အချစ်ဆိုတာ လက်တွဲထားရုံနဲ့တင် လုံလောက်ရဲ့လား... ဒါမှမဟုတ် နှစ်ယောက်စလုံးရဲ့ အနာဂတ်အတွက် လမ်းခွဲပေးလိုက်တာကပဲ ပိုကောင်းမွန်တဲ့ ချစ်ခြင်းတရားလား... 

"သေဆုံးပြီးသားသူရဲ့အကောင့်ကနေ တက်လာတဲ့ ဗီဒီယိုတွေနဲ့ ဆိုရှယ်ပေါ်က အတားအဆီးမဲ့ အမှောင်ကျိန်စာ"

အတင်းအကျပ်လက်ထပ်မှုတစ်ခုကနေ ဘဝတစ်ခုလုံးကို ပြောင်းလဲစေမယ့်အချစ်အဖြစ် ပြောင်းလဲလာတဲ့အခါ...ရင်ခုန်စိတ်ဝင်စားဖွယ် ကြည့်ရှုရမယ့် အချစ်ဇာတ်လမ်းလေးတစ်ကား...

ဇာတ်လမ်းအကျဥ်း...

ဖာဟတ်ဟာ သူဋ္ဌေးနာမစ်ရဲ့ တူဖြစ်သလို ဒုစရိုက်လောကမှာ နာမစ်ရဲ့ညာလက်ရုံးလို့ သတ်မှတ်ထားတဲ့သွေးအေးလွန်းတဲ့ မာဖီးယားပါ။ တစ်နည်းပြောရရင် ဖာဟတ်က သူဋ္ဌေးနာမစ်နဲ့ သူတို့လုပ်ငန်းအတွက် အတားအဆီးမှန်သမျှကို ရှင်းလင်းပေးနေသူပါ။ သူဋ္ဌေးနာမစ်က အတိတ်မှာ နာမည်ကောင်းမရှိခဲ့ပေမဲ့ လက်ရှိမှာ နာမည်ကောင်းရအောင်ကြိုးစားနေပြီး လူမှုရေးလုပ်ငန်းတွေမှာ အားတက်သရော ပါဝင်နေပါတယ်။ သူ့ရဲ့အဓိက ရည်မှန်းချက်ကတော့ မြို့တော်ဝန်အဖြစ် ရွေးကောက်ခံနိုင်ဖို့ဖြစ်ပါတယ်။

အာ့စ်လီကတော့ ခွဲစိတ်ပါရဂူဆရာဝန်တစ်ယောက်ပါ။ သူဋ္ဌေးနာမစ်ဟာ အာ့စ်လီအလုပ်လုပ်တဲ့ဆေးရုံမှာ အများကြီး
လှူဒါန်းပေးခဲ့တဲ့အတွက် ပြည်သူအများက ဆရာနာမစ်လို့ ခေါ်ကြပြီး လေးစားနေကြပါတယ်။ တစ်ရက်မှာတော့ ဖာဟတ်ဟာ နာမစ်ရဲ့ကွန်ပြူတာကို ခိုးယူသွားသူနောက်လိုက်ရင်း ထိုလူက သေနတ်နဲ့ပစ်ခံလိုက်ရပါတယ်။
ကွန်ပြူတာကို ပြန်ရနိုင်ဖို့ ဖာဟတ်က ထိုလူကို အသက်ကယ်ပေးဖို့ ဖြစ်လာပြီး ခွဲစိတ်ဆရာဝန်အရေးတကြီး
လိုအပ်လာပါတယ်။

နာမစ်ရဲ့ အချိတ်အဆက်နဲ့ ခေါ်ထားတဲ့ ဆရာဝန်မအစား အာ့စ်လီက ကိုယ်စားခွဲစိတ်ပေးဖို့ဖြစ်လာခဲ့ပါတယ်။ လူနာကို တရားမဝင်ခွဲစိတ်ခိုင်းပြီးနောက်မှာ အာ့စ်လီကို နာမစ်က ရှင်းပစ်ဖို့ အမိန့်ပေးခဲ့ပါတယ်။ ဖာဟတ်က အာ့စ်လီကို တောထဲခေါ်သွားပြီး ရှင်းပစ်မယ့်အချိန် အာ့စ်လီက အထပ်ထပ်တောင်းပန်နေတဲ့အတွက် သူနဲ့လက်ထပ်ဖို့ ကမ်းလှမ်းလိုက်တဲ့အခါ...