ارسلوها لأخوانكم و اخواتكم في الامتياز
كيف تكتب ال progress notes

لو تبغوا تكملو دراستكم في اميركا 🔵⚪️🔴

مؤتمر الجراحة في تبوك
اللي يبغا يسجل فيه

اي شخص ما انقبل طب ارسلوا له هذا الملف

اعتذر الدكتور اليوم بظرف طارئ

دورة فريق SAIL للبحث العلمي (مرفوع الدورة بشكل مجاني على الرابط)
جزاهم الله خيراً

مجانية 🔴

#البحث_العلمي

دورة جامعة الملك عبدالعزيز راح تكون لايڤ والظاهر راح يعطوكم ريكورد بعد الدورة (دا اللي صار السنة الفايتة)

مدفوعة 💵
🔴اذا ما تقدر تدبر مبلغ الدورة تواصل معهم وراح يساعدوك🔴

(مو اعلان وما احب اعلن للدورات المدفوعة لأن ما اعرف جودة الدورة كيف بتكون… (لكن انا استفدت منهم شخصياً السنة الماضية و الدورة ممتازة)
وعموماً اللي ما يستطيع فيه الدورة المجانية (فوق دي الرسالة مباشرة)
دورة فريق SAIL المجانية لمن لا يستطيع دفع المبلغ (مجانية ومرفوعة فيديوهاتها)


موفقين يارب

#البحث_العلمي

اللي محتاج data collectors او ناس يبغو يشتغلو معاه في بحث
سويت هذا القروب لكم
(رجاء لا ترسل استبيانات فيه) تواصل مع المشرف وهو ينزل الاعلان حقك
اما يكون اعلان انك محتاج data collector
او انك تحتاج احد يشتغل معاك في بحث معين فتسوي رابط تسجيل مثلاً وترسله للمشرف عشان ينشره لك

رابط القناة 👇
https://t.me/medachoolguideR

بالتوفيق يا دكاترة
#قناة_الدعم_للبحث_العلمي

اللي سألني كيف احسب نسبتي المركبة دا التطبيق راح يساعدك

#دوبي_انقبلت_الحمدلله_طب
#نصائح

نصيحة اخوكم خلص ٦ سنوات في الجامعة دحين
نصيحتي للي دوبه انقبل طب
حتسمع ناس يقولو شد حيلك قبل بداية الترم وناس تقول ياعمي فلها وانبسط قبل بداية الطب
طيب انا اسمع لمين ؟

لازم تستوعب انت طالب جامعي دحين…النصيحة اللي تسمعها من الشخص اللي قدامك لازم تحللها…هي طالعة من اي مبدأ؟ وهل الشخص اللي قدامك مخول يعطيك نصيحة (لك انت) ؟
يعني باختصار لا تسمع نصيحة واحد ماشاءالله انجليزيته ممتازة ويقلك روح فل في الاجازة

لا ياعمي ما يصلح…
اللي انجليزيته تعبانة 🔵لازم🔵 يحسنها بقدر ما يستطيع قبل بداية الكلية
(((وانا ما اقصد المصطلحات الطبية…لأنك راح تتعلمها مع الوقت لا تخاف))))
اللي اقصده اللي الانجليزية اللي كلنا نعرفها
كل كلية لها متطلباتها
كثير منهم مو بس يبغاك تقرأ كويس وتتكلم
راح يكون فيه واجبات كثيرة كتابية (وكثيييير منها على الكومبيوتر)

فنصيحة لوجه الله حسنو مو بس انجليزيتكم بس حسنوا كتابتكم على الكومبيوتر وتصير سريعة

انصح بدا الموقع
Typing.com
Monkeytype.com

مهارات الانجليزي مطلوبة في حياتك الطبية وصدقني ماعندك وقت انك تحارب المنهج وتحارب الانجليزي في نفس الوقت 😂



الرسالة اللي ابغا اوصلها:
اللي متعلم انجليزي كويس راح تسهل حياته كثيييير في الكلية
واللي ساحب على الدنيا راح يتفاجئ من الكم الهائل اللي لازم يتعلمه في نفس الوقت (واحنا ما نبغاك تكتئب من الكلية يا صاحبي)


…..
بالنسبة للي لغتهم كويسة يهتموا بمهارة الكتابة السريعة على الكيبورد برضه (هي نحتاج صملة اسبوعين وراح تقعد معاك طول حياتك)
على نفس الرابط
Typing.com

ربنا يوفقكم يارب ❤️

https://twitter.com/sultanneazy/status/1550941949468852224?s=21&t=FErX-RYEtJN9j9mRjzjaDQ

ثريد المؤتمرات اللي راح تحصل دي السنة 🔵🔵🔵
مهمممممممم مرة وخطير

#المؤتمرات_الطبية

#المؤتمرات_الطبية
#نصائح

المؤتمرات مو حاجة اجبارية تروحها ابداً
واذا رحتها ممكن تصير متفرج بس
ممكن تشارك في ورش العمل لو فيه
وممكن تقدم ال abstract حق بحثك
او ممكن متحدث حتى
انت اللي تقرر مدى مشاركتك

هل عليها نقاط في الهيئة (portofolio CV points) ؟
لا

هل المؤتمر مجاني ولا مدفوع؟
غالباً مدفوع وكل ما سجلت بدري كان ارخص التسجيل (نسبياً)

متى الوقت المقترح للتسجيل في المؤتمرات؟
بعد ما تخلص اول سنة كلينيكال على الاقل، قبلها راح يكون ممكن مضيعة للوقت وفلوسك اذا ماعندك العلم الكافي انك تفهم ايش قاعد يصير قدامك
+ ممكن ما تكون مهتم بالتخصص اصلاً خير شر

هل لو سجلت في المؤتمر ممكن يفيدني مستقبلاً؟
نعم وقت المقابلات تنحسب لك اذا يبغوا يفاضلوا بينك وبين شخص معين الاشياء البسيطة تفرق
+ راح توسع دائرتك المجتمعية وتتعرف على نخبة الاطباء في هذا التخصص…تواصل معهم وتعرف عليهم
وراح تتعرف على الطلاب المهتمين كمان

هل فيه اطباء اتوظفوا وهم ماراحوا ولا مؤتمر ؟
نعم 👍🏻

#دوبي_انقبلت_الحمدلله_طب
#نصائح

تعلمت ما اعطي تجربتي في الطب .
‏لأن البعض بس فالح يرفض وينتقد
‏كل شخص له تجربته الشخصية (لكن لازم تستوعب ان فيه في مكان ما برضو انسان راح يعيش نفس تجربتي)
‏انا انسان واقعي ما ادور على العالم الوردي اللي يتكلموا عليه الناس.
ابغا اقول اللي في بالي عسى توصل لكم بالطريقة اللي اتمناها

الطب خورافي
‏وانا مبسوط فيه الحمدلله
‏لكن لحد يسكت عن النواحي الثانية
‏فيه كرف وفيه جهد
‏وفيه متعة (للي يحب العلم)
‏لكن بطبيعة الامر الناس قدرات
‏واحد يحفظ ماشاء الله من مرة في المحاضرة
‏وناس ثانية(زيي) تحط مجهود عالي في حفظ المعلومة

اللي ماشاءالله عنده قدرة حفظ و اموره حياته موزونه يقلك راح تحافظ على حياتك الاجتماعية
‏اما الناس اللي تحتاج تحط مجهود في الحفظ والفهم
‏بخبرك من دحين الطب راح ياخذك جزء كبير من حياتك (اكيد اكبد راح يطلع واحد مخضرم دحين يقول هذا هبد)
‏انت شاطر ماشاءالله عليك
‏مو مكانك في دا الثريد 👍🏻

انا من الناس اللي اكتشفت اني احب العلم (من بعد ما دخلت الطب)
‏فدا الشي مصبرني الحمدلله
‏لكن الناس مختلفة
‏وقدرات الناس مختلفة
‏لازم الطلاب الجدد يستوعبو ان الطب مو طقطقة
‏وكلمة موازنة بين الطب والحياة كلمة مررررة مرنة
‏وتحتاج تفصيل
‏لأن البعض يحسب محافظته لحياته الاجتماعية ان راح…

راح يخرج كل يوم او كل يومين
‏البعض تعريفه للحفاظ على حياته الطبيعية هو ان يحضر مناسبات نهاية الاسبوع حق ابو ساعتين ثلاث بالكثير.
‏فاسمع النصيحة اللي جايتك عزيزي الطالب بحذر انت طالب جامعي
‏حلل وانصت، واذا قدرت خذ خلفية دي النصيحة كيف طالعة؟
‏مين اللي قاعد ينصحك؟

كلام كثير والله فيني بس انا عارف مافي فايدة حقيقة لازم يطلع لك هذاك المخضرم اللي يقول هالله هالله بالاحتراق الوظيفي وايش الهبد و و و
‏الكل ما يبغا يحترق وظيفياً/دراسياً لكن متطلبات الحياة اختلفت والقبول كل ماله يصعب.
‏تبغى تفهم الطالب انو اجلس وارتاح ولا يهمك احد و…

ينصدم بالواقع المرير بعد كم سنة ويالله يالله الحق نفسي بريسيرش والحق وامكن ما الحق.
‏خليه يعيش الواقع من البداية
‏اذا كان الواقع الحمدلله اخف من التحذيرات فالحمدلله
‏راح يحمد ربه انو كان مستعد
‏واذا كانت التحذيرات على قد الصعوبة برضو الحمدلله اقلها ما انصدم
‏لكن اهم شي ما يخسر…

نفسه بسبب صدمة ثقافية…يجي من اول سنة مو مستعد
‏واقسم بجلال الله انو يجوني كثير طلاب بنفس هاذي الحالة في دليل طالب الطب يكلموني في الخاص يقولو الناس كان تهون الموضوع وانصدمنا من اول سنة
‏لا كنا فاهمين انجليزي ولا قادرين نلحق المنهج وكل شي قاعد يتراكم علينا ومو قادرين نتدارك…

ما يقهرني اقسم بالله الا اللي يقول "طقطق في الاجازة قبل الطب "
‏طيب يا اخي انت لمن تنصح اعرف مستوى اللي قدامك
‏فيه مهارات كثيرة يحتاجها الشخص عشان يكمل بقطعة وحدة في الطب
‏الولد جاي بنفسه جاي يسألك "كيف اطور نفسي" تقوم تقله فل ؟؟
‏انت شاطر ماشاءالله عليك لكن نصيحتك ما عملت حسابها

ياخي بعض البشر غريبين يقلك لا دي تجربتك وترا فيه حياة اجتماعية (ما اتغيرت) من بعد الطب
‏طيب يا ابني خلي الناس تستوعب تراه spectrum
‏انت زبطت معاك غيرك ما تزبط معاه
‏خلاص قلت كل اللي في بالي مع ان النقاش هذا مقرف ومسموم حرفياً بس هزلت وربي
‏واللي مو عاجبه يقعد يصيح في الكتويت☠️

لازم تستوعب ان الحياة كد وكرف مهما كان تخصصك.
‏"ولقد خلقنا الانسان في كبد"
‏هذا كلام ربنا، مافي راحة في دا الزمن
‏لكن اياك واياك تعطيه صورة مغلوطة عن الطب.
‏انا ما قلت ان التخصصات الثانية مافيها كرف (كلامي للمخضرمين)
‏انا بتكلم عن واقع عشته،وشفته، وشفت مئات التجارب في دليل طالب الطب

والكلام اللي راح اقوله الان مو تهويل ابداً لكن واقع!الطب يطلب منك (خلال فترة الكلية) ان تستغل اجازتك ولا الناس راح تسبقك وانت قاعد مكانك
‏وغالباً راح تسويها في الاجازة عشان ما تنكب معدلك وقت الدراسة
‏١-التطوع (راح تجرب و و وبعدبن تكتشف ان التذوع دا مو في الهيئة ويالله دور على واحد)

عندك البحث العلمي
‏اول شي راح تدخل دورات (الجامعة ماراح تعلمك كويس)
‏وممكن تدخل مدرسة بحثية (صارت ترند الان)
‏موضوع البحث عشان يُنشر تحتاج مو اسابيع لكن شغل اشهر (مو دراما ابداً صدقني)
‏ومو شغل مستمر ٢٤ ساعة على الكومبيوتر كمان انا فاهم
‏لكن راح يقعد في بالك لازم تسويه غصباً عنك

‏واذا ما سويته انت يتخاطر في قبولك في التدريب/وظيفة مستقبلاً
‏تبغا تسويه وقت الدراسة حياك بس قاعد تلعب بالنار
‏عندك اولويات يا صاحبي
‏( لو عندك خبرة خلاص وسويت بحث قبل ودحين تبغا وسط الدراسة يمديك ان شاء الله)
‏بس انا اتكلم عن ال bare minimum

التدريب الصيفي ( اقل مدة هي شهر) واعمل حسابك اجازتنا صارت شهرين ونص
‏عشان تاخذ الشهادة لازم تلتزم بالحضور (تبغا تلعب بالنار وما تحضر انت حررر)
‏لكن الاساس انك تحضر

‏والتدريب (مو احباري اكيد) لكن كمية التخصصات الموجودة في الطب كثيرة
‏فدي فرصة ما تبغا تضيعها
‏ممكن تحاجني وتقول …

طيب انا ماهمني الا التخصصات اللي موجودة وقت الامتياز…طيب انت حرررر برضو لكن اعمل حساب ان راح تشتغل (طول عمرك) في تخصص…وما تستوعب انو فيه نخصص احسن منه الا مستقبلاً وتندم (التخصصات اللي مهي اجبارية وقت الامتياز مثل جراحة العظام و جراحة المخ والاعصاب، والاشعة وووو)

انا ما بدات دليل طالب الطب الا عشان ابغا الطالب يكون على بينة
‏واسهل له الطريق بعد توفيق ربنا ثم مساعدة الناس قدر المستطاع عشان ما يشيل هم
‏حرفياً سوينا كل اللي علينا في الميادرة عشان السترس وال anxiety يخف عن الطالب وما يحسب نفسه في بحر للضياع

‏كلمة اخيرةوعلى قد الصعوبات والمسيرة المشربكة دي
‏راح تلاقي ناس كثير تساعدك❤️وان ما حصلت احد دليل طالب الطب راح يثبتلك انو فيه خير للناس انا وفريقي ارشفنا اعمال الناس حتى ما تندثر
‏ويارب اكتبها كمان ونقدر نسوي الموقع ونتأكد انو العلم المتفرق يمين ويسار والمجهودات الشخصية دي ما تضيع

لا تخوف ولا تخفف
‏عيشهم الواقع
‏انتهى.

اخوكم فيصل زعفراني
صاحب مبادرة دليل طالب الطب

لمن تضغطوا على الهاشتاقات الموجودة في الرسالة المثبتة استخدموا الاسهم دي، راح تنقلكم على جميع الرسائل اللي فيها دا الهاشتاق