سوادس 👀
هدول مفيدين جدا وتمت تجربتن 📝
الفيديو الواحد ربع ساعة
والحكي كله من المرجع
بالتوفيق يا رب 📝📝

مخبريات التهاب الكبد
كافيين في حال اجا منن سؤال
من المرجع طبعا

السلام عليكم وجمعة مباركة ❤😇
وأخيراً وصلنا لآخر محطة 💪 (على اعتبار انو الفترة بين الكتلتين بتمرق كرفتة 😂)
والطريق وصل لنهايته ... وبهالمناسبة هي حبيت ذكّر بكلمتين صغار عسى ولعل حدا يستفيد منهم بهالوقت...
أول شي كل واحد فينا عمل وحضر لهالفحص بقدر استطاعته .. وهاد المطلوب ... الله يعطينا جميعاً ألف عافية .. مافي داعي أبداً نقارن نتاجنا بنتاج الي حوالينا ولازم دوماً يضل عنا اليقين أنو نحنا مختلفين ... بطرق دراستنا وبفهمنا وبتحصيلنا وبمستقبلنا وباختصاصاتنا بكرا وبكل شي ..
وهاد الشي مهم جداً بهالفترة لأنو هالكم ساعة هنن أبداً أبداً مو مناسبين لجلد الذات ومحاسبة النفس ... بالعكس هنن كتير مهمين لمراجعة أهم النقاط الي شالفينها لهاليوم 😂💔
تاني شي حابب ذكّر بحديث رسول الله صلى الله عليه وسلم:
" مَن سلَكَ طريقًا يلتَمِسُ فيهِ علمًا ، سَهَّلَ اللَّهُ لَهُ طريقًا إلى الجنَّةِ ، وإنَّ الملائِكَةَ لتَضعُ أجنحتَها لطالِبِ العلمِ رضًا بما يصنعُ وإنَّ العالم ليستغفِرُ لَهُ مَن في السَّمواتِ ومن في الأرضِ ، حتَّى الحيتانِ في الماءِ ، وفضلَ العالمِ على العابدِ كفَضلِ القمرِ على سائرِ الكواكبِ... "
فلا حدا يستهين أبداً بهالشهور (والسنين) الي قضيناها عم ندرس ونتعب و"ندحّ" بهالكتب والمحاضرات ... كله بأجره إن شاء الله ❤
تالت شي ما ينسى الواحد فينا يدعي إله ولرفقاته (استغلوا اليوم جمعة :p ) ويتمنالهم التوفيق والخير وهالشي بحد ذاته بيترك بالنفس رضا وراحة.
رابع شي ... الله ييسرلنا جميع ولا يضيع تعب واحد فينا ويكرم كل واحد فينا بالمستقبل والاختصاص الي فيه الخير اله ويجبر بخاطره بعلامة مرتبة 😌❤
والسلام .. بالتوفيق 💪
نقلا عن الصديق أحمد النويلاتي 😎

#ترفيهي 😂😂
حالتنا ناو 😴
بالتوفيق يا رب جميعاً 😍😍

رفقاتي اللي قدموا وطني، ما تهتموا كثير بموضوع الوطني صدقوني هم الفحص أكبر منه بكثير. هو مصيري بمفاضلة الدراسات فقط، وفي غير الدراسات بالبلد كلو نفس الشي بالنهاية ما حدا معترف بهالشهادة.
ما تزيدوها على حالكن دائماً الانطباع الأولي بعد الفحص بكون مبالغ فيه سواء الثقة الزايدة أَو...

شعور الخيبة والزعل.
بتوقع معظمكن جاوب على نفس الأسئلة يلي جاوب عليهن قبل بداية التحضير قبل أشهر، مع كم سؤال إضافي.
وهالشي بأكد أنو مخزونك ومعلوماتك السابقة هي الأساس بهالفحص.
بكرا كلكن بتتخرجوا انشالله وبتفرحوا بخلاصكن من الكلية وبتبدأ معها حياة جديدة ومشوار جديد...

مشوار الاختصاص مختلف تماماً عن حياتكن بالكلية.. بجوز يلي جاوب منيح على أسئلة القلبية اليوم وجاب معدل عالي يدخل جراحة عظمية وينسى كيف يقرأ تخطيط أو يدبر شغلات بسيطة.
ويلي جاوب منيح على أسئلة الأطفال يدخل عينية وينسى كل التفاصيل والجداول يلي كان باصمها متل اسمه.

تعبتو وسهرتو ومريتو بظروف وأوقات صعبة وكان الملل والضجر يمكن عدوكن الأبرز وفي منكن كان عنده ظروف ومسؤوليات بتشغله عن الدراسة.

وكثر منكن تحملوا كل المشاكل اللي بتترتب عالقعدة الطويلة نفسياً وجسدياً.

بتمنى تطلعوا لقدام وتنسوا يلي مرق.

وبالتوفيق للجميع بالكتلة الثانية ❤️

🔵 نقلاً عن الدكتور عمّار الجغامي اختصاص داخلية عامة

بداية الوقت يلي بقي جدا مهم لتدارك مافات او تعزيز وتأكيد على ماتم إنجازه..الوقت هلأ أبدا مو للوم النفس وجلد الذات وتماما كمان مو للانتعاش والنشوة والثقة الزائدة بالنفس..خدو نفس عميق وراجعو الأقسام يلي يجي عليها اكبر قدر من الأسئلة بالكتلة الثانية..والأقسام يلي حاسين انكم نسيانينها..وتناسوا كل شيء آخر..
تعبتوا ودرستوا وسهرتوا وعانيتوا كتير بهالسنة المليئة بالمعوقات نعرف هالشي كتير منيح الله يعطيكم العافية يارب ويجزيكم العلامات يلي تتمنوها وتستحقوها..
لا تبتئسوا ولا تعطوا الوطني أهمية مبالغ فيها بالنهاية الاختصاص يلي بدكم تفوتوه رح تبدعوا في انا متأكد..وبيني وبينكم صفت كل الاختصاصات والأماكن الطبية متماثلة بهالبلد..
بكرا بتخلصوا بخير وسلامة وتعرفوا انكم وصلتم لمرحلة جديدة ومختلفة كليا..وتطلعوا وتفهموا منيح الوضع..
لا تزعلوا ع شي وثقوا بالله انو رح ييسرلكم المستقبل يلي تستحقوه وين ماكان..الأهم حاليا تركزوا ع يلي بإيدكم..
ملاحظة اخيرة جاوبوا أول شي بيخطر بالكم هي النصيحة رح تعرفوا مدى أهميتها وتأثيرها بس لتخلصوا..
كل الحب والتوفيق أخوتي..دكاترة المستقبل

أخوكم د. محمد النايف اختصاص أورام ⁦❤️⁩

👆👆مشاركة أخرى ❤️

مشاركة من أحد الطلاب جزاه الله خيرا
أهم أفكار العينية الجاية بالدورات
4 صفحات هنن
بالتوفيق جميعا ❤️

من مشاركاتكم 🤩
تعدادات جداول التوليد ب 10 صفحات
موفقين جميعاً 💪

حل اسعافي لتعدادات الجداول بالتوليد والنسائية 👆👆

الله يكتبلكم التوفيق جميعا ❤️
إن شاء الله قلماً مسدداً 📝
واختياراً مؤيداً 📝
وتفكيراً يصيب 📝
ورأياً لا يخيب 📝
#Last_one
لا تنسوا الدعاء بهذا الجو الماطر 🌧🌧

الحمدلله عالسلامة سوادس 💪

الحمدلله خلصنا وانشالله الكل يكون رضيان عن نفسه وأنه عمل يلي بيقدر عليه 🤓

وانشالله تكون القناة وما عليها ذات فائدة علماً ونفساً وإنتاجية 😌💪

كمبادرة لطيفة من إدارة القناة للخريجين الجداد 😎😂

حبينا ننزل بوست عنوانه "أمور ندمت عليها 💉"

ببساطة بتكتب الأمور يلي تمنيت تعملها بالسنة السادسة.
أمور ندمت عليها.
تجارب فادتك.
مصادر استفدت منها.
نصائح لغيرك وللأصغر منك.
سواء دراسياً، مهنياً، اجتماعياً.....

الهدف من البوست هو للفضفضة بشكل عام 😂😂، والأهم هو إعطاء نصائح وتوجيه للطلاب بالمراحل السريرية الأصغر مننا 😌

خصوصي هلق طالعين خلنج من الفحص والشعبرة للركب 😌

طبعاً قدر الله وما شاء فعل، والكل عمل يلي عليه وأكثر، خصوصاً بالتعب والجهد النفسي يلي تعرضناله دفعة ال2020 والحجر بالبيت 6 أشهر قبل الفحص "حسبوها 🤓" بالاضافة لكل شخص وظروفه الخاصّة.

ف Don't be hard on yourself
You did your best 💪

خلص البوست :3

لح يكون النشر عن طريق بوست عالفيس لأنه أسهل للتفاعل

https://www.facebook.com/permalink.php?story_fbid=102779735001656&id=102764368336526

لا تنسونا من صالح دعائكم ❤️