Chun Tae-il: A Flam [2021]

ဒီတစ်ခါတော့ ၂၀၂၁ ခုနှစ်ကထွက်ထားတဲ့
IMDb 8.8/10 ရထားတဲ့ ကိုရီးယား Animation
ဇာတ်ကားလေးတစ်ကားနဲ့ မိတ်ဆက်ပေးပါမယ်၊၊

ကာတွန်းကားကို ဒီလောက် rating ရထားတယ်
ဆိုတော့ ထူးပြီးညွှန်းဖို့တော့ လိုမယ်မထင်ပါဘူး
ဒီဇာတ်လမ်းကတော့ ၁၉၇၀ ခုနှစ်မှာ အလုပ်သမား
အခွင့်အရေးရအောင်စည်းရုံးတောင်းဆိုခဲ့တဲ့
ဂျောင်ထယ်အီးလ်ရဲ့ အကြောင်းကို တင်ဆက်ထား
ခြင်းဖြစ်ပါတယ်။

၁၉၉၅ ခုနှစ်မှာ A Single Spark ဆိုတဲ့နာမည်နဲ့
ရုပ်ရှင်ထွက်ခဲ့ပြီးတော့ ၂၀၂၁ မှာ Animation အဖြစ်
ဖန်တီးထားတာဖြစ်ပါတယ်။

ဇာတ်လမ်းအကျဉ်းချုပ်ကတော့
မူလတန်းတောင် မအောင်ခဲ့တဲ့ ကောင်လေး
တစ်ယောက် သားအကြီးဆုံးဖြစ်ပြီး အိမ်ရဲ့
စားဝတ်နေရေးကြောင့် ကျောင်းထွက်လိုက်ရပြီး
အိမ်ပြေးအဖြစ်နဲ့ ဖိနပ်တိုက် သတင်းစာရောင်း
စတာတွေကို လက်တိုလက်တောင်းလုပ်ခဲ့ပါတယ်။

၁၉ နှစ်ပြည့်တဲ့အခါမှာတော့ စက်ရုံတည်ထောင်ချင်တဲ့စိတ်နဲ့ အဝတ်စက်ရုံတစ်ခုမှာ အဝတ်ဖြတ်ဆရာ
လက်ထောက်အဖြစ်သင်ယူရင်းနဲ့ ဖြောင်းဟွာဈေးက
စက်ရုံရဲ့ မတရားခိုင်းစေမှုတွေ၊ လုပ်ခလစာ နည်းပါးမှုနဲ့ ကျန်းမာရေးအာမခံချက်မရှိတာတွေကို သိလိုက်ရပါတော့တယ်အဲလိုနဲ့ အခြေခံဥပဒေအကြောင်းသိ
လိုက်ရတဲ့အချိန်မှာ မညီမျှတာတွေအတွက်
တောင်းဆိုဖို့ကြိုးပမ်းပါတော့တယ် ဘယ်လိုဆန္ဒပြရမလဲဆိုတာတောင် မသိတဲ့ အပ်ချုပ်ဆရာ၊ အဝတ်ဖြတ်ဆရာအဖြစ်ကနေ စိတ်အားထက်သန်စွာနဲ့ပဲ
အလုပ်သမားအခွင့်အရေးရအောင် နည်းမျိုးစုံနဲ့ ကြိုးစားပုံတွေကို ကြည့်ရှုခံစားရမှာပါ။

ဒီဇာတ်လမ်းရဲ့အသံသရုပ်ဆောင်ကလည်း အားလုံးနဲ့မစိမ်းတဲ့
Jang Dong Yoon, Kwon Hye Hyo နဲ့ Yeom Hye Ran တို့ဖြစ်ပါတယ်။
    
#Credit
#ChannelMyanmar

Periloor Premier League [2024]

ပိတ်ရက် မိသားစုနဲ့အတူ လွတ်လွတ်လပ်လပ် ရီမောပြီး
ကျိရှုချင်တယ်ဆိုရင်တော့ ဒီလထဲ အသစ်ထွက်ထားတဲ့Periloor Premier League ဆိုတဲ့ တောင်ပိုင်း
မိသားစုဟာသဇာတ်လမ်းတွဲနဲ့ မိတ်ဆက်ပေးပါရစေ။

မင်းသမီး Nikhila နဲ့ မင်းသား Sunny တို့ ပါဝင်သရုပ်ဆောင်ထားပြီး IMDB rating 7.5 ရထားတဲ့
Periloor Premier League ကို  B-Town မှဘာသာပြန်တင်ဆက်လိုက်ပါတယ်။

ပဲရီလော ရွာမှာနေတဲ့ မာလာဟာ ကလေးဘဝက သူမရဲ့ခရရှ် စရီကူတန်က လာတောင်းမယ်ဆိုလို့ အပျော်ကြီးပျော်နေပါတယ်။

ဒါပေမယ့် စရီကူတန် မာလာနဲ့တွေ့ပြီးအပြန် သူ့အမျိုးထဲက အချောလေးနဲ့တွေ့လို့ မာလာကို
ငြင်းလိုက်ပေမဲ့ အဲ့အချောလေးက ယောက်ျားရှိနေလို့စရီကူတန်ခမျာ ၂​ယောက်လုံးနဲ့ လွဲသွားပါတော့တယ်။

မာလာက အငြင်းခံရလို့ အသည်းကွဲနေချိန် ဦးလေးက
ရပ်ကွက်ကိုယ်စားလှယ် ဝင်ပြိုင်ဖို့ လာစည်းရုံးပါတယ်။

မာလာက မလုပ်ချင်ပေမဲ့ ဦးလေးအတင်းတိုက်တွန်းလို့
လက်ခံလိုက်ပါတယ်။

သူမ ရပ်ကွက်ဥက္ကဠဖြစ်လာရင်
အလုပ်ရှုပ်မှာစိုးတဲ့ မာလာလည်း ဦးလေးမိန်းမနဲ့အတူရွေးကောက်ပွဲ မနိုင်ဖို့ အကြံထုတ်ပြီး လိုက်ဖျက်ရာကစရီကူတန် ဇာတ်လမ်းဆက်ဖို့ အကြောင်းထပ်ဖန်လာပြီးသူ့ရဲ့ ရွေးကောက်ပွဲရှုံးမယ့်အကြံကရော အလွဲများနဲ့ဘယ်လိုမျိုးရီနေရမလဲ ဆိုတာကိုတော့....

Pushpa 2 - The Rule (2024) "ပွတ်ရှ်ပါ ပြန်လာပြီ"

Official WEB DL ဗားရှင်းမဟုတ်ပေမယ့်
ရုပ်သံကြည်လင်နေပြီဖြစ်တဲ့ HD RIPဗားရှင်းဖြစ်တာကြောင့်
တင်ဆက်ပေးလိုက်ပါပြီ

=======================

အားလုံးစောင့်မျှော်နေကြတဲ့ မင်းသားအာလူးအာဂျွန်နဲ့
မင်းသမီးရက်ရှ်မီးကားတို့ရဲ့ ဒိတ်ဒိတ်ကြဲအောင်မြင်ခဲ့တဲ့
ပွတ်ရှ်ပါရုပ်ရှင်ရဲ့ ဒုတိယမြောက်ရုပ်ရှင်ကားကြီး ထွက်ရှိလာခဲ့ပါပြီ။

ဘတ်ဂျက် ကုဋေငါးရာဝန်းကျင်သုံးထားပြီး Box Officerမှာ
ကုဋေထောင့်ရှစ်ရာကျော်ထိရခဲ့တဲ့ ရုပ်ရှင်ကားကြီးလည်းဖြစ်ပါတယ်။

ရှေ့ကားနဲ့ အချိတ်အဆက်ရှိတဲ့အတွက် ၂၀၂၁ကထွက်ရှိခဲ့တဲ့ Pushpa: The Riseကို ကြည့်ပြီးမှ
ဒီရုပ်ရှင်ကိုကြည့်ရင် ပိုပြီးဇာတ်ရည်လည်မှာပါ။

ရှေ့ရုပ်ရှင် Pushpa: The Rise (2021)ကို CM Appမှာ
4K Resolutionနဲ့ ကြည့်ရှုနိုင်ပါတယ်။

ရဲအရာရှိ ရှီခါဝက်တစ်ယောက် ပွတ်ရှ်ပါကိုဖမ်းမိဖို့အရေး
အပြင်းအထန်ကြိုးစားနေပါတယ်။
ဒါပေမဲ့လည်း ဒီနေရာမှာရှိရမဲ့စည်းမျဉ်းက
ပွတ်ရှ်ပါရဲ့စည်းမျဉ်းဆိုတဲ့အတိုင်း ရှီခါဝက်တစ်ယောက်
ကြိုးစားသမျှ သဲထဲရေသွန်ဖြစ်လို့နေတာပေါ့။

တစ်နေ့ ဝန်ကြီးဖြစ်သူ တီရူပတီကိုရောက်လာတော့ ပွတ်ရှ်ပါသွားတွေ့တဲ့အချိန်
ပြဿနာဖြစ်ပြီး ဝန်ကြီးဖြစ်သူကိုပါ ဖြုတ်ချဖို့ ပွတ်ရှ်ပါတစ်ယောက် ကြံပါတော့တယ်။

ပွတ်ရှ်ပါမှာ အားလုံးရှိတယ် မရှိတာဆိုလို့ ရှုံးနိမ့်မှုနဲ့ အကြောက်တရားဆိုတာလိုပဲ
အခက်အခဲအတားအဆီးမှန်သမျှကို ပွတ်ရှ်ပါတစ်ယောက်
ဖျက်ဆီးဖြိုချပစ်ပုံကို ခံစားကြည့်ရှုကြရမှာပါ။

(အညွှန်းနဲ့ဘာသာပြန်ကတော့ CM Bollywood Team ပဲဖြစ်ပါတယ်။)

Outrage(2023) ဇာတ်ကားလေးက အခုမှ လတ်လတ်ဆတ်ဆတ်ထွက်ထားတဲ့ action, thriller ဇာတ်ကားကောင်းလေးတစ်ခုပဲ ဖြစ်ပါတယ်။ ဇာတ်ကားမှာ

နာမည်ကျော်ဂျာမန်မင်းသား Clemens Schick ဝါရင့် Hollywood သရုပ်ဆောင် Jay O. Sanders နဲ့ မင်းသမီးချောလေး Adelaide Kane တို့ ပူးပေါင်းပါဝင်သရုပ်ဆောင်ထားတာမို့ ကြည့်ကောင်းတဲ့ ဇာတ်ကားကောင်းလေးတစ်ခုပါ။

ကြည့်ချင်အောင် ဇာတ်လမ်းလေးအမြည်းကျွေးရမယ်ဆိုရင်တော့ ဒီဇာတ်ကားက ပြင်သစ်နိုင်ငံရဲ့ နိုင်ငံရေးဇာတ်ခုံအကြောင်းက စရပါမယ်။ ပြင်သစ်နိုင်ငံမှာ

အမျိူးသားရေးလှုပ်ရှားမှုတွေ အားကောင်းလာပြီးတဲ့နောက် လက်ယာစွန်းရောက် သမားတွေက အကြမ်းဖက်မှုတွေ လုပ်လာတာတွေရှိပါတယ်။ အဲ့အချိန်မှာပဲ

နာမည်ကျော် ရုပ်သံမီဒီယာတစ်ခုက လာမဲ့ရွေးကောက်ပွဲမှာ သမ္မတဖြစ်နိုင်ချေရှိတဲ့ အမျိူးသမီးနဲ့ စံအိမ်တစ်ခုမှာ တိတ်တိတ်လေးတွေ့ဆုံစကားပြောဖို့ စီစဥ်ခဲ့ပါတယ်။

အဲ့အချိန်မှာ မင်းသမီးဖြစ်တဲ့ Ivy က ရုပ်သံပိုင်ရှင်ရဲ့ တူမဖြစ်ပြီး အဲ့တွေ့ဆုံပွဲမှာ ဘယ်လို မထင်မှတ်တာတွေ ဖြစ်သွားမလဲ နောက်ကွယ်က အကြောင်းတွေက

ဘယ်လိုရှိလို့ ဘယ်လိုတွေ ဖြစ်ကြမှာလဲ အဆုံးသတ်မှာရော ဘယ်သူတွေသေပြီး ဘယ်သူတွေ ရှင်ကျန်မှာလဲ စတာတွေကို အစကနေ အဆုံး ဒီရုပ်ရှင်အချိန်တိုတိုလေးထဲမှာပျင်းစရာအချိန်မရှိအောင်ကို ရိုက်ပြထားတဲ့ ဇာတ်ကားကောင်းလေး ဖြစ်ပါတယ်...

Champion [2018]

ကိုရီးယား ဒရာမာဆန်ဆန် ဇာတ်လမ်းကောင်းတွေကို ကြည့်ရှူချင်ကြသူတွေအတွက် ဝတုတ်မင်းသားလို့ခေါ်ကြတဲ့ ကိုရီယားမင်းသား Ma Dong-Seok ရဲ့ ၂၀၁၈ ထွက်ကားကောင်းတစ်ကားတင်ဆက်ပေးလိုက်ပါတယ်…

မာ့ခ် လို့ခေါ်တဲ့ ကိုရီယားလူမျိုး တစ်ယောက်ဟာ အကြောင်းတစ်ခုကြောင့် အမေရိကန်လူမျိုးမိသားတစ်စုရဲ့ မွေးစားခြင်းကိုခံရပြီး အမေရိကန် နိုင်ငံမှာပဲ ကြီးပြင်းခဲ့ပါတယ်..

သူဟာငယ်စဉ်ကတည်းက လက်မောင်းလှဲအားကစားကို ရူးသွပ်ပြီး ချန်ပီယံတစ်ယောက် ဖြစ်ချင်ခဲ့တာပါ…

ဒီလိုနဲ့အရွယ်ရောက်လာချိန်မှာ အမေရိကန် လက်မောင်းလှဲ အားကစားအသင်းတစ်ခုမှာ ဝင်ရောက်ကစားကာ အောင်ပွဲတွေဆက်တိုက်ယူနေရင်း အကြောင်းတစ်ခုကြောင့် ထုတ်ပယ်ခံခဲ့ရပြီးနောက်မှာ သူဟာ ကလပ်တွေ ဘားတွေ ဈေးဆိုင်တွေမှာ လုံခြုံရေးအဖြစ် ကြုံရာ လုပ်ကိုင်နေထိုင်ခဲ့ရပါတယ်

တစ်ရက်တော့ ညီအစ်ကိုလိုချစ်ခင်ရတဲ့ သူငယ်ချင်းတစ်ယောက်က ကိုရီးယားမှာ လက်မောင်းလှဲပြိုင်ပွဲကြီးရှိတဲ့အတွက် သူ့ကို ကိုရီးယားကိုခေါ်ပါတော့တယ်….

မာ့ခ်တစ်ယောက် ပြိုင်ပွဲဝင်ဖို့ကိုရီးယားရောက်လာပြီး သူ့ရဲ့ပျောက်ဆုံးနေတဲ့မိသားစုကို ပြန်လည်ရှာဖွေရင်း ချန်ပီယံတစ်ယောက်ဖြစ်လာနိုင်ပါမလား….။

The Outlaws [2017]

The Outlaws တဲ့ မြန်မာလိုဆိုရင်တော့၀ရမ်းပြေးတွေပေါ့ဗျာ…

၂၀၁၇ အောက်တိုဘာထဲမှာထဲမှာထွက်ထားတာဖြစ်တဲ့အတွက် အသစ်စက်စက် ဘရန်းနယူးကိုရီးယားအက်ရှင်ကားတစ်ကားပါ

နာမည်ကြီးမင်းသားတွေဖြစ်ကြတဲ့ Train to Busan ထဲက Ma Dong-Seok နဲ့ Yoon Kye-sang, Jo Jae-yoon စသူတို့ ပါ၀င်သရုပ်ဆောင်ထားပြီး ဇာတ်လမ်းကိုတော့ ၂၀၀၄ ခုနှစ် ကိုရီးယားနိုင်ငံ ဆိုးလ်မြို့က ရပ်ကွက်တစ်ခုမှာဖြစ်ပွားတဲ့ လူဆိုးဂိုဏ်းတွေရဲ့ ရာဇ၀တ်မှုတွေကိုအခြေခံရိုက်ကူးထားပါတယ်

ဇာတ်လမ်းကို ဟာဂျီ၀န်ဆိုတဲ့ ဆိုးလ်မြို့က ရပ်ကွက်လေးတစ်ခုရဲ့ဈေးထဲမှာဖြစ်တဲ့ လူမိုက်တွေရဲ့ရန်ပွဲလေးတစ်ခုနဲ့အစပြုထားပါတယ်

ဒီဒေသတစ်ဝိုက်ကို တာ၀န်ယူရတာက ရဲစုံထောက် မား နဲ့အဖွဲ့ဖြစ်ပြီး အနားတစ်ဝိုက်ကလူမိုက်တွေက စုံထောက်မားကို ချစ်ခင်လေးစားကြပုံ

နောက်တော့ တခြားနယ်က လူမိုက်တွေရောက်လာပြီး လူသတ်နှိပ်စက်မှုတွေကြောင့် ရဲနဲ့ လူမိုက်တွေရဲ့အသည်းအေးဖွယ်ရာရိုက်ချက်တွေကို ပရိတ်သတ်ကြီးကိုယ်တိုင်ပဲ ကြည့်ရှုခံစားတော်မူကြပါဦး

Parastree [2023]

IMDb 6.1/10

(Adult scene တချို့နှင့် သတ်ခန်းဖြတ်ခန်းများအားပီပြင်စွာရိုက်ကူးထားသည့်အတွက်မိသားစုနှင့်အတူကြည့်ရန် မသင့်တော်ပါ)

သူများပိုင်တဲ့ပိုက်ဆံ ဇနီးမယားကိုပစ်မှားစိတ်နဲ့ကြည့်တာက အိပ်ရာပေါ်သေခါနီးဆဲဆဲကို မီးရှို့သတ်သေတာနဲ့တူပါတယ်တဲ့ သူများပိုင်ဆိုင်မှုကိုမှသဘောကျတတ်သူတွေ ရှိတာနဲ့ရောင်ရဲမတင်းတိမ်နိုင်ဘဲလိုက်ပွဲလိုချင်တဲ့လူတွေကိုဘယ်လိုမျိုးပညာတွေပြမလဲဆိုတာအားပါးတရကြည့်ရှုရမှာပဲဖြစ်ပါတယ်

အာဗယာဆိုတာက ရေဒီယိုအသံလွှင့်ဌာနက ချိုသာလွန်းတဲ့အသံကြောင့်အမာခံပရိသတ်များစွာရရှိထားသူတစ်ယောက်ပါ သူ့မှာအမျိုးသားက ငယ်စဉ်ကတွေ့ကြုံခဲ့တဲ့ဖြစ်ရပ်တစ်ခုကြောင့် တချို့ကိစ္စတွေမှာစိတ္တဇဆန်ဆန်ဖြစ်နေသူတစ်ဦးပေါ့ ဒီအချက်ကိုအာဗယာကမကြိုက်ပါဘူး

ဒီလိုနဲ့တစ်နေ့ အာဗယာ့အမျိုးသားကအလုပ်ကိစ္စနဲ့ပြည်ပခရီးရှည်တစ်ခုထွက်သွားတယ် တစ်ဖက်မှာလည်း အာဗယာဆော့နေကျ Gym ရုံမှာ လူသစ်တစ်ယောက်ရောက်လာပြီးအာဗယာ့ကိုမြင်မြင်ချင်းသဘောကျသွားလေတော့ အဖော်မဲ့နေတဲ့အာဗယာ့ကိုယောကျာ်းမာယာနဲ့နည်းလမ်းကုန်ထုတ်သုံးပြီးတော့ပိုးပန်းပါတော့တယ်

ယောကျာ်းဖြစ်သူကိုစိတ်ကုန်နေတဲ့သူမအတွက် အချစ်သစ်တွေပြန်လန်ပွင့်လန်းလာချိန်မှာ ယောကျာ်းဖြစ်သူပြန်ရောက်လာတာနဲ့တိုးလေတော့

အရင်ကမှစိတ္တဇဖြစ်နေတဲ့အမျိုးသားတစ်ယောက်က အချစ်ရဆုံးမိန်းမဖောက်ပြန်ခံလိုက်ရတဲ့ခံစားချက်ပါထပ်တိုးလေတော့ သူတို့ဘယ်လိုတွေဆက်ဖြစ်သွားမလဲ ဥာဏ်ပညာကပဲအနိုင်ရမလား ဥပဒေကပဲအနိုင်ရမလား...

(အညွှန်းကိုတော့ Yunni ကရေးသားပေးထားပြီး ဘာသာပြန်တွေကတော့ Yunni~ BpL တို့ပဲဖြစ်ပါတယ်)

Golden Escape (2022)

အကြွေးတွေပိနေတဲ့ရုပ်ရှင်ဇာတ်ညွှန်းရေးဆရာ Zhong Zheng တစ်ယောက်ဟာ
အချိန်မှီအကြွေးတွေမဆပ်နိုင်တဲ့အတွက် ကြံရာမရဖြစ်နေပါတယ်။

အဲဒီအချိန်မှာပဲ ဘိုးဘွားအမွေရွှေချောင်းတွေရှိကြောင်းသိလိုက်ရပြီး
ရွှေတူးဖို့ကြံစည်ပါတော့တယ်။
ဖြစ်ချင်တော့ ဘိုးဘွားအိမ်အဟောင်းနေရာကို
ကိုလိုခေတ်နီခေတ်မှာ အင်္ဂလိပ်ပိုင်သိမ်းလိုက်ပြီး
လက်ရှိမှာ အကျဉ်းထောင်ဖြစ်နေတော့
Zhong Zheng မှာသားရဲတွင်းထဲခုန်ချရသလိုပဲပေါ့။

ဘိုးဘွားပိုင်ရွှေချောင်းတွေကိုရှာဖို့စတောင်မစရသေးခင်မှာပဲ
ထောင်တွင်းဂိုဏ်းစတား၂ယောက်ဖြစ်တဲ့ Brother Xieနဲ့
Brother Da Biao တို့အင်အားပြိုင်မှုထဲကို
ဆွဲထည့်ခံရတော့ အလူလူအလဲလဲပေါ့။

အကြိမ်ကြိမ်ကယ်တင်ပေးခဲ့တဲ့
ညီအကိုချင်းသစ္စာတရားကိုအလေးထားတဲ့
Brother Xie ကိုပြောပြပြီး အတူရှာကြပါတယ်။
သူတို့၂ယောက်အတူ ရွှေချောင်းကိုရှာတွေ့မလား
ရက်စက်ယုတ်မာတဲ့ Da Biao ရန်ကနေဘယ်လိုရင်ဆိုင်ကြမလဲ
ဆိုတာကို သွေးသန်ရဲရဲ ပီပြင်တဲ့တိုက်ခိုက်ချက်တွေနဲ့ ကြည့်ရမှာပါ။

🌺ရောင်စုံပန်းခင်းလယ်က သူမ၏ပုံပြင်
好东西 (Her Story) 2025 Movie 🌺

လာပြီဗျိုDouban Rating 9.1 ထိ ရထားတဲ့ ရုပ်ရှင် ကောင်းမကောင်းဆိုတာ အပြေးသာ လာကြည့်ကြပါတော့

ဇာတ်လမ်းအကျဉ်း

🌺တစ်ကိုယ်တည်းသမား မိခင်တစ်ယောက်ဖြစ်တဲ့ Wang Tie Mei ဟာ သူမရဲ့အလုပ်ကို ဆုံးရှူးလိုက်ရပြီးနောက်မှာ အိမ်ပြောင်းခဲ့ပြီး အိမ်နီးနားချင်းမိန်းကလေး Xiao Ye နဲ့ ဆုံမိခဲ့ပါတယ်

🌺Xiao Ye အပြင်ပန်းက တောက်ပတဲ့သူတစ်ယောက်ဖြစ်ပေမဲ့ အတွင်းမှာတော့ စိတ်ဓာတ်ကျ ဝမ်းနည်းနေသူတစ်ယောက်ပါ

🌺 နှစ်ဦးသားဟာ တိတ်တဆိတ်နဲ့ ခင်မင်ရင်းနှီးလာခဲ့ကြပါတယ်

🌺Wang Tie Mei ရဲ့ ပတ်ဝန်းကျင်မှာ တဝဲလည်လည်လုပ်နေတဲ့ ခင်ပွန်းဟောင်းဟာ အမြဲပြဿနာ ရှာတတ်ပြီး တစ်ဖက်မှာ သမီးဖြစ်သူရဲ့ ဒရမ်တီးဆရာက သူမကို ဖြစ်နိုင်ချေအ‌‌သစ်တွေနဲ့ မျှော်လင့်ချက်ကို ခံစားမိစေပါတယ်

🌺အချစ်နဲ့ဘဝထဲကို ကျူးကျော်ဝင်ရောက်လာသူ အကြားမှာ နယ်စိမ်းအမျိုးသမီးနှစ်ဦးဟာ ဘယ်လိုတွေးခေါ်ဆုံးဖြတ်မှုတွေနဲ့ ရင့်ကျက်ကြီးပြင်းလာမလဲဆိုတာ ...

The Curse Of The Necklace (2024)

"Davis"မိသားစုဟာ အခက်အခဲတချို့ကို ဖြတ်သန်းနေရတဲ့အချိန်~

"Laura"နဲ့ "Frank"ဟာ တစ်ချိန်က ချစ်ခဲ့ကြတဲ့ဇနီးမောင်နှံတွေ ဖြစ်ခဲ့ကြပြီး အိမ်ထောင်ရေးသာယာခဲ့ကြပေမဲ့လည်း အချိန်ကြာလာတော့ "Frank"ရဲ့ အရက်ကြောင်ပြဿနာကြောင့် "Laura"ဟာ "Frank"ကို အိမ်ပေါ်ကနေ နှင်ချခဲ့ပါတယ်။

မိသားစုအဆင်ပြေဖို့အတွက် "Laura"ဟာ သူနာပြုအလုပ်ကို ပြန်လည်လုပ်ကိုင်ခဲ့ပါတယ်။ "Frank"ကလည်း သူ့အမှားသူသိပြီး "Laura"ကို ပြန်ချော့ဖို့အတွက် လည်ဆွဲလေးတစ်ခု လက်ဆောင်ပေးခဲ့ပါတယ်။

"Laura"ကတော့ "Frank"ကို ခွင့်မလွှတ်ချင်တဲ့အတွက် လက်ဆောင်ပေးတဲ့လည်ဆွဲကို လက်မခံခဲ့ပါဘူး။အဲဒါကြောင့် "Frank"ကလည်း လည်ဆွဲကို "Laura"တို့ အိမ်ရှေ့မှာ ထားခဲ့ပါတယ်။

ဒါပေမဲ့ ပစ္စည်းတိုင်းမှာ အကောင်းအဆိုးဆိုတာ ရှိသလိုပဲ။
လည်ဆွဲမှာ နှစ်ပေါင်းများစွာ အချုပ်ခံထားရတဲ့ ဝိညာဥ်ဆိုးတစ်ကောင် ရှိလို့နေပါတယ်။

ဒါကို မသိနားမလည်တဲ့ "Laura"ရဲ့ သမီးနှစ်ယောက်က ဒီလည်ဆွဲကို ယူမိရာကနေ ဘယ်လိုအဖြစ်ဆိုးတွေနဲ့ ကြုံတွေ့ရမလဲဆိုတာ ဒီဇာတ်လမ်းလေးထဲမှာ ဆက်လက်ကြည့်ရှုပေးကြပါဦးရှင်✨

အညွှန်းရေးသားသူကတော့ "Alia" ဖြစ်ပါတယ်ရှင့်🍏

The Hypnosis [2024]

ဒီတစ်ခါမှာတော့ ထူးကဲဆန်းပြားပြီး ဟာသနှောထားတဲ့ The Hypnosis ဆိုတဲ့ကားလေးနဲ့ မိတ်ဆက်ပေးချင်ပါတယ်။

လူငယ်စီးပွားရေးလုပ်ငန်းရှင်အတွဲလေးဖြစ်တဲ့ André နဲ့ Veraတို့က ဩဇာတိက္ကမပြိုင်ပွဲလေးတစ်ပွဲမှာ အမျိုးသမီးကျန်းမာရေးအက်ပ်တစ်ခုကို ဇောင်းပေးမဲ့ အခွင့်အရေးရလာပါတယ်။ အဲဒီပွဲကိုမသွားခင် Veraဟာ ဆေးလိပ်ဖြတ်ဖို့အတွက် အိပ်မွေ့ချကုထုံးကို စမ်းကြည့်ခဲ့ပါတယ်။

ကုထုံးရဲ့အကျိုးဆက်အနေနဲ့ Veraတစ်ယောက် စိတ်သဘောထားပြောင်းလဲလာပြီး Andréဟာလည်း မမျှော်လင့်ထားတဲ့လုပ်ရပ်မျိုးတွေ စလုပ်လာပါတော့တယ်။

အိပ်မွေ့ချကုထုံးဆရာမရဲ့သရုပ်မှန်က ဘာများ‌ဖြစ်‌နေမလဲ... Veraရဲ့ စိတ်အခြေအနေကရော ဘာလို့များ ပြောင်းသွားရတာပါလဲ... သူတို့နှစ်ဦးကရော နဂိုပုံစံကိုပြန်ရနိုင်ပါ့မလားဆိုတာ Soulkingdomမှာ စောင့်မျှော်ကြည့်ရှူပြီး အတူတူခွီလိုက်ကြရအောင်နော်

(အညွှန်းရေးသားသူကတော့ Yuan ဖြစ်ပါတယ်)

Killer Soup [2024]

မိန်းမတွေ ဘယ်လောက် ဉာဏ်နီဉာဏ်နက်များမများ သိချင်ရင်တော့ Netflix က ယခုမှထွက်ရှိထားတဲ့ Killer Soup ဆိုတဲ့ Series လေး ကြည့်ဖို့ပြောပါရစေ။

IMDb rating အနေနဲ့လည်း (6.2) ရရှိထားပြီး B-Town မှစုံထောက်ဇာတ်လမ်းကြိုက်တဲ့ ပရိသတ်ကြီးတို့အတွက် ဘာသာပြန်တင်ဆက်ပေးလိုက်ပါတယ်။

လင်ငယ်နေတဲ့ မိန်းမတစ်ယောက် လင်ကြီးနဲ့ ပက်ပင်းမိသွားချိန် မတော်တဆ လင်ကြီးကို သတ်မိလိုက်ပြီး ဘယ်လို မာယာတွေ ၊ ဉာဏိနီဉာနက်တွေနဲ့ ဖုံးကွယ်မလဲဆိုတာ စိတ်ဝင်တစားစောင့်ကြည့်ရမယ့် ကားလေးဖြစ်ပါတယ်။

ဆွာသီဆိုတဲ့ အမျိုးသမီးက ပရက်ဟာကာဆိုတဲ့ ခင်ပွန်းရယ် 18 နှစ်အရွယ်သားတစ်ယောက်ရယ်နဲ့ အိမ်ရှင်မလုပ်နေရပါတယ်။

သူက ဟင်းချက်အလွန်ဝါသနာပါပြီး ဆိုင်ဖွင့်ချင်ပေမယ့် ယောက်ျားက အကုန်လိုက်ပိတ်ပင်တာကြောင့် သူ့ဘဝက မွမ်းကြပ်နေရှာပါတယ်။

ယောက်ျားက အလုပ်သွားလိုက် KTV သွားလိုက်ဆိုတော့လည်း အထီးကျန်တဲ့ ဆွာသီလည်း အနိုပ်သည် အူမက်ရှ်နဲ့ ဖောက်ပြန်မိပါတယ်။

ပရက်ဟာကာက အလုပ်ကိစ္စနဲ့ ခရီးထွက်ရင်း တစ်ရက်စောပြီး ပြန်လာချိန်မှာတော့ ဆွာသီတို့နဲ့ လက်ပူးလက်ကြပ်မိပြီး ရုန်းရင်းဆန်ခတ်ဖြစ်ကာ မတော်တဆ ပရက်ဟာကာကို သတ်မိလိုက်ပါတယ်။

ဒါနဲ့ပဲ မထူးဇာတ်ခင်းရတော့မယ့် အခြေအနေကို ရောက်လာတော့ ဆွာသီလည်း လင်ကြီးအလောင်းကို လက်စ‌ဖျောက် ပိုင်ဆိုင်မှုတွေကို အပိုင်သိမ်းမည်အကြံနဲ့ ရဲတွေကို မလိမ့်တပတ်လုပ်ပါတော့တယ်။

ဆွာသီတစ်ယောက် ရဲတွေကို ဘယ်လောက်ကြာကြာ လှည့်စားထားနိုင်မလဲ။

သူ့ရဲ့ အကြံအစည်တွေရော အောင်မြင်နိုင်ပါ့မလားဆိုတာကတော့.....

Everything Is Unknown [2023]

လက်ဝှေ့သမားဟောင်း ဖန်ယိမင် ဟာကြိုးဝိုင်းထဲက မတော်တဆတစ်ခုကြောင့် ချစ်ရတဲ့သူနဲ့ ဘဝတစ်ခုတည်ဆောက်ဖို့ အခွင့်အရေးကို ဆုံးရှုံးခဲ့ရတယ်…

နောက်ပိုင်းမှာ ဖန်ယိမင်ဟာ သူ့ဘဝကို သူ့နည်းသူ့ဟန်နဲ့ အဆုံးသတ်နေရာကနေ သူ့အဖေ သေဆုံးပြီဆိုတဲ့ သတင်းနဲ့အတူ ဘယ်လောက်မှန်းမသိတဲ့ အမွေလွှဲပေးဖို့ စာရွက်စာတမ်းတွေနဲ့ ရှေ့နေတစ်ယောက် ရောက်လာခဲ့တယ်…

ဒီလိုနဲ့ ဈာပနပွဲမှာ တစ်ချိန်က လက်လွှတ်ခဲ့ရတဲ့ ရည်းစားဟောင်း လင်းယွဲ့နဲ့အတူ ၇ နှစ် ၈ နှစ်အရွယ် သမီးလေးကို မြင်တွေ့လိုက်ရပြီးနောက် ဖန်ယိမင် အသေအချာကို ယုံကြည်ခဲ့တယ်…

လင်းယွဲ့လက်ကို ကိုင်ထားတဲ့ မုဇီ ဟာ သူ့သမီးလေးလို့ပေါ့

…ကံကောင်းစွာနဲ့ ကလေးကလည်း သူ့အပေါ် တွယ်တာတာ မြင်ရတာမို့ ခဏလေးနဲ့ ရင်းနှီးခဲ့တယ်…

ကလေးက ရောဂါသည်လေးမို့ ခွဲစိတ်ဖို့ သိန်း ၂၀ လိုတယ်ဆိုပြီး လင်းယွဲ့က ပြောပြတာမို့ ဖန်ယိမင်တစ်ယောက် လိုနေတဲ့ ပိုက်ဆံကို အမွေထဲက ပေးဖို့ ဆုံးဖြတ်ထားတယ်…

ဒီလို ဆုံးဖြတ်တဲ့ထဲမှာ လင်းယွဲ့တို့ လင်မယားမသင့်မြတ်ကြဘူးဆိုတဲ့ သတင်းကြောင့်လည်း ပါကောင်းပါမှာပေါ့…

ဘာလို့ တိုက်တိုက်ဆိုင်ဆိုင် ရည်းစားဟောင်းက ပေါ်လာပြီး သိန်း ၂၀ လိုချင်ရတာလဲ…ကလေးကရော ဘာရောဂါဖြစ်နေတာလဲ

#Credit

The Blind [2023]

အမေရိကန် တီဗီစတား ဖေးလ်ရောဘတ်ဆန်ရဲ့ ဘဝအကြောင်းကို ရိုက်ထားတဲ့ဖြစ်ရပ်မှန် ဇာတ်လမ်းဖြစ်ပါတယ်

ဖေးလ်ဟာ နာမည်ကြီးတစ်ယောက်မဖြစ်ခင်က အရမ်းဆိုးသွမ်းပြီးမိသားစုမှာ မူးယစ်ရမ်းကားနေတဲ့ အရက်သမားတစ်ယေဦက်ဖြစ်ခဲ့ပါတယ်

သူ့ရဲ့ မိုက်ရူးရဲဆန်မှုကြောင့် မိန်းမ၊ ကလေး ၃ ယောက်နဲ့လည်း ကွဲခဲ့ရပြီး တောထဲမှာတစ်ယောက်ထဲ အမဲလိုက်မူးရူးနေတဲ့ အရူးကြီးတစ်ယောက်အထိဖြစ်ခဲ့ပါတယ်...

ဘာသာရေးဆရာတစ်ဦးနဲ့တွေ့ပြီး ယေရှုဆီမှာ အပြစ်ဝန်ခံဆေးကြောသန့်စင်ပြီးမှလူကောင်းတစ်ယောက်အဖြစ်ပြန်လည်မွေးဖွားလာပြီး ဖခင်ကောင်းတစ်ယောက်ဖြစ်လာကာအောင်မြင်တဲ့လူတစ်ယောက်နဲ့ စီးပွားရေးလုပ်ငန်းရှင် တီဗီစတားတစ်ယောက် ဖြစ်လာခဲ့တဲ့
အကြောင်းကို ရိုက်ကူးထားတဲ့ ဖြစ်ရပ်မှန်ဇာတ်လမ်းကောင်းတစ်ပုဒ်ဖြစ်ပါတယ်

အညွှန်း နဲ့ ဘာသာပြန်ကတော့ Thiha Yan Naing ပဲ ဖြစ်ပါတယ်။

Alangu (2024) မျှော်လင့်ချက်နဲ့ အသက်ဆက်

သည်းထိတ်ရင်ဖိုနှစ်ခြိုက်တဲ့ ပရိတ်သတ်‌တွေနဲ့ ခွေး‌ လေးတွေချစ်တတ်သူတွေ၊တောတောင်ရေမြေရှုခင်း သဘောကျသူတွေ အကြိုက်တွေ့မယ့်ဇာတ်ကားလေးနဲ့မိတ်ဆက်ပေးပါရစေ

"လူတွေနဲ့တိရိစ္ဆာန်လေး‌တွေ အတူယှဉ်တွဲနေထိုင်နေကြတဲ့ ဒီ‌လောကကြီးမှာ
အားလုံးကရှင်သန်နေထိုင်ဖို့ ရုန်းကန်နေကြရသူချည်းပါပဲ။
ဘာဖြစ်ဖြစ် အသက်သာဆက်ရှင်နေပါ၊ လက်မလျှော့ပါနဲ့၊ကျန်တာကိုသစ်တောတွေနဲ့တောတောင်တွေက ဂရုစိုက်ပေးပါလိမ့်မယ်တဲ့"

ဒါမာဆိုတဲ့ တမီးလ်မျိုးနွယ်စုတစ်ခုကကောင်လေးက သူ့ခွေးလေးကာလီကိုအားပေးနှစ်သိမ့်တဲ့စကားလေးနဲ့အစပျိုးထားပါတယ်။
ဒါမာနဲ့သူ့ခွေးလေးတို့ တွေ့ဆုံဖြစ်ကြပုံက ဒီလိုပါ။

ဒါမာတို့ကို အထုပ်လေးတစ်ထုပ်ပစ်ခိုင်းလို့ သွားပစ်ရာကရောဂါပိုးကူးခံထားရလို့ စွန့်ပစ်ခံရတဲ့ခွေးလေးဖြစ်နေပြီးအသက်ရှင်နေသေးတာကို တွေ့သွားပါတယ်။

ဒါနဲ့သူလည်းခွေးလေးကို တောထဲလွှတ်ပေးလိုက်ပေမဲ့
ခွေးလေးက ဒါမာအိမ်ပြန်တဲ့လမ်းထိ လိုက်ပါလာလေရဲ့။
အဲဒီလိုနဲ့သူလည်း‌ခွေးလေးကိုမွေးဖြစ်သွားပြီး ကာလီလို့နာမည်ပေးခဲ့ပါတယ်။

ဒါမာတို့မျိုးနွယ်စုဟာ အနည်းငယ်သောလူနည်းစုလေး‌ပေါ့။
သူတို့နေထိုင်ရာနေရာလေးဟာ ဆေးရုံမရှိ၊ လမ်းမရှိမို့ အားလုံးကရေကြည်ရာမြက်နုရာ ပြောင်းရွှေ့ကုန်ကြပေမဲ့
ဒါမာတို့မိသားစု ၇ခု၈ခုကပဲ ကျန်ရစ်နေခဲ့ပါတယ်။

သူတို့ဟာရိုးရာအရ နှစ်တိုင်း တောင်ထိပ်တက်ပြီး ပူဇော်မှုတွေ ပြုလုပ်‌နေကျပါ။

အဲဒီအခါ နယ်စပ်လေးကိုဖြတ်သွားရချိန် နယ်စပ်အစောင့်တွေရဲ့ ခေါင်းပုံဖြတ်မှု၊ရက်စက်မှုတွေကို ကြုံတွေ့ရတာ ထုံးစံလိုဖြစ်နေရာက ပိုဆိုးလာပါပြီ။

တစ်နေ့သူ့အမေရဲ့ဆန္ဒ‌ကြောင့် သူငယ်ချင်းတွေရယ် ခွေးလေးကာလီရယ်နဲ့အတူတစ်နေရာသွားဖို့ဖြစ်လာပါတော့တယ်။

သူတို့မျိုးနွယ်စုကို ဘယ်လိုဆက်လက်ထိန်းသိမ်းမလဲ၊
နယ်စပ်ကြားနိုင်ငံရေးပြဿနာအစစ်အမှန်တွေဆိုတာ ဘယ်လိုလဲ၊ ဒါမာနဲ့ခွေးလေးကာလီတို့ကရော
ဘယ်လိုရှေ့ဆက်မလဲဆိုတာ စိတ်ဝင်စားစွာ ကြည့်ရှုခံစားကြည့်ကြရအောင်ပါ။

အညွှန်းနဲ့ ဘာသာပြန်တွေကတော့ CM Bollywood Team ပဲဖြစ်ပါတယ်။

" Phu Bao Thai Bahn E-Saan Juad " [2021]

ခိန် အဖြစ် Oabnithi Wiwattanawarang
ဖိန် အဖြစ် Nitchanun Intarasorn

ဇာတ်လမ်းအကျဥ်း...

မြို့ကြီးပြကြီးမှာ ၂နှစ်လောက်အလုပ်လုပ်ခဲ့ပြီး ငြီးငွေ့စပြုလာတဲ့ "ခိန်"ကတော့အလုပ်ထွက်ပြီး သူ့မွေးရပ်မြေမှာအသေးစားစီးပွားရေးလုပ်မယ်ဆိုပြီး အိမ်ပြန်လာခဲ့ပါတယ်။

အယ်ဇိုင်းမားဖြစ်နေတဲ့အမေအိုကိုပြုစုဖို့အတွက် အိမ်ပြန်လာတော့  လုပ်ငန်းစလုပ်ဖို့ရာအတွေးများနေခဲ့ပါတယ်။

"ခိန်"သူငယ်ချင်း ဆံသဆရာပီတာဆီသွားပြီး ရင်ဖွင့်ရာကနေညနေရောက်တော့ အရက်ဆိုင်မှာပျော်ပါးရာကနေ "ဖိန်"နဲ့အမှတ်မထင်တွေ့ခဲ့တာပါပဲ။

"ဖိန်"ကတော့ ဂျပန်အလုပ်သွားလုပ်ဖို့ကြိုးစားနေတဲ့ စက်ရုံအလုပ်သမားပါပဲ။

"ဖိန်"မှာ "မန်း"ဆိုတဲ့သူ့ချစ်သူနဲ့ပြဿနာတက်နေလို့ လေလွင့်နေတဲ့အချိန်ပါပဲ။

"ခိန်"ကလည်း အရက်ဆိုင်မှာတွေ့ခဲ့တဲ့ "ဖိန်"ကိုကြိုက်ပြီး စလိုက်ခဲ့ပေမယ့် "ဖိန်"ကတော့ "ခိန်"ကိုသူ့ကောင်လေးနဲ့အဆင်ပြေအောင်လုပ်ဖို့သုံးတဲ့ လိုသုံးလို့ပြောရင်မမှားပါဘူး။ "

ခိန်"ကတော့မသိဘဲနဲ့ သူ့အနာဂတ်မှာဘယ်လိုကြိုးစားမယ်ကအစ "ဖိန်"နဲ့တိုင်ပင်ခဲ့ပါတယ်။

တကယ်ပဲ"ခိန်"ကလိုသုံးဖြစ်သွား
မလား၊ "ခိန်"ဖွင့်ချင်တဲ့လုပ်ငန်းအသေးစားကရောအောင်မြင်သွားမလား၊ "ဖိန်"ကရော ဂျပန်သွားနိုင်ပါ့မလား၊"ဖိန်"နဲ့"ခိန်"ရဲ့ ဆက်ဆံရေးကရောဘယ်လိုဆက်ဖြစ်သွားမလဲဆိုတာတော့ ဒီအချစ်ဟာသကားကို ဆက်လက်ကြည့်ရှုပေးဖို့ပြောချင်ပါတယ်ခင်ဗျာ။

( ဇာတ်လမ်းအကျဉ်းကို Awn Kham Merng မှ ရေးသားပေးထားပါတယ်  )

Subtitle By - Awn Kham Merng
Encode By - Lwin Htoo Aung

Ash Channel (Ash) မှ ဘာသာပြန်တင်ဆက်သည်။

#PhuBaoThaiBahnESaanJuad
#AshChannel #Ash

Pawn Shop Chronicles [2013]

Paul Walker ကြီး အလွမ်းပြေ ကြည့်လို့ရမယ့် ကားကောင်းတစ်ကား လာပြီဗျာ။

ဒီလိုပြောလို့ Paul Walker ချည်း ပါတယ်

မထင်ပါနဲ့Lord of the Ring က Frodo မင်းသား Elijah Wood တို့ Mummy မင်းသားကြီး(နောက်ပိုင်းဆို The Whale နဲ့ ကြမ်းထားတဲ့) Brendan Fraser တို့
မြိုင်မြိုင်ဆိုင်ဆိုင် ပါဝင်ထားကြပါတယ်။

ဇာတ်လမ်းကတော့ R Rated နဲ့ အညီ ကိုယ်လုံးတီးတွေပါမယ်မိုးမွှန်အောင် ဆဲဆိုနေတာလည်း ပါဝင်တဲ့အတွက် သတိချပ်စေလိုပါတယ်ဗျ။

ကဲ ဇာတ်လမ်းအကြောင်းပြောမယ်…ပြောမယ်သာပြောတာ တကယ်ကြည့်ဖူးသမျှထဲ ပေါက်ကရတွေဖြစ်ပြီးထူးခြားဆန်းကျယ် မှန်းမရတဲ့ဇာတ်လမ်းထဲ သူပါတယ်။

အကုန်လုံးကို စနစ်တကျ ဇာတ်တိုက်ထားတာမျိုး မရှိပဲရော့ သွား ကြိုက်တာလုပ်ဆိုပြီး အကုန်လုံးက ဖြစ်ချင်တိုင်းကို ဖြစ်နေကြတာမျိုး။

အဓိကက ဇာတ်လမ်းနာမည်လိုပဲ အပေါင်ဆိုင်မှတ်တမ်းများဟုတ်တယ် ဒီ အပေါင်ဆိုင်လေးကို အရင်းတည်ပြီးမတူညီတဲ့ ဇာတ်လမ်းတိုလေး ၃ ပုဒ် ဖြစ်ပျက်သွားတာပေါ့လေ။

အားလုံးကလည်း သူ့ဇာတ်လမ်းနဲ့သူ ရှိနေပေမယ့်တစ်ခုနဲ့တစ်ခု တူတူသွားပြီး ကြုံကြိုက်တာမျိုးလည်း ပါနေတာပေါ့သေချာတာတော့ ကြည့်နေရင်း WTF ဆိုပြီး ဖြစ်မှာကတော့ သေချာပါတယ်။

ကဲ ပထမဇာတ်လမ်းကတော့ လူဖြူ လူမျိုးခွဲခြားရေးဆေးသမားတသိုက်က သောက်တလွဲတွေ ဖြစ်ပြီးဓားပြသွားတိုက်မှာကို ကြည့်ရမှာပါ ဘယ်လောက်လွဲဆိုဓားပြသွားတိုက်မယ့် သေနတ်ကို ဆီဖိုးမရှိလို့ အပေါင်ခံလိုက်ရတဲ့အဖြစ်မျိုး။အဲဒီမှာ ကျွန်တော်တို့ Paul Walker ကြီးဗျာ တကယ်ထင်မထားလောက်အောင်သရုပ်ဆောင်ပီပြင်ချက် ဆေးချပြီး ၃ ရက်လောက် အိပ်မထားလို့ ဂေါက်ပြီး လစ်နေတာလွဲကြတာဆိုတာ မြင်မကောင်းဘူး ဇာတ်လမ်း ၃ ပုဒ်ထဲ အကြိုက်ဆုံးလို့ ပြောရမယ်။

ဒုတိယဇာတ်လမ်းကတော့ လောလောလတ်လတ် လက်ထပ်ထားတဲ့ဘဲကြီးဘဏ်အကောင့်ဟတ်ခ်ခံရလို့ ဟန်နီမွန်းထွက်ရင်း ငွေပြတ်သွားတော့မယားအသစ်လေးရဲ့လက်စွပ်သွားပေါင်တာ လွန်ခဲ့တဲ့ ၆ နှစ်ကပျောက်သွားတဲ့ပထမဆုံး မယားရဲ့လက်စွပ်တွေ့ပြီး ကမ္ဘာမြေအဆုံးလိုက်ရှာတာကို ကြည့်ရမှာပါ။

အတော် Fuk up ဖြစ်တဲ့ဇာတ်ပဲ အဆုံးသတ်လှည့်ကွက်ကလည်း မထင်ထားဘူး အလေကြီး။နောက်ဆုံးဇာတ်လမ်းကတော့ Mummy မင်းသားကြီးအကြောင်း။သူက အယ်ဗစ်ပရက်စလေကို အင်မတန်သဘောကျပြီးသူ့လိုဝတ် သူ့လိုနေပြီး ဖျော်ဖြေပွဲလိုက်လုပ်ပေးနေတဲ့လူဒါပေမဲ့ ငတ်ပြတ်နေပြီး  ဆီဖိုးကို မရှိတော့ပါဘူးဒီလိုနဲ့ ဆွဲကြိုးကြီး အပေါင်ခံပြီး ဖျော်ဖြေပွဲသွားတဲ့အချိန်ဖျော်ဖြေတဲ့အချိန် ထူးဆန်းတာတွေ ကြုံတာကို ကြည့်ရမှာပါ။

ကြားထဲမှာလည်း Side story အသေးစားလေးက ပါသေး။ပွင့်ပွင့်လင်းလင်းပြောရရင် IMDB 5.9 တောင် နည်းတယ်လို့ ထင်ပါတယ်

။တကယ်မကြည့်ရသေးရင် ကြည့်သင့်တဲ့ကားပါတချို့ ဒိုင်ယာလော့ခ်တွေဆို အသေရယ်နေရတယ်ဇာတ်ကွက်ဆန်းတယ်

မထင်ထားတာမျိုးမှ လုပ်ပြတာမျိုးပြောတာကြာသွားပါပြီ ပြေးသာ ကြည့်လိုက်ကြပါတော့။

Only [2019]

ကျွန်တော်တို့ ကိုဗစ်ကာလကို
ပြန်တွေးကြည့်ကြရအောင်
တစ်နေရာရာကို သွားမယ်ဆို Mask တွေတပ်ကြ၊တစ်ခုခုကိုင်ပြီးရင်
လက်ကို HandGel နဲ့ အရေလန်မတတ်ပွတ်ကြ၊ပြင်ပက ပစ္စည်းတစ်ခုခု ရောက်လာရင် ပိုးသတ်ဆေးနဲ့ တရှူးရှူး ဖြန်းကြနဲ့။

တစ်နေ့တစ်နေ့ တဝီဝီမြည်နေတဲ့ ဆေးရုံကားသံတွေ၊ဘယ်သူတော့ ဆုံးသွားပြီ ဆိုတဲ့ သတင်းတွေကြားထဲမှာအိမ်မှာ ကိုယ့်ဟာကိုယ် ပြန်အကျဉ်းချထားရတာလည်းအသက်ရှင်မဝစရာ၊ ရူးချင်စရာပေါ့၊

၊ဒီကားထဲက ဗိုင်းရပ်(စ်)ကတော့ အဲ့ထက်ဆိုးတယ်၊၊အဲ့ထက်လည်း ရက်စက်ပြင်းထန်တယ်၊၊

ကမ္ဘာပေါ်ကို ကြယ်တံခွန်တစ်ခုဖြတ်သန်းအပြီးမှာ ဘာမှန်းမသိတဲ့ မြူမှုံတွေဟာ ကမ္ဘာ့လေထုကိုဖုန်းလွှမ်းသွားတယ်၊၊

အဲ့ဒီ မြူမှုံတွေထဲမှာ HNV 21 လို့ခေါ်တဲ့ ဗိုင်းရပ်(စ်)တစ်မျိုးပါပြီးအဲ့ဒီဗိုင်းရပ်(စ်)ဟာ အမျိုးသမီးတွေကို ဦးတည်ထိခိုက်စေတယ်၊၊

ဘယ်လောက်ပြင်းထန်လဲဆို ပိုးကူးခံရတဲ့ အမျိုးသမီးဟာ (၄)ရက်အထိအသက်ရှင်နိုင်ရင် ကံကောင်းတယ်လို့ ဆိုရတဲ့အထိပဲ၊၊

ဒါပေမယ့် ဒီဗိုင်းရပ်(စ်)ဟာ အမျိုးသားတွေကိုတော့ ကြီးမားတဲ့ အန္တရာယ်မပေးနိုင်ဘူး၊

၊ဒီလိုနဲ့ ဗိုင်းရပ်(စ်)လက်ချက်နဲ့ ကမ္ဘာပေါ်က အမျိုးသမီးတွေနေ့စဉ် သန်းနဲ့ချီသေဆုံးပြီး မျိုးသုဉ်း လုဖြစ်ကုန်တယ်၊၊

မိန်းမဆိုတာ ဘယ်လိုမျိုးလဲလို့ မေးယူရတဲ့အထိ ဖြစ်ကုန်တယ်၊၊

အစိုးရတွေအနေနဲ့လူဦးရေပြန်လည်တိုးပွါးရေးအတွက်အမျိုးသမီးတွေကို ဖမ်းပြီး စမ်းသပ်ရတဲ့အထိ ဖြစ်လာတယ်၊၊

အမျိုးသမီးတစ်ဦးကို ဖမ်းမိရင် ဒေါ်လာနှစ်သန်းအထိထုတ်ထားတာကြောင့် အမျိုးသမီးတွေကို အသဲအသန်လိုက်ရှာကြတဲ့အမျိုးသမီးမုဆိုးတွေလည်း ပေါ်လာကြတယ်၊၊

အဲ့ဒီရိုက်ခတ်မှုတွေကို တစ်ကမ္ဘာလုံးက စုံတွဲတွေနည်းတူဝီ(လ်)နဲ့ အေဗာဆိုတဲ့ စုံတွဲလေးတစ်တွဲကလည်း ခံရတယ်၊၊

ကမ္ဘာပျက်ကိန်းစကတည်းက သတိကြီးတဲ့ ဝီ(လ်)ဟာအေဗာကို ရောဂါပိုး အန္တရာယ်၊အစိုးရရဲ့ စမ်းသပ်မှုတွေ အန္တရာယ်၊လူသားမုဆိုးတွေအန္တရာယ်ကနေ ဖွက်ထားပြီး ကာကွယ်ပေးခဲ့တယ်၊၊

ဒါပေမယ့် နှစ်တွေချီကြာလာတဲ့ အခါမှာ အေဗာတစ်ယောက်မွန်းကြပ်လာတယ်၊၊

ဝီ(လ်)အနေနဲ့လည်း ရောဂါပိုး carrier ဖြစ်နေတာကြောင့်အေဗာနဲ့ ဝီ(လ်)ဟာ တစ်အိမ်ထဲ နေရပေမယ့် စည်းတွေခြားနေကြတယ်၊၊

ဒီစုံတွဲလေး ဒီလိုအခက်အခဲတွေကို ကျော်ဖြတ်နိုင်ပါ့လား၊သူတို့ ဆက်ဆံရေးဟာလေးလံတဲ့ဝန်ထုပ်ဝန်ပိုးတွေနဲ့ ဘယ်လိုခရီးဆက်ကြမလဲစတာတွေကိုဒီဇာတ်ကားမှာ past apocalyptic romance အနေနဲ့ ခံစားတွေ့ရှိရမှာဖြစ်ပါတယ်၊၊

Jameelante Poovan Kozhi 2024 ချစ် ချစ် ချစ်

သူငယ်ချင်း ၂ယောက် ရေငုပ်ပြိုင်ကြတယ် ကြာကြာငုပ်ပြီးနိုင်တဲ့ကောင်က၂ယောက်လုံးလိုက်နေတဲ့ကောင်မလေးကို ဆက်လိုက်ခွင့်ရှိမယ် ရှုံးတဲ့ကောင်ကတော့ နုတ်ထွက်ရမယ်ပေါ့

ဒီလိုနဲ့ရေငုပ်ပြိုင်ရင်းအတော်ကြာတဲ့အထိ သူငယ်ချင်းကပေါ်မလာခဲ့ပါဘူး အရင်ပေါ်လာတဲ့တစ်ယောက်ကတော့ အကူအညီတွေခေါ် အသိတွေဖုန်းပတ်ဆက်ပြီး
ကယ်ဆယ်ရေးတွေလွှတ်ခိုင်း သေပြီထင်ပြီး ဗလီကနေ ကြေညာတဲ့လူက ကြေညာနဲ့ပေါ့ရေနစ်သွားတဲ့လူက ရှာနူတဲ့ သူ့အကြောင်းကိုပြောရမယ်ဆိုရင်တော့

မိန်းမပွေတဲ့ကောင်တစ်မြို့လုံးကမိန်းမတွေက သူရှိရင်အတော်ကြီးသတိထားကြရတယ် တွေ့တဲ့မိန်းမကိုလိုက်ကြောင်ပေမဲ့ ဘယ်သူကမှ ပြန်မကြိုက်တဲ့ လူရှုပ်လူပွေပေါ့အခုလည်းကြည့်လေ ရေငုပ်ပြိုင်ရင်း ကမ်းစပ်မှာရေချိုးနေတဲ့စော်လေးကိုသွားကြောင်တာ
သေပြီဆိုပြီး ရပ်သိရွာသိတွေဖြစ်ကုန်တဲ့အထိပါပဲ

ဘဝကိုဒီလိုပျော်ပျော်ကြီးနေလာပေမဲ့ သူကြောက်တာကတော့ နိုင်ငံရပ်ခြားမှာရှိနေတဲ့ သူ့အမေပါ ဒီလိုနဲ့တစ်နေ့ အကြောင်းမကြား အသိမပေးဘဲ အမေဖြစ်သူက စပရိုက်စ်ဆိုပြီးသူ့ဆီရောက်ချလာတဲ့အခါမှာတော့ ပေါ့ပေါ့နေခဲ့တဲ့သူ့ဘဝကြီးဘယ်လိုတွေဟန်ဆောင်ပန်ဆောင်နဲ့ ကမောက်ကမတွေဖြစ်ကုန်မယ်ဆိုတာဟာသတွေနဲ့အတူကြည့်ရှုရမှာပဲဖြစ်ပါတယ်

( အညွှန်းနဲ့ ဘာသာပြန်တွေကတော့ CM Bollywood Team တို့ပဲဖြစ်ပါတယ် )