaptimi yoki yo’qmi, kim ham so’rardi. Rejani esa har doim bajarish kerak.

5. Aybni hech qachon o’zingizdan qidirmang, o’zingizni o’zgartirishga majbur bo’lib qolasiz. Undan ko’ra davlatni, rahbariyatni, bolalarni ayblash qulayroq.

6. Darsga doim kech keling, ertaroq tugating. Faqat tekshiruv keladigan kunlaridan xabardor bo’lib turing.

7. Darsda o’z hayotingiz, qavmi-qarindosh va qo’shnilar haqida gapirib bering. Balki to’yingizni ham aytarsiz. Bir amallab 45 daqiqani ko’kka sovuring, foydali bo’lib qolmasin.

8. Bolalarni bir-biriga solishtiring, hammasini bir qobiqqa tiqing. Insonlar turli xil yaratilgani va qobiliyatlar ham turliligidan sizga nima foyda.

9. O’z ustingizda ishlamang, kitoblar, kurslar sotib olmang. Ayniqsa, bizning “Zamonaviy pedagog” kursimizdan 10 km uzoqroqda yuring. Rivojlanib ketib qolishingiz mumkin)

Men 9 ta topa oldim, so’nggisini siz izohlarda yozib ketingchi.

Ba’zan charchayman, ishim o’xshamay qoladi, ishtiyoqim tushib ketadi. Har doim ham darslarim zo’r bo’lavermaydi. Insonman, xato qilib turaman.

Shu joyda Xabibning shu gaplari menga kuch beradi. Menga shunday fikrlash yoqadi.

Nolish, yig’lash, siqilish va aybni boshqalardan qidirish menga to’g’ri kelmaydi.

Qiyinmi? Ha. Nima qilibdi? Birov meni majburlaganmi? Yoki oson bo’ladi deb va’da berganmi? O’zim tanlaganman. Demak oqibatlariga o’zim javobgarman.

Men xohlayotgan hayot shunday qiyinchiliklar orasidan o’tishni talab qilarkan. Kimni ham ishi bor men bilan? Hech kimga bizning charchaganimiz, shaxsiy muammolarimiz qiziq emas.

Vaziyatni qabul qilaman, rozi bo’laman. Zotan boshqa variantim yo’q, chunki eng yaxshisi bo’lishni xohlaganman. Hozirgi vaziyatda nima qila olaman? Qanday yaxshiroq qilsam bo’ladi kabi savollar bilan yashayman.

20 soat dars berib, 40 soat darsning pulini topsa bo’ladimi? Ha!

Hozir eng qiyin sinflardan 10 soat dars olib, 40 soat darsga tayyorlanish kerak.

2 yillik mehnat, sabr va ozga qanoat 20 soatda 60 soat darsning pulini ham topish imkonini qilib beradi.

@MuallimMuhammad

Eng zo‘r darslar — eng shovqinli darslar. Tortishuv, fikrlar qarama-qarshiligi va raqobatda yutish xohishi.

Albatta, bu boshqariladigan va maqsadli shovqin bo‘lishi kerak.

Ustoz sinfda shunday nufuz va obro‘ga ega bo‘lishi kerakki, bu shovqinni bir lahzada tinchlikka yoki eng yuqori cho’qqiga olib chiqa olsin.

Bundan maqsad esa faqatgina ilm olish, bolalarda munozara va omma oldida gapira olish ko‘nikmalarini shakllantirish bo‘lsin.

“Darslaring nega buncha shovqin? O‘zi dars bo‘lyaptimi?” — deb keladigan rahbarlarga: “Maqsad bolalarni jim olib o‘tirishmi yoki ilm o‘rgatish?” — deb savol bersangiz bo‘ladi.

@MuallimMuhammad

Nega ba’zan maslahatlar ishlamaydi?

Ustozlar uchun yozilgan maqolalar, kurslardan keyin: “Siz aytgan narsalar bizda ishlamayapti/maydi”, — deb qolishadi. Sabab qilib ularga qiyinroq, bizga osonroq o‘quvchilar tushgani aytiladi ba’zan.

Tasavvur qiling, eski “Jiguli” bor. “Ferrari” motor qo‘ydingiz — boshqa “Ferrari”dek yurib ketadimi? Motor tortgani bilan g’ildirak talabga javob beradimi? Kuzovchi-chi? Uni doimiy haydayotgan haydovchining ko‘nikmasi yetadimi?

Javob aniq. “Ferrari”dek yurish uchun kompleks o‘zgarish zarur emasmi?

“Bolalar bilan yolg‘iz suhbatlashib oling”, — deb maslahat berilgan ustoz bolaga to‘g‘ri joyda, to‘g‘ri gap bilan, to‘g‘ri ovoz ohangida gapira olarmikan? O‘quvchi qarshi fikr aytganda o‘z fikrini mustahkamlab, dalil keltira olarmikan? Hayotdan bolaga mos misollar topib bera olarmikan? Boshqa vaziyatlarda bola o‘zgarishi uchun mos munosabat va xatti-harakatni amalga oshira olarmikan?

Nima demoqchiman? Sehrli damlama yoki so‘z yo‘q. Siz ko‘rayotgan, o‘qiyotgan maslahatlar ishlashi uchun siz doimiy o‘zgarayotgan, o‘z ustingizda ishlayotgan, kitob o‘qiyotgan va mehnat qilayotgan bo‘lishingiz kerak.

Ustozlikdan tashqari ilmlarni ham egallamas ekansiz bu sohada zo’r bo’lishingiz qiyin bo’ladi.

Birgina motor bo‘lagini o‘zgartirib, yangi darajaga chiqib ketishni kutish to‘g‘ri bo‘lmasa kerak.

@MuallimMuhammad

Ba’zan yordam bermaslik orqali yordam beramiz.

Faqat qiynalayotgan yaqinimizni ko’rish qiyinchiligiga chidab berolsak bas.

Paradoks shundaki biz ko’pincha yordamni o’zimiz qiynalib ketganimizdan, bunga qarab tura olmasligimizdan beramiz. O’zimizni o’ylab yordam beramiz.

Qisqa muddatda yutamiz, uzoq muddatlilarida esa yutqizamiz.

Oqibatlarni ko’rishga, amaliyot qilishga, tajriba yig’ishga, dunyo va o’yin qoidalarini o’rganishga qo’yib beraylik.

@MuallimMuhammad