تعالو احكيلكن عن قصيدة ❤️‍🔥

سيدنا علي كان يفتخر فيها بحالو بالحروب
كلنا شقد منحب امهاتنا .. ربونا وعلمونا وبعدونا عن كتير شغلات ما بتصير وساوو سمعتنا بين الناس طيبة الله يبارك فيهن نحنا ما منكون هون إلا بسببن

بس بعد ما تابع وشوف سيدنا علي بن أبي طالب كرم الله وجهه
كيف يفتخر بكل شغلة قالتلو إياها أمُّو .. انا هون كتير بفتخر بأي مديح بتقلي اياه امي رغم كل انتقادات الناس
كتير كتير لازم نفرح انو هنن فخورين فينا وبتقلنا كلمات كتير بتشجعنا نضل متل ما نحنا ونبعد عن الحرام ونضل نحسّن من حالنا

رح اكتبلكن القصيدة هلق

أنا الَّذِي سَمَّتني أُمّي حَيدَرَه
ضرغامُ أَجَامٍ وَلَيثٌ قَسوَرَه
عبلُ الذِراعَينِ شَديدُ القِصَرَه
کلیثِ غاباتٍ كَريهِ المَنظَرَه

.

على الأعادي مِثلَ رِيحٍ صَرصَرَه
أكيلكم بالسَيفِ كَيلَ السَّندَرَه
أضرِبُكُم ضَرباً يَبينُ الفَقَرَه
وأترُكُ القِرنَ بِقاعِ جُزُرِه

.

أضربُ بِالسَيفِ رِقَابَ الكَفَرَه
ضَربَ غُلامٍ مَاجِدٍ حَزَوَرَه
مَن يَترُكِ الحَقَّ يَقَوِّمُ صِغَرَه
أقتُلُ مِنهُم سَبعَةً أَو عَشَرَه
فَكُلُّهُم أَهلُ فُسوقِ فَجَرَه

يا للعظمة يا للشموخ يا للكبرياء❤️❤️❤️❤️❤️❤️❤️❤️❤️

#تصويري

ضفت عليها صورة معبرة 😁
لهيك .. اي كلمة بتكون مديح من أمك .. افتخر فيها وسلملي عمديح الناس وحكين

+ حدا بيعرف شو اسم امو للإمام علي 😏

أم سيدنا علي رضي الله عنه هي

فاطمة بنت أسد

(أبوها أسد وابنا حيدرة 😂😂)
والمفارقة أنو سيدنا علي أمو اسما فاطمة وزوجته اسما فاطمة الزهراء بنت رسول الله ( جد تخيلو واحد متزوج وآخد بنتو للنبي محمد .. يا للشرف إلي كان فيه ..أي فخر وأي عظمة يكون النبي محمد صلّ الله عليه وسلم جد ولادك 😂❤️‍🔥❤️‍🔥) سبحان الله بس عكتر سيدنا علي مو شهم وبيستاهل الله أكرمو بهاد الشرف العظيم ووهبو فاطمة الزهراء

🌟دعاء الخروج من المنزل :

بسم الله توكّلت على الله ولا حول ولا قوّة إلّا بالله ، اللهمَّ إنّي أعوذُ بك أن أَضِلَّ أو أُضلَّ أو أَزِلَّ أو أُزَلَّ أو أَظْلِمَ أو أُظْلَمَ أو أَجهَلَ أو يُجهَلَ عَليَّ

#تصويري

يلا ننزل تفسير خامس صفحة 😁
حلو ولله تفسير ٥ صفحات مع الفاتحة هي أول مرة بحياتي بعملا 😂
سيدنا عمر بن الخطاب ما كان حافظ القرآن كلو عفكرة
في روايات بتقول ضل ٧ و٨ سنين لحتى قدر يحفظ سورة البقرة بس😯
سيدنااا عمرررر الي كان الشيطان يخاف منو ويهرب عطريق تاني؟
سيدنا عمر الي ضرب واحد بالسيف قسمو نصين 😂😂🔥؟؟
اي اي ضل ٨ سنين عسورة البقرة بس
تخيلوا هاد سيدنا عمر الي قال فيه النبي صل الله عليه وسلم (لو كان نبيٌّ من بعدي لكان عمر) 😯
فما لازم نستخف بأي عمل منعملو باتقان لانو الله بحب النوعية وليس الكمية(قليل مستمر خير من كثير منقطع )

في فكرة لفهمكم لي أصعب عليي
لانو انا لما رح اجتزء كلمة أو آية مبهمة ممكن يكون المعنى مارح يكتمل غير مع البعدا
فهون بدي زبط بحيث يكون شرحا صحيح وهي أمانة فشي صعب زبط هيك شي يكون ضمن السياق
اما التفسير الكامل هوي متضمن هاد الشي حتى لو أطول
حتى لو كانت الآية سهلة بس مثلا
(بعوضة فما فوقها )
انو رب العالمين لا يستحي (لا يخشى ) انو يعطيك مثال بشيئ صغييير لدرجة انو يكون بعوضة (متل شي مثال متضمن صفات الإنسان كالجشع والخوف )
طيب .. فما فوقها شو هي ؟ هي انو مثال أكبر واكبر لسا من البعوضة .. فما في شي أسوء وأحقر منا (يعني هيي القاع وكلشي غيرا بكون أعلى منا )
لهيك ما بيستحي رب العالمين يعطيك مثال قد ما كان صغيرر او قد ما كان كبيررر
هيك شي ما بقدر لخصو او اعطيكم معناها غير بالتفسير الكامل 😁❤️
بالمناسبة هي أول مرة بعرف شرح هي الآية رغم قاريها مليار مرة الحمد لله

هاد استفتاء أو اختر الي بيلهفلو قلبي؟ 😂😂😂😂

اللهم صلِّ وسلِّم وبارك على سيِّدنا محمّد وعلى آله وصحبه آجمعين

رفعنا مستوى الصور
#تصويري

يلا ننزل صفحتنا القرآن 😁❤️