ماذا لو نال المرء ما تمنى...
أن يُحيي الله به اللغة العربية ويفقّه في علم مصطلح الحديث وينصر به الدين

سنبلغ ما أردنا بالله سنبلغ💚"))

الضعف النفسي بعد المعصية.

د/أحمد عبد المُنعم.

قال ابن تيمية رحمه الله:

«النفع المتعدي ليس أفضل مطلقا، بل ينبغي للإنسان أن يكون له ساعات يناجي فيها ربه، ويخلو فيها بنفسه ويحاسبها، ويكون فعله ذلك أفضل من اجتماعه بالناس ونفعهم.
ولهذا كان خلوة الإنسان في الليل بربه أفضل من اجتماعه بالناس»

📚«شرح عمدة الفقه» (3/ 650)

دعواتكم كتير أكتر وقت محتاجين فيه الدعاء ادعولنا نعمل اللي عايزينه قبل اول امتحان يوم ١٢
دعواتكم الله يسددنا ويفتح علينا

متنسوش الولد من دعائكم وأهله لانه لسه مفاقش💔

لن يضيع هذا سُدىٰ!

هل تظن أن الذي عفَّ قلبه كذلك الذي جعله يشرب مِن وحل الحرام..

يا فتىٰ حافظ علىٰ قلبك واصبر.

اللَّهُمَّ رفيقًا صالحًا مُصلحًا!

بمناسبة جروبات التسريب الخاصه ب 3 ثانوي
اللي هتبدا وفي منهم اللي بدا يعلن بالأسعار كمان م علينا حوار تسريب الامتحانات دا طبعا انت عارف انه حوار بعيدا عن انه غلط بس انت عارف انه محدش يقدر يسربه..
  في فرق بين واحد مذاكر داخل قلقان خايف من الامتحان يجي صعب  وواحد تاني داخل لو سهل او صعب ف هو مستني التسريب
اكيد مش هيتقارنو عند ربنا- ميضحكش عليك او تدفع فلوس في حاجات من دي بالله عليك لان يمكن في ناس مش عارفة ف قولت ابلغكم  بس لان ظروف الأيام دي اصعب مليون مرة من زمان ف ابدا ذاكر ياحبيبي وهات كتب مراجعة حل منها علي اللي ذاكرته

ملخص الكلام: ❤
(قُل لَّا يَسْتَوِي الْخَبِيثُ وَالطَّيِّبُ وَلَوْ أَعْجَبَكَ كَثْرَةُ الْخَبِيثِ ۚ فَاتَّقُوا اللَّهَ يَا أُولِي الْأَلْبَابِ لَعَلَّكُمْ تُفْلِحُونَ)

يا شباب الكل هيُسأل علي الغش وهنُختبر وهتلاقي نفسك مره واحده في في جروب تسريبات وكمان هيجروا رجليك في المواد البعبع عند ناس كتيره زي الفيزيا والكيمياء وغيره وانا مجربه من السنه اللي فاتت اصحى الاقي نفسي في جروب تسريب فأنت يا ابن الناس تجنب دا متدورش وتقول هستنى لا لا دكتور محمد أيمن كان بيوصي إننا اصلا ملناش دعوه حصل تسريب ولا لا خصوصا قبل الامتحان ولا حتى دا يحبطك وبص لو انت شايف نفسك تعبك ضاع والناس مذاكرتش كلمه والامتحان وصلها وهو غالبا مش هيبقي اصلا حل الامتحان الصحيح وحتي لو الصحيح الله عز وجل عدل ولا يظلم مثقال ذره ومش هينفع تتساوى باللي غش .

اتقوا الله وراقبوا الله عز وجل في كل وقت خصوصا الخلوات،وربنا يوفقنا ويوفقكم💚

دعواتكم لا تنسونا..

يارب نحن بك ...
نتبرأ من حولنا وقوتنا إلى حولك وقوتك ،لا حول ولا قوه الا بالله 💚

_

"عفوٌ من الرحمن غاياتُ المُنى
وإذا سألتُم فاسألوهُ العافية

عفوٌّ تحبُّ العفوَ جُودًا ورحمةً
بنا فاعفُ عنا يا إلهيَ واصفَحِ"

#مارية_الرفاعي

متعب فتولني....

روح وقوله تعبان قويني مش قادر بس أنا بيك هو انت ليك غيره ،ليك حد تاني يسمعك ويدبرلك حالك ؟!
لا ملكش خلاص روح قوله اللي انت عايزه قوله روح عيط وكلمه في اي وقت هو سامعك وهو بيحب انك تحكيله وتشكيله انت ليك ركن شديد وهو الله تأوي إليه..

الورد مهم جدااا الكتاب الوحيد اللي تبقى تعبان حيران تمسكه تلاقي اجابه اتخذوا القرءان صاحبا💚💚

َ

لله درُّ الفتى ،لله...

يا شباب نصيحة للجنسين!!.

إوعى حد يُعجب بشخص أو يتعلق به لمجرد إنه بينشر منشورات دينيه وكده أو محتواه نافع، فـ منشوراته هذة ليست دليلًا على صلاحة إطلاقًا، تراه صالحًا وهو يؤخر صلاته، مضيعٌ لوقته، ملهيٌ بما لا ينفعه.

يا جماعة بلاش، بلاش الصورة الوردية اللي بناخدها عن الناس من قنواتهم دي.

مش معنى إنك شفت قناة لفتاه ومحتواها كويس فيجي فبالك إنها " أُم شيخ الإسلام " وتجري بقا تراقب قناتها وتنام فالقناة، وقلبك يتعلق بيها وتدعي إنها تكون من نصيبك وانت اصلاً مش تعرفها.

لاء أنشف كده وخليك بطل، الدين محتاج رجالة.

والأمر ينطبق على الأخوات برضوا مش معنى إن حضرتك شفتي قناة لشاب كويسه او صفحته على الفيس، وطريقة هزارة مع صحابه لطيفة فيتهيألك إن ده " شيخ الإسلام ومحدث عصرة وشاب لطيف كده ".

وتبدأي بقا تراقبي صفحته وتستنيه ينزل صراحة وتبعتيله وتتعلقي بيه وتدعي بيه ليل نهار وهو أصلاً لا يعرفك ولا أنتِ تعرفيه.


لاء لاء الموضوع مش كده خالص يا جماعة والله، بلاش الأفكار الوردية المُزينة اللي بناخدها عن الناس دي، لازم نتقل ونتريس كده ومش نكون خفاف للدرجة دي، ومش نتبع أهواءنا وقلوبنا ونجري وراهم ونتعلق بأي حاجة..

فما هم إلا ناقلون لكلام أهل العلم لا أكثر، وواللَّه لو كانت للذنوبِ رائحةٌ لما تصافحنا، وإنما هو ستر اللَّه.

• نُقل.