#الطب_بالساعة_ولا_بالسماعة !!🩺💊

يلا بينا نتعرف على حبة حاجات جديده ومصطلحات جديده ومهمة جدًا يعني😃

✨ عرفنا مع بعض إن الطب بقا نظام تكاملي؛ عبارة عن ( خمس سنين دراسة+اتنين امتياز )
وكل سنة فيها اتنين سيمستر ( أيوه يعني ترم بس بالإنجليزي يا دكتور ) .
_ كل سميستر بقا هتدرس فيه عدد معيّن من الوحدات الدراسية اسمها ( modules ) اللي احنا بنقولها موديولات= مواد يعني؟

✨ لا مش بالظبط تعالى أقولك يعني ايه (modules) دي ببساطة شديدة، الموديول عبارة عن : إنك تدرس أجهزة وأنظمة الجسم من ناحية كل المواد.. أبسطهالك 😚😚

_ يعني مثلا عندك موديول اسمه (Cardiovascular system) اللي هو (القلب والجهاز الدوري) يبقا تأخد كل حاجة متعلقة بالجهاز ده في كل المواد (يعني اناتومي , فسيولوجي , بايو, هستو, فارما, باثولوجي , ميكرو)
فمثلا :-
_الأناتومي : نعرف تشريح الجهاز اللى معانا بالموديول ومكان كل عضو فين،
_ البايوكيمستري : التفاعلات الكيميائية اللي بتحصل فيه
_ الفسيولوجي : طريقة تأدية الأعضاء للوظائف المختلفة
_ الهستولوچي : شكل أنسجة العضو تحت الميكروسكوب
✨ متقلقش ده على سبيل المثال لكن هتعرف كل حاجة عن المواد بالتفصيل في اللي جاي😌
#لذلك
علشان نبسط ع الطلبة الكتب الطبية للموديولات عملنا تيم
Module in Capsule
دى سلسلة كتب طبية لمعظم السنين الدراسية لينك الصفحة👇
https://www.facebook.com/Med22A.M.A/

✨ونظام الامتحانات بيكون بردو علي الموديول مش علي المواد.
= طيب الموديول ده مدته بتكون قد ايه؟
بيختلف من موديول للتاني فمرة هتلاقيه سبع أسابيع ومرة هتلاقيه اتنين بس على حسب كل جهاز محتاج كام ساعة معتمده.

✨ طب ايه بقا الساعات المعتمده وأهميتها؟؟
*مبدئيا هي مش بتساوي الساعة العادية*
_ الساعة المعتمدة أو الكريديت هي وحدة قياس للموديول، وأهميتها إنك بتحسب درجات الموديول من خلالها بحيث :
_ الساعة المعتمدة = 25درجة وكمان = 15 درس ( عملي مع نظري و Tbl..)
فمثلًا، لو قولنا موديول الجسم الطبيعي البشري( أول موديول عندك ) 7 ساعات معتمدة.
__ إذًا: عدد السكاشن مع المحاضرات = 7 × 15 = 105 درس
_ عدد الدرجات= 25 × 7 = 175 درجة.
= طيب المدة دي، الدراسة هتكون فيها إزاي؟
_ هتتنوع مابين حضور محاضرات نظري وعملي وأنشطة كتيييير تانية زي ال TBL ؛ مش هنتكلم عن ده دلوقتي هيكون ليه بوستات لوحده

✨ المفروض بقا تحضر قد ايه من كل ده؟
_ 75% من مدة الدراسة للموديول دا، ف بالنسبة لموديول الجسم الطبيعي البشري ( NHB ) اللي هو أول واحد ده مطلوب منك تحضر 75% ×7 = 5.25 ساعة معتمدة يعني، ودا طبعًا إجباري وحد أدنى كمان 🤫
#الطب_للعظماء💪🥰

رساله للناس اللي هتشرفنا ❤️❤️❤️في عالم الطب❤️
اي حد يعقدك ويحبطك من الكليه
اساله السؤال دا
لو رجع بيك الزمن هتختارها ولة لا؟؟
هتلاقي 98% من الناس المحبطه ده هيقلولك كنا هنختارها 😶
هتكلم عن المميزات والعيوب بكل حيادية 😐😐
#المميزات
1- طبعا الطب من افضل العلوم اللي ممكن تدرسها في حياتك ❤️الدراسه شيقه جدا جدا وانك هتعرف فعلا حكمه ربنا وهتزيد إيمانا به اكتر واكتر من خلال أن ربنا خلق كل حاجه بأحكام ❤️وتدبير جبار ❤️❤️
2/ الربح المادي مع مرور الوقت اها فيها فلوس كتيره جدا وفكك من اي حد يقولك مش تجيب فلوس ودكتور الامتياز بياخد فلوس قليله الكلام دا غلط ❌❌❌❌
3/ اكتر مجال ممكن تسافر من خلاله
سواء بتحضير معادلات زي ال USML ( معادله ممارسه الطب في امريكا❤️) أو plab ( ممارسه الطب في انجلترا )
وغيرها وغيرها
يعني ممكن تسافر اي دوله ❤️❤️❤️بس اكيد يكون فيها تعب ونت وشطارتك 💜

#العيوب
1/ هتتعرض لضغط كبير جدا جدا وخصوصا ايام الامتحانات وده عاوز واحد اكيد يتأقلم علي الوضع ده ويكون بارد 😐😐
2/ وارد واعتقد الشرط ده في اي كليه تقابل ناس يقولك مبزاكرش وفي الاخر تلاقيه مترتب كمان😂😂😂( في من ده كتير ) ربنا يوفق كل واحد يارب ❤️✨
3/نظام المديولات طبعا لا يقارن بالنظام القديم وهو انك هتدرس كميه كبيره جدا جدا في وقت قليل خالص 😐😐
والقائمين علي النظام لاسف معندهم خبره كافيه
لكن كمان سنتين تلاته اكيد الوضع هيتحسن وهيكون افضل ❤️

#نصائح_الشخصيه ::
1/ متبصش لحد وان دا جاب اعلي ودا جاب أقل
اهم حاجه اعرف انك بتدرس إرضاء لله عز وجل❤️
وان للدرجات والترتيب ده رزق في الاول والاخر ❤️
2/ متخليش اي حاجه تضر بصحتك النفسيه 😊😊انت اهم من اي حاجه ❤️وارد هتتنضغط وهتزهق كتير بس كله بثوابه❤️
3/ ايام الامتحانات أعزل نفسك تماما ❤️وخليك مع المزاكرة بس😊
4/ اكيد في بدايه الكليه هتقابل صعوبات ومش عارف تزاكر
ده كلنا مرينا بيه❤️ ولو مقابلتش صعوبات فأنت شخص مش طبيعي😂😂😂😂متخليش الفتره اللي في بدايه الكليه تأثر عليك وتخليك تحول
متسمعش حد يقولك لا يعم احول اسنان 😊
كل كليه فيها حجات صعبه وأسنان مش نفس صعوبه البشري اها بس اكيد في مزاكره وتعب فيها بردك
مفيش حاجه بالساهل❤️

ده كانت تجربتي الشخصيه واكيد هتختلف من شخص لي التاني 😐😐

لكن انت فعلا لو قادر تتأقلم علي عيوبها وحاببها دوس ومتسمعش كلام حد❤️❤️❤️❤️
مفيش حلاوه من غير نار يا صديقي😅😅

Doctors Soon 2022

ونحنُ للأحلام وإن طال بنا الإنتظار .🩺

ولسه مستمرين معاكم ف توضيح أولى طب بشري ✨

#بنكمل سلسة رسم طريق الطب، وزي أي رسمة ليها تفاصيلها، فالطب كمان ليه تحابيشه. 🎨
ايوة زي ما قرأت كدا بالظبط...هنتكلم النهاردة عن "تحابيش الطب"
بس الأول خدوا بصة كدا على البوست الي فات👇
https://m.facebook.com/groups/787446398589012/permalink/793678057965846/
____________________________________

⬅️ياترى يعني ايه تحابيش الطب؟👀

#درجات_الموديولات بتتقسم كالتالي:
40% أمتحان بنهاية السميستر= (إند سميستر)
30% عملي،
20% إند موديول
طب حلو كدا 90%،
فين ال 10% الباقيين بقا؟😅

⬅️ال 10% دول بتوع التحابيش بقا( أبسطهالك ف الثانوية كنا بنسميها أنشطه يعنى أقل أهميه )
#وبيتوزعوا_كالتالي:

1️⃣ #التعلم_الذاتي (Self Directed Learning) SDL:
ومن الإسم ف دي حاجة بنعملها بالإعتماد الذاتي، الدفعة بتقسسم لعدد من المجموعات، وكل مجموعة ليها دكتور، ومسؤولة عن موضوع معين
مش شرط يكون ليه علاقه بالموديول الي بتدرسه
وبيبدأ كل شخص يسرّش عن حاجة معينة ويجمعوا المعلومات كلها في ملف يخصهم في الآخر ويعرضوه على الدكتور المشرف عليهم.
🔹وإيه فائدته؟
(1) بيفتحلك الطريق للبحث العلمي، وانك تدور على المعلومة بنفسك وإزاي تعرف المصادر الموثوق منها من غيرها.
(2) بيساعدك على تثبيت المعلومة الي دورت عليها بنفسك اكتر.
(3) بيعلمك الاعتماد على النفس بشكل اكبر.

2️⃣ #التعلم_القائم على الفريق (Team Based Learning) TBL:
الدفعة برضو بتتقسم لمجموعات اكبر شوية، وبيكون معانا دكتور مشرف
عبارة عن جلستين واحدة كل اسبوع.
_الأولى بنفهم الموضوع بشكل سطحي ونبدأ نشوف العناصر الي عاوزين ندور عنها
_والتانية بنبدأ نتناقش في العناصر دي، وممكن يكون في نهاية الجلسة التانية اسئلة عن العناصر دي.
🔹ايه فائدته؟
(1) تتعلم وتتدرب على العمل الجماعي والذي لا غنى عنه في الكلية.

3️⃣ #التعلم_القائم على المشكلة (Problem Based Learning) PbL:
زمانكم بتقولوا بااااس لحد كدا وكفاية 😮‍💨
اصبروا بس لان دا أمتع حاجة فيهم....طب وازاي دا؟
هقولكم... دا بقا يدكاترة عبارة عن ان الدفعة بتقسسم مجموعات
وبعدين بقا في الفرهدة دي بس المرادي بقا معاكم حالة مرضية مكتوب كل تفاصيلها أو ال "History" بتاعها، بداية من الاسم والسن والأعراض والتحاليل والأشعة للحالة وكل كل حاجة... ونبدأ ندور في كل معلومة تهمنا في الحالة دي نسرش عنها
وحمدالله على السلامة وصلنا في الآخر لتشخيص الحالة او ال Diagnosis وبقينا ميني دكاترة خلاص 😎
🔹إيه فائدته؟
(1) بيدربك على النظام التكاملي بشكل عملي شوية، وليكن مثلا انت لقيت عرض ف بتعرف ليه ظهر وازاي واي مضاعفاته وكمان علاجه.
(2) الحالة الي بتدرسها دي بتكون ليها علاقة بالموديول الي بتدرسه، ف دا بيساعدك على فهم الموديول من كذا اتجاه بشكل أحسن.
(3) بتتعلم ازاي تشخص حالة، ولو جت قدامك في الحياة الواقعية اكيد هتعرفها.
___________________________________
4️⃣ #معمل_المهارات Skill Lab:
دي معامل مجهزة ب "مانيكانات متطورة" تشبه للانسان بتساعدك انك تمارس الجزء العملي عليها زي مثلا قياس الضغط او سماع القلب او تركيب الكانيولا وغيرها الكتير جدا...
🔹 بتدربك على كيفية التعامل والتشخيص الصحيح مع المرضى.

5️⃣ #ملف_الانجاز_الشخصي او Portfolio:
دا ملف بنشتريه زي كدا ألبوم صورنا بس بقا مش بنحط فيه صورنا لأ، بنحط فيه امتحانات الفورماتيف الي امتحاناها وأي بحث كان مطلوب مننا وكمان ال log book بتاعنا المسؤول عن تسجيل الحضور.
وبينطلب مننا كل نهاية موديول
__________________________________

سمعاكم يا دكاترة وانتوا بتقولوا ازاي دول كلهم عليهم 10%!
ايوة هما كدا ودي درجات مش قليلة خالص وبتفرق في درجة الموديول وبالتالي تقدبره ف بلاش اهمالهم ها😉
ومتتخضوش مش شرط كله يتنفذ، في حاجات بتتم وحاجات لأ ودا على حسب الكلية او منسيقين الموديولات.

وبكدا اقولكم الحمدلله على السلامة وقدر ولطف
وخلصنا تحابيش الطب والى اللقاء في رسمة جديدة لتفصيلة جديدة في رحلتكم مع الطب 👣❤️

إنضم لجروب أولى بشري ع التليجرام👇
https://t.me/joinchat/EC186T78Xsk4ZTZk

وتهدينا الحياة ؛ أضواءً في آخرِ النفق ..

ثِق يقيناً أنّ النفَق الأشدُّ ظلاماً في كربك .. يوماً ما سيُصبح أحاديثَ سمَرٍ ؛ تواسي به جلسائِك .

_-💙🩺-_
Medical First Year

#منشن_للداخل_سنة_اولى_طب
🎯ما هي أنواع العظام Bones ⁉
هيا بنا 👬👭
👈قبل تقسيمها لابد أن نعرف أنها تقسم تبعا لماذا 🙎🙆
تبعا ل ( التركيب Structure _ الشكل Shape _النمو والتعظم development and ossification )

🎯ما هي أنواع العظام تبعا لتركيبها Structure ⁉

📍 عظم مكتنز Compact bone : وهو الذي يتميز بالطبقة الخارجية الصلبة ( Outer hard layer ) .

📍عظم إسفنجي Spongy bone : وهو الذي يمثل الطبقة الداخلية الأضعف ( inner delicate layer ) .

🎯ما هي أنواع العظم bones تبعا لشكلها Shape ⁉
📍العظم الطويل long bone : مثل عظمة الفخذ Femur وعظمة العضد Humerus

📍العظم القصير Short bone : مثل عظم كعب القدم ( tarsal bone ) و عظم الرسغ ( Carpal bone ) .

📍عظم غير منتظم irregular bone : مثل الفقرات Vertebrae .
📍عظم مسطح Flat bone : مثل عظام الجمجمة Skull bone و عظمة لوح الكتف ( Scapula ) و عظمة القص ) Sternum..
📍عظم هوائي pneumatic bone : مثل العظام التي تكون الجيوب الأنفية Air sinuses ومنهم ال
Maxillary air sinuses .
📍عظم سمسمي Sesamoid bones : مثل عظمة الرضفة (patella ) .
.........................................

🎯ما هي أنواع العظام تبعا للتعظم ossification والنمو development ⁉
📍العظم التي تتحول من الأغشية
Membranous ossification
مثل ال vault of the Skull .

📍العظم الذي يتحول من الغضاريف
Cartilagenous ossification
مثل عظام الأطراف أثناء نموها وطولها.

🎯ما هي أهمية العظام ⁉
📍تقوم بحماية أجزاء مهمة من الجسم مثل العمود الفقريVertebral column يقوم بحماية الحبل الشوكيspinal cord ....والجمجمة skull 💀تحمي المخ Brain.

📍يوفر مكان اتصال للعضلات
🍂Bones are site of attachment for the muscles .
📍يعد مكان لتخزين الكالسيوم والفوسفور
🍂Site for storage of Calcium and phosphorus.
📍يحتوي على نجاعة العظام المسؤول عن تكوين خلايا الدم
🍂Contain bone marrow that help in the formation of the bone cells .

آسفة على الإطالة
دمتم بخير يا دكاترة المستقبل 🌹

#جروب_التليجرام خاص بأولى بشري هاااام جدا👇
https://t.me/joinchat/EC186T78Xsk4ZTZk

#جروب_الفيس👇
https://m.facebook.com/groups/787446398589012/permalink/793678057965846/

1/lecture Medical terminology
ان شاء الله يفيدكم ♥️✨

‏ https://www.facebook.com/groups/787446398589012/?ref=share
وده لينك الصفحه عشان تتابعو كل جديد ✨

‏t.me/Module_in_capsule
وده جروب التليجرام ✨

# دكاتره 2021 نورتو طب بشري ♥️✨

Introduction of Anatomy
( مقدمة علم التشريح)
ان شاء الله يفيدكم ♥️✨

‏ https://www.facebook.com/groups/787446398589012/?ref=share
وده لينك الصفحه عشان تتابعو كل جديد ✨

‏t.me/Module_in_capsule
وده جروب التليجرام ✨

# دكاتره 2021 نورتو طب بشري ♥️✨

كل جهد بذلته ووقت قضيته وصعوبة واجهتها في سبيل دراستك تلك التفاصيل التي تراها وحدك بين حرفك وكتابك لن تضيع عند الله ولو كانت سبب أحزانك مهما تعثرت في طريق العلم خطواتك ثق بنفسك وانهض ولاتستسلم لإحباطك لاتهتم لخيباتك ستستعيد توازنك وتحقق أحلامك لن يضعك الله بمكان يفوق قدرتك 🧠🙇🏽‍♂.
#Module_in_Capsule

دي قناة تيم الشرح يتكون من دكاترة ساته طب وإمتياز
#Module_in_Capsule💊🥼

الصّعُود إلى القمّة صَعب، ولكِن المنظر من الأعلى يستّحِق المُحاولة🕊...

لو إنت أولى طب بشري ف تعالى مع بعض ناخد جولة ف أول سيمستر(ترم) بكليتنا العظيمه😅✨

#أول_موديول_في_السمستر هو:
🔹 الـ Normal human body (الجسم البشري الطبيعي)
"متتعودش على الترجمة " دا أطول موديول ف السمستر مدته 7 أسابيع ولما تخلصه هيبان لك انه كان اسهل موديول ولذيذ خالص
هتدرس فيه:
- الـ Anatomy: وف الموديول دا هناخد introduction بسيطة عنه وهتاخد حبة Embryology ودا علم الأجنة -بيدرس مراحل تكون الجنين والاندماج وغيره-.
- الـ Physiology: ودي من ألطف المواد عندنا وهتأخد انترو بسيطة فيها مع شوية من الـ autonomic nervous system
- الـ Histology: هتأخد Cytology في الموديول ده ومش هقولك أكتر من إن دي المادة اللي هتؤهلك إنك تبقى كونيكتف تيشو ❤
- الـ Biochemistry : كيميا بس على كبير شوية ومحتاجة تتذاكر كويس عشان بتتنسى 😅

#ثاني_موديول_في_السمستر
(Cellular & Molecular Biology and principles of genetics)
(البيولوجيا الجزيئية والخلوية والمبادئ الوراثية):
- الموديول دا مفيش فيه حاجة صعبة أو طويلة غير اسمه هيبقى أسبوعين ومواده:
- الـ Histology: وهتاخد منه هنا الانقسام الميتوزي والميوزي وأطوار الخلية.
- الـ Biochemistry: ودي من المرات القليلة اللي هتشوف الجانب الطيب من البايو
- يليه موديول جامد أوي ويعتير أهم موديول في السيميستر الأول كله 😢

#ثالث_موديول_في_السمستر
(principles of diseases & drug therapy)(مبادئ الأمراض والعلاج بالعقاقير)
- ودا موديول رايء جامد زوحليقة وحسبي الله ونعم الوكيل فيه 😢
- أمراض Pathology و أدوية Pharmacology يعني هتبدأ تصدق إنك دكتور جامد أوي و مدته 4 أسابيع بس هتنطفي 😢😢

#رابع_موديول_في_السمستر
(العلوم الطبية الحيوية) (Biomedical science):
ولازم أعترفلك يخوي أن فيه قصة حب عظيمة هتعرفها في وقتها
- ودا عاوز حد بيعرف يذاكر وبيحب يذاكر وفاضي يذاكر هناخد فيه :
- الـ Microbiology: بكتيريا وفيروسات وفطريات وكل اخواتهم
- الـ Parasitology: فاكر بلازموديوم الملاريا وأنثى بعوضة الانوفيليس هم دول بس جابوا اخواتهم وراجعين بقوة
كدا انت هنيئا لك يفنان خلصت السيميستر الأول لك في الكلية والموديولات الأساسية باقي شوية مواد بسيطة وتكون خلصت السيميستر الأول كله

-- المهم ركز معايا بقا ف اللي جاي 👇
#الموديولز_الإضافيه اللى هتمشي معاك من أول سمستر من أوله لآخره كل أسبوع محاضرة
🔸 الـ Medical ethics (الأخلاقيات الطبية): في كليات هتاخد بدالها Softskills وتاخدها السمستر التاني "لو هتاخدها السمستر التاني وروحت لدكتور في السمستر الأول عرفه إنك ف طب عشان يرجعلك تمن الكشف"
🔸 الـ Medical terminology (المصطلحات الطبية): ودي لغة الطب أو المادة الل هتفهم منها المصطلحات الطبية واللي احنا أخدنا فيها كورس سوا.
▪️ الـ (Elective) (المادة الإختيارية) : اتكلمنا عنها و أكيد عرفت نظامها وإنها مش داخله معانا ف التقدير ومادة لطيفة كدا..

- وبس يا سيدي كده خلصنا رحلتنا ف أول سمستر ✨🩺
إنضم لجروب التليجرام الخاص بأولى بشري علشان نكون معاك خطوة بخطوة👇
https://t.me/joinchat/EC186T78Xsk4ZTZk

#Module_in_Capsule💊

#مصطلحات_طبية
بعض المصطلحات الطبية اللى ممكن تقابلكم ان شاء الله ..
ألم - Pain
ألم صدر - Chest pain
بطن - Abdomen
العمود الفقري - Vertebral Column
ثدي - Breast
تضخم في الكبد - Hepatomegally
ازالة الزائدة الدودية - Appendixectomy
التهاب - Inflammation/itis
التهاب في المفاصل - Arthritis
فشل القلب - Heart failure
فشل الجهاز التنفسي - Respiratory failure
فشل الكبد - Liver failure
فشل الكلية - Renal failure
عدوى - Infection
الجلطة الدماغية - Cerebral Vascular Accident
ضمور في العضلة - Myotrophy
زيادة - Hyper/Increase
انخفاض - Hypo/Decrease
زيادة الضغط - Hypertension
ورم في الغدة - Adenoma
تصلب الشرايين - Atherosclerosis
عضلات - Muscles
الأوتار - Tendons
الغضروف - Cartilage
الأربطة - Ligaments
الغضروف الهلالي - Meniscus‏
الأغشية الزلالية - Synovial Membranes
السائل الزلالي - Synovial Fluid
الجهاز الهضمي - Digestive system
الجهاز الدورى - Circulatory System
الدم - Blood
كحة - Cough
الساعد - Forearm
مفصل الكتف - Shoulder Joint
مفصل الكوع - Elbow Joint
مفصل الرسغ - Wrist Joint

#بعض_مصطلحات_علم_الأناتومي_Anatomy
مستوى - Plane
مستوى أفقى - Horizontal plane
مستوى رأسي - Vertical Plane
أمام - Anterior
خلف - Posterior
أعلى - Supperior
أسفل - Inferior
خط منتصف الجسم رأسيا - Mid line
بعيد عن المنتصف - Lateral
قريب منه - Medial
باطن اليد - Palm
ظهر اليد - Dorsum of hand
باطن القدم - Sole of foot
ظهر القدم - Dorsum of foot

#أصابع_اليد :-
الابهام - Thumb
السبابة - Index
الوسطى - Middle
البنصر - Ring finger
الخنصر - Little finger

#أصابع_القدم :-
اصبع القدم الكبير - Big toe
اصبع القدم السبابة الثاني - Index toe
اصبع القدم السبابة - Middle toe
اصبع القدم الرابع - Fourth toe
اصبع القدم الصغير - Little toe

#باللاتيني :-
لون - Chromo
أحمر - Erythro
أبيض - Leuko
أزرق - Cyano
أخضر - Chloro
أسود - Melan
خلية دم حمراء - Erythrocyte
خلية دم بيضاء - Leukocyte
بلاستيدة خضراء - Chloroplast
كل - Pan
دم - Emia
فقر أو نفى - An
فقر الدم أو انيميا - Anemia
القلب - Cardia
زرقة - Cyanosis

https://www.facebook.com/groups/787446398589012/permalink/799624694037849/
الي عندو اي اسئله قبل دخول الجامعه يتفضل يا دكاتره ♥️✨