مسالورد جميعاً 🌿🌺

مرت فترة بدون بوستات عالقناة 🌝

وبخضم هالجو الكئيب يلي فيه 😞

عطونا خيارات لأمور حابّين تنتشر، مقالات، فيديوهات تنموية، تنظيم وقت، CBT، استبيانات معينة.....

طبعاً الإسم والمعرف مجهولين :3

مبدئياً في عنّا برنامجين لكبح إدمان الموبايل واللابتوب كتير جيدين خصوصي تبع اللاب ولح نشاركه قريباً :3

لا تنسونا من صالح دعائكم ❤️
---------
- تنظيم وقت 😭😭😭😭
-----------
- كيف نخفف اكتئاب وندرس 😞
-----------
- /start
-----------
- بدنا طريقة لكبح ادمان الموبايل والانترنت
-----------
- البحث العلمي وكيفية البدء والتفكير بذلك بس لبعد الامتحانات 😅
-----------
- كيف ناسرع بالدراسة و ما نعلّق ساعة عكل كلمة
-----------
- ننجح ع السادسة بدون فحص 😍
-----------
- الإسراع بالدراسة 💔😪
-----------
- طرق نافعة لاخذ استراحة بعد كل جلسة دراسة ( سواء قصيرة او طويلة ) بغض النظر عن السوشل ميديا
-----------
- نأسرع بالدراسة ونحط برنامج ونلحق كلشي وهيك
-----------
- كيف تكون انسان ايجابي وقوي بوسط كل هل كئابة والاحداث السيئة 💔
-----------
- حل للكآبة الكآبة الكآبة بليز ركزوا على الشغلات النفسية ⁦🙁
-----------
- ⚫️
-----------
- الفيديوهات اللي بتنشروون من اليوتيوب اللي بتخص الأمور النفسية والتنظيم حلوين 3:
-----------
- يا ريت لو تنزلوا شغلات تجذب لدراسة العينية والجلدية والأذنية بالخاصة وتجذب للمواد كلها عامة 😞 خصوصي انو انا من الطلاب المتابعين جداً لكل شي بتنزلوه😊 بس هالمواد التلاتة ما عم تزبط معي 😞
-----------
- جو دراسي خارج البيت وخالي من الكورونا
ما عاد انجزت بالبيت
وبرا البيت ما بتخيل حالي عم ادرس بالكمامة
-----------
- التخلص من إدمان المواد الإباحية والعادة السرية 💔
-----------
- اذا حابين نطور حالنا بالترجمة الطبية شو الاساسيات لنبلش بهاد المجال من وين منبلش وكيف
-----------
- كيف نفصل مشاعرنا عن دراستنا.. بظن هالشغلة بتفيدنا بالمستقبل مشان نقدر نفصل مشاعرنا عن شغلنا
صرلي اسبوع على نفس المحاضرة وما عم اقدر ركز بسبب الاكتئاب🙂🙂 رجاءً لاقولنا حل🙏🏻❤️
-----------
- ال CBT كتير بحب أعرف أكتر عنو
-----------
- الحق دراسة مراجع و محاضراتي بلا ما اوصل للفحص ملهوج
-----------
- بضل كل نهار مقابيل المحاضرات وأخر شي يادوب بكون دارسة كم ساعة أقل من ٥ بفترة الفحص عم احكي
-----------
- بما انو التغت الستاجات شو في فديوهات ممكن تساعدنا بتعويض النقص بالممارسة السريرية؟
لانو كمان الاجتهاد الشخصي و النزلة ع المشفى هلا صعب
-----------
- فيديوهات بتخص الادوية وخاصة الصادات ..ويكون بنفس شرح د. فوده
-----------
- كلو عسل منك يا جميل 🎉
-----------
- ركزو عالاشياء النفسية 😭😭😭😭😭
-----------
- نصائح لنستغل وقتنا لأقصى حد بالزنقات.....💔💔💔
-----------
- #سادسة
إنشاء غروب صغير على التلغرام لمناقشة الأسئلة الخلافية بالشوامل و دورات الجامعات عساه يفيد طلاب هالدورة و الدورات اللاحقة😉
و أنا أول المشاركين ⁦☝️⁩⁦☝️⁩
-----------
- كيف نقدر ندرس بالانكليزي وتخصصولنا منشور كل تحطو فيه معلومة طبية باللغة الانكليزية مع ترجمتها وهيك كل يوم بتقوى اللغة عند الكل
الشغلة التانية لو كل يوم بتنزلو حالة سريرية وبعدين بتعملولها مناقشة تكون مأخوذة من uworld او اي كتاب مفيد وتكون بشكل منظم يعني نخلص كل قسم وحالاتو لو ضل شهر او اكتر المهم ما نضيع وشكرا كتير
-----------
- المساعدة على كيفية البحث العلمي وكتابة المقالات الطبية
-----------
- افكار لشغلات ممكن نعملا بالاستراحة تجدد النشاط وتحفزنا نكمل غير الموبايل🙂
-----------
- كيف نأسرع بالدراسة من دون نضل ساعة ع كلمة
-----------
- الفيس بوك عم حس هالفترة سبب كبير للأخبار البائسة و نشر الكآبة أفضل شي يبتعد عنه و ينحذف هالفترة أنا حذفتو بس كمان إذا في شي بساعد لتنظيم الوقت و الدراسة الفعالة أكتر
و شكرا كتير عالمحتوى المفيد
-----------
- بحب قول للكتب عن العادة السرية يبتعد عن الاماكن يلي بضل فيها لوحدو ولا يقعد هو والموبايل لحالن ابدا ابدا ويحاول يحافظ على وضوءو وصلاواتو لان فعلا الصلاة تنهى عن الفحشاء والمنكر + لما تعرف انو الاستمناء والاباحية بتحتاج غسل لحتى تقدر تصلي ,معد تقرب عليها لان كل ما تفرجت بدك تتحمم وهي مصيبة(وهي الطريقة نفعت معي) وبحب كمان دلك ع صفحة ع الفيس اسما واعي بتساعد الشباب ليتركو الاباحية وكتير ناس تركتا بفضل الله ثم مساعدتهن
بالنسبة للي بدو يترك الادمان على الانترنت يحذف الانستا والفيس والواتس وكلشي برامج مافيها نفع ويحضر سلسلة الحياة على كوكب الوهم للدكتورعبدالرحمن الهاشمي
بسببها تقريبا عم اتعافى من ادمان الانترنت
-----------
- تنظيم وقت
^^^^^^^
35 تعليق

الطلبات السهلة لح ننزلن هلق

بوستات البحث العلمي يلي نزلت على هالقناة
https://t.me/MedicalGate/437
https://t.me/MedicalGate/409
https://t.me/MedicalGate/306
https://t.me/MedicalGate/288
https://t.me/MedicalGate/224
https://t.me/MedicalGate/152
https://t.me/MedicalGate/147

أو مو هلق 😂
ل يكتمل التصويت لما يضيع :3

يعطيكم العافية جميعاً

عذراً على التأخير في انزال البوستات لظروف قاهرة :(

لح نبدأ بكيفية التعامل مع الأفكار السلبية.
كنت ناوي أعمل بوست طويل والعالم تقراه وخطوات وهيك.
بس لقيت هالشي أقل فعالية+ في منه الكثير من البوستات واحتمال ما توصل الفكرة بعمق حيث أن الموضوع لازم ينلم منيح لأنه لح تنبني عليه أفكار وسلوكيات جديدة؟

مبدئياً خلينا نتفق أنو ما فينا نتخلص من الضغوط والتوتر :3، الكورونا والموت حولينا والوضع الاقتصادي السيء والخلافات مع الأهل وووو "كأبتكم مو :3"

فلا يمكن أن يمر يوم بدون أفكار سلبية وهذا الطبيعي "تحتا خطين".

الغير طبيعي هو طغيان الأفكار السلبية على ذهنك بحيث يؤثر على جودة حياتك "تركيزك، انتاجيتك، علاقاتك" واستمتاعك بها.

لهيك حاولت ما استطعت دور ع أفضل الفيديوهات يلي بتشرح وبتحكي عن هالأمور. وحاولت أنها تكون بالعربي ويكون يلي شارحها فهمان ومعلوماته Evidense based "يعني شي علمي معتمد ويستعمل في جلسات العلاج النفسي" بشكل واقعي بعيد عن شعوذة التنمية البشرية والعلاج بالطاقة

وهو ماجستير علم نفس أكلنيكي اسمه أسامة الجامع "نزلتله من فترة محاضرة عن تقدير الذات"
هو دوراته ليست مجانية، بس قدرت بالتدوير :3 أني لاقيها عالانترنت، ولح حط أهمها تحت"

1- كيف تتعامل مع الأفكار السلبية
مدتها ساعتين وللأسف بما أنها دورة مدفوعة فموجودة فقط تسجيل صوت
طبعاً البوست كلله مشان هالتسجيل ف يب اسمعوه كلله وبوعدكم حتلاقوا فائدة
https://www.youtube.com/watch?v=GqPMKcWRQlU

وهالساعة كمان تكملة للسابق "بدءاً من 2:09:00"
https://www.youtube.com/watch?v=eX-6axQDXkE&t=7753s
2- كيف نتعامل مع مشاعرنا السلبية في الأزمات
متممة لما سبق وتتحدث عن المشاعر وماذا نفعل في وجودها.
https://www.youtube.com/watch?v=qz-_j1RebYo&list=PLPRX_nTZ6WVDsXfsAmC9aalIZTZWlSK-o&index=11&t=0s

3- 📌- الإجترار والطريق الممهد للإصابة بالإكتئاب !!
https://t.me/A_l_j_a_m_a/17256

4- الجروح الخفية في العلاقة الأسرية | أ. أسامة الجامع
هالفيديو خطير جداً 😂، لح تحسوا وأنتوا عم تشوفوه أنو كل عقدكم الحالية سببها مواقف وطرق تربية تعرضتوا لها في الماضي 😂
الهدف من عرضي له هو سببين:
1- الأول أنك تعرف جذور مشكلتك الحالية وسببها.
2- تتقبل أهلك على ما هم عليه، تحمدهم على ايجابياتهم، وألا تلقي باللوم عليهم في حال تقصيرهم، بل تتقبل ما تعرضت له وتسعى في صلاح نفسه واعتبارها جزء من رحلة الحياة.
4- وأخيراً أن تتجنب "الجروح الخفية" في تربيتك لأبنائك مستقبلاً أو في تعاملك مع من تحب وأصدقائك 😌.

https://www.youtube.com/watch?v=R65k6-jIETM&t=3073s

5- محاضرة رائعة عن تقدير الذات..

الدرس يبداً من الدقيقة 12
https://youtu.be/UuEzA1Masc8?t=734

6- كيف تحافظ على صحتك النفسية

https://www.youtube.com/watch?v=5j9OXaWcekg&list=PLPRX_nTZ6WVDsXfsAmC9aalIZTZWlSK-o&index=3&t=16s

— اشتركوا بقناة الدكتور بتنزل عليها التويتات الخاصة به
https://t.me/twiitt

طبعاً العلاج النفسي بحر وفيه كتير أمور، وأكيد في مصادر أخرى غير يلي فوق، ولكن أعتقد بفائدتهم إن شاء الله.

يلي وجد فائدة منهم يرد عليّ بفيد باك، ويلي ما وجد كمان يبعتلي بركي بعدل عالبوست وبضيف عليه شوي.

شوفوا مثلا كل يومين فيديو :3

هامش: نحنا طلاب الطب لما ننجز وندرس بترتاح نفسيتنا :3، لهيك البوست القادم إن شاء الله عن الإنتاجية وإدمان الانترنت.

لا تنسونا من صالح دعائكم...

بالتوفيق جميعاً ❤️❤️

تعديل 🙈
نسيت حط الرابط الأول وهو أهم واحد
ردوا شوفوه
بالتوفيق جميعاً❤️

صفحتان خفيفتان إقروها 👻

لوين وصلت بالوطني :")؟

السلام عليكم ورحمة الله وبركاته ومساء الخير جميعا ❤️🌸
مبارك للجميع انتهاء المقابلات وامتحان الرعاية العظيم 🎊🎉 وإن شاء الله كلياتنا منكون مترشحين للوطني وما حدا يضطر عالترميمي 🙏🏻
#بوست_طاقة_إيجابية ❤️
بعد ما التقينا اليوم جميعا بالكلية وشفت الكآبة والتشاؤم عم تشرشر من وجوه كتير طلاب (وأنا أولهن 😇).. رجعت عدت حساباتي بخصوص الدراسة والوطني وعنجد تفائلت كتير وحبيت فائلكن معي ❤️
ما بدي كتر حكي كتير بس في كم نقطة مهمين بدي أحكي فيهن..
1️⃣ أولا:
لا حدا يطلع عالناس يلي ماشية بالدراسة منيح وخالصة كم كبير للوطني ويكتئب ويقول أنا وين وهنن وين.. صدقا أكتر من نص الدفعة لهلأ ما حدا بلش دراسة.. أنا أول الناس يلي كنت اكتئب لما شوف غيري عم يدرس وأنا لسا مو مبلشة بس صدقا اليوم تفاجأت بكمية رفقاتي يلي مو مبلشين كمان..
أصلا أسوأ شي ممكن يعملوا الواحد أنو يقارن حالو بغيرو ويكتئب وخااصة بالدراسة لأنو ما حدا ظروفو متل التاني..
2️⃣ ثانيا:
الأوضاع سيئة كتير للأسف.. الغلا بيقتل قتل.. وكورونا عم يلعب بالعالم لعب.. الكهربا سيئة كتير.. ويمكن قلال يلي لسا حالتهن النفسية ضمن الحدود الطبيعية 💔
بس الله كاتبلنا أنو نكون من هالدفعة وأنو نقدم بهالظروف الصعبة هي.. وما منحسن نقول غير الحمدلله ولا اعتراض على حكمة رب العالمين.. وصدقا الدراسة بهالظروف إلها أجر كبير إن شاء الله لا حدا يغيب عن بالو هالشي ❤️
لهيك لا حدا يقول متضايق ومخنوق كللياتنا متدايقين ومخنوقين والهرب من الدراسة هو أسوأ حل (عالأقل عنا شي نلتهى فيه 😃).. والله يفرج عنا كلياتنا ويعوضنا خير هالأيام يا رب..
3️⃣ ثالثا:
الامتحان الوطني قالو بنهاية شهر 10 أو ب11 (وغااالبا ب11 وبعدو كمان ان شالله)..
يعني عمليا في قدامنا تقريبا شهرين ونص بس 😃
منلحق؟
بإذن الله كللياتنا منلحق والمنهاج كلو إن شاء الله ❤️
ما حدا بيوصل للسنة السادسة إلا يلي عنجد شاطر وعندو قدرة كبيرة عالتحمل.. وكل حدا فينا قادر ينظم وقتو بطريقة خارقة إن شاء الله.. بس من باب التفاؤل:
أي حدا فينا قادر يخلص 3 صفحات بساعة (خصوصا أنو في كتير معلومات مارقين عليها من قبل).. ولنفرض أنو بالنهار عنا 12 ساعة (و12 ساعة نوم وتلاهي) يعني بالنهار يفترض نخلص 36 صفحة على الأقل.. هيك بيصير:
- الباطنة بتخلص ب25 يوم (ما عدا الفصل الأول والأخير من المرجع.. وعلما أنو حاسبة النفسية من ضمن البواطن مع أنو قالو أنو ما بيجيبو غير من قسم المداواة، والجلدية كمان محسوبة 😉).
- الجراحات بتخلص ب19 يوم (علما أنو أنا ملخصاتي كلها نيرد وحرام يندرس نيرد لكل شي 😅).
- الأطفال بتخلص ب13 يوم (من دون الفصول يلي مالها طعمة (برأيي) يلي هنن 1 و2 و5 و8 و24 و31).
- النسائية بتخلص ب11 يوم (من دون ما شيل الفصول يلي مالها طعمة 😉).
- العيادات بتخلص ب5 أيام (بس أذنية وعينية لأنو الجلدية محسوبة مع البواطن 😉).
⏪ إذا جمعناهن مع بعضهن بيطلعوا 73 يوم يعني عمليا شهرين ونص 😎
يعني إذا بلشنا من بعد بكرا (خدوا بكرا استراحة جخوا بهالنعمة 😏😂) منخلص ب 10/25.. وإذا منشد على حالنا شوي تانية منحسن نخلص بشهرين بس بإذن الله 💪🏼❤️
لهيك لا حدا ينزعج أنو لسا ما بلش ولا حدا يفكر باللي راح.. بإذن الله يلي جاي بيكفينا وزيادة إن شاء الله فخليكن متفائلين ❤️
4️⃣ رابعا:
نصيحة عنجد لا حدا يبلش بالدراسة قبل ما يشوف شوية دورات.. كتير بتساعد بأنو نعرف على شو بدنا نركز..
تطبيق بيتا كتير حلو وظريف فتحو فيه عالتصنيفات وحلو أسئلة المرجع بس عالأقل قبل ما تبلشوا عنجد بتلاقو فرق (أنا جربت وكتير لقيت هالطريقة ظريفة 👍🏼).
5️⃣ خامسا:
ادرسوا بحب ❤️😌
عنجد كتير مهم الواحد يحب يلي عم يدرسوا ويستمتع فيه (السب حرام 😂)
وكل معلومة بتدرسوها تخيلوا أنكن رح تحتاجوها بيوم من الأيام أو رح تنسألوا عنها من قرايبينكن أو رفقاتكن أو أي حدا..
ودائما خلوا ببالكن شو كان يقلنا د.كمال الكاتب الرائع ❤️: (كلية الطب فيها كل شي ضد الطالب.. وهاد الحكي من وقت كنت أنا طالب ورح تضل هيك.. الشي الوحيد يلي بيخلي طالب الطب يدرس منيح هو خوفه من أنو بيوم من الأيام يصير مع حدا بيعز عليه شي لا سمح الله وما يعرف يتصرف 💔)..
لهيك عنجد ادرسوا بحب ❤️ (وحاولوا أنكن ما كتير تحبوا الهضمية لو سمحتو XD)
6️⃣ سادسا وأخيرا:
كلياتنا قصرنا كتيييير ورخينا بدن كتيييير وضوعنا أيام كتييييير.. بس لسا في أمل وهاد الشي يلي لازم يخلينا نوعى بقى ونبطل تضويع وقت عالفاضي.. ما بقي قدامنا غير هالأمل لهيك لازم نستغل هالفرصة بكل ما أوتينا من قوة 💪🏼 وهلأ نحنا استقرينا وخلصنا مقابلات لهيك لازم نبدا بهمة عالية إن شاء الله 💪🏼🙏🏻
دائما كانت امتحاناتنا تضل تقريبا شهرين وكنا نقدر نضغط حالنا بهالفترة.. وهلأ ما كتير زادت الفترة لهيك نحنا قدها وقدود إن شاء الله 🙏🏻❤️
خلي ثقتنا برب العالمين كبيرة كتير وهو أكرم الأكرمين ❤️ ودائما ادعوا بالبركة بالوقت والدراسة هاد أكتر شي محتاجينو هلأ ❤️🙏🏻

منلحق بإذن الله ومنتجاوز هالفترة ومننجح بعلامات عالية بإذن الله بس بدنا همة عالية وثقة كبيرة بالنفس 💪🏼
وتذكروا دائما أنو نحنا دفعة العشرينتين الجبل يلي ما بتهزو ريح 💪🏼😎❤️ كنا مكسرين الدنيا ورح نضل مكسرين الدنيا بإذن الله 💪🏼❤️🙏🏻
وان شالله يكون هالبوست مصدر تفاؤل عالأقل لكم حدا من المكتئبين أمثالي 😇
💟 الله يوفقكن جميعا جميعا ويباركلكن بالوقت والدراسة ويكرمكن بأحسن بكتير بكتير من يلي حاطينو ببالكن ❤️❤️🙏🏻🙏🏻
#ما_دام_الأمل_طريقا_فسنحياه ❤️🎶
#بالتوفيق_مجددا ❤️🌸
____
منقول عن الزميلة رهام ديب جزاها الله خيراً 🤩

جطعة تفاؤل للسوادس 😂❤️

كتيب صغير عن التشتت وضعف التركيز وعلاقته بادمان الانترنت.
في الصفحة 8 يوجد اختبار لتقدير درجة إدمانك :3.

اليوم مساءً لح ننزل بوست فيه بعض الحلول

بالتوفيق جميعاً

كتيب من بضع صفحات عن بعض المصطلحات الهامة: كالتصفح القسري، والأعراض الانسحابية، العمى الزمني، إدمان البيانات، الهروب النفسي وغيرها....
مفيد جداً وبيعمل نقلة بالوعي بما يحدث أثناء استخدامك للموبايل

كم واحد منّا بيبدأ يومه ب 2-3 ساعات من التواصل الاجتماعي والانترنت 🧐🧐

يلا خمس دقايق برتاح عالموبايل وبكمل دراستي 😂😏

يعطيكم العافية جميعاً ❤️
#بوست_الانتاجية المنتظر 🥳

لما تعمل جدول وتنظم وقتك وما تزداد انتاجيتك
ف الواحد بيعتقد أنو الخلل فقط من الوقت وتنظيمه
ولكن بالحقيقة فالانتاجية لها 5 عوامل
1. إدراة الوقت
-يلي هي ما في أشطر مننا نحنا طلاب الطب بعمل الجداول فبالتالي هالأمر مفروغ منه 😂
2. التركيز
- كمية التركيز يا أصدقائي باليوم محدودة، ولا تتوقع تنجز شيء ملموس وترضى عن نفسك طالما المشتتات خصوصاً مواقع التواصل أكلة معظم وقتك.
- وأعتقد بما أنكم جربتوا كتير ف قوة الارادة وأنو خلص هلق ح ركز وهلق لح خلص كلشي ما بتعمل فائدة جذرية.
لهيك اعتمادك على قوة ارادتك وحدها ف هاد وهم 👻

- لحتى تتغير عنجد بدك تعمل تغييرات مااادية حقيقية جذرية.
لهيك الحل أنك تحمل برنامج بيسكرلك موبايلك والبرامج يلي فيه :3
اسم البرنامج Ubhind
https://play.google.com/store/apps/details?id=kr.co.rinasoft.howuse&hl=en_US
هي رابطه
وهي رابط الشرح بالعربي
https://www.youtube.com/watch?v=bw7ufMq7fAU&app=desktop
يلي لازم تعملوه فيه هو التالي:
1- إقفل موبايلك من الساعة 9 الصبح للساعة 3 العصر
لماذا هالتوقيت بالذات؟ ، لأنه معظم الطلاب أول ما تفيق بتسرد بالساعات عالموبايل وبيروح كل الصفاء الذهني والتركيز يلي ممكن تستغله بشكل أفضل.
2- إقفل الموبايل من ال10 للساعة 5 الفجر.
- لمازا :3، لأنه أغلبنا قبل ما ينام بيسرد عالموبايل بالساعات وبيلاقي صارت الساعة 2، مما يؤدي لضرب نظام النوم، وتكرار السلسلة المعيبة ل يوم أخر.
3- حدد البرامج المسموح تستعملها أثناء قفل الموبايل
- أنا بفضل ينحط متصفح البدف، والساعة، وقرآن، وأي شي تاني ممكن تضطر تستعمله أثناء القفل
4- حدد استعمال مقداره نصف ساعة يومياً للبرامج التالية، وتس، فيس، تويتر، انستا، يوتيوب، التيلي خلوه لتفتحوا القناة 😛👻، وأي لعبة أو تلهاية ممكن تستهلك وقتكم.
5- وأخيراً لما بدكم تبلشوا دراسة، اقفلوا الموبايل لمدة 3 ساعات عالأقل أو بحسب عدد الساعات يلي بدكم تدرسوها.

أعتقد هالشروط كافية :3، وصدقوني التغير ح يكون فوري جداً بإذن الله +____+

طبعاً ممكن يكون في أعراض انسحاب :3، مثل قلق نرفزة اكتئاب شعور بالفراغ والوحدة، أو ممكن بالأصل عندكم ياها ف بتزيد 😂😂، عالعموم هالمشاعر مؤقتة وممكن تتخفف ب رياضة خفيفة :3

أكرر :3، لا تستطيع عمل تغيير جذري بوجود المشتتات.

3. الطاقة الجسدية
- أنك تستهلك أول 6 ساعات من يومك بالدراسة مثلاً
- لما تكون تعبان يا شراب قهوة يا أما نام غفوة وفيق كمل

4. البيئة المحيطة "الاشخاص يلي حولك ، المكان، المكتب"
- حاول تنظف مكتبك ودرجك، تختك اذا بتدرس عليه، رتب محاضراتك، حاول تغير محلك إذا في دوشة، حط سماعات واسماع موسيقى تشويش لتقدر تدرس "اصوات مطر مثلاً"...

5. المشاعر "قدرتك على ادارة مشاعرك" 🤯
- يلي بيعمله الشخص الطبيعي بسهولة ممكن يحسه المكتئب مثل تكسير الحجار، لذلك الواحد يحاول ما استطاع يحافظ على صحته النفسية
الروابط فوق في واحد عن كيف الواحد يحافظ على صحته النفسية.
أنا شخصياً يلي استفدت منه بشكل مطلق وفوري يلي هو الرياضة.

كل يوم بشكل روتيني أو عند الحاجة وممكن تلاقوا عالنت أمور مفيدة وسريعة.

🛑بالنسبة للناس يلي بتدرس عاللابتوب مثلي ف هاد البرنامج لا غنى عنه واسمه FocusME
https://www.filehorse.com/download-focusme/
فيك من خلاله تختار مثلاً أنو بس مسموح يفتح ملف البدف، وأي برنامج أخر لح يسكر لمدة 25 دقيقة مثلاً

للأسف البرنامج Trail لمدة شهر، ولكن فيك ترجع الTrail عن طريق هالبرنامج RunAsDate
http://www.nirsoft.net/utils/run_as_date.html
هاد بيخليك ترجع البرنامج يلي بدك ياه بالزمن للوراء بحيث ترجع الTrail من جديد :3

بعض الروابط المتممة:
1- عقلك والانترنت
بيحكي عن تأثير الانترنت وكيف بيغير بالدماغ لجعله أكثر قابلية للتشتت، وأصعب للتركيز
https://www.youtube.com/watch?v=1h6CFC5GfCw&t=1143s

2- Eat, Sleep, Move
بيحكي عن النوم والأكل والحركة وأثرها في زيادة الانتاجية
https://www.youtube.com/watch?v=4JHMHrDotyk

3- لصوص الانتاجية ال4
https://www.youtube.com/watch?v=rRqeVOdCljY

4- عناصر الانتاجية
https://www.youtube.com/watch?v=Qrx4K-HjJ44
5- العمل العميق Deep work مهم جداً
https://www.youtube.com/watch?v=o1wHtClg6OQ&t=89s

وخالصين :3

يلي عنده أفكار أخرى يبعتلنا ياهن 🤩

وعطونا فيدباك لنرفع فيه شوي السيروتونين تبعنا 😂❤️

لا تنسونا من صالح دعائكم ❤️❤️


بالتوفيق جميعاً 💛💚

UBhind: No.1 Mobile Life Tracker/Addiction Manager by RinaSoft
kr.co.rinasoft.howuse
Version: 4.20.8(376)
Updated: Jul 10, 2020
Size: 21.25MB
Bug fix.
Download: 🇬🇧 https://apkdl.net/en/kr.co.rinasoft.howuse
Download: 🇮🇷 https://apkdl.net/fa/kr.co.rinasoft.howuse

Android version: 6.0
CPU: armeabi-v7a
kr.co.rinasoft.howuse.apk [21.25MB]
https://checker.in/go/165414

34 مصدر كبديل عن الدوبامين الحاصل من إدمان الانترنت، اختاروا المناسب منها :3.

هامش: برنامج القفل يسمح باستقبال وارسال المكالمات والرسائل، فما عاد عندكم حجة 👻📝.