عالبقيع امن الالم حيلك الليله انهدم
لا مناره ولاعلم يا امامي
...........

الوحيد انته بحياتك عايش بدنية مصايب
تعذبت من هل زمن ماشفت غير المحن
ماكو يوم ايمر سعاده بلايه دمعه ولا نوايب
لازم تنوح بحزن عالاهل دومك تون
همك بكلبك تسولف المن وماكو كرايب
تسمع اهموم الكلب وانته ساكن بالغرب

ايعينك الله
هدموهه بيوت هاشم طيحو كل المعالم
ايعينك الله
بياجرح من تعتنيهم والجروح البيك بيهم
ايعينك الله

روحك شتحمل صبر منفجع تكضي العمر
وانته ضهرك منكسر ياامامي
................

اكصد اهلك ياامامي النامو بذيج المكابر
غربه والمدمع يهل والغرب ماينحمل
عينك الليله تشاهد ماكو گبه ولامناير
كبورهم صارت ترب منضر ايشيب الگلب
كلبك المكسور خاطر بالصبر روحك تكابر
شفت الام ومحن من وطن تمشي الوطن

ياحسرتك
من تزور الحسن جدك عالتراب اتخلي خدك
ياحسرتك
بيا هضيمه تنوح الهم بيك همه كل املهم
ياحسرتك

همك بروحك كثر شافت عيونك صور
تبجي دم اعله النحر ياامامي
..................

بالنفس تتهنه يمته وانته نار الغاضريه
منهه صدرك مختنك تشم دخان وحرك
وعالبقيع الليله روحك بالحزن نصبة عزيه
تنعه وتنوح بدمع و ونتك ماتنسمع
صارت كبالك الخيمه وعمتك الراحت سبيه
ساعة اخذوهه العده والجفوف مكيده

آ يزينب
صوتك بنبرة ونينه وين كفال الضعينه
آ يزينب
ابد ماتطفه جمرتك بيك عايش ضيم عمتك
آ يزينب

عفيه كلبك يحتمل يسروهه اعله الهزل
بيدك تحس الحبل ياامامي
...............

ماسمعنه بغير زينب هاشميه ويسروهه
وعينهه صوب النهر تريد فزعه من الكمر
وإلهه عباس شيجيبه حرمه زينب مارعوهه
هواي اذاهه الشمر ياهضيمه ام الخدر
ضلت اتنادي الكفلهه وليه يالمهدي ولوهه
وماحضر راعي العلم عينه طافيهه السهم

ياكفيلي
هواي نادت يوم عاشر الحك اختك بالمخاطر
ياكفيلي
رجع ازنودك الجسمك زينب انه اختك وحشمك
ياكفيلي

وبالكمر تدري شجره جفوفه طاحن عالثره
وعلى زينب ناضره ياامامي
................

سيدي لحسين جدك عالدمع محد يعينك
تبجي ودموعك دمه وتندب امك فاطمه
وبالسهر ليلك تخلصه عالنحر زايد ونينك
خنكو بريته النَفس وصدره بي حافر فرس
يوم عاشر من محرم خضبو لحية حسينك
وطهر بدمه الارض وتمم الربه الفرض

والظهورك
ندعي يارب البريه عجل بثار الزجيه
والظهورك
نرتقب يالمهدي سيفك تاخذ امن اعداك حيفك
والظهورك

ننتضر يابن علي همنه بسمك ينجلي
شيعتك وانته الولي ياامامي



محمد هادي العقابي

هاي الدنيه ابد ماخلت احباب
بغربه اعزاز گلبي جوه التراب
صب يادمع العيون
الراحو ما يردون
..................

عله طاري البقيع ويومه ومصابه
ضل كلبي الهضم والنوح محرابه
بحزانه الدهر فاتح عليّ بابه
أعز الناس مدفونين بترابه

مشتاك التربهم والله مشتاك
بعد روحي ابد ماتحمل افراك
همه بحالي يدرون
الراحو ما يردون
.................

لبو محمد إمامي الروح مشتاگه
ماعندي گلب يتحمل افراگه
ويه الحسن يمته يحين الملاگه
حنين البيه منه تاخذ الناگه

شكد اسهر وضل محارب النوم
من زيارته ليش اني محروم
لكبره اوصل شلون
الراحو ما يردون
.....................

علي السجاد ياهو اليعرف شلونه
جم مصاب يهضم شافت عيونه
ابد لا ماخلص من اليضدونه
ليش بياذنب كبره يهدمونه

خلص عمره ابد مانشفت العين
يشرب ماي وينوح اعله الحسين
بجروحه يلجمون
الراحو ما يردون
.......................

الباقر عاش لجمه وهدمت حيله
أمر بالطف وكول شينسه ياليله
رقيه وياه بدرب السبي وتحجيله
ومن سوط المتن كلساع تشكيله

رفاكه ثنينهم والگلب محتار
عله الرمله مشو وادري الرمل حار
تحامي بيهم ام عون
الراحو ما يردون
.......................

يمر ذكره عليه وروحي محتاره
وآنه وحزني نتعناه خطاره
عله الصادق تضل عيوني تتجاره
شاف بعينه نار وتحرك ادياره

هامت روحه وسط البيت محتار
شلون بخيم زينب شبت النار
والأيتام يبجون
الراحو ما يردون
...................

احير بياكلام احجي واوافيهه
والزهره الزجيه راضيه اعليهه
هدمو كبر ام عباس تاليهه
تمنيت الگمر حاضر يحاميهه

عايش عمري كله بجمرت الاه
ماناسي البقيع ويومه والله
ماانسه اليحنون
الراحو ما يردون





محمد هادي العقابي

زينب اذكروها
الرادود احمد الكاظمي
الشاعر محمد هادي العقابي
مسجد وحسينية أئمة سامراء
بغداد مدينة الصدر قطاع ٢٣
للمشاهدة اضغط على الرابط
👇🏻👇🏻👇🏻👇🏻👇🏻👇🏻👇🏻👇🏻
https://youtu.be/y_iLAJWW-aM


الحسابات الشخصية للرادود احمد الكاظمي
التلگرام https://telegram.me/Molaahmad

التويتر https://twitter.com/ahmad_alkazme?s=09

الانستگرام ahmad.alkazme@

الفيس بوك الرادود احمد الكاظمي

السناب ahmad.alkazmee

ونرجو الاشترك وعلى قناة اليوتيوب ليصلكم كل ماهوجديد من اعمال ومجالس حسينية

[ أخاف من القصور وياك يحسين
بكثر ما أفرح من اكتب قصيدة ]

#رزقهم_سلام_الله_عليهم
https://t.me/mosoeh

خدام الحسين ع أدعوكم للاشتراك بقناة الشاعر المبدع حيدر الموسوي ☝️☝️

‎الخادم علي هادي الخزعلي قصائد حسينية في خدمة محمد وآل محمد عليهم الصلاة والسلام https://t.me/alihadi2334‎

خدام الحسين ع أدعوكم للاشتراك بقناة الشاعر المبدع علي هادي الخزعلي ☝️☝️

يالصادق اليله ... المهدي نهدم حيله
خلص دمع عينه ... ودم مدمعه ايسيله
.....................

ياامامي بكل گلب حزنك جمرته
ايساعد الله المهدي هليله بكسرته
يوم عن يوم الولي تكبر حسرته
اربعه وعشرين ساعه تصب دمعته

ينعاكم بونه........ الماكو احن منه
وايحّير اونينه....الراحو هله عنه
.....................

ابد ماشاف السعاده بكل زمانه
وغايب امن عيونه وعايش ويانه
واحنه متحيرين بالطافه وحنانه
انريد شوفت وجهه لو نندل مكانه

مانعرف اضروفه...هنياله اليشوفه
يمته يرد لينه.....مغطينه معروفه
.....................

اتعاشر اويه ادموعه مايصبر بلاهه
وماكو كاع بدمع عينه مارواهه
اتهيم روحه اعليكم ويمشي بوراهه
ويم ابو السجاد اكثر شي لكاهه

وانته اعلم بحاله...السحكته الخياله
وانصاب بجبينه....وعينه على عياله
.....................

اتنام خلك الله ويضل سهران ينعه
هواي عنده جروح بس عمتك تفجعه
زينب الضلت غريبه تريد فزعه
وهوه يترقب ضهوره بيوم جمعه

متاني فرج روحه....وتتكاثر اجروحه
بس الله اليعينه...الهمه وكثر نوحه
.....................

الدنيه ابد مارحمته وشاف الاذيه
وينهظم لمن تحين المغربيه
يختنك باليل ودموعه جريه
ايعيش يوم العاشر البلغاضريه

ويتلاوه وي صبره....ويحني الالم ضهره
ويطولن اسنينه........بصدره تضل عبره
....................

هاي حال الراحو اهله وكل عمامه
على وجهه ماكو شي اسمه ابتسامه
اليل من ايمره يتمنه ينامه
يبو الكاظم والزمن تكتل اسهامه

ايضل عايش بغربه...وكبوركم دربه
بيك احنه واسينه....المهدي وكسر كلبه

محمد هادي العقابي

اه والف اه اعليك موحش بالغرب دارك
يايوم الزمان ايدور ونتعنالك انصارك

وضريح انشوف وعليه انطوف
بشوك ولهفه زوارك
................

يالصادق صدك بينه جمره وبالگلب تسعر
يامضلوم ماناسين بالسم جبدك تفطر
بمصابك نريد هناك بهاي الفاجعه نحضر

وضريح انشوف وعليه انطوف
بشوك ولهفه زوارك
................

واجب حبكم ومفروض وانتو الامل والغايه
يمته انعاين امن ابعيد ونشوف الكبه والرايه
مثل مانمشي للعطشان لكبرك احنه مشايه

وضريح انشوف وعليه انطوف
بشوك ولهفه زوارك
..............

بيك الدهر يامولاي يمته هناكه يجمعنه
ونتعنه البقيع انزور وتخمد كل مواجعنه
ابدال السور والممنوع ننصبلك مواكبنه

وضريح انشوف وعليه انطوف
بشوك ولهفه زوارك
..............

انته اتحب عزاء احسين ويوم العاشر ايفجعك
و وناتك على زينب شجيه وناسك تسمعك
يمته بصحنك نقيمه المجلس يل يهل دمعك

وضريح انشوف وعليه انطوف
بشوك ولهفه زوارك
.............

رزقنه الباري يامولاي وافضل رزق هالخدمنه
محبتكم يأهل البيت متضاهيهه كل نعمه
الشيعه الجعفريه اليوم تردد كلهه فد كلمه

وضريح انشوف وعليه انطوف
بشوك ولهفه زوارك
.............

هواي الشيعه يامولاي تدعي الفرج مهديهه
من ضلم الزمن والجور ومن الطاغي يحميهه
وكبور البقيع اتنور بيده المهدي يبنيهه

وضريح انشوف وعليه انطوف
بشوك ولهفه زوارك


محمد هادي العقابي

شتذكرت من شبو النار
ركضة حرم لو صوت الزغار
يالصادق ووحده من الثنين
بياهيه منهن كلبك احتار

................................

بيوم شفت النار تصعد ياهو صار ابالك
ومن شفت مخبوص بيتك والرعب بعيالك
بذيجه ساعات القساوه شصار بيهه بحالك
من اللهب كل الفواطم خلصتهه بجالك

وطمّنت من شفت اللعيال
والخايف تسكته من الاطفال
بهاذه الفعل بالك سرح وين
واعله العقيله كلبك شكال
..........................

الدار معموره وزهيه وانته بيهه الوالي
وطلعو اعيالك سلامه ومافكدت اي غالي
وانته بالسانك كلتهه اجت عمتي ابالي
من شفتهه اعيالي فزعت مردّو دلالي

مرت عليه اسماء الاحباب
سكنه ورقيه وستر الحجاب
ولعمتي زينب تدمع العين
حرمه وغريبه والكلب ذاب
..............................

انه هذا مصابي هين ناري انه مطفيهه
جمعت بالحجره اهلي خوفي لاتجويهه
وزينب النيران اجتهه وصلت الرجليهه
وندبت العباس عمي مافزع واليهه

ذيج المصيبه تجّرح الخدود
طاح الكمر والريه والجود
وتنادي يلكافل صرت وين
ياخويه ميوكفنك ازنود
..............................

اعيالي من الخوفه عطشو شربتهم ميه
وبالشمس ماطلع واحد سكف بيتي الفيه
وضلت ابلا ماي لافي زينب العلويه
الهسه وبكلب العقيله النار مامطفيه

من حكي لو اعميهه العيون
من اسمع بزينب يكودون
ضل الحبل طابع بالايدين
وخوتهه راحو مايردون
................................

اللوعه ماتطفه بدليلي ودوم ناصب ماتم
والتشابيه امن اسوي دمع عيني يجري دم
اه يحسين ومصابه المنذبح ومخذم
قرح اجفون الايمه ومانطيب ابلسم

ادوانه بدولته المهدويه
من ياخذ بثار الزجيه
ويحاسب الي اذه الحسين
ادعو اله يالجعفريه
...............................

لاتكطعون بدعاكم بالفرج منجاكم
ترقبو الطلعه البهيه الي تسر عيناكم
انتو التسميتو بسمي وانه اضل برجاكم
تعتنون ازياره اليه ويجي المهدي وياكم

هوه القيادي بهل زياره
يكصدني ويجيب الغياره
ياشيعتي وانتو المعزين
يلي تفكدون الحياره
................................


محمد_هادي_العقابي

تدري ماناسيك مولاي
بيه لهفه الكبرك هواي
يايوم اشم اتراب الاحباب
ينزل الگلبي بارد الماي
......................

سيدي انته وامامي جعفر الصادق فخر
اسست مذهب حياتي وفظلك الكل البشر
البحر قطره بوسط علمك ماله يمك اي اثر
علمك شكد ناس خله الليل تكضي بالسهر

بهل علّم سهّرت العيون
مدرسه وهالناس يقرون
انته ما يحويك الكتاب
بنوره علمك تارس الكون
...................

مذهبي وباقي المذاهب رايتك بيهن ترف
سيدي مغركنه فضلك والله ابد ماينوصف
بعض من هل ناس جهلت هل حقيقه وتختلف
تبعو الكله اذيه وماله يم الله عرف

شامخ وأعله منالنجوم
سادس ايمام انته معصوم
نور ساطع لحظه ماغاب
المايشوف النور محروم
..................

هواي ضحيت اعله دينك جاهدت لاخر نفس
تحچي باليرضاهن الله وغيرك بحچيه انحبس
الباقي وياك اعله نهجك هذا خيعونه الدرّس
والتخلف عن طريقك من رحمتك مالمس

انته رايد زين للناس
اعليك غيض اتجر الانفاس
تعرف انته بهاي الاسباب
سوالف الله الكلهن احساس
.................

انته واهلك صفحه بيضه وماتدورون الطمع
اشجم فقير اشجم يتيم بخيرك ارتاح وشبع
وينهم اهل الكراسي الترسو اكليبك وجع
كلهه راحت وانته باقي بكل كلب اسمك طبع

من حقدهم متت مسموم
اعليك كلبي اليله مالوم
مصابك بدلالي لهاب
يمته ازورك طال هاليوم
....................

هواي اسولف ويه روحي ودمعتي بطرف الجفن
وتنزل اعله الخد واكلهه احله شي هذا الحزن
انه مرتاح بحياتي جي على امصابك اون
بالكلب انته مكانك بالغرب ماتندفن

لاتضن فد يوم انساك
اصفن انه ابالي الكاك
اعليه ذكرك كل وكت هاب
مثل الهوه مااحمل اجفاك
.....................

ادعي الله واليحبهم اهلك اهل المرحمه
بحب الحسين وخدمته كون تكضي الخاتمه
جفوفي تلطم على صدري بدنيتي متعلمه
ومن اغمض عيني رايد ابجي وانصب مأتمه

ما امل لو عندي عمرين
صبح ومسه الطم على حسين
كل حياتي بهاذا المصاب
مذنب وبس هاللطم زين


محمد هادي العقابي

لابد يجي اليوم النريده
ونزور ابو ديار البعيده

ياصادقَ القولٍ سلاماً يا امامي
........................

ياابو الكاظم نجيك بكلب مشتاك
صبر ماعدنه بعد نتحمل فراك
احله ايام العمر جمعة العشاك
من يشوف الي يحبه وكلبه خفاك

وتسولف العين بدمعهه
سوالف قهر محد سمعهه

يم كبرك اوكف سيدي وابدي بكلامي
ياصادقَ القولٍ سلاماً يا امامي
.........................

ماتضل بديار غربه وعندك اتباع
حيدره مربيهه بيده زلم واسباع
واليطالب يبقه عل حك حكه ماضاع
نعتنيك بجدم حافي نرجف الكاع

نتحزم ونهتف سويه
ارض البقيع الجعفريه

والمهدي ينطر للفرج وكليبه دامي
ياصادقَ القولٍ سلاماً يا امامي
........................

ياإمامي انته عرشك على الدلال
غير طاهه وال بيته الكلب ماشال
حبكم ايسير بدمانه واحنه اطفال
اسم جدك علي من انكوم ينكال

نندب علي ونتنخه بسمه
وتنزل علينه من الله رحمه

كل شيعي يهتف حيدره ذخري وّسامي
ياصادقَ القولٍ سلاماً ياامامي
............................

الك بينه الشوك فاير مثل بركان
ومثل ماانته حزين نعيش بحزان
ننتظر طلعة ولينه وبيده برهان
راية العباس بيهه النصر عنوان

رايه كمر هاشم عجيبه
يسلمهه للمهدي حبيبه

ويم كل نهر يكتب بعد ما اكو ضامي
ياصادقَ القولٍ سلاماً ياامامي
.............................

تضحكلنه الدنيه وتشع منهه انوار
من نكول اليوم متعنين خطار
ندري يالصادق تتاني بعتبة الدار
شكثر مشتاكين لستقبالك الحار

تهلي وترحب باليكصدك
والحاجه تكضي هناك عندك

وتقبل اشواك الخلك هايه وسلامي
ياصادقَ القولٍ سلاماً ياإمامي

محمد هادي العقابي

السلام عليكم ورحمة الله وبركاته
خدام الحسين ع ارجو منكم نشر رابط القناة حتى يوصل لجميع خدام الحسين اكون ممنون احبتي
https://telegram.me/raadghurikhi

انور السهلاني
خادم المنبرالحسيني
انور السهلاني

عشكت #حسين وانه صغير
طفل وتحسر على اسمه
وادعي الله شكثر مرات
بس . يرزقني. الخدمه
https://t.me/Sahlanya

الما يعلم اكيد نزيده معلومه
بذكرها ولفض اسمها تنجلي همومه
كون أمن الگلب تطلع الف مبروك
ولادة فاطمه اخت الرضا المعصومه

متباركين بولادة السيده فاطمه
المعصومه عليها السلام 🌹🌹