တကယ့်ဖြစ်ရပ်မှန်ကို အခြေခံရိုက်ကူးထားတဲ့ ဇာတ်လမ်းသစ်

သေဒဏ်ကျခံရဖို့ နာရီပိုင်းအလိုမှာ ငလျင်ကြီးလှုပ်ခတ်သွားပြီး အသက်ရှင်ကျန်ရစ်ခဲ့မယ်ဆိုရင် အဲဒီလူဟာ ထွက်ပြေးလွတ်မြောက်ဖို့ ကြိုးစားမလား၊ ဒါမှမဟုတ် အပျက်အစီးတွေကြားထဲက တခြားလူတွေကို ကယ်တင်မလား မျက်ရည်လည်စေမယ့် ဇာတ်ကားကောင်းလေး

အန္တရာယ်နဲ့ ရိုမန်တစ်ဆန်မှုတွေ ရောယှက်နေတဲ့အမိုက်စား တူရကီဒရာမာဇာတ်ကားသစ်

ဒီ Melodrama စီးရီးဟာ ကမ္ဘာကျော် ကိုရီးယားဒရာမာကားကောင်းတစ်ကားဖြစ်တဲ့ Queen of Tears ကို တူရကီနိုင်ငံက တရားဝင် Remake ရိုက်ကူးခဲ့တဲ့စီးရီးဖြစ်ပါတယ်။ တူရကီနိုင်ငံရဲ့ နာမည်ကြီး တီဗီချန်နယ်တစ်ခုဖြစ်တဲ့ ATV မှာ ထုတ်လွှင့်ပြသခဲ့ပြီး နိုင်ငံတကာကိုပါ ထုတ်လွှင့်တင်ဆက်ခဲ့တဲ့ Rating အရမ်းကောင်းတဲ့ စီးရီးလည်း ဖြစ်ပါတယ်။

ဒီစီးရီးရဲ့ ဒါရိုက်တာကတော့ Engin Erden ဖြစ်ပြီး တူရကီရဲ့ ထိပ်တန်းမင်းသားနဲ့မင်းသမီးအချောအလှလေးတွေဖြစ်တဲ့ Barış Arduç နဲ့ Hande Erçel တို့ အဓိကပါဝင်သရုပ်ဆောင်ထားကြပါတယ်။ အချစ် အမုန်း ရန်ငြိုးတွေနဲ့ အာဏာတွေကြားထဲ တဖြည်းဖြည်း လမ်းပျောက်နေတဲ့ စုံတွဲလေး လမ်းမှန်ပေါ် ပြန်ရောက်အောင် အတူတူ ကြိုးစားရင်ဆိုင်ကြပုံကို ရှုစားကြရမှာဖြစ်ပါတယ်။

ဇာတ်လမ်းအကျဉ်း...

တူရကီနိုင်ငံ အစ္စတန်ဘူရ်မြို့က အရမ်းကိုချမ်းသာပြီး ဩဇာအာဏာကြီးတဲ့ သူဌေးချေတင်ရဲ့ မြေးမလေး မေရာနဲ့ ကုမ္ပဏီက ဥပဒေအကြံပေးရှေ့နေ ဆေလင်မ်တို့ရဲ့ ခမ်းနားကြီးကျယ်လှတဲ့ လက်ထပ်ပွဲ။ ချစ်လို့ လက်ထပ်လိုက်ကြပေမဲ့ အခြေခံမတူ တန်ဖိုးထားတာချင်းအတူ အတွေးအခေါ်မတူကြတဲ့ မိသားစုနှစ်ခု ပေါင်းဖက်မှုတွေက သူတို့နှစ်ဦးကြားမှာ ဝေးကွာလာစေခဲ့ပါတယ်။

ဆေလင်မ်ဟာ သာယာအေးချမ်းတဲ့ အိမ်ထောင်သည်ဘဝကို လိုချင်ခဲ့ပေမဲ့ လက်တွေ့မှာတော့ အေးစက်စက် ဆက်ဆံတတ်တဲ့ မေရာနဲ့ မေရာ့မိသားစုဘက်က ဖိအားတွေကိုသာ အလူးအလဲ ခံစားခဲ့ရပါတယ်။ ဆေလင်မ်ဟာ ဒီဖိအားဒဏ်ကို ဘယ်လိုမှ သည်းမခံနိုင်တော့တဲ့အဆုံး လက်ထပ်ပြီး ၃ နှစ်နီးပါးအကြာမှာတော့ အေးစက်နေတဲ့ အိမ်ထောင်ရေးကို အဆုံးသတ်လိုက်ဖို့ ဆုံးဖြတ်ခဲ့ပါတယ်။

မေရာ့ကို ကွာရှင်းကြဖို့ ပြောရန် ချိန်းဆိုရင်း စောင့်နေခဲ့ပေမဲ့ မေရာကတော့ ရောက်မလာခဲ့ပါဘူး။ မေရာက သူ့မှာ ထူးဆန်းတာတွေ ဖြစ်လာနေတဲ့အတွက် ဆရာဝန်သွားပြရင်း ဦးနှောက်အကျိတ်ကင်ဆာကြောင့် သူ့မှာ ၃လပဲ အချိန်ကျန်တော့တာကို သိလိုက်ရပါတယ်။ ကွာရှင်းဖို့ ပြောချင်နေတဲ့ ဆေလင်မ်ဟာ မေရာ့မှာ သက်တမ်း ၃ လပဲ ကျန်တော့တာကို သိလိုက်ရတဲ့အခါ...

( ဇာတ်လမ်းအကျဉ်းကို PChueGemini မှရေးသားပေးထားပါတယ် )