#محـاربـي_اليـأس

إسلام صبحي 💕🧡

___________

هاك ارتاح 😊

147 viewsMU S AB, edited 22:30

مقال اليوم ١٩٩

قبل سقوط النظام اتناقشت مع عدد من الشباب الناشطين انو النظام دا انتهى وبعد السقوط وتشكيل الحكومة الانتقالية نحن ما عندنا مطامع في سلطة ولا حا نكون معارضة لحكومة انتقالية لانو دي حاجة اقل ما يقال عنها خيابة وضعف حس وطني وبدل نكون شغالين بذات الطريقه بتاعت التغطية الاعلامية لانشطة الثورة نتحول لكتلة ضغط شبابيه تحافظ على مكتسبات الثورة وتراقب الحكومة الانتقالية لعدم الانحراف عن المطالب،
ما كان في حساباتنا انو حا يكون في مجلس تشريعي معين
ولا كان في حساباتنا انو حا تستمر تقسيمات الولايات كما هي بالولاة والمعتمدين.
بعد سقوط النظام لقينا الحكومة اصلا مضغوطه من الداخل بي سيطرة كيزان الحركة الاسلامية على كل مفاصل الدولة وصراعات سياسيين وتآمر المحاور الاقليمية واقتصاد منهار وديون مليارات الدولارات وخزنة خاوية ومشاريع وهميه للسرقه باسم الدين ومؤسسات تحتاج البناء من الصفر بعد دمار 30 عام ووثيقة دستورية ضعيفه.
قلنا ما مشكلة نعتبرها نقطة انطلاق ونمشي قدام وتتقوى بالسلام ودخول الحركات.
وبدل نكون كتلة ضغط بقينا نحاحي في الزواحف بقايا نظام المخلوع عشان نحمي حكومة الثورة من تواطؤ الولاة الاصرت الحركات على استمرارهم ووضعتهم شرط في التفاوض ومن شباب اسلاميين متواطين كان العشم فيهم انهم يرتقوا من الولاء التنظيمي الضيق لكن للاسف اتضح انهم متفقين معانا في اسقاط البشير فقط وليس النظام ككل وازالة التمكين وارتدوا لاسفل سافلين في محاولة رخيصة للحفاظ على مكاسب 30 عام لصالح دولة ان ترق منهم دماء او ترق منا الدماء او ترق كل الدماء.
كان الامل ولا زال انو جيلنا دا ما ينجر لصراعات الاجيال السابقه الساهمت في تدمير السودان ونبتعد من تقديم الانتماء الفكري والسياسي لصالح بناء السودان بسيادة حكم القانون ومرتكزات الحريه والسلام والعدالة كأساس متين لثورة مجيدة انتصرت بتضحيات عظيمة وان يصبح المؤتمر الدستوري محل الاطروحات والرؤى وصناديق الاقتراع محل التنافس وليس السلطة الانتقالية فالحكومة الانتقالية ليست المكان المناسب لتبني اطروحات فكرية دون الاخرى او انحياز لتيار دون الاخر.
كان العشم ولا زال انو حركات الكفاح المسلح تصل لاتفاق مع حكومة ليست عدو وانما رفاق نضال وحلم مشترك يدعموها ويبنو معاها لانو مافي وطن جاهز حكومة حمدوك تشتريه من الدكان.
للاسف ما يحدث هذه الايام من صراعات مخيف ومقلق ولو كان العسكر ضامنين تخلي الشارع عن حكومة حمدوك كنتوا سمعتوا بيان رقم 1 وعادت السياط لتلهب ظهوركم والرصاص في صدور الابناء والبنات وفتحت المعتقلات من جديد وعادت الدوشكات والتاتشرات للتجول داخل الاحياء وعاد الكيزان الملثمون لاقتحام البيوت وانتهاك حرماتها وحينها سيدرك كل من ساهم في هذا الوضع ان تقوية ودعم الحكومة الانتقالية كان اجدى من الردة لعصر الذل والهوان.
نسأل الله الثبات وحسن الختام..

#سيد_الطيب ..
#اشياءبسيطة..

132 viewsMU S AB, 06:08