• ഭാഷ : #English
• സംവിധാനം : Tom Harper
• പരിഭാഷ : ഹബീബ് ഏന്തയാർ
• പോസ്റ്റർ : പ്രവീൺ അടൂർ
• ജോണർ : #Crime #Drama #History

ഒന്നാം ലോക മഹായുദ്ധത്തിന് ശേഷം, 1919-ൽ ഇംഗ്ലണ്ടിലെ ബെർമിങ്ഹാം പട്ടണത്തിൽ നടക്കുന്ന കഥയാണ് ‘പീക്കി ബ്ലൈന്റേഴ്‌സ്.’ 19-ാം നൂറ്റാണ്ടിൽ ബെർമിങ്ഹാം പട്ടണത്തിൽ ഉണ്ടായിരുന്ന പീക്കി ബ്ലൈന്റേഴ്‌സ് എന്ന നാടോടി-മാഫിയാ സംഘത്തിന്റെ ജീവിതത്തെ ആധാരമാക്കി 2022  മുതൽ പുറത്തിറങ്ങിയ സീരീസിൻ്റെ സീക്വൽ ആണ് ഈ സിനിമ.

കിലിയൻ മർഫിയുടെ ഏറ്റവും പ്രശസ്തവും, ലോകമെമ്പാടും കൊണ്ടാടപ്പെട്ടതുമായ തോമസ് ഷെൽബി എന്ന കഥാപാത്രമാണ് ഈ സംഘത്തിന്റെ തലവൻ. പീക്കി ബ്ലൈന്റേഴ്സിന്റെ ജീവിത യാത്രയും, അവരുടെ ഉയർച്ചയും താഴ്ചയും, തോമസ് ഷെൽബി എന്ന അതികായന്റെ ഒറ്റയാൾ പോരാട്ടവുമാണ് കഴിഞ്ഞ 6 സീസണുകളായി നമ്മൾ കണ്ടത്. ശേഷം നടക്കുന്ന സംഭവവികാസങ്ങളാണ് സിനിമയിൽ പറയുന്നത്.

കിടിലൻ സംഘട്ടന രംഗങ്ങളും, ക്യാമറയും, പശ്ചാത്തല സംഗീതവും, അഭിനയ മുഹൂർത്തങ്ങളും, തിരക്കഥയും കൊണ്ട് ലോകത്താകമാനം ഓളം സൃഷ്ടിച്ച പീക്കി ബ്ലൈന്റേഴ്സ് എന്ന സീരീസിൻ്റെ തുടർക്കഥയായ ഈ സിനിമ സീരിയസ് ഫാൻസ് ഒരിക്കലും മിസ്സാക്കാൻ പാടില്ലാത്തതാണ്.

• ഭാഷ : #English
• സംവിധാനം : John Sturges
• പരിഭാഷ : വിഷ്ണു എം കൃഷ്ണൻ
• പോസ്റ്റർ : അഷ്കർ ഹൈദർ
• ജോണർ : #Adventure #Drama

“മനുഷ്യനെ സൃഷ്ടിച്ചത് തോൽക്കാനായല്ല; അവനെ തകർക്കാം. പക്ഷേ, തോല്പിക്കാനാവില്ല” എന്നുദ്ഘോഷിക്കുന്ന, അമേരിക്കൻ സാഹിത്യകാരൻ ഏണസ്റ്റ് ഹെമിങ്‌വേയുടെ വിശ്വപ്രസിദ്ധമായ ‘കിഴവനും കടലും’ എന്ന നോവെല്ലയുടെ ദൃശ്യാവിഷ്കാരം.

• ഭാഷ : #English
• സംവിധാനം : Martin Scorsese
• പരിഭാഷ : പ്രശോഭ് പി.സി
• പോസ്റ്റർ : അഷ്കർ ഹൈദർ
• ജോണർ : #Drama #History

മാർട്ടിൻ സ്കോർസെസിയുടെ സംവിധാനത്തിൽ പുറത്തിറങ്ങിയ എപ്പിക് ഹിസ്റ്റോറിക്കൽ ഡ്രാമ മൂവിയാണ് സൈലെൻസ്.

17-ാം നൂറ്റാണ്ടിൽ പോർച്ചുഗീസ് ജെസ്യൂട്ട് പുരോഹിതനായ ഫെരേര ജപ്പാനിൽ എത്തുകയും, അവിടെ ക്രിസ്ത്യൻ പുരോഹിതർ നേരിടേണ്ടിവരുന്ന കൊടിയ പീഡനങ്ങൾ കാണേണ്ടിവരികയും ചെയ്യുന്നു. ഫെരേരയെക്കുറിച്ച് പിന്നീട് നാട്ടിൽ വിവരമൊന്നും കിട്ടാതായി. അദ്ദേഹത്തെ കണ്ടെത്താൻ ജപ്പാനിലേക്ക് പോകാൻ രണ്ട് യുവ ജെസ്യൂട്ട് പുരോഹിതർ തീരുമാനിക്കുന്നു. കടൽമാർഗം അവർ രഹസ്യമായി ജപ്പാനിലെത്തുന്നു. അവർ ചിന്തിച്ചതിനേക്കാൾ അപകടം പിടിച്ച സ്ഥലത്താണ് എത്തിപ്പെട്ടിരിക്കുന്നതെന്ന് വൈകാതെ അവർക്ക് മനസ്സിലാകുന്നു.

• ഭാഷ : #English
• സംവിധാനം : James Cameron
• പരിഭാഷ : എൽവിൻ ജോൺ പോൾ, വിഷ്‌ണു പ്രസാദ്
• പോസ്റ്റർ : പ്രവീൺ അടൂർ
• ജോണർ : #Action #Animation #Sci_Fi

അവതാർ സീരീസിലെ മൂന്നാം ചിത്രമായ ഫയർ ആൻഡ് ആഷിൽ രണ്ടാം ഭാഗമായ വേ ഓഫ് വാട്ടറിൻ്റെ അവസാനം നടന്ന സംഭവങ്ങൾക്ക് ശേഷം, ജെയ്ക്കിന്റെയും കുടുംബത്തിന്റെയും ജീവിതങ്ങൾ കൂടുതൽ സങ്കീർണ്ണമാകുന്നു. ജെയ്ക്കിനെ പിടികൂടാൻ വേണ്ടി കേണൽ മൈൽസും സംഘവും അക്രമകാരികളായ ഒരു നാവി ഗോത്രത്തിൻ്റെ സഹായം തേടുന്നു.

• ഭാഷ : #English
• സംവിധാനം : Todd Phillips
• പരിഭാഷ : വിഷ്‌ണു പ്രസാദ്
• പോസ്റ്റർ : അഷ്കർ ഹൈദർ
• ജോണർ : #Comedy

കല്യാണത്തിന് തൊട്ടുമുമ്പ് ബാച്ചിലർ പാർട്ടി അടിച്ചുപൊളിക്കാൻ വേഗസിൽ പോയ നാല് ചങ്കുകൾ. പിറ്റേന്ന് കനത്ത ഹാങ്ങോവറിൽ ബോധം തെളിയുമ്പോൾ ഒരാളുടെ പല്ല് പോയി, ബാത്ത്റൂമിൽ ഒരു യമണ്ടൻ കടുവ, അലമാരയിൽ ഒരു കുഞ്ഞുപൈതൽ, എല്ലാറ്റിനും പുറമെ കല്യാണച്ചെറുക്കനെ എങ്ങും കാണാനുമില്ല! തലേദിവസം മൂക്കറ്റം കുടിച്ചതിന്റെ കിറുക്കിൽ രാത്രി എന്തൊക്കെ കോപ്രായങ്ങളാണ് കാട്ടിക്കൂട്ടിയതെന്ന് യാതൊരു ഓർമ്മയുമില്ലാത്ത ഈ മൂവർസംഘത്തിന്, കല്യാണത്തിന് മുൻപ് ചെറുക്കനെ എങ്ങനെയെങ്കിലും കണ്ടുപിടിച്ചേ മതിയാകൂ. അതിനായി തലേരാത്രി സംഭവിച്ചതിന്റെ സത്യാവസ്ഥ അറിയാൻ അവർ പോയ വഴിയേ വീണ്ടും സഞ്ചരിക്കുന്നതും, തുടർന്നുണ്ടാകുന്ന പൊട്ടിച്ചിരിപ്പിക്കുന്ന സംഭവവികാസങ്ങളുമാണ് ഈ സിനിമ.

• ഭാഷ : #English
• സംവിധാനം : Peter Weir
• പരിഭാഷ : വിഷ്‌ണു പ്രസാദ്
• പോസ്റ്റർ : പ്രവീൺ അടൂർ
• ജോണർ : #Comedy #Drama

ജനനം മുതൽ താനറിയാതെ തന്നെ ലോകം മുഴുവൻ കണ്ടുകൊണ്ടിരിക്കുന്ന ഒരു വലിയ ടെലിവിഷൻ റിയാലിറ്റി ഷോയിലെ പ്രധാന കഥാപാത്രമാണ് ട്രൂമാൻ ബർബാങ്ക്. താൻ ജീവിക്കുന്ന നഗരം ഭീമനായൊരു സ്റ്റുഡിയോ ആണെന്നും, ചുറ്റുമുള്ളവരെല്ലാം വെറും അഭിനേതാക്കളാണെന്നും അവനറിയില്ല. എന്നാൽ തന്റെ ജീവിതത്തിൽ സംഭവിക്കുന്ന ചില വിചിത്രമായ കാര്യങ്ങൾ കണ്ട് ചുറ്റുമുള്ള ലോകത്തെ സംശയിക്കാൻ തുടങ്ങിയതോടെ, യാഥാർത്ഥ്യം അറിയാൻ അവൻ അന്വേഷിച്ചിറങ്ങുകയാണ്.

• ഭാഷ : #Hindi , #Urdu
• സംവിധാനം : Kabir Khan
• പരിഭാഷ : സജയ് കുപ്ലേരി
• പോസ്റ്റർ : നൗഫൽ
• ജോണർ : #Action #Adventure #Comedy

പാകിസ്താനിൽനിന്നുള്ള ആറുവയസ്സുകാരിയായ മുന്നി, അബദ്ധത്തിൽ ഇന്ത്യയിലെത്തുന്നു. ആ പെൺകുട്ടിയെ തിരിച്ചു നാട്ടിലെത്തിക്കാനുള്ള പവന്റെ ശ്രമങ്ങളാണ് സിനിമ പറയുന്നത്. മനുഷ്യബന്ധങ്ങളുടെ മഹത്ത്വം, മതഭേദമില്ലാത്ത സ്‌നേഹം, സഹാനുഭൂതി എന്നിവയെ ഹൃദയസ്പർശിയായി ചിത്രത്തിൽ അവതരിപ്പിക്കുന്നു.

സൽമാൻ ഖാൻ (പവൻ/ബജ്‌രംഗി), കരീന കപൂർ (രസിക) എന്നിവർക്കൊപ്പം ഏഴുവയസ്സുകാരിയായ, ഹർഷാലി മൽഹോത്രയാണ് (മുന്നി/ഷാഹിദ) പടത്തിന്റെ മുഖ്യ ആകർഷണം. ഇവരെക്കൂടാതെ നവാസുദ്ദീൻ സിദ്ധിഖി, മെഹർ വിജ്, ഓം പുരി, ശരത് സക്‌സേന, രാജേഷ് ശർമ്മ തുടങ്ങിയവരുടെ മികച്ച പ്രകടനവും ചിത്രത്തിന് മാറ്റുകൂട്ടുന്നു.

വാണിജ്യവിജയവും വിമർശകപ്രശംസയും ഒരുപോലെ നേടിയ ഒരു അപൂർവ ചിത്രമായി ഈ ചിത്രം ഇന്നും ഓർക്കപ്പെടുന്നു. Best Foreign Language Film വിഭാഗത്തിൽ ഇന്ത്യയുടെ ഔദ്യോഗിക എൻട്രിയായി ഓസ്കാർ പരിഗണനയ്ക്കായി ഈ ചിത്രം അയയ്ക്കുകയുണ്ടായി.

• ഭാഷ : #English
• സംവിധാനം : Mukunda Michael Dewil
• പരിഭാഷ : അരുൺ ബി. എസ്. കൊല്ലം
• പോസ്റ്റർ : പ്രവീൺ അടൂർ
• ജോണർ : #Drama #Thriller

വെളുത്ത ചുവരുകളുള്ള, പുറംലോകവുമായി യാതൊരു ബന്ധവുമില്ലാത്ത ഒരു മുറിയിൽ 50 ദിവസം താമസിച്ചാൽ 50 ലക്ഷം ഡോളർ സമ്മാനം! കേൾക്കുമ്പോൾ ലളിതമെന്ന് തോന്നുന്ന ഈ മത്സരത്തിൽ വിജയിക്കുവാൻ മൈക്കിളിനും അവന്റെ കാമുകി കെയ്റ്റിനും സാധിക്കുമോ?
മനുഷ്യ മനസ്സെന്ന അത്ഭുതമുറിയിലേക്കുള്ള യാത്രയാണ് 2022-ൽ പുറത്തിറങ്ങിയ The Immaculate Room എന്ന സൈക്കോളജിക്കൽ സർവൈവൽ ത്രില്ലർ ചലച്ചിത്രം.
(⚠️ ശ്രദ്ധിക്കുക: പ്രായപൂർത്തിയായവർ മാത്രം ഈ ചിത്രം കാണുക)

• ഭാഷ : #English  #Japanese
• സംവിധാനം : Hikari
• പരിഭാഷ : എൽവിൻ ജോൺ പോൾ
• പോസ്റ്റർ : പ്രവീൺ അടൂർ
• ജോണർ : #Comedy #Drama

ആധുനിക ടോക്കിയോയുടെ പശ്ചാത്തലത്തിൽ ഒരുക്കിയിരിക്കുന്ന ഈ ചിത്രത്തിൽ, ജീവിതത്തിൽ ഒരു ലക്ഷ്യം കണ്ടെത്താൻ പ്രയാസപ്പെടുന്ന ഒരു അമേരിക്കക്കാരൻ നടന്റെ (ബ്രണ്ടൻ ഫ്രേസർ) കഥയാണ് പറയുന്നത്. അപരിചിതർക്ക് വേണ്ടി പ്രിയപ്പെട്ടവരുടെ പകരക്കാരായി വേഷമിടുന്ന അഭിനേതാക്കളെ സപ്ലൈ ചെയ്യന്ന ‘റെന്റൽ ഫാമിലി’ എന്ന കമ്പനിയിൽ അയാൾക്ക് വിചിത്രമായ ഒരു ജോലി ലഭിക്കുന്നു.

തന്റെ ക്ലയന്റുകളുടെ ജീവിതങ്ങളിൽ മുഴുകുന്നതോടെ, അഭിനയവും യാഥാർത്ഥ്യവും തമ്മിലുള്ള അതിർവരമ്പുകൾ മായ്ക്കുന്ന ആത്മബന്ധങ്ങൾ അദ്ദേഹം വളർത്തിയെടുക്കാൻ തുടങ്ങുന്നു. തന്റെ ജോലിയുടെ ധാർമ്മിക സങ്കീർണ്ണതകളെ അഭിമുഖീകരിക്കുന്നതിലൂടെ, ജീവിതത്തിന്റെ ലക്ഷ്യവും ചേക്കേറാനുള്ള ഒരിടവും മനുഷ്യബന്ധങ്ങളുടെ നിശബ്ദ സൗന്ദര്യവും അദ്ദേഹം വീണ്ടും കണ്ടെത്തുന്നു.

• ഭാഷ : #Hindi
• സംവിധാനം : Renuka Shahane
• പരിഭാഷ : സജയ് കുപ്ലേരി
• പോസ്റ്റർ : പ്രവീൺ അടൂർ
• ജോണർ : #Drama #Family

ഒഡീസി നൃത്തത്തിലെ മൂന്ന് അംഗവ്യത്യാസമുള്ള നിൽപ്പ് രീതികളുണ്ട്, ഇത് അഭംഗ്, സമഭംഗ്, ത്രിഭംഗ് എന്നിവയാണ്. ഈ ഓരോ ഭാവങ്ങളും പ്രതിനിധീകരിക്കുന്ന മൂന്ന് സ്ത്രീ കഥാപാത്രങ്ങളുടെ കഥയാണ് ‘ത്രഭംഗ’ പറയുന്നത്. നയൻ താര ആപ്തെ(അഭംഗ്), മകൾ അനുരാധ ആപ്തെ(ത്രിഭംഗ്), അനുരാധയുടെ മകൾ മാഷ (സമഭംഗ്) എന്നിവരുടെ ജീവിതവും അവർ തമ്മിലുള്ള സങ്കീർണ്ണമായ ബന്ധങ്ങളുമാണ് ഈ സിനിമ പറയുന്നത്.
പ്രശസ്ത എഴുത്തുകാരിയായ നയൻ താരാ ആപ്തെ (തൻവി അസ്മി) തന്റെ ജീവിതത്തിൽ എടുത്ത ചില തീരുമാനങ്ങൾ കാരണം മകൾ അനുരാധ (കാജോൾ) യുമായി വലിയ അകലമുണ്ടാകുന്നു. അനുവിന്റെ മകളാണ് മാഷ (മിഥില പാൽക്കർ). തുടർന്നങ്ങോട്ട് മൂവരുടെയും ജീവിതത്തിലുണ്ടാകുന്ന ചില തിരിച്ചറിവുകളാണ് സിനിമ പറയുന്നത്.
മികച്ച അഭിനയ മുഹൂർത്തങ്ങൾ കൊണ്ട് സമ്പന്നമാണീ ചിത്രം, മൂന്ന് സ്ത്രീ കഥാപാത്രങ്ങളും മികച്ച രീതിയിലുള്ള പ്രകടനമാണ് കാഴ്ച വെച്ചിരിക്കുന്നത്.

• ഭാഷ : #Japanese
• സംവിധാനം : Hiromasa Yonebayashi
• പരിഭാഷ : ശാമിൽ എ. ടി
• പോസ്റ്റർ : അമൽ വർഗീസ്
• ജോണർ : #Animation #Drama #Family

ഹിരോമാസാ യോനെബയാഷിയുടെ സംവിധാനത്തിൽ 2014ൽ പുറത്തിറങ്ങിയ ഒരു അനിമേഷൻ ചിത്രമാണ് “വെൻ മാർനി വാസ് ദേർ”.
ആരുമായും അധികം കൂട്ടുകൂടാത്ത, സംസാരിക്കാത്ത, ആസ്ത്മ കാരണം ബുദ്ധിമുട്ടുന്ന ഒരു പെൺകുട്ടിയാണ് അന്ന സസാക്കി. ഈ കാരണങ്ങൾക്കൊണ്ട് ബുദ്ധിമുട്ടുന്ന അന്നക്ക് ഒരു മാറ്റം വരാൻ ഡോക്ടറുടെ നിർദ്ദേശപ്രകാരം ഒരു ഗ്രാമത്തിലെ ബന്ധുക്കളുടെ അടുത്തേക്ക് കുറച്ചുകാലം താമസിക്കാൻ അവൾ പോകുന്നു. പുതിയ സ്ഥലത്ത് സമയം ചിലവഴിക്കുന്നതിനിടെ, അവിടെ ഒരു തണ്ണീർത്തടത്തിന് അടുത്തുള്ള ഒരു പഴയ ബംഗ്ലാവ് അന്നയുടെ ശ്രദ്ധ പിടിച്ചു പറ്റുന്നു. പിന്നീട് അവിടെ നിന്ന് മാർനി എന്ന് പേരുള്ള ഒരു പെൺകുട്ടിയെ കണ്ടുമുട്ടുകയും അവരുടെ സൗഹൃദം അന്നയുടെ ജീവിതത്തിൽ വലിയ മാറ്റങ്ങൾ കൊണ്ടുവരികയും ചെയ്യുന്നു. പിന്നീട് മാർനിയെ ചുറ്റിപറ്റി ചില രഹസ്യങ്ങൾ അന്ന കണ്ടെത്തുന്നു.

ഇതേപേരിൽ 1967ൽ ജോൺ ജി. റോബിൻസൺ രചിച്ച ഒരു നോവലിനെ അടിസ്ഥാനമാക്കി നിർമിച്ച ചിത്രമാണിത്. ഒരുപാട് നല്ല സിനിമകൾ നിർമിച്ച സ്റ്റുഡിയോ ഗിബ്ലി തന്നെയാണ് ഈ സിനിമയുടെയും നിർമാണം. അതുപോലെ തന്നെ ഈ സിനിമക്ക് 2016ലെ അക്കാദമി അവാർഡിൽ “മികച്ച അനിമേറ്റഡ് ഫീച്ചർ ഫിലിം” വിഭാഗത്തിലേക്ക് നാമനിർദ്ദേശം ലഭിച്ചിരുന്നു.

• ഭാഷ : #Arabic #English
• സംവിധാനം : Kaouther Ben Hania
• പരിഭാഷ : ഹനീൻ ചേന്ദമംഗല്ലൂർ
• പോസ്റ്റർ : അമൽ വർഗീസ്
• ജോണർ : #Drama #Psychological

ടുണീഷ്യൻ സംവിധായിക കൗതർ ബിൻ ഹനിയ (Kaouther Ben Hania) രചനയും സംവിധാനവും നിർവ്വഹിച്ച് 2025-ൽ പുറത്തിറങ്ങിയ ചിത്രമാണ് ‘The Voice of Hind Rajab.’
ഇസ്രായേലി സയണിസ്റ്റ് അധിനിവേശത്തിന്റെ ക്രൂരതയെയും ഗസ്സയിലെ കുരുന്നുകൾ നേരിടുന്ന വംശഹത്യയെയും ലോകത്തിന് മുന്നിൽ തുറന്നുകാട്ടുന്ന ശക്തമായ ഡോക്യു-ഡ്രാമയാണിത്. അധിനിവേശ സേനയുടെ ടാങ്കുകൾ വളഞ്ഞ ഒരു കാറിനുള്ളിൽ, തന്റെ കുടുംബാംഗങ്ങളുടെ മൃതദേഹങ്ങൾക്കിടയിൽ 12 ദിവസം കുടുങ്ങിക്കിടന്ന ആറുവയസ്സുകാരി ഹിന്ദ് റജബിന്റെ ദാരുണമായ അന്ത്യമാണ് ചിത്രം പ്രമേയമാക്കുന്നത്. രക്ഷപ്പെടാൻ ശ്രമിച്ച ആ ചെറിയ കാറിന് നേരെ 355 വെടിയുണ്ടകളാണ് ഇസ്രായേൽ സൈന്യം ഉതിർത്തത്. ഹിന്ദ് റജബ് സഹായത്തിനായി റെഡ് ക്രസന്റ് പ്രവർത്തകരെ വിളിച്ച യഥാർത്ഥ ഫോൺകോൾ റെക്കോർഡിംഗുകൾ ഈ സിനിമയിൽ ഉൾപ്പെടുത്തിയിട്ടുണ്ട്. സഹായത്തിനായി കേണപേക്ഷിച്ച ആ പിഞ്ചുകുഞ്ഞിനെയും അവളെ രക്ഷിക്കാൻ അനുമതി വാങ്ങി എത്തിയ റെഡ് ക്രസന്റ് അംഗങ്ങളെയും ക്രൂരമായി കൊലപ്പെടുത്തിയ സയണിസ്റ്റ് വംശീയതയുടെ ഭീകരത ചർച്ച ചെയ്യുന്ന ഈ ചിത്രം, കുട്ടികൾ നേരിടുന്ന അതിക്രമങ്ങളുടെ നേർസാക്ഷ്യമായി മാറുന്നു.

പല അന്താരാഷ്ട്ര ചലച്ചിത്ര മേളകളിലും വലിയ ചർച്ചകൾക്ക് വഴിവെച്ച ഈ ചിത്രം, 2025-ലെ വെനീസ് ഫിലിം ഫെസ്റ്റിവലിൽ ഗ്രാൻഡ് ജൂറി പ്രൈസ് കരസ്ഥമാക്കിയിട്ടുണ്ട്. കൂടാതെ, മികച്ച വിദേശഭാഷാ ചിത്രത്തിനുള്ള അക്കാദമി അവാർഡ് (Oscar) നോമിനേഷൻ, ടൊറന്റോ ഇന്റർനാഷണൽ ഫിലിം ഫെസ്റ്റിവലിൽ (TIFF) പീപ്പിൾസ് ചോയ്‌സ് അവാർഡ് എന്നീ അംഗീകാരങ്ങൾക്കും ഈ ചിത്രം അർഹമായി.