قالك لأ انت التخصص بتاعتك هيكون ٥ سنين وهتبدأ فيهم على طول بعد امتحان مزاولة المهنة و سنة التكليف دي يا سيدي هنقسمها ونفصصها لشهور ونوزعها على مدار الـ ٥ سنين بتوع التخصص .. (يعني ببساطة السنة اللي خلقها ربنا فيها ١٢ شهر.. أنت هتقضي ٣ شهور منهم ف التكليف و٩ شهور ف النيابة وتفضل لمدة ٥ سنين بالوضع ده) علشان يستفادوا منك ومن طاقة الشباب اللي جواك ف التكليف على مدار ٥ سنين بدل سنة واحدة. ""D
*حاليًا تقدر تختار تكليفك على النظام القديم أو الجديد*
المهم إن بعد الـ ٥ سنين دول بقا رسميًا بقا اسمك "أخصائي". 😍😍
عاوز تفتح عيادة تقدر تفتح عيادة.. عاوز تسافر على درجة أخصائي تقدر تسافر.. عاوز تكمل في الوزارة على درجة أخصائي تقدر تكمل.
🎓 يعني ملخص اللي فات بالترتيب كده:
امتياز ⬅️ امتحان مزاولة المهنة ⬅️ نظام التكليف الجديد (نيابة وتكليف).
---------------------------------------
أنا مش عاوزك تتخض وتقلق.. أنت مش داخل على حاجة غريبة.. كل ده وأكتر أطباء كتير قبلك سبقوك ومروا بيه والدنيا دلوقتي زي الفل معاهم.. وانت كمان هتبقى زي الفل إن شاء الله. استعن بالله ولا تعجز.. وكمل البوست للآخر. 😉
🎓 بعد التخرج قدامك طُرق كتيرة كويسة اختار منها اللي يعجبك وامشي فيه: ^__^
متاح ليك تشتغل في مستشفيات القطاع الخاص.
متاح ليك تقدم في مستشفيات الجيش والشرطة وتبقى رائد طبيب وعقيد طبيب والحاجات دي زي ما قولت فوق.
وممكن ربنا يكرمك وتسافر الخليج أو السعودية وراتب الطبيب هناك عالي جدًا وحاجة محترمة.. الأخ اللي داخل طب علشان يعمل فلوس.. الطريق أهوه ياريّس 😂💸
ممكن ربنا يكرمك أكتر وأكتر وتمشي في سكة السفر لدول أوروبا زي أمريكا وكندا واستراليا وبريطانيا وألمانيا وغيرهم.. هتذاكر شوية معادلات زي حاجات اسمها الـ USMLE أو الـ PLAP وتمتحن شوية امتحانات وتتوكل ع الله.
المعادلات مكلفة شويه ماديًا ومحتاجه مجهود ومذاكرة ولكن العائد بتاعها كويس جدًا وهيعوضك عن التعب ده.. المهم ما تخليهاش بردو هدف أساسي.. لأنها مجرد "طريق" ممكن يناسب بعض الناس والبعض لأ.. فـ أنت مستقبلًا هتقعد مع نفسك وتحسب كده إيه أكتر حاجة أنت شايفها مناسبة ليك ولحياتك بشكل عام.. لأن مش كل الناس بتحب السفر ومش كل الناس عاوزه تتغرب.. فـ انت شوف أولوياتك أنت وملكش دعوة بقرار أي حد تاني.. وافتكر إن "كلٌ ميسر لما خُلق له" وكل واحد ربنا بيدبر له اللي فيه الخير ليه. عمومًا مش عاوز أصدع دماغكم بتفاصيل في الحاجات دي وانتوا كده كده هتعرفوها مع الوقت بإذن الله .

#الخلاصة من كل الليلة دي:
👈🏻 إن الطب مستقبله واسع جدًا ومجالاته كتيرة، يعني أنت كـ طبيب قدامك فرص كتير لا حصر لها وممكن تسافر لأي دولة تحلم بيها وتتعلم فيها علم محترم وترجع تفيد بلدك وأهلك وناسك بـ اللي اتعلمه. ❤️
👈🏻 وبأكد مش نهاية الكون لو أنت متعينتش في الجامعة.. عشان الموضوع ده شوفته بيسبب إحباط لناس كتير على مدار السنين اللي فاتت.
💭 "سيُفتح بابٌ إذا سُدّ باب.. نعم وتهونُ الأمور الصعاب"
🎓 احلم انوِِ وركز وخطط وقرر وشوف أنت عاوز إيه؟ وإيه اللي يناسبك؟ والمهم ابدأ اشتغل على نفسك واتعلم وضيف skills أو مهارات جديدة تساعدك قدام في الطريق اللي هتمشي فيه.. عشان لما تيجي الفرصة تبقى جاهز يا بطل. 😍
🎓 كل حاجة ليها ثمن والحياة مش وردي ومش كل حاجة هتجيلك على طبق من دهب.. كل حاجة محتاجة منك شوية مجهود ومعافرة وإصرار وعناد.
عاوز أطمنكم بردو إن دراسة الطب حتى لو كانت تقيلة إلا إنها مش صعبة زي ما انتوا متخيلين ولا مستحيلة.. وده طبيعي في أي كلية.
''والامتحان الحقيقي بيكون قدام العيان'' ومفيش أجمل من إنك تكشف على مريض وتلاقيه داخل بعدها بفترة يدعيلك ويقولك الله يباركلك يا دكتور العلاج اللي كتبته لي خفيت عليه.. تخيل ربنا جعلك سبب ورحمة شفاء للناس.. احمد ربنا على النعمة دي وادعُ دايمًا إنه يبعتلك العيان اللي مُقدر له الشفاء.
استحضر النية وتوكل على الله واستعن به في كل حاجة في حياتك وخصوصًا رحلة السفر الجميلة اللي انت على أعتابها حاليًا.. ولا تنسَ دعاء السفر "اللهم أنت الصاحب في السفر". ❤️
هل حاسس دلوقتي إن البوست أفادك وإنك فاهم ولو 60 % بس من شكل الحياة بعد التخرج؟
#جروب_التليجرام_أولى_طب👇
https://t.me/joinchat/EC186T78Xsk4ZTZk

اطمنوا الكليه سهله جدا طالما انت حبيبها ومجتهد في مذاكرتك وطالما انت جبتها ده دليل انك قدها وتقدر تبدع فيها كمان🥼🩺
#الطب_للعظماء❤️

صنفت هذه الصورة كأفضل صورة في تاريخ الأطباء، هي للدكتور زبينيو ريليغا البولندي بعد عملية زراعة قلب استمرت 23 ساعة.
الصورة التقطت عام 1987 بعد عملية طويلة الزمن اختلف كثيرون بوقتها لكن تتراوح بين 13 إلى 23 ساعة، ومما يميز الصورة إظهار الطبيب ينتظر بجانب المريض ولا ينظر إلى الكاميرا بل إلى شاشة على يمينه لمراقبة وضع مريضه، كما تظهر إحدى الممرضات منهكة نائمة في الزاوية اليمنى للصورة.
يذكر أن هذه الصورة تم اختيارها كواحدة من أفضل 100 صورة في تاريخ ناشيونال جيوغرفيك.

شارك لينك جروب التليجرام لكل دفعتك لتنضم معنا 👇
https://t.me/Module_in_capsule

الحياة مليئه بالصراعات إن أردت النجاح فيها فارجع دائما للأساسيات وأساس كل شئ التعلم ،فالتعلم كالشفاء يتكرر الكثير من المرات.
#مثلا-
نحن نتخصص ف الطب لأننا نريد إنقاذ الأرواح ، فالمريض دائما مايحاول الهرب من الخط الفاصل بين الموت والحياه ، وعند الألم دائما يفقدون حسهم بالواقع ولايريدون الإستماع إلى العقل.
#نحن
كأطباء كل ماعلينا فعله هو أن نقاتل من أجل إنقاذ حياة ، عندما ننجح ف ذلك👏
هذا اليوم❤ يجعلك فخور لأنك حظيت بفرصة لتعلم كل شئ يمكنك تعلمه👌
شارك جروب التليجرام بين دفعتك
https://t.me/Module_in_capsule

ستجد بعض الأشخاص الذين لن يدعموك أبداً ، بل سيَسعون دائماً لتحطيمك وتزويدك بالإحساس السلبي تجاه نفسك ، وإقناعك بعجزك ، من خلال كلماتهم السخيفة ، كل ذلك لأنهم يخشَون مما قد تُصبح عليه في المستقبل.. ✨
شارك جروب التليجرام بين دفعتك
https://t.me/Module_in_capsule

bio intro for 1st year

السلام عليكم ورحمة الله وبركاته ازيكم يادكاتره المستقبل عاملين ايه؟ اتمنى تكونوا بخير ان شاء الله 💙
انا الدكتور إبراهيم سلام ساته طب🩺❤️
استكمالا للخطة اللي الدكاترة ماشيين بيها في توضيح الأمور لاخوتنا اللي داخلين أولى بشرى
دا فيديو بسيط عن ال Biochemistry
إن شاء الله موجود فيه :
1 - يعني ايه Biochemistry؟
2- كيف بدأت ال Biochemistry؟
3- ايه المركبات المهمة في ال Biochemistry?
4- هندرس ايه من المركبات دي في كل موديول من موديولات سنة اولى إن شاء الله؟
الفيديو دا للتوضيح فقط يعني زي ما تقول كده فهم الدنيا ماشية الزاي مش للمذاكرة خالص ☺️
الحقيقة كنت عامل الفيديو ساعة الا تلت بس قصيت منه كتير علشان ميكونش طويل وتزهقوا من الاول كده 😂
موفقين ديما إن شاء الله 💙💙

شباب اي حاد عاوز يستفسر ع حاجه نظام كليه الطب يسأل وان شاء الله نعرف نرد عليكم جروب المناقشة👇
https://t.me/joinchat/tFimv1SsC3djYTFk

إنتظرونا غدا مع عملاق مادة الهستولوجي د.زهرة
اللايف غدا الساعة ٥ عصرا
هيرد ع كل أسئلة واستفسارات حضراتكم عن مادة الهستولوجي
#Medical_First_year

#جروب_التليجرام_أولى_طب كل الجامعات👇🩺🥼
https://t.me/Module_in_capsule

#شارك_ف_جروب_دفعتك_لتنضم_معنا_بالتيم❤️

After minutes ..... Loading🩺🥼

هاااام جدا أولى طب 🩺❤️
شير ع جروب دفعتك واسمع اللايف الخاص بعملاق الهستولوجى د.زهرة

https://www.facebook.com/groups/787446398589012/permalink/806023486731303/

1- Live dr Ahmed zahra (محاضر مادة الهستولوجي بجامعات مصر)
https://www.facebook.com/groups/787446398589012/permalink/806023486731303/
_________________________
2- Introduction of Anatomy (مقدمة علم التشريح)
https://www.facebook.com/groups/787446398589012/permalink/807571743243144/
_____________________________
3- Introduction of Biochemistry (مقدمة عن الكيمياء الحيوية )
https://www.facebook.com/101004068123243/posts/429973031893010/
_______________________
4- Introduction of Microbiology
(مقدمة علم الأحياء الدقيقة)
https://www.facebook.com/groups/787446398589012/permalink/808271576506494/


#أكتر_دكتور_هيعمل_إشارة_للى_داخلين_أولى_طب_هينضم_معانا_بالتيم❤️💊

دكتور محمد حسيني كان بيشرحلنا باطنة من سنتين (رحمه الله وأسكنه بالفردوس الأعلى ) والطلبة كانت بتحبه جدا جدا علشان كان عنده ميزة مش عند أى دكتور بيشرحلنا 💔
وهي جبر الخواطر👇
#أوعى_تقلق_الطب_للأقوياء_والعظماء✨🩺🥼

نموذج طالب الطب الناجح ( نصائح لطلبة سنة أولي طب )
______________________________________________
١- [ الترم المقدس ]

علي عكس المتصور ان سنة ٦ في النظام القديم هي الاصعب علشان عندهم باطنة و جراحة و لكن علي ارض الواقع فاصعب ترم علي الاطلاق هو اول ترم في الكلية ليه بقي ؟

حضرتك بتبقي لسا طالع الحياة الجامعية جديد ولا تعرف طبيعة المواد ولا ازاي ولا منين تذاكرها و لسا بتتعود علي كل ده و بعض الناس بتبقي فاكرة انها بتذاكر كويس و تكتشف في درجة اول امتحان قد ايه هو كان غلطان و للاسف اعلي نسبة شيل مواد في كل الجامعات كانت في طلبة سنة أولي

اول ترم ده كفيل انه يديك دفعة إيجابية عملاقة نفسيا و في الGPA و كفيل انه يخسف بنفسيتك و درجاتك الارض فعلشان كدا رجاء رجاء متشغلش نفسك بأي حاجة تانية خصوصا في اول ترم غير الكلية و المذاكرة و في الواقع نفس المبدا المفروض يكون موجود و انتا لسا بتتعرف علي حاجة جديدة لاول مرة
______________________________________________
٢- [ الدرجات ولا العلم ؟ ]

فارق شاسع بين الطالب الي بيذاكر علشان يجيب درجات و الي عايز يحصل معلومات ليه ؟ لان كل رئيس قسم في كل جامعة ليه تفصيلات معينة و وضع معين و منهج معين قد يكون مختصر و قد يكون زيادة و قد يكون قديم متجددش و بناء عليه علشان تتعلم كويس و تستفيد من المعلومات يبقي لازم سيادتك تخرج برا نطاق المنهج او التحديدات الي عوالم اليوتيوب و التيكست بوكس و كتب المعادلة بس حيلك حيلك انتا مش هتحضر دكتوراة في المواد الي بتذاكرها انتا بتاخد المعلومات الاساسية الي هتخليك GP و غير كدا لو سرحت في مصادر العلم للعلم اه هتتعلم كويس بس مش هتجيب درجات عالية

مذاكرة الدرجات محتاجة حرفية شديدة محتاج تفهم دماغ الدكتور بيحب ايه و بيكره ايه و بيركز علي ايه و تحل MCQs و Cases السنين السابقة بكمية كبيرة إذا استطعت اليها سبيلا و اصلا الوقت ضيق و يدوبك هتلحق منهج الجامعة ؟

طيب حيرتنا ياعم المفروض نعمل ايه ؟ طول الترم انتا شغال بشكل متوازي بين مذاكرة الدرجات و مذاكرة العلم للعلم و تيجي قبل الامتحانات تذاكر بيور ده أحسن شكل ممكن
______________________________________________
٣ - [ الاستكشاف و الexposure ]

بيقولك ( الحكم علي الشيئ حكم عن تصوره ) علشان تتخذ اي قرار و تعمل بروسيس تفكير صح فانتا محتاج تكون باني معلومات صح خصوصا انه فيه كم هائل من القرارت المصيرية الي محتاج تاخدها ورا بعض و انتا خبرتك قليلة فانتا المفروض اول حاجة تحاول تستكشف الدنيا حواليك و تتعرض لتجارب جديدة

حاول تشوف كل الافكار و التجارب الموجودة و الحاجات السلبية قبل الإيجابية و دور دائما علي الدوافع و العقلية و تسلسل الاحداث و الافكار الي وصلت الشخص ده القرار او الفكرة دي و كل واحدة فيهم اهم من التانية

و دائما بيبقي فيه تراكات و فرص كتيرة جدا مش مشهورة و مش معروفة و لكنها بتبقي قيمة جدا جدا و الوصل ليها بيتطلب شبكة علاقات كبيرة و تحري دقيق للفرص
______________________________________________

٤- [ الخبراء الروس ]

الكلية بشكل عام عاملة زي الحياة كل واحد بيبدأ الحياة جديد و هو قليل الخبرة و قليل العلم و بيقعد يخبط لحد ما يلاقي الصح و الانسب ليه و لكن في اي حاجة بشكل عام في اكتساب الخبرة فيه حاجات بتختصر عليك عملية التجربة و الخطأ دي و هي الاستشارات و النصائح من الناس الاكثر خبرة

الفكرة المهمة هنا ان كل واحد بيبقي عنده تجربة قد تكون خاص بيه و صعب تكرارها او تعميمها و لكن بيبقي دائما فيه ناس كدا ملمين بالوضع كاملا بكل تفاصيله و هما دول الاقدر علي انهم يدوا نصيحة او خبرة صح فكن حريص انتا بتاخد خبرة من مين

الحاجة التانية و انتا بتاخد خبرة من حد اتأكد انك فاهم صح لانك غالبا ممكن تفهم غلط انا فاكر و انا في اول ترم في الكلية حد في سنة 4 قالي ( انتوا نظامكم MCQ فاوعي تحفظ حاجة و ركز علي الفهم ) فانا فعلا محفظتش ولا رقم ولا مصطلح ولا اسم دواء ولا اي حاجة يدوبك بس حاولت افهم و الحمد لله لبست جامد في الميدترم و لما كلمته طلعت انا فاهم غلط و هو كان قصده محفظش باراجرافات بحالها زي الريتن و اركز اني اعرف المعلومة "احفظها" ياعني فتيك كير بقي يسطا

______________________________________________
٥- [ اوعي الburnout ]

الحياة مبتتاخدش بالعافية ناس كتير بتبقي داخلة الكلية قمة في الحماسة و الطاقة و تفرم نفسها مذاكرة كل يوم طول اليوم و يسهر و يطبق و بدون توقف ولا بريك و بيعامل نفسه علي انها مكنة الماني ماشية بالديزل بس سرعان ما ينتهي الامر بالBurnout الي هو استنفذ طاقته بالكامل و لم يعد قادرا لا نفسيا و لا جسديا علي انه يدي تاني ابدا

نفس حضرتك دي محتاجة تعامل من نوع خاص المفروض سيادتك تبدأ معاها بهدوء و براحة و تبدأ تبني طاقة و قدرة و اهتمام بالمذاكرة مع الوقت واحدة واحدة تلاقي نفسك بقيت في ليفل عالي و كل ما تشتغل شوية تاخد بريك صغير و في اخر الاسبوع لازم تهاف فن باي شكل و تغير جو و تاخد الامور بشكل عام بسلاسة و براحة و لا تقسو علي نفسك علشان متتكسرش

______________________________________________
٦- [ قليل من التجربة العملية ]

في الكلية احنا بندرس المعلومات النظرية بشكل كبير و بندرس عملي قليل جدا علي امل انك هتدرب في الامتياز عمليا بشكل كبير اوي و للاسف ده مبيحصلش برضو فبناء عليه طالب الطب الشاطر هيحاول دائما انه ينقل المعلومة الي عنده لحيز التطبيق قدر الاستطاعة

من الحاجات المفيدة جدا و الي قليل من الزملاء بينتبهوا ليها و هي فكرة مرافقة المرضي بمعني انك تشوف حد قريبك تعبان خصوصا لو كان Chronic و عنده حاجة درستها و تمشي معاه في كل خطوات العلاج و تشوف الادوية و الاشعة و التحاليل بتاعته و تسمع منه و تروح معاه عند الدكاترة و تخليه يشرحلك الحاجة بالmedical terms و تسرش عن الي انتا مش فاهمه هتلاقي نفسك طلعت بكمية خبرة و معلومات كبيرة

كمان الحاجة الي بتدرسها نظري بيكون فيه جزئيات عملي متعلقة بيها مثلا بتدرس CVS حاول تطلع منه و انتا عارف تقيس ضغط او تعرف اساسيات الECG و تشخص اشهر ١٠ امراض مثلا دائما فيه جوانب عملية كدا للمعرفة النظرية ممكن تحاول تتعلمها مع نفسك علي جنب

رجاء متحاولش تنزل المستشفي و انتا لسا طالب و تمارس اي حاجة علي مرضي لان ده غير قانوني ولا اخلاقي ولا مهني لكن ممكن تنزل Observship بس كدا تتفرج و تسأل
______________________________________________

٧- [ الوقت كالسيف ]

من اسوء ما قد يواجه اي انسان يسعي لعمل اي انجاز هو التسويف لانه بيراكم عليك اضعاف الشغل المطلوب في وقت قليل لكن في التعليم التسويف بيعورك بشكل مختلف ليه بقي ؟

المعلومة علشان تفهمها و تستوعبها محتاجة وقت و تركيز و طاقة خصوصا ان الاغلب الاسئلة مبتكونش مباشرة و انما بتكون فيما وراء او بين السطور و بتبقي اسئلة استنتاجية او مبنية علي اكتر من معلومة فانتا محتاج تستوعب المعلومة جامد و دي ملهاش حل غير الوقت و كتر محاولة الفهم من احسن مصادر و بأحسن طريقة ففكرة اني اضيع اول او تاني اسبوع من كل ترم من غير ما اذاكر ده بالفعل عورك في معلومتك و مستحيل تعوض التعويرة دي

الحاجة التانية ان علشان تركز و تدي الموضوع حقه محتاج يكون فيه حالة من الفراغ الذهني ان دماغك مش مشغول بحاجة او مشكلة و اي انشغال باي شكل بيعورك في تركيزك فيعورك في معلومتك في الاخر

____________________________________________

٨- [ ايه الزهق ده ؟ ]

من المتعارف عليه و المعتاد ان المذاكرة عملية مملة و مزعجة في اغلب الوقت و بم إن حضرتك هتفضل طول عمرك بتذاكر تقريبا فمن الطبيعي انك تحاول تخلي المذاكرة عملية أكثر امتاعا

وجود Study Partner معاك بيساعدك تذاكروا مع بعض و تشجعوا و تنافسوا بعض كفيل بإضفاء جو حماسة جميل للمذاكرة و ممتع جدا و بتساعدوا بعض لو حد ضعف او كسل

كافئ نفسك في كل بريك بحاجة حلوة فاكهة او حلويات و كل ما تخلص كمية اكبر كل ما تبقي الجائزة اكبر و مرضية ليك

ذاكر بصوت و حاول تشرح لنفسك او لحد معاك حتي لو مش في طب بحماسة و نشاط و طاقة كدا هتلاقي نفسك اندمجت و انجزت جامد جدا

حاول تعمل شوية حاجات غير تقليدية زي انك ترسم العضلات علي جسمك علشان تتخيل اماكنها او تحاول ترسم رسومات ملخصة او تلون صور الاطلس مثلا او تعمل ملخص شكله جامد

كل ده بقي حاجة و لو كان عندك شغف للمذاكرة و ادركت الجانب الممتع في تعلم الطب هتبقي كل سيشن مذاكرة بالنسبة ليك امتع من الي قبلها و بشكل عام حاول تخلي المذاكرة عملية ممتعة ليك

____________________________________________

٩- [ ليست المرة الاولي و لن تكون الاخيرة ]

رحلة تعلم الطب رحلة طويلة الامد و مليانة امتحانات دائما و دائما هتبقي متأخر و مصغوط دي طبيعة الدنيا و لكن مش من الطبيعي برضو انك تفضل دائما صامد و متماسك هيعدي عليك اوقات كتير هتكون ضعيف فيها و ممكن تتكسر حتي ولا قدر الله تتعثر في الكلية بس ده امر وارد الحدوث و يمكن حتي المواقف الي زي دي هو الي بتخلي الواحد اقوي و عنده خبرة فلما تيجي تواجه اي مرحلة زي دي لازم تبقي عارف انه دي مرحلة مؤقتة و هتخلص إن شاء الله و غالبا النتيجة بتاعتها انك هتبقي شخص أفضل و أقوي و انك هتعدي الموقف او المرحلة و مواقف تانية كتير و بعدها

ثانيا لازم تفهم ان محدش بيقدر يعدي كل حاجة لوحده لا تتردد في انك تبين انك مش كويس و تطلب المساعدة من اهلك و اصحابك او حتي الناس بشكل عام و الناس فيها الخير اكيد هتلاقي 100 واحد يساعدك و متترددش انك تاخد خطوة انك تلجا لحد محترف سواء معالج نفسي او طبيب نفسي او اي يكن الخبير في حل مشكلتك لانك لو متعاملتش مع الحاجة صح من بدري هتفضل تكبر تكبر و هترجع لحد محترف في الاخر
____________________________________________
١٠ - [ فخ الOverwelming ]

في بعض الاوقات و انتا مثلا بتستحضر الطريق الي قدامك و بتقعد تفكر بقي ده انا المفروص اعمل كذا كذا كذا و عليا مذاكرة بالعبيط للموديول و متأخر و عمري ما هلحق اخلص و تلاقي تفسك حسيت بإنك متحاوط و متحاصر بالصعوبات فتصاب باليأس و الخوف فتقعد في سريرك متحطم و متعملش حاجة و متبقاش عارف هتعمل ايه و كان ممكن يكون فاضلك مثلا علي الامتحان شهر و تفوق من الحالة دي قبل الامتحان يدوبك بكام يوم و انتا ستيل مش عارف هتعمل ايه

مهما كنت قصرت و مهما كنت ضيعت نفسك تبقي حكمت علي نفسك بالنهاية وقت ما تستسلم لفخ الOverwelming اذا ما الحل ؟ الحل ان حضرتك تتدرب علي مهارة التخطيط اولا بشكل كويس و دي ممكن نفردلها بوست مستقل لكن مبدئيا اعرف الكمية الي عليك و رتبها من الاكثر اهمية للاقل اهمية و ابدا قسم وقتك بشكل واقعي و ممكن تعمل شوية تضحيات عادي حتي لو حصلت 60% من المطلوب ده احسن من مافيش و ربنا يكرمك إن شاء الله بس اهم حاجة متستسلمش للاحساس ده و خليك متفائل اي كانت الظروف لان غالبية قدرتك علي المذاكرة مبني علي نفسيتك مش قدرتك حقيقة
____________________________________________
١١- [ أثر الفراشة ]

ساعات كتير بتتفاجأ بحد صحبك مرة واحدة وزنه نزل و بني بلك عضلات محترم و لما تيجي تسأله تتفاجأ انه بقاله ٤ او ٥ شهور بيتمرن ٣ ايام في الاسبوع في الجيم و انتا لسا ملاحظ التغيير دلوقتي رغم انه كل يوم قدامك في المدرج وشه في وشك يا تري ايه الي حصل ؟

الي حصل انه كان فيه تغيير صغير غير ملحوظ مستمر لفترة طويلة و ظل التأثير ده يتراكم و دماغك قاعد يتكيف عليه لحد ما وصل لمرحلة انه لا ده حصل تغيير عن معلومتك عن صاحبك ده و عقلك رفض يتكيف و خلاك تشوف التغيير الي حصل

و في نفس الفترة دي ناس كتيرة جدا حاولت تعمل تغيير عملاق في فترة قصيرة و دائما تقريبا كانت بتفشل سر التغيير الحقيقي و النجاح هو جهد مستمر و قليل دائم خير من كثير منقطع بلا ادني شك
____________________________________________
لو حد عنده اي بوينت تانية كنصيحة لطلبة سنة اولي يكتب في الكومنتات يا شباب ⁦❤️⁩

مهم جدا جدا أولى طب 🩺🥼
مقدمة مادة التشريح ل د. سامح غازي✨👇
(Introduction of Anatomy )

لينك جروب التليجرام الخاص بأولى طب بشري👇
https://t.me/Module_in_capsule

#شير_بجروب_دفعتك🩺✨

(مقدمة علم الأحياء الدقيقة)
Introduction of Microbiology
By Dr. Abdel-Rahman M. Ali

جروب المناقشة والإستفسارات 👇
https://t.me/joinchat/tFimv1SsC3djYTFk

#شارك_مع_دفعتك💊🩺