🇦🇿 Ayaz Əhmədov 2002-ci il martın 4-də Göyçay rayonunun İkinci Ərəbcəbirli kəndində anadan olub. 2018-2020-ci illərdə Azərbaycan Silahlı Qüvvələrinin sıralarında müddətli həqiqi hərbi xidmət keçib. 2020-ci il sentyabrın 21-də Hərbi Komissarlıq tərəfindən təlimlərə çağırılıb. Vətən müharibəsində oktyabrın 6-dan 7-nə keçən gecə Ağdərə istiqamətində döyüş tapşırığının yerinə yetirilməsi zamanı şəhid olub.
👉 https://memorial.az/az/qehremanlarimiz/2994

🇦🇿Tağıyev Eşqin Asif oğlu 1998-ci il, martın 18-də Göygöl rayonunun Üçtəpə kəndində dünyaya göz açıb. Azərbaycan ordusunda XTQ-nin giziri olan Eşqin Tağıyev Vətən müharibəsi zamanı Kəlbəcər, Cəbrayıl, Füzuli istiqamətində gedən döyüşlərdə iştirak edib. 2020-ci il, oktyabrın 30-da Şuşa şəhərinin azad olunması uğrunda gedən döyüşlərdə Şəhidlik zirvəsinə yüksəlib. Qəhrəmanımızın ailəsilə son danışığı oktyabrın 27-də olub. Eşqin anasına "Şuşaya gedirik, sonra zəng edəcəyəm",- deyib.
Allah rəhmət eləsin!
👉 https://memorial.az/az/qehremanlarimiz/2103

🇦🇿Şəhid qızından təsirli sözlər
Nərimanov rayon İcra hakimiyyətinin təşkilatçılığı ilə “Nəsillərin dialoqu – Qarabağ zəfəri və şəxsiyyət faktoru” mövzusunda gənclərlə görüş keçirilib.
Tədbir döyüş zamanı vurulmuş təyyarədən katapult etməyərək, böyük qərəmanlıq göstərib, təyyarəni düşmən hədəfinə çırparaq şəhid olmuş və ölkə başçısı tərəfindən “Vətən müharibəsi qəhrəmanı” adı verilmiş Zaur Nudirəliyevin qızı Pəri Nudirəliyevanın təsirli çıxışı və digər maraqlı anlarla yadda qalıb.

🇦🇿 Bu gün ad günü olan şəhidimiz İsmayilov Elvin Arif oğlu 2002-ci il, martın 28-də Sumqayıt şəhərində dünyaya gəlib. 2008-ci ildə 24 nömrəli tam orta məktənin 1-ci sinfinə gedib. O uşaqlıqdan həmişə atası ilə gəzər, özünü yaşından böyük aparardı. Uşaq vaxtından ən böyük marağı futbol idi. Gəzməyi, deyib-gülməyi çox sevən, həyat dolu bir uşaq idi. 2020-ci ildə əsgərliyə gedən Elvin Beyləqanda hərbi xidmətə başladı. Həmin il Vətən Müharibəmiz başlayanda cəbhəyə yollanıb. Sentyabrın 31-də son dəfə ailəsi ilə danışıb, "özünüzdən muğayat olun" deyib. Oktyabrın 2-də şəhidlik məqamına ucalıb.
👉 https://memorial.az/az/qehremanlarimiz/2619

🇦🇿 Nəsirov Əfqan Ramil oğlu 2001-ci il martın 29-da Sabunçu rayonu, Zabrat 2 qəsəbəsində anadan olub. 2007-2018 illərdə 71 saylı orta məktəbdə oxuyub. 2019-cu ildə əsgərliyə çağırılıb, Beyləqan rayonunda xidmət edib.
Azərbaycan Ordusunun əsgəri olan Əfqan Nəsirov 2020-ci il sentyabrın 27-də Ermənistan işğalı altında olan ərazilərin azad edilməsi və ölkəmizin ərazi bütövlüyünün bərpa olunması üçün başlanan Vətən müharibəsində Füzulinin azadlığı uğrunda gedən döyüşlərdə iştirak edib. Oktyabrın 14-də Füzuli istiqamətində gedən döyüşlərdə şəhid olub.
Azərbaycan Prezidenti İlham Əliyevin sərəncamlarına əsasən Əfqan Nəsirov ölümündən sonra "Vətən uğrunda", "Füzulinin azad olunmasına görə", "İgidliyə görə", "Cəbrayılın azad olunmasına görə" medalları ilə təltif edilib.

🇦🇿 Osmanov Nizami Elşad oğlu 2002-ci il, martın 29-da Kürdəmir rayonunun Şahsevən kəndində dünyaya göz açıb. Orta məktəbi bitirdikdən sonra 2020-ci il aprelin 1-də həqiqi hərbi xidmətə yollanıb. Sentyabrın 27-də başlanan Vətən müharibəsinin ilk günlərindən işğalçı erməni ordusuna qarşı döyüşüb.
Nizami Talış və Suqovuşan istiqamətlərindəki ağır döyüşlərdə qəhrəmancasına vuruşub, düşmənin xeyli canlı qüvvəsini məhv edib. Lakin Suqovuşanın azad edilməsi uğrunda gedən döyüşlərdə şəhadətə qovuşub.
Ölümündən sonra Azərbaycan Respublikası Prezidentinin Sərəncamı ilə “Vətən uğrunda”, “Suqovuşanın azad olunmasına görə” medalları ilə təltif olunub.
Ailədə iki qardaşın böyüyü olan Nizami Osmanov indi doğulub boya-başa çatdığı kəndin qəbiristanlığında uyuyur.

🇦🇿 Bu gün ad günü olan şəhidimiz Pərviz Məmmədli 30 mart 1996-cı ildə Neftçala rayonunda dünyaya göz açıb. 2014-cü ilin aprel ayında həqiqi hərbi xidmətə yollanıb. Bir il xidmət etdikdən sonra Pərviz komandirləri tərəfindən yüksək qiymətləndirilir və onu Xüsusi Təyinatlı Qüvvələrin kursuna yollayırlar. 200 nəfərin iştirak etdiyi 180 günlük kursu Pərviz də daxil olmaqla 12 nəfər müvəffəqiyyətlə başa vurur. Bundan sonra Pərviz Cəlilabad rayonunda N saylı hərbi hissədə yeni işinə başlayır. 2016-ci ilin Aprel döyüşlərində iştirak edir və sol bud nahiyəsindən ağır yaralanır. Gəncə Hospitalında yatır və 2 dəfə əməliyyat olunur.
2020-ci ilin sentyabrın 27-də başlanan Vətən müharibəsində Pərviz XTQ-nin tərkibində Füzuli, Cəbrayıl, Hadrut, Laçın, Xankəndi və Şuşa uğrunda qəhrəmancasına döyüşüb. Oktyabrın 24-də Şuşa uğrunda döyüşlərdə snayperlə vurularaq şəhid olub.
2019-cu ildə ailə həyatı quran qəhrəmanımızın Miray adlı övladı Vətənə əmanətdir.

🇦🇿Murad Nadir oğlu Babayev 1982-ci il martın 31-də Cəlilabad rayonunun Sabirabad kəndində anadan olub. 2001-ci ildən Azərbaycan Silahlı Qüvvələrinin sıralarında xidmət edib.
2003-cü ildə gizir təhsili alıb, tank komandirliyi üzrə kurslarda iştirak edib. 2016-cı ilin aprel döyüşlərində tank taburunun tərkibində düşmənə sarsıdıcı zərbələr endirib. Aprel zəfərində payı olan peşəkar tankçının rütbəsi bir pillə də artırılıb.
Peşəkar tankçı olan Murad Vətən Müharibəsinin nə zaman başlayacağını səbirsizliklə gözləyirdi. 2020-ci il sentyabrın 27-də başlayan Vətən Müharibəsinin ilk saatlarında Füzuli istiqamətində düşmənin illərlə qurduğu "keçilməz" sədlərdən beşini və bir taburunu darmadağın edib. Özü də həmin döyüşlərdə şəhadətə ucalıb.
Cəlilabad rayonunun Sabirabad kəndində torpağa tapşırılan qəhrəman şəhidimizin Samir adlı oğlu, Zəhra və Fatimə adlı qızları yadigar qalıb.

🇦🇿 Qulamov Rəcəb Heydər oğlu 1996-cı ilin mart ayının 31-də anadan olub. O, 2020-ci ilin sentyabr ayının 8-i müddətdən artıq hərbi qulluqçu kimi xidmətə başlayıb. 19 gündən sonra hərbi əməliyyatlara qatılıb və oktyabr ayının 1-də Murovdağ istiqamətində şəhid olub.
Şəhidimizin nəşi 5 aydan sonra, fevral ayının 19-da Murov istiqamətində gedən axtarışlar zamanı tapılıb. O, Sumqayıtın Şəhidlər Xiyabanında dəfn olunub.
Evin tək övladı olan Rəcəbin atası oğlunun şəhadətindən bir qədər əvvəl rəhmətə getmişdi. O, dostlarına hər zaman "Anamdan muğayat olarsınız!" deyirmiş...
Azərbaycanın ərazi bütövlüyünün təmin edilməsi uğrunda döyüş əməliyyatlarına qatıldığı və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin sərəncamlarına əsasən Rəcəb Qulamov ölümündən sonra "Vətən uğrunda", "Kəlbəcərin azad olunmasına görə”, “Vətən müharibəsi iştirakçısı” medalları ilə təltif olunub.

🇦🇿🇦🇿 Şəhid Səid Rəşidzadənin anası Nofəl Qasımov: "Bu bayraq mənim üçün oğlumu əvəz edir"
👉 https://memorial.az/az/qehremanlarimiz/527