دي طرق او نصائح للتخلص من النفسنة البتكون من دون سبب او الزهج الوقتي او القلق البيحدث فجاة ..

بخصوص القلق والزهج البجينا مرة مرة ..
تكوني عادي وفجاة تلقي روحك مقلق وزهجان ومرات بكون في سبب ومرات بكون ماف سبب محددد انت قادر تستوعبه ..

فيلا نحن عرفنا ان مرات زهجنا وقلقنا بتكون عنده اسباب واضحه وادينا امثلة عليها ..
ومرات بتكون عنده اسباب ما واضحة ووضحت كيف بيحصل ده ..
فحاننتقل للخطوة التانية وهي كيف نتخلص من ده ونقدر نحله ..

ومرات يلا بكون في سبب مثلا اتشاكلت مع شخص مقرب شديد ليك فده بكون غغالبا سبب لزهجك لانك بتبدا تسال نفسك كتير منو الغلطان وارجع ليه ولا ما ارجع ليه ..
وايضا لمن تتصل لزول قريب منك وما يرد فبتقوم بتحكي مع نفسك انك مزعك وبتتصل كتيرر ..الخ وبتقول داير اتغير وابقي زيهم وكذا فدي اسباب واضحة ..

طيب ببساطة في حل انا دايما بستخدمه وبنجح كتيير مع الناس ..
وهو انك تغش عقلك عديل ..
لان سبب الحاصل ليك ده هو التفكيير اللي مسببه الوقت الفاضي البتكون قاعد فيه لوحدك وغالبا عقلك بكون شغال بالتفكير في المشاكل الحاصلة والحاجات السلبية ..

لمن تلقي روحك زهجان او منفسن ومقلق فجاة كدا فالحاجه دي عندها سبب واحد وهو التفكير لان غالبا لمن تكون زهجان ومقلق بتكون قاعد براك وعندك كمية وقت فاضية ..
فعقلك الداخلي بيقوم بيقلب الاحداث حدث وراا حدث لغايه ما يطلع كل الحاجات الحصلت ليك زمان ..
فانت هنا بتقول انك زهجان بس ماعارفف السبب ? هو في سبب بس انت ما حاتقدر تحدده لان عقلك حايطلع كل المشاعر االحصلت زمان في شكل مشاعر ملخبطة فلمن تركز علي زهجك بتلقي روحك بتزهج اكتر وما بتقدر تحدد السبب ابدا حاتمر علي اغلب اللحظات الحصلت ليك زمان في رحلة انك بتحاول تبحث عن السبب

فببساطة الحل بتاعي عنده عدة طرق :

اول طريقة انك تغش حالك ودي طبعا ماحاتقول لي عقلك انا حاغشك او تقيف قدام المرية وتقول انا كويس كويس كويس ل50 مرة 😅
بالعكس انت ببساطه حاتعمل حاجة بتحبها زي تقررا كتاب مثلا او ترسم اذا بتحب الرسم او تغني او تقرا قران وده اكتر حاجه بتريحك ..
يلا علشان كدا ده اول حل انت بتقدر بكده انك تخدع عقلك وتحول تفكيرك من التفكير في الحصل زمان للحاصل هسي وتخليه يفكر في الحاجة البتعمل فيها.
والتمرين ده للناس البتنفسن من دون سببب يعني تكوني طبيعي وتزهج فجاة

طيب الطريقة التانية :
- ودي انك تبذل جهد علشان تتعب عقلك وتشل تفكيرك ببساطة كولد ممكن تماريس تمارين رياضية او الجري او ممكن تشتغل اثقال في البيت او تعمل اي حاجة تبذل فيها كل طاقتك لغاية ماتتعب ..
بالنسبة للبنات طبعا حاتكرهوا حلي 😅 عندكم خيار تمارسوا تمارين رياضية او يوغا وده طبعا خيار او تقعوا غسيل عدة ومنها تنظفوها كلها وتكونوا استعدتوا سعادتكم او تنظفوا البيت وترتبوه وكدا 😅 هنا بتكونن نظفتن البيت كويس وفي نفس الوقت الزهجة بتروح ..

الطريقة الثالثة :
وهي انك تطلع من البيت وتتونس مع ناس بترتاح ليهم اهلك او اصحابك او صحباتك المهم ناس بترتاح ليهم شديد تطلع معاهم مكان او تتلموا في بيت وتعدوها ونسة ووالطريقة ذي صدقوني بعد تعملوها الزهج كله بروح..

ملخص الامر :
ببساطة الوقت الفاضي بيخلي عقلك يفكر في الذكريات السابقة ويركز علي السلبيات ااذا كان انكسرت كتيير او مريت بعلاقات فاشلة او فشلت في حاجات كدا عقلك ببدا يسترجعهن بشكل مشاعر ملخبطة وبتلقي روحك منفسن من دون سبب او مقلق او زهجان شديد ..
فعلشان نحل كدا اديتكم تلاته طرق والطرق دي مهمتها ببساطة انها تنقل تفكيرك عقلك الداخلي من التفكير في الحاجات دي للتفكير في الحاجات السمحة القدامك زي انك تكون مع اعز ناس ليك او تعمل حاجة بتحبها او تجهد نفسك لان لمن تجهد نفسك شديد عقلك حايفكر بالراحه والالم فبتلقي روحك يا نمت يا حاسي براحه لان تفكيرك انشل من الذكريات السلبية دي ..

د. ريان مامون:
طيب يخوانا..
بما إنه النظام الصحي في السودان سئ شديد وأكيد طبعا ما عندنا إمكانيات كافية عشان نقدر نواجة الكورونا لو وصلتنا سواء من فحص، علاج، حجر صحي أو غيره فالوقاية مهمة شديد شديد شديد، برانا الفينا مكفينا والله.
البوست ده حيكون فيه معلومات عن الكورونا لميتها من كم مصدر اهمهم منظمة الصحة العالمية فشيروه عليكم الله.
لو في معلومات جديده حأعدلها إن شاء الله ولو عندكم إضافة من مصدر موثوق ضيفوها في التعلقات

١. Corona Virus Disease COVID-19
عبارة عن مرض فيروسي بيصيب الجهاز التنفسي للإنسان.

٢. الأعراض:

الأعراض بتتراوح وتختلف من زول لتاني 🤔
يعني في ناس ما بتجيهم أعراض بالرغم من إنهم ممكن يكونوا حاملين للفيروس
في ناس تانية أعراضهم بتكون خفيفة زي حمى، كحة وممكن ضيق نفس 🙄
وفي ناس تانين بتجيهم أعراض حادة ممكن تصل لإلتهاب في الرئة وضيق حاد في التنفس.

أسباب الوفاة في الغالب بتكون بسبب حاجة اسمها Acute Respiratory Distress Syndrome أو متلازمة الضيق التنفسي الحاد أو بسبب ال Septic shock الممكن تأثر على الكلية وتعمل فشل كلوي حاد. 💔

طيب ليه الناس بتختلف في الأعراض:
في الغالب بسبب الإختلاف في المناعة + وجود أمراض مصاحبة
بمعنى؟؟
الإحصائيات اثبتت إنه الأعراض الحادة بتجي للناس العمرهم فوق ال ٦٠ بسبب نقص مناعتهم وضعف الرئة عندهم بالإضافة للمدخنين أو الناس العندهم أمراض مزمنه زي الضغط مثلا وغيره.

٣. طريقة الإنتشار:
الفيروس بينتقل عن طريق الرزاز من الشخص الحامل للفيروس.
لو الفيروس وصل عينك أو أنفك أو خشمك بيلقى طريقة إنه يدخل جسمك.
منظمة الصحة العالميه قالت إنه المسافة الممكن ينتقلها الفيروس من شخص للتاني عبارة عن متر واحد.
كمان الفيروس ممكن يستقر في الأسطح بس لحدي الان ما معروف بيقعد لمدة كم قبل ما يموت!!

٤. العلاج:

لحدي الان مافي drug او دوا مضاد للفيروس، في كم بحث حاليا لكم دوا لكن لسه النتائج النهائية ما طلعت للأسف.

العلاج عبارة عن Supportive therapy بمعنى ندي العيان دربات، اكسجين، نوصله بجهاز تنفس صناعي لو احتاج.. الخ الخ

لو حسيت بأعراض ضروري انك تمشي اقرب مركز صحي عشان تشوف الحاصل.

٥. الوقاية

طيب دي أهم حاجة من الكلام الفوق ده
يخوانا زي ما قلنا الفينا مكفينا فشنو الناس تعمل حسابها عليكم الله.
طيب نعمل شنو:
١. نغسل يدينا قدر ما الله ادانا بالمويه والصابون. حاولوا خلوا الصابون في يدكم لمدة كافية ورغوه واشطفوه بالمويه زي الناس.
٢. الناس ما تهبش عيونها وأنفها وخشمها كتير 😌❤️
زي ما قلنا ديل المداخل للفيروس لجسمك.

٣. لمن تجي تكح غطي خشمك وانفك بمنديل وأرمي المنديل في القمامة طوالي
لو جنبك مافي منديل، ممكن تستخدم المرفق بتاعك عادي يعني. لكن ما يدك عشان الزراز حيطير في يدك ومنها ممكن تنقله للأسطح وللناس التانيه
٤. السلام باليد مافي داعي ليه الأيام دي، سلموا من بعيد ♥️🌼 النيه واصله يعني.

٥. استخدام الماسك بالذات لو كنت طبيب معالج أو في مستشفى.
٦. قلل التعامل مع الحيوانات، ولو شغلك بيلزمك بإنك تتعامل معاهم، حافظ على غسيل اليد بالمويه والصابون أو المويه وأي حاجة فيها كحول.
٧. لو عندك سفرة لبلد فية المرض زي مثلا الصين، اوروبا عموما.. الخ الخ من الأفضل إنك ما تسافر لأنك ممكن تمشي تجيبه معاك وتجي.

أخيرا كده زي ما قلت، الفينا مكفينا والله.
فالناس تعمل حسابها وربنا يسهلها ويفك كربنا الكتيره دي ♥️🌼
Rayan Mamoon

يو سلام عليكم ... 😊❤️

الاغلبية هنا لو مما كلكم طلاب وطالبات طب ..

وشي عظيم وجميل جدا انك بتدرس الطب رغم المعاناة البتواجهوها من ضغوطات نفسية وفترات كابة وربما اكتئاب ايضا ..

بس دايما الحياة تحدي والطب عبارة عن غابة وانت الجندي المجهول والدراسه عبارة عن المغامرة فلازم تعيش المغامرة كاملة علشان تستمع بعدين بنهايتها ♥


الداير اقوله حابب اتكلم عن مشاكل القراية البتواجهكم كطلاب طب في البداية وبعديها ممكن نتكلم عن الضغوط االنفسية البتواجهوها ..

👈 بس دايما بقول لازم تسمع من اهل الاختصاص ارائهم ..

فاكيد اغلبكم لو ماكلكم مرا بمشاكل ففي الدراسة 😔 فداير اي زول يجي يحكي لي عن المشاكل الواجهته ولو اتخطاها يوريني كيف اتخطاها ..

وبرضو العنده نصائح لباقي الطلبة عن القراءة يجيني يوريني برضو وانا حانزل كل المنشورات البتجيني هنا ..

فده معرفي. @psycho299

بلا مقدمات:

بما إنو الوضع في البلد ما مطمئن و أهلنا البعيدين عن المجال الطبي في حوجة لينا
قررنا نعمل فريق طبي توعوي بحتوي على عدة لجان للتثقيف و التوعية بكل ما يخص فيروس كورونا.

اللجان المعنية هي :
- لجنة معلومات
- لجنة تنسيق
- لجنة إعلام
- لجنة إشراف

كل لجنة عندها مهام محددة بتقوم بيها حسب ما حنوضح لاحقاً..

دعوة لكل من يأنس في نفسه المشاركة بأن يكون ضمن التيم التوعوي ، والباب مفتوح لكن منسوبي المجال الطبي.

البرنامج حالياً تحت الإعداد و محتاجين لكل أفكاركم و مشاركاتكم.
النقاش و توضيح خطوات البرنامج حيكون بشكل أساسي على قروب مبادرة طلاب الطب على التلجرام :-

https://t.me/joinchat/CtXxJFeChRbK4Dy5xBtzww

" إنَّ هذهِ البِلاد تخُصنا، بكُلِّ سوءٍ فيها، و بكُلِّ أمراضِها و نظامها الصِّحيُّ الضعيف ..
إنها تنتمي إلينا و ننْتمي إليها ". ❤

#علي_سعيد

معذرة يا صديقي فالسنة الكبيسة ليست هي تلك التي يكون فيها شهر فبراير 29 يوماً
كلا..
السنة الكبيسة هي تلك السنة الدراسية التي تقضيها في ثلاث سنين شمسية أو قمرية 🙂

Just 4 fun 😁

- إنها خيرة الله ولا خير في غير ما أختاره عز وجل ، و حاشا لله أن يضرنا ✨💚

شهر كافي جداً إنك تحسن من ذاتك ❤️

تحفظ قرآن ✨
تاخد كورسات أونلاين
تبدأ تتعلم لغة جديدة
تظبط الإنجليزي بتاعك
تراجع مواد بيزك لو عندك نفس 🚶‍♂

هل تعلم إنو إجتهادك مع نفسك هو الببني شخصيتك..!
الجامعة بتديك شهادة.. لكن التعليم الذاتي بديك معرفة 🌸
و دا البصنع فرق بين الناس

تعلم من أجل أن تتعلم في المقام الأول ، مش من أجل الشهادة 🤞

#أ_ح_م_د

أقصد شهرين بي رمضان 😌

ما تخلوهم يضيعوا ساي.."-

أبوجنان يااا💙💙💙💙

حبيبي 💚