طلعوا الأرقام نازلين صور فرط 🙂
شوي بننزلهم ملف

مسالخير سوادس "يلي على جبهة المعركة :3"

البوست موجه للطلاب يلي بيصير معن توتر وقلق معيق عن الدراسة وممكن يوصل لنوبات الهلع panic attacks.

وهي أداة إلها فائدة كبيرة وطبعا لا تغني عن استشارة طبية، ولكن ك حل مؤقت، ولقيناها مفيدة لعدة أشخاص +- أنها evedinve based.

ف أنه Why Not خلينا ننشرها XD

وهي ال Breathing techniques

مبدأها بسيط جدا 📝😆

تاخد نفس ٥ ثواني وتطلعه ب ٧ ثواني مثلا "في كزا شكل بس المبدأ متشابه"

أو تاخد 4 ثواني من أنفك وتحبس نفسك 7 ثواني وتطلع الهواء من فمك.

وهالأمر لمدة ٧-١٠ دقايق

بتنعمل في حال حسيت النوبة ح تجي، او قبل النوم، أو عند التوتر وصعوبة التركيز....

التأثير شبه فوري ونسبة التحسن ٦٠-٥٠%

ويفضل تنعمل ك عادة بحيث يوم الفحص في حال الواحد توتر بقلب الفحص يكون عنده عادة ذهنية أنه لما يتوتر فيوجه تركيزه ع تنفسه وهالأمر كثير بيهديه.

يلي بيستفيد يسلخلنا فيدباك 📝😌

هي الروابط

الأول تطبيق موبايل

https://play.google.com/store/apps/details?id=com.abdula.pranabreath&hl=en&gl=US

الثاني صفحة نت
https://xhalr.com/
إلا ما حدا يستفاد من هالبوست ☀️

لا تنسونا من صالح دعائكم ❤️

موفقين جدا وبأعلى العلامات 💪💪

Prana Breath: Calm & Meditate by Oleksandr Albul
com.abdula.pranabreath
Version: 9.3.1_2(903102)
Updated: Jul 15, 2020
Size: 8.51MB
* Now the app is in Indonesian, thanks to Poernama!
* Fixed double phase transition bug
* Fixed minor bugs
Download: 🇬🇧 https://apkdl.net/en/com.abdula.pranabreath
Download: 🇮🇷 https://apkdl.net/fa/com.abdula.pranabreath

Android version: 4.4
CPU: armeabi-v7a
com.abdula.pranabreath.apk [8.47MB]
https://checker.in/go/2948208

تلقّيت في الفترة الأخيرة العديد من الرسائل من زملائي في الكليات الطبية وبهدف واحد:

"كيف أبدأ في طريق #البحث #العلمي؟ كيف أستطيع ان أنشر ورقة في مجلة علمية؟ "

سأتحدّث إليكم اليوم في الجزء الأول من رسالتي عن " الأساسيات" و "التعلم الذاتي"

لا بدّ في كل علمٍ من أساسيات، والبحث العلمي بتعريفه هو عملية منهجية تقتضي خطوات مرتبة ومنظمة للجواب عن سؤال معين.

وحتى تجد نتيجة لرغبتك في تعلم البحث العلمي، هناك خطوات لا بدّ منها!
والأمر ليس صعباً في البداية، حيث هناك العديد من المصادر متعددة اللغات و متنوعة المستويات في الصعوبة ومتاحة بشكل مجاني ولكل شخص منا على شبكة الإنترنت.

تعلّم الأساسيات في البحث العلمي إذا كان هدفك فهم هذه الأبحاث لاستخدام نتائجها في عملك السريري أو إذا كنت ترغب في إجراء بحثك الخاص

بعض المصادر البسيطة و التي تحتوي معلومات شاملة و مفيدة للمبتدئين في هذا المجال (مستوى أول):
-1-
#We_Research youtube Online course of EBM - Level 1
بهالكورس محتوى بسيط ومختصر ومشروح بطريقة سلسة للمعلومات الأساسية في الطب المسند بالبراهين، واللي بتخليك تفهم أكتر عن أنواع الدراسات، و الأدلة الموجودة وكيف فينا نستخدم هالأدلة العلمية.
-2-
#SAMS educational committee Academic Writing Course
هالكورس فيه كل ما يلزم للكتابة الأكاديمية في المجال الطبي، بمحتوى رائع وغير مسبوق، وأسلوب ممتع من أشخاص خبيرين و عظيمين بهالمجال.
-3-
أساسيات البحث العلمي - علماء مصر
هاد الكورس شامل بأفكاره وترتيبه ومحتواه، وقتو طويل، لكن للي عندو صبر، فالمحتوى مفيد جدا.
-4-
#Coursera- Understanding Research Methods
كورس صغير، خفيف ونضيف، وبنفس الوقت مهم جدااااااااااا لحتى تفوت عالمجال البحثي بإدراك وفهم لشو عم يصير.

-5-
Research Proposal: Initiating Research
كورس مهم للناس اللي ببلشت تشتغل مشاريع تخرجها، او عم تقدم ع بحث بشي مؤسسة ومو عرفانة كيف تعمل مشروع البحث!

-6-
مصادر متخصصة أكثر وأوسع (مستوى 2)
#Introduction to the Principles and Practice of #Clinical #Research (IPPCR)
هالكورس الضخم من NIH بينعاد كل سنة، والي بيقدم امتحانو بياخد شهادة من المرسسة الوطنية للصحة في أمريكا.
مو بس مهم، هالكورس محتواه عظيم، لكن للأسف محاضراته طويلة كتير، و جزء منها ما بينطبق عباقي الدول بما يخص المؤسسات البحثية المحلية بامريكا مثلا، لكن القسم الأول من الكورس جدا جدا مفيد.

-7-
Coursera- Understanding Clinical Research: Behind the Statistics
كل حدا عم يشتغل بحث بالمجال السريري لازم يحضر هالكورس، الأفكار مو بس بتساعده ببحثو، بتساعدو يفهم أكتر كل نتيجة بحث سريري بيقراها.

-8-
Introduction to #Systematic #Review and #Meta-Analysis
للي حابين يشتغلوا مراجعات منهجية أو يفهموا شو هيي بصفتها أقوى دليل علمي. بسيط و مفيد

-9-
#EssentialEvidenceBasedMedicine Book
للي حابين يخوضوا هالمجال بقوة ويعرفوا تفاصيل أكتر، الكتب هي أفضل المصادر للمعلومات التفصيلية. هاد الكتاب أساسي و بسيط و شامل و سهل للقراءة

-10-
Users' Guides to the Medical Literature
لما بديت أتعلم سألت واحد من باحثينا الخبيرين عن مصدر أقراه و دلني عهالكتاب..
وهلأ عم دلكن عليه لأن فعلا عظيم، المحتوى و الأسلوب عظيمين! وطويل شوي :)

مانكن بحاجة كورس أو أستاذ لتتعلموا هالأساسيات، صح أنو المعلّم بيسهل الموضوع، لكن ضروري وخاصة بعد التغيرات بطرق التعليم الحالية، أنو تعرفوا كيف تبنوا قاعدة أساسية من المعلومات بشكل ذاتي.
فيكن تسألوا عن مصادر التعليم، وتبلشوا بروح الباحث تدوروا عأجوبتكن، ولما بتفشلوا تلاقوها اسألوا...

دوما حتكونوا بحاجة حدا تسألوه لما تلاقوا شي مو فهمانينو، أو توقعوا بمشكلة بعدين، وقتا بتلاقوا العالم الصح.

ملاحظة: العلم بالجماعة أحلى متل كل شي، دوروا ع حدا يتعلم معكن و يمشي معكن بتتسلوا و بتستفيدوا وبتتبادلوا الخبرة

المزيد من المصادر والأفكار في البوست القادم

https://www.youtube.com/watch?v=p7DUiScw550&list=PLt0thylmbOck7BC7M0iFZp9gxZaJZA5Da

https://www.youtube.com/watch?v=aWhdfU0OPvk&list=PLr1yaLM_bf04uTVcG5sJvcF0XKBFunT0r

https://www.youtube.com/c/WeResearch/playlists

https://fr.coursera.org/learn/clinical-research

https://fr.coursera.org/learn/systematic-review

https://fr.coursera.org/learn/research-proposal-initiating-research

https://ocr.od.nih.gov/courses/ippcrRegistration.html

بوست مرتب عن البحث العلمي إعداد الباحثة فاطمة عباس 😍
جماعة الوطني التهوا بالدراسة حاليا ما بيلزم البوست 😂💔
بالتوفيق جميعا ❤️💪

سوادس 👀
هدول مفيدين جدا وتمت تجربتن 📝
الفيديو الواحد ربع ساعة
والحكي كله من المرجع
بالتوفيق يا رب 📝📝

مخبريات التهاب الكبد
كافيين في حال اجا منن سؤال
من المرجع طبعا

السلام عليكم وجمعة مباركة ❤😇
وأخيراً وصلنا لآخر محطة 💪 (على اعتبار انو الفترة بين الكتلتين بتمرق كرفتة 😂)
والطريق وصل لنهايته ... وبهالمناسبة هي حبيت ذكّر بكلمتين صغار عسى ولعل حدا يستفيد منهم بهالوقت...
أول شي كل واحد فينا عمل وحضر لهالفحص بقدر استطاعته .. وهاد المطلوب ... الله يعطينا جميعاً ألف عافية .. مافي داعي أبداً نقارن نتاجنا بنتاج الي حوالينا ولازم دوماً يضل عنا اليقين أنو نحنا مختلفين ... بطرق دراستنا وبفهمنا وبتحصيلنا وبمستقبلنا وباختصاصاتنا بكرا وبكل شي ..
وهاد الشي مهم جداً بهالفترة لأنو هالكم ساعة هنن أبداً أبداً مو مناسبين لجلد الذات ومحاسبة النفس ... بالعكس هنن كتير مهمين لمراجعة أهم النقاط الي شالفينها لهاليوم 😂💔
تاني شي حابب ذكّر بحديث رسول الله صلى الله عليه وسلم:
" مَن سلَكَ طريقًا يلتَمِسُ فيهِ علمًا ، سَهَّلَ اللَّهُ لَهُ طريقًا إلى الجنَّةِ ، وإنَّ الملائِكَةَ لتَضعُ أجنحتَها لطالِبِ العلمِ رضًا بما يصنعُ وإنَّ العالم ليستغفِرُ لَهُ مَن في السَّمواتِ ومن في الأرضِ ، حتَّى الحيتانِ في الماءِ ، وفضلَ العالمِ على العابدِ كفَضلِ القمرِ على سائرِ الكواكبِ... "
فلا حدا يستهين أبداً بهالشهور (والسنين) الي قضيناها عم ندرس ونتعب و"ندحّ" بهالكتب والمحاضرات ... كله بأجره إن شاء الله ❤
تالت شي ما ينسى الواحد فينا يدعي إله ولرفقاته (استغلوا اليوم جمعة :p ) ويتمنالهم التوفيق والخير وهالشي بحد ذاته بيترك بالنفس رضا وراحة.
رابع شي ... الله ييسرلنا جميع ولا يضيع تعب واحد فينا ويكرم كل واحد فينا بالمستقبل والاختصاص الي فيه الخير اله ويجبر بخاطره بعلامة مرتبة 😌❤
والسلام .. بالتوفيق 💪
نقلا عن الصديق أحمد النويلاتي 😎

#ترفيهي 😂😂
حالتنا ناو 😴
بالتوفيق يا رب جميعاً 😍😍

رفقاتي اللي قدموا وطني، ما تهتموا كثير بموضوع الوطني صدقوني هم الفحص أكبر منه بكثير. هو مصيري بمفاضلة الدراسات فقط، وفي غير الدراسات بالبلد كلو نفس الشي بالنهاية ما حدا معترف بهالشهادة.
ما تزيدوها على حالكن دائماً الانطباع الأولي بعد الفحص بكون مبالغ فيه سواء الثقة الزايدة أَو...

شعور الخيبة والزعل.
بتوقع معظمكن جاوب على نفس الأسئلة يلي جاوب عليهن قبل بداية التحضير قبل أشهر، مع كم سؤال إضافي.
وهالشي بأكد أنو مخزونك ومعلوماتك السابقة هي الأساس بهالفحص.
بكرا كلكن بتتخرجوا انشالله وبتفرحوا بخلاصكن من الكلية وبتبدأ معها حياة جديدة ومشوار جديد...

مشوار الاختصاص مختلف تماماً عن حياتكن بالكلية.. بجوز يلي جاوب منيح على أسئلة القلبية اليوم وجاب معدل عالي يدخل جراحة عظمية وينسى كيف يقرأ تخطيط أو يدبر شغلات بسيطة.
ويلي جاوب منيح على أسئلة الأطفال يدخل عينية وينسى كل التفاصيل والجداول يلي كان باصمها متل اسمه.

تعبتو وسهرتو ومريتو بظروف وأوقات صعبة وكان الملل والضجر يمكن عدوكن الأبرز وفي منكن كان عنده ظروف ومسؤوليات بتشغله عن الدراسة.

وكثر منكن تحملوا كل المشاكل اللي بتترتب عالقعدة الطويلة نفسياً وجسدياً.

بتمنى تطلعوا لقدام وتنسوا يلي مرق.

وبالتوفيق للجميع بالكتلة الثانية ❤️

🔵 نقلاً عن الدكتور عمّار الجغامي اختصاص داخلية عامة

بداية الوقت يلي بقي جدا مهم لتدارك مافات او تعزيز وتأكيد على ماتم إنجازه..الوقت هلأ أبدا مو للوم النفس وجلد الذات وتماما كمان مو للانتعاش والنشوة والثقة الزائدة بالنفس..خدو نفس عميق وراجعو الأقسام يلي يجي عليها اكبر قدر من الأسئلة بالكتلة الثانية..والأقسام يلي حاسين انكم نسيانينها..وتناسوا كل شيء آخر..
تعبتوا ودرستوا وسهرتوا وعانيتوا كتير بهالسنة المليئة بالمعوقات نعرف هالشي كتير منيح الله يعطيكم العافية يارب ويجزيكم العلامات يلي تتمنوها وتستحقوها..
لا تبتئسوا ولا تعطوا الوطني أهمية مبالغ فيها بالنهاية الاختصاص يلي بدكم تفوتوه رح تبدعوا في انا متأكد..وبيني وبينكم صفت كل الاختصاصات والأماكن الطبية متماثلة بهالبلد..
بكرا بتخلصوا بخير وسلامة وتعرفوا انكم وصلتم لمرحلة جديدة ومختلفة كليا..وتطلعوا وتفهموا منيح الوضع..
لا تزعلوا ع شي وثقوا بالله انو رح ييسرلكم المستقبل يلي تستحقوه وين ماكان..الأهم حاليا تركزوا ع يلي بإيدكم..
ملاحظة اخيرة جاوبوا أول شي بيخطر بالكم هي النصيحة رح تعرفوا مدى أهميتها وتأثيرها بس لتخلصوا..
كل الحب والتوفيق أخوتي..دكاترة المستقبل

أخوكم د. محمد النايف اختصاص أورام ⁦❤️⁩

👆👆مشاركة أخرى ❤️