السبب الي بخلّي هي القناة مختلفة عن كتير قنوات وصفحات منتشرة...
بتلاقوه بوصف القناة
ماكتبته من فراغ.. أبداً..

معلش تضيفوا ناس للقناة؟
ابعتوا الرابط عغروبات الدفعات مثلاً أو ماشابه؟
https://t.me/Med_Gate
🥹🥹🥹

✅مناعة
✅فيزيولوجيا
✅أورام
✅أشعة


شو لسا عندكن؟

في سلاسل عم اشتغل عليها وأشياء كثيرة
حابب اهتم بهي القناة
لهيك سألت عن آدمنز
في أفكار توسعية لقدام
والّي استفسر عن كيف بيصير آدمن وشو بيكسب بظن أخد فكرة عن المخططات الي براسي🌚

من سلاسل المنشورات الي حتكون موجودة:

- مصادر تعليمية للمواد (غالباً مو معروفة كتير بس أنا مجربها وفادتني من قبل)
- أسلوب دراسة بمواد معينة غير مطروق أو غير شائع عنا
- السفر والتعديل والعمل بدول مختلفة


شو لسا بتتوقعوا في أشياء؟ وشو لسا بتتمنوا أو بتحسوا إنو لو في شيء موجود كان بفيدكن كتير أو بيحللكن مشكلة؟

ادرسوا ألماني أشرفلكن🤣🤣🤣
مبروك ياشبيبة🙏🏻❤️
عقبال مايعترفوا بشهادتنا🤡

ملخص لقاء وزير التعليم العالي د. مروان الحلبي حول الامتحان الوطني:

- الامتحان الوطني سيلغى كشرط للتخرج ، وسيصبح شرط للقبول في مفاضلة الدراسات العليا والتقديم على المفاضلة الموحدة للكليات الطبية

- وسيتم اعطاء قيمة للفحص الوطني 50 أو 60% من معدل التفاضل وهذا الامر سيتم الاتفاق عليه في مجلس التعليم العالي

- بالنسبة لطبيعة الأسئلة سيتم توصيف مقرر واضح ومعلن على كافة المواقع الخاصة بالامتحان الوطني

- كلية الطب ستعود إلى فحص الدكتوراه الذي كان يتم في السنة السادسة قديماً قبل الفحص الوطني، يشمل 30% للمقابلة السريرية (فحص المريض ومهارات سريرية) و70% امتحان نظري يضعه دكاترة الكليات نفسهم

- هيئة الضمان والجودة ستتابع جودة المناهج وضمان سير العملية التدريسية واي جامعة لا تطبق هذه المعايير ستوقف عن الاستمرارية

- امتحان الدكتوراه سيكون في الشهر الثامن غالباً ، ولمن لا يريد التقدم الى الاختصاص يتقدم اليه ويتخرج دون الامتحان الوطني

- بالنسبة للصيدلة وطب الأسنان بعد انتهاء السنة الخامسة يصبح الطالب متخرجاً دون تقديم امتحان الدكتوراه (اي فقط لطلاب الطب البشري)

- نتائج المفاضلة الموحدة للكليات الطبية تحتاج حوالي 10 أيام إلى اسبوعين حتى صدور النتائج

السبت القادم برد خبر للجميع🙏🏻

لسا المشاركة مفتوحة للاثنين

ولا فيزيو🌚
فاتحة نفسي على عمل الخير🤣🤣🤣
نقوا وخبروني🤣🤣❤️

سألتكم بس حتى شوف ردة فعلكم🤣🤣
عندي نظرية
شخص ما بشوف شي مجاني
ضمن اختصاصه
بس مو بحاجته
بس مادام مجاني ف بيسجل فيه حتى لو ماحضر

بينما لو مدفوع بالعكس بعتقد
ف بدي شوف تغير الاراء

يعني شخص بيسجل بشيء مجاني فقط لأنه مجاني مو لفائدته أو لاحتياجه

ف الموضوع يستحق التأمل.. لهيك سألت.. فقط لا أكثر ولا أقل


انشرولنا القناة
كرمال اسبوع الجاي
https://t.me/Med_Gate
هي رابط
يلا🥳

ميكروبيوم الأمعاء: الأصدقاء الصغار اللي بيأثروا على نفسيتك 

داخل أمعائنا عايشين تريليونات من البكتيريا "الصديقة" اسمها ميكروبيوم الأمعاء، واللي إلها دور أساسي مو بس  بهضم الأكل، بل كمان بتنظيم مزاجنا وصحتنا النفسية.
ح اعطيكم معلومة عالسريع، الأشخاص اللي اتولدوا ولادة طبيعية وتم إرضاعهم طبيعي في أول سنة أو سنتين من عمرهم، جسمهم بيكوّن ميكروبيوم أقوى ومتوازن أكتر من اللي اتولدوا قيصري أو ما رضّعوا طبيعي..
ليش؟ لأن خلال الولادة الطبيعية، البيبي بيتعرض لبكتيريا الأم الطبيعية، ورضاعة الأم بتغذي البكتيريا الجيدة داخل الأمعاء.

طيب، الأشخاص اللي انولدت قيصري أو ما رضعت طبيعي كيف بتعزز الميكروبيوم بجسمهم؟

في طرق نقدر فيها نعزز ميكروبيومنا حتى لو الظروف ما كانت مثالية من البداية..
كيف نقدر نساعد ميكروبيومنا اليوم؟

الألياف صديقتنا: أكل الخضار والفواكه يومياً بيغذي البكتيريا الجيدة وبيخليها تكبر وتزدهر.

البروبيوتيك: الأطعمة اللي فيها بكتيريا مفيدة، متل الزبادي الطبيعي، الكفير، والمخللات. ممكن تساعد تعوّض نقص الميكروبيوم.

قلل السكريات والأكل المصنع: لأنه بيغذي البكتيريا الضارة اللي بتخلي المزاج متقلب والهضم تعبان.

ممارسة الرياضة: حتى لو مشي بسيط يوميًا بيشجع نمو بكتيريا صحية.

الماء: مهم جدًا للحفاظ على حركة الأمعاء ونشاط البكتيريا.

وأخيراً حابة اذكركم إنه صحتنا الجسدية بتعكس على النفسية، ف اهتموا بحالكم منيح، لأن الصحة ما بتتعوض🌷.

د سدرة جبر
https://t.me/Brain_Gate/481

#ميكروبيوم #mikrobiyota #صحةـالامعاء #ولادةـطبيعية #رضاعةـطبيعية

متلازمة الكرب التنفسي الحاد
ARDS
ملخص شامل وخريطة مفاهيم🙏🏻

أشياء أخرى بالتعليقات❤️

في عالم سرقة الانتباه.. كل الشركات تتسابق على جزء من الثانية من وقتك.. حتى تفقد أدمغتنا قدرتها على المتابعة.. والاحتفاظ بالذكريات التي تستحق..

هي المساحة مخصصة للطب، وللتعليم الطبي، بوقت صارت فيه المعلومات عم تنتشر ك Reels و صور بتسخّف العلم (وبتعطي معلومات غلط بكتير أوقات)، وبوقت صار فيه الPop medicine منتشر أكتر من الطب الحقيقي.. ورغم هيك لسا في أماكن بالعالم (متل سوريا وغيرها من الدول العربية ودول العالم التالت) عم تستخدم أساليب قديمة في التدريس، عم ترتكز على الحفظ البصم، وعلى اختبار كمية حفظك، بيتخرج الطبيب عاجز يمارس المهنة.. طبيب بالاسم.. وتأتي كذبة (بتتعلم بالاختصاص) أي أنك بعد 6 سنين من الحفظ.. طلعت بدون أي شيء.. وقدامك لسا سنوات من الاختصاص لحتى تتعلم كيف بتكون طبيب؟ غريبة شوي.. صح؟

اليوم كنت بنقاش مع أحد الزملاء عن قصة دكاترة الجامعة والفهم بالمدرج.. هيي كانت عم تحاول تقنعني انها بتستفيد من الحضور ومن الدكاترة.. وهاد شي حقيقي لكتير ناس وصحي وطبيعي.. بس ياترى.. لو كان الحضور مفيد للجميع.. ليش الأغلب بيتهرب؟
رغبة بالراحة؟
قلة مروة؟
كسل؟
ظروف مادية وأمنية؟

كل هالأشياء عوامل.. بضل عنا قسم من الطلاب.. ماعندها ولا شي من هدول.. بس مابتحضر.. لأنها حضرت.. وما استفادت.. منقدر نشوف بأي مدرج لما دكتور مادة بيطالب بالحضور كيف المدرج مليان.. وربعه (على الأقل) منشغل بأشياء جانبية.. وربعه الآخر شارد أو ملتهي بهدوء.. وربع عم يسمع.. وربع أخير عم يحاول يفهم وماعم يقدر..

أنا لا أؤمن انو التعليم عنا بسوريا تعليم جيد.. وأؤمن انو الشخص الفهمان الي بيطلع من سوريا فهو بسبب جهده الشخصي بنسبة كبيرة.. سواء بالطب أو بغيره.. أو حتى من الثانوي.. ولكن رغم تفاؤل الكثيرين بأن سقوط النظام السابق رح يحوّل البلاد لجنة.. ورغم تصريحات المسؤولين الجدد المفعمة بالشعارات (متل القديمين).. فأنا غير متفائل بأي تطور في التعليم والانفتاح على العالم..

ربما منحفظ طلاب أكتر.. أو منعلمهم عملي أكتر.. لكن بناء العقل عنا مهدور ومُهمَل.. ولا تصدقوا إنه ممكن أي إنسان ينجح بمجرد الشطارة بممارسة أي شيء.. بناء العقل أساسي للنجاح الفعلي.. وإشباع الذات.. ونحنا لو كنا قبل عم نهدم العقل.. ف اللي جاي حيكون وأد للعقول حتى وليس هدم.. ولأسباب معروفة.. لذلك عملت هالقناة من زمان لأني كنت مآمن بسوء التعليم عنا.. وأهملتها فترة.. لكن هلا ولأني بعرف الاحتياج حيزداد.. واني مو لوحدي عانيت وعم عاني من الدراسة والتعليم رغم رغبتي بإني كون أفضل بهالاختصاص.. رح كمل فيها ورح اهتم فيها أكتر.. ولهيك عم ابعت متفرقات كل كم يوم حتى يزيدوا المتابعين شوي قبل ما بلش حط كل جهدي فيها..

اذا وصلت لهون بحب اشكرك.. انك قرأت وسمعت.. هي مجرد فكرة خطرتلي.. ورسالة حب لكل حدا لسا عم يحاول يبني عقله ويتعلم فعلاً.. مو يحفظ وينغلق على نفسه.. بزمن صارت فيه الدول العربية والأمم المتدينة هي بآخر درجات الانحطاط الفكري والعلمي والأخلاقي.. انت شمعة صغيرة بهالفضاء المعتم.. لذلك شكراً إلك مضاعفة..

ودُمتم بِخير، وحُب..🙏🏻❤️

أول خطوة في طريقك لترجع شغفك بالطب هي إنك تتفهم إنه الشغف ليس شيئاً دائماً ولا مستمراً.. وليس رغبة لحظية.. وليس مجرد نشوة أو حماسة ثم تختفي.. والطبيعي جداً تحس بإحباط وتحس بصعوبات ومشاكل وكوارث حتى في طريقك.. لكن لا تعتبر أن الطب (أو التعلم عموماً) هو عبارة عن مهمة يجب إنجازها.. هي رحلة.. وطريق حياة.. وأسلوب تفكير.. وصدق أو لأ إنت بحاجة المنطق بالطب أكتر مابيخطرلك..

تاني خطوة
إنك تكون لطيف وحباب وتبعت الرابط على غروب دفعتك
https://t.me/Med_Gate
كرمال الكل يستفيد

وتالت خطوة تقرأ الرسالة المثبتة🙌🏻✌🏻❤️