يقول ابن نُجَيم رحمهُ الله:

«الدَّعْوَةُ الْمُسْتَجَابَةُ يَوْمَ الْجُمُعَةِ فِي وَقْتِ الْعَصْرِ عِنْدَنَا عَلَى قَوْلِ عَامَّةِ مَشَايِخِنَا.»

فليكُن جلّ دعائك لنصرة إخوانك المُستضعفين في كل مكان.

ولا تتخاذل.. فما النصر إلا صبر ساعة!

اللهّمّ كُن عونًا لأهلنا في فلسطين وسوريا والسودان.

اللهُمّ فكّ أسر المُعتقلين.

ادعوا لصديقتي كتير اووووي إن ربنا يصبر قلبها ومتنسوش والدها من الدعاء بالرحمة والمغفرة 💔

لا تألفوا المشهد
الأرواح تُزهق بدم بارد،حسبنا الله ونعم الوكيل

وما لم نره أشد وأعظم💔

يا بابا..

وكأنها تنتظر أباها ليربت على كتفيها ويضمها إليه ويخبرها "معلش يا روح بابا راح تهون"💔

أقولك أنا الأغاني بتعمل إيه في النفس!
صاحبنا بيسمع أغنية راب فيها تعظيم للنفس البشرية فَبياخد جرعة أدرينالين كبيرة ويبقى عظيم جدا في نفسه شويتين تلاتة.
لكنه على أرض الواقع صفر، عبد، بيشوف غيره بيموت وهو هيموت وشغله عادي جدا وبالنسبة لأصحابه عادي، لا هو خد لقطة العظمة ولا حسها.
التاني بيسمع أغنية رومانسية وبيعيشها ويبني خيالات في دماغه ويحس إن هو مفيش منه اتنين وأن الحب هيقويه ولازم ياخد اللي بيتمناها، لكنه عادي مش بيوصل وهي بتتزوج واحد تاني وبيشوف إن الدنيا مش ملونة زي كليب الأغنية اللي سمعها.

الإطار السينمائي اللي بتولده الأغنية سواء حزن أو فرح أو حب أو بغض أو تعظيم للنفس، كل ده إطار واهي ضعيف مالوش أي علاقة بالدنيا وابتلاءاتها وأذاها وضعفها والكره اللي موجود فيها.
يعني حتى الحزن اللي بيبقى المغني متأثر بيه أوي إن حبيبته سابته أو الفلوس مش مكفيه معاه شويتين فبيسرد لك قصة حياته اللي هي مش قصة أصلا وأنت بتتأثر بيها.
التأثر ده اللي بيكون في غير محله بيخليك إنت كمان ضعيف جدا أمام الابتلاءات الحقيقية، لأنك قللت قيمة نفسك وتأثرت باللي مش لازم أصلا تنظر له!
فالأغاني بتعمل منك كيان هش مالوش اعتبار في الدنيا الحقيقية.

عاوز المعنى الحقيقي لكل شعور بالضبط وهيحكيلك دواخلك وعلاجاتك الحقيقية، افتح القرآن.
ركز كده على الخطاب القرآني وهو بيقولك تعدي أيامك إزاي وتقاوم الابتلاءات إزاي، وإزاي هيصغر قيمة الدنيا في عينيك وإزاي هيعطي لك قيمة حقيقية، وإزاي هيضبط مشاعرك وإنك لا تستهلكها في أي مكان وخلاص، وغيره وغيره من أصغر حاجة لأكبرها لحد ما تدخل الجنة
انظر وتحقق من كيفية الخطاب اللي بيتغلغل داخل أغوار نفسك، وكيف لا؟ وهو من كلام قدير حكيم خبير؟

-إسـلام منصور

﴿أَفَمَن شَرَحَ اللَّهُ صَدرَهُ لِلإِسلامِ فَهُوَ عَلى نورٍ مِن رَبِّهِ فَوَيلٌ لِلقاسِيَةِ قُلوبُهُم مِن ذِكرِ اللَّهِ أُولئِكَ في ضَلالٍ مُبينٍ﴾

القارئ/محمد اللحيدان

#أنصت_تفكّر

اللهم أجرنا في مصيبتنا واخلفنا خيرا منها..

دعواتكم♥️

حاجه صغيره قد كده عايزه اتكلم عنها...

هو ليه دلوقتي بقت منتشرة نغمه غريبه كده "أنا مش معايا صحاب"
"أنا وحيد" "كنت فاكرهم صحابي" وهوب ترزعنا استوري فيها صورة ليها مع صاحبها الحاليين!!!!!!
بجد انتوا طيب تعبانين عندكوا مشكله ما أنا مش فاهمه بصراحه
اه في ناس وحيده اه في ناس بجد مش معاها صحاب بس في ناس تانيه معاها صحاب وبتقول أنها بتحبهم وفجأة تقولك أنا غريب ولوحدي ومليش آنيس كان ليا صاحب كذا بس مبقاش موجود

طب معلش بس ثواني والناس اللي بتحاول عشان حضرتك ايوه يعني دول ايه انهي خانه بس في حياتك معلش
ما انتوا تحكموا في مشاعركوا...
أحيانا الإنسان بيحس أنه مش معاه حد بس معلش الحد دا يعرف ازاي أن حضرتك زعلان وانت مخبي بكل الطرق يخاوي يعني عشان يعرف ؟!

ما انت روح قوله زعلان يا صاحبي مخنوق ما هو صاحبك، يا سيدي لما يقولك ابعد عني أو زهقتني ابقى ازعل بس متلاقيش ناس بتحاول بكل الطرق تعينك وعشان شخص واحد بس سابك يبقى انت غريب وملكش حد

قدروا محاولات غيركوا وحبهم ليكوا عشان بصراحه انا لو مكان صاحبك دا هبطل احاول بربع جنية عشانك عشان مش هينفع ابقى انا الشخص اللي دايما في العلاقه بيدي ومش بياخد ولو أخد بياخد قليل

تأدبوا ومتفرِطوش في مشاعركوا سواء كره أو حب ومتخليش الحزن يسيطر على حياتك بتعدي صدقني كله عنده مشاكل عشان دي طبيعة الحياه بس انت اطلب من ربنا حل وشوفلك صاحب أو حد آمين يساعدك

وعندما تُحدثه وأنت مُنكسر بين يديه فتقول يا الله دبِّرْ لي أمري فإني لا أُحسن التدبير ..

أتظنُّه يتركُكَ ؟

#قيـام_الليل.

مهم📌

إنّ المؤمن لابُدّ أن يُفتن بشيء من الفتن المؤلمة الشاقّة عليه لِيُمتحن إيمانه!

-ابن رجب

حاجة عن الكليات في السريع..
مش بس بتوع طب وهندسة اللي بيفضلوا في دوامة المذاكرة والمتابعة..
أي كلية في الدنيا هتحتاج إنك تذاكرلها بعد التخرج وتاخد شهادات مهنية غالية جدا معترف بيها..
اللي قالك إنك هتقف بعد الكلية ده واهم.
السعي دلوقتي بقى أضعاف زمان، الشباب كترت جدا والمعيشة غليت والمنافسة بقت على أشدها.
إنت مش هتحفر في الأرض تطلع بترول! إنت بتسعى بالحلال عادي زيك زي غيرك..
أنا مثلا خريج تجارة إنجليزي بتقدير جيد جدا، لما خلصت خدت شهادتين من انجلترا في مجالي ولسا عاوز آخد كمان سبع شهادات زيهم علشان أبقى من كم محاسب في العالم المعترف بيهم عالميا.
سني ٢٩ سنة ولسا بذاكر عادي.
المهم كل اللي بقوله إنك تسعى وسيبها على ربنا، بس متخبطش في الأول لو فيه حد يساعدك ويحطك على أول الطريق.
هتلاقي ناس بتساعد والله، اتعلم منهم وركز معاهم، وربنا يوفقكم.

تكملة للمنشور اللي فوق؛
اوع تبص لغيرك!
اوع تقول أنا اجتهدت وعملت وغيري وصل وأنا موصلتش!
اوع تبص لواحد جاهل دخل مجال التمثيل مبيعرفش يقرأ ويكتب وحاز من الدنيا ما حاز وإنت لسا بتاكل عيش حاف!
على مدار آلاف السنين ده كان حال العلماء والمجتهدين إلا ما شاء الله..
لو بصيت على علماء الأزهر وعلماء دكاترة كبار ممكن تلاقيهم بيركبوا تكاتك علشان يروحوا شغلهم والدنيا معاهم عادي!
متبصش عليها من ناحية قاصرة دنيوية، لأن ربنا موعدكش بشيء في الدنيا حتمي.
الوعد الحق في الآخرة، اتعلم العلم لله ده أولا، واتعلمه تكسب منه ده ثانيا.
متقدمش الاولى عن التانية.
متقارنش حالك بغيرك؛ لا تمدن عينيك، لأنك هتهلك وتفسد وتسيء الأدب مع ربنا.
إنت في دنيا، مطلوب منك السعي والحمد والصبر، مش مطلوب منك نتايج لأنها مش دايمة..
ممكن تقدم الخير ومتلاقيش خير عادي، مش معادلة هي مدخلاتها زي مخرجاتها..
ركز في كونها دنيا، وإن سواء خيرك وشرك محفوظ ليك، وكل نفس بما كسبت رهينة..
لسا فيه آخرة وحساب وأجر.

إذا رأيتَ الأنثى الفاتنةَ تعبرُ الطريقَ، تنفحُ الفتنةَ نفحًا، وتوعبُها في قلوبِ الرجالِ إيعابًا؛ فغُضَّ الطرفَ، وتذكَّرْ أنها جنازةٌ مؤجلةٌ تسيرُ على قدم؛ فلا أُنسَ يدومُ بها، وأنها هيكلٌ عظمِيٌّ تنخرُه الديدانُ تحتَ الترابِ، لا يحولُ بينها وبينَ هذا المشهدِ سوى أن تفرغَ الأيامُ من عملِها في النحتِ والفتّ؛ فلا متعةَ تدومُ بجمالِها ورِقَّتها -إن وُجدت أصلًا-.
وإن نظرتَ وفُتِنت؛ عبرَت هي الطريقَ، وتركَتْ لك الذنبَ في حجرِك..
فما الفائدةُ من متعةٍ تذهب، وذنبٍ يُكتب ؟!
ولو اشتدَّ تبرجُها حتى كادَ يدفعُك للوصولِ لها؛ فتذكَّرْ أنك لا تسعى للزواجِ من متبرجة، وأنك أشرفُ من أن تتحرشَ أو تسعى لها في سبيلٍ حرام..
فإذا كنتَ لا تقبلُها، لا في الحلالِ ولا في الحرام؛ فيا ابنَ أخي، ما لكَ وتلكَ البضاعة!!.

اذهبْ لمصلحةِ دينِك ودُنياك؛ فما الفائدةُ من مطالعةِ تلك البضاعةِ الفاسدةِ الزهيدة ؟!

وبما أنَّ هذا المنشورَ قد شاركَتْه بعضُ النساءِ الفاضلاتِ؛ فلا شكَّ أنَّ النصيحةَ لعامةِ المسلمينَ، لا لفئةٍ دونَ أخرى؛ فالنصيحةُ أيضًا لكُنَّ أن تتَّقينَ اللَّـهَ، وتستُرْنَ أبدانَكُنَّ كما أمرَ اللَّـه..
واترُكْنَ التبرجَ؛ فلا خيرَ فيه البتةَ، ولا منفعةَ منه، لا عقلًا ولا شرعًا.

• يوسف عصام.

اللهم عليك باليهود الغاصبين، اللهم عليك بهم اللهم انسفهم ودمرهم بيدهم، اللهم احفظ فلسطين وأهلها إنهم مغلوبون فـ انتصر لهم

جولي سيدة من إنجلترا كتبت :  أمي العزيزة البالغة من العمر 91 عامًا، تقلق كل يوم على مقاتلي كتائب القسام من أجل الحرية. إنها تحب رؤية مقاطع الفيديو اللطيفة لهم.

الأمر بسيط بالنسبة لها، "إذا حاول شخص ما أن يطردني من منزلي، وعائلات قريتنا بأكملها ويؤذي عائلتي، اقتلهم، سأرتدي عصابة الرأس الخضراء هذه في ثانية وسأكون جيدًا مع البندقية، حتى أنني أعاني من ارتعاش في يدي القديمة. لماذا لا يرى الناس التوازي؟ هل هم أغبياء؟"

"إنه أمر غير أخلاقي على الإطلاق. إنه منزلي. لا أحد لديه الحق في سرقتها، ناهيك عن قتل عائلتي. أنا مع هؤلاء الأولاد.

"عمري الآن 91 عامًا، ربما أكون إنجليزيًا، لكنني احتجت على النكبة وكل ما رأيته في سنوات عمري هو الجشع والنهب والسرقة من قبل إسرائيل. إنهم أسوأ ما في العالم. لكن الناس كسالى جدًا بحيث لا يمكنهم التفكير، وأغبياء جدًا بحيث لا يمكنهم رؤية ذلك.

كإبنة، أنا أتفق مع كل ما تقوله ❤️

علو الهمة

ش/سمير مصطفى -فك الله بالعزّ أسره-

والله أنصحكم بهذه الخطبة اسمعوها وكرروها فسبحان من أجرى هذه الخطبه على شيخنا سمير مصطفى -فك الله أسره-

قال رسول الله ﷺ: «مَن اغبَرَّتْ قَدَماه في سبيل الله: حَرَّمَه الله على النار».

أخرجه البخاري