لمن كان يسأل عن مشهد إتمام الثانوية.
هذا هو

طريقة طباعة العنوان الوطني عبر تطبيق سبل📬

١- تحميل التطبيق.
٢- تسجيل الدخول عن طريق نفاذ.
٣- الذهاب إلى "عناويني الوطنية".
٤- إختيار العنوان الحالي. أو إضافة العنوان الجديد.
٥- بعد إختيار العنوان، تظهر لكم على الجهة
اليسرى دائرة مرسوم عليها ٣ نقاط.
٦- الضغط عليها وإختيار إثبات العنوان.
٧- ستظهر لكم صفحة العنوان وفي أعلاها كلمة "تحميل".
٨- تكون الصورة جاهزة في الأستوديو.
٩- طباعتها في المنزل او الذهاب إلى المكتبة.
✅✅✅✅✅✅✅✅✅✅

يعياال بقلكم تجربتي بدون مقدمات
مع العلم أنها في خميس مشيط.

١-توريهم توكلنا بالجوال وترجعه السيارة.
٢-تدخل تحصل غرفة صغيرة يعطيك ورقة ويعبي بياناتك.
٣-تخش الساحة و تخش مكتب المقابله يعطونك رقمك في اللستة.
٤-تصف مع الطلاب أول شي، وتخش مكان قياس الطول والوزن.
٥ يقولون لك كم رقمك في اللستة عشان يحصل اسمك في النظام بسرعة.
٦-تخش المقابلة يدققون الأوراق ويسالونك أسئلة سهلة.
٧-تروح مكتب الحاسب يدققون ع الاوراق مرة ثانية ويدخلونها في الكمبيوتر ويرتبون أوراقك ويخرمونها.
٨-ياخذوا الملف ويعطونك موعد للفحص الي هو اليوم الثاني.
وبس

الملف المطلوب للمقابلة الشخصية✅

تعليمات حضور موعد الفحص الطبي

تجربتي في الفحص الطبي.

أول شي تجي على موعدك وتخش المستشفى.
تصف مع الطلاب وينادون باسمك ويعطونك رقم.
وبعدين تخش ساحة فيها كراسي، تجلس عليها لغاية ما ينادون برقمك.

وتبدأ الإجراءات التالية:

١- العيادة الأولى النظر. والله أسهل منها مافيه.
يجلسوك على كرسي ويقلك هذا الحرف فين متجه يمين يسار طبعا الحرف E.وبعده يعطونك حق عمى الالوان والله سهل.

٢- العيادة الثانية أذن وأنف وحنجره سهله. والله بس قال لي أفتح فمك وعلى طول عطاني لائق.
حتى حطيت سنوني على بعض قال لي: لا بس افتح فمك.

٤- العيادة الثالثة النفسية. يسألك وش اسمك ومن فين وهل تعاني من أمراض فقط.

٥- العيادة الرابعة الأسنان. فقط يقلك أفتح فمك وخلاص.

٦-العيادة الخامسة الجراحة. تخش زي الغرفة مغطينها بستاره ويقلك نزل الفنيلة والسروال الطويل فقط ويقلك أركع، أجلس فقط حتى مايلمسك.

٧- العيادة السادسة الباطنية. يسألك هل تعاني من الرئة أو القلب أو تشنجات؟

٧- العيادة السابعة تحليل البول الله يكرمك. تخش في غرفة مغطينها بستاره ويعطونك علبة.

٨-الدم ياخذون منك دم وخلاص ترووح.

ملاحظة 📝
كل العيادات تطول فيها ٣٠ ثانية.
يعني الأمور سهالات بإذن الله.

والله يوفق الجميع.

منقول من الأخ: BASSAM

بنقل لكم تجربتي في المقابلة الشخصية اليوم.
طبعاً للبنات.👱🏼‍♀👩🏼‍🦳👩🏻‍🦱👩🏼‍🦰👩🏽

أول ماندخل فيه عسكري يتأكد من الاسم ورقم الهوية إذا موجود بكشف المواعيد عنده أو لا.
بعدين دخلنا وفيه موظفة أخذت الهوية وخلتنا نكشف عشان تتاكد إنها وأخذوا جوالاتنا.

بعدها بالاسماء ينادون لغرفة قياس الوزن والطول (نفسخ العباية والجزمة والشراب وأنتم بكرامة).

بعدها ودوني لعسكري يطابق بياناتي ويشوف الملف كامل أو لا.

وبعد ماخلصنا طلعنا فوق وعطونا ورقة عن
(إذا فيه وشم وأمراض وعمليات جراحية وكذا).

بعدها بالاسماء ينادون لغرفة المقابلة عبارة عن أربعة مكاتب تفصلهم حواجز، كل مكتب فيه موظفة وحدة تسأل كم سؤال. يعني المقابلة بيننا نحن الإثنين.
قالت لي تكلمي عن نفسك وإيش يميزك عن غيرك، ومين نائب وزير الدفاع ومين رئيس مجلس الوزراء.

وبعدها عطتني باركود لموعد الفحص بكره ان شاء الله.

(بشكل عام مررره سمحين ومتعاونين حتى اللي بالمقابله يدخلون القلب مافيه اي شي يستدعي للتوتر والله يتمم لي ولكم القبول النهائي).
--------------------------------

اللهم آمين يارب 🤲🏼
منقول من الأخت Tahaniy

ترقبوا غداً إجراءات الفحص الطبي النسائي

تجربتي في الفحص الطبي النسائي.
💢👩🏻‍🦱👮🏻👩🏻‍⚕💢

موعد الفحص كان الساعة سبعة الصباح.
وماخلصنا إلا ١٢ الظهر.

لما وصلنا أخذنا من الممرضة علبة (لتحليل البول) وأنتم بكرامة بعدها جلسنا بصالة الإنتظار.

جاء عسكري معه اوراق الفحص كل وحدة تأخذ ورقتها تكتب إسمها وتوقع وترجعها له بالترتيب.ثم انتظرنا شوي بالصالة بعدين خلونا نصف طابور ووزعوا أوراقنا من جديد ورحنا للأشعة (أشعة للظهر).

بعد الأشعة رحنا لكشف الأسنان كشفت على الأسنان كاامل وتشوف فيها تسوس أو تركيبات وفحصت نبضات القلب و على الأرجل وأنتم بكرامة.

تخلينا نبعد رجولنا عن بعض، بعدها فحصت البطن وتسأل إذا مسوين عمليات قبل كذا، أو اذا تعاني من مرض معين، أو تستخدم علاج و تشيك إذا فيه آثار لعمليات وتضغط بيدها تحت الصدر واسفل البطن.
فيه اشياء يعدونها حسب التخصص مثل القيصرية. إذا كاتبة أو شي ما شابه.

بعدها رحنا فحص النظر تسأل إذا لابسين عدسات أو لا. ثم تكشف عليها.

بعدها نجلس على كرسي نهايه الغرفة وقدام فيه لوحة فيها حرف C، بعضها تكون الفتحة فوق أو تحت، وبعضها يمين أو يسار، وأحجامها تختلف فيه الكبيرة وفيه الصغيرة مررة، وهي تسأل وإحنا نجاوب وين إتجاه الفتحة. وخذوا وقتكم، مو شرط تجاوبون بسرعة.

وبعدها تجيب دفتر عمى الألوان وتسأل كم الرقم هذا وكم الرقم هذا وكلها واضحة حتى حجمها كبير.

وبعدها سوينا تحليل الدم يعبون ٤ براويز.

بعدين خلاص نطلع.

عددنا اليوم حوالي ٣٠ متقدمة.

اسلوبهم حلو وكل شي تمام بس العدد شوي كبير عشان كذا تأخرنا.

تجربة الأخت: Tahaniy

لمراجعة إختبار ALCPT
الخاص بــــوزارة الدفــاع

إليكم هذا الملخص ✅

موقع إختبار معهد الدراسات الفنية للقوات الجوية

القبول والتجنيد لمعهد الظهران
https://maps.app.goo.gl/rttAdL7kD5VEyCiF8

https://tajnid.mod.gov.sa/Pages/Sectors_Default.aspx
مواقع المقابلات الشخصية🗺

https://tajnid.mod.gov.sa/Pages/Faq.aspx
الأسئلة المتكررة🗣

تجربتي لأداء إختبار اللغة الإنجليزية لمعهد الدراسات الفنية للقوات الجوية. ✈️

أول شيء تروح (القبول والتجنيد لمعهد الظهران).
https://maps.app.goo.gl/rttAdL7kD5VEyCiF8 📌

واللبس عادي تجي بأي لبس الا الشورت وتكون معك البطاقه الهويه ونسخه شهاده ثانويه (للإحتياط).📄

ثم تدخل وتنتظر.⏳
فالغالب إذا جسمك متناسق م يخلونك تقيس وزن وطول إلا إذا كان فيه أحد قصير أو متين يكون فيه فحص له، إذا اجتازه يكمل والعكس.📏⚖

بعدين تنتظر وتصف عند العسكري يطلب منك رقم الهويه وتاريخ ميلادك.💳

بعدها تروح للصاله الثانيه تنتظر لين يكتمل العدد ويصرفونكم ع باصات تتجهون لمعهد الدراسات اللي بيكون فيه اختبار.💨🚌

الإختبار كان عبارة عن إختبار ALCPT، مكون من ٥٠ سؤال في نصف ساعة. سهل جداً.✅

تختبر وترجع للباص يوديك للمقر اللي اخذك منه. بعدها تنتظر نص ساعه ثم يجي العسكري.

اللي ينادي اسمه يروح للجهه الثاني عشان يكمل المقابله، اذا انتهوا من فرز النتائج وما ذكروا اسمك ف الله يعوضك.😔✋

بعدين تنتظر لين يجي دورك وتسوي المقابلة.
(كنت متوتر لأن اول مره اسوي مقابله😂)
كانت من أسهل م يكون.👥

بعدها يقول لك العسكري تجي اليوم الثاني بالزي الرياضي الساعه ٦ص تختبر قدرات، بعدها تدور اهلك لين يجيك رساله ترشيح فالموقع.

هذي كانت تجربتي.☺️
---------------------------------

شكراً لك أخوي @xpiiss
والله ييسر لك امرك غداً بإذن الله.