#الطب_بالساعة_ولا_بالسماعة🩺
أحب أعرفكم بنفسي د. عبدالرحمن محمد على ساتة طب معاكم النهاردة علشان أوضح كل حاجة عن نظام كلية طب بشري 🤩
صاحب سلسلة كتب طبية Module in Capsule خاصة بالنظام الجديد👇
https://www.facebook.com/Med22A.M.A/

🔵 طبعا كلنا بنسمع عن نظام الطب الجديد فى مصر "integration system" أو"النظام التكاملى" وإلى هيطبق للسنة الرابعة على التوالى ف معظم جامعات مصر🥰 .

فخلينا كده سوا نقرب من الطريق ونتعرف على كليتنا بشكل أوضح ومفصل 👀⚡

1️⃣ الطب بقا ٥ سنين دراسة + ٢ إمتياز 🙎

كل سنة فيها ترمين ، الترم بندلعه ونقوله " سميستر " وبكده يكون عندنا على مدار رحلتنا فالكلية ١٠ سميستر .

2️⃣ الدراسة عندنا فالكلية بتنقسم لمرحلتين أكاديمية وإكلينكية

🔵 سنة أولى وثانية ونص تالته : أغلبهم أكاديمى مع أجزاء بسيطة كلينكال
المواد الأكاديمي ( Anatomy -Histology- Physiology- Biochemistry -Microbiology- Parasitology - Pharmacology - Pathology )
إتخضيت ليه 😅؟! دول أسهل مواد وهنعرفك معناهم إي بعد شويه😐👇

🔵 باقي سنة تالته و رابعة وخامسة : هندرس فيه الكلينكال (باطنة - وجراحة - ونسا وتوليد. - أطفال)

🔵 السميستر يتكون من مجموعة من الوحدات التعليمية إلى بنسميها " الموديولات " يعنى السيمستر الواحد يحتوى ع أكثر من موديول

#محتوى_الموديول بيتكون من تكامل بين كل المواد اللى فوق دى ف آن واحد بس لجهاز واحد ف جسم الإنسان 😅

#إيه_اللغبطة_دى؟؟؟ ركز بس وهتفهم🤓👇

وكمثال عندنا "موديول الجهاز التنفسى" هنلاقيه بيتكون من الآتى ذكره 👈

📕 علم التشريح ولقبه Anatomy : وده بيعرفك تشريح ومكان الجهاز والأعضاء المكونة ليه سواء الرئة أو القصبة الهوائية ... إلخ .

📓 وبيكون مع التشريح مادة لطيفة إسمها علم الأجنة ولقبها "Embryology" بتتكلم عن تكوين الجنين وأعضائه.

📕 علم الأنسجة ولقبه Histology : وده بندرس فيه الخلايا والأنسجة المكونة للجهاز لكن تحت الميكروسكوب .

📕 علم وظائف الأعضاء ولقبه Physiology : وده بندرس فيه إزاي الأجهزة بتشتغل وتؤدى وظيفتها زي مثلا إزاى حضرتك بتتنفس .

📕 علم الكيمياء الحيوية ولقبها Biochemistry : ودى بتتكلم على التفاعلات الكميائية على مستوى الخلية وإلى بتتم عشان الأجهزة تقوم بوظائفها زي التفاعلات الكميائية إلى بتتم للحصول على طاقة لإتمام عملية التنفس .

📕 علم الأحياء الدقيقة ولقبه Microbiology : وده خاص بالميكروبات من فيروسات لبكتيريا لفطريات والصحبة إلى مش كريمة دي وحكاياتها مع الجهاز التنفسى لا تنتهي .

📕 علم الطفيليات ولقبه Parasitology : وده بيتكلم عن الطفليات إلى ممكن تصيب الجهاز ده من جسمك .

📕 علم الأمراض ولقبه Pathology : وده بيتكلم كل الأمراض إلى ممكن تصيب الجهاز ده من جسمك .

📕 علم الأدوية ولقبه Pharamacology : وده بيتكلم عن علاج الأمراض إلى بصيب الجهاز ده من جسمك .

✨ والمواد إلى فوق دى بتكمل بعضها بحيث تديك صورة كاملة متكاملة عن السيستم ده ومن هنا جه لقب "النظام التكاملى" 😁

✨وطبعا الموديولات بتختلف عن بعضها فى كم المحتوى وعدد المواد والوقت والدرجات .

4️⃣ النظام الجديد بيطلق عليه برده "نظام الساعات المعتمدة"

🔴 وده معناه إن كل مادة أو موديول ليها عدد ساعات خاصة بيها والساعة هنا تعنى ٢٥ درجة مش ٦٠ دقيقة ولا ٣٦٠٠ ثانية 😬

🔴 يعنى الموديول لو ٤ ساعات يبقا ٢٥×٤ = ١٠٠ درجة

🔴 وطبعا لازم تحضر ٧٥% من ساعات الموديول سواء سكاشن أو محاضرات عشان تقدر تدخل الإمتحان ، ولكن ده ممكن يتغير مع ظروف كورونا وتطبيق النظام الهجين فممكن يكون جزء من الدراسة أولاين .

5️⃣ كل موديول بيتكون من محاضرات نظري " ٥٠ دقيقة " وسكاشن عملى " ١٢٠ دقيقة " وطبعا زي ما قولنا لازم تحضر وفيه Log Book لازم تمضيه من الدكتور عشان نسبة الغياب فالآخر 🙃

🔴 بالنسبة للإمتحانات هتمتحن بعد كل موديول عملى ونظرى وفى آخر السميستر الفاينال + بعض الإمتحانات التجريبية أثناء الموديول ودى الغرض منها التدريب .
(يعنى تقريبا بتمتحن كل 3 اسابيع امتحان مهم عليه درجات )
By Abdel-Rahman Mohamed Ali

#البوست_المنتظر وبيتحدد عليه أختيارك لكلية طب ✨🥼🩺
(فيه سؤال بيتكرر كتير ماذا بعد التخرج من كلية الطب؟؟)

من ٦ سنين بالظبط كنت مكانكم هنا، وكنا لسه كلنا في بداية الرحلة، وشايفين الطريق طويل وسلاحنا دعائنا "اللهم هوّن علينا سفرنا هذا واطوِ عنّا بُعده" والكلام الجميل زي "مشوار الألف ميل يبدأ بخطوة". 👣❤️
أنا جي لكم من المستقبل وعاوز أطمنكم إن الخطوات والأيام جرت بسرعة فعلًا من غير ما نحس وده نفس اللي هيحصل معاكم.. وبكتب لكم دلوقتي وأنا بيني وبين امتحانات آخر سنة في الكلية ۸٥ يوم بس.. وشهور قليلة هينتهى جزء واحد من رحلة العلم والتعلم اللي لسه مكملة إن شاء الله العمر كله. 🤓
معاكم د. عبدالرحمن محمد علي زميلكم في الفرقة السادسة🩺⭐

...
#عزيزي_المحارب كل اللي فات ده كان مقدمة بس.. اوعى تكون تعبت! 😂 لأ اجمد كده اوماال ده احنا قاعدين نقول مشوار الألف ميل يبدأ بخطوة وكلام كله بوزتيڤ إنيرچي تيجي أنت تهنّج كده من أول سطرين. ""D
وبما إنك برنس ودماغك حلوة ودخلت طب فا أنا عاوز أتحداك من دلوقتي إنك تقرأ البوست وتكمله للآخر وتفهمه كويس في ١٠ دقايق بس.. وعشان أتأكد حاططلك سؤال في مكان ما في البوست.. اوصله وجاوب لي عليه في الكومنتات. 😌🤝
طيب علشان نختصر الكلام عاوزك تتخيل نفسك دخلت الكلية بالفعل وخلصت الحمد الله واتخرجت.. بسرعه كده؟! آه امال انت فاكر إيه.. الحياة في كلية الطب أسرع مما تتخيل. 🙆‍♂️
طب وبعدين هروح فين؟! ده اللي جاي أكلمك عنه النهارده بإذن الله يا عزيزي طالب الطب.. صحصح كده وركز عشان كل شويه هتقعد تسأل نفسك السؤال ده يا ترى بعد ما أتخرج هشتغل فين؟ وازاي؟
هتحس إن الموضوع كبير وهو ولا كبير ولاحاجة,, وللأسف ناس كتيرة بتدخل الكلية ومش عارفين هما رايحين فين ولا جايين منين. 👀
...
#نبدأ_باسم_الله.
بعد الـ ٥ سنين دراسة وبمجرد دخولك سنين الإمتياز..
بينتهي لقب عزيزي "الطالب" ❎
ونقول مبروك رسميًا معاك لقب عزيزي "الطبيب" ✔️
وهنا بنسميه تحديدًا "طبيب امتياز" 😉
وبعد الإمتياز بتبدأ رحلة جديدة مكونة من كذا مرحلة..
#أولاً_امتحان_مزاولة_المهنة 💡 يعني الخريج مش هيبقى معاه حق مزاولة المهنة بعد ما يخلص الكلية إلا لما يخش امتحان عام موحد لخريجي كليات الطب تحت إشراف المجلس الأعلى للجامعات والإمتحان ده هيتكرر تاني كل 5 سنوات.
🎓 طب هما هيحددوا مستوى الطالب ازاي؟ 👈🏻 عن طريق درجات امتحان البكالريوس بتاعك في الكلية وده بيمثل (70%) + الإمتحان الموحد على الجمهورية واللي بيمثل (30%).
---------------------------------------
#ثانيًا_النيابة 💡
🎓 بعد مابتخلص الإمتحان بتاخد حاجة اسمها [النيابة] يعني (سنين التخصص) وهنا اسمك يا عزيزي بيكون "طبيب مقيم" 😉 وعندك سكتين أساسيتين:
إما تتعين في [الجامعة]
أو تتعين في [مستشفيات وزارة الصحة]
إيه الفرق؟ 🎓 لو أنت مُوفق في الكلية وبتطلع من الأوائل على دفعتك (على الأقل من الـ ١٠٠ الأوائل) بتتعين في الجامعة وتشتغل فيها وتبقى من الـ staff وبتاخد التخصص بتاعك حاجة من اتنين:
👈🏻 يـ إما تخصص #أكاديمي يعني تتعين {معيد} في الكلية وتشرح مناهج المواد النظرية [تشريح وفسيولوجي وباثولوجي وفارما... إلخ ] للطلبة وتترقى بقا من معيد لـ مدرس مساعد لـ مدرس لـ أستاذ مساعد لـ أستاذ... وهكذا.
👈🏻 يـ إما تتخصص #كلينكال يعني تتعين {نايب} في المستشفى وتكمل في الـ staff هناك.
🎓 طيب وبقية الدفعة؟
👈🏻 بقية الدفعة اللي هو العدد الأكبر في كل الكليات على مستوى الجمهورية بيشتغل في وزارة الصحة.. يعني بتقدم في الوزراة وتاخد نيابتك في مستشفيات وزارة الصحة أو حاجات تانية تابعة للوزارة برضه زي المعاهد التعليمية على سبيل المثال معهد الأورام ومعهد الكبد وغيرهم، أو متاح كمان إنك تقدم في مستشفيات التأمين الصحي.. أو تقدم إنك تشتغل في مستشفيات الشرطة والجيش. وكل التفاصيل هتعرفها وقتها ما تشغلش بالك حاليًا. 😉
بس أهم حاجة تبقى عارف إن كل دي أوبشنز متاحة ليك وبيتفتح عليها التقديم وقت تخرجك أو في أوقات معينة في السنة بتكون معروفة للكل. ^__^
---------------------------------------
طيب ممكن حد يكون بيسأل نفسه دلوقتي أمال راحت فين سنة التكليف اللي بتبقى بعد الإمتياز؟ هو الدكتور نساها ولا إيه؟ 🤔
في النظام القديم كان في حاجه في النص بعد الإمتياز وقبل التخصص اسمها "سنة التكليف" ودي عبارة عن سنة بتقضيها في وحدة صحية-إجباري زي الجيش- في أي مكان في الجمهورية على حسب مجموعك بردو.
دلوقتي في نظام تم تطبيقه الشهور اللي فاتت دي اسمه "نظام التكليف الجديد" باختصار التعديل اللي حصل إنه بدل ما كنت هتاخد سنة تكليف مرة واحدة على بعضها وتخلص منها وتخش في مرحلة التخصص بقى.

#البوست_المنتظر وبيتحدد عليه أختيارك لكلية طب ✨🥼🩺
(فيه سؤال بيتكرر كتير ماذا بعد التخرج من كلية الطب؟؟)

من ٦ سنين بالظبط كنت مكانكم هنا، وكنا لسه كلنا في بداية الرحلة، وشايفين الطريق طويل وسلاحنا دعائنا "اللهم هوّن علينا سفرنا هذا واطوِ عنّا بُعده" والكلام الجميل زي "مشوار الألف ميل يبدأ بخطوة". 👣❤️
أنا جي لكم من المستقبل وعاوز أطمنكم إن الخطوات والأيام جرت بسرعة فعلًا من غير ما نحس وده نفس اللي هيحصل معاكم.. وبكتب لكم دلوقتي وأنا بيني وبين امتحانات آخر سنة في الكلية ۸٥ يوم بس.. وشهور قليلة هينتهى جزء واحد من رحلة العلم والتعلم اللي لسه مكملة إن شاء الله العمر كله. 🤓
معاكم د. عبدالرحمن محمد علي زميلكم في الفرقة السادسة🩺⭐

...
#عزيزي_المحارب كل اللي فات ده كان مقدمة بس.. اوعى تكون تعبت! 😂 لأ اجمد كده اوماال ده احنا قاعدين نقول مشوار الألف ميل يبدأ بخطوة وكلام كله بوزتيڤ إنيرچي تيجي أنت تهنّج كده من أول سطرين. ""D
وبما إنك برنس ودماغك حلوة ودخلت طب فا أنا عاوز أتحداك من دلوقتي إنك تقرأ البوست وتكمله للآخر وتفهمه كويس في ١٠ دقايق بس.. وعشان أتأكد حاططلك سؤال في مكان ما في البوست.. اوصله وجاوب لي عليه في الكومنتات. 😌🤝
طيب علشان نختصر الكلام عاوزك تتخيل نفسك دخلت الكلية بالفعل وخلصت الحمد الله واتخرجت.. بسرعه كده؟! آه امال انت فاكر إيه.. الحياة في كلية الطب أسرع مما تتخيل. 🙆‍♂️
طب وبعدين هروح فين؟! ده اللي جاي أكلمك عنه النهارده بإذن الله يا عزيزي طالب الطب.. صحصح كده وركز عشان كل شويه هتقعد تسأل نفسك السؤال ده يا ترى بعد ما أتخرج هشتغل فين؟ وازاي؟
هتحس إن الموضوع كبير وهو ولا كبير ولاحاجة,, وللأسف ناس كتيرة بتدخل الكلية ومش عارفين هما رايحين فين ولا جايين منين. 👀
...
#نبدأ_باسم_الله.
بعد الـ ٥ سنين دراسة وبمجرد دخولك سنين الإمتياز..
بينتهي لقب عزيزي "الطالب" ❎
ونقول مبروك رسميًا معاك لقب عزيزي "الطبيب" ✔️
وهنا بنسميه تحديدًا "طبيب امتياز" 😉
وبعد الإمتياز بتبدأ رحلة جديدة مكونة من كذا مرحلة..
#أولاً_امتحان_مزاولة_المهنة 💡 يعني الخريج مش هيبقى معاه حق مزاولة المهنة بعد ما يخلص الكلية إلا لما يخش امتحان عام موحد لخريجي كليات الطب تحت إشراف المجلس الأعلى للجامعات والإمتحان ده هيتكرر تاني كل 5 سنوات.
🎓 طب هما هيحددوا مستوى الطالب ازاي؟ 👈🏻 عن طريق درجات امتحان البكالريوس بتاعك في الكلية وده بيمثل (70%) + الإمتحان الموحد على الجمهورية واللي بيمثل (30%).
---------------------------------------
#ثانيًا_النيابة 💡
🎓 بعد مابتخلص الإمتحان بتاخد حاجة اسمها [النيابة] يعني (سنين التخصص) وهنا اسمك يا عزيزي بيكون "طبيب مقيم" 😉 وعندك سكتين أساسيتين:
إما تتعين في [الجامعة]
أو تتعين في [مستشفيات وزارة الصحة]
إيه الفرق؟ 🎓 لو أنت مُوفق في الكلية وبتطلع من الأوائل على دفعتك (على الأقل من الـ ١٠٠ الأوائل) بتتعين في الجامعة وتشتغل فيها وتبقى من الـ staff وبتاخد التخصص بتاعك حاجة من اتنين:
👈🏻 يـ إما تخصص #أكاديمي يعني تتعين {معيد} في الكلية وتشرح مناهج المواد النظرية [تشريح وفسيولوجي وباثولوجي وفارما... إلخ ] للطلبة وتترقى بقا من معيد لـ مدرس مساعد لـ مدرس لـ أستاذ مساعد لـ أستاذ... وهكذا.
👈🏻 يـ إما تتخصص #كلينكال يعني تتعين {نايب} في المستشفى وتكمل في الـ staff هناك.
🎓 طيب وبقية الدفعة؟
👈🏻 بقية الدفعة اللي هو العدد الأكبر في كل الكليات على مستوى الجمهورية بيشتغل في وزارة الصحة.. يعني بتقدم في الوزراة وتاخد نيابتك في مستشفيات وزارة الصحة أو حاجات تانية تابعة للوزارة برضه زي المعاهد التعليمية على سبيل المثال معهد الأورام ومعهد الكبد وغيرهم، أو متاح كمان إنك تقدم في مستشفيات التأمين الصحي.. أو تقدم إنك تشتغل في مستشفيات الشرطة والجيش. وكل التفاصيل هتعرفها وقتها ما تشغلش بالك حاليًا. 😉
بس أهم حاجة تبقى عارف إن كل دي أوبشنز متاحة ليك وبيتفتح عليها التقديم وقت تخرجك أو في أوقات معينة في السنة بتكون معروفة للكل. ^__^
---------------------------------------
طيب ممكن حد يكون بيسأل نفسه دلوقتي أمال راحت فين سنة التكليف اللي بتبقى بعد الإمتياز؟ هو الدكتور نساها ولا إيه؟ 🤔
في النظام القديم كان في حاجه في النص بعد الإمتياز وقبل التخصص اسمها "سنة التكليف" ودي عبارة عن سنة بتقضيها في وحدة صحية-إجباري زي الجيش- في أي مكان في الجمهورية على حسب مجموعك بردو.
دلوقتي في نظام تم تطبيقه الشهور اللي فاتت دي اسمه "نظام التكليف الجديد" باختصار التعديل اللي حصل إنه بدل ما كنت هتاخد سنة تكليف مرة واحدة على بعضها وتخلص منها وتخش في مرحلة التخصص بقى.

قالك لأ انت التخصص بتاعتك هيكون ٥ سنين وهتبدأ فيهم على طول بعد امتحان مزاولة المهنة و سنة التكليف دي يا سيدي هنقسمها ونفصصها لشهور ونوزعها على مدار الـ ٥ سنين بتوع التخصص .. (يعني ببساطة السنة اللي خلقها ربنا فيها ١٢ شهر.. أنت هتقضي ٣ شهور منهم ف التكليف و٩ شهور ف النيابة وتفضل لمدة ٥ سنين بالوضع ده) علشان يستفادوا منك ومن طاقة الشباب اللي جواك ف التكليف على مدار ٥ سنين بدل سنة واحدة. ""D
*حاليًا تقدر تختار تكليفك على النظام القديم أو الجديد*
المهم إن بعد الـ ٥ سنين دول بقا رسميًا بقا اسمك "أخصائي". 😍😍
عاوز تفتح عيادة تقدر تفتح عيادة.. عاوز تسافر على درجة أخصائي تقدر تسافر.. عاوز تكمل في الوزارة على درجة أخصائي تقدر تكمل.
🎓 يعني ملخص اللي فات بالترتيب كده:
امتياز ⬅️ امتحان مزاولة المهنة ⬅️ نظام التكليف الجديد (نيابة وتكليف).
---------------------------------------
أنا مش عاوزك تتخض وتقلق.. أنت مش داخل على حاجة غريبة.. كل ده وأكتر أطباء كتير قبلك سبقوك ومروا بيه والدنيا دلوقتي زي الفل معاهم.. وانت كمان هتبقى زي الفل إن شاء الله. استعن بالله ولا تعجز.. وكمل البوست للآخر. 😉
🎓 بعد التخرج قدامك طُرق كتيرة كويسة اختار منها اللي يعجبك وامشي فيه: ^__^
متاح ليك تشتغل في مستشفيات القطاع الخاص.
متاح ليك تقدم في مستشفيات الجيش والشرطة وتبقى رائد طبيب وعقيد طبيب والحاجات دي زي ما قولت فوق.
وممكن ربنا يكرمك وتسافر الخليج أو السعودية وراتب الطبيب هناك عالي جدًا وحاجة محترمة.. الأخ اللي داخل طب علشان يعمل فلوس.. الطريق أهوه ياريّس 😂💸
ممكن ربنا يكرمك أكتر وأكتر وتمشي في سكة السفر لدول أوروبا زي أمريكا وكندا واستراليا وبريطانيا وألمانيا وغيرهم.. هتذاكر شوية معادلات زي حاجات اسمها الـ USMLE أو الـ PLAP وتمتحن شوية امتحانات وتتوكل ع الله.
المعادلات مكلفة شويه ماديًا ومحتاجه مجهود ومذاكرة ولكن العائد بتاعها كويس جدًا وهيعوضك عن التعب ده.. المهم ما تخليهاش بردو هدف أساسي.. لأنها مجرد "طريق" ممكن يناسب بعض الناس والبعض لأ.. فـ أنت مستقبلًا هتقعد مع نفسك وتحسب كده إيه أكتر حاجة أنت شايفها مناسبة ليك ولحياتك بشكل عام.. لأن مش كل الناس بتحب السفر ومش كل الناس عاوزه تتغرب.. فـ انت شوف أولوياتك أنت وملكش دعوة بقرار أي حد تاني.. وافتكر إن "كلٌ ميسر لما خُلق له" وكل واحد ربنا بيدبر له اللي فيه الخير ليه. عمومًا مش عاوز أصدع دماغكم بتفاصيل في الحاجات دي وانتوا كده كده هتعرفوها مع الوقت بإذن الله .

#الخلاصة من كل الليلة دي:
👈🏻 إن الطب مستقبله واسع جدًا ومجالاته كتيرة، يعني أنت كـ طبيب قدامك فرص كتير لا حصر لها وممكن تسافر لأي دولة تحلم بيها وتتعلم فيها علم محترم وترجع تفيد بلدك وأهلك وناسك بـ اللي اتعلمه. ❤️
👈🏻 وبأكد مش نهاية الكون لو أنت متعينتش في الجامعة.. عشان الموضوع ده شوفته بيسبب إحباط لناس كتير على مدار السنين اللي فاتت.
💭 "سيُفتح بابٌ إذا سُدّ باب.. نعم وتهونُ الأمور الصعاب"
🎓 احلم انوِِ وركز وخطط وقرر وشوف أنت عاوز إيه؟ وإيه اللي يناسبك؟ والمهم ابدأ اشتغل على نفسك واتعلم وضيف skills أو مهارات جديدة تساعدك قدام في الطريق اللي هتمشي فيه.. عشان لما تيجي الفرصة تبقى جاهز يا بطل. 😍
🎓 كل حاجة ليها ثمن والحياة مش وردي ومش كل حاجة هتجيلك على طبق من دهب.. كل حاجة محتاجة منك شوية مجهود ومعافرة وإصرار وعناد.
عاوز أطمنكم بردو إن دراسة الطب حتى لو كانت تقيلة إلا إنها مش صعبة زي ما انتوا متخيلين ولا مستحيلة.. وده طبيعي في أي كلية.
''والامتحان الحقيقي بيكون قدام العيان'' ومفيش أجمل من إنك تكشف على مريض وتلاقيه داخل بعدها بفترة يدعيلك ويقولك الله يباركلك يا دكتور العلاج اللي كتبته لي خفيت عليه.. تخيل ربنا جعلك سبب ورحمة شفاء للناس.. احمد ربنا على النعمة دي وادعُ دايمًا إنه يبعتلك العيان اللي مُقدر له الشفاء.
استحضر النية وتوكل على الله واستعن به في كل حاجة في حياتك وخصوصًا رحلة السفر الجميلة اللي انت على أعتابها حاليًا.. ولا تنسَ دعاء السفر "اللهم أنت الصاحب في السفر". ❤️
هل حاسس دلوقتي إن البوست أفادك وإنك فاهم ولو 60 % بس من شكل الحياة بعد التخرج؟
#جروب_التليجرام_أولى_طب👇
https://t.me/joinchat/EC186T78Xsk4ZTZk

اطمنوا الكليه سهله جدا طالما انت حبيبها ومجتهد في مذاكرتك وطالما انت جبتها ده دليل انك قدها وتقدر تبدع فيها كمان🥼🩺
#الطب_للعظماء❤️

صنفت هذه الصورة كأفضل صورة في تاريخ الأطباء، هي للدكتور زبينيو ريليغا البولندي بعد عملية زراعة قلب استمرت 23 ساعة.
الصورة التقطت عام 1987 بعد عملية طويلة الزمن اختلف كثيرون بوقتها لكن تتراوح بين 13 إلى 23 ساعة، ومما يميز الصورة إظهار الطبيب ينتظر بجانب المريض ولا ينظر إلى الكاميرا بل إلى شاشة على يمينه لمراقبة وضع مريضه، كما تظهر إحدى الممرضات منهكة نائمة في الزاوية اليمنى للصورة.
يذكر أن هذه الصورة تم اختيارها كواحدة من أفضل 100 صورة في تاريخ ناشيونال جيوغرفيك.

شارك لينك جروب التليجرام لكل دفعتك لتنضم معنا 👇
https://t.me/Module_in_capsule

الحياة مليئه بالصراعات إن أردت النجاح فيها فارجع دائما للأساسيات وأساس كل شئ التعلم ،فالتعلم كالشفاء يتكرر الكثير من المرات.
#مثلا-
نحن نتخصص ف الطب لأننا نريد إنقاذ الأرواح ، فالمريض دائما مايحاول الهرب من الخط الفاصل بين الموت والحياه ، وعند الألم دائما يفقدون حسهم بالواقع ولايريدون الإستماع إلى العقل.
#نحن
كأطباء كل ماعلينا فعله هو أن نقاتل من أجل إنقاذ حياة ، عندما ننجح ف ذلك👏
هذا اليوم❤ يجعلك فخور لأنك حظيت بفرصة لتعلم كل شئ يمكنك تعلمه👌
شارك جروب التليجرام بين دفعتك
https://t.me/Module_in_capsule

ستجد بعض الأشخاص الذين لن يدعموك أبداً ، بل سيَسعون دائماً لتحطيمك وتزويدك بالإحساس السلبي تجاه نفسك ، وإقناعك بعجزك ، من خلال كلماتهم السخيفة ، كل ذلك لأنهم يخشَون مما قد تُصبح عليه في المستقبل.. ✨
شارك جروب التليجرام بين دفعتك
https://t.me/Module_in_capsule

bio intro for 1st year

السلام عليكم ورحمة الله وبركاته ازيكم يادكاتره المستقبل عاملين ايه؟ اتمنى تكونوا بخير ان شاء الله 💙
انا الدكتور إبراهيم سلام ساته طب🩺❤️
استكمالا للخطة اللي الدكاترة ماشيين بيها في توضيح الأمور لاخوتنا اللي داخلين أولى بشرى
دا فيديو بسيط عن ال Biochemistry
إن شاء الله موجود فيه :
1 - يعني ايه Biochemistry؟
2- كيف بدأت ال Biochemistry؟
3- ايه المركبات المهمة في ال Biochemistry?
4- هندرس ايه من المركبات دي في كل موديول من موديولات سنة اولى إن شاء الله؟
الفيديو دا للتوضيح فقط يعني زي ما تقول كده فهم الدنيا ماشية الزاي مش للمذاكرة خالص ☺️
الحقيقة كنت عامل الفيديو ساعة الا تلت بس قصيت منه كتير علشان ميكونش طويل وتزهقوا من الاول كده 😂
موفقين ديما إن شاء الله 💙💙

شباب اي حاد عاوز يستفسر ع حاجه نظام كليه الطب يسأل وان شاء الله نعرف نرد عليكم جروب المناقشة👇
https://t.me/joinchat/tFimv1SsC3djYTFk

إنتظرونا غدا مع عملاق مادة الهستولوجي د.زهرة
اللايف غدا الساعة ٥ عصرا
هيرد ع كل أسئلة واستفسارات حضراتكم عن مادة الهستولوجي
#Medical_First_year

#جروب_التليجرام_أولى_طب كل الجامعات👇🩺🥼
https://t.me/Module_in_capsule

#شارك_ف_جروب_دفعتك_لتنضم_معنا_بالتيم❤️

After minutes ..... Loading🩺🥼

هاااام جدا أولى طب 🩺❤️
شير ع جروب دفعتك واسمع اللايف الخاص بعملاق الهستولوجى د.زهرة

https://www.facebook.com/groups/787446398589012/permalink/806023486731303/

1- Live dr Ahmed zahra (محاضر مادة الهستولوجي بجامعات مصر)
https://www.facebook.com/groups/787446398589012/permalink/806023486731303/
_________________________
2- Introduction of Anatomy (مقدمة علم التشريح)
https://www.facebook.com/groups/787446398589012/permalink/807571743243144/
_____________________________
3- Introduction of Biochemistry (مقدمة عن الكيمياء الحيوية )
https://www.facebook.com/101004068123243/posts/429973031893010/
_______________________
4- Introduction of Microbiology
(مقدمة علم الأحياء الدقيقة)
https://www.facebook.com/groups/787446398589012/permalink/808271576506494/


#أكتر_دكتور_هيعمل_إشارة_للى_داخلين_أولى_طب_هينضم_معانا_بالتيم❤️💊

دكتور محمد حسيني كان بيشرحلنا باطنة من سنتين (رحمه الله وأسكنه بالفردوس الأعلى ) والطلبة كانت بتحبه جدا جدا علشان كان عنده ميزة مش عند أى دكتور بيشرحلنا 💔
وهي جبر الخواطر👇
#أوعى_تقلق_الطب_للأقوياء_والعظماء✨🩺🥼

نموذج طالب الطب الناجح ( نصائح لطلبة سنة أولي طب )
______________________________________________
١- [ الترم المقدس ]

علي عكس المتصور ان سنة ٦ في النظام القديم هي الاصعب علشان عندهم باطنة و جراحة و لكن علي ارض الواقع فاصعب ترم علي الاطلاق هو اول ترم في الكلية ليه بقي ؟

حضرتك بتبقي لسا طالع الحياة الجامعية جديد ولا تعرف طبيعة المواد ولا ازاي ولا منين تذاكرها و لسا بتتعود علي كل ده و بعض الناس بتبقي فاكرة انها بتذاكر كويس و تكتشف في درجة اول امتحان قد ايه هو كان غلطان و للاسف اعلي نسبة شيل مواد في كل الجامعات كانت في طلبة سنة أولي

اول ترم ده كفيل انه يديك دفعة إيجابية عملاقة نفسيا و في الGPA و كفيل انه يخسف بنفسيتك و درجاتك الارض فعلشان كدا رجاء رجاء متشغلش نفسك بأي حاجة تانية خصوصا في اول ترم غير الكلية و المذاكرة و في الواقع نفس المبدا المفروض يكون موجود و انتا لسا بتتعرف علي حاجة جديدة لاول مرة
______________________________________________
٢- [ الدرجات ولا العلم ؟ ]

فارق شاسع بين الطالب الي بيذاكر علشان يجيب درجات و الي عايز يحصل معلومات ليه ؟ لان كل رئيس قسم في كل جامعة ليه تفصيلات معينة و وضع معين و منهج معين قد يكون مختصر و قد يكون زيادة و قد يكون قديم متجددش و بناء عليه علشان تتعلم كويس و تستفيد من المعلومات يبقي لازم سيادتك تخرج برا نطاق المنهج او التحديدات الي عوالم اليوتيوب و التيكست بوكس و كتب المعادلة بس حيلك حيلك انتا مش هتحضر دكتوراة في المواد الي بتذاكرها انتا بتاخد المعلومات الاساسية الي هتخليك GP و غير كدا لو سرحت في مصادر العلم للعلم اه هتتعلم كويس بس مش هتجيب درجات عالية

مذاكرة الدرجات محتاجة حرفية شديدة محتاج تفهم دماغ الدكتور بيحب ايه و بيكره ايه و بيركز علي ايه و تحل MCQs و Cases السنين السابقة بكمية كبيرة إذا استطعت اليها سبيلا و اصلا الوقت ضيق و يدوبك هتلحق منهج الجامعة ؟

طيب حيرتنا ياعم المفروض نعمل ايه ؟ طول الترم انتا شغال بشكل متوازي بين مذاكرة الدرجات و مذاكرة العلم للعلم و تيجي قبل الامتحانات تذاكر بيور ده أحسن شكل ممكن
______________________________________________
٣ - [ الاستكشاف و الexposure ]

بيقولك ( الحكم علي الشيئ حكم عن تصوره ) علشان تتخذ اي قرار و تعمل بروسيس تفكير صح فانتا محتاج تكون باني معلومات صح خصوصا انه فيه كم هائل من القرارت المصيرية الي محتاج تاخدها ورا بعض و انتا خبرتك قليلة فانتا المفروض اول حاجة تحاول تستكشف الدنيا حواليك و تتعرض لتجارب جديدة

حاول تشوف كل الافكار و التجارب الموجودة و الحاجات السلبية قبل الإيجابية و دور دائما علي الدوافع و العقلية و تسلسل الاحداث و الافكار الي وصلت الشخص ده القرار او الفكرة دي و كل واحدة فيهم اهم من التانية

و دائما بيبقي فيه تراكات و فرص كتيرة جدا مش مشهورة و مش معروفة و لكنها بتبقي قيمة جدا جدا و الوصل ليها بيتطلب شبكة علاقات كبيرة و تحري دقيق للفرص
______________________________________________

٤- [ الخبراء الروس ]

الكلية بشكل عام عاملة زي الحياة كل واحد بيبدأ الحياة جديد و هو قليل الخبرة و قليل العلم و بيقعد يخبط لحد ما يلاقي الصح و الانسب ليه و لكن في اي حاجة بشكل عام في اكتساب الخبرة فيه حاجات بتختصر عليك عملية التجربة و الخطأ دي و هي الاستشارات و النصائح من الناس الاكثر خبرة

الفكرة المهمة هنا ان كل واحد بيبقي عنده تجربة قد تكون خاص بيه و صعب تكرارها او تعميمها و لكن بيبقي دائما فيه ناس كدا ملمين بالوضع كاملا بكل تفاصيله و هما دول الاقدر علي انهم يدوا نصيحة او خبرة صح فكن حريص انتا بتاخد خبرة من مين

الحاجة التانية و انتا بتاخد خبرة من حد اتأكد انك فاهم صح لانك غالبا ممكن تفهم غلط انا فاكر و انا في اول ترم في الكلية حد في سنة 4 قالي ( انتوا نظامكم MCQ فاوعي تحفظ حاجة و ركز علي الفهم ) فانا فعلا محفظتش ولا رقم ولا مصطلح ولا اسم دواء ولا اي حاجة يدوبك بس حاولت افهم و الحمد لله لبست جامد في الميدترم و لما كلمته طلعت انا فاهم غلط و هو كان قصده محفظش باراجرافات بحالها زي الريتن و اركز اني اعرف المعلومة "احفظها" ياعني فتيك كير بقي يسطا

______________________________________________
٥- [ اوعي الburnout ]

الحياة مبتتاخدش بالعافية ناس كتير بتبقي داخلة الكلية قمة في الحماسة و الطاقة و تفرم نفسها مذاكرة كل يوم طول اليوم و يسهر و يطبق و بدون توقف ولا بريك و بيعامل نفسه علي انها مكنة الماني ماشية بالديزل بس سرعان ما ينتهي الامر بالBurnout الي هو استنفذ طاقته بالكامل و لم يعد قادرا لا نفسيا و لا جسديا علي انه يدي تاني ابدا