في ذاك الرمضان
تسعة وعشرون ليلة بالتمام والكمال
ذرفنا فيها خصال من المطالب وأرسلناها كبرقية عاجلة إلى ملك الملوك
نُكّست فيها تعابير القوة والتفاخر والعظمة و المظاهر في هذي الدنيا
وطأطأنا الرؤوس للخالق وحده
ووضعت تلك الناصية على الأرض إذلالاً ورجاءً من الخلّاق وحده
لا تنكّس الرؤوس إلا له
ولا يستعان إلا به
ولا يطلب إلا منه
وأنا الآن .. أصارع أن أكون كما رمضان
وأنتظر منه تبارك وجلّ شأنه أن يكرمني بكل ما طلبت ..حاشاه أن يخذلنا

سهام الليل لا تخطئ

فهي تصيب دوما
ركعتان خفيفتان في جوف الليل والورى نيام
ينزل فيها جلّ شأنه إلى السماء الدنيا ويقول هل من سائل فأعطيه ؟
أعطنا يا كريم سؤلنا
نعم نحن يا الله أعطنا من كرمك ❤️‍🩹

أغلبنا في السجود يقول "سبحان ربي الأعلى" ثلاث مرات،

فيه دعاء جميل جدًّا نقدر نضيفه، وهو سُنة مهجورة عن النبيﷺ
وهنيئًا لمن أحيا سُنّة عن رسول الله ﷺ،

وبإذن الله من عمل بها ونشرها وعلّمها لغيره نال أجرها وأجر من عمل بها..

«اللهمّ لك سجدتُ، وبِك آمنتُ، ولكَ أسلمتُ، سجَد وجهِي للذي خلقَه وصوَّرهُ، وشقَّ سمعه وبصرَه، تباركَ الله أحسنُ الخالقين»

ايضا كان يقول ﷺ في ركوعه وسجوده:

<سبُّوحٌ قدوسٌ ربُّ الملائكة والرّوح>

#تصويري

هاد نفسو منقولو بسجدة التلاوة ❤️

قال أبو القاسمﷺ ( من صام رمضان ثم أتبعهُنَّ ب ستٍّ من شَوَّال كانت كصيام الدّهر)

شو يعني صيام الدهر؟
يعني صيام سنة قمرية كاملة تخيلو ❤️‍🔥😁
أمة محمد صح عمر أفرادا قصير (أعمار أمتي بالستين )بس رب العالمين عطانا كتير مكافئات نستغلن ونحصل من وراهن الأجر والثواب والحسنات

يلا ننزل تفسير رابع صفحة

شي بزعل ولله عهاد الذل
شقد عم بذلونا
ولله شي بزعل

يلا ننزل صفحة القرآن اليوم 😁❤️

تعالو احكيلكن عن قصيدة ❤️‍🔥

سيدنا علي كان يفتخر فيها بحالو بالحروب
كلنا شقد منحب امهاتنا .. ربونا وعلمونا وبعدونا عن كتير شغلات ما بتصير وساوو سمعتنا بين الناس طيبة الله يبارك فيهن نحنا ما منكون هون إلا بسببن

بس بعد ما تابع وشوف سيدنا علي بن أبي طالب كرم الله وجهه
كيف يفتخر بكل شغلة قالتلو إياها أمُّو .. انا هون كتير بفتخر بأي مديح بتقلي اياه امي رغم كل انتقادات الناس
كتير كتير لازم نفرح انو هنن فخورين فينا وبتقلنا كلمات كتير بتشجعنا نضل متل ما نحنا ونبعد عن الحرام ونضل نحسّن من حالنا

رح اكتبلكن القصيدة هلق

أنا الَّذِي سَمَّتني أُمّي حَيدَرَه
ضرغامُ أَجَامٍ وَلَيثٌ قَسوَرَه
عبلُ الذِراعَينِ شَديدُ القِصَرَه
کلیثِ غاباتٍ كَريهِ المَنظَرَه

.

على الأعادي مِثلَ رِيحٍ صَرصَرَه
أكيلكم بالسَيفِ كَيلَ السَّندَرَه
أضرِبُكُم ضَرباً يَبينُ الفَقَرَه
وأترُكُ القِرنَ بِقاعِ جُزُرِه

.

أضربُ بِالسَيفِ رِقَابَ الكَفَرَه
ضَربَ غُلامٍ مَاجِدٍ حَزَوَرَه
مَن يَترُكِ الحَقَّ يَقَوِّمُ صِغَرَه
أقتُلُ مِنهُم سَبعَةً أَو عَشَرَه
فَكُلُّهُم أَهلُ فُسوقِ فَجَرَه

يا للعظمة يا للشموخ يا للكبرياء❤️❤️❤️❤️❤️❤️❤️❤️❤️

#تصويري

ضفت عليها صورة معبرة 😁
لهيك .. اي كلمة بتكون مديح من أمك .. افتخر فيها وسلملي عمديح الناس وحكين

+ حدا بيعرف شو اسم امو للإمام علي 😏

أم سيدنا علي رضي الله عنه هي

فاطمة بنت أسد

(أبوها أسد وابنا حيدرة 😂😂)
والمفارقة أنو سيدنا علي أمو اسما فاطمة وزوجته اسما فاطمة الزهراء بنت رسول الله ( جد تخيلو واحد متزوج وآخد بنتو للنبي محمد .. يا للشرف إلي كان فيه ..أي فخر وأي عظمة يكون النبي محمد صلّ الله عليه وسلم جد ولادك 😂❤️‍🔥❤️‍🔥) سبحان الله بس عكتر سيدنا علي مو شهم وبيستاهل الله أكرمو بهاد الشرف العظيم ووهبو فاطمة الزهراء

🌟دعاء الخروج من المنزل :

بسم الله توكّلت على الله ولا حول ولا قوّة إلّا بالله ، اللهمَّ إنّي أعوذُ بك أن أَضِلَّ أو أُضلَّ أو أَزِلَّ أو أُزَلَّ أو أَظْلِمَ أو أُظْلَمَ أو أَجهَلَ أو يُجهَلَ عَليَّ

#تصويري

يلا ننزل تفسير خامس صفحة 😁
حلو ولله تفسير ٥ صفحات مع الفاتحة هي أول مرة بحياتي بعملا 😂
سيدنا عمر بن الخطاب ما كان حافظ القرآن كلو عفكرة
في روايات بتقول ضل ٧ و٨ سنين لحتى قدر يحفظ سورة البقرة بس😯
سيدنااا عمرررر الي كان الشيطان يخاف منو ويهرب عطريق تاني؟
سيدنا عمر الي ضرب واحد بالسيف قسمو نصين 😂😂🔥؟؟
اي اي ضل ٨ سنين عسورة البقرة بس
تخيلوا هاد سيدنا عمر الي قال فيه النبي صل الله عليه وسلم (لو كان نبيٌّ من بعدي لكان عمر) 😯
فما لازم نستخف بأي عمل منعملو باتقان لانو الله بحب النوعية وليس الكمية(قليل مستمر خير من كثير منقطع )