‏"لا السيفُ يفعلُ بي ما أنتِ فاعلةٌ
ولا لقاءُ عدوّي مثلَ لُقياكِ

لو باتَ سهمٌ من الأعداءِ في كَبدي
ما نالَ مِني ما نالتْهُ عيناكِ."
#غزل

"اللهُ أرجوهُ أن الذنبَ يَغفرهُ
وكَسرُ قَلبِي بالغفرانِ يجبرهُ."

هَل مِنْ طَبِيبٍ لِداءِ الْحُبِّ أَو رَاقِي؟
يَشْفِي عَلِيـلًا أَخَا حُزنٍ وَإِيراقِ

قَد كانَ أَبقَى الهَوى مِن مُهجَتي رَمَقًا
حتّى جَرَى البَينُ فَاستَولَى عَلى البَاقي

- البارودي

كثرة الاستغفار تجلب الرزق وتزيل الهم وتسعد القلب وترزقك بركة الوقت وترزقك حسن الخلق واستجابة الدعوات فاكثروا منه 🌿.

"‏أنت الشخص الوحيد الذي لا أُمانع فُقدان النوم لأجلُه، والوحيد الذي لا يُمكنني التعب مِن الحديث معهُ، والوحيد الذي يَطوف في ذِهني باستمرار طوال اليوم، وكذلك الوحيد الذي يجعلني أبتسم دائمًا مهما كان مزاجي سيئًا، أنت الذي صعبًا عليّ أن أخسرك، لأنك ألطف جُزء في حياتي!" ❤

عايز اشتغل ؟
مفيش فرص ؟
عايز اكل عيش ؟
مش لاقي شركة تقبلني ؟
عايز اعمل تغيير وظيفي ؟
عايز اساعد نفسي بجانب دراستي ؟
سيبت شغلي ومش لاقي فرصه تانيه ؟
عايز مصدر دخل اضافي جنب شغلي ؟

لو انت او اي حد حواليك بيسأل الاسئله دي ؟

يبقى لازم تعرف خطة الـ 1200

بتسمع كتير لدرجة انك ممكن تكون مصدق ان الظروف صعبه والحال مش تمام والفرص عدومه ... صح ؟

عايز اقولك ان كل الكلام ده بنسبه كبيرة غلط واللى بيروج الكلام ده هي الناس المحبطه او الكسالى وان الفرص موجوده وكتير ومش لاقيه الناس المجتهده والذكيه اللى تحصدها وتحقق منها نجاح

من 10 سنين مكنش فيه طلبات ومرسول وكمية خدمات التوصيل دي
من 10 سنين مكنش فيه الثورة التكنولوجيه وكمية الخدمات الالكترونيه دي
من 10 سنين مكنش فيه كمية الشباب دي اللى عاملين شركات ومحققين نجاح
من 10 سنين مكنش فيه حجم التجارة الالكترونيه ده وانتشاره لدرجة ان مدام عفاف عامله بيزنس من بيتها على الجروب بتاعها

والامثله كتير لدرجة مستحيل تحصرها

نرجع بقى لخطة الـ 1200

تعالى اقولك على المعادله والخطه اللي اتعلمتها زمان وعمرها ما فشلت معايا او مع حد جربها ؟

المعادله بتقول انك تقدر تحترف اي مهارة لو اشتغلت على نفسك 8 ساعات يومياً وقفلت على نفسك 6 شهور "1200 ساعه"

والمعادله دي ناجحه جداً ومجربه خصوصا فى المهارات الالكترونيه واللي بقت كتيره ... وخليني اقولك على الاكتر من كده كمان ؟

ان مفيش مره انا او غيري جربها الا واحترف المهارده اللي عايز يحترفها قبل مرور الـ 6 شهور اساساً

ركز بقى معايا ...

عايز تشتغل بجد ؟ عايز تعمل حاجه لنفسك واللي حواليك بجد ؟

انت معاك 1200 ساعه ...

المرحلة الاولى : هنبدأ اول اسبوع "48 ساعه"

افتح اليوتيوب واتعلم يعني ايه Google Sheet واعمل واحد وسميه المهارات الالكترونيه المقترحه

وبعدين افتح مواقع التوظيف وشوف كم الوظائف المطلوبه بدون التواجد فى الشركه "Remotly" وهتلاقي ان اغلبها مفيش شرط تكون خريج كليه بعينها او مش شرط تكون خريج اساساً ؟

وبعدين افتح موقع زي خمسات او مستقل او Fiverr او UpWork وشوف كمية الخدمات المعروضه والمهارات

الاسبوع ده كافي جداً انك تعمل حصر على قد ما تقدر للمهارات اللى انت شوفتها وتاخد فكره عنها كمان من اليوتيوب ومستحيل متلاقيش مئات الفيديوهات عن اي مهاره بتبحث عنها

المرحلة التانيه : تاني اسبوع "48 ساعه"

تبدأ ترتب المهارات دي من حيث استحسانك ليها ... يعني ايه ؟

يعني كل مهاره هتشوف كام فيديو بيشرحها وجنب كل مهاره تحط قدامها رقم من 1 لـ 10 وده معيار على انها عاجباك اد ايه وحاسس انها مش رحله للكواكب والمجرات اد ايه ؟

وبعد اما تخلص الاسبوع ده هيكون عندك ترتيب للمهارات دي ... عايزك تبدأ بافضل مهاره عجبتك وشبه مسليه بالنسبالك ومهم جداً فى الاول تكون مهارة بسيطه وده لسببين

الاول: لان انت لسه فى اول الطريق ومحتاج تحقق نجاحات سريعه نسبياً ومش مهم تكون صغيره وده علشان متزهقش وتحبط بدري وعلشان كده محتاج تبدأ بمهاره بسيطه

الثاني: علشان تلاقي فرص بسهوله وده اللي هنوضحه في المرحله الثالثه

المرحلة الثالثه: لَا أَبْرَحُ حَتَّىٰ أَبْلُغَ!

ابدأ اتعلم ... جرب بأيدك ... اعرض خدماتك بالمجان ... خلي الناس تقيم شغلك ... حسن وجود واتعلم اكتر ... اعرض تاني ... وقيم وحسن تاني ... وابني ملف اعمالك !!

الكلمتين دول محتاجين شرح طويل مينفعش فى بوست ولكن خليني انقلك نصيحه قولتها لشخص محترم سألني من كام يوم على نفس الموضوع ومنها تاخد مثال تقدر تفهمه وتبني عليه خطتك

والشخص ده كان بدون عمل ومش لاقي فرصة في بلده ولظروف خاصه مش هيقدر يبعد عن بيته بدوام كامل في اي مكان ومكنش محتاج المرحله الاولى والتانيه لانه قالي انه اشتغل فى المبيعات شويه

واتفقنا على خطة الـ 1200 ساعه وهتكون كالاتي :

هيخصص نص يومه وكل يوم ولمدة الـ 6 شهور يعني "600 ساعه" هيكون فى القراءه والاستماع لفنون البيع وفن الاقناع واحتيجات العميل وازاي العميل بياخد قرار الشراء

ونص يومه الثاني بيشتغل وده يومياً ولمدة الـ 6 شهور يعني الـ "600 ساعه" التانيه

طيب هيشتغل ايه وفين وازاي ؟

قولتله فيه آلاف الصفحات اللى بتبيع منتجات وممكن تعرفهم بسهوله من الـ Facebook ads Library والناس دي اغلبهم بيعملوا اعلانات بيع مباشر واغلبهم عندهم مشاكل في المبيعات ... هتشوف اعلاناتهم وتعمل اكتر من صيغه بيعيه مقترحه لمنتج من منتجاتهم واللى عاملين له بالفعل اعلانات ... تمام ؟

وهتبعت الحاجات دي ليهم على الصفحه وتعرفهم بنفسك وتبعتلهم شغلك بالمجان وانك مستعد تعملهم شغل اكتر واكتر وبالمجان لمدة شهرين لو احتاجوك وعجبهم شغلك ... تمام كده ؟

وهتعمل ده مع مئات الصفحات ... كتير مش هيعبرك "ولا يهمك" وكتير هيقول وايه المانع مهو ببلاش "برضه ولا يهمك"

لكن انا عايزك يكون عندك يقين انك هتنجح وتكون متأكد انك باذن الله بعد 3 شهور فقط هيكون معاك عشرات الصفحات شغالين معاك وعشرات الاعلانات اللى اتنفذت بالفعل ونجحت

وبكده هيكون عندك خبره معقوله فى المحتوى التسويقي
وكمان علاقات لا بأس بها من الشغل اللى عملته
مهو طبعاً 300 ساعه شغل جاد و 300 ساعه تعليم جاد

وده كافي جداً انك تبدأ الـ 3 شهور اللى بعدهم تعمل الخدمة دي بمقابل بسيط

وبعد 6 شهور انت بقى وكرم ربنا وتوفيقه ... بقائمة العملاء اللي معاك وملف اعمالك اللى بنيته "سابقة اعمالك اللي فيها كل الاعلانات اللي عملتها واتنفذت"

لو عملت الخطه دي بالظبط وبكل جديه واخلاص وكنا من اهل الدنيا ابقى تعالى بعد 6 شهور قولي وضعك ايه ؟

عرفت هتعمل ايه ؟ عرفت بقولك ليه مهاره بسيطه ؟
ونجاحك فى المهاره البسيطه يشجعك ويفتحلك باب مهاره تانيه اكبر واحسن

سؤال للي بيقرأ البوست وارجوك رأيك يهمني ...
تتخيل ان الشخص ده بالخطه دي لو نفذها بجد واخلاص انه هيرجع بعد 6 شهور مش لاقي شغل وموصلش لحاجه ؟

.................................

ونرجع لخطة الـ 1200 ساعه

مش انا فى الاول خالص عامل قائمه بالمهارات ؟
امتى اقول اني مش موفق فى المهارة الاولى وانقل على التانيه بدون تردد ؟
في حالة انك عرضت خدماتك بالمجان على 50 واحد مختلفين ومحدش اهتم
او عملت الخدمه بالفعل 50 مره بالمجان لاكتر من 20 شخص مختلفين على الاقل ومحدش منهم عجبه الشغل وطلب منك شغل تاني

ساعتها بدون تردد تنقل على المهاره اللي بعدها وتعمل نفس الخطوات ورزقك على الله

الخلاصة
شمر دراعك واقفل على نفسك واجتهد وخد مستقبلك وركز ونتقابل ان كان لينا عمر باذن الله بعد 6 شهور
أ_عمرو سعد

#سورة_الملك
منجية من عذاب القبر
اقرأها قبل نومك ❤️

لو صاحبت شخصين فقريين وهلاسين هتكون ثالثهم

ولو صاحبت شخص عبيط واهبل وهايف بكل تأكيد هتحصله..

ولو صاحبت شخص مجتهد وعنده طموح وإيجابي وبيساعد، هينقلك ويفتحلك أبواب تمشي فيها مكنتش تحلم بيها..

ولو صاحبت شخص محترم شغال في البزنس، بالتأكيد بعد فترة ممكن تشاركه أو يساعدك تفتح بزنس خاص بيك.

الصديق مُعدي .. في الخير والشر في الغالب..

تخيروا الصديق، تخيروا الرفيق، تخيروا الصاحب..ارموا نفسكم وسط ناس ناجحة محددين طريقهم صح، الناس دي بتشكل طريقة تفكيركم ووعيكم بشكل حضراتكم لاتتخيلوه، بتشكل مواضيع نقاشاتكم واهتماماتكم وأولوياتكم.

إسألوا غالبية المدخنين والمدمنين ممن تعلموا، سيقولون الصحبة. يا أخي والله لو جالست المدخن ستجد أثره فوريا في رائحة ملابسك ناهيك عن أضرار التدخين السلبي.

إسألوا الصالحين كيف وصلوا، سيقولون الصحبة.

سيأتي وقت تندمون فيه، على كل دقيقة تضيعونها مع شخص لايستحق وليس أهلا للصداقة والصحبة.

فيه صاحب بينقلك 20 سنة للأمام، وفيه صاحب ساحب بيخسف بيك الأرض دنيا ودين. وانتم رايحين الجامعة، تخيروا من تصاحبون. وانتم في العمل والوظيفة، انتقوا من تصادقون وتدخلونه بيوتكم ويأكل طعامكم وتأتمنونه على أسراركم. صاحبكم هو مستشاركم وجليسكم، فأرجوكم تخيروه بعناية، واوعوا تنسوا تربوا عيالكم وتعلموهم مهارة إختيار الصاحب والصديق.

بعد ماقرأت هذا البوست، نظف دائرة معارفك وأصدقائك مازال هناك متسع من الوقت لصداقات وصحبة نافعة وصالحة...

" عمرك دفعت ضريبة إيمانك! "

أنا دفعت ضريبة إيماني غالية جدًا.
مشيت خطوتين لحد ما رجلي وقفت قدام المستشفى اللي خطيبتي نايمة فيها بسببي!

قعدت على تنده كبيرة وحطيت إيدي على وشي وبدأت افتكر كل حاجة حصلت في آخر سنة..

أنا كنت بحب بنت في الجامعة ولما اتقدمتلها أهلها رفضوني!
ساعتها أبويا صمم إن عروستي هتكون من إختياره..
وفعلاً خطبلي بنت ولكن مكنتش شبهي، كانت جميلة بس مكنش في قلبي انجذاب ليها.
كل كلامها وتفكيرها في الناس، ياترى بكره هتتبرع لمين!
هتراجع إيه في القرآن، هتصلح بين مين؟

أنا مبسوط إنها صحت فيا حب الصلاة والقرآن، وهي أكيد على النهج الصح ومقدرش أنكر بس مينفعش يكون ده كل خططنا للمستقبل، فين طموحنا وأحلامنا إحنا؟
وفين ذاتنا؟

صحابي كلهم بعدوا عني، بقيت كل ما أقولهم هنخرج فين يقولوا هنفكر ونقولك، واتفاجئ إنهم بقوا يتجمعوا ويخرجوا من ورايا لمجرد إني بقيت عكسهم في التفكير وبقولهم على الغلط بلاش ومينفعش.
فوقت من شرودي على صوت راجل بيقول لمراته:
" ماشي أنا هطلقك بس مترجعيش تندمي "

بصتله بتوهة وسابته ومشت، راقبت خطواتها لاقيتها قعدت في مكان بعيد وفاتحة صورهم وبتعيط!
وقفت قدامها وقولتلها: " على فكرة هو كمان بيحبك "
انتفضت وحاولت تمسح دموعها وقالت: " بجد؟ "
بصيتلها بثقة وقولتلها: " أنا لسه سامعه بيقول إنه لازم يتشريلك أكتر حاجة بتحبيها ويصالحك بيها "

ووقفت عملت تفسي بفكر وقولتلها: " تقريبًا بتحبي ال.. "
لاقيت ضحكتها اترسمت على وشها وقالت: " بحب الورد "
وفعدت تلوم نفسها ومن خلال كلامها فهمت إنها مبتخلفش.
فضحكت وقولتلها: " مش هتروحي تشتريله أكتر حاجة بيحبها قبل ما هو يسبقك؟ "
وبعدين سيبتها وجريت اشتريت بوكيه ورد وروحتله وقولتله نفس الكلام اللي قولته ليها...
عينه لمعت وبعدين بصلي وقالي: " هي بتحب الورد "
طلعت ايدي من ورا ضهري واديته البوكيه، وقولتله " اعتبر ده هدية مني "
فضحك وقال: " هو أنت عندك محل ورد؟ "
معرفتش أرد عليه فهزيت راسي وسكت، لاقيته بيطبطب على كتفي وبيقولي هات رقمك بقى عشان أبقى أجي اشتري من عندك.

وبعد ما خد الرقم بصلي وقال: " كنت عارف إن الست اللي تقبل تعيش مع واحد عقيم وتستحمل عصبيته وتعبه وكمان حافظت عليه يبقى اكيد بنت أصول "
بصيتله باستغراب ومبقتش فاهم مين فيهم اللي مبيخلفش!

وقفت بعيد عنهم ولما اتصالحوا حسيت بكمية فرحة دخلت قلبي وكأن أنا اللي مكانه، وقتها حسيت بكلام خطيبتي لما قالتلي اللي بيفرَّح حد محتاج للفرحة ربنا بيرزقه أضعافها.
جريت على المستشفى، وبصيت لدراعها ورجليها وهما في الجبس، قعدت جنبها، وبقيت بصلي ليل نهار عشان تطلع بسرعة، وأول ما اتعافت وطلعت، حددت الفرح وانا قلبي متلهف ليها.

كانت دايمًا تقولي لما تحس إن الدنيا قفلت في وشك قول:
" يارب إنِّي أعلم أنَّ محاولاتي للتوبة قليلة وتعثري في السير تجاهك مُتكرر فاللهم يا مُرقق القلوب ومُرشد التائهين رقق قلبي عليّ وأرشده إلى طريقك."

ولما لزمت الدعاء ده حقيقي عمر قلبي ما ضل!
قعدنا في الكوشة، معظم صحابي محضروش، كنت حاسس بخذلان، ليه يخسروني لمجرد إني التزمت!

ببص لاقيت نفس الراجل ومراته داخلين القاعة ومراته كانت شايلة طفل، وبعد دقايق طلعوا على الكوشة يسلموا علينا، وقفت مستغرب الموقف!
لاقيته قرَّب من ودني وقال: " أنا عارف اللي عملته عشاني أنا وزوجتي، وصحيح نسيت أقولك إننا سمينا اببنا على اسمك "

وقفت وأنا مش قادر أحدد إيه الكرم ده؟
.....
شد حزام الأمان يافندم؟
بصيت للمضيفة وهزيت راسي، وبعدين سندت على كتف مراتي وابني بيلعب مع ابن نفس الشخص اللي حضر فرحي.

واحنا شركاء في شركة من أكبر الشركات في السعودية..

الصحاب اللي سابوني دلوقتي بقوا يتمنوا يشتغلوا عندي!

ومراتي اللي مكنتش عجباني هي نفسها اللي حفظتني القرآن وغيرت حياتي.

كان نفسي أكتب ورقة وألزقها في كل مكان وأقول فيها..

" ادفع ضريبة إيمانك خسارة ناس مزيفة عشان المكسب الحقيقي هتلاقيه مستنيك بكنوز الدنيا معاه "

يجب أن يكن مهر حاملة القرآن عناقيد من اللؤلؤ وتيجان من الياقوت 💛

ولقد وجدتُ الهدى كلّ الهدى في كتابِ اللَّه ، وبمجرَّد أن فتحَ اللهُ بفضله البصيرةَ على القرآن ؛ #اكتشفتُ أدواء نفسي المَريضة !
ثم وجدتُ أنه لا نورَ للمرءِ إلا بإشعالِ فتيل قلبِه بمواجيدِ القرآن نَبْضًا نَبْضًا ، ‏من يقرأ القرآن ، يجد بركة ملاحظة تجري في روحه،
وأنسًا يحلو على صدره، فآية تطيب قلبه، وأخرى تصبر أمره، وأخرى تجبر خاطره، وأخرى تروح عن نفسه، وأخرى تثبت صدره، رحلة سماوية لا مثيل لها، ومن أوجز الإيجاز في بيان جمال القرآن.

فضيلة الدكتور فريد الأنصاري
رحمه الله تعالى وغفر له وألحقه بالصالحين .

﴿وَهُوَ الَّذي يَقبَلُ التَّوبَةَ عَن عِبادِهِ وَيَعفو عَنِ السَّيِّئَاتِ وَيَعلَمُ ما تَفعَلونَ﴾ [الشورى: ٢٥]

﴿وَهُوَ الَّذي يُنَزِّلُ الغَيثَ مِن بَعدِ ما قَنَطوا وَيَنشُرُ رَحمَتَهُ وَهُوَ الوَلِيُّ الحَميدُ﴾ [الشورى: ٢٨]

#سورة_الملك
منجية من عذاب القبر