اكو طلاب هواي ماتعرف قناتي باليوتيوب مجرد تدخل محاضرة وحدة يتركون شكو مدرس متابعينا سواء يوتيوب أو خصوصي لذلك لاتبخل بنشر قناتي على اليوتيوب وتكون لك صدقة جارية في مساعدة الناس

شكراً لعبارتكم الجميلة كجمال روحكم الطيبة ربي يوفقكم وينور حياتكم ❤️

وداعاً لحفظ القوانين اليوم المحاضرة على قناتي على اليوتيوب استخراج جميع قوانين الفصل الثالث بدون حفظ

https://youtu.be/mEWUT-rTbG0

قائمة تشغيل الفصل الثالث /فيزياءمرتبة بالتسلسل الصور أعلاه كلامي من تتغير الصورة تبدأاالمسائل https://www.youtube.com/playlist?list=PLN31gUFodYpRG9RrIcr04Gu1wL4X-9Q5K

السلام عليكم استاذ
الف الف الف رحمه لوالديك ع هذا الشررح الله يرزقك قصر بالجنه .وربي بالخصوصي ميشرحون هيج 🥺🥺 الله يحميك ويحفظك ع الي دا اتقدمه النا
بس شغله وحده الملزمه وين الكاها موجودهpdf وشكررررررررررررررا كلش هوايه

بالرغم من تبسيط النواتج وعلمتكم شلون طلعون النواتج بكل بساطة انتظروني بمحاضرة نارية عل يوتيوب للأرقام العشرية بطريقة مبسطة بعد ما اخلي يوكف رقم گدامكم 😌

من أحد #بطلاتنا #دكتورتنا مستقبلاً
اني الطالبه الي طلعت معدل 99.8بالسادس
وحبيت انطيكم كم نصيحه تستفادون منها

اول شي واهم شي هو التحضير اليومي بالنسبة لطلاب السادس اهم شي يحضر يوم بيومه ومايعوف شي يتركه لازم كلشي يدرسه بفهم وتركيز للمادة حتى ماينساها وتظل في باله

بالنسبة للدرجات مال المدرسه هاي مو مهمه وابد مو قياس للمدرسه والله لاتهتمون الها بالعكس استفادوا من أخطاءها حتى متنسوها وابد لتنقهرون وتضوجون ع هاي الدرجات لان مو مهمه اهم شي درجه الوزاري انت تدخل وزاري ولا اَي درجه عندك ولهذا هاي الدرجات ابد ابد مو مهمه
اني جانت درجاتي بالمدرسة ابد مو زينه وبالثمانين هم وبالوزراي كلها ميه وتسعه وتسعين يعني شوفوا هاي الدرجات ابد مالها اَي أهميه وعلاقه بالوزاري
وچانن طالبات درجاتهن بالمدرسة كلش عاليه وتالي عادن سنه وكلشي ماحصلن
فلا تهتمون لهاي الدرجات ابد لان والله مالها اَي فائده وعلاقه بالوزاري

وخلي ثقتكم بنفسكم عاليه ولاتقارنون نفسكم بغيركم معليكم بغيركم اهتموا وانتبهوا لنفسكم بس لإتقارن درجاتك وي صاحبك ولا تحقد عليه اذا اخذ درجه اعلى منك لان هاي الدرجات متفيد
اهم شي ثقتكم بنفسكم عاليه وتحققون الشي الي تردونه واطمحون بيه
وماكو شي سهل ويجي بسهوله اذا ردنا شي لازم نترك أشياء أخرى مثلا الفون والنت والطلعه وهاي الأمور بس مو ترك نهائي وإنما اقلل منها قدر المستطاع لان هاي الأمور تشتت ذهنكم وتضيع هواي وقت عليكم

وخلي ثقتكم برب العالمين هم عاليه لان رب العالمين دائما وياكم وتوكلوا عليه ورب العالمين ميضيع تعبكم ابد والله الي يتعب من صدك يحقق الي يريده ويوصل اله