मला खुप जणांचे बुकलिस्टसाठी message येत आहेत. सध्या मी उपशिक्षक म्हणून कार्यरत असल्याने अन उरलेला वेळ अभिनंदन कार्यक्रमात जात असल्याने बुकलिस्ट पोस्ट करण्यास विलंब होत आहे. तसं तर मी अभिनवने मागील वर्षी सांगितलेली पुस्तकेच follow केली होती.तरी पण मला जेंव्हा वेळ मिळेल ,मी माझी स्ट्रेटेजी व बुकलिस्ट शेयर करेनच...
विलंबासाठी SORRY😊
- महेश दत्तात्रय जमदाडे (राज्यसेवा 2018 Rank- 2)

राज्यसेवा पूर्व परीक्षा २०१९ GS पेपर (पेपर १)

@MpscClub

राज्यसेवा पूर्व परीक्षा २०१९.
Csat पेपर (पेपर 2)

@MpscClub

🚩शिवजयंतीच्या हार्दिक शुभेच्छा 🚩

Rajyaseva Mains Booklist by Mahesh Jamdade Sir.
(Deputy Collector 2018,
2nd rank in Maharashtra). 🚨

@MpscClub

राज्यसेवा (Prelims + Mains +Interview) Booklist in pdf format. 🚨

By- अभिनव बालुरे
(State Rank #6)
(SP Excise ,Class 1, 2017)

All the best for the mains👍😊

17 feb रोजी पूर्व परीक्षा झाली...अजूनही आयोगाची answer key आलेली नाही...तोपर्यंत बऱ्याच मित्रांनी काही classes च्या answer key वरून आपला score काढला आहे...अर्थातच त्यातील काही जण score कमी आला म्हणून demoralised झाले आहेत...पण मित्रानो आयोगाच्या आणि classes च्या key मध्ये काही प्रमाणात changes राहू शकतात.. Specially paper 2 मधील passage च्या answer मध्ये changes राहू शकतात...so मित्रानो patience ठेवा..आयोगाची key आल्यावर सर्व चित्र स्पष्ट होईल..आणि cut off चा अंदाज ही येईल..त्यावरून पुढील रूपरेषा ठरवता येईल...

गणेश पवार..(उपजिल्हाधिकारी)

First key मधील काही उत्तरांवर तुमचे objections असतील, तर ते आयोगाने दिलेल्या याच format मध्ये , दिलेल्या पत्त्यावर पाठवावे लागतात. एका प्रश्नासाठी याची एक प्रिंट काढावी लागते..

@MpscClub

*राज्यसेवा mains ची तयारी सुरु करणार्‍या उमेदवारांसाठी*

पूर्वनंतरच्या पहिल्या महिन्यात आपला Mains साठीचा approach कसा असावा::

परीक्षा झाल्यानंतर साधारणतः एक weekच्या विश्रांतिनंतर full focus ने मुख्यच्या तयारीला लागावेच..

पहिल्या महिन्यात मुख्यतः पूर्व परिक्षेमध्ये cover न झालेले मुख्यच्या syllabus मधील विषय,topics करण्यावर भर द्यावा..

ते विषय व topic म्हणजे::

1..Paper 2 चा भाग दूसरा (ज्यामध्ये कायदे,निवडणुका,press council, प्रशिक्षण संस्था,संसदीय समित्या यांचा मुख्यत्वे समावेश होतो.)
2..सगळ्यात अवघड समजला जाणारा पन तितका अवघड नसनारा पेपर 3.
3..पेपर 4 मधील अर्थशास्त्र भागातील (agricultural Economics, तसेच 1950 नंतर च भारताच्या बदलत गेलेले उद्योग धोरण,)

4..objective मराठी व इंग्रजी(ज्याकडे आपण दुर्लक्ष च करत असतो,पन योग्य वेळ दिला तर हा सर्वात safe आणि scoring आणि खूप output देणारा subject आहे)
5..India after Independence
(साधारणतः history मधील 60 पैकी 10-12marks या topic वर पहायला मिळतात,पण आपला कल मुख्यत्वे modern india ,समाजसुधारक वाचनाकडे असतो..
त्यामुळे हा दुर्लक्षित होतोच)

6..महाराष्ट्राचा भूगोल (मागच्या 2-3 वर्षाच्या मुख्य परिक्षेचे पेपर पाहिल्यास लक्षात येईल की Mains चा मुख्य भर हा या भागावर दिसून येतो)

7..2016,2017,2018 च्या papers चे पुरेपुर analysis. (काही प्रश्न repeat देखील होतात, याची कल्पना असावी. )

8. शेवटचा दीड महिना revision साठी शिल्लक रहावा, असे नियोजन करून आत्तापासून वेग घ्या.

यापुढील strategy त्या त्या वेळी शेअर केली जाईल. 😊
#Rohan Sir
@MpscClub

Ashish Barkul सरांची Mpsc राज्यसेवा Prelims आणि mains साठी Booklist.

MPSC 2018 मध्ये आशिष सर राज्यात सर्वप्रथम आलेले असून त्यांची उपजिल्हाधिकारी पदी निवड झालेली आहे. 🚨

खूप उपयुक्त Booklist आहे👌. जास्तीत जास्त शेअर करा.

@MpscClub

नमस्कार मित्रांनो,
राज्यसेवा 2018 चा निकाल लागल्यापासून मला अनेक मित्रांकडून आणखी एक प्रश्न वारंवार विचारला जातोय- पुस्तकं कोणती वाचली? तुमची booklist सांगा.
पण "पुस्तकं कशी वाचली?" हा प्रश्न विचारणं मला अपेक्षित आहे आणि दुर्दैवाने अजून कुणीच असा प्रश्न विचारला नाही.
एक गोष्ट मी इथं क्लिअर करू इच्छितो की माझी जगावेगळी अशी कोणतीच booklist नाही. सगळे जी books वाचता मी पण तीच वाचतो. आणि यापूर्वीच माझ्या अनेक अधिकारी मित्रांनी (सोपान टोम्पे DC, आशिष बारकुल DC, दत्तू शेवाळे DC, अभिनव बालुरे SSE व इतर अनेक) अतिशय दर्जेदार अशा booklists share केलेल्याच आहेत. त्यामुळे मी booklist share करणार नाही.
Books कोणती वाचली यापेक्षा कितीतरी पटीने हा प्रश्न महत्वाचा आहे की books कशी वाचली. कारण 99% विद्यार्थी सारखीच पुस्तकं वाचत असतात तरी same books रेफर करणारा एखादा महाराष्ट्रात top 10 मध्ये येतो तर दुसरा पासही होत नाही. त्यामुळे याचा गांभीर्याने विचार करण्याची गरज आहे.
उदाहरण सांगतो माझ्या एका मित्रानं एकदा मला विचारलं की मी M. लक्ष्मीकांत चं पुस्तकं 2013 पासून आतापर्यंत 22 वेळा वाचलंय तरी तुझा स्कोर माझ्यापेक्षा जास्त कसा येतो?
मित्रांनो मी 2015 ला graduation पूर्ण केलंय आणि कमी वेळात म्हणजे 2016 ला STI (adv. 2014 ची), 2017 ला नायब तहसीलदार आणि 2018 ला उपजिल्हाधिकारी पदे मिळवली. कारण मी एकदाचं दर्जेदार पुस्तकांची निवड केली आणि पुन्हा कोणती पुस्तकं वाचायची हा प्रश्न मनात कधीच येऊ दिला नाही तर आता ही पुस्तकं कशी वाचायची याकडं जास्त लक्ष दिलं.
त्यामुळं आता पुस्तकं कशी वाचायची हेच मी तुम्हाला सांगणार आहे -
1. तुमची booklist एकदाच निश्चित करा आणि तीच्यावर विश्वास ठेवा.
2. नवीन एडिशन आलं म्हणून लगेच नवीन पुस्तक घेऊ नका. तुमच्या जुन्याच पुस्तकात नवीन माहिती add करत चाला. पुस्तकात जागा नसेल तर त्या विषयाच्या updation साठी छोटीशी वही करू शकता. असे केल्यानं आपण त्या पुस्तकाशी खूपच जास्त फॅमिलिअर होऊन जातो आणि कदाचित परीक्षेच्या वेळी त्या पुस्तकाचे संपूर्ण पान सुद्धा डोळ्यासमोर येते. तसेच एकाच विषयाच्या वेगवेगळ्या पुस्तकांत 90% माहिती same च असते.
3. आता मराठीत सुद्धा खुप सारी दर्जेदार पुस्तकं उपलब्ध आहेत. त्यामुळं शक्यतो मराठीतूनच पुस्तकं वाचा. कारण शेवटी आपली मातृभाषा मराठी आहे आणि मराठीतुन आपल्याला जितकं चांगलं आकलन होईल तितकं इतर भाषेतुन होऊ शकत नाही असं मला वाटतं. अतिशय गरज वाटली तरच इंग्रजी पुस्तकं वापरा. फॅशन म्हणून इंग्रजी पुस्तकं वापरू नका. (मी स्वतः सर्व पुस्तकं मराठीतूनच वाचली आहेत.)
4. पुस्तक वाचताना प्रत्येक वेळी ते पहिले पान ते शेवटचं पान असं वाचू नका. असं वाचन तुम्ही फक्त पहिल्यांदा एक दोन वेळेस करा. त्यानंतर अजून एक वेळेस अशाच प्रकारे revision ही करू शकता. पण त्यानंतर मात्र आयोगाची त्या विषयाची जुनी प्रश्नपत्रिका घ्या आणि त्यातील प्रत्येक प्रश्न ज्या घटकावरती विचारला आहे तोच घटक त्या पुस्तकातून चांगला करा. म्हणजे जर तुमच्या पुस्तकात त्याविषयी जास्त माहिती दिलेली नसेल तर ती माहिती लगेच इंटरनेट किंवा इतर संदर्भांचा वापर करून तुमच्या पुस्तकात किंवा वहीत update करून घेता येईल आणि त्या घटकाचा जास्तीत जास्त परिपूर्ण अभ्यास होण्यास मदत होईल. आणि अशाच प्रकारे पुढील सर्व प्रश्न आणि संबंधित घटक यांचा अभ्यास करायचा आहे.
या पद्धतीने अभ्यास केल्यास खूपच परिणामकारक आणि परिपूर्ण अभ्यास होतो आणि संबंधित प्रश्न आयोगाने विचारला असल्याने तो आपल्याला महत्वाचा वाटतो व आपण तो अधिक स्वारस्याने वाचतो आणि बोअर सुद्धा होत नाही.
5. जो विषय तुम्ही अभ्यासाला घेणार आहात त्याचे पुस्तक वाचायला सुरुवात करण्यापूर्वी त्या विषयातील जो घटक तुम्ही वाचणार आहात त्या घटकावरील आयोगाने विचारलेले किमान 10 प्रश्न वाचल्यानंतरच तो घटक वाचायला सुरुवात करा. म्हणजे त्या घटकातून कोणती महत्वाची माहिती तुम्हाला घ्यायची आहे हे तुमच्या लक्षात येईल आणि तुम्ही भरकटणार नाही ट्रॅक वर राहाल.
पुस्तक वाचताना बोअर होऊ लागलं की पुन्हा त्या घटकावरील आयोगाने विचारलेले 10 - 15 प्रश्न वाचा आपोआप इंटरेस्ट येईल. घटकानुसार आयोगाच्या गतवर्षीच्या प्रश्नांचे वर्गीकरण केलेली अनेक पुस्तकं मार्केट मध्ये उपलब्ध आहेत.
मित्रांनो आयोगाच्या गतवर्षीच्या प्रश्नांकडे दुर्लक्ष करून फक्त पुस्तकं वाचत राहणं म्हणजे रस्ता भटकण्यासारखं आहे हे माझं वाक्य डोक्यात पक्कच भिनवून ठेवा. आयोगाच्या गतवर्षीच्या प्रश्नपत्रिकांपेक्षा आणि अभ्यासक्रमापेक्षा मोठा मार्गदर्शक कुणी म्हणजे कुणीच नाही हे लक्षात असू द्या.
सध्या पुस्तकं कशी वाचायची हे तुमच्या लक्षात आलंच असेल अशी अपेक्षा करतो. त्यामुळं सध्या ही स्ट्रॅटेजि वापरून अभ्यासाला लागा.
@MpscClub

(part 2)....

लवकरच मी मुख्य परीक्षेचे योग्य नियोजन आणि प्रॉपर revision कशा कराव्या, आणि प्रत्येक पेपरचा अधिकाधिक परिपूर्ण अभ्यास कसा करावा याविषयीची स्ट्रॅटेजि share करण्याचा प्रयत्न करीन.


*जनार्दन अंबादास कासार*
*उपजिल्हाधिकारी (2018)*
*राज्यात 6 वा*

@MpscClub

"कथा आधुनिक द्रोणाचार्यांची "

पुराणातील हस्तनापुर नगराप्रमानेच प्रमाणेच एक आधुनिक नगर ज्याला काही लोक पुण्य - नगरी तर काही "पुंणे " तर काही लोक ह्या नगरला "विद्येचे माहेर " असेही म्हणतात.. या नगरचा नाव लौकीक असल्या मुळे ठीक ठिकाणचे युवक युवती येथे ज्ञान अर्जनासाठी येत आणि येतात.. याच नगरात एक आचार्य द्रोण यांचे भव्य आश्रम आहे. (आज अनेक आचार्य आणि त्यांचे अनेक आश्रम झाले त्यामुळे सगळ्यांचे मिळून आपण एकच समजू या) . या आश्रमात द्रोणाचार्य अनेक विद्यार्थ्यांना शिक्षण देत असतात.
आश्रमात असे प्रसन्न वातावरण निर्माण केले जात की एकादा नवीन युवक युवती वां त्यांचे पालक आश्रमात आले तर ते अगदीच दिपून जात. त्यांना लगेच जाणीव होत की हीच ती जागा जिथे माझ्या लेकराच भविष्य घडणार आहे.आणि मग त्या आश्रमा मध्ये ज्ञानार्जनासाठी तो युवक युवती त्या पुण्य नगरीत राहू लागे. सुरवातीच्या काही दिवसात त्या शिष्या ला आपण योग्य निवड केली याच गोष्टीचे मोठं अपृप वाटे. कारण इतर कोणत्याही आश्रमा पेक्षा आपला आश्रम कसा श्रेष्ठ आहे हे पटुन देण्यातच गुरूंना वर्गात तर शिष्या ला इतर वेळी रस निर्माण झाला .आश्रमातील काही आपले शिष्य आपल्या आश्रमाचे नाव रोशन करतील अशी द्रोणाचार्यांना खात्री होती.. त्या मुळे ते अश्या "अर्जुंनांवर " विशेष लक्ष ठेऊन असत.
पुण्य नगरीत या गुरु शिष्या शिवाय अजुन एक गट होता. जे कोणत्याच आश्रमाचे विद्यार्थी नव्हते तर ते स्वतंत्र तयारी करत असत. नाही म्हणायला त्यांना द्रोणाचार्य यांचे काही लिखित ग्रंथ वाचनास उपलब्ध होते.( ह्या सगळ्या वर्गास आपण एकलव्य म्हणुया ) हे एकलव्य हाडाची काडे करून ज्ञानार्जन करत. बदलत्या काळानुसार अंतिम परीक्षेत बदल करण्यात आला होता. आता अंतिम परीक्षा आणि तिचा निकाल याचा अधिकार गुरूंकडून काडून घेतला होता. आता तो सर्व अधिकार एका स्वतंत्र यंत्रणेकडे देण्यात आला होता. ती यंत्रणा दरवर्षी या साठी परीक्षा घेत असत.
शेवटी या वर्षीची अंतिम परीक्षा झाली, आणि निकाल लागला "आपल्या आश्रमातील १०० विद्यार्थी यशस्वी " असे सर्वच आश्रम म्हणू लागले .. व्यास्तविक परीक्षा घेणाऱ्या यंत्रणेने एकूण १०० विद्यार्थी यशस्वी झाल्याचे सांगितले सर्व आश्रमातील यशस्वी विद्यार्थी मोजले तर ते १००० पेक्षा जास्त भरतील. म्हणजे तेच १०० विद्यार्थी आलटून पालटून सर्व आश्रमानी आपले आपले म्हणत घोषित केले. बरं एक प्रश्न पडतो की एकलव्या चे काय झाले ? अगदी खरं सांगायचं तर या १०० पैकी बहुतांश यशस्वी मंडळी ही एकलव्याच्या गटातील होती .या आधुनिक द्रोणाचार्यांनी आपल्या लाडक्या अर्जूनासाठी त्यांची अंगुठे छाटली नाही याचे सर्व श्रेय आधुनिक भारतातील लोकशाही युगाला आणि " स्पर्धा परीक्षेतील जाहिराती साठी एकलाव्यालाच हाच माझा अर्जुन म्हणून घोषित करावा लागण्याच्या द्रोणाचार्य यांच्या अगतिक्तेला द्यावे लागेल.

महत्वाची सूचना : मला पूर्ण जाणीव आहे की , सर्वच क्लासेस मध्ये असे प्रकार होत नाही. स्पर्धा परीक्षा विश्वात अनेक सन्माननीय अपवाद आहेत.. तसेच अंतिम यादीत येऊनही कोणत्याही क्लासेस साठी जाहिराती न करणारे अनेक सन्माननीय एकलव्य देखील आहेत. त्यांना सर्वांना माझा मानाचा मुजरा !
या लेखाचा रोख हा ग्रामीण भागातील शेतमजूर वा सीमांत शेतकरी कुटांबाच्या वार्षिक उत्पन्नाच्या काही पटित फी घेऊन तुलनेत काहीच न शिकविणाऱ्या.. त्या निष्पाप कुटुंबाच्या भावनांशी खेळणाऱ्या स्पर्धा परीक्षा विश्वातील दलालांवर आहे.एकाद्याला हे सर्व वाचून जर मिरच्या झोमल्याचं तर त्याने फक्त स्वतःच्या पोटासाठी काही निरागस जीवना फुकटचे स्वप्न दाखवणे थांबवावे एवढीच माफक अपेक्षा व्यक्त करतो.

आपला
विश्वास मीराबाई पुंडलिकराव शिरसाट,

उपजिल्हाधिकारी २०१८

http://pib.nic.in/EventDetail.aspx?ID=1097

राज्यसेवा mains ची तयारी करणार्‍या उमेदवारांसाठी

🔻 सामान्य अध्ययन पेपर 3, सामान्य अध्ययन पेपर 4 साठी अत्यंत उपयुक्त लिंक.. 🔻
Syllabus आणि मागच्या question papers ना समोर ठेवून selectively वाचा. फायदा होईल स्कोर improve करण्यासाठी..

GS 4 मधील Space, energy, nuclear

Gs3 साठी विविध ministry, schemes यामधील developments यांचा वर्षभराचा आढावा छान दिलेत यात..

@MpscClub 🚓

#MPSCmains - भाषा विषय 🖋

🔶(खूप चांगले मार्क्स मिळवून देणारा, चांगले output असणारा भाग)🔶

"बरेच विद्यार्थी मला मराठी-इंग्लिश Objective Paper मध्ये चांगले गुण मिळवण्यासाठी काय करावे असे विचारत आहेत..सगळ्यांना कॉल वरून सांगणे शक्य नाही म्हणून हा लेखनप्रपंच! मी जे केलंय फक्त तेच लिहितोय!

1. मराठीसाठी मो. रा. वाळंबे सरांचे एकच पुस्तक पुरेसं आहे. पुस्तकात प्रत्येक टॉपिक साठी दिलेले नियम काळजीपूर्वक वाचणे, शक्य तिथे संकल्पना समजून घेण्याचा प्रयत्न करणे, नसेल तर ते पाठ करणे. तसेच प्रत्येक घटकाशी निगडित सर्व उदाहरणे लक्षात ठेवणे. याच पुस्तकातील शब्दधन व्यवस्थित करणे त्यासाठी मी वेगळं काही वाचलं नाही.

2. आतापर्यंत आयोगाद्वारे घेण्यात आलेल्या सर्व परिक्षांपैकी ज्या परीक्षेत मराठी-इंग्लिश चा भाग असेल, मग ती विभागीय परीक्षा का असेना ती प्रश्नपत्रिका site वरून डाउनलोड करून सोडवणे. गतवर्षीचे प्रश्न जेवढ्या जास्त वेळा सोडवता येतील तेवढ्या जास्त वेळा सोडवणे. एखादा घटक वाचल्यानंतर त्या घटकाशी निगडित मागचे सर्व प्रश्न सोडवणे. प्रश्न सोडवत असताना उत्तर मार्क करू नये, तोच प्रश्न पुन्हा सोडवत असताना आपण नव्याने त्याकढे बघायला हवे.

3. एखाद्या प्रश्नाचं केवळ उत्तर आल्यावर समाधान न मानता ते कोणत्या नियमात बसते, इतर पर्याय कसे अयोग्य आहेत, आणि तो प्रश्न कसा विचारला असता इतर पर्याय लागू झाले असते, असे counter question केल्यास प्रश्नाचं विश्लेषण सखोल होते आणि परीक्षेच्या वेळी दोन पर्यायात द्विधा होत नाही. आणि एखाद्या टॉपिक वर किती प्रकारचे प्रश्न येऊ शकतात हे पाहावे. जमल्यास महत्वाचे नियम एक चार्ट स्वरूपात भिंतीवर लावून दररोज एकदा तरी ते पाहणे.

4. जेवढे जास्त सराव प्रश्न सोडवले तेवढे चांगलं. मी बाजारात उपलब्ध मराठी विषयाच्या पुस्तकांतून सर्व प्रश्न सोडवले होते, कोणत्याही पब्लिकेशन चं घ्या फक्त प्रश्न हवे आपल्याला. तसेच एकदा व्यवस्थित वाचून झाल्यानंतर एखादी टेस्ट सिरीज जॉईन करा (ज्यांना जी आवडेल ती!). आणि तिथे पेपर देत असताना अगदी आयोगाचा पेपर सोडवत आहोत असे सोडवा. पेपर संपल्यावर लगेच प्रत्येक प्रश्नाचं विश्लेषण करा, जे चुकलेत ते का चुकलेत?, तो प्रश्न सोडवत असताना आपण काय विचार केला? चुकलेले प्रश्न कोणत्या घटकाशी निगडित आहेत? हे तपासून घ्या. मग त्या टॉपिक वर सगळ्यात जास्त भर द्या. याच गोष्टी पुढचा पेपर देताना करा. आणि चुका eliminate करा. एकदा का टेस्ट सिरीज च्या पेपर ला 80 च्या वर मार्क्स आले तर आयोगाच्या पेपर मध्ये येणारच!

5. पेपर सोडवत असताना 4 पर्याय बघितल्याशिवाय उत्तर मार्क करू नये. मी व्याकरणाचे पूर्ण प्रश्न सोडवल्यानंतर उताऱ्यावरील प्रश्न सोडवायचो. इंग्लिश चा उतारा खूप सोपा असतो त्याकडे दुर्लक्ष करू नये. सराव एवढा झाला होता की 100 प्रश्न सोडवूनसुद्धा 5 मिनिटे तरी मी बसून राहायचो! म्हणून वेळ कमी आहे असे न म्हणता आपली स्पीड कशी वाढेल हे पाहावे. पहिला अर्धा तास मी प्रश्न सोडवायचो मग लगेच गोल करून घ्यायचो उरलेल्या वेळेत इतर प्रश्न सोडवायचो. (असेच करावे अस काही नाही).

To be continued in part 2..
@MpscClub

MpscMains: भाषा विषय (Part 2)

6. सुरुवातीला मी पूर्ण 8 दिवस फक्त मराठीचा अभ्यास केला (असाच वेळ मी इंग्लिश पण दिला). नंतर मात्र दररोज सकाळचे 2 तास मी व्याकरणाचा अभ्यास करायचो. सतत revision गरजेचं असते. जे टॉपिक आपल्याला जमत नाहीत ते एखाद्याकडून चर्चेद्वारे समजावून घ्यावे.

7. English साठी सुद्धा वरील गोष्टी करावे. त्यासोबतच vocabulary वाढवण्यासाठी एखादा english Newspaper सतत 3 महिने तरी वाचावे. पाल आणि सूरी मधील grammar चा पूर्ण भाग करावा. M J Shaikh किंवा बाळासाहेब शिंदे यापैकी कोणत्याही एका लेखकाचे पुस्तक व्याकरणाचे नियम समजावून घेण्यासाठी तसेच exercise सोडवण्यासाठी आवश्यक आहे.

8. Identify the correct sentence- हा भाग बऱ्याच जणांना अवघड वाटतो. यासाठी आयोग किती प्रकारचे error एखाद्या वाक्यात करू शकते हे माहिती करणे आवश्यक आहे. त्यानंतर आपण शिकलेले grammar चे नियम तिथे लागू करता आले पाहिजे.
Tense/ Words with Multiple meaning/ Conditional sentence/ Use of article/ Degree/ Structure of Sentence etc..अश्या काही Sentence Error आयोगाद्वारे विचारण्यात येतात. या टॉपिक चे सर्व प्रश्न एकत्र सोडविल्यास फायदा होतो.

9. मला पूर्वी या पेपर ला खूप कमी मार्क्स यायचे. माझा Vocab चा भाग चांगला होता मात्र grammar ला मार्क्स यायचे नाहीत. माझा मित्र सतीश बिरादार याने अगदी सोप्या भाषेत मला नियम, तसेच त्याने स्वतः तयार केलेले tricks पण सांगितले. त्याचा खूप सराव केल्यानंतर मला 100 पैकी 89, 88, 86, 84 असे मार्क्स मिळाले. म्हणून आपल्या कमतरता ओळखून त्या भरून काढण्यासाठी discussion, क्लास OR Self study जे जमेल ते करावे पण मार्क्स मिळतील यासाठी प्रयत्न करावेत...आणि एकदा का चांगला अभ्यास झाला तर कठीण पेपर असला तरी हमखास मार्क्स मिळवून देणारा हा विषय आहे!

* मी क्लास लावला नव्हता. मला या पेपर ला चांगले मार्क्स येण्याचे पूर्ण श्रेय मी माझा मित्र Satish Biradar याला देतो..*

All the best!

-Yogesh Tompe सर
(तहसीलदार, 2017 बॅच) 🚨

For More,
Join : @MpscClub

#MPSCmains.
GS3 (Hrd, hr) साठी Internet चा वापर...

मित्रांनो राज्यसेवा परिक्षेत मानवी संसाधन व हक्क हा पेपर तसा म्हटला तर अवघड पण तुलनेने सोपा पेपर.
मार्केटमध्ये बेसिक पुस्तके जरी उपलब्ध असली तरी अनेक विद्यार्थ्यांना अपडेटेड माहिती अभावी परिक्षेत गोंधळाच्या स्थितीला सामोरे जावे लागते.
या पेपर साठी आपण विकिपेडिया चा वापर करतो,पण बहुतांशी वेळी विकीचे सोर्स हे आॅथेंटीक असण्यावर प्रश्नचिन्ह असते. तेव्हा आॅथेंटीक सोर्स कसे शोधावेत हा यक्षप्रश्न आपणास पडतो.

याचे उत्तर आहे "विकासपेडीया".
प्लेस्टोअर वर हे अॅप उपलब्ध आहे.
याचे स्पेसिफिक ब्राउजर शासकिय वेबसाईट मधुन आपणास हवे असलेली माहिती integrate करुन आॅथेंटिक माहिती आपल्याला देतो.वेगवेगळे शासकिय रिपोर्ट व pdf मुळे योग्य व on to the point डाटा मिळत असल्याने आपल्या नोटस् चे value addition नक्कीच होते व google मधुन होणारे डायव्हर्जन टाळता येते.

तळटीप : इंटरनेटचा वापर करण्याआधी आपल्या Booklist मधील सर्व basic books व्यवस्थित वाचून झालेले आहेत का? याची खातरजमा करावी. Basic books सविस्तर वाचल्याशिवाय online माहितीचा वापर होत नाही किंवा output कमी असतो.

#copied
@MpscClub

Gs1- 2.6. Remote sensing.
@MpscSelfStudy
GS1 मधील Remote sensing या topic साठी ncert ची pdf.👆
राज्यसेवा मुख्य साठी important.
शेयर करा.

Mpsc mains
Science and tech..
Gs 4 - 3.6 - Disaster management साठी खूप महत्वाची pdf..👆..

Metrology pdf By- Indian meteorological department.. ✅
शेयर करा...

@MpscClub