السلام عليكم .. 🤍

العائلة الثانية عشر Filoviridae

👈 حجمة من 80x1000 نانو
👈 مادتها الوراثية ss, -ve sense
👈 شكل الفايروس Helical
👈 عندهم envelope

من الامثلة على هذه العائلة :
👈 ال Ebola virus
👈 ال Marburg virus

المقطع اللاتيني Filio معناه threat اي خيط

وهاي العائلة تكون highly pleomorphic واول مره يمر علينا هيج مصطلح بالفايروسات ويعني هذه الفايروسات لديها المقدرة على ان تغير شكلها مراراً وتكراراً ( لانها خيطية فممكن ينحني ويكون اشكال مختلفة )

#Medical_Technologist
#Akram_Hassan_Kadhum

السلام عليكم .. 🤍

العائلة الثالثة عشر Arenaviridae

👈 حجمة من 50-300 نانو
👈 مادتها الوراثية ss, -ve sense ( مادتها الوراثية مقطعة الى two circular segment )
👈 شكل الفايروس Helical
👈 عندهم envelope

سمي هذا الفايروس بالارينا لان شاهدوا به حبات تشبه حبات الرمل ويعتقد بانها رايبوسومات لكن non-functional ribosomes مما يعطيه مظهر الحلبه ومقطع Arena يعني حلبه

من الامثلة على هذه العائلة :
👈 ال Lymphocytic choriomeningitis virus ( LCV )
👈 ال Lassa fever virus
👈 ال South American hemorrhagic fever virus

#Medical_Technologist
#Akram_Hassan_Kadhum

ليش المدمنين على الكحول يصير عندهم fatty liver ( الكبد الدهني ) ؟

الجواب :
👈 خل نفرض انت بردان ومحتاج فد مصدر طاقة علمود تدفئ

👈 بالحالة الطبيعية Apo يتحد مع TG فينطيني lipoprotein الي راح ينقلي الدهون من الكبد لبره علمود تدفئ من البرد

👈 عند اهل الكحول هذا الميتابولزم مايصير ، ليش ؟ لان الكحول هو نفسه من المصادر الرئيسية للطاقة ( الطاقة الحرارية ) فإذا انا عندي حرارة بعد ليش اخلي Apo يتحد مع TG وينطيني lipoprotein فراح تتراكم الدهون على الكبد

Apo : Apoprotein
TG : Triglyceride

#Medical_Technologist
#Akram_Hassan_Kadhum

1 | مسار الالتهاب .. Inflammation Pathway .. 💛

👈 ال cell membrane مالت الخلية مكون من طبقتين من phospholipids فمن تنصاب الخلية راح يتحلل phospholipids عن طريق انزيم اسمه phospholipase a2 ويتحول الى Arachidonic acid

👈 هذا ال Arachidonic acid راح يصير كدامه طريقين لو يروح باتجاه انزيمات COX-I و COX-II لو يروح باتجاه LOX
👈 ال COX ينتج البروستوكلاندينات PGs ( هاي هي الي تسوي pain و fever و inflammation )
👈 ال LOX ينتح الليكوتيرنات ( تسوي تضيق بالقصبات Bronchoconstruction )

👈 مثال على الادوية الي تثبط COX الي تسمى COX inhibitors هي NSAIDs واذا ثبطت COX فماراح تتكون PGs وبالتالي لا الم ولاحمى
👈 مثال على الادوية الي تثبط LOX الي تسمى LOX inhibitors هو دواء Zileuton واذا ثبطت LOX فماراح تتكون الليكوترينات وبالتالي ماكو تقلص بالقصبات لذلك هو يستعمل علاج للربو

👈 اذا ثبطت COX راح يتنشط LOX لذلك اغلب الادوية الي تثبط LOX ماينصح تنطيها لابو الربو لان اذا تنشط LOX راح تتكون الليكوترينات وبالتالي يصير تقلص بالقصبات وابو الربو هو اصلاً عنده تقلص بالقصبات فراح تسوء الحالة ( مثلاً يكلك ليش تعتبر المسكنات مثل البروفين والفولتارين من الادوية المهيجة للربو ؟ )

👈 زين اذا تنشط LOX وتكونت الليكوترينات يعني ماكو حل بعد ؟ لا اكو حل لان الليكوترينات حتى لو تكونت يراد تروح ترتبط برسبتر يله تسوي Bronchoconstruction فالعلماء كلك ليش مانغلق الرسبتر الي ترتبط بيه الليكوترينات فصنعوا دواء اسمه Montelukast الي هو يرتبط بالرسبتر مالت الليكوترينات وبالتالي الليكوترينات ماراح تلكه مكان ترتبط بيه Leukotrienes receptor antagonist يختصر LRAs

👈 ادوية Cortisone شلون تعالج الربو ؟ الكورتيزون تنشط بروتين اسمه Lipocortin 1 وهذا اذا تنشط راح يوقف انزيم phospholipase a2 وبالتالي ماراح يتكون Arachidonic acid بالاساس يعني ماراح يصير عندي LOX يعني ماراح تتكون عندي الليكوترينات

#Akram_Hassan_Kadhum
#Medical_Technologist

2 | انواع انزيمات COX .. 💛

👈 عدنا نوعين من COX الي هنه COX-I و COX-II ويقال اكو COX-III الي يشتغل عليه دواء Paracetamol

👈 انزيم COX-I يصنع Physiological PGs الي هي مسؤولة عن

اولاً: توسعة الاوعية الدموية والقصبات Vasodilation and Bronchodilation
👈 فإذا توسعت الاوعية الدموية الي رايحه للكلى يعني راح يوصل دم هواي للكلى فتحسن وظائفها
👈 إذا توسعت الاوعية الدموية الرايحه للمعدة فراح يزداد الدم الواصل لجدار المعدة فيزيد من سمك mucous membrane مالتها فيحميها من peptic ulcer
👈 توسعة الاوعية الدموية بصورة عامة يقلل الضغط

ثانياً: Physiological PGs مسؤول ايضاً عن تقلص الرحم uterus contraction عند الولادة labour وعند الدورة الشهرية menstruation

👈 نجي لل COX-II يصنع Inflammatory PGs الي تكون مسؤولة عن 3 شغلات :
👈 الالم Pain
👈 الحمى Fever
👈 الالتهاب Inflammation

👈 اكو ادوية يسمونها Non-selective COX inhibitors مثل Diclofenac ( الفولتارين ) هاي تثبط COX-II الشرير فيختفي الالم الحمى والالتهاب وكذلك تثبط COX-I المفيد فاستعماله على المدى الطويل يسبب فضل كلوي Renal failure وقرحة بالجهاز الهظمي peptic ulcer وارتفاع بالضغط
👈 إذا تثبط مسار COX فراح يتجه للمسار الثاني الي هو LOX الي ينتجلي Leukotrienes وهذه تسبب تضيق بلقصبات Bronchoconstruction وبالتالي يضر جماعة الربو لان اهل الربو اصلاً عندهم تضيق بالقصبات

👈 اذن كل COX-I ينتج بروستوكلاندينات مفيدة عدا واحد هو TXA2 هذا شرير لان يجمع الصفائح الدموية
👈 كل COX-II ينتج بروستوكلاندينات ضاره عدا واحد هو PG I2 هذا مفيد لان يمنع تجمع الصفائح الدموية

COX = Cyclooxygenase
LOX = Lipoxygenase
PGs = Prostaglandins
TXA2 = Thromboxane A2

#Akram_Hassan_Kadhum
#Medical_Technologist

3 | ادوية COX inhibitors .. 💛

👈 راح نقسم ادوية COX inhibitors الى 3 اصناف :
👈 الصنف الاول Non-selective COX inhibitors يعني هذه الادوية تثبط COX-I و COX-II
👈 تثبيط COX-II احنا نريده لان يخلصنا من الالم والحمى والالتهاب بينما تثبيط COX-I له آثار جانبية عالية وخصوصاً القرحة Peptic ulcer هذه المجموعة كأغلب ادوية NSAIDs مثل
Diclofenac
Ibuprofen
Ketoprofen
Naproxen
Mefenamic acid
Indomethacin
Piroxicam
Asprin

👈 الصنف الثاني Perferential COX-II inhibitors يعني هذه المجموعة تثبط COX-II اكثر من ثنبيطها لل COX-I وهذا الكلام سيقلل الآثار الجانبية وهي 5 ادوية اشهرها Meloxicam ( موبك ) محبوب كثيراً في التهابات العظام والمفاصل لان بالعظام والمفاصل يستخدم طويلاً لذلك راح يكون اخف تأثيراً على القرحة وهذه الادوية هي :
Meloxicam ( Mobic )
Sulindac
Etodolac
Nabumetone
Nimesulide

👈 الصنف الثالث Selective COX-II inhibitors هذه الادوية تثبط فقط COX-II وراح تلاگي هذه الادوية تنتهي بمقطع coxib ( مقطع cox هو اختصار للانزيم ومقطع ib يعني inhibition ) عدنا دوائين هما :
Celecoxib
Etoricoxib

#Akram_Hassan_Kadhum
#Medical_Technologist

السلام عليكم .. 🩵

👈 ال Purines عبارة عن حلقتين ويشمل A و G
👈 ال Pyrimidine عبارة عن حلقة واحدة ويشمل T و U و C

👈 شلون نحفظهن ؟
👈 تذكر هاي الجملة زين Pure As Gold "النقي مثل الذهب"
👈 ال Pure يعني Purine
👈 ال As يعني A
👈 ال Gold يعني G
👈 وتذكر الذهب يجي بشكلين اكو منه محبس واكو حلقة يعني حلقتين

👈 نجي لل Pyrimidine
👈 تذكر هذه الجملة CUT the Pyramid "قص الهرم"
👈 ال CUT يعني القواعد النايتروجينية الثلاث C و U و T
👈 ال Pyramid يعني Pyrimidine
زين ليش كلت Pyramid الي معناه الهرم ؟ لان الهرم شكله مثلث والمثلث له قاعدة واحدة يعني حلقة واحدة ف Pyrimidine حلقة واحدة

A = Adenine (both DNA and RNA)
G = Guanine (both DNA and RNA)
C = Cytosine (both DNA and RNA)
U = Uracil (RNA only)
T = Thymine (DNA only)

#Akram_Hassan_Kadhum
#Medical_Technologist

السلام عليكم .. 💛

البورد الامريكي للمختبرات الطبية ..

👈 اول شي عندك امتحانين تختار واحد منهن اما بورد General او بورد Technologist

👈 شنو الفرق بين General و Technologist ؟
👈 بورد General تمتحن بكل اقسام المختبر ( Biochemistry - Hematology Microbiology Immunology - Body fluids - Lab operation - Blood bank )

👈 بعد اجتياز امتحان General بنجاح يسمونك International Medical Laboratory Scientist
MLS (ASCPi)

👈 بورد Technologist تمنحن بفرع واحد فقط مثلاً Microbiology او فقط ب Clinical biochemistry

👈 بعد اجتياز الامتحان بنجاح يسمونك Medical Technologist
MT (ASCPi)

👈 عدنا امتحان ثالث الي هو امتحان التخصص Specialist
بامريكا ماتصير مسؤول مختبر الا اذا عندك Specialist الي هو تختار تخصص واحد فقط مثلاً Hematology بالاضافة الى Lab. management الي هو كورس ادارة المختبرات
وراح يكون اكيد اوسع واصعب من Technologist
بس بيه شروط علمود تگدر تقدم عليه :
إذا انت بكالوريوس لازم يكون عندك اما بورد General او بورد Technologist + ثلاث سنين خبرة
إذا انت ماجستير لازم يكون عندك ثلاث سنين خبرة
إذا انت دكتوراه لازم يكون عندك سنتان خبرة
إذا انت دكتوراه وعندك احد البوردين General او Technologist + سنة واحدة خبرة

👈 بعد اجتياز امتحان التخصص Specialist بنجاح يسمونك International Medical Laboratory Specialist
👈 ويكتبون اسم التخصص وبعدها (ASCPi) مثلاً Hematology (ASCPi)

👈 مناهج البورد الامريكي هنه 6 كتب

👈 الجمعية الامريكية للكلينيكال باثولوجي او America Society of Clinical Pathology خلت منهج تفصيلي

👈 اشهر الكتب المرشحة للتحضير للبورد بشكل عام
👈 كتاب Card
👈 كتاب Success
👈 كتاب Approach

👈 كتب الاسئلة، عندك كتاب اسمه BOC هذا كتاب الجمعية نفسها
كتاب اسمه HARD

👈 اكو كتاب سادس نزلته الجمعية وهو من احدث المصادر الي نزلته الجمعية Quick compendium of medical laboratory sciences
يتكلم عن المنهج الي هي مخليته

👈 هذه الكتب تقراها بس ماتعتمد عليها 100‎%‎
مثلاً Hematology و Blood banking و Clinical Chemistry مشروحين اكثر تفضيلاً في كتاب Success

👈 كتاب Card اعتمد عليه في Body fluids و Microbiology و Immunology

👈 كل برانج يراد يكون معاك كتاب Reference علمود تعرف الاساسيات ..
👈 الكيمياء .. Essential of clinical pathology
👈 امراض الدم .. Clinical hematology atlas رودك
👈 بنك الدم .. Modren blood banking and transfusion practices و Blood banking and transfusion practices
👈 المايكرو .. بلي اند سكوت Diagnostic microbiology

CARD

Success