2 | انواع انزيمات COX .. 💛

👈 عدنا نوعين من COX الي هنه COX-I و COX-II ويقال اكو COX-III الي يشتغل عليه دواء Paracetamol

👈 انزيم COX-I يصنع Physiological PGs الي هي مسؤولة عن

اولاً: توسعة الاوعية الدموية والقصبات Vasodilation and Bronchodilation
👈 فإذا توسعت الاوعية الدموية الي رايحه للكلى يعني راح يوصل دم هواي للكلى فتحسن وظائفها
👈 إذا توسعت الاوعية الدموية الرايحه للمعدة فراح يزداد الدم الواصل لجدار المعدة فيزيد من سمك mucous membrane مالتها فيحميها من peptic ulcer
👈 توسعة الاوعية الدموية بصورة عامة يقلل الضغط

ثانياً: Physiological PGs مسؤول ايضاً عن تقلص الرحم uterus contraction عند الولادة labour وعند الدورة الشهرية menstruation

👈 نجي لل COX-II يصنع Inflammatory PGs الي تكون مسؤولة عن 3 شغلات :
👈 الالم Pain
👈 الحمى Fever
👈 الالتهاب Inflammation

👈 اكو ادوية يسمونها Non-selective COX inhibitors مثل Diclofenac ( الفولتارين ) هاي تثبط COX-II الشرير فيختفي الالم الحمى والالتهاب وكذلك تثبط COX-I المفيد فاستعماله على المدى الطويل يسبب فضل كلوي Renal failure وقرحة بالجهاز الهظمي peptic ulcer وارتفاع بالضغط
👈 إذا تثبط مسار COX فراح يتجه للمسار الثاني الي هو LOX الي ينتجلي Leukotrienes وهذه تسبب تضيق بلقصبات Bronchoconstruction وبالتالي يضر جماعة الربو لان اهل الربو اصلاً عندهم تضيق بالقصبات

👈 اذن كل COX-I ينتج بروستوكلاندينات مفيدة عدا واحد هو TXA2 هذا شرير لان يجمع الصفائح الدموية
👈 كل COX-II ينتج بروستوكلاندينات ضاره عدا واحد هو PG I2 هذا مفيد لان يمنع تجمع الصفائح الدموية

COX = Cyclooxygenase
LOX = Lipoxygenase
PGs = Prostaglandins
TXA2 = Thromboxane A2

#Akram_Hassan_Kadhum
#Medical_Technologist

3 | ادوية COX inhibitors .. 💛

👈 راح نقسم ادوية COX inhibitors الى 3 اصناف :
👈 الصنف الاول Non-selective COX inhibitors يعني هذه الادوية تثبط COX-I و COX-II
👈 تثبيط COX-II احنا نريده لان يخلصنا من الالم والحمى والالتهاب بينما تثبيط COX-I له آثار جانبية عالية وخصوصاً القرحة Peptic ulcer هذه المجموعة كأغلب ادوية NSAIDs مثل
Diclofenac
Ibuprofen
Ketoprofen
Naproxen
Mefenamic acid
Indomethacin
Piroxicam
Asprin

👈 الصنف الثاني Perferential COX-II inhibitors يعني هذه المجموعة تثبط COX-II اكثر من ثنبيطها لل COX-I وهذا الكلام سيقلل الآثار الجانبية وهي 5 ادوية اشهرها Meloxicam ( موبك ) محبوب كثيراً في التهابات العظام والمفاصل لان بالعظام والمفاصل يستخدم طويلاً لذلك راح يكون اخف تأثيراً على القرحة وهذه الادوية هي :
Meloxicam ( Mobic )
Sulindac
Etodolac
Nabumetone
Nimesulide

👈 الصنف الثالث Selective COX-II inhibitors هذه الادوية تثبط فقط COX-II وراح تلاگي هذه الادوية تنتهي بمقطع coxib ( مقطع cox هو اختصار للانزيم ومقطع ib يعني inhibition ) عدنا دوائين هما :
Celecoxib
Etoricoxib

#Akram_Hassan_Kadhum
#Medical_Technologist

السلام عليكم .. 🩵

👈 ال Purines عبارة عن حلقتين ويشمل A و G
👈 ال Pyrimidine عبارة عن حلقة واحدة ويشمل T و U و C

👈 شلون نحفظهن ؟
👈 تذكر هاي الجملة زين Pure As Gold "النقي مثل الذهب"
👈 ال Pure يعني Purine
👈 ال As يعني A
👈 ال Gold يعني G
👈 وتذكر الذهب يجي بشكلين اكو منه محبس واكو حلقة يعني حلقتين

👈 نجي لل Pyrimidine
👈 تذكر هذه الجملة CUT the Pyramid "قص الهرم"
👈 ال CUT يعني القواعد النايتروجينية الثلاث C و U و T
👈 ال Pyramid يعني Pyrimidine
زين ليش كلت Pyramid الي معناه الهرم ؟ لان الهرم شكله مثلث والمثلث له قاعدة واحدة يعني حلقة واحدة ف Pyrimidine حلقة واحدة

A = Adenine (both DNA and RNA)
G = Guanine (both DNA and RNA)
C = Cytosine (both DNA and RNA)
U = Uracil (RNA only)
T = Thymine (DNA only)

#Akram_Hassan_Kadhum
#Medical_Technologist

السلام عليكم .. 💛

البورد الامريكي للمختبرات الطبية ..

👈 اول شي عندك امتحانين تختار واحد منهن اما بورد General او بورد Technologist

👈 شنو الفرق بين General و Technologist ؟
👈 بورد General تمتحن بكل اقسام المختبر ( Biochemistry - Hematology Microbiology Immunology - Body fluids - Lab operation - Blood bank )

👈 بعد اجتياز امتحان General بنجاح يسمونك International Medical Laboratory Scientist
MLS (ASCPi)

👈 بورد Technologist تمنحن بفرع واحد فقط مثلاً Microbiology او فقط ب Clinical biochemistry

👈 بعد اجتياز الامتحان بنجاح يسمونك Medical Technologist
MT (ASCPi)

👈 عدنا امتحان ثالث الي هو امتحان التخصص Specialist
بامريكا ماتصير مسؤول مختبر الا اذا عندك Specialist الي هو تختار تخصص واحد فقط مثلاً Hematology بالاضافة الى Lab. management الي هو كورس ادارة المختبرات
وراح يكون اكيد اوسع واصعب من Technologist
بس بيه شروط علمود تگدر تقدم عليه :
إذا انت بكالوريوس لازم يكون عندك اما بورد General او بورد Technologist + ثلاث سنين خبرة
إذا انت ماجستير لازم يكون عندك ثلاث سنين خبرة
إذا انت دكتوراه لازم يكون عندك سنتان خبرة
إذا انت دكتوراه وعندك احد البوردين General او Technologist + سنة واحدة خبرة

👈 بعد اجتياز امتحان التخصص Specialist بنجاح يسمونك International Medical Laboratory Specialist
👈 ويكتبون اسم التخصص وبعدها (ASCPi) مثلاً Hematology (ASCPi)

👈 مناهج البورد الامريكي هنه 6 كتب

👈 الجمعية الامريكية للكلينيكال باثولوجي او America Society of Clinical Pathology خلت منهج تفصيلي

👈 اشهر الكتب المرشحة للتحضير للبورد بشكل عام
👈 كتاب Card
👈 كتاب Success
👈 كتاب Approach

👈 كتب الاسئلة، عندك كتاب اسمه BOC هذا كتاب الجمعية نفسها
كتاب اسمه HARD

👈 اكو كتاب سادس نزلته الجمعية وهو من احدث المصادر الي نزلته الجمعية Quick compendium of medical laboratory sciences
يتكلم عن المنهج الي هي مخليته

👈 هذه الكتب تقراها بس ماتعتمد عليها 100‎%‎
مثلاً Hematology و Blood banking و Clinical Chemistry مشروحين اكثر تفضيلاً في كتاب Success

👈 كتاب Card اعتمد عليه في Body fluids و Microbiology و Immunology

👈 كل برانج يراد يكون معاك كتاب Reference علمود تعرف الاساسيات ..
👈 الكيمياء .. Essential of clinical pathology
👈 امراض الدم .. Clinical hematology atlas رودك
👈 بنك الدم .. Modren blood banking and transfusion practices و Blood banking and transfusion practices
👈 المايكرو .. بلي اند سكوت Diagnostic microbiology

CARD

Success

Approach

BOC

HARD

Quick Compendium of Medical Laboratory Sciences

السلام عليكم .. 🤍

👈 س : متى تعتبر نتيجة فحص HIV قطعية ؟
👈 النتيجة تتوقف على نوع الفحص فإذا كان الفحص HIV Ab فبعد 12 اسبوع من تاريخ احتمال الإصابة تكون النتيجة قطعية

👈 اذا كان بواسطة PCR او RT-PCR فبعد اسبوعين تكون النتيجة قطعية

👈 الفرق بين PCR و RT-PCR هو ان PCR يكلي الفايروس موجود او لا بينما RT-PCR يطلعلي حالة الفايروس هل هو نشط ، خامل ، اذا كنت اخذ علاج ضده هل العلاج فعال وجاي يجيب نتيجة او لا يعني يطلعلي viral load

#Akram_Hassan_Kadhum
#M_Sc_Med_Lab_Technology

السلام عليكم .. 🤍

راح اشرحلكم Bilirubin metabolism بالتفصيل على شكل نقاط ..

👈 الـ RBC من يصير عمرها 120 يوم تروح للـ Spleen علمود يكسرها
👈 من تتكسر RBC راح يطلع منها Hemoglobin
👈 الـ Hemoglobin هو مكون من Heme و Globin
👈 الـ Globin هو بروتين فراح يتحول الى Amino acid ويستفاد منه الجسم

👈 الـ Heme راح يتحول الى Biliverdin عن طريق انزيم Heme oxygenase ثم Biliverdin يتحول الى Bilirubin عن طريق انزيم Biliverdin reductase

👈 هسه صار عدنا Bilirubin بداخل الطحال وهذا نسميه بـ Free bilirubin او unconjugated bilirubin او indirect bilirubin او lipid soluble هسه هذا سام اذا ينزل للدم يسويلنا مشاكل فوين نوديه ؟ احنا اي شي سام نشمره على الكبد هو يتصرف وياه
👈 زين منو ينقلّنا Bilirubin من الطحال الى الكبد ؟ الـ Albumin

👈 هسه وصلنا للـ Liver
👈 شيصير بالكبد ؟ راح يقترن هذا Bilirubin مع حامض اسمه Glucoronic acid عن طريق انزيم اسمه UDP-glucuronyl transferase
👈 الخلل في هذا الانزيم يسبب امراض مثل Gilbert syndrome و Crigler-Najjar syndrome
👈 وبعد الاقتران راح نسمي Bilirubin بـ Conjugated bilirubin او Direct bilirubin او Water soluble

👈 زين هسه لازم نطرحه
👈 نطرحه بالمادة الصفراء ( Bile )
👈 زين شني هذه المادة الصفراء ؟ 👈 الكبد يفرز مادة اسمها المادة الصفراء وهذه المادة بيها هواي مكونات مثل الكوليستيرول الزايد ، البلروبين الزايد ، السموم ..الخ هذه كلها موجودة بالصفراء
👈 العصارة الصفراوية او Bile تُصنع في الكبد وتخزن في كيس الصفراء الي هي نفسها المرارة

👈 هسه هذه Bile راح تنتقل من الكبد الى المرارة عن طريق قناة تربط الكبد بالمرارة اسمها Common hepatic duct

👈 بالامعاء اكو عضلة عاصرة مثل الباب اسمها Sphincter of Oddi

👈 هذه العضلة اذا ماكو اكل تنغلق ( الباب ينسد ) فـ Bile ماتكدر تروح للامعاء وبالتحديد الى الجزء الاول بالامعاء الدقيقة الـ Duodenum فوين تروح ؟ تنخزن بالمرارة

👈 من تاكل، الباب راح ينفتح فالمرارة تنقبض وتنزل الى قناة اسمها Cystic duct الي هي القناة المرارية ومن ثم الى Common bile duct

👈 هسه Bile اجت من Common bile duct وراح تروح للامعاء الدقيقة وتفتح هناك عند نقطة اسمها Ampulla of vater الي هي نقطة التقاء Commonbile duct و Pancreatic duct بالامعاء الدقيقة

👈 هسه وصلنا للامعاء
👈 بالامعاء يتحول هذا Conjugated bilirubin الى Urobilinogen عن طريق البكتيريا فراح ينزل بالخروج ونخلص منه خارج الجسم
👈 وهذا الي يطلع بالخروج نسميه Stercobilin وهو الذي يعطي اللون البني للخروج

👈 بس Urobilinogen ماراح يخرج كله خارج الجسم ( الي يخرج على شكل Stercobilin تقريباً 90‎%‎ ) لان اكو عمليات بالطريق راح تصيرله

👈 الامعاء بطبيعتها بيها غشاء ماص فممكن يمتص هذا Urobilinogen ام غير ممكن ؟ ممكن يمتص كميات قليلة جداً تقريباً 5‎%‎ فهذا 5‎%‎ راح يرجع للدم ( طلعناه من الباب رجعلنا من الشباك )

👈 هسه هذا 5‎%‌‎ الي رجع للدم راح ينقسم الى جزئين :
👈 الجزء الاول يروح للكبد وهو الجزء الاكبر ( تقريباً 4‎%‎ ) وهم راح يسوله Conjugation ويفرزه من جديد وتضل هاي الدورة
👈 الجزء الثاني يروح للكلى وهو الاقل ( تقريباً 1‎%‎ ) وهذا يطلع بالادرار
👈 وهنا الي يطلع بالادرار نسميه Urobilin وهو الي يعطي اللون الاصفر للادرار وهذه الكمية التي تخرج عن طريق الادرار هي قليلة جداً Trace amount لذلك دائماً بفحص الادرار مانكتب كدام البلروبين Negative لان اذا Negative معناها اكو انسداد وانما نكتب Trace او Normal او ندمج الكلمتين معاً

ملاحظات :
👈 العصارة الصفراوية هي Bile
👈 كيس الصفراء هي المرارة
👈 الـ Urobilinogen داخل الامعاء
👈 الـ Stercobilin بالخروج
👈 الـ Urobilin بالادرار

👈 الـ Urobilinogen هو المركب الناتج في الامعاء من تحول Conjugated bilirubin بواسطة البكتيريا يعني الكل

👈 الـ Stercobilinogen هو نوع محدد من Urobilinogen في الامعاء قبل ان يتأكسد ويتحول الى Stercobilin يعني هو المرحلة الوسطية

👈 الـ Stercobilin هو الشكل المؤكسد وهو الشكل النهائي للخروج وهو الذي يعطيه اللون البني

#Akram_Hassan_Kadhum
#M_Sc_Med_Lab_Technology