السلام عليكم ورحمة الله وبركاته ومساء الخير جميعا ❤️🌸
مبارك للجميع انتهاء المقابلات وامتحان الرعاية العظيم 🎊🎉 وإن شاء الله كلياتنا منكون مترشحين للوطني وما حدا يضطر عالترميمي 🙏🏻
#بوست_طاقة_إيجابية ❤️
بعد ما التقينا اليوم جميعا بالكلية وشفت الكآبة والتشاؤم عم تشرشر من وجوه كتير طلاب (وأنا أولهن 😇).. رجعت عدت حساباتي بخصوص الدراسة والوطني وعنجد تفائلت كتير وحبيت فائلكن معي ❤️
ما بدي كتر حكي كتير بس في كم نقطة مهمين بدي أحكي فيهن..
1️⃣ أولا:
لا حدا يطلع عالناس يلي ماشية بالدراسة منيح وخالصة كم كبير للوطني ويكتئب ويقول أنا وين وهنن وين.. صدقا أكتر من نص الدفعة لهلأ ما حدا بلش دراسة.. أنا أول الناس يلي كنت اكتئب لما شوف غيري عم يدرس وأنا لسا مو مبلشة بس صدقا اليوم تفاجأت بكمية رفقاتي يلي مو مبلشين كمان..
أصلا أسوأ شي ممكن يعملوا الواحد أنو يقارن حالو بغيرو ويكتئب وخااصة بالدراسة لأنو ما حدا ظروفو متل التاني..
2️⃣ ثانيا:
الأوضاع سيئة كتير للأسف.. الغلا بيقتل قتل.. وكورونا عم يلعب بالعالم لعب.. الكهربا سيئة كتير.. ويمكن قلال يلي لسا حالتهن النفسية ضمن الحدود الطبيعية 💔
بس الله كاتبلنا أنو نكون من هالدفعة وأنو نقدم بهالظروف الصعبة هي.. وما منحسن نقول غير الحمدلله ولا اعتراض على حكمة رب العالمين.. وصدقا الدراسة بهالظروف إلها أجر كبير إن شاء الله لا حدا يغيب عن بالو هالشي ❤️
لهيك لا حدا يقول متضايق ومخنوق كللياتنا متدايقين ومخنوقين والهرب من الدراسة هو أسوأ حل (عالأقل عنا شي نلتهى فيه 😃).. والله يفرج عنا كلياتنا ويعوضنا خير هالأيام يا رب..
3️⃣ ثالثا:
الامتحان الوطني قالو بنهاية شهر 10 أو ب11 (وغااالبا ب11 وبعدو كمان ان شالله)..
يعني عمليا في قدامنا تقريبا شهرين ونص بس 😃
منلحق؟
بإذن الله كللياتنا منلحق والمنهاج كلو إن شاء الله ❤️
ما حدا بيوصل للسنة السادسة إلا يلي عنجد شاطر وعندو قدرة كبيرة عالتحمل.. وكل حدا فينا قادر ينظم وقتو بطريقة خارقة إن شاء الله.. بس من باب التفاؤل:
أي حدا فينا قادر يخلص 3 صفحات بساعة (خصوصا أنو في كتير معلومات مارقين عليها من قبل).. ولنفرض أنو بالنهار عنا 12 ساعة (و12 ساعة نوم وتلاهي) يعني بالنهار يفترض نخلص 36 صفحة على الأقل.. هيك بيصير:
- الباطنة بتخلص ب25 يوم (ما عدا الفصل الأول والأخير من المرجع.. وعلما أنو حاسبة النفسية من ضمن البواطن مع أنو قالو أنو ما بيجيبو غير من قسم المداواة، والجلدية كمان محسوبة 😉).
- الجراحات بتخلص ب19 يوم (علما أنو أنا ملخصاتي كلها نيرد وحرام يندرس نيرد لكل شي 😅).
- الأطفال بتخلص ب13 يوم (من دون الفصول يلي مالها طعمة (برأيي) يلي هنن 1 و2 و5 و8 و24 و31).
- النسائية بتخلص ب11 يوم (من دون ما شيل الفصول يلي مالها طعمة 😉).
- العيادات بتخلص ب5 أيام (بس أذنية وعينية لأنو الجلدية محسوبة مع البواطن 😉).
⏪ إذا جمعناهن مع بعضهن بيطلعوا 73 يوم يعني عمليا شهرين ونص 😎
يعني إذا بلشنا من بعد بكرا (خدوا بكرا استراحة جخوا بهالنعمة 😏😂) منخلص ب 10/25.. وإذا منشد على حالنا شوي تانية منحسن نخلص بشهرين بس بإذن الله 💪🏼❤️
لهيك لا حدا ينزعج أنو لسا ما بلش ولا حدا يفكر باللي راح.. بإذن الله يلي جاي بيكفينا وزيادة إن شاء الله فخليكن متفائلين ❤️
4️⃣ رابعا:
نصيحة عنجد لا حدا يبلش بالدراسة قبل ما يشوف شوية دورات.. كتير بتساعد بأنو نعرف على شو بدنا نركز..
تطبيق بيتا كتير حلو وظريف فتحو فيه عالتصنيفات وحلو أسئلة المرجع بس عالأقل قبل ما تبلشوا عنجد بتلاقو فرق (أنا جربت وكتير لقيت هالطريقة ظريفة 👍🏼).
5️⃣ خامسا:
ادرسوا بحب ❤️😌
عنجد كتير مهم الواحد يحب يلي عم يدرسوا ويستمتع فيه (السب حرام 😂)
وكل معلومة بتدرسوها تخيلوا أنكن رح تحتاجوها بيوم من الأيام أو رح تنسألوا عنها من قرايبينكن أو رفقاتكن أو أي حدا..
ودائما خلوا ببالكن شو كان يقلنا د.كمال الكاتب الرائع ❤️: (كلية الطب فيها كل شي ضد الطالب.. وهاد الحكي من وقت كنت أنا طالب ورح تضل هيك.. الشي الوحيد يلي بيخلي طالب الطب يدرس منيح هو خوفه من أنو بيوم من الأيام يصير مع حدا بيعز عليه شي لا سمح الله وما يعرف يتصرف 💔)..
لهيك عنجد ادرسوا بحب ❤️ (وحاولوا أنكن ما كتير تحبوا الهضمية لو سمحتو XD)
6️⃣ سادسا وأخيرا:
كلياتنا قصرنا كتيييير ورخينا بدن كتيييير وضوعنا أيام كتييييير.. بس لسا في أمل وهاد الشي يلي لازم يخلينا نوعى بقى ونبطل تضويع وقت عالفاضي.. ما بقي قدامنا غير هالأمل لهيك لازم نستغل هالفرصة بكل ما أوتينا من قوة 💪🏼 وهلأ نحنا استقرينا وخلصنا مقابلات لهيك لازم نبدا بهمة عالية إن شاء الله 💪🏼🙏🏻
دائما كانت امتحاناتنا تضل تقريبا شهرين وكنا نقدر نضغط حالنا بهالفترة.. وهلأ ما كتير زادت الفترة لهيك نحنا قدها وقدود إن شاء الله 🙏🏻❤️
خلي ثقتنا برب العالمين كبيرة كتير وهو أكرم الأكرمين ❤️ ودائما ادعوا بالبركة بالوقت والدراسة هاد أكتر شي محتاجينو هلأ ❤️🙏🏻

منلحق بإذن الله ومنتجاوز هالفترة ومننجح بعلامات عالية بإذن الله بس بدنا همة عالية وثقة كبيرة بالنفس 💪🏼
وتذكروا دائما أنو نحنا دفعة العشرينتين الجبل يلي ما بتهزو ريح 💪🏼😎❤️ كنا مكسرين الدنيا ورح نضل مكسرين الدنيا بإذن الله 💪🏼❤️🙏🏻
وان شالله يكون هالبوست مصدر تفاؤل عالأقل لكم حدا من المكتئبين أمثالي 😇
💟 الله يوفقكن جميعا جميعا ويباركلكن بالوقت والدراسة ويكرمكن بأحسن بكتير بكتير من يلي حاطينو ببالكن ❤️❤️🙏🏻🙏🏻
#ما_دام_الأمل_طريقا_فسنحياه ❤️🎶
#بالتوفيق_مجددا ❤️🌸
____
منقول عن الزميلة رهام ديب جزاها الله خيراً 🤩

جطعة تفاؤل للسوادس 😂❤️

كتيب صغير عن التشتت وضعف التركيز وعلاقته بادمان الانترنت.
في الصفحة 8 يوجد اختبار لتقدير درجة إدمانك :3.

اليوم مساءً لح ننزل بوست فيه بعض الحلول

بالتوفيق جميعاً

كتيب من بضع صفحات عن بعض المصطلحات الهامة: كالتصفح القسري، والأعراض الانسحابية، العمى الزمني، إدمان البيانات، الهروب النفسي وغيرها....
مفيد جداً وبيعمل نقلة بالوعي بما يحدث أثناء استخدامك للموبايل

كم واحد منّا بيبدأ يومه ب 2-3 ساعات من التواصل الاجتماعي والانترنت 🧐🧐

يلا خمس دقايق برتاح عالموبايل وبكمل دراستي 😂😏

يعطيكم العافية جميعاً ❤️
#بوست_الانتاجية المنتظر 🥳

لما تعمل جدول وتنظم وقتك وما تزداد انتاجيتك
ف الواحد بيعتقد أنو الخلل فقط من الوقت وتنظيمه
ولكن بالحقيقة فالانتاجية لها 5 عوامل
1. إدراة الوقت
-يلي هي ما في أشطر مننا نحنا طلاب الطب بعمل الجداول فبالتالي هالأمر مفروغ منه 😂
2. التركيز
- كمية التركيز يا أصدقائي باليوم محدودة، ولا تتوقع تنجز شيء ملموس وترضى عن نفسك طالما المشتتات خصوصاً مواقع التواصل أكلة معظم وقتك.
- وأعتقد بما أنكم جربتوا كتير ف قوة الارادة وأنو خلص هلق ح ركز وهلق لح خلص كلشي ما بتعمل فائدة جذرية.
لهيك اعتمادك على قوة ارادتك وحدها ف هاد وهم 👻

- لحتى تتغير عنجد بدك تعمل تغييرات مااادية حقيقية جذرية.
لهيك الحل أنك تحمل برنامج بيسكرلك موبايلك والبرامج يلي فيه :3
اسم البرنامج Ubhind
https://play.google.com/store/apps/details?id=kr.co.rinasoft.howuse&hl=en_US
هي رابطه
وهي رابط الشرح بالعربي
https://www.youtube.com/watch?v=bw7ufMq7fAU&app=desktop
يلي لازم تعملوه فيه هو التالي:
1- إقفل موبايلك من الساعة 9 الصبح للساعة 3 العصر
لماذا هالتوقيت بالذات؟ ، لأنه معظم الطلاب أول ما تفيق بتسرد بالساعات عالموبايل وبيروح كل الصفاء الذهني والتركيز يلي ممكن تستغله بشكل أفضل.
2- إقفل الموبايل من ال10 للساعة 5 الفجر.
- لمازا :3، لأنه أغلبنا قبل ما ينام بيسرد عالموبايل بالساعات وبيلاقي صارت الساعة 2، مما يؤدي لضرب نظام النوم، وتكرار السلسلة المعيبة ل يوم أخر.
3- حدد البرامج المسموح تستعملها أثناء قفل الموبايل
- أنا بفضل ينحط متصفح البدف، والساعة، وقرآن، وأي شي تاني ممكن تضطر تستعمله أثناء القفل
4- حدد استعمال مقداره نصف ساعة يومياً للبرامج التالية، وتس، فيس، تويتر، انستا، يوتيوب، التيلي خلوه لتفتحوا القناة 😛👻، وأي لعبة أو تلهاية ممكن تستهلك وقتكم.
5- وأخيراً لما بدكم تبلشوا دراسة، اقفلوا الموبايل لمدة 3 ساعات عالأقل أو بحسب عدد الساعات يلي بدكم تدرسوها.

أعتقد هالشروط كافية :3، وصدقوني التغير ح يكون فوري جداً بإذن الله +____+

طبعاً ممكن يكون في أعراض انسحاب :3، مثل قلق نرفزة اكتئاب شعور بالفراغ والوحدة، أو ممكن بالأصل عندكم ياها ف بتزيد 😂😂، عالعموم هالمشاعر مؤقتة وممكن تتخفف ب رياضة خفيفة :3

أكرر :3، لا تستطيع عمل تغيير جذري بوجود المشتتات.

3. الطاقة الجسدية
- أنك تستهلك أول 6 ساعات من يومك بالدراسة مثلاً
- لما تكون تعبان يا شراب قهوة يا أما نام غفوة وفيق كمل

4. البيئة المحيطة "الاشخاص يلي حولك ، المكان، المكتب"
- حاول تنظف مكتبك ودرجك، تختك اذا بتدرس عليه، رتب محاضراتك، حاول تغير محلك إذا في دوشة، حط سماعات واسماع موسيقى تشويش لتقدر تدرس "اصوات مطر مثلاً"...

5. المشاعر "قدرتك على ادارة مشاعرك" 🤯
- يلي بيعمله الشخص الطبيعي بسهولة ممكن يحسه المكتئب مثل تكسير الحجار، لذلك الواحد يحاول ما استطاع يحافظ على صحته النفسية
الروابط فوق في واحد عن كيف الواحد يحافظ على صحته النفسية.
أنا شخصياً يلي استفدت منه بشكل مطلق وفوري يلي هو الرياضة.

كل يوم بشكل روتيني أو عند الحاجة وممكن تلاقوا عالنت أمور مفيدة وسريعة.

🛑بالنسبة للناس يلي بتدرس عاللابتوب مثلي ف هاد البرنامج لا غنى عنه واسمه FocusME
https://www.filehorse.com/download-focusme/
فيك من خلاله تختار مثلاً أنو بس مسموح يفتح ملف البدف، وأي برنامج أخر لح يسكر لمدة 25 دقيقة مثلاً

للأسف البرنامج Trail لمدة شهر، ولكن فيك ترجع الTrail عن طريق هالبرنامج RunAsDate
http://www.nirsoft.net/utils/run_as_date.html
هاد بيخليك ترجع البرنامج يلي بدك ياه بالزمن للوراء بحيث ترجع الTrail من جديد :3

بعض الروابط المتممة:
1- عقلك والانترنت
بيحكي عن تأثير الانترنت وكيف بيغير بالدماغ لجعله أكثر قابلية للتشتت، وأصعب للتركيز
https://www.youtube.com/watch?v=1h6CFC5GfCw&t=1143s

2- Eat, Sleep, Move
بيحكي عن النوم والأكل والحركة وأثرها في زيادة الانتاجية
https://www.youtube.com/watch?v=4JHMHrDotyk

3- لصوص الانتاجية ال4
https://www.youtube.com/watch?v=rRqeVOdCljY

4- عناصر الانتاجية
https://www.youtube.com/watch?v=Qrx4K-HjJ44
5- العمل العميق Deep work مهم جداً
https://www.youtube.com/watch?v=o1wHtClg6OQ&t=89s

وخالصين :3

يلي عنده أفكار أخرى يبعتلنا ياهن 🤩

وعطونا فيدباك لنرفع فيه شوي السيروتونين تبعنا 😂❤️

لا تنسونا من صالح دعائكم ❤️❤️


بالتوفيق جميعاً 💛💚

UBhind: No.1 Mobile Life Tracker/Addiction Manager by RinaSoft
kr.co.rinasoft.howuse
Version: 4.20.8(376)
Updated: Jul 10, 2020
Size: 21.25MB
Bug fix.
Download: 🇬🇧 https://apkdl.net/en/kr.co.rinasoft.howuse
Download: 🇮🇷 https://apkdl.net/fa/kr.co.rinasoft.howuse

Android version: 6.0
CPU: armeabi-v7a
kr.co.rinasoft.howuse.apk [21.25MB]
https://checker.in/go/165414

34 مصدر كبديل عن الدوبامين الحاصل من إدمان الانترنت، اختاروا المناسب منها :3.

هامش: برنامج القفل يسمح باستقبال وارسال المكالمات والرسائل، فما عاد عندكم حجة 👻📝.

#Study_Skills 😎

السلام عليكم 👋🏻

° موضوع اليوم هو مشكلة بعاني منها أغلب البشر وهي مشكلة "التسويف"
أول شي خلينا نتفق على تعريف للتسويف Procrastination: هو تأجيل متعمد لإنجاز مهمة معينة، مع العلم التام بأهميتها وبمخاطر تأجيلها 👌🏻
رغم اننا بنفكر انه التسويف مشكلة بتتعلق بالوقت، إلا أن علماء النفس بقولوا انه التسويف مشكلة بتتعلق بإدارة المشاعر .. المشاعر !! اي 😅

كيف بصير هدا الشي ؟!
وقت يكون مطلوب منك إنجاز عمل مهم، غالباً بكون هالعمل تقيل عالنفس بالتالي بيترافق مع مشاعر سلبية، مصدر هي المشاعر:
١- إما العمل بحد ذاته بأنه يكون صعب أو ممل أو عديم الفائدة بالنسبة الك
٢- أو انت مصدر هي المشاعر، يلي بتكون ناتجة عن ضعف تقدير الذات أو ضعف ثقة بالنفس بانك غير قادر على إنجاز هدا العمل أو مالك ذكي كفاية وإذا أخفقت فالناس رح تقول عنك فاشل !!

هي المشاعر السلبية رح تحفز منطقة الألم بالدماغ، الألم الناتج عن الإجهاد الذهني والملل والقلق وغيرو ..

طبعاً النفس البشرية عندها فنون بالتخلص من الألم (تجنب الألم)، فأسرع وأسهل حل بتلاقيه هيي انها تدفعك ل "تأجيل" العمل لوقت تاني يكون مناسب أكتر أو يكون العمل صار أسهل بالنسبة الك
رغم انه الحقيقة بتقول انه لا العمل رح يصير أسهل، ولا الوقت رح يصير أنسب
على العكس تماماً، انت رح تحس براحة مؤقتة وكأنه هم وانزاح عن كتفك لكن تذكر انه هالمشاعر هي "مؤقتة" جداً، لانه بعد شوي رح يجيك نوع آخر من المشاعر السلبية وهو تأنيب الضمير والقلق والخوف من انك ما تلحق ..

وصراحةً انت ما تخلصت من العمل، كل شي عملته انك جمّعته وراكمته مع كل الجهد اللازم وكل المشاعر الملتصقة فيه؛ ورح تضطر انك تواجهه بوقت تاني لاحق

فالتسويف ليس مرادفاً للراحة .. بتاتاً .. لانه الراحة بتعيد شحن طاقتك بينما التسويف بيسحب طاقتك وانت مو حاسس

طيب قلنا انه سبب هالمشاعر السلبية إما انت أو العمل .. إذا سببها انت فالموضوع بسيييط جداً .. بنرجع لعقلية النمو يلي حكينا عنها بالمنشورين الماضيين، انت بتملك القدرة على تعلم أي شي، قدراتك مالها محدودة بالشكل يلي متخيله .. الذكاء والشغف والقدرة على التعلم هيي شغلات قااابلة للتحسن تماماً كالعضلات وقت تتلقى التدريب الصحيح

وإذا المصدر هو العمل ف كمان بسيطة ..
المصيبة انه نحنا بننظر للعمل ككل .. بمعنى، وقت تفكر انه بدك تدرس فصل صعب من مادة ما بكل تفاصيله ومعلوماته، رد الفعل الطبيعي جداً انك تأجل وتماطل، لكن الحقيقة غير هيك
انت ما رح تدرسه دفعة وحدة، ٣٥ ساعة متواصلة !!
وإنما رح تدرسه فقرة فقرة، ويمكن جملة جملة، وهدا الشي ماله صعب هالقد، بالعكس هو شي ممكن وانت قادر عليه بإذن الله

° الحل:

أولاً: حط ببالك انه هدا الشي رح تواجهه رح تواجهه هلأ أو بعدين، ف انك تدرس هلأ على مهلك أفضل بمراحل من انك تراكم العمل لآخر لحظة، وبالتالي تظلم نفسك وتظلم العمل بإنتاجه بجودة أقل بكتير من المتوقع

ثانياً: غير مطلوب منك بتاتاً انك تدرس كتب التحضيرية دفعة وحدة !! لا تقنع عقلك بهي الصعوبة الكبيرة جداً .. ولحل هي المشكلة بشكل عملي، قسم وقت دراستك عالفقرات، بمعنى؛ بدك تدرس فصل تشريح لنفرض، لا تطلع عالفصل كله، ادرس أول فقرة منيح وركزها، خود استراحة قصيرة، ارجع للفقرة التانية، وهكذا .. فقرة فقرة .. وبالآخر رح تنهي الفصل بملل وتعب أقل من يلي كنت متوقعه

ثالثاً: انتهي من المهام الجليلة بأول نهارك..
بما انه هلأ معطلين فعندك الحرية التامة باختيار وقت الدراسة، نصيحة انك تبدأ نهارك بالدراسة وتنتهي منها عالظهر أو عالعصر (إذا شمستك عالية شوي)
لانه بتكون بقمة قوتك ونشاطك ببداية النهار، وبتكون أكتر قدرة عالأعمال يلي بدها صبر وقوة تحمل .. والأحلى من هيك انه وقت تخلص الدراسة تبع هاليوم رح تحس براحة، بس هالمرة الراحة حقيقية لانك عملت الشي المطلوب منك وهلأ صار فيك تعمل الشغلات يلي بتحبها

أخيراً .. الشي الأهم على الإطلاق .. نحط ببالنا انه وما نيل المطالب بالتمني ولكن تؤخذ الدنيا غلابا، البطولة ليست بأحلام اليقَظة، لن تبلغ شيئاً ما لم تنصب قدميك طويلاً في مَيدان العمل

بالتوفيق 🙏

إعداد سلمى عبد الواحد ~
#إشراقة 🧡🌼

"فالتسويف ليس مرادفاً للراحة .. بتاتاً .. لانه الراحة بتعيد شحن طاقتك بينما التسويف بيسحب طاقتك وانت مو حاسس" 😢😢🤯

هل تعلم أخي الطالب انك لما تحاول تحل مشكلة #الملل أثناء الدراسة عن طريق تصفح السوشال ميديا؛ فأنت بهالطريقة عم تضاعف المشكلة ؟!! 😕
إقرأ المزيد 👈👈👈 https://t.me/ishraaqaa/154

‏نقاط نقاشي مع أحد المراجعين، بالعيادة النفسية.
أؤمن دائما بأهمية وجود لوحة يرسم فيها المعالج النماذج العلاجية، ويكتب فيها الأفكار والقواعد، إن التأثير البصري يكمّل التأثير الصوتي.


#اسامه_الجامع

http://Searchbox.science
موقع لفتح المواقع المغلقة مثل UpToDate وغيرها....