ميمر


لوناوي الحمول     اطيح      وذنوبك المكتوبه
بس الحسين    اينجيك   اعلن عله ايده التوبه
.............................

انسه الي فاتك والكضيته بعصيان
حسين هوه الرحمه من الرحمان
لتخلي يتغلب عليك الشيطان
وتالي المطاف تشوف روحك ندمان

صفي الكلب  للمحبوب     وخلهه تطيح ذنوبه 
....................................

كلبك ونيتك من صدك صفيهن
لتخلي كل منكر يفوت عليهن
يوميه حاسب نفسك ولاويهن
اي زله للموزينه لا تنطيهن

شن الحرب   وي الروح   روحك تظل مهيوبه
.....................................

مهيوبه روحك تبقه لاخر عمرك
لتخلي غير حسين شاغل فكرك
هوه اليوصلك عالسراط يعبرك
تخسر لون بموتتك ميحظرك

بابه الوسيعه     وهل باب    بيهه تشوف اعجوبه
......................................

باب الحسين مشرعه وماتنسد
ومن ينطي واحد هل عطيه بلا حد
ومن الكرم نار البكلبك تخمد
والفرح يبقه ملازمك يد بيد

لاتبقه عايش    بحزان      روحك تضل مصيوبه
.................................

مهمومه روحك تبقه لوجافيته
شمحلاهه من تحظر عزه واسيته
وصيح انه الحسين بصدق حبيته
ومن هسه اعلن توبتي واليته

وابقه اعله هذا    المنهاج    محبوب وي محبوبه
..................................

والله اقسملك تعيش احله ايام
بهاي المجالس ورتبط عام بعام
جنة ارض هايه وتحيط الخدام
كل دكه الك فوك الصدر هيه وسام

تفتخر بيهه   وللموت  كل لحظه الك محسوبه
......................................


محمد هادي العقابي

نزله


ندبناك ياعلي         دعيناك ياعلي
انريد ارضاك ياعلي            حيدر مدد
......................

ياعلي نقسم عليك بهل ليالي الصعبه
عله كلبك ياامامي وبيهه شفت الغربه
احنه خدامك وجينه وعدنه يمك طلبه
نريد ماي الجنه حيدر من اديك انشربه

يسكاي ياعلي           على الماي ياعلي
هويناك يا علي           حيدر مدد

.......................
تعبه دنيانه يحيدر ونته اعلم بيهه
شماتمر بينه المصايب حبكم يحليهه
احنه بدمانه كتبنه ولايتك شاريهه
والدليل بيوم عاشر روسنه اندميهه

يصيحون ياعلي        اليطبرون يا علي
 ماننساك يا علي         حيدر مدد
...........................

ياعلي متروس غيره انته يابو الحمله
علخدم ماترضه واحد يحجي حته بزله
انته تدري باليصير وبين ايدك  حله
اليحجي عل خدمه وعلينه يبو حسين تشله

اليخدمون ياعلي          يتانون ياعلي
انريد حماك ياعلي        حيدر مدد
...........................

الك يابو الحسن بينه محبه ماموصوفه
شيعتك وبزود فعلك بالاسم معروفه
من يمر عالضالم اسمك يرتجف من خوفه
شلون لو شخصك اجاهم والعيون تشوفه

يبغظون ياعلي             يموتون ياعلي
تبعناك ياعلي               حيدر مدد
.........................

يبو الحمله شمانسوي مانوفي افضالك
انته ضحيت بحياتك وتبعوك عيالك
ثوب ومفصل عليك المرجله وتحلالك
ياعلي ربنه ورسوله شاكرين افعالك

شكد ضحيت ياعلي    من اهل البيت ياعلي
انصير وياك ياعلي       حيدر مدد
.................. . ...........

وياك نبقه للمنيه ياعلي منعوفك
ذبنه من يوم السمعنه حيدره بحروفك
نضرت الوادم علينه تختلف عن شوفك
انته من تنضر علينه تنضر بمعروفك

يضرغام ياعلي              احنه ايتام ياعلي
اجيناك ياعلي                حيدر مدد
..........................




 محمد هادي العقابي

نزله بحق ابو الفضل العباس ع



حيل شيل ايدك ودكهه لبو فاضل
ابو فاضل شبل حلال المشاكل

عله صدرك ها يخادم حيل دك بجموعك
ويه كل لطمه تطشر كون بيهه دموعك
وصيح انه يابو فاضل حاير بموضوعك
خالقك يانوع ربنه شخله بين ضلوعك

تصيح وانته ابطن امك انه كافل
ابو فاضل شبل حلال المشاكل
...........

عنك الرايد يسولف ياوصف يختاره
ونته سبعين الف كلهه بضربتك محتاره
انته حيدر لو علينه مسلمك فقاره
يرتعد كل جيش اميه من تشن الغاره

بصوت عالي تنادي الا هل من منازل
ابو فاضل شبل حلال المشاكل
...........

من الشجاعه اشكال شفنه مومثل شخصيتك
انته سبحانه وتعالى ربنه رافع صيتك
خالصه لحسين اخيك يابو فاضل نيتك
بلكي تتكرم علينه بعشر من تربيتك

حته هم انصير عالحق مانجامل
ابو فاضل شبل حلال المشاكل
..........

اليحبك راد يوفي وحيره عنده بأمره
والك شيقدم مقصر لو يضحي بعمره
انته روحك وذرتهه كلهه لبن الزهره
الوفه يمك ويوكف منه ناخذ عبره

الله مو منزله ذاخرلك منازل
ابو فاضل شبل حلال المشاكل
...........

من وصلت اعله الشريعه والعده متانينك
كلهه شردت شرده وحده من خزرت بعينك
هذا امه داعيتله الخلص من ايمينك
 من يضل اليوم روحه تطلع بجفينك

منو يكدر يوكف بوجهه ويقاتل
ابو فاضل شبل حلال المشاكل
........

للعجب ضفت العجايب يبو الغيره بزودك
جيش اميه عنده واهس على كطع ازنودك
تبيد رجليه ويصوفر من يصل لحدودك
انته واحد لجن فيلق تمشي وي اجنودك

شبعتهم رعب يالسيفك زلازل
ابو فاضل شبل حلال المشاكل





 محمد هادي العقابي

نعي

بديره غربه وليله وحشه ومضلمه
وبس حرم والموقف اعلينه صعب
زينب وكافلهه المخوف الرجال
شلون وحدهه تطب ديره غرب
اه ياعباس خويه ولوتشوف
شلون حالي ويه اليتامه بالدرب
احجي وي روحي صدك معقوله هاي
اني زينب بت علي شلون انضرب
والايتام تلوذ بيه امن السياط
احلامهم اصبحت بس خوف ورعب
خويه تدري تحملت كل الهموم
وانه مثل الناس هم عندي كلب
تدري ابد ماتنحمل شوفت يزيد
شلون زينبكم بديوانه تطب
بالي كله ابقه يمكم يلعزاز
شلون امشي وعايفتكم عالترب
ريت وياكم اموت ولا اشوف
خويه كطع نحوركم والدم يصب
...........

شكو لوعه علي دهري صباهه
بعدكم ياضوه اعيوني وصباهه
الشمر تدرون لمتوني صاباهه
بسوطه والاثر ليهسه بيه

محمد هادي العقابي

نزله


بالروح الك جمره
يامهجة الزهره
منك ردت نضره .....يمولاي
...........

يسلطان العشك...الك كلبي يدك.. .يرب مانفترك..آنه وياك
ذبت بمحبتك..وعيش بصايتك...اضل بخدمتك...ماانساك
اعله ريتي اتمر هوه..وعلى جروحي دوه..الگلب  لاماهوه..بس يهواك

اكلك احجايه
احبك هوايه
منك ردت نضره...يمولاي
..............

بخدمتك افتخر...يالمحلي العمر...عليه شكد يمر...ضيم هواي
وحكك هالزمن...يجازيني بمحن...صرت انته الوطن...وكل دنياي
الك يامنيتي...اصبن دمعتي...شريد بدنيتي...وانته وياي

يسيد اخلاقي
يالعايش وباقي
منك ردت نضره...يمولاي
...............

طريقك خطوتي ...عزائك هيبتي...حبيبي وغايتي..اخدمك زين
اهيم بكل وكت... مثيلك ماشفت اذكرك لو صحت.. نور العين
احبك وبفخر...يسيد عالبشر...اصيح انه بقهر...آ  يحسين

عايش انه بخيرك
يالما الي غيرك
منك ردت نضره...يمولاي
.................

صرت انته النفس..دليلي بهايه حس..عليك اسود لبس...كل الكون
يهنياله الوفه...الك وبمعرفه...يروح العاطفه...من يحجون
اكلهم رحمته...جبيره ورافته...انوح الغربته...وتسمعون

يالساكن ابالي
ومغير احوالي
منك ردت نضره....يامولاي
...............

اهل دمعي صدك..عليك واحترك...يدمعات العشك..تشفي الروح
عليك بكل وكت...دمع عيني يكت...حزام تحزمت...لجل النوح
اضل طول العمر...ادكلك عالصدر...ومنك اعتذر...مامجروح

بس عايش بجرحك
وبراسك ورمحك
منك ردت نضره....يامولاي



محمد هادي العقابي

ميمر مجنس


يم النهر   واكف كمر
ماسامّعه  بهذا الخبر
بس اعرف ابني العباس   هوه الفرات ومايه
..........................

بّمحّبته بس ربي هوه الداري
عباس عالعيله المحامي الداري
كتله ييمه لا ترد الداري

ومن هل سفر    لو مر خطر
لحسين افدي بالنضر
ولاترد من دون حسين   ما إلي وياك حجايه
....................

انته التحرم المشرعه وتحلهه
وكل مشكله انته التجي وتحلهه
عكدة الرايه يمه حين تحلهه

يم الخيم     دك العلم
وعينك ييمه اعله الحرم
واطفال الحسين هناك   انته الهم التجايه
......................

عباس مغضب من طلع وتحده
وكتله انته كافل لضعن وتحده
سيفك تسله اعله الرگب  وتحده 

كون بعزم    تفني الزلم
عباس اعرفنك شهم 
عدوان تنتظرك غاد   وانته التدك الثايه
.....................

معروف ابو فاضل بطيبه وجوده
خير وسعاده اعله العقيله وجوده
راية نصر بيده وترف وجوده

منه ارتوه    حته الهوه
ماي الكفيل اصبح دوه
هنياله اليحصل ماي   من جربته الوفايه
.......................

اجيوش العده انجوم الضهر  راواهه
التاريخ سجل وبفخر راواهه
وسكينه من مي جربته رواهه

عالمشرعه     متوزعّه
منهو الي يكدر يمنعّه .
تحتار كل الالاف   لمن تشوف الرايه
.......................

ام البنين اني وحياتي مره
ومن دون ابو السجاد صارت مره
راح وبعد ماضن إلي بي مره

اباب الصبر    ابقه انتضر
مايسوه من غيره العمر
خيمتنه الحسين هواي   محتاجه انه لفيايه
.....................


محمد هادي العقابي

نزله


يمسلم لا تهم
تراهم  مو زلم
ونته بيك اتجمعت كل المراجل
..................

انته صولاتك تهز الكاع بيهم
كافي منك بس لون تنوي عليهم
اسيوفهم ترجف يمسلم بين اديهم
من الرعب والخوف ماتسمع دويهم

يخافون ياشهم
يعرفون تنتقم
لو دخلت الحومه يعني الموت عاجل
...................

ناصر الدين انته مسلم عالي صيتك
كل رجال الكوفه ماتملك حميتك
بوكتك انذّلو  تراهم من مشيتك
عدل دربك تمشي وابئيدك منيتك

الك صوت يعتلي
تنادي ياعلي
علي وياك احزام ضهرك من تقاتل
....................

انته ذيج اللحضه تتملك اراده
ومرت اعليك احله ايام السعاده
مكضّي كل اوقاتك الربك عباده
وقررت لازم تحصلهه الشهاده

نذر صار هالدمه
فديته الفاطمه
وتاج للعز والفخر عالراس شايل
....................

بتت ليله ابيت طوعه وكافئتهه
وعلى طاست ماي لجنه خذتهه
طوعه يامسلم تره انته الخلدتهه
وهيه تستاهل مواقفهه ارفعتهه

على الراس مفخره
التناصر حيدره
مومثل باقي النسه يركبن محامل
.....................

كلبك شكد حب الحسين وفديته
بروحك ودرب العشك انته البديته
عابس وهذا الجنون العله صيته
توذرت كبله وقميصك مزكيته

فدائي وماتمل
والجدام ماتزل
وبالشهاده مسلم انته امن الاوائل
.....................

شوّف العدوان شنهيه المراجل
وصيح يحسين بضربتك من تقاتل
مسلم الهاي الرساله انته كافل
وعلى الحق ندري يمسلم ماتجامل

يهنيال خدمتك
للحسين موتتك
خادم وناصر صرت نعمه المناضل

 
محمد هادي العقابي

الملا نجاح الكعبي:
[ يم النهر ]
الملا نجاح الكعبي
الشاعر _ محمد هادي العقابي
موكب الإمام المنتظر (عج) ديالى _ الخالص _ جامع الخالص الكبير
مكساج ومونتاج _ محمد كاظم مجيد
الإشراف العام _ ولدان فاضل
تنفيذ _ مجموعة ميامين
👇 👇 👇
https://youtu.be/zuReJ40M0HE

روحي بيهه اليلة الثانية من محرم ١٤٤٠

الرادود
#حسنين_الواسطي

كلمات الشاعر
#محمد_هادي_العقابي
‏
تصوير والإشراف
محمدصادق الأسدي
احمد باهنر
بهاء النقاش
تسجيل الصوت:
نذير مصدق
امين الدهلكي
مكساج الصوت
صالح مقدم
‏ مونتاج والإخراج
محمد_الطائي
‏mohamataei87
المكان
#مؤسسة_الإمام_الصادق_عليه_السلام
‏
#الدانمارك #مجالس_مدارس
➖➖➖➖➖➖➖➖➖➖➖
قناة اتليجرام⬇⬇⬇⬇
الرادود حسنين الواسطي


https://youtu.be/3oG9iC6qjIE

تنويه ✿

العلامة الاميني (قدس سره)
كان من عادته أن في ليلتي التاسع والعاشر من شهر محرم الحرام يخرج صدقة باسم صاحب الزمان (عجل الله فرجه) وكان يقول أن في هذه الليالي يكون قلب الحجة معتصرا بالألم والحزن ... إرسل هذه الرسالة إن استطعت لتكثر الصدقات في سلامة قلب صاحب الزمان روحي فداه

ليلة الوحشه


خذت حيلي ليله الوحشه يخوتي
شكد عليكم صيحت واتمنه موتي
لاحسين الرد عليه
ولا الدك صدره اليه
............................

راح اضلن وحدي مشدوهة البال
منهو ياخوتي يلم وياي الاطفال
امن الشمر اسمع كلام يهز الجبال
هايه بت حيدر تكودوهه بالحبال

عله السان الشمر خويه انجاب اسمي
كالي  ها  يا  اختهم   صرتي    يمي
اله اكودنج سبيه
لاحسين الرد عليه
............................

خويه صرت بموقف احتار العقل بي
ردت  واحد  منكم  يكوم  ويحاجي
مااظن   ترضون   زينبكم   تماشي
غصب عني وبالسياط الدرب اكظي

كمت  بالخطوات  اتعثر  واطيحن
يابو فاضل ياحسين  اندب وصيحن
وينكم يهل الحميه
لا حسين الرد عليه
...............................

جابو النوك  وكفيلي  مالمحته
اني متعوده يجي ويثني  ركبته
من يصعدني بتسامه بوجه اخته
شكثر حلوه ياخلك خيي رفكته

هسه امشي ويه الذي اعليه تجسر
واحد يسب فاطمه والثاني حيدر
والحبال مكيده اديه
لا حسين  الرد  عليه
..............................

خويه عندي عتاب وياكم يالثنين
مااريدن تنجرح من عنده يحسين
ولاابو الغيره الفكد للخوه  جفين
عتب كلبي مو لساني اسمعو الونين

خويه راح امشي شعجب ماكمتو وياي
ادري  خوتي   احيود  ميعطلهم   الماي
هسه اريدلي تجيه
لا حسين الرد عليه
.............................

حان وياكم وداعي بهل مسيه
ماتطيب النومه الكم موهنيه
يعني تغفه عيونكم واني سبيه
يالله نكتو هدومكم من عل وطيه

لاتخلوني احير وتهمل العين
والعده يردون بينه مدري لاوين
ويني   وين  الاذيه
لا حسين الرد عليه

...................

راح اودعكم واخلي كلبي يمكم
خافن تكولون عافتكم اختكم
ولو رجف كلبي بغيابي يعني بتكم
ارقيه اجت ليهه المنيه وشاركتكم

هاي روحتكم بعد مامنهه جيه
راح اعيشن دمعه بعيون الزجيه
وابقه اكولن للزجيه
لا حسين الرد عليه


 محمد هادي العقابي

ليلة دفن اجساد
ها ياعلي السجاد
المن ادموعك تهل من الّي شفته
تمشي بضهر مكسور       
داير هلك ميدور
حسين راح وابو فاضل فارك اخته
..................

شكد يألم منظرك...الله يجبر خاطّرك
فاكد اغله الناس ياعظم المصيبه
والكلب شيصّبره...ماتو اهلك بالسره
وشفت ابوك شلون من فارك حبيبه

كلبه وي ضهره نكسر من طاح الاكبر
اجه يشيله وماكدر صاح وتَعذر

من حقه كلبه الطاح 
شيشيله كله اجراح  
علي الاكبر هذا أنفاسه اليشمهه
ضاك الهوه اعله حسين 
وعالخد فتح نهرين 
وعله زينب خاف ضماهه دمعته
.......................

عفيه كلبك وحتمل...زادت اعليك العلل
ياعلي السجاد ماينوصف حالك
ارد اسألك من شفت...حال الحسين شكلت
على دموعك كلشي بالدنيه بجالك

آ  يحيرت كلبك المامنهه حيره
من جمعت اعضاء جسمه بالحصيره

صوت النحر اذاك
 بالدفنه من حاجاك
على خيك راده ينحط فوك صدره
من السهم هل نام
عبد الله كله الام
صوته مافارك خيالك من سمعته
.....................

شلون ضل بيك العمر...وانته تحفر بالكبر
وّسدت عبد الله بيدك فوك صدره
وين صار بياكتر...كّلي بكتار الكبر
حسينك ادري سحكته لخيول عشره

يعني سحنو كل ضلع مابقه سالم
وخايف ايفز الطفل مايبقه نايم

نايم عزيز الروح
نحر بنحر مطروح
يبقه طول العمر غافي بعز منامه
ايحب صدر ابوه هواي
مثل النهر للماي
انحرم منه حسين ويريده بدفنته
.....................

عالشريعه من رحت.....وانته تمشي تعثرت
امن الهضم مابيك حته تشيل جدمك
كمر شفته اعله الثره...الدمه لونه مغيِره
والسهم طفه الضوه من وجه عمك

جفوف شيال العلم وسفه رميه
هذا ابو فاضل المخوف الوطيه

احا يضرب الهام
هوه الحرك لخيام
لومه هل عامود ماطاح ابو الغيره
الدك صدر مامات
جفينه موجودات
بيهه تتنخه العقيله اعله معزته
..................

شلون صارت رجعتك...والعقيله تلكتك
تسأل اعله الجثث تدري الحر صهرهه
زينب اشالت الم...فاكِده اخوان وخيم
زين من رديت ماخلص عمرهه

تره بس هيه تّعرف معنه الخويه
الفاكده العباس ماعدهه تجيه

تنعاهه لو تنعاك
لتظم دمع عيناك
بعينك الدنيه ضلام وعين عمتك
يبقه الاثر ميروح
بيدك واديهه اجروح
بغير اهلكم هل حبل ماتشفه علته 


محمد هادي العقابي









 

حسينيون
قناة الشاعر
علي العابدي النجفي
https://t.me/husainioon

https://t.me/hussinabdaljalel

قناة الشاعر حسين عبد الجليل المالكي


ساهم بنشر هذا القناة على جميع مواقع التواصل الاجتماعي لكي تصل الى اكبر عدد ممكن من خدام الامام الحسين ( عليه السلام )

تختص هذا القناة بنشر القصائد الحسينيه ( كتابه )

نعي

حده الحادي وعاين ماكو عباس
وروحي اتلوعت من الاذيه
راح الجابني ومهيوبه بحماه
وهسه انضر حبل خلو بديه
زينب آنه جان الكمر وياي
بوّجوده الريح ابد ماتمر بيه
وّلوني وآنه حرمه وبس نساوين
والاطفال متجمعه عليه 
مصيبه الاخت لو ضلت بله خوان
وانه خواني اهل غيره وحميه
عافوني وعفتهم بس الاجساد
الروس وياي وتعاين عليه
فوك الرمح شالو گلبي والروح 
شيصير بحاله مثلي الشاف اخيه
بس راس ويصدلي وتهمل العين
المنظر صعب راواني المنيه
وللكوفه خذوني وطبت السوك
ابد مالايكه اعله الهاشميه
ومدري شمالهه الناس ابهل احجار
ترميني واشاكف عن رقيه
شفت العجب كل العجب والله
هيج ايصير بعيال الزجيه
ومشينه بدرب مامسحوك بجدام
وعره الكاك والعثره قويه
اخ والف اخ الطبت الشام
وتجرح وكفتي بديوان اميه
اهلي بأسمي جانو من يصيحون
الاميره ام الخدر والفاطميه
بعد ذاك الدلال وعِز الاحباب
دار الوكت صار اسمي السبيه


 حرمني الوكت من الاهل مَن دار
ومسيل الدمع ماينگطع من دار
طلعت بهيبة العباس من دار
ابوي  وهسه آنه ابلا خويه

محمد هادي العقابي