Bosh og'rig'i – boshda og'riq sezish; turli xastaliklarning eng ko'p uchraydigan belgilaridan biri. Bosh yoki miya pardalari va tomirlaridagi nerv oxirlarining ta'sirlanishi tufayli kelib chiqadi. Qattiq charchash, shamolash, asabiylashish holatlari, burun yondosh bo'shliqlarining kasalliklari, gipertoniya, midda qon aylanishining buzilishi yoki unda o'sma paydo bo'lishi, yuqumli kasalliklar, ichki a'zolar kasalliklari, zaharlanish va boshqa(lar) bosh og'rig'iga sabab bo'ladi. Tomirlar kasalliklarida bosh o'qtin-o'qtin og'rib, kishi qattiq charchaganda, spirtli ichimliklar ichganda, ko'p chekkanda, shuningdek, shovqin-suron, noxush hid, ravshan yorug'lik ta'sir etganda kuchayadi. Gipertoniya kasalligi bilan og'rigan bemorlar uxlab turgnidan keyin boshida og'irlik sezadi va ensasi tortishib og'riydi. Odatda, shamollatilgan xonada uxlaganda va ertalab yengil mashqlar qilganda og'riq kamayadi. Migren bosh og'rig'ining bir shakli bo'lib, unda boshning o'ng yoki chap yarmi tutib-tutib og'riydi. Osteoxondrozdya, bosh mushaklari taranglashganda, ish vaqtida, o'qiganda boshni noto'g'ri tutish natijasida bo'yin mushaklari zo'riqishi oqibatida ham bosh og'riydi. Xira yorug'da o'qib-yozganda ko'zga zo'r kelishi, ko'z kasalligi, masalan, glaukoma ham bosh og'rig'iga sabab bo'lishi mumkin.
Doim bosh og'rib tursa, bemor sinchiklab tekshirilishi va boshqa(lar) o. sababi aniklangandan so'ng shifokor nazoratida davolanishi lozim.