ألف مبروك جميعاً 🥳
الحمد لله ع سلامتكم 🌸🌸
هالملف عمله أحد الأصدقاء وفيه مفاضلات العام الفائت مرتبة حسب تاريخ صدورها مع العلامات المطلوبة لكل اختصاص.
الملف مرتب جداً جزى الله خيراً فاعله ❤️
وانشالله الكل يلاقي الخير والبركة بأي اختصاص بيطلعله ❤️
عقبالكم سوادس الجداد :3
https://t.me/MedicalGate/773
رابط الملف المصحح

كلمة صحة ترميمية تعني يلي بتطلع بشهر 3 اذار وهي صحيحة بالملف لا تحتاج لتعديل

يلي بدها تعديل اسمها #الاساسية بتطلع بشهر 9
بس مالكم بحاجتها الان كونها مطولة.
الباقي صحيحين كللن.

بوست لكورس "الشخصية القوية"
أظن أنه ممكن يفيد البعض خصوصي ممن تأثروا بالامتحان الوطني ونتيجتهم فيه.
لا تنسونا من صالح دعائكم ❤️

⁦⁉️⁩الفرق بين الدراسات والصحة والدفاع؟؟
الأجوبة على أشيع الاسئلة يلي عم تجيني بهالشأن

🔴من حيث الشهادة برا كلو ولله الحمد مو معترف فيه⁦❤️⁩ وكلو بدو تعديل لانو تم توحيد الشهادات وصار كلشي مختص بسوريا بيعمل فحص ليحصل على شهادة #البورد_السوري

🔴خريج الصحة والدفاع بياخد شهادة بورد سوري
أما الدراسات بياخد بورد سوري ومعها شهادة ماجستير وبيقدر يكمل بعدها دكتوراه وهاد هو الفرق الأول

🔴الفرق التاني هو من حيث الأفضل
في اختصاصات جيدة بالدراسات واختصاصات جيدة بالصحة والدفاع....مافي شي ثابت بترجع الشغلة لنوع الاختصاص والمشفى يلي بدك تختص فيه...يعني شغلة متغيرة بشكل كبير كتير

🔴بالنسبة للدفاع بتفاضل معهن كمدني او عسكري
اذا مدني بتخلص فترة الاختصاص وبتتيسر بحال سبيلك وبتفتح عيادتك الخاصة عادي
اذا عسكري ملتزم تضل معهن بس تخلص...فيك تفتح عيادة خاصة بس الصبح عندك دوام اداري معهن ومناوبات أيضاً

🔴من حيث الانفكاك الأسهل بالصحة
وبالدفاع في امكانية للانفكاك أيضاً اذا كنت مدني
بالدراسات آخر سنة لبكوهن بالانفكاك بس اخر شي انفكو

🔴بالنسبة للصحة في مفاضلتين:
الترميمة بيطلع إعلانها بشهر 3 من كل سنة
الأساسية بيطلع إعلانها بشهر 9 من كل سنة
المعدلات تكون أقل بشكل عام عالأساسية بسبب عدد المقاعد الأكتر وفرصة البورد العربي أكبر كمان

🔴الدفاع مفاضلة وحدة تقريبا بشهر 9 او 10 في مساعدة 3٪ عالمعدل النهائي لأصحاب القلوب القوية
يعني مفاضلة الدفاع تبع هالسنة طلعت وخلصت

🔴بالدراسات في امتحان كل سنة
بالصحة امتحان أول سنة وامتحان آخر سنة ( هنن قسمي البورد السوري)
امتحان البورد العربي لحالو

🔴يلي بيفاضل عالدراسات وبينقبل ما عاد يحقلو يفاضل دراسات مدى الحياة
يلي بيفاضل صحة وبينقبل سواء ترميمة او أساسية معد يحقلو يفاضل لبعد سنتين

🔴الفحص الوطني صالح لمدة أربع سنوات عالدراسات...يعني فيك تفاضل فيه بعد اربع سنوات فقط من تاريخ النجاح فيه...واذا اكتر من هيك بدك تعيدو
عالصحة فيك تفاضل فيه متى ما شئت

🔴اذا فاضلت دراسات وانقلبت بس ما باشرت فيك تفاضل عالصحة الترميمة
اذا فاضلت دراسات وانقلبت وباشرت معد تلحق الصحة الترميمية وبدك تنفك من الدراسات لتقدر تفاضل عالصحة الأساسية
اذا فاضلت دراسات وما انقبلت ولا رغبة الك فيك تفاضل عالصحة الترميمية بنفس السنة...وفيك تفاضل دراسات السنة يلي بعدا يعني ما بكون راح مقعدك لانك ما انقبلت

يلي عندو سؤال يتفضل ويلي ببالو سؤال حابب يناقش فيه عالخاص يتفضل⁦❤️⁩
د.محمد الجزائرلي_جراحة عامة
#ساعد_طالب_طب
عدسة طبيب
عدسة طالب طب

#تجارب_الأوائل 🥇🎓
#أعلام_من_كليتنا ~ #لقـــاء_شــرف 🌸
#جامعة_دمشق || #كلية_الطب_البشري ❤️

📣 تشـرّف #فريق_العدسة اليـوم بلقـاء الدكتور #أحمد_النويلاتي الحـائز على المرتبة الثانية على مستوى جـامـعـة دمـشـق والثالثة على مستوى القطر العربي السوري في #الامتحان_الطبي_الموحد 🎓

🔍 كـان فـي اللـقاء الـعـدسـات:
✏️ محمود العبدالله
✏️ مهند منذر
✏️ حمزة أبو حسون

>> لمتابعة كامل اللقاء على صفحتنا 👇

#عدسة_طالب_طب
https://www.facebook.com/story.php?story_fbid=1663835807132511&id=165105240338916

التاموكسيفين يستخدم بعلاج سرطان الثدي
لكنه يزيد حدوث سرطان باطن الرحم

قناة تراكمية لنهفات وميمز دفعة 2020 لمعلومات الامتحان الوطني على مدار السنة الماضية 😂
ينصح بها بشدة 📈📈😌

تشريح مرضي 📝
هدول فيديوهات صغار معمولين لشرح منهاجنا يعي نفس محضراتنا المطلوبة (من تلت سنين)
https://www.youtube.com/playlist?list=PL2evLiVJaX8F5Ynkh-WRb7KDVOCPl5G2G

مساء الخير جميعاً
لو سمحتو الدكتور ماهر الحسين أخصائي أورام من جامعة حلب
كتير معروف بأسلوبو المتميّز والرائع بالشرح بشهادة طلاب جامعة حلب كلا....
حالياً رح يساعدنا قدر الإمكان بمواد الوطني
الدكتور صار برا سوريا لهيك رح يكون التواصل ع قناتو عاليوتيوب ..
رح يبدأ كورسات لمواد الداخلية كونها الأضخم وكونها مرتبطة بالجراحة والأطفال...
طلب مننا نعمل استفتاء بشو منحب يبلش ..
وبس نختار مادة، الدكتور ماهر رح ينزل فيديو صغير عن الخطة اللي رح يمشي فيا ..
هاد رابط قناتو اللي رح ينشر عليها الجلسات قريباً ..
لو سمحتو عملو منشنات لرفقاتكون ونقطو ع البوست ليشوفو الكل.
https://www.youtube.com/channel/UC9-313sO_O-yt76TXFtMgxw

https://www.facebook.com/groups/2483444555065602/permalink/3597511956992184/?__cft__[0]=AZXj__7EYOa1SoLois9evbYRbk1ypcoACZTcWJ9WTAiFKK5IW5E6V3mqMpTVKlz5AyB7cVJFtr-OqcRnK-tv_4rLOU0e7Day4PP7uQd7NqHecFgsSJZaA_3TPTKvFQUkbHAjU3ScqOgKcySIzXal3OrssXS1IF96ckOuf_pysp3W0qgj4IDmL0_7gdHTnLJPnpU&__tn__=%2CO%2CP-R

#IBS
مساء الخير🌸
يعطيكم العافية 👋🏻
كتار منكم بيعرف مصطلح الكولون العصبي (الاسم العلمي هو متلازمة الأمعاء الهيوجة)، ولأن المعلومات يلي بتخص هي المتلازمة قليلة جداً ببلدنا... نظمنا هذا استبيان لمعرفة نسبة انتشار متلازمة الأمعاء الهيوجة لدى طلاب كليات الطب البشري بالجامعات السورية.
هذا البحث لمجموعة من طلاب الطب وطلاب الدراسات في جامعة دمشق وتمت بموافقة من عميد كلية الطب البشري في جامعة دمشق الأستاذ الدكتور رائد أبو حرب وبإشرافه
مشاركتكم في هذا البحث تعتبر ذات أهمية بالغة كون هذا البحث هو الأول من نوعه على مستوى سوريا، علماً أن المشاركة في هذا الاستبيان طوعية بالكامل وبالسرية التامة وسيتطلب قرابة الـ10 دقائق.
شاكرين لكم تعاونكم.💙
https://docs.google.com/forms/d/e/1FAIpQLSdRJnXkMOuhu15rXX4QI4s76FBwFqKx7DctaPN0B66MpIQ4xg/viewform?vc=0&c=0&w=1

يعطيكم العافية جميعًا 🤓
بنتمنى الكل يشارك بهالبحث الضخم 🤩
وشكراً جزيلاً لكم 👻

السلام عليكم ورحمة الله وبركاته ⁦❤️⁩⁦❤️⁩⁦❤️⁩
إخوتي وزملائي من طلاب السادسة.. كيف الهمة إن شاءالله تمام 😎💪
كزا حدا سألني عن المصادر الي درستها بالتفصيل وهيك..
فحبيت انشر خلاصة تجربتي مع السادسة ومصادر الوطني وكم نصيحة هون للجميع عسى تستفيدوا منها..

🔵 بالنسبة لاختيار المصادر للفحص الوطني..
أولاً ادرس من مصدر أساسي ولكن لا تحصر نفسك بمصدر وحيد.. الأمر المهم فعلا للفحص ولحياتك هو الامر الذي تجتمع عليه معظم المصادر وبالتالي بقدر ما بتنوع دراستك بقدر ما بتترسخ المواضيع المهمة.
وهالنقطة اكثر ما تكون بمراحل الدراسة الباكرة متل هلأ يعني.. المصادر الأخرى المقترحة (المحاضرات/ UpToDate / ميدسكيب / كتب الستيبات /ايا مرجع / ملخصات جيدة...الخ)واكيد ما القصد انو تقروا كلشي من المصادر الاضافية جنب الاساسي .. اكيد لا هالشي بس للمواضيع المهمة او غير المفهومة بالمصدر الرئيسي الي اخترتوه.

🔵 ثانياً بالنسبة للمصدر الأساسي للدراسة فمن جهتي بفضل ادرس من المرجع المطلوب نفسه لعدة أسباب:

1- فرصة لتقدر تقارن مع المرجع الانكلش وتصحح أغلاط الترجمة أو تفهم السياق إذا الترجمة مو موصلته أو حتى تتأكد (تتطمن) انو هيك صح الفكرة (بسبب أخطاء الصياغة بالترجمة العربية) أو حتى تربط المصطلح العربي بالمصطلح الأجنبي... وباختصار المقارنة مع مرجع الوطني الأجنبي رغم انو شي مزعج الا انه مهم برأيي.

2- الذاكرة البصرية كتير مهمة للبعض.. وهالشغلة مابتوفرها الملخصات زيادة الي غالبا عم بكون تنسيق صفحاتها متشابه وخالي من الصور..
ومهم جداا انك تراجع من محل ما درست، المرور عنفس الصفحات بيساعد بنبش الذاكرة الي كونتها سابقاً بتفاصيلها.. وما تلجأ لملخصات تانية ما قاريها قبل.. والافضل انو يكون في شي كاتبه انت او ملخصه بايدك سواء عالمرجع كملاحظات او عدفتر مستقل.

3- مع احترامي لكل الي شاغلين بالملخصات الله يعطيهم العافية جميع ❤ بس بالملخصات عموما مابكون توصيل المعلومة الكاملة هو الهدف... وانما تلخيص الأفكار وتجميعها.

4- مهم تكتب ملاحظاتك أو افكارك الي ممكن تغنيك عن قراءة فقرة طويلة أو تساعدك لتربط بين عدة فقرات، أو حتى فكرة لقيتها جديدة بالدورات، وهالشي بتوفره مساحة هوامش المرجع اكتر من الملخصات المضغوطة.

☝ومنجي لكم نقطة هامين بأسلوب الدراسة عموماً:

1- مهم كتير انك تلخص بنفسك وتعلم المعلومات الجديدة بالنسبة الك أو الي انت بتلاقيها مهمة، مو الي غيرك بيلاقيها جديدة أو مهمة بنظره... لهيك مو شي غريب انو الواحد ما يستفيد من ملخصات غيره رغم انها مفيدة أحياناً.

2- الوش الأول للدراسة هو الأهم، فبقدر ما بتدرس وبتفهم اول مرة حتسترجع هالمعلومات هي الي درستها وقت المراجعة وان كانت المراجعة قصيرة.. انت بس بتكون عم تنبش المعلومات الموجودة اصلا، وبكون صار عندك كم كبير من المعلومات التراكمية.. وهاد الأهم بالفحص الوطني (رغم البصم المطلوب!!!) ولحياتك المهنية كطبيب.

3- حاول دوما تكامل بين المواد وتشوف الصورة الكبيرة وحاول يكون همك الأول هو المعلومة الصحيحة والكاملة، والمراجع اقرب لتحقيق هالهدف من الملخصات.. مثلا كل ما مرق معك مرض أو بند أو عنوان وكان مارر بمادة أخرى سابقة ارجع للفقرة الي قريتها قبل هيك منه بتتثبت الفكرة وبتفهمها اكتر، ومنه بتكون عم تراجع دراستك قبل ماتبدا مراجعة حتى.

4- المراجعة من المصدر الي درسته حصراً او الملخص الي اشتغلته بايدك ... اما المراجعة من ملخص مختلف امر مربك للغاية للكثيرين.

🤡 الوطني بصم ولا فهم؟
التنين سوا... صح في أسئلة بصمية ... بس كل ما كنت قاري وفهمان اكتر بيكون سهل عليك اكتر انو تبصم تفاصيل (اذا فهمان اليتها) اكيد بيبقا كم شغلة بصميات مالهن حلّة .. بس نسبتهن لا تتجاوز 10-15%...
لهيك أكدت اكتر من مرة عتعدد المصادر ورؤية الصورة كاملة والتأكيد عالمعلومة الصحيحة... ولا توجعوا راسكم كتير بالشغلات البصمية الدقيقة...#مستحيييل تبصموا كل المراجع لا تتعبوا حالكم لهالدرجة.

🌱بالنسبة لتجربتي الخاصة: درست الباطنة والنسائية والأطفال من مراجعها (الأطفال 1 للأمانة ما لحقتها كلها😂😂💔)
🌱بالنسبة للعيادات.. الجلدية اكيد من المرجع مع البواطن.
🌱الاذنية كمان درست المرجع، لقيتو سلس وجيد وبيشبه منهاجنا، بس بفضل اللجوء لملخص اصغر (ساكسيس مثلا أو CMD) لأن الاسئلة عم تجي شوي من المنهاج.
🌱العينية المرجع ما خرج يندرس كامل بصراحة لأن تفصيلي كتييير.. فدرست ساكسيس وحطيت المرجع جنبي مشان الصور وتكملة الأفكار المهمة الناقصة... والي ما كتير بتفرق معه علامتين تلاتة فيه يدرس نيرد
🌱الجراحات بسبب عدم وجود مرجع مضطرين ندرس من الملخصات.. شخصيا اتبعت نصائح الي اكبر مني ما قارنت بين ملخصات الجراحة..
درست الجراحة العامة من الCMD الكبير
البولية CMD المصغر
العظمية غدير
والباقي نقاط
وما كتير تضيعوا بالمصادر تبع الجراحة كلو محصّل بعضه .. الأسئلة يا سهلة بتنحل عالمنطق او من الداخلية (المعظم

) أو مستحيلة و مو معروف حلها الأكيد وخلافية.. وكتير طلاب قالوا انو نسبة الاسئلة الي عم يحلوها صح قبل وبعد الدراسة متساوية 😂😂 فهية هيك اتس اوكيه لا تنصدموا
🌱وبالنسبة للدورات درست من تطبيق بيتا بكل المواد وكانوا شاغلين منيح الله يعطيهم العافية.. وما ضروري ترجعوا كتير بدورات الداخلية والنسائية والأطفال بيكفي 3-4 سنين اذا ما معكم وقت

أخيرا❤️
🗝التوفيق من رب العالمين هو الأساس ورضاه هو الغاية، والتوكل عليه بعد الأخذ بالأسباب هو وسيلتنا، والدعاء هو سلاحنا وحيلتنا وفتيلتنا.. ما تملوا من الدعاء ادعوا رب العالمين كل يوم من هلأ للوطني😂 الكم ولرفقاتكم⁦ ولكم بالمثل إن شاء الله

🗝 احرص على ما ينفعك واستعن بالله ولا تعجز. حلو الواحد يفتح مشاريع إضافية بالسادسة متل الشغل او اللغة او الستيبات لأن فيها وقت منيح خصوصي للي دارس بالرابعة والخامسة.. بس مو يضيع الوقت الزايد بلا طعمة.

🗝 بعد ما تعتمد مصادر وطريقة للدراسة وتلاقيها مناسبة الك فإياااك انو ترجع تقارن دراستك واسلوب دراستك مع غيرك هالشي كتير بيضرك وبيجهدك بلا طعمة.. لأن نحنا خُلقنا مختلفين وكل واحد اله استطاعته واله اسلوبه.. ورغم انو تجنب المقارنة امر بديهي إلا أنه صعب التطبيق ويحتاج للتذكير به دوما، ويجب تفريقه عن المنافسة والتشجيع مع كم رفيق قراب وأكيد هالشي اله دور عظيم وإيجابي جداً.

🗝 من الطبيعييي جدااا بالنسبة للناس الي بتعمل برنامج انها كل كم يوم تخبصه لهالبرنامج وما تمشي عليه، وما لازم هالشي يأثر على نفسيتكم.

🗝حاولوا تحيطوا أنفسكم وتدعوا ربكم يجمعكم بالأشخاص المحفزين والإيجابيين والمحبين، هالشي كتير بيدعم النفسية، الأمر المهم جدا بفترة الانقطاع للوطني وضغطه النفسي الكبير.

🗝 حاولوا تساعدوا مين ما بصحلكم تساعدوه من أهلكم/ جيرانكم/ رفقاتكم/ زملاءكم وتكونوا بعون بعضكم، حتى لو حسيتوا انو ظاهريا حيروح نتفة من وقت الدراسة، بس عمليا هاد الوقت بالعكس ما بضيع أبدا فالله في عون العبد ما كان العبد في عون أخيه⁦❤️⁩⁦❤️⁩⁦❤️⁩

بالتوفيق الكم جميعاً ❤❤❤❤ الله ييسرلكم ويفتح عليكم يارب 👏

نقلا عن الدكتور أحمد النويلاتي 😎💪