شكرا من القلب لاستاذي القدير استاذ مويد نشكرك ع كل الي قدمته النا وماننسا فضلك علينا ربي يحفضك وطولت العمر ان شاءلله حبيبي انتي ♥🌿🥰

شكر لله ثم الك استاذي الورد مويد مادري منين ابدي والله ياستاذ انت حركت لماده حرك ع يوتيوب والله ياستاذ فاصوليه ع تمن لحد هسه دك براسي ولاقوانين يادنيا ملينا
استاذ والله نص لقاعه خطيه مامجوبين ومنهم الاجل وملاحضاتك بمعنى لكلمه يدكن براسك
ربي يحفظك ويخليك ياانشتاين العراق استاذ مويد الذهب 😻♥️ احبك استاذ طلابك بليوتيوب

سهلة كلش سهلة مي
حرفيا اني شكيت انت مسوي الاسئلة لو من ضمن اللجنة

الله ينطيك الصحة والعافية ويطول عمرك
ان شاء الله 100 ماعندي ولا غلطة

شكرا استاذ كثيرا الحمد لله سجلت يمك الكتروني بل فيزياء ابد ماقصرتوا و كانت ايام فيزياء معك أكثر من رائع ❤️❤️

استاذ انت ماتتسمه استاذ والله العظيم بروفسور حرفياً ماشفت هيج مدرس بكل حياتي وجنت من اخلص الفيزيا واروح غير ماده اكول ياريت لو عندي مؤيد سليم للرياضيات للكيمياء للعربي واني ،اليوم نصحت كل البنات يدرسن عليك اكو جماعه ميعرفوك هذا حضهم ،شكر كلش جبير وكل الك ماعرف شكد مااشكرك اقصر بحقك ،متأكده كل طالب قره عليك ياخذ ١٠٠ واني هم إنشاءالله طالبتك يوتيوب زهراء من القادسيه🤍🤍 .

استاذي العزيز اينشتاين العراق
كبير الفيزياء
شكرا لك بحجم السماء على المجهود الي قدمته وبذلته لكل طالب وادعو الله ان يوفقك في حياتك والف الحمدلله اليوم جاوب بالامتحان وباذن الله الدرجه الكامله❤️

استاذ مستحيل انسى فضلك انت نعمة كبيرة جاءت من الله وهدية لا تقدر بثمن الله يبارك بجهودك.

والله جنت مقاري الربط المختلط

والبارحة صدفة شفته بقناتك

الف الف رحمة على والديك
لو ما انت من بعد الله سبحانه وتعالى
اني مأجل
بس الحمد لله امتحنت ❤️🌺
جدا أشكرك

اول شي حبيت اشكرك من وصلت لبقيه الاسئله اتذكرتك من كلت راح تتونسون حرفيا عبالك لعبه ابتدائيه وكفت على مسئله السؤال الاول لان ملحكت أقره افكار القناه بس طلاب الزيدي ميوكف عنده شي جبت ملاحظاتك وطشرت السؤال 😎 ❤️ تسلم

السَلام عليكم، اني طالبتك يوتيوب، دُفعة ٢٠٢٣، عرفتك بالخامس الاعدادي للاسف، قبل امتحانات نهاية السنة ب٣ ايام، بهاي ال٣ ايام قريت عليك الدورانية الي چنت حايرة عليمن ادرسها لان ماكو استاذ شارحها وافهمتها عليه، دخلت على الفديو صدفة والله، واحلى صدفة چانت🥲😂، درس عليك الدورانية من الالف للياء بهال٣ ايام، واستاذ والله ماعرف شحچيلك، المسائل نصاً نصاً جاوبتهن ولا نسيت شيء، بحيث طلعت من الامتحان مصدومة وفرحانة بشكل مو طبيعي، وجبت درجة كاملة على المسائل بفضلك💜، شكد تندمت لان مبحثت زين ببداية الدوام، خلصت الفيزياء مال الخامس بس حفظ للاسف، وهسة اني نجحت وطالبة سادس♥، وخلصت عليك الفصل الاول ووبلشت بالثاني هذا الشهر💜

هلا استاذ ❤ والله جوابي حلو وجميل جدا يعني ماعندي لاترك ولا خطا فرع الحمدلله لكن بسوال البناء طلعت قيمته 7 بدال 0.7 خوما ينقص على الناتج حلي كله تمام وماعندي اي خطا غير هذا

مرحبا استاذ
كلش شكرا ع تعبك ويانه بكل السنه وانشالله منضيع تعبك🖤
الحمدالله الاسئلة اليوم كلش سهلة شفناها وهذا الشي بفضل رب العالمين وتعبك ويانه ... تفاجأت من شفت ورقة الاسئلة طبعا الاسئلة الي كتلنه ركزوا عليهن ومهمات صدك اجني كلش شكرا استاذ ع كل شي🖤🥺

السلام عليكم😊استاذ آني طالبتك من اليوتيوب حبيت اكللك بصمت بال5 وتمنيت باصمه بال10😁على سهولة الاسئله واشكرك على كل ثانيه كنت ويانه بيه استاذ اني امس ادرس عليك المرجعات والاسئله المهمه والله كنت ضامنه ال100كلت خلص 100 والله رغم بعد المسافه لكن احسك قريب عليه ودتشرحلي عن قرب واني وبالقاعه بفضل الله ورسوله واهل بيته ومن ثم فضلك فرحه الي صابتني متنوصف بحيث عيوني دمعن من الفرحه على سهولة الاسئله كله بفضلك واني بالقاعه وصوتك يتردد بأذني اقرظ اظافرك اذا ماجبت100والله عندي صديقتي اجلت بسبب تكول فشله من استاذ مؤيد مااجيب100 لان كلش تعب ويانه الله يوفقك ويحفظلك اهلك ان شاءالله وكل غالي على قلبك والله ماعندي غير بس هذه الكلمات البسيطه بس مستحيل انسى(رغم بعد المسافه لكن والله كنت حاستك قريب عليه)وخليتني احب الماده كلش وضايجه انه راح افارق هذه الضحكه الحلوه مالتك🥺وشرحك بصوت عالي وكل مااغفه على المحاضره تفززني بصوتك العالي😅اختم كلامي بكلمات بسيطه لكنها نابعه من القلب🤍 شكرا والله يوفقك ويحفظلك كل غالي ويبعد عنك كل شر وشر المنافسين لك لان انت انسان ناجح وكل انسان ناجح عنده منافسين الله يبعدك عن شرهم #والسلام_عليكم_طالبتك_مروه

استاذ طبعا هستوني دخلت للقناة واشوف طلاب السادس وشكرهم الك
واتگدت انه اني دا ادرس على الاستاذ الصح
استاذ كللش فخوورة انه دا ادرس عليك
انت سويت الفيزياء احلى درس عندي لو شكد ما اشكرك مستحيل اوفيك شكرك
طالبتك دفعة23

استاذ العلم ولله انته شد ما اكول بحقك قليل
تعرف اني العام مادرست عليك وعرفتك العام جان باقي للامتحانات اسبوع الا عرفتك بس ما اكدرت ادرس عليك المهم عدت سنه ودرست عليك وفهمت الماده عليك واحلى شي طريقه الفهم لي عجبتني بشرحك اسلوبك بلفهم يختلف عن كل المدرسين
اما تفليش المنهج بمخططات المسائل فد شي
المهم اني اليوم بلامتحان نسيت شون اخل ربط المختلط مع انو اني قاري قبل١٥ يوم بس مراجعته قبل الإمتحان اليوم اجه وخفت
بعدين كلت هوا استاذ مؤيد مو علمنا شون نفلش سؤال بكيفه مينحل والحمد لله ذكرت
وطلعت فرحان ربي يحفظك من كل سوء ان شاء الله نفرح بدرجاتنه

سلام عليكم استاذ شلونك طبعن اني تابعتك شوي متخر بلمتحانات نص سنه بس صدك من تابعت لليوم اكثر ماده احبه هيه فيزياء وصدك انته عملاق وشكو مشكله حسابيه عندي راحت اطشرن 🤣 استاذ اتمنه تبقه ويانه احنه تطبيقي لاخر دقيقه مثل الاحيائي لين محتاجين هاي وكفه منك وانته ما تقصر ومشكور استاذ وشكرأ

الحمد لله كانت الاسئلة زينة المسائل زلاطه 😂
هو صح الكلاميات اكثرهن من الفصول الأخيرة
بس جاوبت الحمد لله
ويجي يوم النتائج ونفرحكم بال100 ان شاء الله 😔💙