Transport sohasidagi korxona rahbarlari ishtirokida “Rahbar va yoshlar” uchrashuvi boʻlib oʻtdi

Uchrashuvda Transport vazirligi Temir yo‘l transporti boshqarmasi boshlig‘i O. Irkabayev, “Temir yo‘l infratuzilma” aksiyadorlik jamiyati bosh direktori S. Norqobilov va “Toshkent mintaqaviy temir yo‘l uzeli” UK boshlig‘i O.Xudoykulovlar ishtirok etdi.

Talabalarning temir yo‘l transporti faoliyati haqidagi tasavvurlarini yanada boyitish hamda bitiruvchi yoshlarni ishga jalb qilishga ko‘maklashish maqsadida tashkil etilgan tadbirda talabalar o‘zlarini qiziqtirgan barcha savollarga atroflicha javob oldilar.

Batafsil

FIDIC metodikasi va uning ahamiyati yuzasidan o‘quv seminari boshlandi

O‘zbekiston Respublikasi Prezidentining 2023-yil 14-iyundagi PF-94-son Farmoniga 5-ilova 8-bandida belgilangan topshiriq ijrosi doirasida Avtomobil yo‘llari qo‘mitasi xodimlari va Transport nazorati inspeksiyasining inspektorlarini Xalqaro muhandis-konsultantlar federatsiyasi (FIDIC) talablari asosida malakasini oshirish bo‘yicha o‘quv seminari boshlandi.

Transport vazirligi Osiyo taraqqiyot banki bilan hamkorlikda tashkil etgan o‘quv seminar birinchi kunida loyihalarni, qurilish sohasidagi shartnomalarni FIDIC Xalqaro muhandis-konsultantlar federatsiyasi standartlariga muvofiq tuzish, bitimlarda ishlarning aniq hajmi, huquq va majburiyatlar, shuningdek, tomonlarning javobgarligi masalalari yuzasidan batafsil ma’lumot berildi.

Batafsil

“Yandex Go” kompaniyasi vakillari bilan uchrashuv bo‘lib o‘tdi

Bugun, 20-fevral kuni Transport vaziri I. Maxkamov “Yandex Go” kompaniyalar guruhining elektron tijorat va logistika xizmatlari bo‘yicha Bosh direktori D. Shuleyko boshchiligidagi delegatsiya vakillari bilan uchrashdi.

Uchrashuvda yo‘lovchi tashish bozorini rivojlantirish va tartibga solish bilan bog‘liq masalalar muhokama etildi. Shuningdek, yo‘l-ko‘cha tarmoqlaridan foydalanish samaradorligini oshirish maqsadida Yandex (xarita) tahlillaridan foydalanish, o‘z avtotransport vositalariga ega bo‘lgan taksoparklar faoliyatini rivojlantirish bilan bog‘liq masalalar yuzasidan fikr almashildi.

Batafsil