-الطفل بيحتاج كام رضعة في اليوم؟!
=علميًا الطفل بيحتاج من ٨ : ١٢ رضعة بمعدل رضعة كل ساعتين أو ثلاثة.

-خد بقى السؤال ده، لو معاك طفل لمدة خمس أيام مفروض يكون رضع كام مرة؟!
=لو على الحسابات اللي قولتلك عليها فمفروض يكون رضع من ٤٠ : ٦٠ رضعة تقرييًا.
-ولو قولتلك إن ده ماحصلش والطفل مارضعش ولا مرة خلال الخمس أيام.
=الله يرحمه💔
-عايش وبيضحك بفضل الله.
=استحالة!
-الاستحالة في عقلك المحدود مش مع رب يفعل مايشاء وقت ما شاء.

طفل رضيع عمره شهرين عاش تحت الانقاض ١٣٠ ساعة ولما خرج لقوه بصحة جيدة و بخير بفضل الله، وده مالهوش غير سبب واحد!، إن الله إذا أراد شيء كان رغم إنعدام الأسباب أو استحالتها!

قولي صحيح .. لسه خايف على مستقبلك ورزقك وحياتك وشايل همهم وبتحسبلهم بالورقة والقلم وربك رب الأسباب؟ رب إذا قال للشيء كن فيكون.

#هبة_شلبي