الأستاذ مؤيد سليم الزيدي

♦️طبعآ سهرانين لخاطر عيونكم ❣لازم ترتاحون وتكعدون من وقت.

♦️أبد لاتقلق... وتصور انت نسيت شكو شي قريتة لا حبيبي هذا أمر طبيعي كلها تذكرها بيوم الامتحان من تجيك الورقة الامتحانية.. اهم شي لاتتوتر ولاتخاف الأمر طبيعي جدا لاتخاف من الامتحان الوزاري حالة حال اي امتحان وراح يثبتلك أسهل من امتحاناتنة بمئات المرات خو مسائل الطاقة فصل ثاني وفصل الأول لاتحجولي عليهن.

♦️أنتو طلاب الزيدي راح شوف بالأسئلة :
🔰 اول ثلاث فصول ثلاث مسائل ( راح يغيرولك فرع أو فرعين فقط واحنة منطيهن الكم يعني عادي عدكم).

🔰 خو المخططات دائرة كهربائية ومخطط بياني مال شحن وتفريغ الفصل الاول ومال علاقة التردد بالطاقة ومال السعة ومعامل الحث والتردد برادة السعة والحث الفصل الثالث هواي يحبنكك خو المسئلة مال رنين ومال ملف وينطي فولطيات ثنين يحبنكك هواي فصل ثالث.

🔰 الاختيارات تحبكم من أسئلة الفصول.

🔰 رتبلي دفترك.
🔰 حل بهدوء رقم الأسئلة.
🔰 استخدم مسطرة ومساحة نوعية ممتازة.
🔰 اكتب على كيفك خط مرتب واضح.
🔰 السؤال التتركة اكتب عليه ترك كتابة واضحة.
🔰 الوحدات لاتنساهن لاتنساهن فدوة العينك.

🔰 في الصباح قبل الامتحان ابتعد عن زملائك والمشتتات هذا السؤال جاي وهذا سرب الأسئلة ملك علاقة راجع بهدوء ببعد عن أصدقائك قبل الامتحان بنصف ساعة حاول تهدئ وتشرب مي وتترك المراجعة.

🔰 التحويلات انتبه عليهن.
🔰 الثوابت تلكاهن أسفل الأسئلة مكتوب استفد من.

🔰 خاف اصير هاي السالفة ويجبون لك فرع بالخطأ مداخل من ضمن المحذوفات لاتتوتر ولا تهتملة لأن راح ينطوكم عليه درجة كاملة.

🔰 متأكد باجر راح تفترسون الأسئلة افتراس وأول الطلاب راح تطلعون من القاعات انتو طلاب الزيدي واني مطمئن راح ترجعون تبشروني بجوابكم الحلو.

🔰لاتستعجل وسلم دفتر قبل لاتراجع وتطلع ناسي نقطة أو فرع من تحل وتبقة نقطة أو فرع أو شي اكتب عليها بورقة الأسئلة رجوع علمود تذكر من تكمل عندك نقطة لازم ترجعلها راجع الدفتر زين قبل لاتطلع .

🔰 راح ترجعون فرحانين هم مجاوبين 100٪ وهم مخلصين امتحانات بس اهم شي لاتستعجل قبل لاتراجع.

🔰ألى هنا نقول وداعاً والى اللقاء
انتهت رحلة السادس أسرع ممانتصور
أن شاءالله ماقصرنا معاكم أو بخلنا عليكم بشيئ.. نعتذر الآلاف الرسائل لانستطيع نرد عليها ارجوا ان تعذرونا.

24.7K views22:55