مرحبا استاذ
والله العظيم مو بس دورة فيزياء مناقشة بيناتنه كل المواد تشاركنه ست براء
بالاضافة حتى جدوال تسوي شلون ندرس
الله يوفقكم وبفضل الله اكبر مسألة اطشرها
وشكو طالب اليوم اشوفه احجيله ع الدورة مو بس الكتروني واعبر
فعلا متقنين للعمل جزاكم الله خير وبارك فيكم

احله دوره من كل النواحي ممتازه🫠😎🥰

ست براء بكل بساطة أنت رائعة

احله فقره النضام الجديد بيرفكت😘

نضام اكثر من رائع والي يتبع هذا النظام من المستحيل ما ياخذ 100 لان الاستاذ اكثر من رائع والمساعدين الي وياه جواهر يعني بالمختصر ادرس ع استاذ مؤيد وانته مرتاح لو اضل اكتب لصبح ما اكدر اوصف استاذ مؤيد 💛💛

تعرفون شنو رائينه بدوره ألعملاق؟ الاستاذ مؤيد سليم؟
تعرفون منو هوا العملاق ،،،،الي سووالنا الفيزياء ابسط من الاسلاميه الي خلانا نعشق شي اسمه فيزياء حرفيا ولله هسه انطوني فيزياء ولا ادب ولا اسلاميه الفيزياء صارت عشق بسبب. هل اسطوره!


نحب نقدملك حب كلش جبير الك ولست براء ويارب من انجاز الى انجاز حرفيا ماكو وصف لاستاذ مؤيد ولو نحجي لي بعد شهرين! منوصفه ❤️🤍حب الأهالي الي زرعته بقلوبهم حرصا على مستقبل ابنائهم دتتخيل استاذ؟ كميه الدعاء من أهالينا .

تحيه شكر وتقدير واحترام لحضرتك🤍وسلام وشكر من الاهل احب اوصله لحضرتك.

عااشت ايدكم وكلش مامقصرين ويانا
ع رغم الي نمر بيه من ظغط المدارس والامتحانات
نتاخر مرات بالواجبات بس تعذرونا ❤️❤️❤️ ربي يوفقكم ويحفظكم وان شاء الله نرفع راسكم بالوزاري

ست نضامكم ڱڵـه. يخبل والنضام الاخير كلش هوايه حييييل مفيد هوايه داانستفاد. ست والله •اللّـہ̣̥ يحفضكم استاذ مؤيد اسطوره الفيزياء حقيقتا. وانتي ست ممقصره ويااانه ولاباي شي 🥹🦋

والله صراحه لو هيج دورة لو لا تفتح دوره روح افتح انشائيه

نتي احلا واجمل مساعه شفته بحياتي شكد ما تهتمين و تفكرين لمصلحتنا ماكوو هيج مساعده مثلج هسه انا داخله كب مواد وكل المساعدين ميقلدوناا اصلن اذا نريد سوال او ييي استفسار ع الماده نتي الوحيده الي اسلوبج كلش حلوو وياا الطلاب نحبج احناا ست يارب نكون كده ومنضيع تعبج ولا تعب الاستاذ ويانه ❤🥺

مو دورة ضيم 😂 برأسة 60 حظ❤️❤️
طبعا جنت اعاني من الفيزياء و خاصة الكلاميات صح بعدني😉 جديدة بس دا اتحسن بالفيزياء شوية شوية (بطلة الزيدي) ❤️❤️❤️❤️

ماعرف شلون اوصف استاذ مؤيد بالشرح فدشي حرفيااااااا😭🤍🤍 اما ست براء ماكو مثلها والله يعني ويانه ويانه ومتعوفنه وتراقبنه وتلكطنه واحد واحد حرفيا الله يوفقها بحياتها ويسعدها وتنفتح الابواب بوجهها كلها لان من صدك تستاهل كل الخير ع التعب والنفس الطيبه ويانه 💜💜

رأيي بهل دورة وبكل صراحة اني دخلت باقي مواد الكتروني ايضا وربي وربي هاي اكثر دورة بيها التزام وحرص على الطالب رغم دخلت يم اساتذة معروفين ايضا بس صدمني عدم حرصهم ع طالب مثل دورة استاذ مؤيد ف اضبط دورة واكثر مادة احبها الفيزيا بعد ماجانت اصعب شي صرت حرفيا انتظر يوم جديد حتى اقراها ف بس بارك الله بجهودكم المبذولة في سبيل مستقبلنا وشكرا ع كل شي حتى هل كلام احسه قليل كولش بلنسبه لجهودكم

كلش حلوة الدورة و الاستاذ كلش يفهم و ست براء كلش شديدة ويانة ع مود مصلحتنة و ع مود نقرة اكثر

اوف يا ربي شحجي على الدورة وشخلي والله العظيم تخبل وين مــا اروح امدح بيڪم واڪول احسن دورة هي دورة استاذ مؤيد اتمنى ࢦـﯡ ڪل الدورات مثلڪم مـטּ دخلت يمڪم عرفت ࢦـيـش ڪل طلابڪم 100 بسبب اهتمامڪم وحرصڪم ؏ الطلابﯚيـטּ اڪو مثلڪم ࢦـﯡ الف الدنيا ڪلها والله مو مجاملة عمرة خسارة الما يسجل يم استاذ مؤيد
احبڪم مـטּ اعماق ڰلبي 💜🫂

شحجي وشكول دورة هم التزام وهم دلال وهم ونسة وهم مخلين الفيزياء تبجي من ورانة😂 يعني ليش هيج تحرجونه 😂 من نريد نعبر نحير شنحجي
شكراً لست بروئة إنسانة تجنن مارفضتلنه طلب
وشكرا للاستاذ مؤيد الي مقصر بالشرح العظيم
وشكرا لله لأن خلقكم❤️💋

احجي أمانة الله
استاذ مؤيد نحتاجه بكل المواد مو بس الفيزياء لان يشرح من كل كلبه وشرح مرتب ومامخلي لا ملاحظة لا فكرة لا شي كلهن مرتبهن بطريقة تخلي حتى الكسلان يحب الدراسة وبلاخص الفيزياء وان شاء الله نرفع راسه ونبيض وجهة وميضيع تعبة ويانة.

اذا سطا خافَ الأنامُ جميعهم
من بأسهِ والليث عند عيانهِ
ملكٌ إذا ما جالَ في يَومِ اللقا
وقفَ الهدوُّ محيراً في شانٍهِ
#أبطال_الزيدي ❤️✅

يعني مو دوره ضيم 😂
اني دخلت متاخره بس ويه محاضرات مكثفه وتشديد ست براء علينه حنوصل ويه جماعه فصل ثاني🙈
واحلى شي محسيتها علاقه طلاب بمدرس لا عبالك عائله وخصوصا الطلاب الي يدزون ملخصات كلش مفيده وتحاورات لصير وجوائز الامتحان الي دنتضرها هم شي ثاني 🙈🤍🤍🤍

شحجي شكول والقران دمار مو دوره اجمل دوره دخلت الها من ناحيه الامتحانات والالتزام  ممقصرين لا ست براء ولا شرح الاستاذ اشكركم وبفظلكم المئه بجيب نطلع من الوزاري نضحك ع الاسئله اني طالبه الكتروني والامتحان الاسبوعي امتحنه بلمعهد والتزام يجنن حرفيا ربي يوفقكم
جانت امنيتي التقي باستاذ مؤيد وتحققت امنيتي هسه امنيتي التقي بست براء ..يعجز الساني عن وصفكم😭❤️..شكرا من القلب ..

حرفياا مااعرف شلون اوصف الدورة من ناحية النظام لو من ناحية التدريس والتشديد علينا لو شرح الاستاذ الي يفتح النفس لو الفعاليات الي تحفزنا وتسوي النا جو يعني ماكو كلام يوصفها ابد يعني عن نفسي اني جنت اكره شي اسمة فيزياء جنت اخذ بيها صفر الكلاميات الي جانن عقدتي بس اشوف الفيزياء اكعد ابجي جانت امنيتي بس انُ اخذ ٥٠ مو ١٠٠ لان جنت اشوف ال ١٠٠ صعبة اخذهاا بالفيزياء لحد ماشفت استاذ مؤيد سليم الزيدي شفت اول محاضرة شفت شلون يشرح الكلاميات شلون يسوي المخططات فرحت لان حسيت شرحه للكلاميات مختلف شلون ينطي لمسة تميزة لدرجة هيج يفتح مُخك ويدخل المعلومة غصب عنها بوقتها عشقت الفيزياء بحيث من افتح المحاضرة الابتسامة تسبقني فكلمة شكرا قليل كلش بحق الاستاذ ماكول غير الله يحفظك يارب ويديمك النا ويارب يوم الي تفتخر بينا وبدرجاتنا ومعدلنا العالي ونكول احنة فخر الاستاذ مؤيد الزيدي❤️‍🔥❤️‍🔥
ويارب الـ 100 بالوزاري 🥺💗

ونجي لست براء 🥹✨✨✨✨✨
هم ماكو لاكلام ولاحروف يوصفن هالانسانة صارت النا ام اخت صديقة اي شي نحتاجة تكون هيه كفيلة انُ تساعدنا بكلشيي ومتخلينا حايرين لابسؤال لابشي ابدد وفعلا ماشفت مثلها احد من نصائحهاا لو فعالياتها لو تحفيزاتهاا يعني والله غصب عليك تحب المادةة حب چبيرر الچ ست 🫂🫶🏻✨