Tiger 3 [2023] “စလူးဘိုင်ရဲ့ တိုက်ဂါး၃”

အကြည်ဆုံး AMZ WEB DL ဗားရှင်းကိုသာ တင်ဆက်ထားပါတယ်

IMDb – 7.6/10နာမည်ကျော် ခန်းသုံးခန်းထဲက ဆယ်လ်မန်ခန်းရဲ့ တိုက်ဂါးရုပ်ရှင်တွေထဲကနောက်ဆုံးထွက်ရှိထားတဲ့ သုံးကားမြောက် ရုပ်ရှင်ကြီးကိုတင်ဆက်ပေးပါရစေ။

အကြည်ထွက်ဖို့ မျှော်လင့်ခဲ့တာအတော်ကြာပေမဲ့ ဒီနေ့မှာတော့ တကယ်အကြည်ထွက်လာပြီး စလူးဘိုင်ရဲ့တိုက်ဂါး၃ဟာ BOမှာဆိုရင်လဲ ကုဋေ၁၀၀ကျော်ထိ မြတ်ထားနေပါပြီ….အရင်ဆုံးဒီရုပ်ရှင်ကို ဖန်တီးခဲ့တဲ့ ဒါရိုက်တာကိုကြည့်ရအောင်။မာနတ်ရှ် ရှာမာတဲ့။

ရှာရွတ်ခန်းရဲ့ Fan(2016) ရာနီးရဲ့ Hichki(2018)လိုရုပ်ရှင်တွေကို ရိုက်ကူးတင်ဆက်ခဲ့တဲ့ ဒါရိုက်တာကြီး။
အဓိကသရုပ်ဆောင်တွေအနေနဲ့ကတော့ အားလုံးသိကြတဲ့အတိုင်း မဆုံနိုင်လို့ ဝေးခဲ့ကြတဲ့ ကျန်ရစ်ကြီး ဆယ်လ်မန်ခန်းနဲ့ ကတ်သ်ရီးနားတို့ပဲပေါ့။

ကျွန်တော်တို့ရဲ့ ကင်းခန်းကြီးနဲ့ ရိုမန်းတစ်မင်းသားကြီး အင်မရန်းဟာရှ်မီလည်း ပါဝင်ထားပါသေးတယ်။တိုက်ဂါးနဲ့ ဇိုရာဆိုတာ စပြီးဆုံကတည်းက ယဉ်သကိုဆိုသလို အတိုက်အခိုက်လေးတွေနဲ့ဆိုတာ ကြည့်ရှုခဲ့ကြပြီးသားပေါ့။

နှစ်ယောက်လုံးက တာဝန်ကိုယ်စီတွေနဲ့ ထမ်းဆောင်နေကြချိန် မထင်မှတ်ထားတဲ့အရာတစ်ခုကိုချစ်သူနှစ်ဦးထဲက တစ်ဦး တွေ့ရှိလိုက်ရတဲ့အချိန်မှာတော့။

ဆယ်လ်မန်ခန်းရဲ့ ရှေ့မှာထွက်ခဲ့တဲ့ရုပ်ရှင်ဇာတ်လမ်းကို အဆိပ်အနေနဲ့ခံစားခဲ့ကြရတယ်ဆိုရင် ဒီရုပ်ရှင်ဇာတ်လမ်းလေးကဖြေဆေးအနေနဲ့ရော ကျွန်တော်တို့ချစ်တဲ့ ဆယ်လ်မန်းခန်းရဲ့ကြိုးစားအားထုတ်မှုတွေရောကို မြင်တွေ့ခံစားရမှာဖြစ်ကြောင်းပြောရင်းခံစားကြည့်ရှုကြပါဦး။

(အညွှန်းကို‌တော့ ဝါရင့်ဘာသာပြန်ကြီး Vမှ ရေးသားပေးထားပြီး ဘာသာပြန်ကတော့ Thaik Sanပဲဖြစ်ပါတယ်)

Farrey [2024]

CM ပရိတ်သတ်တွေအတွက် remake ဇာတ်ကားလေးတစ်ခုနဲ့ မိတ်ဆက်ပေးပါရစေ

ထိုင်းမှာသာမက ကမ္ဘာတစ်ခုလုံးမှာပေါက်ခဲ့တဲ့ Bad genius ကားရဲ့ အိန္ဒိယဗားရှင်းremakeလေးပါ...

IMDb 6.3ရထားပြီး အိန္ဒိယစတိုင်သီချင်းအလန်းစား.အကအမိုက်စားလေးတွေနဲ့ ကြည့်ရှုရမှာပါ...

နီယာတီက ငယ်စဥ်ကတည်းက မိဘမဲ့ဂေဟာမှာကြီးပြင်းလာတာပါ.အားတဲ့အချိန်တွေမှာ ဂိုက်သင်ပြီးအပိုဝင်ငွေရှာလေ့ရှိပါတယ်.

တစ်ရက်တော့ နီယာတီက USPCစာမေးပွဲမှာ တစ်နိုင်ငံလုံးအဆင့်ပထမရပြီးတဲ့နောက်မှာ သူ့ဘဝတစ်ဆစ်ချိုးပြောင်းလဲသွားပါတော့တယ်..

နာမည်ကြီးသူဌေးကျောင်းကိုစကော်လာနဲ့ဝင်ခွင့်ရပြီး ကျောင်းတက်ခွင့်ရခဲ့ပါတယ်..

မိဘမဲ့ဂေဟာအတွက် ငွေအရမ်းရှာပေးချင်တဲ့ နီဟာတီဟာ အဲဒီကျောင်းမှာ သူ့လိုပဲ ဉာဏ်ကြီးရှင်အာကတ်ရှ်နဲ့ပေါင်းပြီးနှစ်ယောက်သားငွေအတွက် ဘယ်လိုလုပ်ရပ်မျိုးတွေလုပ်ကြမလဲဆိုတာကတော့....

ဒီဇာတ်ကားလေးမှာကြည့်ရှုပေးကြပါဦး

အညွှန်းနဲ့ဘာသာပြန်ကတော့ CM Bollywood Team ဖြစ်ပါတယ်

The Witch Part 2: The Other One (2022)
----------------------------------------------------------------

Kim Dami နဲ့ Choi Woo-Shik တို့ရဲ့ အောင်မြင်ခဲ့တဲ့ ရုပ်ရှင်
The Witch:The Subversion ရဲ့ အဆက်အနေနဲ့ The Witch Part 2 ထွက်ရှိလာပါပြီ။

Part 2 မှာတော့ အားလုံးသိကြတဲ့ မင်းသား Lee Jong-Suk နဲ့
xtraordinary Attorney Woo ထဲက မင်းသမီး Park Eun Bin တို့ပါဝင်ထားသလို
Part 1 က Casts တော်တော်များများလည်း ပြန်လည်ပါဝင်ထားကြပါတယ်။

ထူးခြားဆန်းသစ်တဲ့ လူသားမျိုးစိတ်တစ်ခု ဖန်တီးဖို့ ကြိုးစားကြရင်း
ဖြစ်ပေါ်လာတဲ့ ပြဿနာတွေ ၊ အစမ်းသပ်ခံလူသားတွေ အားလုံးကို ရှင်းလိုက်ပေမဲ့
အဲဒီထဲကတစ်ယောက်ကတော့ လွတ်မြောက်သွားခဲ့ပါတယ်။

သွေးသံရဲရဲနဲ့ လျှောက်သွားနေတဲ့ မိန်းကလေးတစ်ယောက်နဲ့ KyungHee တို့ အမှတ်မထင် တွေ့ဆုံပြီးတဲ့နောက်
ဒီမိန်းကလေးကို ကာကွယ်ဖို့အတွက် KyungHee (Park Eun Bin) တစ်ယောက် ကြိုးစားပုံကို သဲထိတ်ရင်ဖို ကြည့်ရှုခံစားရမယ့်အပြင်

လူသားမျိုးစိတ်အသစ်တစ်ခုလိုဖြစ်နေတဲ့ ဒီမိန်းကလေးရဲ့ စွမ်းအားတွေက ဘာတွေဖြစ်မလဲ?
ဘယ်သူတွေကများ ဘာရည်ရွယ်ချက်နဲ့ ဒီစမ်းသပ်မှုကြီးကို လုပ်ခဲ့ကြတာလဲ?

Part 1 ထက်မလျော့တဲ့ သွေးသံတရဲရဲနဲ့ Horror Scenes တွေ ၊
သဘာဝလွန်ဇာတ်လမ်းဇာတ်ကွက်တွေနဲ့
Action Scenes တွေပါဝင်တဲ့ ဇာတ်ကားကောင်းတစ်ကားပဲဖြစ်လို့ အခုပဲ ကြည့်ရှုခံစားလိုက်ပါဦးနော်။

အညွှန်းကတော့ Hmwe Thet Winn ဖြစ်ပြီးတော့

ဘာသာပြန်ထားတာကတော့ Hmwe နဲ့ Joyz ပဲ ဖြစ်ပါတယ်။

#Credit
#ChannelMyanmar

The Witch: Part 1. The Subversion [2018]

ဒီဇာတ်ကားက ကျွန်တော်တို့ထင်မထားလောက်အောင် ကြမ်းပြီးကောင်းတဲ့ကားထဲမှာပါတယ်

BOX OFFICE လည်းဝင်ခဲ့သလို ဆန်းပြားတဲ့ဇာတ်အိမ်နဲ့ အက်ရှင်ခန်းအမိုက်စားတွေကြောင့်

ကျားပရိတ်သတ်ရော မပရိတ်သတ်ပါ အတော်လေးနှစ်ခြိုက်ခဲ့ကြပြီး ဇာတ်လမ်းအကျဉ်းကတော့ စမ်းသပ်မှုတစ်ခုကနေ ထွက်ပြေးလွတ်မြောက်လာခဲ့တဲ့ ကောင်မလေးတစ်ယောက်ကိုကလေးဆုံးရှုံးထားတဲ့ လင်မယားက ခေါ်ယူမွေးစားလိုက်ပါတယ်။

ကောင်မလေးကလည်း အတိတ်မေ့နေတဲ့အတွက် အရင်က အကြောင်းတွေမမှတ်မိပါဘူး။ ကောင်မလေး အရွယ်ရောက်လာတဲ့အချိန်မှာ သူတို့ရဲ့ စီးပွားရေးအဆင်မပြေတဲ့အတွက် ဆုကြေးငွေ အများကြီးရနိုင်တဲ့သီချင်းဆိုပြိုင်ပွဲတစ်ခုကိုဝင်ပြိုင်ခဲ့ပါတယ်။

ပြီးတော့ သူ့ရဲ့ထူးခြားချက်တစ်ခုကိုပြရာမှာ အများအံ့အားသင့်စရာဖြစ်လာပါတယ်။

အဲဒါနဲ့ သူ့ရဲ့ အကြောင်းကိုလူတွေသိသွားပြီး အတိတ်က အရိပ်ဆိုးက ပြန်လိုက်လာတဲ့အခါမှာ…..

#Credit
#ChannelMyanmar

Fee Dead or Alive [2022]

ဒီတစ်ခါ ပရိသတ်ကြီးအတွက် နယ်စပ်ဖြတ်ကျော်တဲ့ ဒုက္ခတွေက ဘယ်လောက်တောင် ခါးသီးလဲဆိုတာကို ရိုက်ပြထားတဲ့ ကားကောင်းလေးတစ်ကားကို တင်ဆက်လိုက်ပါတယ်

ဂွာတီမာလာ ဆိုတဲ့ နိုင်ငံလေးက တကယ့်ကို မင်းမဲ့တိုင်းပြည်တစ်ခုလိုဖြစ်နေတဲ့ နိုင်ငံလေး တစ်နိုင်ငံပါပဲ အဲဒီကနေ မက္ကဆီကို ကို ဖြတ်ပြီးတော့ အသူဌေးကြီး တစ်ယောက်ရဲ့ သားဟာ ပြည့်တန်ဆာမတစ်ယောက်ရဲ့ သမီးကို လက်ထပ်ဖို့ ကမ်းလှမ်းတာကနေ ဇာတ်လမ်းက စတော့တာပါပဲ

မာနတခွဲသားနဲ့ ဘယ်သူ့ကိုမှ လူမထင်တဲ့ ပြည့်တန်ဆာမရဲ့ သမီးဟာ အာဏာအရှိဆုံးကုန်သည်ကြီးတစ်ယောက်ရဲ့ သားကိုမှ ငြင်းပယ်လိုက်ပြီးတော့ သူ့လူနှစ်ယောက်ကိုပါ သားအမိနှစ်ယောက်ပေါင်းသတ်မိရာကနေ အဲဒီနိုင်ငံထဲနေ ထွက်ပြေးဖို့ဖြစ်လာခဲ့တာပါ

ပြေးတဲ့လမ်းတစ်လျှောက်မှာ ဘယ်လိုအခက်အခဲတွေ ကြုံရမလဲ ဘယ်လို ဖြတ်ကျော်ရမလဲ ဆိုတာကိုတော့ သဲထိတ်ရင်ဖို့လေး ခံစားကြည့်လိုက် ကြပါဦး

#Credit
#ChannelMyanmar

Stree [2018]

“ဇာတ်လမ်းအကျဉ်း”
“အိုဆတ္ထရီ(မိန်းကလေး) မနက်ဖြန်မှ လာခဲ့ပါ ” တဲ့။
မြို့ထဲက အိမ်တိုင်း အိမ်အပြင်မှာ ရေးထားတဲ့ စာ။
ပွဲတော်ရက်ဆိုရင် သရဲမလေး ယောကျ်ားရှာထွက်တယ်။

တမြို့လုံးမှာ ရှိရှိသမျှ ယောကျ်ားလေးတွေ
အားလုံး သတိ!ဒီလို အယူသည်းတာတွေကို
မယုံတဲ့သူ တစ်ယောက်ရှိတယ်။ ဗစ်ကီတဲ့။ဗစ်ကီဟာ အပ်ချုပ်သမား တစ်ယောက်ပါ။

တနေ့မှာတော့ သူ ပွဲတော်ရက်အတွင်း
မိန်းမလှလေးတစ်ယောက်နဲ့ ဆုံခဲ့ရပါတယ်။

မြင်မြင်ချင်း ချစ်မိသွားသလို မိန်းကလေးကလည်း
လက်ရဲဇက်ရဲနိုင်လှပါတယ်။သရဲ မယုံတဲ့ ဗစ်ကီဟာ….
နာမည်လည်း သိခွင့်မရှိတဲ့ မိန်းကလေးကို…
တမ်းတမ်းစွဲ ဖြစ်သွားခဲ့ပါတယ်။ပွဲတော် ဒုတိယညမှာ
မိန်းမလှလေးဟာ ဗစ်ကီကို တောထဲ ခေါ်ပြီး
တနေရာရာမှာ ထိုင်စကားပြောစဉ်မှာတော့….

မိန်းမလှလေးဟာ မျက်စိရှေ့တင် ပျောက်သွားခဲ့ပါတယ်။
အဲ့ဒီအချိန် ဗစ်ကီကို လိုက်ရှာနေတဲ့
သူငယ်ချင်း နှစ်ယောက်လည်း ကံဆိုးခဲ့ရပါတယ်။သရဲမလေးနဲ့… ဗစ်ကီတို့ ….
ဘယ်လို ဆက်နွယ်နေကြမလဲ?
ဗစ်ကီ ချစ်မိနေတဲ့ မိန်းမလှလေးက
သရဲမလေးလား?
ဘာဖြစ်လို့ အောက်လမ်းပစ္စည်းတွေ ရှာခိုင်းတာလဲ?
ဆတ္ထရီ သရဲမကို ဘယ်လို ဖြေရှင်းကြမလဲ?
စသဖြင့် စိတ်ဝင်စားဖွယ် ဇာတ်လမ်းလေးကို ကြည့်ရှုရမှာပါ။Comedy, Horror ကားလေးဖြစ်တာမို့
ရယ်စရာတွေ ကြောက်စရာတွေနဲ့ ပြည့်နှက်နေမှာပါ။

IMDb Rating – 7.5 /10 ထိ ရရှိထားတာမို့ လက်မလွတ်သင့်တဲ့ ဘောလိဝုဒ်ဇာတ်ကားတစ်ကားပါ။

(ရုပ်ရှင်အညွှန်းနဲ့ဘာသာပြန်ကို Nyi Nyi Koe မှ တင်ဆက်ထားပါတယ်။)

Rockstar [2011] IMDB - 7.7 /10 ]

Bollywood ရဲ့ လူငယ်မင်းသားတွေအကြောင်း ပြော ကြကြေးဆိုရင် Ranbir Kapoor မပါရင်ပြီးပြည့်စုံမှုရှိမှာ မဟုတ်ပါဘူး။

သူ့ဇာတ်ကား အများစုဟာ အလွမ်းအဆွေးဆောင်ပြီး မျက်ရည်ချူဖို့ များခဲ့ပါတယ်။

ဒီတစ်ချက်က ကျွန်တော်မနှစ်သက်တဲ့ အချက်ဖြစ်ပြီး သူ့ သရုပ်ဆောင်စရိုက် ပိုင်နိုင်မှုကိုတော့ Roctstar (2011) နဲ့ Sanju (2018) ဇာတ်ကားတွေမှာ ကြွေခဲ့ရပြန်ပါတယ်။

အစကတော့ Rock သီချင်းတွေနဲ့ မနီးစပ်တာ တကြောင်း Drama ဆန်တဲ့ ဇာတ်လမ်းဖြစ်သည်က တကြောင်းကြောင့် မရေးချင်ခဲ့ပါဘူး ။ ကိုယ့်အရေးအသားမပြည့်စုံမှုက ဒီဇာတ်ကားကို စိတ်ဝင်စားမှု နည်းလာမှာလည်း မဖြစ်စေချင်ခဲ့ဘူး။

ဒီဇာတ်ကားဟာ အသွင်အပြင် ခမ်းနားစွာနဲ့ Rock စရိုက်ပီပြင်တယ်။ အဝတ်အစား ဝတ်ဆင်မှုက Ranbir နဲ့ စောက်ရမ်းလန်းနေတယ်။

ခေတ်စကားအရ ဂေါ်တယ် ပေါ့။ ဂီတာတစ်ဖက် နဲ့ လည်ပင်းကြော ထောင်လာသလို မြင်မိတာက ဒီဇာတ်ကားရဲ့ သံစဉ်တေးတစ်ပုဒ်ပါပဲ။

ဒီတစ်ချက်နဲ့ကြည့်ရဖို့ လုံလောက်ပါတယ်။

ဒီကားမှာ Ranbir ဇာတ်ကောင် နာမည်က JJ (Jordan ) ။ သူရဲ့ ကောလိပ်ဘဘဝက ရိုးရှင်းတယ်။ နည်းနည်းအူကြောင်ကြောင်နိုင်တယ်။ ဒါပေမဲ့ သူ့မှာ အိပ်မက်တစ်ခုတော့ရှိတယ် ။

Jim Morrism ဆိုတဲ့ ဘဲကြီးကို Idol
ထားပြီး သူ့လို အောင်မြင်ချင်တယ်။ Rock ဂီတ ကို ခပ်နက်နက်တေးသွားစာသားတွေနဲ့ သူ ပျံသန်းချင်နေခဲ့တယ်။

( Jim Morrison ဆိုတာက Rock ဂီတရဲ့ ရှေ့ပြေးဆရာတစ်ဆူပါပဲ ။ ဆံပင်က အရှည် ဂီတာက တစ်လက် စီးကရက် တစ်ဖွာတရှိုက် နဲ့ သူ့ ပုံစံက ကြည့်ကောင်းနေခဲ့တဲ့ သူ။ Rock ဂီတနဲ့ နီးစပ်တဲ့သူတွေ
ပိုသိပါလိမ့်မယ် )

ဒီလိုမျိုး Jim Morrison ကို ကြိုက်နှစ်သက်တဲ့ သူ့ အဖို့ Morrisonလို ဂီတသွေး ကြွနေဖို့လိုပါမယ်။ ကောလိပ်ကန်တင်းပိုင်ရှင်ကတော့ Jordan ကို ပြောရှာတယ်။

" ကြေကွဲဖို့ကောင်းနေတဲ့ အခြေအနေဟာ အနုပညာသွေးဆာနေတဲ့ ကာလပဲ " တဲ့။

ဒီတော့ Jordan စဉ်းစားတယ်။ သူ အသည်းကွဲနေမှဖြစ်မယ်လေ။ ဒါမှ သူ့သီချင်းတွေပြောင်မြောက်ရမှာပေါ့။

ဒီလိုနဲ့ ကောလိပ်က အချောဆုံးဆိုတဲ့ ကောင်မလေး ကို လိုက်ရှာတယ်။ တွေ့မှလည်း တွေ့ရော အသည်းကွဲစက် လို့နာမည်ကြီးနေတဲ့ Heer ကိုမှ သွားတွေ့တယ်။

Jordan ကတော့ သူ့စိတ်ကူးနဲ့သူမို့ Heer ကို အသည်းအသန်လိုက်တယ်။ နောက်တော့ အသည်းကွဲတဲ့အထာနဲ့သီချင်းတွေ စွတ်ရေးတယ်။

Heer ကတော့ မကြိုက်တဲ့သဘော ရှိပေမယ့် ခင်မင်အောင်ပေါင်းတယ်။ Jordan က ရိုးရိုးအအ ဆိုတော့ Heer ခိုင်းသမျှပျော်အောင် လျှောက်လုပ်တယ်။ ဒီမှာမသိမသာလေး ခိုးဝင်လာမိတဲ့ သံယောဇဉ်နှောင်ကြိုးလေးတော့ တွယ်မိကြတာပါပဲ။

" ဘဝဟာ သိပ်ထူးဆန်းတယ်။ တွေ့မှ ကြုံ ဆိုသော်လည်း ဆုံ ချင်မှ ဆုံဦးမှာလေ "

ဒီလိုနဲ့ တစ်နေ့မှာတော့ Heer က ပါရာဂွေး နိုင်ငံဆီ ထွက်ခွာသွားခဲ့တယ်။ အဲ့အချိန်မှာ Jordan က စောက်ရမ်းအသည်းကွဲပြနေပြီလေ။ သီချင်းတွေလည်း ပြောင်မြောက်လာပြီ။

တစ်နေ့မှာ သတင်းတစ်ခုက Jordan ကို နှိုးဆွလိုက်တော့တယ်။ ပါရာဂွေး နိုင်ငံဆီ လွှတ်ဖို့ အနုပညာရှင် ရွေးချယ်ပွဲ ကျင်းပမယ့် သတင်းပါပဲ။ ဒါဟာ သူ့အတွက် မဟာအခွင့်အရေးပါပဲ။

ဒီလိုနဲ့ Jordan တစ်ယောက် စိတ်ကူူးစိတ်သန်းတွေကြားထဲက Heer ကို ပြန်တွေ့ဖို့ ကိုယ့်ကံကြမ္မာကို ပြန်ဖန်တီးခဲ့တဲ့အချိန်မှာတော့ ……………။

ကဲ ……ဘာတွေ ဆက်ဖြစ်လာမလဲဆိုတာတော့ မပြောပြတော့ပါဘူး။

ဒီဇာတ်ကား ရဲ့ တဆစ်ချိုးတွေဟာ အပြင်လောကနဲ့ နီးစပ်စေသလို ချစ်ခြင်းမေတ္တာရဲ့ လွတ်လပ်ခြင်းဆီကိုပါ ချဉ်းကပ်စေမိပါတယ်။ သံယောဇဉ် ရဲ့ နှောင်ကြိုးတွေနဲ့ လူ့လောက ကန့်သတ်မှုတွေကြားက စိတ်ခံစားမှုကိုပါ တရေးရေးမြင်လာမိစေတယ်။

အူတူတူ လေး Jordan နဲ့ နာမည်ကြီး ကာလ Jordan အသွင်အပြင် တွေက ခြားနားလာတယ်။ တစ်ဖက်မှာ အောင်မြင်လာသလို တစ်ဖက်မှာ ကျရှုံးလာတယ်။
ဒါဟာ လောကဓံရောင်ပြန်လေး တစ်ခုလိုပါ။

ဒီဇာတ်ကား ဟာ Ranbir ရဲ့ ခမ်းနားတဲ့ကာရိုက်တာကြောင့် ကျော်ကြားလာသလို ဇာတ်ဝင်သီချင်းတွေကပါ အဓိပါ္ပယ် ပေါ်လွင်လှပါတယ်။

Drama ကားမို့ ကြည်နူးရမယ်။ ဝမ်းနည်းရမယ်။ နာကျည်းရမယ် ဆိုပေမဲ့Jordan ရဲ့ ပြင်းပြတဲ့ စိတ်ဆန္ဒက ခွန်အားတွန်းပေးတဲ့ အထောက်အကူပါပဲ။

ဒါ့ကြောင့် ကြည့်သင့်တဲ့ ဇာတ်ကားတစ်ကားအဖြစ် ညွှန်းလိုက်ပါရစေဦးတော့။

Return to Never Land Peter Pan (2002)

IMDB (5.8/10)

ဒီကားလေးကတော့ အားလုံးသိကြတဲ့အတိုင်းပဲ Disney ရဲ့အကောင်းဆုံး Animation ကားတွေထဲက
တစ်ကားပဲဖြစ်ပါတယ်
ဖယ်ရီဆိုတဲ့ တင်ကာဘဲလ်နတ်သမီးလေးနဲ့အတူ
ပီတာပန်ဆိုတဲ့ကောင်လေးတစ်ယောက်အကြောင်းတင်ဆက်ထားတာပဲဖြစ်ပါတယ်
အပိုင်း ၂ ပိုင်းထွက်ရှိထားတာပဲဖြစ်ပါတယ်ဒီကားလေးကတော့ ၂ ဖြစ်ပါတယ်
ဒီကားထဲမှာတော့ ၀န်ဒီဟာအသက်ကြီးသွားပြီးတော့ ကလေးလေးတွေတောင်ရနေပြီပဲဖြစ်ပါတယ်
ပျောက်ဆုံးနေပြီဖြစ်တဲ့ ပီတာပန်ဟာလည်း အိပ်ရာ၀င်ပုံပြင်အနေနဲ့သာ ယုံတမ်းစကားဖွယ်ရှိပါတော့တယ်
ဇာတ်လမ်းအကျဉ်းလေးကိုပြောရမယ်ဆိုရင်
ကာလအားဖြင့် စစ်ဖြစ်နေသောအချိန်ဖြစ်ပါတယ်
ယောကျာၤးသားများဟာ တိုင်းပြည်ကာကွယ်ဖို့စစ်ထဲ၀င်နေရတဲ့အချိန်ဖြစ်တဲ့အတွက်
၀င်ဒီရဲ့ခင်ပွန်းဖြစ်သူလည်း စစ်ထဲ၀င်ရပါတယ်
ဒါကြောင့် အစိုးရကေန ကလေးငယ်များဘေးကင်းဖို့အတွက် စစ်နဲ့လွတ်ကင်းရာနေရာတွေကို
အလှည့်ကျရွေ့ပြောင်းပေးနေရပါတယ်ဒီထဲတွင် ၀န်ဒီရဲ့သမီးလေး ဂျိမ်းနဲ့သားငယ်လေး ဒန်နီရယ်တို့လည်းပါနေပါတယ်..
ဂျိမ်းဟာ အမေဖြစ်သူ၀န်ဒီပြောပြာနေကျ အိပ်ရာ၀င်ပုံပြင်ဖြစ်တဲ့ ပီတာပန်အကြောင်းကိုမယုံပါဘူး..
ဒါကြောင့် အိပ်ရာ၀င်ပုံပြင်တွေကိုသူမမုန်းခဲ့ပါတယ်..
တစ်ညမှာသူမအိပ််ပျော်သွားတော့ သူမတို့ရဲ့အိမ်ကို ကျွန်တော်တို့ရဲ့ဇာတ်လိုက်ကျော်ကြီး ကပ္ပတိန်ဟွတ်တို့
ပင်လယ်ဓားပြအဖွဲ့ရောက်လာပြီးသူမကို NeverLand ကိုဖမ်းဆီးခေါ်သွားပါတော့တယ်
အဲ ကပ္ပတိန်ဟွတ်ဆိုရင် လူတိုင်းသိကြမှာပါကေလးဘ၀ထဲက အကြိုက်ဆုံးနဲ့အရယ်ရဆုံး ဇာတ်ကောင်ကြီးလေ..
အဲတော့ ဂျိမ်းတစ်ယောက် NeverLand လို့ခေါ်တဲ့ နိုင်ငံလေးထဲကိုရောက်သွားတဲ့အခါ ဘာတွေဖြစ်လာမလဲ
သူမတကယ်မရှိဘူးလို့ထင်နေတဲ့ ပီတာပန့်ကကော တကယ်ပဲ အဲ့နိုင်ငံလေးထဲမှာရှိနေမလား
Disney ရဲ့ကောင်းမွန်လှတဲ့ ရှု့ခင်းလေးတွေနဲ့အတူ ကြည်နူးဖွယ်ခံစားရမှာပဲဖြစ်ပါတယ်
ဒီကားလေးဟာ ကလေးများအိပ်ရာ၀င်တဲ့အချိန်အကောင်းဆုံး အိပ်ရာ၀င်ပုံပြင်အဖြစ်သတ်မှတ်ခြင်းခံရတဲ့
ကားကောင်းလေးတစ်ကားပဲဖြစ်ပါတယ်.

Over the Sky [2020]

ဒီတစ်ခါတင်ဆက်ပေးချင်တာကတော့ 2020 ကထွက်ရှိခဲ့တဲ့ ဒါရိုက်တာ Yoshinobu Sena ရဲ့ လက်ရာလေးပါပဲ။

(၃)ပွင့်ဆိုင်အချစ်ဇာတ်လမ်းဆိုတာမျိုး တော်တော်များများကြုံဖူးကြားဖူးကြမှာပါ။

ဒီ anime လေးမှာတော့ မီအို အာရာတာနဲ့ မာဒိုကာတို့သူငယ်ချင်း(၃)ဦးမှာ အာရာတာကို ၂ ယောက် လုံးက ကြိတ်ကြွေနေကြပါတယ်။

မင်းသမီး မီအိုကတော့ go with the flow type မို့ အရာရာကို လွယ်လွယ်နဲ့ အရှုံးပေးတတ်တယ်။

မီအိုနဲ့ အာရာတာကတော့ ငယ်သူငယ်ချင်းတွေမို့ ပိုရင်းနှီးကြတယ်။

ဒါကိုမခံစားနိုင်တဲ့ မာဒိုကာက တစ်နေ့မှာ မီအိုကို သူအာရာတာကို စိတ်ဝင်စားနေကြောင်း ဖွင့်ဟလာတဲ့အခါ မီအိုက အားပေးအားမြှောက်လုပ်လိုက်ပါ
သေးတယ်။

တစ်နေ့ မီအိုနဲ့ အာရာတာတို့ လျှောက်လည်ရင်း စကားများကြတယ် စကားလွန်မိတယ်။

ဒါကိုပြန်တောင်းပန်ဖို့ မီအိုခမျာ အပြေးသွားတဲ့
လမ်းမှာတင် accident တစ်ခုကို ကြုံလိုက်ရပြီး ဝိဉာဉ်လွင့်သွားပါတော့တယ်။

သူ့ခံစားချက်အစစ်အမှန်တွေကို မပြောလိုက်ရတာမို့ မီအိုကတော့ ဘဝမကူးဘဲကြားကမ္ဘာမှာတင် လူ့လောကကို ပြန်သွားနိုင်ဖို့ အစွမ်းကုန် ကြိုးစားရပါတော့တယ်။

အဆုံးမှာ သူလူ့လောကကို ပြန်သွားနိုင်ပါ့မလား..?

အာရာတာဘက်ကရော ဘယ်လိုသဘောထားလဲ ဘယ်လိုအခက်အခဲတွေကြုံရမလဲဆိုတာကို ငြိမ့်ငြိမ့်လေး ကြည့်ရှုရမယ့် Anime ကားကောင်းလေးတစ်ခု ဖြစ်ပါကြောင်း ညွှန်းဆိုလိုက်ပါရစေ။

(ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ Mugiwara Ya ဖြစ်ပါတယ်)

#Credit
#ChannelMyanmar

De De Pyaar De [2019]

ဒီတစ်ခါတော့ ဘောလီဝုဒ်ပရိသတ်ကြီးအတွက် Rom-Com ဇာတ်ကားကောင်းတစ်ကား တင်ဆက်ပေးလိုက်ပါတယ်ခင်ဗျ

၂၀၁၉ ဝင်ငွေအကောင်းဆုံး ၁၀ ကား စာရင်းဝင်တစ်ကားဖြစ်သလို အချစ်ဟာသဇာတ်မြူးတွေသာရိုက်လေ့ရှိတဲ့ ဒါရိုက္တာ Akiv Ali ရဲ့ ကားကောင်းတစ်ကားဆိုလည်း မမွားပါဘူး

ပိုစတာပေါ်မှာ Romantic Comedy Movie ဆိုပြီးရေးရေးထားပြီးပေါပေါလောလောတွေ တင်ဆက်နေတဲ့ ကိုယ်တွေဆီက မြန်မာကားတွေအနေနဲ့ ဒီလိုကားတွေကနေ ပညာယူသင့်ပါတယ်

Rom-Com ဆိုတာဘာလဲ ဟာသဇာတ်ကားကောင်းတစ်ကားဖြစ်ဖို့ အိုကြီးအိုမတွေက ပေါတောတောတွေ လုပ်ပြစရာမလိုသလိုဗလတောင့်တောင့် အစ်ကိုကြီးတွေကလည်း ခြောက်ပြစရာမလိုပါဘူး

သေခါနီးဘွားတော်ကြီးတွေ ရွပြဖို့မလိုသလိုချာတိတ်တွေက လူကြီးသူမတွေကို သောက်ပေါတွေပါလို့ အမြင်မှားအောင် ရိုက်ပြစရာမလိုပါဘူး

ကုန်ကုန်ပြောရရင် ကလိထိုးပြီး မရယ်ရဖို့အရေးကြီးပါတယ်

ဒီဇာတ္ကားထဲမွာ Rom-Com ဆိုတဲ့အတိုင်းRomance အခန်းတွေမှာလည်း ကြည်နူးစရာတွေဖြစ်စေသလိုComedy အခန်းတွေမှာလည်း တွေးတွေးပြီးရယ်ချင်စိတ်တွေဖြစ်စေပါတယ်

ဒီတော့ မိသားစုနဲ့အတူ ပျော်ပျော်ပါးပါးနဲ့ ဇာတ်ကားကောင်းတစ်ကားကို ခံစားကြည့်လိုက်ပါပေးလိုက်ရတဲ့အချိန် ၃ နာရီဝန်းကျင် အလကားမဖြစ်စေရဘူးလို့ အာမခံပါတယ်

ဇာတ်လမ်းလေးပြောပြရရင် ... အသက် ၅၀ အရွယ် အိမ်ထောင်ကွဲအမျိုးသားတစ်ဦးဖြစ်တဲ့ အာရှစ်(ရှ်)ဟာ အသက် ၂၆ အရွယ် အိုင်(ယ်)ရှားဆိုတဲ့ကောင်မလေးနဲ့ ချစ်ကျွမ်းဝင်သွားခဲ့ပါတယ်

၂၄ နှစ်အသက်ကွာခြားမှုကြောင့် ပတ်ဝန်းကျင်မှာ သူတို့နှစ်ယောက်ကြားထိုးနှက်မှုပေါင်းများစွားလည်း ရှိနေပါတယ်။

အဲ့ဒိအချိန်မှာ အာရှစ်တစ်ယောက် အိုင်(ယ်)ရွားကို သူ့မိသားစုနဲ့တွေ့ပေးဖို့ခေါ်သွားတဲ့အခါမှာတော့ ...

(ဒီဇာတ္ကားဟာ အကြည်ထွက်တာကြာပြီဆိုပေမယ့် စာဖိုင်အမှန်မထွက်သေးလို့ဘာသာပြန်မရဘဲဖြစ်နေတာပါ အနီးစပ်ဆုံးစာဖိုင်ကို နားထောင်ပြီး အမှန်ဆုံးဖြစ်အောင် ဘာသာပြန်ပေးထားပါတယ်၊ လိုအပ်ချက်တစ်စုံတစ်ရာပါရှိပါက သည်းခံပေးကြပါကုန်)

(ဇာတ်လမ်းအညွန်းနဲ့ဘာသာပြန် သူကတော့ ကိုဇော်ထူးပါ)

Marionette  [2017]

ဒီရုပ်ရှင်လေးဟာဆိုရင် ဆယ်ကျော်သက်မိန်းကလေးတွေအတွက် ပညာရစေတဲ့ ဇာတ်ကားလေးပဲဖြစ်တယ်။

ဆယ်ကျော်သက်ဆိုတာ အတွေ့အကြုံနုပြီး လောကကြီးအကြောင်း နားမလည်သေးတဲ့အရွယ်လေးတွေပါ။

လောကကြီးမှာ တိရစ္ဆာန်စိတ်ရှိတဲ့ ယုတ်မာပြီး နှမချင်းကိုယ်ချင်းစာစိတ်မရှိတဲ့ ယောက်ျားတွေ တစ်ပုံကြီးရှိနေတယ်။

ကံတရားဆိုတာပြောလို့မရဘူးလေဒီခေတ်က ပိုဆိုးတယ်။လူကောင်းဆိုတာ ရှားတဲ့ခေတ်ကြီးမှာ မိန်းကလေးတွေ ဆင်ခြင်တတ်ဖို့က အဓိကပါ။

ဒီဇာတ်လမ်းလေးမှာတော့ သစ်ရွက်လေးလှုပ်ရင်တောင် ရင်ခုန်တတ်တဲ့ ဆယ်ကျော်သက်ဘဝမှာ လျူမီနာဆိုတဲ့ ကျောင်းသူလေးတစ်ယောက်။

မကောင်းတဲ့ယောက်ျားလေးမျိုးနဲ့ ဆုံမိပြီး ဘာတွေဆက်ဖြစ်မလဲ…ဆိုတာ ကြည့်ရှူရင်း ကိုယ်လည်း လျူမီနာလိုမဖြစ်အောင် ဆင်ခြင်နိုင်တာပေါ့။

DJ Duvvada Jagannadham [2017]

အခုတစ်ခါ တင်ဆက်ပေးမယ့်ကားလေးကတော့ စတိုင်ကျတဲ့ မင်းသားချောလေး
အက်လူးအရ်ဂျွန်ရဲ့ဇာတ်ကားကောင်းလေးပဲဖြစ်ပါတယ်
မင်းသမီးအနေနဲ့ကလည်း ဆွဲဆောင်မှုအပြည့်ရှိပြီး ချစ်စရာမျက်နှာလေးနဲ့
ပူဂျားဟစ်ဂဒေလေးဆိုတော့ မိုက်ပြီပေါ့နော်...

ဇာတ်လမ်းကိုပြောရမယ်ဆိုရင် မင်းသားက ငယ်ငယ်လေးကတည်းက
မတရားမှုမြင်ရင် လက်ပိုက်ကြည့်မနေနိုင်တဲ့ ကောင်လေးတစ်ယောက်ဖြစ်ပြီး
ရာဇဝတ်သားကို တွေ့တိုင်း သတ်ပစ်ချင်လောက်အောင် မုန်းတီးနေတဲ့သူ
ဖြစ်ပါတယ်...

သူ့ အဖိုးရဲ့ပြောစကားကို မှတ်သားထားပြီး ဤကမ္ဘာမြေပေါ်ကနေ
ရာဇဝတ်သားရှင်းလင်းရေးစစ်ဆင်ရေးကို ရဲအရာရှိတစ်ယောက်နဲ့ပူးပေါင်းပြီး
လျှို့ဝှက်လုပ်ဆောင်ခဲ့ပါတယ်...

ဒီစစ်ဆင်ရေးမှာ သားကောင်ဖြစ်ရတဲ့ ရာဇဝတ်သားတွေကတော့
အသက်ရှင်လမ်းမရှိဘူးပေါ့...

မိသားစုက ဧည့်ခံကျွေးမွေးရေးလုပ်ငန်းလုပ်တော့ လူတွေအမြင်မှာ
သူဟာ ပုဏ္ဍားမျိုးရိုးတစ်ယောက်ဖြစ်ပြီး အရမ်းကိုအပြစ်ကင်းစင်တဲ့
လူသားတစ်ယောက်ပေါ့နော်...

ဒီလိုနဲ့ လူထောင်ချီရဲ့ငွေတွေကို လိမ်လည်အမြတ်ထုတ်ဖို့ ကြိုးစားနေတဲ့
လူတစ်ယောက်နဲ့ ငြိစွန်းလာခဲ့တယ်...

ဟိုကလည်း ဘယ်သူသေသေ ငတေမာရင်ပြီးရောဆိုတဲ့လူစားမျိုး
သူ့လမ်းမှာနှောင့်ယှက်လာတဲ့လူမှန်သမျှကို အပြတ်ရှင်းပစ်တဲ့
လူစားမျိုး...

ကဲ..သူတို့နှစ်ဦးထိပ်တိုက်တွေ့လာတဲ့အခါ ဘာတွေဆက်ဖြစ်လာမလဲ....။

#Credit
#ChannelMyanmar

" Side Seeing " (2022)

မေ အဖြစ် Ngoc Lan Vy
ဘွိုင်း အဖြစ် August Vachiravit

ဒီတစ်ခါ တင်ဆက်ပေးမယ့်ဇာတ်ကားလေးကတော့ Side Seeing ဆိုတဲ့
Comedy/Romance ဇာတ်လမ်းလေးနဲ့မိတ်ဆက်ပေးချင်ပါတယ်....

ဇာတ်လမ်းလေးကတော့ မေဆိုတဲ့ ဆယ်ကျော်သက် ဗီယက်နမ်လူမျိူး ဘီလျံနာမလေးက သူ့ရဲ့ ၁၈ နှစ်ပြည့်မွေးနေ့ကို ထိုင်းနိုင်ငံမှာ ကျင်းပဖို့ ရောက်လာခဲ့တယ်....သူ့ရဲ့၁၈နှစ်ပြည့်မွေးနေ့မှာ ထိုင်းမင်းသား ပတ်ခ် နဲ့ ညသာအတူတူစားရင်းဖြတ်သန်းမယ်ဆိုပြီး တွေးထားခဲ့တာပေါ့...

မိဘတွေရဲ့တင်းကျပ်မှုကြောင့် လွတ်လွတ်လပ်လပ် ပျော်ရွှင်ခွင့်မရပဲ မွန်းကျပ်မှုတွေနဲ့ပဲဖြတ်သန်းနေရတဲ့ မေဟာ ဒီတစ်ခါမှာတော့ သူ့ရဲ့လွတ်လပ်ခွင့်ကို ဘယ်လိုဖန်တီးယူမလဲ.....
သူ့ရဲ့ ကံကြမ္မာကရော ဘွိုင်းဆိုတဲ့ ထိုင်းလူမျိုးကောင်လေးနဲ့တွေ့တဲ့အခါ ဘယ်လိုမျိုး ပြောင်းလဲ သွားမလဲဆိုတာ ကျွန်မတို့ရဲ့ Ash Channel မှာ လာရောက် ကြည့်ရှု အားပေးနိုင်ပါပြီရှင့်.....

( ဇာတ်လမ်းအကျဉ်းကို Shwe Sin Htun မှ ရေးသားပေးထားပါတယ် )

Subtitle - Shwe Sin Htun
Encode By - Riichi

Ash Channel (Ash) မှ ဘာသာပြန်တင်ဆက်သည်။

#SideSeeing
#AshThaiMovies #AshMovie
#AshChannel #Ash

" Poh Tak " (2010)

Poh Tak ဇာတ်ကားဟာ ရိုက်ကူးရေးတစ်ခုကို ပြန်လည်ရိုက်ကူးထားတဲ့ ဇာတ်ကားလေးဘဲဖြစ်ပါတယ််။

ဇာတ်လမ်းပုံစံမျိုးမဟုတ်ဘဲ ရိုက်ကူးရေးတစ်ခုရဲ့ တစ်ထောင့်တစ်နေရာက အခိုက်အတန့်တစ်ခုစီကို ဟာသမင်းသားမင်းသမီးပေါင်းများစွာမှ  ဟာသတစ်မျိုးစီနဲ့ ရိုက်ကူးထားတဲ့ comedy ကားလေးဘဲဖြစ်ပါတယ်။

( ဇာတ်လမ်းအကျဉ်းကို Noon Noon မှ ရေးသားပေးထားပါတယ် )

Subtitle - Noon Noon
Encode By - Riichi

Ash Channel (Ash) မှ ဘာသာပြန်တင်ဆက်သည်။

#PohTak
#AshThaiMovies #AshMovie
#AshChannel #Ash

" The Second Sight " (2013)

ဂျေ အဖြစ်- Pong Nawat
ဂျွမ် အဖြစ်- Yaaying rhatha

ဇာတ်ကားအကျဥ်း...

ဂျေဟာ မွေးလာကတည်း သာမာန်လူမမြင်နိုင်တဲ့ သရဲတွေ ဝိဥာဥ်တွေကိုမြင်နိုင်စွမ်းရှိတဲ့အပြင် သူများရဲ့ ကံကြမ္မာကိုလည်း မြင်နိုင်စွမ်းရှိတဲ့ ရှေ့နေတစ်ဦးဖြစ်ပါတယ်။ ဂျေမှာ  ဂီတပညာရှင်တစ်ဦးဖြစ်တဲ့ ' ဂျွမ်' နဲ့တွဲနေပါတယ်။ တစ်နေ့မှာ သူဌေးတစ်ယောက်ရဲ့အမှုကိုင်သွယ်ပြီး အိမ်ပြန်မယ့်လမ်းမှာ ဂျွမ်ကဖုန်းဆက်လာပြီး ဂျေနဲ့လက်ထပ်ချင် ကြောင်းပြောခဲ့ပါတယ်။

တစ်ချိန်တည်းမှာပဲ လမ်းမှာအကြီးအကျယ်မတော်တဆတစ်ခု ဂျေရဲ့ရှေ့မှာဖြစ်သွားပါတယ်။ မနက်ပိုင်းရောက်တော့ ဂျေ ဟာ ၁၆နှစ်အရွယ်ကောင်မလေးတစ်ယောက်ရဲ့ အမှုတစ်ခုကိုကိုင်သွယ်ရပါတယ်။ မတော်တဆဖြစ်ပြီးနောက်ပိုင်း ဂျွမ်ဟာ အိမ်မက်ဆိုးမက်ပြီး မကောင်းဆိုးဝါးလိုက်တာကိုခံရပါတယ်။ ဂျေဟာသူ့ရဲ့ကောင်မလေးကို သူရှိတဲ့အစွမ်းနဲ့ကူညီတဲ့ချိန်မှာ ဆန်းကျယ်တဲ့လျှို့ဝှက်ချက်တစ်ကိုရှာဖွေတွေရှိသွားပြီးနောက်ပိုင်း ဘာတွေဆက်ဖြစ်မလဲဆိုတာ ကြည့်ရှုရမှာဖြစ်ပါတယ်။

( ဇာတ်လမ်းအကျဉ်းကို Woon Yone မှ ရေးသားပေးထားပါတယ် )

Subtitle By -  Woon Yone
Encode By - Riichi

Ash Channel (Ash) မှ ဘာသာပြန်တင်ဆက်သည်။

#TheSecondSight
#AshChannel #Ash
#AshMovies #AshThai

" The Projection " (2024)

ဒီတစ်ခေါက်တင်ဆက်ပေးမယ့် ဇာတ်လမ်းလေးကတော့ The Projection ဆိုတဲ့ 2024ခုနှစ်က ထွက်ရှိထားတဲ့ မှတ်တမ်းရုပ်ရှင်လေးပဲဖြစ်ပါတယ်

ဒီရုပ်ရှင်ထဲမှာတော့ ထိုင်းနိုင်ငံရဲ့ ရှပ်ရှင်အဆင့်အတန်း တစ်ဆင့်ပြီး တစ်ဆင့်တိုးတက်ပြောင်းလဲသွားပုံတွေရယ် အန်နာလော့စနစ်ကနေ ဒီဂျစ်တယ်စနစ်အဖြစ် တိုးတက်ပြောင်းလဲလာပုံတွေ..... ခေတ်အပြောင်းအလဲမှာ ရုပ်ရှင်ထုတ်လုပ်သူတွေအနေနဲ့ဘယ်လိုအခက်အခဲတွေ ရှိလဲဆိုတာတွေကို ပြန်လည်ပြောပြနေတဲ့ မှတ်တမ်းရုပ်ရှင်လေးတစ်ခုပဲဖြစ်ပါတယ်....

ထိုင်းလူမျိုး အဘိုးအဘွားတွေရဲ့သူတိုရဲ့ ငယ်ဘဝမှာ ရုပ်ရှင်ကိုဘယ်လိုမျိူးကြည့်ရှုခဲ့ရလဲဆိုတာနဲ့ သူတိုရဲ့ ငယ်ဘဝ ပျော်ရွှင်မှုနဲ့ ဘဝဇာတ်ကြောင်း‌တွေကိုပါ
ထည့်သွင်းပြောပြထားတဲ့ ဇာတ်ကားလေးဖြစ်လို ကျွန်မတိုရဲ့ Ash Channel မှာ လာရောက်ကြည့်ရှူအားပေးဖို ဖိတ်ခေါ်လိုက်ပါတယ်ရှင့်....

( ဇာတ်လမ်းအကျဉ်းကို May Phyo Paing Oo မှ ရေးသားပေးထားပါတယ် )

Subtitle - May Phyo Paing Oo
Encode By - Riichi

Ash Channel (Ash) မှ ဘာသာပြန်တင်ဆက်သည်။

#TheProjection
#AshThaiMovies #AshMovie
#AshChannel #Ash

Talentless TAKANO (2024)

အပိုင်း (၁ မှ ၈) စ/ဆုံး

တခနို ဆုမဲကိုဆိုတဲ့ ကောင်မလေmးဟာ ကိုယ့်ကိုယ်ကိုယ် ယုံကြည်မှုအပြည့်အဝရှိပြီးတော့
စကားပြောရင်လည်း တည်တည်ငြိမ်ငြိမ်နဲ့ ပြောတတ်တဲ့ကောင်မလေးတစ်ယောက်ပါ။

တကယ့်အမှန်တရားကို ဘေးထား သူမှန်တယ်ထင်ရင် မှန်တာပဲဆိုပြီး ပြောတတ်တဲ့
အူကြောင်ကြောင် ကောင်မလေးတစ်ယောက်ပေါ့။ ဒီလိုနဲ့ သူ့ရဲ့ အူကြောင်ကြောင်
စကားတွေကိုပဲ ကြွေဆင်းသွားပြီး အလုပ်အင်တာဗျူးအောင်ကာ အလုပ်ရသွားပါတော့တယ်။

ဒါပေမဲ့လည်း သူဟာ မိတ္တူစက်ကိုတောင် မသုံးတတ်တဲ့အထိ အူကြောင်ကြောင်လေးနဲ့
အလုပ်မှာ တလွဲတွေလုပ်ရင်း ဌာနအတွက် အပျင်းပြေစရာလေးတစ်ခုလို ဖြစ်လို့နေပါတယ်။

သူနဲ့အတူပဲ အင်တာဗျူးအောင်လာတဲ့ ဟိ၀ဒ မီချီတိုဆိုတဲ့ ကောင်လေးကတော့ တခနိုနဲ့ မတူဘဲ
ပေါင်းသင်းဆက်ဆံရေးမှာ အားနည်းပေမဲ့ အလုပ်လုပ်ရာမှာတော့ တော်လွန်းသူတစ်ယောက်ပါ။

ဒီလိုနဲ့ သူတို့နှစ်ယောက်ကို လုပ်ငန်းပါတနာအဖြစ် အတူတွဲပြီး ပရောဂျက်တွေ ကိုင်ခိုင်းလိုက်တဲ့အချိန်မှာတော့ ....

တခနိုရဲ့ ဘယ်လိုတလွဲတချော်အတွေးတွေနဲ့ ကုမ္ပဏီပရောဂျက်တွေကို ဘယ်လိုတွေလုပ်မလဲ ......

တခနိုနဲ့ ဟိ၀ဒတို့ရဲ့ တွဲဖက်လုပ်ဆောင်ချက်တွေကရော ဘယ်လိုရလဒ်တွေ ထွက်ပေါ်လာမလဲ .....

သူတို့နှစ်ယောက်ရော ရှေ့ဆက် ဘယ်လိုတွေ ဆက်ဖြစ်လာမလဲ ဆိုတာကို ကြည့်ရှုရမဲ့

ဂျပန် drama office ကားကောင်းလေးတစ်ကားဖြစ်ပါတယ်။

(အညွှန်းကို Char Ou မှ ရေးသားပေးထားပါတယ်)

The Tale of Lady Ok (2024)

ဂျိုဆွန်းခေတ်ကို ဇာတ်အိမ်တည်ပြီး ရိုက်ကူးထားတဲ့ ယွန်းဂျင်း

(Lim Ji Yeon)ရဲ့ ဇာတ်ကားအသစ်လေးနဲ့ မိတ်ဆက်‌ပေးပါရစေ။

The Gloryထဲက ဗီလိန်နေရာမှာ သရုပ်ဆောင်ခဲ့တဲ့ ယွန်းဂျင်းကို

ဂျိုဆွန်းခေတ် အမျိုးသမီး အဖြစ် ကာရိုက်တာ အသစ်တစ်မျိုးနဲ့ ကြည့်ရှုရမှာဖြစ်ပြီး

မင်းသားကလည်း Oasis ဇာတ်ကားနဲ့ Best New Actorဆု ‌ဆွတ်ခူးရရှိထားသူမို့

မထွက်ခင်ကတည်းက ရေပန်းစားနေတဲ့ ကားလေးဖြစ်ပါတယ် ။

အို့ထယ်ယောင်း(Lim Ji Yeon)ဆိုတဲ့ ဂျိုဆွန်းခေတ်က အမျိုးသမီးဟာ

ထက်မြက် သွက်လက်ပြီး ဥပဒေရေးရာမှာ တစ်ဖက်ကမ်းခတ် ကျွမ်းကျင်ပါတယ်။

အမြဲလိုလို ကူညီတတ်တဲ့ အကျင့်စရိုက်ကြောင့် လူချစ်လူခင်လည်း ပေါများသူပါ။

ဒါပေမဲ့ သူ့မှာလည်း လျှို့ဝှက်ချက် ရှိ‌နေပါတယ်။

အဲဒါကတော့ သူ့ နာမည်၊ ဂုဏ်ပုဒ်နဲ့ ခင်ပွန်းတို့ကအတုအယောင်တွေ ဖြစ်နေတာပါပဲ။

အဲဒီလိုနဲ့ တစ်နေ့‌မှာတော့ ဂျိုဆွန်းတစ်ခွင်ကို နယ်လှည့်ပြီး ပုံပြင် လိုက်‌ပြောပြတဲ့

ပုံပြင်ဆရာလေး ချွန်းဆွန်းဟွီ(Choo Yeong Woo)နဲ့ တွေ့ဆုံဖို့ ဖြစ်လာပါတော့တယ်။

လျှို့ဝှက်ချက်‌တွေ ရှိတဲ့ အမျိုးသမီး အို့ထယ်ယောင်းနဲ့ သူမကို မြင်မြင်ချင်း ချစ်မိသွားတဲ့

ပုံပြင်ဆရာ‌ ချွန်းဆွန်းဟွီတို့ရဲ့ အချစ်ဇာတ်လမ်းလေးကို အပတ်စဉ် စနေ၊တနင်္ဂနွေနေ့တိုင်းမှာ

စောင့်မျှော်ကြည့်ရှူနိုင်မှာပဲ ဖြစ်ပါတယ်။

(အညွှန်းကို Treasure Htet မှ ရေးသားပေးထားပါတယ်)

My Sweet Monster [2022]

ပေါ့ပေါ့ပါးပါး ကာတွန်းကားအနေနဲ့ ကြည့်ကောင်းသလို ရယ်ရတာလေးတွေလည်းပါပါတယ်။ ဇာတ်အိမ်လေးလည်း နည်းနည်းဆန်းပါတယ်

ပေါ့ပေါ့ပါးပါးကြည့်ရင် စိတ်ပျော်စေမယ့် ချစ်ဖို့ကောင်းတဲ့ ကာတွန်းကားပါပဲ။

သီချင်းလေးလည်း ငါးခါလောက်ဆိုကြပြီး နားဝင်လွယ်တဲ့ ချိုချိုအေးအေးလေးတွေဆိုတော့ ဟိုတုန်းက ဒစ္စနေး ကာတွန်းကားတွေရဲ့ အရသာပိုပေါ်ပါတယ်။

Honestlyပြောရရင် စိတ်ပြေလက်ပျောက်ကြည့်ချင်ရင် ကြည့်ကောင်းတဲ့ကားလေးပါပဲ။

ငယ်ငယ်က ကာတွန်းကားတွေကို ပေါင်းထားတဲ့ အရသာမျိုးလည်းရတယ်။

ဇာတ်လမ်းကတော့ စက်ရုပ်တွေထွင်တတ်တဲ့ အင်ဂျင်နီယာဘုရင်ကြီးတစ်ပါးရှိတယ်။

သူ့သမီးလေးကို သူကအရမ်းချစ်တော့ အရမ်းချုပ်ချယ်တယ်။ အချစ်ဝတ္တုတောင် ပေးမဖတ်တဲ့အထိပဲ။

ဒီလိုနဲ့ သူ့သမီးလေးကို ဖူးဖူးမှုတ်ထားတဲ့ ဘုရင်ကြီးဟာ ပြည်သူတွေအတွက်
သူ့သမီးလေးကို လူယုတ်မာတစ်ကောင်နဲ့ လက်ထပ်ပေးဖို့ ဖြစ်လာခဲ့တယ်။

အဲဒီမှာ မင်းသမီးလေးက ထွက်ပြေးတာပေါ့။ ဒီလိုနဲ့ မွန်းစတားကောင်လေးရှိတဲ့တောအုပ်ထဲရောက်သွားတယ်။

ယုန်ရယ် မွန်းစတားရယ် မင်းသမီးလေးရယ် ခင်သွားကြတယ်။ ဘုရင်ကြီးဆီက စက်ရုပ်တွေကို လူယုတ်မာကလွှတ်ပြီး မင်းသမီးလေးကိုပြန်ခေါ်ဖို့လုပ်တာပေါ့။

နောက်ပိုင်းကတော့ ကြည့်သာကြည့်ကြည့်တော့၊။

ဇာတ်ကြောင်းက ဒီထက်တော့ရှုပ်ပါတယ်။

နားလည်လွယ်အောင်တစ်ချို့အချက်တွေ ဖယ်ရေးလိုက်ရတာပါ။

ဟိုးတုန်းက ဒစ္စနေးမင်းသမီးလေးတွေကားတွေ၊ မွန်းစတားကားတွေ၊
စက်ရုပ်တွေပါတဲ့ကာတွန်းကားတွေ၊ မှော်ဆန်တဲ့ကားတွန်းကားတွေကို ကြိုက်ခဲ့ဖူးရင်

ဒီကာတွန်းရုပ်ရှင်ဟာ အဲဒီအရသာတွေအကုန်လုံးကို Nostalgic ဖြစ်စေမှာပါပဲ။

Mars Needs Moms [2011]

ဇာတ်လမ်းကတော့

ကိုးနှစ်အရွယ် မိုင်လိုဆိုတဲ့ကောင်လေးက မာရှန်တွေ (မားစ်ဂြိုဟ်သားတွေ) ပြန်ပေးဆွဲသွားတဲ့ သူ့အမေကို ကယ်တင်တဲ့အကြောင်းပါ။

မိုင်လိုက တစ်ညမှာ သူ့အမေနဲ့ စကားများပြီး သူ့မှာ အမေလုံး၀မရှိခဲ့ရင်ကောင်းမှာလို့ ပြောပစ်ပါတယ်။

တိုက်တိုက်ဆိုင်ဆိုင်ပဲ အဲဒီညမှာ မိုင်လိုရဲ့အမေကို မာရှန်တွေက မားစ်ဂြိုဟ်ဆီ ပြန်ပေးဆွဲသွားပါတယ်။

မိုင်လို သူ့အမေကို တောင်းပန်ဖို့ ဆင်းလာတဲ့အခါ တွေ့သွားပြီး လိုက်ခေါ်ရာက သူပါ မားစ်ဂြိုဟ်ပေါ် ပါသွားပါတယ်။

အဲဒီကနေ မာရှန်တွေ ပြန်ပေးဆွဲတဲ့ အကြောင်းရင်းကို သိသွားပြီး သူ့အမေကို ပြန်ခေါ်ဖို့ ကြိုးစားတာကို ကြည့်ရမှာပါ။

ဇာတ်ကွက်ကပဲ ရိုးနေလို့လား… လက်ရာကွဲသွားတာကြောင့် မအောင်မြင်တာလား အကဲဖြတ်ဖို့ အားပေးလိုက်ကြပါဦး။

(ဒီဇာတ်ကားနဲ့အညွှန်းကို Shune Lai KK မှ ပြန်ဆို ရေးသားထားပါတယ်)

Hit: The First Case [2020]

IMDb Rating – 7.8/10#Unicodeသီချင်းမဆိုတဲ့ကုလားကား မကတဲ့ကုလားကားဆိုပြီး မေးတတ်ခဲ့တဲ့လူတွေအတွက် Hit: The First Case (2020)
ကားလေးလာပါပြီ။

ဒီကားလေးက IMDb 7.8 တောင်ရထားပြီး လူတစ်ရာမှာ ၉၄ ယောက်ကြိုက်နှစ်သက်တဲ့မှုခင်းဇာတ်ကားကောင်းလေးဖြစ်ပါတယ်။

အတိတ်ကကိုယ်ရေးကိုယ်တာ ကိစ္စတစ်ခုကြောင့် Panic Attackခံစားနေရတဲ့ ရဲအရာရှိ ဗစ်ခရန် တစ်ယောက် ဆေးခွင့်နဲ့ ခြောက်လလောက် အနားယူနေစဥ် သူ့ချစ်သူမိန်းကလေးသဲလွန်စမရှိပျောက်ဆုံးသွားပါတယ်။

သူ့ချစ်သူက မှုခင်းဆေးဘက်ဆိုင်ရာဌာနမှဖြစ်ပြီး သူမ မပျောက်ဆုံးခင်အဝေးပြေးလမ်းပေါ်မှာ ၁၈ နှစ်အရွယ်မိန်းကလေး ပရီတီ ပြန်ပေးဆွဲခံရတဲ့အမှုကို စစ်ဆေးနေတာပါ။

ချစ်သူအမှုကို ကိုယ်ရေးကိုယ်တာဖြစ်လို့ ကိုင်တွယ်ခွင့်မရတဲ့ ဗစ်ခရန်ဟာ ဆက်စပ်နေတဲ့ ပရီတီ့အမှုကို လိုက်လံစစ်ဆေးဖော်ထုတ်နေရင်း ဇာတ်ရှိန်မကျဘဲ ဆက်တိုက် စိတ်ဝင်စားဖွယ်တစား ကြည့်ရှုရမယ့် ဇာတ်ကားကောင်းလေးဖြစ်ကြောင်း အာမခံပါတယ်။

စုံထောက်ကားကြိုက်တဲ့လူတွေ ဗစ်ခရန်နဲ့အတူ တရားခံဘယ်သူလဲဆိုတာ တူတူမှန်းဆကြည့်ရအောင်နော်...

(ဒီဇာတ်လမ်းရဲ့ အညွှန်းနဲ့ဘာသာပြန်ရေးသားပေးသူကတော့ Htoo Htoo Ka Joe ပဲဖြစ်ပါတယ်)

#Credit
#ChannelMyanmar