ﺻﻮﺭﺓ ﻧﺸﺮﻫﺎ ﺃﺣﺪ ﺧﺮﻳﺠﻲ ﻛﻠﻴﺔ ﺍﻟﻄﺐ ﻣﻊ ﺍﻟﺘﻌﻠﻴﻖ ﺍﻵﺗﻲ : " ﺩﺭﺳﺖ ﻛﻞ ﻫﺬﺍ ﻟﺴﺒﻊ ﺳﻨﻮﺍﺕ ﻣﻦ ﺃﺟﻞ ﺃﻥ ﺃﻧﻘﺬ ﺣﻴﺎﺓ ﺃﺣﺪﻫﻢ ﻓﻲ ﺳﺒﻊ ﺩﻗﺎﺋﻖ "


ﻛﺎﻥ ﺍﻟﻠﻪ ﻓﻲ ﻋﻮﻥ ﻛﻞ ﻃﺒﻴﺐ

#محاربي_اليأس💚

ربنا يرحمك ويغفر ليك بقدر حبنا وحبك للسـودان ♥


الى جنات الخلد
محمد عبداللطيف

"واحد من الناس الحفزوني في فتره من الفترات .. ومازالت كلماته تتردد على مسمعي"

#محاربي_اليأس✌️🏻💪🏻

ناروتو 😃😃✌️

أدعموني 😘✌️

المره الجايه لوفي🙈😇

ﻋﺎﻭﺯ ﺗﻌﻴﺪ ﻋﺸﺎﻥ ﺍﻟﺠﺎﻣﻌﺔ ﻣﺎ ﻋﺎﺟﺒﺎﻙ؟ ‏( ﺍﻟﺠﺰﺀ ﺍﻷﻭﻝ ‏)
ﻋﻨﺪﻧﺎ ﺟﺎﻣﻌﺘﻴﻦ ﻓﻲ ﺍﻟﺴﻮﺩﺍﻥ , ﺟﺎﻣﻌﺔ ﺇﺳﻤﻬﺎ ﺱ ‏( ﺳﻤﺤﺔ ‏) ﻭ ﺟﺎﻣﻌﺔ ﺇﺳﻤﻬﺎ ﺹ . ﺟﺎﺩ ﺍﻟﺮﺏ ﺍﻣﺘﺤﻦ ﺷﻬﺎﺩﺓ ﻭﻛﺎﻥ ﻧﻔﺴﻮ ﻳﻘﺮﺍ ﻃﺐ ﻓﻲ ﺍﻟﺠﺎﻣﻌﺔ ﺱ ﻷﻧﻮ ﺍﻟﺠﺎﻣﻌﺔ ﺱ " ﺃﺣﺴﻦ " ﻣﻦ ﺍﻟﺠﺎﻣﻌﺔ ﺹ , ﺟﺎﺩ ﺍﻟﺮﺏ ﺩﻩ ﺟﺎﺏ ﺩﺭﺟﺔ ﻇﺮﻳﻔﺔ ﻟﻜﻦ ﻣﺎ ﺑﺘﺪﺧﻠﻮ ﻃﺐ ﻓﻲ ﺍﻟﺠﺎﻣﻌﺔ ﺱ . ﺑﺘﺪﺧﻠﻮ ﻃﺐ ﺍﻟﺠﺎﻣﻌﺔ ﺹ . ﻟﻜﻦ ﺟﺎﺩ ﺍﻟﺮﺏ ﻣﺘﻤﺴﻚ ﺑﺎﻟﺠﺎﻣﻌﺔ ﺱ ﻓﻬﻮ ﺃﺳﻊ ﻣﺘﺤﻴﺮ ﺑﻴﻦ ﺗﻼﺗﻪ ﺧﻴﺎﺭﺍﺕ : ﻳﻘﺮﺍ ﺻﻴﺪﻟﺔ ﻓﻲ ﺍﻟﺠﺎﻣﻌﺔ ﺱ ﻭﻻ ﻳﻘﺮﺍ ﻃﺐ ﻓﻲ ﺍﻟﺠﺎﻣﻌﺔ ﺹ ﻭﻻ ﻳﻌﻴﺪ ﺍﻟﺴﻨﺔ؟؟ !!!
ﻓﻲ ﺍﻟﺒﻮﺳﺖ ﺩﻩ ﻭﺍﻟﺠﺎﻱ ﺣﺎ ﺃﻧﺎﻗﺶ ﻣﻦ ﺧﻼﻝ ﺗﺠﺎﺭﺑﻲ ﻭﺣﺎﺟﺎﺕ ﻗﺮﻳﺘﻬﺎ ﻭ ﺗﺠﺎﺭﺏ ﻧﺎﺱ ﺑﻌﺮﻓﻬﻢ ﺗﺄﺛﻴﺮ ﺍﻟﺠﺎﻣﻌﺔ ﺍﻟﺴﻮﺩﺍﻧﻴﺔ ﻓﻲ ﻣﺴﺘﻘﺒﻞ ﺧﺮﻳﺞ ﺍﻟﺠﺎﻣﻌﺔ ﺱ ﻣﻘﺎﺭﻧﺔ ﺑﺨﺮﻳﺞ ﺍﻟﺠﺎﻣﻌﺔ ﺹ ﺩﻭﻟﻴﺎ ﻭ ﻣﺤﻠﻴﺎ . ﻭﺍﻟﻨﻘﺎﺵ ﺩﺓ ﻣﻤﻜﻦ ﻳﺴﺎﻋﺪ ﺟﺎﺩ ﺍﻟﺮﺏ ﻓﻲ ﺇﻧﻮ ﻳﻘﺮﺭ ﻋﺎﻭﺯ ﻳﻌﻤﻞ ﺷﻨﻮ , ﻷﻧﻮ ﻭﺑﺼﺮﺍﺣﺔ ﺩﻱ ﻭﺍﺣﺪﺓ ﻣﻦ ﺍﻟﺤﺎﺟﺎﺕ ﺍﻟﻤﺎ ﻋﻨﺪﻫﺎ ﺍﺟﺎﺑﺔ ﺻﺎﺡ .
ﻃﻴﺐ ﻏﺎﻟﺒﺎ ﻏﺎﻟﺒﺎ ﻟﻤﺎ ﺗﻘﺪﻡ ﻟﻲ ﻣﺎﺟﺴﺘﻴﺮ ﺃﻭ ﺷﻐﻞ ﺧﺎﺭﺝ ﺣﺪﻭﺩ ﺍﻟﺪﻭﻝ ﺍﻟﻌﺮﺑﻴﺔ ﻭ ﺃﻓﺮﻳﻘﻴﺎ ﺣﺘﻠﻘﻰ ﺇﻧﻮ ﺑﺎﻟﻨﺴﺒﺔ ﻟﻴﻬﻢ ﻛﻮﻧﻚ ﺇﺗﺨﺮﺟﺖ ﻣﻦ ﺍﻟﺠﺎﻣﻌﺔ ﺱ ﺃﻭ ﺍﻟﺠﺎﻣﻌﺔ ﺹ ﻣﺎ ﺑﺸﻜﻞ ﺃﻱ ﻓﺮﻕ , ﻭﺍﺣﺪﺓ ﺗﺮﺗﻴﺒﻬﺎ ﻓﻲ ﺍﻟﻌﺎﻟﻢ ﻛﻢ ﺃﻟﻒ ﻭﺍﻟﺘﺎﻧﻴﺔ ﻛﻢ ﺃﻟﻒ ﻭ ﺷﻮﻳﺔ , ﻭ ﺣﺘﻜﺘﺸﻒ ﺑﺮﺿﻮ ﺇﻧﻮ ﻓﻲ ﻧﺎﺱ ﻛﺘﺎﺭ ﻣﺎ ﺑﻴﻌﺮﻓﻮ ﺍﻟﺴﻮﺩﺍﻥ ﺃﺻﻼ , ﺧﻠﻴﻚ ﻣﻦ ﺍﻟﺠﺎﻣﻌﺔ ﺱ . ﻭﺑﺎﻟﻨﺴﺒﺔ ﻟﻴﻬﻢ ﺑﻴﻜﻮﻧﻮ ﻋﺎﻭﺯﻳﻦ ﻣﻨﻚ ﺗﻼﺗﺔ ﺣﺎﺟﺎﺕ , ﺗﻜﻮﻥ ﺇﺗﺨﺮﺟﺖ ﻣﻦ ﺟﺎﻣﻌﺔ ﺭﺳﻤﻴﺔ ‏( ﺱ ﻭﻻ ﺹ ‏) , ﺗﻜﻮﻥ ﺟﺒﺖ ﺩﺭﺟﺔ ﻛﻮﻳﺴﺔ ﻭﺃﻧﺎ ﻣﺘﺬﻛﺮ ﺇﻧﻮ ﻓﻲ ﻛﻢ ﺟﺎﻣﻌﺔ ﺑﺮﻳﻄﺎﻧﻴﺔ ﺭﻓﻀﻮ ﻃﻠﺐ ﺍﻟﻤﺎﺟﺴﺘﻴﺮ ﺑﺘﺎﻋﻲ ﻋﺸﺎﻥ ﺩﺭﺟﺘﻲ ﻓﻲ ﺍﻟﺒﻜﺎﻟﺮﻳﻮﺱ ﻣﺎ ﻛﺎﻧﺖ ﻛﻮﻳﺴﺔ , ﺍﻟﺤﺎﺟﺔ ﺍﻟﺘﺎﻟﺘﻪ ﻭﺍﻷﺧﻴﺮﺓ ﻭﺩﻱ ﻏﺎﻟﺒﺎ ﺑﺘﻜﻮﻥ ﻟﻤﺎ ﺗﻘﺪﻡ ﻟﻲ ﺷﻐﻞ ﺑﻴﻜﻮﻧﻮ ﻋﺎﻭﺯﻧﻚ ﺗﻌﺮﺽ ﺃﻭ ﺗﺜﺒﺖ ﻣﻘﺪﺭﺍﺗﻚ ﻓﻲ ﺍﻟﻤﺠﺎﻝ ﺑﺘﺎﻋﻚ , ﻭ ﺩﻱ ﺣﺎﺟﺔ ﻣﻬﻤﺔ ﺧﻠﻮﻧﺎ ﻧﺘﻜﻠﻢ ﻋﻨﻬﺎ ﻓﻲ ﺍﻟﻔﻘﺮﺓ ﺍﻷﺧﻴﺮﺓ ﻣﻦ ﺍﻟﺒﻮﺳﺖ ﺍﻟﺠﺎﻱ .
ﺟﻮﺓ ﺍﻟﺴﻮﺩﺍﻥ ﻭﻓﻲ ﺑﻌﺾ ﺍﻟﺪﻭﻝ ﺍﻟﻤﺠﺎﻭﺭﺓ ﺍﻟﻨﺎﺱ ﺑﻴﻌﺮﻓﻮ ﺇﻧﻮ ﺍﻟﺠﺎﻣﻌﺔ ﺱ " ﺃﺣﺴﻦ " ﻣﻦ ﺍﻟﺠﺎﻣﻌﺔ ﺹ , ﻟﻴﻪ ﻣﺎ ﻋﺎﺭﻑ ﻭ ﻣﺎﺿﺮﻭﺭﻱ ﺃﻋﺮﻑ , ﻏﺎﻟﺒﺎ ﺩﻱ ﻗﻨﺎﻋﺔ ﻣﻤﻜﻦ ﺗﻜﻮﻥ ﺑﺪﺕ ﺑﻲ ﺃﺳﺒﺎﺏ ﻣﻨﻄﻘﻴﺔ ﻭ ﻋﻠﻤﻴﺔ ﻟﻜﻦ ﺑﻌﺪ ﻛﺪﺓ ﺍﺳﺘﻤﺮﺕ ﺑﻲ ﻗﺎﻧﻮﻥ ﺍﻟﺴﻠﻢ . ﻛﺎﻥ ﻗﺮﻳﺖ ﻗﺎﻧﻮﻥ ﺍﻟﺴﻠﻢ ﻓﻲ ﻛﺘﺎﺏ ﺇﺳﻤﻮ ﻗﻮﺍﻧﻴﻦ ﺍﻟﺘﺴﻮﻳﻖ ﺍﻻﺗﻨﻴﻦ ﻭﻋﺸﺮﻳﻦ ﺍﻟﻐﻴﺮ ﻗﺎﺑﻠﺔ ﻟﻠﺘﻐﻴﻴﺮ ‏( the 22 immutable laws of marketing ‏) , ﻓﻲ ﺍﻟﻘﺎﻧﻮﻥ ﺭﻗﻢ 7 ﺃﻭ ﻗﺎﻧﻮﻥ ﺍﻟﺴﻠﻢ ﻓﻲ ﺍﻟﻜﺘﺎﺏ ﺑﻴﻘﻮﻝ ﺍﻟﻜﺎﺗﺐ ﺇﻧﻮ ﻓﻲ ﻋﻘﻞ ﺍﻟﺰﺑﻮﻥ ‏( ﺍﻟﺰﻭﻝ ﺍﻟﻌﺎﻭﺯ ﻳﺸﻐﻠﻚ ‏) ﺑﻴﻜﻮﻥ ﻓﻲ ﺗﺮﺗﻴﺐ ﻣﺤﻔﻮﺭﻟﻠﻤﺎﺭﻛﺎﺕ / ﺍﻟﺸﺮﻛﺎﺕ ‏( ﺍﻟﺠﺎﻣﻌﺎﺕ ‏) ﻭ ﻣﻦ ﺍﻟﺼﻌﺐ ﺟﺪﺍ ﺗﻘﺪﺭ ﺗﻘﻨﻊ ﺍﻟﺰﺑﻮﻥ ﻋﺸﺎﻥ ﻳﻐﻴﺮ ﻗﻨﺎﻋﺎﺗﻮ ﺩﻱ , ﻳﻌﻨﻲ ﻣﺜﻼ ﻣﺜﻼ ﻓﻲ ﺳﻮﻕ ﺍﻟﻌﺮﺑﺎﺕ ﻓﻲ ﺍﻟﺴﻮﺩﺍﻥ ﻣﻤﻜﻦ ﻳﻜﻮﻥ ﺗﺮﺗﻴﺐ ﻣﺎﺭﻛﺎﺕ ﺍﻟﻌﺮﺑﺎﺕ ﻛﺎﻻﺗﻰ , ﻳﺎﺑﺎﻧﻲ , ﻛﻮﺭﻱ , ﺃﻟﻤﺎﻧﻲ . ﺑﺈﻋﺘﺒﺎﺭ ﺇﻧﻮ ﺍﻟﻴﺎﺑﺎﻧﻲ ﺃﻛﺘﺮ ﺣﺎﺟﺔ ﻣﺮﻏﻮﺑﺔ ﺑﻌﺪﻳﻬﺎ ﺍﻟﻜﻮﺭﻱ ﻭ ﻫﻜﺬﺍ , ﺑﻌﺪ ﻣﺎ ﻳﺘﻜﻮﻥ ﺍﻟﺴﻠﻢ ﺩﻩ ﺧﻼﺹ ﺗﺎﻧﻲ ﺻﻌﺐ ﺟﺪﺍ ﺗﻘﺪﺭ ﺗﻘﻨﻊ ﺯﻭﻝ ﻓﻲ ﺍﻟﻜﺮﻳﻦ ﺇﻧﻮ ﺍﻷﻟﻤﺎﻧﻲ ﻣﻔﺮﻭﺽ ﻳﻜﻮﻥ ﺃﻏﻠﻰ ﻣﻦ ﺍﻟﻜﻮﺭﻱ ﻣﻊ ﺇﻧﻮ ﺩﻩ ﺍﻟﻤﻨﻄﻘﻲ ﻟﻜﻦ ﻗﺎﻧﻮﻥ ﺍﻟﺴﻠﻢ ﻗﺎﻝ ﻟﻴﻚ ﻛﺎﻥ ﺟﺎ ﺍﻟﺠﻴﺶ ﺍﻟﺘﺮﺗﻴﺐ ﺩﻩ ﻣﺎ ﺑﺘﻐﻴﺮ . ﺍﻟﻤﻬﻢ ﺟﻮﺓ ﺍﻟﺴﻮﺩﺍﻥ ﻭ ﻓﻲ ﺑﻌﺾ ﺩﻭﻝ ﺍﻟﺠﻮﺍﺭ ﻗﺎﻧﻮﻥ ﺍﻟﺴﻠﻢ ﺣﺎ ﻳﻌﺼﺮﻋﻠﻲ ﺧﺮﻳﺠﻴﻦ ﺍﻟﺠﺎﻣﻌﺔ ﺹ ﻭ ﺣﺎ ﻳﻨﺤﺎﺯ ﺃﻛﺘﺮ ﻟﻲ ﺧﺮﻳﺠﻴﻦ ﺍﻟﺠﺎﻣﻌﺔ ﺱ , ﻟﻜﻦ ﺍﺗﺰﻛﺮﻭ ﻗﺎﻧﻮﻥ ﺍﻟﺴﻠﻢ ﻓﻲ ﺣﺎﻟﺔ ﺍﻟﺠﺎﻣﻌﺘﻴﻦ ﺱ ﻭ ﺹ ﺩﻩ ﺑﻴﺸﺘﻐﻞ ﻟﻲ ﻧﺎﺱ ﺑﻴﻌﺮﻓﻮ ﺍﻟﺒﻠﺪ ﺩﻱ ﻛﻮﻳﺲ ‏( ﺍﻟﺴﻮﺩﺍﻥ ‏) ﻳﻌﻨﻲ ﻣﻤﻜﻦ ﻧﻌﺘﺒﺮ ﺗﺄﺛﻴﺮﻭ ﻣﺤﻠﻲ ﻻ ﻭﺟﻮﺩ ﻟﻪ ﺧﺎﺭﺝ ﺍﻟﺴﻮﺩﺍﻥ . ﺑﺮﺿﻮ ﻓﻲ ﺣﺎﺟﺘﻴﻦ ﻛﺎﻥ ﻗﺮﻳﺘﻬﻢ / ﻓﻬﻤﺘﻢ ﻓﻲ ﻧﻔﺲ ﺍﻟﻘﺎﻧﻮﻥ ﻭﺣﻘﻴﻘﺔ ﻣﻬﻢ ﺍﻧﻲ ﺍﺫﻛﺮﻫﻢ ﺃﻭﻻ ﺇﻧﻮ ﻟﻘﻮ ﺇﻧﻮ ﺃﻛﺘﺮ ﺩﺭﺟﺎﺕ ﻟﻠﺴﻠﻢ ﻫﻲ 7 ﺩﺭﺟﺎﺕ , ﻭ ﺑﻴﺨﻒ ﺗﺄﺛﻴﺮ ﻗﺎﻧﻮﻥ ﺍﻟﺴﻠﻢ ﻛﻞ ﻣﺎ ﺑﻌﺪﻧﺎ ﻣﻦ ﺃﻭﻝ ﺩﺭﺟﺔ , ﻳﻌﻨﻲ ﺑﻌﺪ ﺗﺮﺗﻴﺐ ﺍﻟﻤﺎﺭﻛﺔ ﺃﻭ ﺍﻟﺸﺮﻛﺔ ‏( ﺍﻟﺠﺎﻣﻌﺔ ‏) ﻳﻔﻮﺕ 7 ﺗﺎﻧﻲ ﻗﺎﻧﻮﻥ ﺍﻟﺴﻠﻢ ﻣﺎ ﺑﻴﺄﺛﺮ ﻛﺘﻴﺮ , ﻳﻌﻨﻲ ﺑـﻲ ﺑﺒﺴﺎﻃﺔ ﺍﺫﺍ ﺑﺘﻘﺎﺭﻥ ﺑﻴﻦ ﺍﻟﺠﺎﻣﻌﺔ ﺍﻷﻭﻟﻰ ﻭﺍﻟﺘﺎﻧﻴﺔ ﻣﻔﺮﻭﺽ ﺗﻔﻜﺮ ﻛﻮﻳﺲ ﻭ ﺗﺎﺧﺪ ﻗﺎﻧﻮﻥ ﺍﻟﺴﻠﻢ ﻓﻲ ﺍﻋﺘﺒﺎﺭﻙ ﻷﻧﻮ ﻗﺎﻧﻮﻥ ﺍﻟﺴﻠﻢ ﺣﺎ ﻳﺄﺛﺮ ﻋﻠﻲ ﻣﺴﺘﻘﺒﻠﻚ ﺟﻮﺓ ﺍﻟﺒﻠﺪ ﻟﻜﻦ ﺇﺫﺍ ﻣﺘﺤﻴﺮ ﺑﻴﻦ ﺍﻟﺠﺎﻣﻌﺔ ﺭﻗﻢ 8 ﻭ 9 ﻣﺎ ﻣﻔﺮﻭﺽ ﺗﺎﺧﺪ ﻓﻲ ﺣﺴﺒﺎﻧﻚ ﻗﺎﻧﻮﻥ ﺍﻟﺴﻠﻢ . ﺍﻟﺤﺎﺟﺔ ﺍﻟﺘﺎﻧﻴﺔ ﻭﺍﻻﺧﻴﺮﺓ ﺇﻧﻮ ﻟﻘﻮ ﺇﻧﻮ ﻗﺎﻧﻮﻥ ﺍﻟﺴﻠﻢ ﻓﻲ ﺍﻻﺧﺮ ﻭ ﺑﻌﺪ ﺯﻣﻦ ﻃﻮﻳﻞ ﺑﻴﻜﻮﻥ ﻇﺎﻫﺮﺓ ﻓﻴﻪ ﺩﺭﺟﺘﻴﻦ ﺃﻛﺘﺮ ﻣﻦ ﺑﺎﻗﻲ ﺍﻟﺪﺭﺟﺎﺕ , ﻳﻌﻨﻲ ﻫﻼﻝ * ﻣﺮﻳﺦ ﻭ ﺑﻴﺒﺴﻲ * ﻛﻮﻻ ﻭ ﺃﺑﻞ * ﺳﺎﻣﺴﻮﻧﺞ .
ﻣﻦ ﻧﺎﺣﻴﺔ ﻗﺮﺍﻳﺔ ﻭ ﻋﻠﻢ ﻣﺎ ﻣﻤﻜﻦ ﻧﻨﻜﺮ ﺩﻭﺭ ﺍﻟﺠﺎﻣﻌﺔ ﺍﻟﺴﻮﺩﺍﻧﻴﺔ ﻓﻲ ﺍﻟﻌﻠﻢ ﺍﻟﺒﻨﺘﺨﺮﺝ ﺑﻴﻪ ﻟﻜﻦ ﻣﻮﺿﻮﻉ ﺍﻟﻌﻠﻢ ﺩﺓ ﺑﻴﻌﺘﻤﺪ ﺑﺼﻮﺭﺓ ﺷﺒﻪ ﻛﺎﻣﻠﺔ ﻋﻠﻰ ﺍﻟﻄﺎﻟﺐ ﻭ ﺣﺒﻮ ﻟﻠﻤﺠﺎﻝ ﺑﺘﺎﻋﻮ ﻭ ﺍﺟﺘﻬﺎﺩﻭ ﻓﻲ ﺍﻧﻮ ﻳﻄﻮﺭ ﻧﻔﺴﻮ . ﻣﻤﻜﻦ ﺗﻘﺮﺍ ﻓﻲ ﺃﻱ ﺟﺎﻣﻌﺔ ﻓﻲ ﺍﻟﺴﻮﺩﺍﻥ ﻭ ﺗﺒﻘﻰ ﺃﺣﺴﻦ ﺯﻭﻝ ﻓﻲ ﻣﺠﺎﻟﻚ ﺍﺫﺍ ﺍﺟﺘﻬﺪﺕ ﺍﺟﺘﻬﺎﺩ ﻣﻨﺎﺳﺐ ﺑـﻲ ﻃﺮﻳﻘﺔ ﺻﺤﻴﺤﺔ ﺧﺼﻮﺻﺎ ﻣﻊ ﺗﻮﻓﺮ ﺍﻟﻤﻮﺍﺩ ﺍﻟﻌﻠﻤﻴﺔ ﻭﺑﺮﺍﻣﺞ ﺍﻟﻤﺤﺎﻛﺎﺓ ﻭﺍﻟﻜﻮﺭﺳﺎﺕ ﺍﻟﻤﺠﺎﻧﻴﺔ ﻭﻭﺳﺎﺋﻞ ﺍﻟﺘﻮﺍﺻﻞ ﻓﻲ ﺍﻻﻧﺘﺮﺕ . ﺧﻠﻮﻧﺎ ﺑﺮﺿﻮ ﻣﺎ ﻧﻨﺴﻰ ﺇﻧﻮ ﺍﻟﺤﺎﺟﺔ ﺩﻱ ﻭﺳﻬﻮﻟﺘﻬﺎ ﺑﺘﺨﺘﻠﻒ ﻣﻦ ﻣﺠﺎﻝ ﻟﻲ ﻣﺠﺎﻝ ﻭﻣﻦ ﺯﻭﻝ ﻟﻲ ﺯﻭﻝ ﻓﻤﺜﻼ ﺯﻭﻝ ﺑﻴﻘﺮﺍ ﺑﺮﻣﺠﺔ ﺣﺎ ﻳﻜﻮﻥ ﻣﺤﺘﺎﺝ ﻻﺑﺘﻮﺏ ﻭ ﺇﻧﺘﺮﻧﺖ ﻭ ﺑﻌﺪ ﻛﺪﺓ ﻣﻤﻜﻦ ﻳﺒﻘﻰ ﺃﺣﺴﻦ ﻣﺒﺮﻣﺞ ﻣﻦ ﻏﻴﺮ ﻣﺎ ﻳﻤﺸﻲ ﺍﻟﺠﺎﻣﻌﺔ ﺃﺻﻼ . ﺯﻭﻝ ﺑﻴﻘﺮﺍ ﺍﻟﻜﺘﺮﻭﻧﻴﺎﺕ ﻣﻤﻜﻦ ﻳﻘﺮﺍ ﻛﺘﺐ ﻭ ﻳﻨﺰﻝ ﺑﺮﺍﻣﺞ ﻣﺤﺎﻛﺎﺓ ﻭ ﺍﻟﺤﺎﺟﺘﻴﻦ ﺩﻳﻞ ﻣﻤﻜﻦ ﺗﻮﺻﻠﻮ ﻣﺮﺍﺣﻞ ﻣﺘﻘﺪﻣﺔ ﺟﺪﺍ ﻟﻜﻦ ﻋﺸﺎﻥ ﻳﻜﻮﻥ ﻣﻨﺎﻓﺲ ﻗﻮﻱ ﺣﺎ ﻳﺤﺘﺎﺝ ﻟﻲ ﻣﻌﻤﻞ ﻓﻴﻪ ﺍﻟﻜﺘﺮﻭﻧﻴﺎﺕ ﺣﻘﻴﻘﻴﺔ ﻋﺸﺎﻥ ﻳﻠﻌﺐ ﺑﻴﻬﺎ ﻭﻳﻘﺪﺭ ﻳﻘﺎﺭﻥ ﺑﻴﻦ ﺍﻟﻨﻈﺮﻱ ﻭﺍﻟﻌﻤﻠﻲ , ﻭﺍﻷﺟﻬﺰﺓ ﺩﻱ ﻣﻤﻜﻦ ﺗﻜﻮﻥ ﻓﻲ ﺍﻟﺠﺎﻣﻌﺔ ﻓﻲ ﻭ ﻣﻤﻜﻦ ﺗﻜﻮﻥ ﻣﺎﻓﻲ ﻳﻼ ﻣﻬﻢ ﻧﺴﺄﻝ ﻧﻔﺴﻨﺎ ﺇﻧﻮ ﻫﻞ ﻭﺿﻌﻲ ﺍﻟﻤﺎﺩﻱ ﺑﻴﺴﻤﺢ ﻟﻲ ﺇﻧﻲ ﺃﻏﻄﻲ ﺍﻟﻔﺮﻗﺔ ﺑﻴﻦ ﺍﻟﺤﺎﺟﺔ ﺍﻟﻤﺤﺘﺎﺝ ﻟﻴﻬﺎ ﻋﺸﺎﻥ ﺍﺗﻤﻴﺰ ﻓﻲ ﻣﺠﺎﻟﻲ ﻭﺑﻴﻦ ﻣﻘﺪﺭﺍﺕ ﺍﻟﺠﺎ

ﻣﻌﺔ؟ ﺍﻟﻔﺮﻗﺔ ﺩﻱ ﻣﻤﻜﻦ ﺗﻜﻮﻥ ﻛﺘﺐ , ﻻﺑﺘﻮﺏ , ﺍﻧﺘﺮﻧﺖ , ﺗﻜﻴﻴﻒ , ﺑﺮﺍﻣﺞ , ﺃﺩﻭﺍﺕ , ﻭ ﻣﻤﻜﻦ ﺗﻜﻮﻥ ﺍﻟﻔﺮﻗﺔ ﺻﻌﺐ ﺗﺘﻐﻄﻰ ﺯﻱ ﺍﻟﻤﺸﺮﺣﺔ ﻣﺜﻼ ﻓﻲ ﺣﺎﻟﺔ ﻧﺎﺱ ﻃﺐ .
ﺑﺮﻳﺘﻜﻢ ﻛﻔﺎﻳﺔ ﺍﻟﻠﻴﻠﺔ , ﺑﻜﺮﺓ ﺇﻥ ﺷﺎﺀ ﺍﻟﻠﻪ ﺣﺎ ﺃﺗﻜﻠﻢ ﻟﻴﻜﻢ ﻋﻦ ﺃﻛﺘﺮ ﺣﺎﺟﺔ ﻣﻨﻄﻘﻴﺔ ﺑﺎﻟﻨﺴﺒﺔ ﻟﻲ ﻣﻤﻜﻦ ﺗﺨﻠﻲ ﺟﺎﺩ ﺍﻟﺮﺏ ﻳﻘﺮﺭ ﻳﻌﻴﺪ ﺍﻟﺴﻨﺔ ﻋﺸﺎﻥ ﻳﺪﺧﻞ ﺍﻟﺠﺎﻣﻌﺔ ﺱ , ﺑﻜﺮﺓ ﺣﺎ ﺃﺗﻜﻠﻢ ﻟﻴﻜﻢ ﻋﻦ " ﺍﻟﻌﻼﻗﺎﺕ ....." ﻧﻮﺍﺻﻞ , ﻛﻮﻧﻮ ﺑﺨﻴﺮ .
“ Today is a new day. Don't let your history interfere with your destiny! Let today be the day you stop being a victim of your circumstances and start taking action towards the life you want. You have the power and the time to shape your life. Break free from the poisonous victim mentality and embrace the truth of your greatness. You were not meant for a mundane or mediocre life!”
― Steve Maraboli
ﻣﺤﻤﺪ ﻧﻮﺭﻳﻦ ,
ﻛﺎﻟﻴﻔﻮﺭﻧﻴﺎ , ﺍﻟﻮﻻﻳﺎﺕ ﺍﻟﻤﺘﺤﺪﺓ
2018-7-14




#محاربي_اليأس ✌️

أقــوى 54 ثانيه عرفهــا التاريــخ

@MOTIVATION_CENTER

It's Looks like the Alps mountains , But really it is from western Sudan


#MADE_IN_SUDAN

@MOTIVATION_CENTER

#محاربي_اليأس 😍✌️

# ﻋﺎﻭﺯ _ ﺗﻌﻴﺪ _ ﻋﺸﺎﻥ _ ﺍﻟﺠﺎﻣﻌﺔ _ ﻣﺎﻋﺎﺟﺒﺎﻙ
ﻋﺎﻭﺯ ﺗﻌﻴﺪ ﻋﺸﺎﻥ ﺍﻟﺠﺎﻣﻌﺔ ﻣﺎ ﻋﺎﺟﺒﺎﻙ؟ ‏( ﺍﻟﺠﺰﺀ ﺍﻟﺜﺎﻧﻲ ‏)
- ﺍﻟﻌﺎﻡ ,2006 ﻛﺎﻥ ﻗﺪﻣﺖ ﻟﻲ ﺷﺮﻛﺔ ﺷﻠﻤﺒﺮﺟﻴﺮ , ﺍﺧﺪﻭ ﺯﻣﻦ ﻃﻮﻳﻞ ﻣﺎ ﻋﺒﺮﻭﻧﻲ , ﻋﻤﺎﺭ ﻣﻨﺼﻮﺭ ﺻﺎﺣﺒﻨﺎ ‏( ﻗﺮﺍ ﻣﻌﺎﻧﺎ ﻭﺍﺗﻌﺮﻓﺖ ﻋﻠﻴﻪ ﻓﻲ ﺍﻟﺠﺎﻣﻌﺔ ‏) ﻛﺎﻥ ﺷﻐﺎﻝ ﻓﻲ ﺷﻠﻤﺒﺮﺟﻴﺮ ﺍﻟﻮﻛﺖ ﺩﺍﻙ , ﻭﻛﺎﻥ ﻋﺎﺭﻑ ﺇﻧﻮ ﺃﻧﺎ ﻛﺎﻥ ﻗﺪﻣﺖ , ﻣﺸﻰ ﻟﻲ ﻧﺎﺱ ﺍﻟﺘﻨﻤﻴﺔ ﺍﻟﺒﺸﺮﻳﺔ ﻓﻲ ﺷﻠﻤﺒﺮﺟﻴﺮ ﻭ ﻗﺎﻝ ﻟﻴﻬﻢ ﻳﺎ ﺟﻤﺎﻋﺔ ﻓﻲ ﺯﻭﻝ ﻛﻮﻳﺲ ﻣﻘﺪﻡ ﻟﻴﻜﻢ ﻭ ﺇﻧﺘﻮ ﻣﺎ ﺭﺩﻳﺘﻮ ﻋﻠﻴﻪ؟؟ !! ﺑﻌﺪ ﻳﻮﻣﻴﻦ ﻧﺎﺱ ﺷﻠﻤﺒﺮﺟﻴﺮ ﺿﺮﺑﻮ ﻟﻲ ﻭ ﺩﺧﻠﺖ ﻣﻌﺎﻫﻢ ﻣﻌﺎﻳﻨﺎﺕ .
- ﺍﻟﻌﺎﻡ 2005 ﻟﻤﺎ ﺍﺗﺨﺮﺟﺖ ﻣﻦ ﺍﻟﺠﺎﻣﻌﺔ , ﻛﻨﺖ ﻣﺘﺨﺮﺝ ﺑﻲ ﺩﺭﺟﺔ ﺍﻗﻞ ﻣﻦ ﺍﻟﻤﺘﻮﺳﻂ , ﻛﺎﻥ ﻣﺤﻤﺪ ﺍﻟﻮﻟﻲ ‏( ﻗﺮﺍ ﻣﻌﺎﻧﺎ ﻭﺍﺗﻌﺮﻓﺖ ﻋﻠﻴﻪ ﻓﻲ ﺍﻟﺠﺎﻣﻌﺔ ﻭ ﻛﺎﻥ ﻣﺴﺎﻋﺪ ﺗﺪﺭﻳﺲ ﺩﺭﺳﻨﺎ ‏) ﺷﻐﺎﻝ ﻓﻲ ﺷﺮﻛﺔ ﻓﻲ ﺑﺤﺮﻱ , ﺍﺗﺼﻠﺖ ﺑﻴﻪ ﻭﻗﻠﺖ ﻟﻴﻪ ﻋﺎﻭﺯ ﺃﺷﺘﻐﻞ ﻣﻌﺎﻫﻢ ﺗﺪﺭﻳﺐ , ﻗﺎﻝ ﻟﻲ ﻃﻮﺍﻟﻲ ﻭﻛﻠﻢ ﻟﻲ ﺍﻟﺰﻭﻝ ﺍﻟﻤﺴﺌﻮﻝ ﻭ ﻫﻮ ﻛﺎﻥ ﻋﺎﺭﻑ ﺷﻐﻠﻲ ﻓﻲ ﺍﻟﻤﻌﻤﻞ ﺑﺘﺎﻉ ﺍﻟﺠﺎﻣﻌﺔ , ﺃﻱ ﻧﻌﻢ ﺩﺭﺟﺎﺗﻲ ﻣﺎ ﻛﺎﻧﺖ ﻣﻤﻴﺰﺓ ﻟﻜﻦ ﻛﻨﺖ ﺑﺸﺘﻐﻞ ﺍﻟﻜﺘﺮﻭﻧﻴﺎﺕ ﺑﻲ ﻳﺪﻱ ﻛﺘﻴﺮ . ﻓﺎ ﺍﺷﺘﻐﻠﺖ ﻣﻌﺎﻫﻢ ﺑﻌﺪ ﺍﻟﺘﺨﺮﺝ ﻣﺒﺎﺷﺮﺓ .
- ﺍﻟﻌﺎﻡ 2006 ﻛﺎﻥ ﻋﻨﺪﻱ ﻣﻌﺎﻳﻨﺔ ﻣﻊ ﻧﺎﺱ ﺳﻴﻘﺎ , ﻗﺒﻞ ﻳﻮﻣﻴﻦ ﻣﻦ ﺍﻟﻤﻌﺎﻳﻨﺔ ﻛﻨﺖ ﺭﺍﻛﺐ ﻣﻊ ﺻﺎﺣﺒﻨﺎ ﺃﺳﺎﻣﺔ ﻣﻨﺼﻮﺭ ‏( ﻗﺮﺍ ﻣﻌﺎﻧﺎ ﻭ ﺍﺗﻌﺮﻓﺖ ﻋﻠﻴﻪ ﻓﻲ ﺍﻟﺠﺎﻣﻌﺔ ‏) , ﻓﺎ ﺃﺳﺎﻣﺔ ﻗﺮﺭ ﺇﻧﻮ ﻳﺒﺮﺍﻧﻲ ﻓﻲ ﺍﻟﻴﻮﻡ ﺩﺍﻙ ﻋﻦ ﻧﻮﻉ ﻣﻦ ﺍﻟﻤﻮﺗﻮﺭﺍﺕ ﺍﻟﻜﺒﻴﺮﺓ , ﻣﻴﺰﺍﺕ ﺍﻟﻤﻮﺗﻮﺭﺍﺕ ﺩﻱ ﻭ ﺍﻟﻨﺎﺱ ﺑﻔﻀﻠﻮﻫﺎ ﻟﻴﻪ ﻭﻃﺮﻳﻘﺔ ﺍﻟﺘﺤﻜﻢ ﻓﻴﻬﺎ . ﺑﻌﺪ ﻳﻮﻣﻴﻦ ﻣﻦ ﺍﻟﻜﻼﻡ ﺩﺍﻙ ﻓﻲ ﻣﻌﺎﻳﻨﺔ ﺳﻴﻘﺎ , ﻣﻌﻈﻢ ﺍﻟﻤﻌﺎﻳﻨﺔ ﻛﺎﻧﺖ ﻋﻦ ﺍﻟﻤﻮﺗﻮﺭﺍﺕ ﺩﻱ , ﺻﺪﻗﻮﻧﻲ ﻣﻌﺮﻓﺘﻲ ﺑﻴﻬﺎ ﻛﺎﻧﺖ ﺿﺌﻴﻠﺔ ﻗﺒﻞ ﻭﻧﺴﺖ ﺃﺳﺎﻣﺔ , ﻭﻟﻮ ﻣﺎ ﺑﺮﻳﺔ ﺃﺳﺎﻣﺔ ﺩﻳﻚ ﺃﻧﺎ ﻣﺘﺄﻛﺪ ﻣﺎ ﻛﻨﺖ ﺣﺎ ﺍﻗﺪﺭ ﺃﻧﺠﺢ ﻓﻲ ﺍﻟﻤﻌﺎﻳﻨﺔ ﺩﻳﻚ ﻭ ﺃﺷﺘﻐﻞ ﻓﻲ ﺳﻴﻘﺎ .
- ﺍﻟﻌﺎﻡ 2006 ﺃﻧﺎ ﻛﻨﺖ ﺑﻘﺪﻡ ﻟﻲ ﺷﺮﻛﺎﺕ ﻭ ﻛﻨﺖ ﺷﺎﻳﻞ ﻣﻦ ﺃﺳﺎﻣﺔ ﻣﻨﺼﻮﺭ ‏( ﻳﺎﻫﻮ ﺫﺍﺗﻮ ﺍﻟﺒﻲ ﺳﺒـﺒﻮ ﻧﺠﺤﺖ ﻓﻲ ﻣﻌﺎﻳﻨﺔ ﺳﻴﻘﺎ ‏) ﺳﻴﺮﺗﻮ ﺍﻟﺬﺍﺗﻴﺔ , ﻭﻛﻨﺖ ﺑﻘﺪﻡ ﻟﻲ ﺃﺳﺎﻣﺔ ﻣﻨﺼﻮﺭ ﻣﻌﺎﻱ , ﻗﻤﺖ ﻗﺪﻣﺖ ﻟﻲ ﻧﻔﺴﻲ ﻭ ﻗﺪﻣﺖ ﻟﻲ ﺃﺳﺎﻣﺔ ﻓﻲ ﻣﺠﻤﻮﻋﺔ ﻣﻦ ﺍﻟﺸﺮﻛﺎﺕ ﻭﻣﻦ ﺿﻤﻨﻬﺎ ﺷﺮﻛﺔ ﺷﻠﻤﺒﺮﺟﻴﺮ , ﻓﺎ ﻧﺎﺱ ﺷﻠﻤﺒﺮﺟﻴﺮ ﺿﺮﺑﻮ ﻟﻲ ﺃﺳﺎﻣﺔ ﻭﻋﻤﻞ ﻣﻌﺎﻳﻨﺎﺕ ﻭ ﺩﺧﻞ ﺷﻠﻤﺒﺮﺟﻴﺮ ﻗﺒﻠﻲ ﺑـﻲ ﻛﻢ ﺷﻬﺮ ‏( ﺃﻧﺎ ﻗﺮﻳﺖ ﻣﻊ ﺃﺳﺎﻣﺔ ﻭﻫﻮ ﺍﺗﻌﺮﻑ ﻋﻠﻲ ﻓﻲ ﺍﻟﺠﺎﻣﻌﺔ ‏) .
- ﺻﺎﺣﺒﻨﺎ ﺃﺑﻮﺑﻜﺮ ﺟﺎﺗﻮ ﻓﺮﺻﺔ ﺩﻛﺘﻮﺭﺍﺓ ﻣﻦ ﺩﺑﻠﻦ / ﺍﻳﺮﻟﻨﺪﺍ ﻣﻊ ﻧﻔﺲ ﺍﻟﻤﺸﺮﻑ ﺍﻟﻌﻤﻞ ﻣﻌﺎﻩ ﺻﺎﺣﺒﻨﺎ ﻣﺤﻤﺪ ﻣﻤﺪﻭﺡ ﺩﻛﺘﻮﺭﺍﺓ . ﻷﻧﻮ ﻣﺤﻤﺪ ﻣﻤﺪﻭﺡ ﻛﺎﻥ ﻋﺎﺭﻑ ﺇﻧﻮ ﺃﺑﻮﺑﻜﺮ ﺯﻭﻝ ﻣﻤﻴﺰ ‏( ﻗﺮﻭ ﻣﻊ ﺑﻌﺾ ﻓﻲ ﺍﻟﺠﺎﻣﻌﺔ ‏) .
- ﺍﻟﻠﻴﻠﺔ ﻗﺒﻞ ﻛﻢ ﺳﺎﻋﺔ ﻛﻨﺖ ﺑﺘﻜﻠﻢ ﺑﺎﻟﺘﻠﻔﻮﻥ ﻣﻊ ﺻﺎﺣﺒﻨﺎ ﻫﻨﺎ ﻓﻲ ﺍﻣﺮﻳﻜﺎ ﻭ ﺷﺮﺡ ﻟﻲ ﻛﻴﻒ ﺇﻧﻮ ﻫﻮ ﻭ ﻣﻌﺎﻩ ﺃﺭﺑﻌﺔ ﺗﺎﻧﻴﻦ ﻟﻘﻮ ﻓﺮﺻﺔ ﻣﺎﺟﺴﺘﻴﺮ ﻓﻲ ﺃﻣﺮﻳﻜﺎ ﺑـﺴﺒﺐ ﺯﻭﻝ ﻣﻦ ﻧﻔﺲ ﺍﻟﺠﺎﻣﻌﺔ ﺍﻟﻘﺮﻭ ﻓﻴﻬﺎ ﻓﻲ ﺍﻟﺴﻮﺩﺍﻥ .
----- ﺍﻧﺘﻬﺖ ﺍﻷﻣﺜﻠﺔ -----
ﺷﺌﺖ ﺃﻡ ﺃﺑﻴﺖ ﺣﺎ ﺗﻠﻘﻰ ﺍﻧﻮ ﻋﻼﻗﺎﺗﻚ ﺍﻟﻜﻮﻧﺘﻬﺎ ﺧﻼﻝ ﺍﻟﻔﺘﺮﺓ ﺍﻟﺠﺎﻣﻌﻴﺔ ﺣﺎ ﺗﺄﺛﺮ ﻋﻠﻲ ﺣﻴﺎﺗﻚ ﺑﺼﻮﺭﺓ ﻛﺒﻴﺮﺓ ﺧﺼﻮﺻﺎ ﺧﻼﻝ ﻓﺘﺮﺓ ﺍﻟﺠﺎﻣﻌﺔ ﻭ ﻓﻲ ﺑﺪﺍﻳﺎﺕ ﺣﻴﺎﺗﻚ ﺍﻟﻌﻤﻠﻴﺔ . ﺍﻟﻮﺳﻂ ﺍﻟﺤﺎ ﺗﻘﺮﺍ ﻓﻴﻪ ﺍﻟﻨﺎﺱ ﺍﻟﺤﺎ ﺗﻘﺮﺍ ﻣﻌﺎﻫﻢ ﺑﻴﺘﺪﺧﻠﻮ ﻭ ﺑﻴﺸﻜﻠﻮ ﺣﻴﺎﺗﻚ ﺑﺼﻮﺭﺓ ﻣﻤﻜﻦ ﻣﺎ ﺗﻘﺪﺭ ﺗﺘﺨﻴﻠﻬﺎ . ﻃﺒﻌﺎ ﺍﻟﻌﻼﻗﺎﺕ ﺩﻱ ﻣﻤﻜﻦ ﺗﺄﺛﺮ ﻓﻲ ﺣﻴﺎﺗﻚ ﺗﺄﺛﻴﺮ ﺳﻠﺒﻲ ﻭ ﻣﻤﻜﻦ ﺑﺮﺿﻮ ﺗﺨﺪﻣﻚ ﺃﻛﺘﺮ ﻣﻦ ﺍﻟﻨﺘﻴﺠﺔ ﺍﻟﺠﺒﺘﻬﺎ ﻭ ﺇﺳﻢ ﺍﻟﺠﺎﻣﻌﺔ ﻭﺍﻟﺸﻬﺎﺩﺓ .
ﺇﺫﺍ ﺍﻟﻨﺎﺱ ﺍﻟﺤﻮﻟﻴﻨﻚ ﻣﺒﺴﻮﻃﻴﻦ ﻓﻐﺎﻟﺒﺎ ﺣﺎ ﺗﺘﺒﺴﻂ , ﻭ ﺇﺫﺍ ﺍﻟﻨﺎﺱ ﺍﻟﺤﻮﻟﻴﻨﻚ ﺷﺎﻃﺮﻳﻦ ﻏﺎﻟﺒﺎ ﺣﺎ ﺗﺤﺎﻭﻝ ﺗﺒﻘﻰ ﺷﺎﻃﺮ , ﻭ ﺇﺫﺍ ﺍﺻﺤﺎﺑﻚ ﻣﺮﻃﺒﻴﻦ ﻏﺎﻟﺒﺎ ﺣﺎ ﺗﺮﻃﺐ ﻭ ﺇﺫﺍ ﻣﺘﺪﻳﻨﻴﻦ ﻏﺎﻟﺒﺎ ﺣﺎ ﺗﺘﺄﺛﺮ ﺑﻴﻬﻢ , ﻭ ﺇﺫﺍ ﻧﺎﺱ ﻋﻤﻴﻘﻴﻦ ﺣﺘﻜﻮﻥ ﻋﻤﻴﻖ ﻭ ﺇﺫﺍ ﻏﻴﺮ ﻛﺪﻩ ﺣﺎ ﺗﻜﻮﻥ ﻏﻴﺮ ﻛﺪﻩ .
ﻣﺮﺍﺕ ﺍﻟﺮﺍﺑﻂ ﺍﻟﻌﺠﻴﺐ ﺑﻴﻦ ﺍﻟﻨﺎﺱ ﺍﻟﺤﻮﻟﻴﻨﻚ ﻭﺑﻴﻦ ﺍﻟﺤﺎﺟﺎﺕ ﺍﻟﺒﺘﺤﺼﻞ ﻟﻴﻚ ﻓﻲ ﻣﺴﺘﻘﺒﻠﻚ ﺑﻴﻜﻮﻥ ﻭﺍﺿﺢ ﻭ ﻣﺮﺍﺕ ﺑﻨﻜﻮﻥ ﻣﺤﺘﺎﺟﻴﻦ ﻧﻔﻜﺮ ﺷﻮﻳﺔ ﻋﺸﺎﻥ ﻧﻘﺪﺭ ﻧﺮﺑﻂ .
ﺟﻴﻢ ﺭﻭﻥ ﺩﻩ ﺭﺟﻞ ﺃﻋﻤﺎﻝ ﺃﻣﺮﻳﻜﻲ , ﻛﺎﺗﺐ ﻭ ﻣﺘﺤﺪﺙ ﺗﺤﻔﻴﺰﻱ , ﻗﺎﻝ ﻣﻘﻮﻟﺔ ﻣﺸﻬﻮﺭﺓ , ﻗﺎﻝ ﺃﻧﺖ ﻋﺒﺎﺭﺓ ﻋﻦ ﺍﻟﻤﺘﻮﺳﻂ ﺑﺘﺎﻉ ﺍﻟﺨﻤﺴﺔ ﺍﻧﻔﺎﺭ ﺍﻟﺒﺘﻌﺪﻱ ﻣﻌﻈﻢ ﺯﻣﻨﻚ ﻣﻌﺎﻫﻢ .
ﺇﺫﺍ ﺟﺎﺩ ﺍﻟﺮﺏ ﻗﺎﻝ ﻟﻲ ﺃﻧﺎ ﻋﺎﻭﺯ ﺃﻋﻴﺪ ﻷﻧﻮ ﺣﺎﺳﻲ ﺇﻧﻮ ﺍﻟﺠﺎﻣﻌﺔ ﺱ ﺣﺎ ﺗﺘﻴﺢ ﻟﻲ ﻓﺮﺹ ﺃﻋﻠﻰ ﻓﻲ ﺇﻧﻲ ﺃﻛﻮﻥ ﻋﻼﻗﺎﺕ ﻣﻤﻜﻦ ﺗﻄﻮﺭﻧﻲ ﺃﻛﺘﺮ ﻭﺗﻔﺘﺢ ﻟﻲ ﻓﺮﺹ ﺃﺣﺴﻦ ﻓﻲ ﺍﻟﻤﺴﺘﻘﺒﻞ … ﺩﻩ ﻣﻤﻜﻦ ﻳﻜﻮﻥ ﺳﺒﺐ ﻣﻨﻄﻘﻲ ﺑﺎﻟﻨﺴﺒﺔ ﻟﻲ . ﻟﻜﻦ ﻃﺒﻌﺎ ﺣﺎ ﺍﺳﺄﻟﻮ ﺍﻗﻮﻝ ﻟﻴﻪ ﻋﺮﻓﺖ ﻛﻴﻒ ﺇﻧﻮﻋﻼﻗﺎﺗﻚ ﻓﻲ ﺱ ﺣﺎ ﺗﻜﻮﻥ ﻗﻴﻤﺔ ﺃﻛﺜﺮ ﻣﻦ ﻋﻼﻗﺎﺗﻚ ﻓﻲ ﺹ؟؟؟
ﺗﺎﻧﻲ ﺳﺆﺍﻝ ﻣﻬﻢ ﻟﻲ ﺟﺎﺩ ﺍﻟﺮﺏ ﻭ ﺩﻩ ﻋﺎﻭﺯ ﺑﻮﺳﺖ ﻣﻨﻔﺼﻞ … ﻋﺮﻓﺖ ﻛﻴﻒ ﺇﻧﻮ ﺭﻏﺒﺘﻚ ﻃﺐ؟؟ ﻃﺒﻌﺎ ﺃﻧﺎ ﻋﺎﻭﺯﻙ ﻭ ﻣﻬﻢ ﺇﻧﻚ ﺗﻘﺮﺍ ﺭﻏﺒﺘﻚ , ﻟﻜﻦ ﻭﺭﻳﻨﻲ ﻋﺮﻓﺖ ﻛﻴﻒ ﺇﻧﻮ ﺭﻏﺒﺘﻚ ﻃﺐ؟؟ ﺑﺎﻟﻤﻨﺎﺳﺒﺔ ﻳﺎ ﺟﺎﺩ ﺍﻟﺮﺏ ﻣﻌﻈﻢ ﺍﻟﻨﺎﺱ ﺍﻟﺒﺤﺒﻮ ﺍﻟﻜﻮﺭﺓ ﺑﻴﺤﺒﻮ ﻳﺤﻀﺮﻭﻫﺎ ﻭ ﻳﺸﻮﻓﻮﺍ ﺍﻟﻨﺘﺎﻳﺞ ... ﻟﻜﻦ ﻣﺎ ﺑﻴﺤﺒﻮ ﻳﻠﻌﺒﻮﻫﺎ . ﻓﻲ ﺍﻟﻤﺴﺘﻘﺒﻞ ﻣﻤﻜﻦ ﺍﻭﺭﻳﻚ ﺗﻌﺮﻑ ﻛﻴﻒ ﺇﺫﺍ ﻛﺎﻧﺖ ﺭﻏﺒﺘﻚ , ﻭﻻ ﺍﻧﺖ ﺑﺲ ﺣﺎ ﺳﻲ ﺑﻴﻬﺎ ﺭﻏﺒﺘﻚ ﻻﻧﻚ ﺣﻀﺮﺕ ﻣﺴﻠﺴﻞ ﻗﺮﻳﺲ ﺃﻧﺎﺗﻮﻣﻲ ﻭ ﻋﺠﺒﻚ ﺍﻻﻛﺸﻦ . ﺑﺒﺴﺎﻃﺔ ﻣﻔﺮﻭﺽ ﺗﺠﺮﺏ , ﺟﺪ ﺟﺪ ﺃﻣﺸﻲ ﺟﺮﺏ ﻭ ﺳﺎﻫﺮ ﻣﻌﺎﻫﻢ ‏( ﺍﻟﺪﻛﺎﺗﺮﺓ ‏) ﺇﺳﺒﻮﻋﻴﻦ ﺗﻼﺗﺔ ﻋﺸﺎﻥ ﺗﺎﺧﺪ ﻋﻴﻨﺔ ﻓﻌﻠﻴﻪ ﺣﻘﻴﻘﻴﺔ ﻣﻦ ﺷﻜﻞ ﻣﺴﺘﻘﺒﻠﻚ ﺇﺫﺍ ﺑﻘﻴﺖ ﺩﻛﺘﻮﺭ .
ﺣﺎﺟﺔ ﺍﺧﻴﺮﺓ ﻟﻲ ﺟﺎﺩ ﺍﻟﺮﺏ , ﺃﻧﺎ ﻗﻌﺪﺕ ﺗﻼﺗﺔ ﺳﻨﺔ ﻓﻲ ﺳﻨﺔ ﺗﺎﻟﺘﺔ , ﺳﻨﺔ ﺍﻣﺘﺤﻨﺖ ﻭ ﺳﻨﺔ ﻟﻔﻴﺖ ﺳﺎﻛﺖ ﻭ ﺳﻨﺔ ﻋﺪﺕ ‏( ﺑﻜﺴﺮ ﺍﻟﻌﻴﻦ ‏) . ﺇﺫﺍ ﺭﺟﻌﺖ ﺑﻲ ﺍﻟﺴﻨﻴﻦ ﺣﺎ ﺃﻋﻤﻞ ﻧﻔﺲ ﺍﻟﺤﺎﺟﺔ ﺩﻱ ﺗﺎﻧﻲ , ﺣﺎ ﺍﻋﻴﺪ ﺇﺫﺍ ﺟﺒﺖ ﺩﺭﺟﺔ ﻣﺎ ﻛﻮﻳﺴﺔ ﻟﻜﻦ ﻣﺎ ﻋﺸﺎﻥ ﺍﻟﺠﺎﻣﻌﺔ , ﻭﻻ ﻋﺸﺎﻥ ﺍﻟﻌﻼﻗﺎﺕ ﻭﻻ ﻋﺸﺎﻥ ﻧﺎﺱ ﺍﻟﺒﻴﺖ . ﺣﺎ ﺍﻋﻴﺪ ﻋﺸﺎﻥ ﺍﺛﺒﺖ ﻟﻲ ﻧﻔﺴﻲ ﻭ ﻟﻲ ﻧﻔﺴﻲ ﺑﺲ ﺇﻧﻮ ﻣﺎﻓﻲ ﺯﻭﻝ ﺃﺣﺴﻦ ﻣﻦ ﺯﻭﻝ , ﺃﻱ ﺯﻭﻝ ﺑﻴﻘﺮﺍ ﻭﻳﺠﺘﻬﺪ ﺑﻴﺼﻞ ﻭﺍﻟﺤﺎﺟﺔ ﺩﻱ ﺣﺎ ﺍﺗﻌﺐ ﻭ ﺍﺛﺒﺘﻬﺎ ﻟﻲ ﻧﻔﺴﻲ ﻋﺸﺎﻥ ﺗﺴﺎﻋﺪﻧﻲ ﻓﻲ ﺑﺎﻗﻲ ﺣﻴﺎﺗﻲ . ﺍﻻﺛ

ﺒﺎﺕ ﺩﻩ ﺑﺮﺍﻩ ﺑﻴﺴﺘﺎﻫﻞ ﺃﺿﻴﻊ ﻟﻴﻪ ﺳﻨﺔ ﻣﻦ ﻋﻤﺮﻱ ﻭ ﺃﻛﺘﺮ .
ﺍﻟﺒﻠﺪ ﻇﺮﻭﻓﻬﺎ ﺻﻌﺒﺔ ﻭﺍﻟﻨﺎﺱ ﻣﻀﻐﻮﻃﺔ ﻭ ﻗﺒﻞ ﻣﺎ ﺗﻘﺮﺭ ﺗﻌﻴﺪ ﻭ ﺗﻜﻠﻒ ﻧﺎﺱ ﺍﻟﺒﻴﺖ ﻣﺎﺩﻳﺎﺕ ﻭﻧﻔﺴﻴﺎﺕ , ﻋﺎﻭﺯﻙ ﺗﻌﺮﻑ ﺇﻧﻮ ﻋﺸﺎﻥ ﺗﺠﻴﺐ ﺩﺭﺟﺔ ﻣﺨﺘﻠﻔﺔ ﻣﻦ ﺍﻟﺴﻨﺔ ﺍﻟﻔﺎﺗﺖ ﻻﺯﻡ ﺃﻭﻝ ﺣﺎﺟﺔ ﺗﺘﺤﻤﻞ ﻣﺴﺌﻮﻟﻴﺔ ﻧﺘﻴﺠﺔ ﺍﻟﺴﻨﺔ ﺍﻟﻔﺎﺗﺖ ﻭ ﺗﻌﺮﻑ ﺇﻧﻚ ﺇﺫﺍ ﻣﺎ ﻛﻨﺖ ﻋﻴﺎﻥ ﺃﻭ ﻋﻨﺪﻙ ﻇﺮﻭﻑ ﻓـﺎ ﺑﺎﻟﺘﺄﻛﻴﺪ ﺃﻧﺖ ﻋﻤﻠﺖ ﺣﺎﺟﺔ ﻏﻠﻂ , ﺇﺫﺍ ﻣﺎ ﺣﺎﺳﻲ ﺇﻧﻚ ﻋﻤﻠﺖ ﺣﺎﺟﺔ ﻏﻠﻂ ﻣﺎﻓﻲ ﺩﺍﻋﻲ ﺗﻌﻴﺪ . ﻷﻧﻮ ﻧﺤﻦ ﺑﻨﻌﻴﺪ ﻋﺸﺎﻥ ﻧﺼﻠﺢ ﻏﻠﻄﺎﺗﻨﺎ ﻭﻧﻌﻤﻞ ﺍﻟﺤﺎﺟﺎﺕ ﺑﻲ ﻃﺮﻳﻘﺔ ﻣﺨﺘﻠﻔﺔ ... ﻣﺨﺘﻠﻔﺔ ﺗﻤﺎﻣﺎ , ﻋﺸﺎﻥ ﻧﻘﺪﺭ ﻧﺠﻴﺐ ﻧﺘﻴﺠﺔ ﻣﺨﺘﻠﻔﺔ ... ﺑﺮﺿﻮ ﻣﺨﺘﻠﻔﺔ ﺗﻤﺎﻣﺎ .
ﻛﻞ ﺍﻟﺘﻮﻓﻴﻖ ﺍﺧﻲ ﺍﻟﺼﻐﻴﺮ ﺟﺎﺩ ﺍﻟﺮﺏ .
" ﻗﺎﻟﻮ " ﺍﻧﺸﺘﺎﻳﻦ ﻗﺎﻝ : ﺍﻟﺠﻨﻮﻥ ﻫﻮ ﺍﻥ ﻧﻌﻴﺪ ﻓﻌﻞ ﻧﻔﺲ ﺍﻟﺸﻲﺀ ﺑﻨﻔﺲ ﺍﻟﻄﺮﻳﻘﺔ ﻭ ﻧﺘﻮﻗﻊ ﻧﺘﻴﺠﺔ ﻣﺨﺘﻠﻔﺔ .
ﻣﺤﻤﺪ ﻧﻮﺭﻳﻦ ,
ﻛﺎﻟﻴﻔﻮﺭﻧﻴﺎ , ﺍﻟﻮﻻﻳﺎﺕ ﺍﻟﻤﺘﺤﺪﺓ ,
2018-7-15

ماذا تعرف عن السوداني “محمد عيسي” لاعب “بريستول سيتي” الإنجليزي؟

قدّم نادي “بريستول سيتي” الإنجليزي، بصفة رسمية لاعبه الجديد السوداني الأصل “محمد عيسي”، القادم من نادي “شيلتنهام” في صفقة بلغت حوالي 1,5 مليون جنيه إسترليني بحسب وسائل إعلام بريطانية.

وخاض “بريستول” الذي ينشط بدوري الدرجة الأولي، منافسة كبيرة مع أندية “سندرلاند”، “ليدز يونايتد” و”بيتربروه”، من أجل الفوز بخدمات “عيسي” بعد تألقه اللافت رفقة “شيلتنهام” في دوري الدرجة الثانية الموسم الفائت.
وفيما يلي يرصد (باج نيوز) بعض المحطات الهامة في مسيرة اللاعب:

– ولد “محمد عيسي” في السودان في 12 يوليو 1994، وهاجر برفقة أسرته إلى المملكة المتحدة عندما كان يبلغ من العمر تسع سنوات، لكنه لم يأخذ كرة القدم على محمل الجد حتى بلوغه الرابعة عشرة حين التحق بأكاديمية “برو تاتش” لكرة القدم.

– محمد هو الأكبر بين أربعة اشقاء، هم : أبوبكر الذي يصغره بعامين و يلعب حالياً لنادي “شيروبيري تاون”، عمر -14 عاماً- والذي أظهر موهبة في كرة القدم وسيخضع لاختبارات مع نادي “كوينز بارك”، وهنالك الأخ الأصغر خالد (11 عاماً).
– سجل محمد 57 هدفاً مع نادي “غرين ويتش” للهواة خلال موسمين، ليجذب أنظار مسؤولي نادي “شيلتنهام” الذين منحوه فرصة خوض تجربة الإحتراف مع النادي الذي ينشط في دوري الدرجة الثانية.

– خلال الأسبوع الأول من التدريبات مع “شيلتنهام” في يوليو 2017، استنجد “عيسي” بسباحي الإنقاذ في “ساندفور بارك” خلال تنفيذ بعض التمارين داخل حوض السباحة، وقال وقتها “غاري جونسون” مدرب الفريق مازحاً ” نتمني أن يكون مستواه كلاعب أفضل من كسبّاح..!”.
– سجل اللاعب المُلقب بـ “مو”هدفه الرسمي الأول في دوري الدرجة الثانية الإنجليزي في الخامس من أغسطس 2017 .

– سجل محمد 25 هدفاً لفريق “شيلتنهام” في 52 مباراة خلال الموسم الفائت 2017/208، منها ثلاثة أهداف “هاتريك” في مرمي “بورت فالي”.
– سجل عيسي 23 هدفاً لفريقه في الدوري الموسم المنصرم، ليحطّم الرقم المسجل في “شيلتنهام” باسم “جوليان آلسوب” الذي سجل 20 هدفاً موسم 2001/2002.

– صار “عيسي” أغلي لاعب ينتقل من نادي “شيلتنهام” بصفقة ناهزت 1,5 مليون جنيه إسترليني، محطماً الرقم السابق المسجل باسم “ستيفن جيلسبي” الذي انتقل الى “كولشر يونايتد” عام 2008 بصفقة بلغ مقدارها 400 ألف جنيه إسترليني.


@Motivation_Center

لاتنسوها😘🙈

قال الرسول عليه أفضل الصلاة والسلام: “إن الشمس والقمر آيتان من آيات الله، لا يكسفان لموت أحد من الناس ولا لحياته، وإنما هما آيتان من آيات الله يخوف الله بهما عباده، فإذا رأيتم ذلك فافزعوا إلى ذكر الله وإلى دعائه واستغفاره” من الأدعية التي يستحب قولها في هذه الأوقات: “الحمد لله حمداً دائمًا طاهراً طيباً مباركاً فيه، اللهم ارحم أمة محمد رحمة عامة كافة اللهم إنا نستغفركَ ونتوب إليك”.“الحمد لله حمداً دائمًا طاهراً طيباً مباركاً فيه، ملء السماوات وملء الأرض، وملء ما بينهما، وملء ما شئت من شيء بعد، أحق ما قال العبد، وكُلُنا لَكَ عبد”.“الحمد لله كما ينبغي لجلال وجهك ولعظيم سلطانك، سبحانهُ ما أعظم شأنه”.“اللهم صل على سيدنا مُحمد، النبي الأمي، الطاهر الذكي، الذي قال فيه العظيم، وإنك لعلى خُلق عظيم، وعلى آله وصحبه حق قدره ومقدارهِ العظيم”.“اللهم إنا نستغفرُكَ ونتوب إليك، توبة عبد ظالمِ لنفسهِ لا يملك لنفسهِ ضراً ولا نفعاً، ولا موتًا ولا حياةً ولا نشوراً”.“اللهم اهدنا فيمن هديت، وعافنا فيمن عافيت، وتولنا فيمن توليت، وبارك لنا فيما أعطيت، وقِنا واصرف عنا شر ما قضيت، نستغفرُكَ ونتوب إليك، فلولا أنت ما تبنا إليك”.“سبحانك يا الله، غفرانك يا الله، سبحان الذي خلق الليل والنهار والشمس والقمر، كلُ ُ في فلكِ يسبحون، يا من يسبح له كل شيء من مخلوقاتهِ، سبحانك ما عبدناك حق عبادتك، سبحانك ما شكرناك حق شُكرك”.“اللهم إنا نسألك العفو والعافية، والمعافاة الدائمة، في الدين والدنيا والآخرة، يا رب العالمين، يا قاضى الحاجات، ويا مُجيب الدعوات، ويا غافر السيئات، ويا ولى الحسنات، ويا دافع البليات، لا تدع لنا يا ربنا في هذا المقام العظيم ذنباً إلا غفرته، ولا عيباً إلا سترته، ولا مريضاً إلا شفيته، ولا ميتاً إلا رحمته، ولا دعاءً إلا استجبته، ولا تائباً إلا قبلته، ولا ظالماً إلا هديته، ولا مظلوماً إلا نصرته، ولا حاجة من حوائج الدنيا والآخرة لك فيها رضي، ولنا فيها صلاح إلا قضيتها ويسّرتها برحمتك يا أرحم الراحمين