ابشروا 😍 كل المشايخ دول هتلاقوهم على قناة مودة فى رمضان ان شاء الله 💙
اللهم بلغنا رمضان
التردد:أفقي
👇
#التردد / 10815 قناة مودة

السخرية من أهل الإيمان
كيف يشوه الإعلام صورة المتدينين ؟
كلام مهم جدا من تفسير سورة المطففين

هي لكنَّ يا طيبات لتغضضن البصر💌🎀

‏"يا عَالِمًا بِالذي أخفيتُه
هَوّن عليّ .. وَقُل لِمُراد القَلبِ فَلتَكُنِ".💜

‏"وليس اعتراضًا ولكننا تَعِبنا.. فهوِّن علينا قضاك." 🖤

وجُودُك في محيطٍ يفهمك وتفهمه، قد يُغنيك عن نصف أدويتك

- خالد الحدّاد

ومع كل تريند من تريندات الزواج نقول لله در كل رجل غيور يحفظك عن عين كل اجنبي عنك،ميسبكيش ترقصي وسط صحابه وتلبسي لبس غير شرعي وتنشري صورك سوشيال")
_"تزوجي رجل في زمن قل فيه..الرجال("
ان لم يكن عفيفا غيورا فلا حاجه لكِ به ....فالنساء لا يتنزوجون النساء.!
نقفل التريند علي كده...
#منقول

رباه عفوك فإني قد ضاقت علي الدنيا وإليك فراري وإليك أشكوا ما حلّ بي وإليك المشتكي.....🍂🖇

لا ينبغي للأخوات أن يتساهلن في متابعة صفحات طلاب العلم، وليكتفين بالقليل الذي يكثر علمه عن مزاحه وتبسطه مع أصدقائه ونشره لصوره وتفاصيل حياته، فلا تضمن سلامة صدرها وقلبها وسط كل هذا، إضافة لما يُعرف عند أغلب النساء؛ التساهل في مسألة غض البصر كأن الأمر خاص بالرجل وحده، فالعزباء الأمر عليها شديد، والمتزوجة لن تسلم من المقارنات بين من تتابع وزوجها حتى يضيق صدرها عليه وكأن كل خصلة سيئة وضعت فيه، والحقيقة أن مزاح من تتابع وتبسطه قد لا ينعكس على حياته الخاصة وأن زوجها أحسن حالاً منه بكثير.

#لصاحبه

الحَمدلله وَبعد،

كُلُّها كام يوم وهتبدأ القنوات تعلِن عن مُسلسلات رمضان لـ عام 2022، وهيجمّلوا في عينك المَشاهد والأحداث، فبعد ما كُنت بتقرَّر تشوف هتختم كام خَتمة، وتخلص كَام سلسلة في العِلم الشرعي..

هتلاقي نفسك فجأة بتحدد كام مُسلسل هتسمعه، بل وهتلاقي مُبررات لده، يعي هتلاقي الشيطان بيقولك ده مُسلسل تاريخي .. وده مسلسل جُغرافي وده مُسلسل فزيائي وده بيتكلم عن المجتمع وده بيوصف البطيخ .. وده.. وده

فـ اقطع حَبل الشيطان،
واحترم ضَعفك، متفتحش أي إعلان أو أي كواليس أو أي صورة، وتذكّر إن دول ناس باعوا الدُّنيا والدين لأجل المال والشُّهرة، وبالفعل ربنا سخط عليهم وأعطاهم المال والشهرة وطبع على قلوبهم فبقوا بيسيئوا للإسلام،
هما باعوا وخدوا فلوس على ده..
أنت َ هتبيع شهر العتق من النار وهتبيع دينك
هتاخد إيه!
ولا حاجة غير غضب الله.
وَيْحَكَ لا تَفْتَحْهُ، فإِنَّكَ إِنْ تَفْتَحْهُ تَلِجْهُ، متقربش من الفتنة وتقول وقعت، استعد ليهم قبل ما يعلنوا عن مُسلسلاتهم.

والله ما هتعرف تفرمل لو دخلت..
المعصية في شهر رمضان بالذات عبارة عن عربية مالهاش فرامل.
#منقول

ها.. لفت نظرك.. دخلتِ على صفحته؟ عجبتك بوستاته؟ قعدتِ تقلبي في صوره؟ بقيتِ كل ما تلاقيه مش باصص تبصي عليه؟ أطلقتِ بصرك؟ رجعتِ لصفحته تشوفي كتب إيه جديد؟ تابعتِ كومنتاته.. عجبتك خفة دمه.. أو عجبك عمقه.. أو التزامه؟

أطلقتِ بصرك زيادة.. ابتديتِ تحلمي يكلمك.. فتحتِ الماسنجر عنده عشان تشوفيه أونلاين ولا لأ.. عمل لايك لبنت.. غِرتِ؟.. كلّ دا أونلاين ليه.. بيكلم مين؟ أدمنتِ فتح صفحته ومراقبته؟ بقيتِ بتسيبي لخيالك العنان، وتحلمي يتقدملك، وتتخيليه بيقولك كلام جميل؟ ما بعتش؟ فكرتِ تبعتيله أنتِ؟ بعتيله؟ صدّك؟ وجعك زوّد تعلّقك؟ مش قادرة تشيليه من دماغك رغم أنه عمركم ما تكلمتم؟ متعلقة بأمل واهي.. بتبكي كتير عشان مش قادرة تبعديه عن تفكيرك؛ وهو مش حاسس بحاجة؟

أو يمكن ما صدّكيش.. ردّ ردّ لطيف.. وعطاكِ أمل.. فبعتِ تاني وتالت ورابع لحد ما أدمنتِ الكلام؟ بيتغير معاكِ؟ بقيتِ بتبكي كتير؟ بقيتِ بتهيني نفسك عشان مش قادرة تبعدي؟ بتعدّي شهور وسنين، وأنتِ عمّالة تدبلي.. مش عارفة تنسيه.. بتتعذبي ومش عارفة تعملي إيه؟

عملتِ في نفسك كدا ليه؟ نزلتِ رجلك بالراحة في المية؛ وانتِ متصورة انك ما بتعمليش حاجة غلط وإنك على الشط، وإنك عاملة control.. فيها إيه لما أتابع صفحته وتعليقاته أو أفضل أبصّ عليه.. ماحستيش ورجلك بتتسحب لحد ما لقيتِ نفسك بتغرقي؟

احفظوا قلوبكم أرجوكم.. ماحدش هيتعذب إلا أنتم.. عايزة تعيشي مشاعر جميلة؟ للأسف ما بتكونش جميلة ولا حاجة.. بيكون فيها من وجع الضمير، ووجع الكرامة، ووجع القلب أضعاف اللي فيها من جمال.. كفاية أرجوكم.. الموج عالي.. وهتتسحبوا هتتسحبوا.

(ويحك، لا تفتحه؛ فإنّك إن تفتحه تلجه).
(أَفَلَا يَتُوبُونَ إِلَى اللَّهِ وَيَسْتَغْفِرُونَهُ ۚ وَاللَّهُ غَفُورٌ رَّحِيمٌ).

د. #مروة_فتحي

وعليكم السلام ورحمه الله وبركاته
لا وكمان حطيت اللينك بتاعها في وصف القناة بتاعتي😅
لا عادي مفيش مشكله هجاوب ،مش من عادتي إني أشير لينك قناه او إن اعمل تحويل الا لو بجد القناه دي انتفعت منها وحاجه أثرت فيا ،ةلكن قناة استقامة كانت مختلفه في تأثيرها بمعني إن هي كانت سبب في التزامي بأشياء كتيره بفضل الله وحده ومنها حاجه معينه بفضل الله التزمت بيها بعد كام بوست منها الاول كان ممكن أكسل عنها او يعدي يوم مثلا وانساها بس بفضل الله وحده التزمت وكمان بقيت أذكر بيها وأشياء تانيه الله المستعان 😁
وصراحة من أكتر المشاكل اللي كنت بواجهها حواليا من الناس او الاخبار انهم مدمنين (المقاطع الاباحيه)،وصدقا كانت من اكتر الاشياء اللي مكنتش عارفه احل فيها حاجه مع المشاكل اللي كنت بشوفها حواليا بس بفضل الله وحده لقيت منهم حملة #كفاية إباحية
بس ،وحاجه تاني معظم منشوراتي مش بتبقي منهم ولكن جزاهم الله خيرا الادارة بينشروا أشياء مفيده بفضل الله ،وأتمني أكون أحسنت الرد وجزاكم الله خيرا

تشويه الإسلام فى رمضان
الدرما و البرامج الرمضانية .. أدوات للتضليل السياسي و الديني
طاش ما طاش نموذجا
▶️ youtu.be/hnnWfgC70r0

حلقة مهم جدا جدا للأخ أحمد دعدوش .. رجل عمل فى الاعلام فترة
يضرب فيها الأمثال و يوضح كيف يسعى هؤلاء المجرمين للفساد .. و الحلقة الأولي مهمه جدا .. يوضح فيها كيف بدأ الإعلام و على يد من و كيف يغير من عاداتنا حتى فى الطعام و الشراب 👇
http://youtu.be/G4V-b3gOPxQ
( كيف أصبح رمضان شهر الشهوات و التضليل و موسم الفوازير و الاعلانات )

‌
اية يا جماعة مفيش غير الإباحية الإباحية مش أحسن ما الواحد يقع في الزنا !!
أدينا بنصبر نفسنا ، انتوا ما تعرفوش ظروف الشباب اليومين دول .
لا إحنا عارفين وكان الله في العون ، بس من كمال ديننا إنه دلك على طريق تقدر تصبر بيه نفسك لحد ماتتزوج ، طريق هيكون ربنا راضي عنك فيه ، وإلا فـ مشاهدتك للإباحيات دي للأسف مش بتصبرك ولا حاجة ، دي بتزيدك وهن على وهن .
قال رسول الله ﷺ : " يا معشر الشباب من استطاع منكم الباءة فليتزوج فإنه أغض للبصر ، وأحصن للفرج ومن لم يستطع فعليه بالصوم فإنه له وجاء "

- وبالنسبة لـ تاني نقطة إنك شايف إن مشاهدتك للمقاطع والأفلام +18 أفضل من إنك تزني ، هقولك للأسف انت كدة خدت نصيبك من الزنا عَنِ النبيِّ ﷺ : " إنَّ اللَّهَ كَتَبَ علَى ابْنِ آدَمَ حَظَّهُ مِنَ الزِّنَا ، أدْرَكَ ذلكَ لا مَحَالَةَ، فَزِنَا العَيْنِ النَّظَرُ ، وزِنَا اللِّسَانِ المَنْطِقُ ، والنَّفْسُ تَمَنَّى وتَشْتَهِي ، والفَرْجُ يُصَدِّقُ ذلكَ أوْ يُكَذِّبُهُ "
الخلاصه ياصديقي إن استصغارك للذنب وظنك إنه عادي وإنك أحسن من غيرك دَ مسكن انت بتسكن بيه نفسك
فوق والحق نفسك قبل فوات الأوان

#عاوزين_نبطل_الغلط
#رسايل_ضد_الإباحية
‌‌

‌
يا ترى اسمك عند ربنا ايه ؟!
كل واحد فينا ليه اسم اتسمى بيه من أول ما اتولد
الاسم دَ مكانش من اختيارك ، لكن كمان كل واحد ليه اسم عند الله عزوجل
والإسم اللِّ ليك عند ربنا دَ من اختيارك وعملك انت
ففي الحديث : " ما من عبدٍ إِلَّا ولهُ صِيتٌ في السماءِ ، فإنْ كان صِيتُهُ في السماءِ حَسَنًا ، وُضِعَ في الأرْضِ ، و إنْ كان صِيتُهُ في السماءِ سيِّئًا ، وُضِعَ في الأرْضِ "
اسم أو شهرة بأكتر عمل هو بيحبه وبيعمله .
اللِّ اسمه الصادق ، واللِّ اسمها الصوامة ، والمتصدق و....إلخ

طب انت ياللي مُصر على مشاهدة الإباحية!!
تخيلت اسمك ايه؟! 🥺
مش شايف إنه آن الأوان تغيره للأحسن ؟!

#عاوزين_نبطل_الغلط
#كفاية_إباحية
#رسايل_ضد_الإباحية
‌‌