Kemal ဆိုတဲ့ ချမ်းသာတဲ့ လူကုံထံမိသားစုက လူငယ်တစ်ယောက် သူ့အဆင့်အတန်းနဲ့ လိုက်ဖက်တဲ့ Sibel ဆိုတဲ့ မိန်းကလေးနဲ့ စေ့စပ်ထားပြီးသားပါ။

ဒါပေမဲ့ ကံကြမ္မာက မျက်လှည့်ပြလိုက်တော့ သူနဲ့ ဝေးကွာနေတဲ့ ဆွေမျိုးတော်စပ်သူ Füsun ဆိုတဲ့ ၁၈ နှစ်အရွယ် ဆင်းရဲတဲ့ ကောင်မလေးနဲ့ ပြန်ဆုံပြီး အချစ်မီးတွေ တောက်ကြတော့တာပဲ။

Kemal က Füsun ကို အရူးအမူး ချစ်မိသွားပေမယ့် လူမှုပတ်ဝန်းကျင်နဲ့ အသိုင်းအဝိုင်းကြောင့် သူ့ရဲ့စေ့စပ်ပွဲကို မဖျက်ရဲဘူး။

ဒါကပဲ အမှားကြီးတစ်ခု ဖြစ်သွားခဲ့တယ်။ Kemal ရဲ့ မပြတ်သားမှုကြောင့် စိတ်နာသွားတဲ့ Füsun က ရုတ်တရက် ပျောက်ကွယ်သွားတယ်။

အဲ့ဒီတော့မှ Kemal တစ်ယောက် "နောင်တ" တွေနဲ့ ရူးမတတ်ဖြစ်ပြီး သူ့ရဲ့ အငွေ့အသက်တွေကို လိုက်ရှာတော့တာပဲ။ ၈ နှစ်ကြာတဲ့အထိ Kemal က Füsun ကို မမေ့နိုင်ဘူး။

သူနဲ့ ပတ်သက်သမျှ အရာရာတိုင်း—စီးကရက်တိုလေးကအစ၊ ဆံပင်ကလစ်လေးတွေအထိ—အကုန်လုံးကို လိုက်စုဆောင်းပြီး သူ့ရဲ့ "အပြစ်မဲ့ပြတိုက်" ကို တည်ဆောက်ခဲ့တယ်။

ဒီကားက ရိုးရိုး အချစ်ဇာတ်လမ်းထက် ပိုပါတယ်။ အချစ်ကနေ စွဲလမ်းမှု (Fetishism) ဘက်ကို

ဘယ်လိုကူးသွားလဲဆိုတာကို ပြတယ်။ Kemal ဟာ Füsun ကို မပိုင်ဆိုင်ရတော့ပေမယ့် သူထိတွေ့ခဲ့တဲ့ ပစ္စည်းလေးတွေကို ကြည့်ပြီး အချိန်တွေကို ရပ်တန့်ထားချင်ခဲ့တာ။

စိတ်ဝင်စားဖို့ကောင်းတာက စာရေးဆရာ Orhan Pamuk ဟာ အစ္စတန်ဘူလ်မှာ ဒီ "Museum of Innocence" ဆိုတဲ့ ပြတိုက်ကို တကယ်ကြီး တည်ဆောက်ထားတာပါ။

ဇာတ်လမ်းထဲက ပစ္စည်းလေးတွေကို အပြင်မှာ တကယ်သွားကြည့်လို့ရပါတယ်။ဒါဟာ "ဆုံးရှုံးသွားတဲ့ အချစ်တစ်ခုကို အရာဝတ္ထုတွေနဲ့ ပြန်လည် အသက်သွင်းဖို့ ကြိုးစားတဲ့ လူတစ်ယောက်ရဲ့
ဝမ်းနည်းစရာကောင်းတဲ့ မှတ်တမ်း" ပါပဲ။

ကြည့်ရှုသူကို "အချစ်ဆိုတာ ပိုင်ဆိုင်ခြင်းလား? ဒါမှမဟုတ် အမှတ်တရတွေကို ထိန်းသိမ်းခြင်းလား?" ဆိုတဲ့ မေးခွန်းကို ကျန်ရစ်စေမယ့်..

ဝမ်းနည်းခြင်းအစစ်ဟာ သီချင်းတစ်ပုဒ်လိုပဲ။ အစပိုင်းမှာ ခင်ဗျားကိုဝမ်းနည်းအောင်မလုပ်သေးဘူး။ ဒါ ပေမယ့် Chorus အပိုဒ်တွေကျရင် လှိုင်းတွန့်လေးတွေလို တစ်စထက်တစ်ပုံထပ်လာပြီး မေ့မရနိုင်စရာသံစဉ်တစ်ခု အဖြစ် ရင်ထဲကိုရိုက်ခတ်လာလိမ့်မယ်။ ဝမ်းနည်းခြင်းဆို တာဟာ ရုတ်ချည်းရောက်ချလာတယ်လို့ ခင်ဗျားထင်နေခဲ့ရင် အစ ပိုင်းမှာလာနေခဲ့တဲ့ နုတ်စ်အနိမ့်လေးတွေကိုခင်ဗျား လျစ်လျူရှုခဲ့မိလို့ပါပဲ၊ - ချန်ချေကိုင်

အန်းရီချီဆိုတာ ဂီတထုတ်လုပ်သူ ဝမ်ပိုဟန်ရဲ့လက်ထောက် တစ်ဦးဖြစ်ပြီး မကြာခင်ထွက်ရှိဖို့လုပ်နေတဲ့ နာမည်ကျော်အဆိုတော် အားလင်ရဲ့အယ်လ်ဘမ်အသစ် အတွက် ခေါင်းစီးသီချင်းကိုရွေးနေကြချိန်ဖြစ်ပါတယ်။ သူ့စားပွဲပေါ်ကိုရောက်နေတဲ့ ရွက်ပုန်းသီးဂီတဝါသနာရှင် များစွာရဲ့ သီချင်းတွေအများကြီးထဲကမှ သူ့စိတ်ထဲကို ရောက်လာတဲ့ သီချင်းတစ်ပုဒ်ကိုပြလိုက်တဲ့အချိန်မှာတော့ အားလင်တစ်ယောက်ချက်ချင်းဆိုသလိုပဲသဘောကျသွား ဒီသီချင်းကိုခေါင်းစီးအဖြစ်ရွေးချယ်ခဲ့ပါတယ်။

အဲဒီမှာအခက်တွေ့တာက စီဒီပေါ်မှာ ကေ နဲ့ ခရင်မ် ဆိုတာ ကလွဲလို့ ပေးပို့သူအမည်မပါ၊လိပ်စာမပါရှိခဲ့လို့ပါပဲ။ ဒီသီချင်းရဲ့မူပိုင်ခွင့်အတွက် ဝမ်ပိုဟန် သိထားတဲ့ သဲလွန်စ သေးသေးလေးကတစ်ဆင့် တစ်စ တစ်စ လိုက်လံစုံစမ်းရင်း

နဲ့ ဒီသီချင်းနောက်ကွယ်က ကြေကွဲဆွတ်ပျံ့စရာ ချစ် ဇာတ်လမ်းလေးတစ်ပုဒ်၊ ကေနဲ့ ခရင်မ်ဆိုတဲ့ အမည်ပိုင်ရှင်နှစ်ယောက်၊

ဒီသီချင်းဖြစ်ပေါ်လာရတဲ့ အကြောင်းအရာစေ့ဆော်မှုတွေ ကိုပါ တဖြည်းဖြည်းနားလည်သိရှိလာရာက သူတို့ရဲ့ဘဝ တွေထဲအထိသက်ရောက်မှုတွေရှိလာခဲ့တဲ့အခါမှာတော့..။

More Than Blue ဟာ 2009 နာမည်ကျော် ကိုရီးယား ရုပ်ရှင် More than blue ရဲ့ ဒုတိယမြောက်ထိုင်ဝမ် remake ဖြစ်ပါတယ်။

ပထမ remake ဖြစ်တဲ့ More Than Blue 2018 ဟာလဲ 2018 အဖွင့်ဝင်ငွေအများဆုံးစံချိန်ချိုးတဲ့အထိအောင်မြင်ခဲ့ ပါတယ်။

ဂီတလောကနောက်ခံဇာတ်ကားဖြစ်တဲ့အတွက် ငြိမ့်ဝင်စီး မျောလို့ကောင်းတဲ့ နောက်ခံတေးဂီတ တွေ။ သီချင်းလှလှလေး

သက်ဝင်လှပလွန်းတဲ့ cinematography တွေ အပြင် တစ်ရစ်ခြင်းဖြည်ချသွားတဲ့ ဇာတ်အလှည့်အပြောင်းတွေ ကြောင့်ပါ ထိုင်ရာမထတမ်း

ကြည့်ရလောက်အောင် ဆွဲဆောင်နိုင်တဲ့ ဇာတ်လမ်းတွဲတစ် ခုဖြစ်ပါတယ်