الحمدلله يارب
اطلقت دورة اساسيات الاشعة
مشروع ضخم ان شاء الله تستفيدوا منه
دعواتكم لي بالتوفيق

https://youtube.com/playlist?list=PLIkx9SpZGyFKFEdel1MWrVawdg8wp-rwS

يا دكاترة انتو متخييلن الدورة دي شغال عليها من ٣٤ يوم بشكل مستمر ؟؟؟ اخ الحمدلله
‏كل يوم بشتغل فيها من ٥ الى احياناً ١٢ ساعة في اليوم
‏انا متأكد اللي راح يدخل الدورة دي راح تتغير نظرته على الاشعة للأفضل بإذن الله ❤️❤️❤️


عاد يمديني دحين اقول لايك وشير و سبسكرايب 🙏🏻😂

السلايدات موجودة في وصف الفيديو حملوها 🔴
رابط السلايدات👇
https://drive.google.com/drive/folders/1diaDgCBtJoPgartPt4MTPR10dxGs5b5J
👆👆

الدورة عبارة عن ٦ فيديوهات شاملة الاشعة كلها بإذن الله

كل الفيديوهات صارت public
معليش على التأخير

اخواني واخواتي اللي في الامتياز وصلوا لهم هذا القروب

#اسئلة

احس نفسي متأخرة تعبت من هالشعور محد من اهلي او اللي حولي يحسسني بذا الشي صح، بس انا دايم احس نفسي متأخرة تعبت


اجابتي:

احساس صعب اعرف
هاذي قصتي
انا احتجت ٣ سنين عشان انقبل في الكلية
سنتين في التحضيري وبعدها علاج طبيعي وبعدها انقبلت
الان اصحابي الكل خلاص اتخرجوا واللي اتزوج ماشاءالله واعرف واحد ماشاءالله ربي رزقه بولدين حتى
اتذكر الموضوع دا مأزمني فترة طويلة من حياتي (والى يومك دا احياناً احس بالاحساس هذا)
لكن الشي اللي مصبرني كلام ربي
كُتِبَ عَلَيْكُمُ الْقِتَالُ وَهُوَ كُرْهٌ لَّكُمْ ۖ وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ
في البداية ماكنت حاسس فعلاً بالاية بس كنت بحاول اني اقتنع بيها (مع اني ماكنت اعرف ايش ربي مخبي لي، رؤيتي كانت قاصرة ومحدودة )
لكن ربي بين لي الاسباب بعد ما صبرت ٣ سنين في الكلية (من بعد ٦ سنين من حادثة انكسرت فيها رجلي واتغيرت فيها حياتي كلياً من بعد هاذيك النقطة)
ستة سنين كثير اعرف لكن الآن ربي بين لي فعلاً انو لو انقبلت في الكلية مباشرة ماكان في صالحي
الحمدلله الآن فخور بنفسي وفخور بمعدلي و فخور بإنجازاتي.
الاحباط اللي حسيت فيه هو اللي خلاني انطلق واندفع اني ابغا اثبت نفسي وما اعطي مجال للكسل …

المكان اللي انقبلت برا مدينتي… وفيه للأسف الناس فيه غير متعاونة (فيه الناس الطيبة اكيد) ما اعمم واقول الكل بس مافيه هذاك التعاون…وفيه راعين المشاكل وفيه وفيه. انا تعبت الصراحة وقلت ياخي ايش القرف دا اللي انا فيه
المهم فقررت اسوي دليل طالب الطب، عشان ما عمرو احد يحس نفسه ضايع…
اتذكر واحد الله يستر عليه كنت بسأله اول عن تخصص معين ابغا افهم منه لأنو اخذ تدريب في هذا التخصص (قام رفض يعطيني اي معلومة خايف من التنافس وايوة قال الكلمة دي بشكل صريح😂😂😂 عنده مشكلة في التواصل مع البشر) شر البلية ما يضحك
وفيه اللي يصرفك بكل احترام وفيه اللي ما يرد عليك شر وفيه اللي يرد لكن مو داري عن الدنيا ويعطيك معلومات مغلوطة (يُشكر على المشاركة لكن قول ما اعرف)
البعض يحسب العلم محكور عنده و حصري
المهم اني اتنرفزت وقتها وقلت الله يستر عليكم
وقررت افتح دليل طالب الطب وارشف كل مجهودات الناس اللي قررت تعطي معلوماتها بالمجان

"العلم للجميع" دا الشعار اللي ماشي عليه للآن واللي معاي يعروفوني اني اطبقها الحمدلله

المهم لو انا انقبلت في مدينتي وفي الكلية اللي تمنيتها في البداية ماكان مريت بدي الصعوبات (لأن فيها ماشاءالله ناس متعاونة وبرامج من السنوات اللي اكبر للدفع الاصغر)
وماكان سويت دليل طالب الطب ولا كان تميزت بين اللي حولي (بعد فضل ربنا)

دا كله من فضل ربي وابداً مو شوفة نفس لكن ماراح ابخس نفسي كمان

كله من فضل ربي لكن برضو اجتهدت …وفضل ربي علي كان انو حطني في الموقع الصعب هذا)

المهم بعد هذا الكلام كله…هل انا راضي ؟ نعم راضي ٩٥٪؜
فيه جزء غبي مننا لازم يطلع ويقول اخ ياليت وهو ال ٥٪؜ دا
فمافي امل انك تنسى او تتغاظى ١٠٠٪؜
وانا اشوف دا الشي عادي

ولا تنسى ان ممكن ان تاخرت الان لكن قدام ربي كاتب لك القبول اسرع من غيرك (البعض يتعثر وينتظر دوره في القبول لمدة ٣ سنوات او ٤ حتى في بعض التخصصات التنافسية)
طبعاً هذا قرارهم يعني بس يعني بقلك انو التأخير مو شي المفروض يبهذلك كثير

نصيحتي؟ حاول تتميز بالقدر اللي تقدر عليه…راح ينسيك كل شي، اعطي لنفسك احترامها بالانجازات (انا صعبة علي اتقبل نفسي من دون ما اسوي شي احس نفسي بخدع نفسي…مرة ما اقتنع بكلام المحفزين اللي يقولو تقبل نفسك كما انت و و ) يعني اذا تقدر الله يوفقك بس بقلك هذا حل عملي

والانجازات مو لازم تكون كبيرة بس زي ما قلت لك شي يعطيك احترامك
الانجازات اما دراسية او برا الدراسة
انجازات في صحة جسمك او صحتك النفسية
المهم اعطي شي لنفسك عشان تحب نفسك وتقول اي انا اعرف قدر نفسي

الله يشرح صدورنا جميعاً
كلام طالع من القلب و تجربة شخصياً يارب يكون استفدت منها
🙏🏻

انا الان سنة خامس
دفعتي السابقة الان انتيرن
والحياة حلوة و مبسوط الحمدلله
تيكت ايزي وخذ نفسسسسسسسس ترا الحياة مرة سريعة
تتذكر معاناة واجب الرياضيات ايام اولى متوسط ؟
يب ولا انا
ودا اللي راح يصير بعد كم سنة
ماراح تتذكر صعوبة اليوم دا ❤️

تذكير ترا بكرة ٩ محرم اللي يبغا يصوم يوم قبل عاشوراء

عقبالكم

اذكروني بدعوة

🟣🟣🟣مجاني🟣🟣🟣

‏يقدم نادي أرشدني بجامعة الملك سعود بن عبدالعزيز للعلوم الصحية الدورة التعريفية لمادة المصطلحات الطبية وذلك يوم 14 August لمدة 7 أيام

‏نطمح بتعاونكم معنا لنشر رابط القناة لتتم الاستفادة بها لأكبر عدد من طلاب التخصصات الصحية❤️

‏الدورة مجانية وتم الاشراف عليها من قبل عمادة نادي الطلاب بالجامعه 🙏🏼

‏رابط القناة:
‏⁦ https://t.me/+h6WT_TW9pUIwZGQ8⁩

‏رابط التغريدة في حساب نادي أرشدني:
‏⁦ https://twitter.com/arshidnyclub_j/status/1557006562551599108?s=21&t=enmfw-qzZPmX76RfrQPztQ⁩ ⁦ https://twitter.com/ArshidnyClub_J/status/1557006562551599108⁩

.
.
.
.
.
.
.
.
.
.
.
.
.

بإذن الله حخليه انا والشباب شي كبير
لازم نستغل النت في مصلحتنا. الخير لازم يوصل للكل والعلم لازم يوصل للكل

اذا استفدتوا مننا في الدليل ولو شي واحد لا تنسوا تدعوا لنا
الله اعلم متى اموت وما راح يبقى لي شي في دي الدنيا الا الدليل 🙏🏻

السلام عليكم ورحمة الله و بركاته
يا اخوان اللي عنده علم في ال
Questionnaire validation
ياليت يتواصل معايا ويكسب الاجر

خلاص نكمل بكرة تصبحون على خير

فيه ناس لسا ما تعرف دا القروب
قروب الدعم للأبحاث
فيه فرص بحثية و data collection
(مافيه نشر استبيانات)

https://twitter.com/ksau_admission/status/1559435584829116419?s=21&t=PHD-EtJEVp6EGBOJUY3wQQ

بكرة يبدأ التسجيل في المسار الثاني للقبول في الطب في جامعة الملك سعود (الرياض و جدة)
هذا المسار لحملة البكالوريوس الطبية (تقريباً اغلب التخصصات الطبية ما عدا التمريض، بس اتأكد اذا تخصصك موجود او لا)
اللي ما يعرف المسار الثاني يروح للرسالة المثبتة ويضغط على هاشتاق ما انقبلت في الطب
وراح يعرف كل التفاصيل عن البرنامج من الى

المجتمعات موجودة مو بس عشان تتشاركوا المصادر والمعلومات
لكن اهم شي عشان تسوي فريق يضم ناس فعلاً مهتمة في التخصص
وتطلعوا ببحث كويس
اتواصلو مع الاستشاريين، وخلي علاقتكم قوية (اسهل طريقة عن طريق التدريب الصيفي…بحيث الاستشاري يشوف مستواك وعليه تقدر تشارك ويكون لكلامك وزن يعني)
ما يحتاج الكل يكون معاه علاقات…تحتاجو شخص واحد فقط يتواصل مع الاستشاري وهو يكون حلقة الوصل بينكم
بالنسبة للأفكار ما يحتاج انتو تطلعوا بالافكار بس…انتو طلعو الافكار وضروري تسألوا الاستشاري اذا هو عنده افكار ويبغا يستخدمها (غالباً الاستشاري هو انسان متطلع على الوسط العلمي ويعرف فين الثغرات اللي ممكن يمليها)
كلمه وقول له انا فريقي مهتم ومستواهم ممتاز عرف بنفسك خليك بروفيشينال
حتى لو ما شاركت في بحث قبل كدا قول استغل ابسط الخبرات اللي عندك.
عندك دورة في البحث العلمي؟ ممتاز اذكر هذا الشي
عندك خبرة في التحليل الاحصائي؟ احسن واحسن
ماتعرف شي لكن عندك علاقات؟ ممتاااز ترا يبغوك.
بالذات راعي العلاقات دا الناس تدور عليه.
وفر ارقام محللين احصاء مثلاً من اللي حولك او اللي اكبر منك (اعرف الاسعار وكم المدة وايش الخدمات اللي يوفرها)
اكتب لسته بالمتطلبات اللي يبغاها المحلل وارسلها (الثانين بيكونو ضايعين فلمن يشوفو منك مثل دي الشغلة راح يرتاحو معاك)
غالباً العلاقات تبدأ تنبني بعد اول تدريب تاخذه (الدنيا راح تنفتح لك صدقني)
عندك access لنظام المستشفى ؟ حلو اذكر هذا الشي لأنه ممكن يساعدكم في الابحاث ال
Retrospective studies
وتدخل على قاعدة البيانات عشان تجيب المعلومات
غالباً اللي انجليزتهم كويسة هم اللي راح تتسهل حياتهم في البحث العلمي فقوي من انجليزيتك وكتابتك.
للأمانة اللي انحليزته تعبانة ماراح ياخذ دور في الكتابة وراح يكون عبئ وانت ما ترضاها على نفسك احد يفكر فيك كدا (هذا الواقع للأسف)

قلتها كثير وحقولها ثاني
اللغة الانجليزية اساسية في الكلية…ولا ترضى بمستوى متوسط بس
لا
اتقن الانجليزية وصدقني ربي راح يفتح عليك
ما تبغا تعتمد على فلان ولا علان بس عشان يمشي شغلك


وجودك بين الكتب بس مايعني الكثير
الطب يحتاج علاقات ويحتاج (تعرف كيف تسوق لنفسك!)

الله يفتحها عليكم
عسى المبادرة تجمعكم وتطلعوا بأبحاث تخليكم تنقبلوا في التخصصات اللي تتمنوها

دعواتكم لنا

السلام عليكم ورحمة وبركاته كيف حالكم يارب تكونو بخير
طيب دي قناة انا عملتها وبحاول انزل فيها قد ماقدر الاسئلة المتشابهة مع بعض اللي شخصيا كنت الخبط فيها
(ممكن الجواب يكون غير عن البعض لكن ممكن الواحد يستفيد من الترتيب
https://t.me/+T6Qfi895khAzNWQ0

واذا كان في اي تعديل في الاسئلة او ناس عملت اسئلة متشابهة ارسلوها لي بالخاص ويصير ارسلها باذن الله وبالتوفيق يارب

لإختبار الهيئة