أوليس ربك قد تكلف ما خلق🤎..

من الجميل في اللغة العربية أن :

الكلمة: هي اللفظه الواحدة التي تتركب من حروف المباني(حروف الهجاء) وشروطها أن تدل على معنى جزئي؛ أي مفرد

الكلام : هو كل ما يتركب من كلمتين أو أكثر وشرطه أن يتضمن معنى يحسُن السكوت عليه

الكلم : هو كل ما يتركب من ثلاث كلمات أو أكثر سواء أفاد فائدةً يحسُن السكوت عليها أم لم يفد

ومثال ذلك لو قلنا:
إن جاء محم← هذا كلم فقط "لم يفد"
إن جاء محمد ← هذا كلام وكلم "لأنه أفاد"

وأما القول : فهو كل ما نطق به الإنسان ويستوي في ذلك كونه مفردًا، أم مركبًا، وبناءً على ذلك: يدخل فيه الكلمة والكلام والكلم إن تلفظ الإنسان بهم

بما أنني عندي اختبار نحو غدا فسأشارك معكم أكثر ما أعجبني

دعواتكم بالتيسير💚

من الامور اللي كنت عايزه اشاركها معاكوا إن لما كنت في 3 ثانوي اختبارات المسجد اتأجلت وكده فلما خلصنا امتحانات واتبقى لينا مادتين منهم مادة وهي الفقه والجزء بتاعها كبير جدااا دا غير اني مكنتش بروح الحلقات كتير بسبب الثانوية فتراكم علي سماع الحلقات وبعد ما خلصت من التقديم والتنسيق والامتحانات المتراكمه عليا دخلت في فترة ما بعد الثانويه ألا وهي التيه كأنك ماشي في الدنيا ومش دريان بأي حاجه بتحصل وكانت فترة بلاء بفضل الله الانسان خرج منها وقرر أنه يبدأ بكل المتراكم عليه وأولهم الفقه دا فانشغلت عنه باختبارات في المسجد الخاصة بالسنه دي وبعدين دخلت في الميد اللي لحد دلوقتي مش مستوعبه ازاي اتحدد اسبوع نمتحن فيه 7 مواد واسبوع نمتحن 4 وبعدين قررت الإدارة بتاعة المسجد إن هتحدد الامتحانات المتراكمه واللي مش هيدخلها هيعيد السنة ودا قرار أخير مفهوش تراجع ولا مراعاة لأي حاجه "لأننا بالطبع احنا الغلطانين" سمعت الخبر دا وكان كالصاعقة لأن المفروض في امتحان نص سنه في المسجد وانه هيبقى مع امتحان الفقه المتراكم أو بعده بأسبوع
الشاهد من القصة الطويله العريضه دي إنك لما بتبدأ التغيير هتلاقي حاجات توقفك فعندك حلين إما تسيب كل ده ودا المريح بس عواقبه وخيمه جدااااا
والحل الأصعب إنك تستحمل كل ده
عارف ليه بيحصل كل ده لتُمحص هل هتثبت وربك هيعين ولا هتكبر دماغك وهتكسل فأنت بالطبيعي هتختار المريح بس صدقني دا مينفعش لأن "إن الله إذا كلف أعان"
ولأن النبي ﷺ قال: «المُؤْمِنُ الْقَوِيُّ خَيْرٌ وأَحَبُّ إِلَى اللَّهِ مِنَ الْمُؤْمِنِ الضَّعِيفِ، وفِي كُلٍّ خَيْرٌ، احْرِصْ عَلَى مَا يَنْفَعُكَ، واسْتَعِنْ بِاللَّهِ، ولَا تَعْجَزْ، وإِنْ أَصَابَكَ شَيْءٌ فَلَا تَقُلْ: لَوْ أَنِّي فَعَلْتُ كَذَا كَانَ كَذَا وكَذَا، ولَكِنْ قُلْ: قَدَّرَ اللَّهُ، ومَا شَاءَ الله فَعَلَ؛ فَإِنَّ لَوْ تَفْتَحُ عَمَلَ الشَّيْطَانِ»
مينفعش كل ما تحس بضغط تسيب كل حاجه عشان مش هيكمل ليك أي حاجه لازم تتحمل المسؤولية خاصة مسؤولية أفعالك فكن عبدًا قويا لا ضعيفا هزيلا واعمل رغم الظروف واعمل بالمتاح لأنه في وقت مش هيبقى متاح وافتكر إن اخواتك في غزة جاهدوا بنفسهم وأموالهم فجاهد بكل المتاح ليك وإن ربنا من الأول اصطفاك للمهمة دي فكن قد المهمة دي عشان هو اصطفاك دونًا عن ناس كتير وطبعا مش لذاتك ولكن هو اختارك فتأدب وكن قد المهمة دي

الصراحة مكنتش قادرة استنى غير لما اتكلم عن الموضوع دا
المفروض دا كرتون لسه نازل جديد في ديزني والغريب إن ديزني أصلا مش بتذكر اي نوع منتج في أفلامها بس المره دي ذكروا 3 منتجات والمفروض دول مقاطعه الفكرة إن الكرتون شكله جذّاب من أول دقيقة والمفروض الشكل دا والهيئه دي للكرتون محببه للكبار والصغيرين فبالتالي هو نشر فكر معين بمعنى أصح زي السم في العسل فأظن دا سبب كفيل لينا إننا نقاطع ديزني طول العمر زيها زي أي مقاطعه بنعملها وناخد بالنا لأن هو بس نشر فكر معين

ولا تنسوا إخوانكم في غزة ولا تألفوا مصابهم

الأمر يبان تافهه بس حبيت أبين جزء من اللي بيعملوه ولأن ديزني أصلا مش بتكتفي إنها تنزل فيلم واحد بس الفيلم دا نزل لسبب معين

"وأكيد متفرجتش عليه بس حاجه شوفتها فحبيت أنبه"

بالله متنسوش جدتي من دعائكم إن ربنا يرد ليها عافيتها ويخفف عنها آلامها ويشفيها شفاء لا يغادر سقما ادعولها كتير كلنا خايفين عليها وبصدق أي مكالمة دلوقتي بتجيلي من حد من أهلي ببقى خايفه وانا برد....
ادعولها كتير

بما إننا أخدنا الليلة دي أجازة فكنت هدردش معاكوا في حاجه
من أكتر الحاجات اللي بجد بخاف منها هي موت الناس اللي بنحبهم ممكن الاوقات اللي لو فقدت فيها شخص بتقلب معايا بعقدة من وانا وصغيرة والأمر دا مر عليا 3مرات منهم مرة وانا كبيرة بس لما بفكر إن طب احنا بنفارق اللي بنحبهم وبنتعذب بألم الفراق دا بنرضى لأن مينفعش نعمل حاجه غير إننا نرضى بس بتلاقي سبحان الملك ربنا بيهون على الواحد في فكرة الجنة اللي هو احنا هنجتمع مع أهلنا في الجنة بإذن الله وإن بس الفراق دا مؤقت اللي هو بندخل الجنة كل اللي ماتوا في حياتنا هنشوفهم ونقولهم قد ايه إن احنا فرحانين إننا هنبقى معاهم علطول وإن خلاص مفيش موت تاني ولا فراق ولا أي حاجه تخيل إنك في الدنيا لما بيموت عنك شخص بتحبه لما بتدخل الجنة هتشوفه بإذن الله تخيل إنك تجتمع تاني بأهلك وإن المره دي مفيش فراق تاني مفيش بكاء مش لما يوحشونا مش هنلاقيهم حوالينا يا ألله بجد قد ايه الأمر بيهون أوووي وإن الدنيا دي شويه وهتخلص وهيزول العناء خلاص مفيش تعب تاني مفيش حزن تاني مفيش بكاء نعيم بس مش هتتعب تخيل إنك خلاص أول ما هتضع قدم في الجنة مش هتخرج تاني قدم واحده يبقى خلاص أبشر بالخلود في النعيم بجد الإنسان لما بيفكر في الجنة بيتخيل اللي هو ايه دنيا الهوان دي اللي ببيع بيها الجنة تخيل إن ربنا يقول يا أهل الجنة خلود بلا موت لما ربنا يقولك قول الملائكه لأهل الجنة ( سلام عليكم طبتم فادخلوها خالدين ) عارف لما يبقى عليك امتحان ويتقالك نجحت تبقى تعبت وانت بتذاكر وتلاقي النتيجه في الاخر إنك ناجح تخيل بقى النجاح في اختبار الدنيا وإن تلاقي ملائكة الرحمه وتُقبض روحك براحه وتُنعم في القبر وتشوف مقعدك في الجنة وتقول لله ربِّ أقم الساعة
مشكلتنا إننا ناسين شايلين هم الدنيا وتعبانين فيها يا عم دي دنيا مهما طالت هتخلص هتقعد قد ايه يعني مدامتش لحد ركز أنت جاي ليه أنت عندك هدف متنساش هدفك متبعش الجنة عشان بعد ما الدنيا هيخلص هيبقى كله خلود سواء جنة أو نار متبعش الجنة بدنيا هتخلص وهتنتهي.....

الدنيا متعبه فمتتعلقش بيها وتمسك فيها عشان هي شوية وهتخلص

البوست أخد اتجاه تاني بس بصراحة اتجاه حلو ربنا يرزقنا الفردوس الأعلى أبشروا🤍

ورؤية تألم المريض تؤلمك...

فاللهم رب الناس اشفي لا شفاء إلا شفاؤك اشفي مرضانا ومرضى المسلمين 🤍

«مشاهد المحرّرين في أحضان أهليهم وأحبابهم تغسل الرّوح وتروي الفؤاد، وكأنّ الزّمان يتنفّس اليوم بعد أن حبس أنفاسه شهرين. خلَطت هذه الأيّام والليالي الطّوال دموع الحزن بالفرح، ومزجت بالأوجاع المسرّات؛ فبان لكلّ حيّ أنّ الدّنيا طريقٌ جامعٌ للتناقضات ما يلبث أن ينقطع، والعاقبة للتقوى»

هيفضل أجمل وأحب التصميمات اللي عملتها♥️

نسعـد لسعـدكم كما تسعـدون ونحـزن لحزنكـم كما تحـزنون فرحـت لفرحتـك يا أخـي وكأنـك أنا.. لا، بـل أنت أنا دينًـا ودمًـا! لا غيّـبَ الله أفراحَكُم .. 🇵🇸♥️♥️♥️♥️♥️

كلٌ ميسر لِما خُلق له!🤍

صوتية نافعه بعنوان تجاوز!

الحلقة السادسة عشر من سلسلة
"على فين يا شباب"

د/حازم شومان
#على_فين_يا_شباب

-
« يا معشَرَ النساءِ، إيَّاكن والترَف؛ لأنَّ الترف عدُو الجهــاد، والترف تلف للنفُوس البشرية، واحذرنَ الكماليَّات، واكتفين بالضروريات، وربين أبناءكنَّ علىٰ الخُشونة والرجُولة، وعلىٰ البطُولة والجهـاد.
‏لِتَكُنْ بيوتكن عَرِينًا لأسود، وليسَ مزرعةً للدجاج الَّذِي يُسَمَّنُ ليذبحه الطُّغاة».