قالتها العظيمة أمنا
" عيب رجال الصف الأول يمتسح تاريخهم بسبب صعاليك "



آن لهم أن يحترقوا في جحيم من غضبنا
لتتحرر تعز
ولنكن نحن أبناء الحالمة من يكسر قيدهم


#G_F_B

طبعًا في ظل هذه الأحداث
ورغم إننا نمشي على الطريق الصح
فصوتنا واحد بعيدًا عن الحزبية
و نطالب بحق وحرية
إلا إن الحاقدين على تعز بيظلوا ينبحوا
تعرفوا ليش
لأنه مذاق الحرية ما يستلذ به إلا الأحرار
أما يلي هو فارح بالعبودية
وما يقدر يعيش إلا إذا في واحد يرعيه ويقوده مثل القطيع
بيجلس يجيب كلام فارغ عن الفوضى والفساد ومدري ايش ويدور له أعذار فبتلاقيه يسرد لك الجرائم من وإلى وهو أصلاً نفسه عايش بمستنقع
فبلاها تجي تقلب علينا إنك الإنسان الصح ويلي عايش بكل رفاهية وتروح تطعن في حرية تعز وأبناء تعز
واذا كان معاك مشاكل مع بعض أصحابها
فمش معناه إنك بكل تعليق وكل مكان نلاقيك تنبح
أنتم وأنتم وأنتم ويقتلب ذاك السياسي الناقد يلي عنده نظرة عميقة وحدس قوي
يا أخي لا تحرق قلبك علينا ولا توجع راسك ولا شي
خليك بحالك لأنه وضع إنسان يهاجم حرية الآخرين يكون مثير للشفقه والسخرية لا غير . .



#G_F_B

خلونا نتفق إن التربية مالهاش دخل بالأخلاق
يعني مثلا
شخص ضابح وضيق وتاعب تجي أنت تتحرشه أو تناحشه كيف تشتي يكون معك؟ يزيد يبوسك مثلا!

شخص مارقدش سع الناس
شخص ما أكلش
شخص جاوع
شخص ماحصلش عمل وضابح من الحياة
شخص معه مشاكل
شخص مزاجه مش بمكانه
شخص نفسيته مش تمام

وانت تجي تشتي يكون اخلاقه معك زي العسل
يعني هنا من قليل التربية؟ أنت
ايوه نعم أنت لأنك أنت المتحرش والذي تدور من يصبنك وبعدا ترجع تقول الاخلاق ومدري ايش
اتفقناااااا.



#طالب_ضابح 🐸💔

الأصعب من دراسة الطب والامتحانات والضغط ايام الدراسة هي لحظة الإدراك ما بعد التخرج وأنت الوحيد أمام المريض والملزم بالتشخيص والعلاج والمتحمل لكل المسؤولية في حال حدوث أي مضاعفات.
خلال أيام الدراسة ، جهزوا أنفسكم لهذه اللحظات الصعبة ، لا تخلوا مذاكرتكم فقط للإمتحانات ، ومراجعة MCQ ونماذج سابقة وخلاص.
الموضوع اصعب من هذا بكثير ، الموضوع يشتي تدرس وتذاكر صح عشان تعرف تشخص صح وتعالج صح.
النماذج ما بيخرجينك طبيب ، ولا بيعالجين حتى نزلة برد ، وبتكتشف هذا بأول يوم دوام وانت لحالك انت والمريض ، لما تنسى حتى ال CBC 🥲.

طلاب الكلينيكال ، اغلب اوقاتكم بالراوندات في الأقسام ، حاولوا بكل جهد انكم تحتكوا بالحالات وتاخذوا القصة المرضية ال History وتفحصوا المريض بشكل صحيح وشوفوا الأدوية وجرعاتها وطريقة إعطائها والخطط العلاجية لكل مريض عشان تخرجوا بأكبر قدر من الإستفادة ، ولا تمكنوها مرور الكرام ودخله خرجة وتأشيرة حضور وتوقيعات وبس .

انتبهوا من الآن وعادكم بتدرسوا ، عشان الموضوع بيكون صعب وقدكم خريجين .
الان وعادك بتدرس لو غلطت عادي في جنبك من يعدل عليك ومن يعلمك ، وبيقولوا عاد هو بيتعلم ، لكن وقدك خريج ومحسوب طبيب ، غلطتك محسوبة بألف ، وبتتحاسب على ابسط شيء ومحد بيرحمك .

#نصيحة-من-المستقبل.... 😁🤓
#طبيب_ذماري

الأصعب من دراسة الطب والامتحانات والضغط هو انك تحصل شغل وعمل بعد التخرج
ترجع تدور شغل حتى ببقالة وانت خريج طب بشري.






#طالب_ضابح 🐸💔

لما تنقل مجموعة ثانية بسبب مندوبها اللي كان يغيبك ويسألوك عنه :


#ادمن_ابراهيم

...ولعل آية من القرآن تتلوها تكون سبب للمغفرة،ودخولك الجنة🤍...

من أتم القراءة،فليتفاعل ب❤️

#الورد_اليومي 🤍

كيف تنشهر في اليمن بثلاث خطوات وانت يمني
اعمل نفسك من غزه
اعمل قناة بالتيليجرام وعلى انك من غزه
نزل منشورات انك من اهل غزه






#عقلان 🐈‍⬛️

قناة لواحد من غزة بدون يمين .

https://t.me/+otDRLzoedXxhYjZk







#طالب_ضابح 🐸💔

يعجبني الذي يتعصب ويكارح ويدقها جمهورية وهو والله ماله علم منه محمد محمود الزبيري ولا منه علي عبدالمغني ولا اهداف الثورة ولا في أي سنة قامت ولا داري اين هو

هكذا قصده بمكارحه.




#طالب_ضابح 🐸💔

..







#طالب_ضابح 🐸💔

أمسيتو بالخيير يا خبرة
كيف كلن وحاله؟

أمس يمكن كان العيد الوطني حق السعودية
تمام خلوا السعوديين يفتخروا ويحتفلوا براحتهم ما قلنا لهم شي بلدهم

لكن حين أبسر يمنيين فارحين أكثر من السعوديين أنفسهم هانااا ما عاد أسكت

يعني خلاص قد اغتربتوا بالسعودية وتجعجع الذي تجعجع منكم من أجل يحصله الزلط الذي انهان من أجلها
وبعد الترحيل لليمنيين منها
تجي أنت بكل فخررر تحتفل بالعيد الوطني ؟؟

والله ثم والله بين أخزى أمس وأنا أقلب الحالات شاقحين علم السعودية وهات يا أبي هات من فرحةة وفيديوهات

أمي وهي أمي ما قد أحتفلت هكذا بعيد ميلادي ولا بتذكره أساساً

وهم أنفسهم هوذاا الذي رفعوا علم السعودية ماهمهم عيد وطني واحد لليمن
ولا بين نبسرهم رفعوا علم اليمن ولا تذكروا أن أصلهم يمني
وقد خبرهم كله أبغى وأبى
مسرررع بيقلبوا الشرائح خبرتنا سبحانه

مش هو حالي تتنكروا عن أصلكم وتفرحوا هكذا بأعياد البقية لكن قروا للزنقعة وعادكم شتبسروا بالتعليقات أكيد واحد يقول اكلنا من خيرها وخبر فاضي
عليكم به ما أوصيكم

(لكن سهل دام ما عاد بش إنتماء للوطن هكذا ، أنا بإذن الله حين أسافر بنقلاديش عاد أحتفل بالعيد الوطني حقهم إذا به وأشقح العلم حقهم بالحالات وأنشر لكم هانا الأجواء حق الإحتفالات
من أجل أننا بين أشتغل هاناك وراتبي من هاناك سابر!!)


#رأيي_الشخصي_كمواطن_يمني_أصيل 🇾🇪

وسلامتكم


#مـيـجـالـووو

الواحد منهم معيش اسرة كاملة
أكثر من خمسة مليون مغترب ومعيش أكثر من عشرة مليون وأكثر فرد من عوائلهم وعاد لنا وجه نستنكر احتفالهم
وعاد لنا وجه نفتح لقفنا ونتكلم
اقسم بالله انه عيب
لولا هذه الأعداد الكبيرة والمبالغ الذي يرسلوها انحنا نتقاتل على اللقمة وكل واحد يقتل الثاني عشان يشل عليه لقمة عيشه ولأسرته.


يفعلوا الذي يشتوا ويحتفلوا بالطريقة الذي يشتوها يكفي إن اسرهم وعوائلهم عايشين حياة كريمة ومستورة.




#طالب_ضابح 🐸💔

ياخوك بين نتكلم على الوطنية
ناس نسوا من هم وأيش أصلهم بس من لما يعبروا الحدود وأنت أبسر لك المصيبة
حين يتنكر عن أصله
وين ما سافرت وعشت حتى مليون سنة خارج بلدك أنت ذليل خارجها لو عندك ملايين
ما تعزك إلا بلدك

اسأل كم من مغترب يمني كيف حياتك
أتشوفه تاعب مجعجع يا الله بيلاقي هاذيك ال ٢٠٠٠ ولا ٣٠٠٠ سعودي وعاد نصها تخرج حق كفيل ووو
والقليل الذي بيرسله لأهله في اليمن

هم هولاا الفئة الذي ما يحتفلوش من تعبه ومعاناته
الذي بيحتفل الذي راتبه فوق ال ٩٠٠٠ سعودي
ومفتهن وعلى كيف كيفك
هم هوذا الذي يحتفلوا وهم مبسوطين الذي أكلنا من خيرها وخبر

مش هي توزع لكم صدقات أنتم بين تشتغلوا وتكدوا ليل نهار ودوامين ما يدوا لكم هولا الرواتب إلا بعد ما يفعصوكم مثل الليم

صحيح كل الشعب قد اغترب لكن القليل بس الذي عايش مرتاح
و لا ننكرش حالتهم المتعبة وبين اتكلم من واااقع والذي بين أشوفه بعيوني



#مـيـجـالـووو

وللعلم اليمنيين خرجوا من اجل السعوديات
لا من اجل الدولة ولا جدتي
أنت بس فهمت غلط

اليمني دائما يحب أي شي مؤنث
السعودية
والسعوديات.






#طالب_ضابح 🐸💔

القرآن يا صَاحبي القرآن!

لا تُغيِّبه عن يومكَ ؛ فيغيبُ النور ، وتموتُ الرُّوح

ابدأوا يومكم بوردِ القرآن 🤍✨


#غيمة ☁️