#التاريخ
⁦✨⁦👨🏻‍⚕️⁩⁩⁦👩🏻‍⚕️⁩يعطيكون العافية دكاترة pre 6
الرائعين🔥⁦❤️⁩⁦⁦💪🏻⁩

اول شي رح نحكي شوية تعريفات بمادتنا لليوم📚
#تاريخ_العلوم_الطبية..؟
"السهل الممتنع "بكل المقاييس💯 (مادة بدا صبر شوي⁦🙇🏻‍♂ وبتنجاب معدل 😋) بتضم هالمادة الخفيفة النظيفة 5 فصول فقط منوعين بحيث انو كل فصل بيحكي عن موضوع مغاير شوي للفصل الي قبلو➿

#المادة..من ناحية مصدر الدراسة قولاً واحداً "RBCs"⁦❤ محضرين فيا الفقرات بشكل مرتب وسلس🔝 اما عن الكتاب فلا غنى عنه فهو المصدر الاساسي فيك ترجعلو بإي معلومة بيصير عندك التباس فيا او بتتأكد ⁦🤷🏻‍♂️⁩ واكيد لما نحكي مادة بصمية نحنا عم نحكي عن اسئلة الدورات💯 الي ح تفيدك كتير بمعرفة "من أين تؤكل الكتف"🔥

#الفصل_الاول⁦1️⃣⁩
االاخف "كمحتوى" لانو الفصل صاحب اقل اسماء علماء واطباء بالكتاب⁦⁦⚠️⁩ "الي هي بتصعب دراسة المادة" وبيتميز بسلاسة افكاره فهو بيحكي عن كل حضارة من الحضارات القديمة شو اسهاماتا⁦🌡️⁩ بالمجال الطبي متل :السومريون : اقدم وصفة طبية 📋
وعلى هالمنوال كل حضارة شو قدمت وبعض التفاصيل الاخرى الي ح تشوفوا⁦🖇️⁩

#الفصل الثاني⁦2️⃣⁩
"الاضخم"🛑ويعد اكمال للفصل الاول لكن بطابع عربي انو شو الي قدمو عرب الجاهلية والامويين والعباسيين من معارف طبية⚪ خلال تلك الحقبة اضافة الى وجود عدد كبير من اسماء العلماء ⁦ ⁦⚠️⁩ ح نفردلن بوستات تانية بالايام القادمة فما تاكلو هم 😍
كمان بيحكي عن البيمارستانات (المدارس الطبية) 🏥

#الفصل الثالث⁦⁦⁦⁦⁦3️⃣⁩
فصل حلوو وصغير بيحكي عن العلوم الطبية بالعصور الوسطى👈🏻 والتركيز هون عالجانب الاوروبي⁦⁦🇪🇺 من هي الحقبة ففيه بتنذكر المدارس والاشخاص والاكتشافات الي صارت مرجع للطب الحديث💯 متل ما ح نشوف بنهاية الفصل♾️و عن حركة الترجمة الي صارت لهي المراجع ⁦🗣️⁩

#الفصل_الرابع ⁦4️⃣⁩
فصل ممتع كتيررر 😋بيحكي عن تطور بعض العلوم (تخدير_اسنان_صيدلة_جراحة....الخ)🔬 وكيف كانت بداية هي الاداة 🩺او هالتشخيص وشلون صار على شكلو الحالي الي "منعرفو "✅ كما انو بيحتوي على مجموعة من المقتطفات الي بتخص تاريخ امراض معينة (الغدد_المناعة_...)💊 وبعض الاضافات الصغيرة🔹🔹

#الفصل_الخامس⁦5️⃣
الفصل الاخير🔚من مادتنا ويلي قريب كتير من الفصل الثاني من ناحية انو بيحكي عن العلوم الطبية🧬 عند العرب لكن هالمرة بالعصر الحديث🆕 كما انو بيحتوي على مجموعة من اسماء المجلات الطبية العربية📕 الي افادت بشكل واسع في نشر الوعي الصحي🚸... كما انو مهمة للامتحان....💯

📌ملاحظة : بالنسبة للبوست فهو تعريفي فقط اما الفصول فهي تضم معلومات اخرى 💥 اختفت بين السطور لكن رح نعرج عليها في قادم الايام اول باول⁦👍🏻⁩

اما #مدة_دراستا ⏳لهالمادة فهيي موضوع نسبي جداً بيختلف من شخص بصيم لآخر ما بيفلح بالبصم⁦🤷🏻‍♂️⁩ بس نصيحتي للكل "لا تتركا لاسبوعا" وعلى قد استطاعتك ادرسا ولو مرة بالاسبوع ⁦🧘🏻‍♂️⁩

🔔.#تنويه...بحب طمنكن انو اغلب الفقرات الصعبة وجداول اسماء العلماء والكتب وغيرو وغيراتو من الافكار الي رح تتعذبو🥴 فيا ..هي حلتا عنا ما تخافو رح نقدملكن مجموعة من القصص والتوضيحات وبعض الجدوال 💯وذلك في إطار الإحاطة بكل ما يخص المادة اضافة الى التنويه على الافكار الهامة⁦❤️⁩ واسئلة الدورات ✨التي تتكرر (جمل اول من _كتاب كذا لكذا و.....الخ) الي رح توصلكن للمية 💯 بإذن الله 😋⁦❤️⁩..

🔚بالختام منتمنى من الكل يشاركنا رأيه واستفساراته⁦🖋️⁩ وسنبقى كفريق #Med_Help بجانكم⁦ لتغطية كل ما يخص مادة التاريخ⁦💪🏻⁩

🥱 ما تأخذونا طولنا عليكم شوي ⁦🙇🏻‍♂️⁩بس بالاخير هالشي لافادتكم💯

⁦🙏🏻⁩موفقين جميعاً😘⁦❤️⁩

📚للاستفسار عن اي شيء يخص المادة قم بالتواصل على البوت :
@MedHelpHistory_bot
⁦🗣️⁩رابط الدعوة :
@MedHelpForPreYears

#اللغة_الانكليزية #اللغة_الانغليزية #الانكليزي #English
#البوست_التعريفي
اليوم رح نكون معكن بمادة الانكلش لنعرفكن عليها 💃

1️⃣ أقسام المادة:
المادة مقسومة لسبع وحدات Units ،
محذوف منها الوحدة الأخيرة
بيضل 3 لكل فصل 😆

✨بالفصل الأول رح ندرس
Units:1/2/3
كل Unit مقسومة ل3 اقسام أصغر Chapters وهن A/B/C ، يعني Unit1 صارت مقسومة ل : (1A-1B-1C) .... وهكذا ،

2️⃣ شو تحتوي هي الUnits ؟
كل Unit فيها :
🔺 3 قواعد كبار Grammar /يعني قاعدة بكل تشابتر/ بالإضافة لقاعدة صغيرة لكل الUnit
Mini Grammar
🔺 قسمين مفردات Vocabulary وهاد رح يحتوي
vocabulary + phrasal verbs + idioms
🔺 قسم مهارات كتابية Writing
🔺 نصوص للتدريب على نص الامتحان Reading

3️⃣ تقسيم المادة امتحانياً :
مادة الانغلش بالفصلين غير كل مواد التحضيرية ، صح علامتها 100 بس هي تحتوي 90 سؤال ، يعني اجباري في اسئلة عليها اكتر من علامة وهي غالباً بيعطوا كل سؤال 1.1 وبتزبط (do the math 😉)
عدد الاسئلة كالتالي 😁
🔹10 للنص Reading
🔹حصة الأسد للقواعد ب40 سؤال Grammar
🔹20 Writing
🔹20 Vocabulary

4️⃣ ممكن لمحة عن محتوى الفصل الاول بالمادة؟
طبعاً ، هي كالتالي :

🔴 Grammars :
🔸Unit1:
تشكيل السؤال - الأفعال المساعدة - الحاضر التام
ميني غرام "The comparative"

🔸Unit2 :
الصفات adj. - ظروف الحال adv. - صيغة السرد (الأزمنة الماضية كاملةً ماضي بسيط ، مستمر ... etc)
ميني غرامر So/Such...That

🔸Unit3:
المبني للمجهول - المستقبل المستمر/التام - الجمل الشرطية
ميني غرامر likely/probably

🔴 Vocabulary :
▪️Unit1:
الشخصية - المرض والعلاج
▪️Unit2 :
الموضة - السفر
▪️Unit3 :
الطقس - الجريمة والعقاب

🔴 Writing :
مواضيع الفصل الاول
الإيميل غير الرسمي - Time expressions - علامات الترقيم - كيف تعبر عن رأيك .

🔴 Reading (النصوص) :
رح تسمعوا ناس تقول لا تدرسوها مضيعة للوقت ، أنا بوصي اي طالب بدو التامة يقرأهن ، طبعا اذا زاد وقت ، اذا ما زاد مو مشكلة في أولويات بالمادة .

5️⃣ شو اللي بيحدد دراستي بالمادة؟
مستواك اللغوي وإتقانك لقواعد التعليم الأساسي ومخزونك اللغوي ، وعلى كلٍّ نحن ما بنوصي انك تترك المادة {كاملةً} لأسبوع المادة اذا بدك التامة ، حتى لو كنت خاتم الفهم بالمادة ، لا ضير اذا بتدرس كم تشابتر 😌 .

6️⃣ مصادر الدراسة :
بأي مادة مصدر الدراسة المفضل هو الكتاب ، بس حتى كون صادق الكتاب بدك تفك رموزه لتقدر تمشي وهاد ممكن ياخد منك وقت 😔
والحل؟ في فرق خارج كادر الجامعة مسؤول عنها طلاب عم يعيدوا صياغة الكتاب بشكل اكثر قابلية للفهم
مين هن 🤔؟ ... كتار بس رح اختصر افضل تنين 😏
← الفريق الرائع بكل المواد وليس فقط الانغلش RBCs ، فريق منظم جداً وشامل لأصغر تفاصيل الكتاب ، فيك تشوف ملفاتهن pdf كاملين لكامل المادة .
← فريق Pre-X ، فريق رائع كمان وتحس في أستاذ يشرح بقلب النوطة ، للأسف انت مضطر تشتري النوطة غير متواجدة بشكل إلكتروني pdf

✨ طيب من وين تنصحنا؟
🌞 اذا مستواك مقبول بالمادة ادرس RBCs واحرص انك ما تتركها لأسبوعها متل ما ذكرنا .
🌞 اذا مستواك متواضع بهي المادة Pre-X ممتازين الك .

⁦8️⃣⁩ اذا حابين نبلش هلأ .. كيف نبدأ؟ 🙄
متل ما قلنالكن مستواك اللغوي هو اللي بيحدد رح احكي خطة لشخص مقبول بالمادة وزيد الكمية حسب ما بدك :
فيك تخلص كل اسبوع قاعدة كبيرة + قسم Vocabulary ... هيك توصل للامتحان كتير مرتاح 😌

7️⃣ بشو رح تساعدونا؟
• ملفات من خيرة المتميزين بهي المادة رح تكون عندك
• رح نحط دورات تختبر فيها حالك وهاد شي أساسي
• اذا تكرر السؤال عن نقطة معينة رح نعطيها حقها 😎
• البوت موجود دائماً ليجاوبك عن أصغر استفساراتك بهي المادة 🔥

📚 للاستفسار عن اي شيء يخص المادة قم بالتواصل على البوت :
@MedHelpEnglish_bot
⁦🗣️⁩ رابط الدعوة :
@MedHelpForPreYears



موفقين دكاترة 💜

#الكيمياء
وما ادراك ما الكيمياء🔥
الكيمياء هالسنة ممتعة والصراحة نصها بكالوريا فدراستها سهلة نوعاً ما
اما #الأسئلة انتو وحظكن ويلي دارس وفهمان اكيد ما بينخاف عليه
بدايةً عنا 21 فصل بنيوية وعضوية
المادة فهم مع بصم اجباري
الفصول الطويلة : 1-4-7-10-17-18
الفصول الوسط : 5-6-8-12-13-19
الفصول القصيرة:2-3-9-14-15-16-20-21-22
#مصادر_الدراسة :
الكتاب حلو وبيندرس منو وفيك تستعين بالاربسيز
الفصول قسمين نظري ومسائل
ويُفضَّل من هلأ تجيبو آلة حاسبة علمية وتتعودو ع استخدامها وتحلوا المسائل وتحسبوا عليها مشان السرعة بالامتحان
+العضوية اللي راحت عليكن بالباك مو مشكلة ما تخافو المعلومات اللي اخدتوها بالحادي عشر كافية ان شاء الله
#السؤال_المعتاد: أسئلة نهاية كل فصل مطلوبة؟
اللي عندو وقت يحلها بيتمكن اكتر بس اذا ما حلها مو مشكلة كبيرة لأن نفس الأفكار موجودة بقلب الفصل وأسئلة الامتحان بتجي من #اختبر_معلوماتك
رح يكون في شروحات وتلخيص قوانين واسئلة ونكشات ع صفحة الفريق بحيث نغطي كلشي بإذن الله
فيكن تتواصلوا معنا ع بوت المادة وأيّ حدا عندو سؤال نحنا جاهزين 🖤

موفقين يارب ❤️
رابط البوت:
@MedHelpChemistry_bot

حبينا ننوه أنو بوتات الفريق مو الية ( نظرا لانو نص الشعب مفكرها الية 😂)
فيها ناس مختصة للإجابة عن اسئلتكم بكل مادة ⁦❤️⁩

🔴بوت البيولوجيا
@MedHelpBiology_bot
🔴بوت الكيمياء
@MedHelpChemistry_bot
🔴بوت الانغلش
@MedHelpEnglish_bot
🔴بوت التاريخ
@MedHelpHistory_bot
🔴بوت الفيزياء
@MedHelpPhysics_bot
🔴بوت الإدارة
@MedHelpForPre_YearsBot

#الفيزياء_الطبية😇
1️⃣#محتوى_المادة: 23 فصل وحذف 6 فصول فبقي المطلوب 17 فصل.
ترتكز بشكل رئيسي على جميع أنواع الأمواج⚡️ والحديث عن خصائصها،مصادرها ،آليات توليدها،تأثيرها على جسم الانسان 🙎🏻‍♂️،واستخدامها بالتصوير والعلاج.

#الفصل_الأول يتحدث عن المفهوم الحديث للموجة الذي مهد الطريق لما يسمى بميكانيك الكم ومفهوم الفوتون☄️ وطبيعته وتطبيقات ذلك على المجاهر الالكترونية🔬.
وبما أن الذرة هي أحد اهم مصادر الطبيعية للموجة، فقد تحدث #الفصل_الثاني عن بنية الذرة وومفهوم الأعداد الكمومية (فصل خفيف ومعظمه محذوف😉)

بعد ذلك يخصص الكتاب لكل نوع من الموجة فصل مستقل يتحدث بشكل مفصل عن ذلك النوع وتطبيقاته.
وهذه الفصول من 3 إلى 8
تشكل هذه الفصول جوهر المادة 📚

لاحقا لهذه الفصول يتم الحديث عن الليزر💥 بشكل مفصل وذلك بثلاثة فصول 11،10،9.
الفصل 11عبارة عن ثلاث صفحات لأنه محذوف بمعظمه😁

نعود إلى الذرة وتحديدا النواة ✨ونجد أن
#الفصل_الثاني_عشر يتحدث عن بنية النواة ونشاطها الإشعاعي⚠️ .
أما #الفصل_الثالث_عشر فنجده مليء بالاجهزة الطبية🩺، وذلك لأنه يفصل بالطب النووي وطرائق التشخيص بالنظائر المشعة والعلاج بها أيضا.

بعد ذلك يتطرق الكتاب الى مفاهيم الميكانيك الكلاسيكي وذلك بالفصلين الآتيين:
#الفصل_الرابع_عشر:يتكلم عن ميكانيك السوائل 💧
وهذه المفاهيم قد مرت بشكل بسيط بالمرحلة الثانوية وقد توسع بها الكتاب.
#الفصل_الخامس_عشر:يفصل في الحركات الاهتزازية و الأمواج الصوتية🔊 وطاقتها.

وبالتأكيد قد سمعنا عن تصوير الايكو وتصوير الرنين وهذا مانجده ب #الفصل_السابع_عشر
#الفصل_الثاني_العشرين على الترتيب.

2️⃣مصادر الدراسة :الكتاب ثم الكتاب📔
لايمكن الاستغناء عن الكتاب حتى لو وجد مصادر أخرى شاملة؛وذلك لورود بعض الاسئلة بصياغة الكتاب الحرفية📝.
بينما نجد المصادر الأخرى قد أعادت صياغة العبارات وترتيبها✂️.

المادة بحاجة إلى فهم اولا ثم الحفظ بدقة👌 ثانيا.
بالنسبة للفهم🧠،أفضل وسيلة هي سماع تسجيلات مدرس الفيزياء الطبية في جامعة تشرين الدكتور محمد الحلبي.
يوجد للدكتور قناة على تيليجرام ويرفع عليها تسجيلاته وسلايدته ،بالإضافة إلى أتمتة لتختبر نفسك بها.
(مع بداية الدوام اذا بلش ينشر الدكتور منبعت الرابط على القناة إن شاء الله)

وأثناء الدراسة أيضا يجب الانتباه إلى:
أ- الخطوط البيانية وأرقامها📉 ،وذلك لورود أسئلة منها،مثال ص107 وص 139.
ب-القوانين والواحدات.
ج-علاقات التناسب (طردي أو عكسي)فهي مهمة جدا .✅
وكل سطر من الكتاب هو مشروع سؤال دقيق
لذلك يجب الالتزام بصيغة الكتاب ،بعد الفهم طبعا.
3️⃣أسئلة الامتحان:
من 5 ل 10 :مسائل من الفصل 3 والفصل 14
وتحتاج آلة حاسبة
باقي الاسئلة تكون شاملة للفصول كافة وتقسم إلى أسئلة تعتمد على الفهم وأسئلة تعتمد على الحفظ.
#مأساة_سنة_2020💔
جميعكم بلا استثناء سمع عن صعوبة الأسئلة ،وهذا صحيح للأسف،فقد كان معدل الراسبين في دمشق 49%،أي نصف الطلاب راسب.😔😞
ولكي تدركوا لماذا كانت صعبة:
7مسائل ،مسألتين بحاجة إلى إعادة صياغة القانون.
30 سؤال فوق المتوسط
15سؤال تعتمد على الفهم وبحاجة إلى تفكير ولم تطرح من قبل بالدورات.
⛔️أما المصيبة فهي كانت ب 48 سؤال حفظي بحت وبصمي بشكل غير طبيعي (تغيير كلمة أو التلاعب بالأجوبة )😖😑
وطرح أسئلة من الرسوم البيانية وأرقامها
ومثلا سؤال عن قانون مع التلاعب بترتيب حدود القانون .....وغييييرها..أخيرا لاتتردوا بطرح أي سؤال عندكم على بوت الفيزياء😇
@MedHelpPhysics_bot
لاتنسوا تشاركوا القناة مع رفقاتكم
@MedHelpForPreYears

بسم الله الرحمن الرحيم ..
أنا طارق الهنيدي زميلكن من الدفعة الخامسة (Pre5)
وعضو فريق MedHelp التطوعي ..
بفضل الله ترتيب سابع على دمشق بمعدل فصل أول (92.8) وفصل تاني (98)
حابب احكي تجربتي بهالسنة لكل الطلاب اللي حابين يدخلو هالفرع المميز ..
- الصراحة ما بينضاف شي على حكي صديقي أسيد .. يلي حابب يقرأ تجربتو رح الرابط بالتعليقات ..
رح احكي عن [ الدراسة - الضغط والعامل النفسي ]
أولاً. الدراسة والسر بهالسنة :
- السنة التحضيرية متل ما سمعتوا عنها أي أصعب من البكلوريا وأضخم ومعكن بس 4 شهور تقريبا لدراسة مواد كل فصل .. لكن بالوقت نفسو في اشياء صارت اسهل .. نمط الأسئلة المؤتمت بساعد لا شك يعني لازم نتحول من نمط الحفظ البصم لنمط الحفظ الفهمي .. زد على ذلك متعة المواد العلمية اللي بتخفف علينا شوي هالحمل الكبير ..
- هلأ السر بهالسنة او المفتاح .. هو الخروج السريع من صدمة الانتقال من المدرسة للجامعة بأسرع وقت ممكن .. والتركيز العالي على مواد الفصل الأول اللي هية المحددة لفرز الطلاب برأيي الشخصي .. لانو رح تشوفو انو الفصل التاني موادو اسلس وبتنجاب علامات عالية مو بنفس صعوبة الفصل الاول اللي فيه مادتين عملاقتين (الفيزياء والكيمياء) اللي سمعتو عنن اديش صعب ينجاب فيهن علامة عالية ... لكنه ممكن وليس مستحيل اذا اندرسو صح ..
- الغلط الأكبر هو لما طالب قول للتاني : " انت جبت 90 بالبيو كيف طريقة دراستك لحتى ادرس متلك "
مافي طريقة دراسة هيك بتجبلك العلامة العالية .. كل شخص لازم يكتشف ويطور طريقتو الخاصة .. ناس بتحسن تحفظ بسرعة وفهمها صعب .. ناس فهمها عالطاير لكن بتلاقي صعوبة بالحفظ .. كيف الشخصين بدن يدرسو بنفس الطريقة هاد خطأ فادح ..
ثانياً. الضغط والعامل النفسي :
- نظرا لأهمية هالشغلة حبيت احكي عنها منفصلةً .. هالسنة حرفيا هية حرب نفسية مين ثقتو بنفسو أقوى ومين عم يعتمد عحالو اكتر هو اللي بيتفوق بالنهاية .. اللي كلمة محبطة بتهزلو معنوياتو وبتنزلو عالارض .. رح يلاقيها سنة صعبة كتير ومستحيلة حتى .. لانو عنجد رح تشوفو بعينكن اشكال وألوان .. رجاء ابتعدو عن الناس المسمومة اللي بس هدفها تحبطكن وانا بقول هاد الشي خاصة بفترة الامتحانات الطلاب بتكون مضغوطة والكلمة بتأثر عنجد فيها ..
- كلشي بخليك مزعوج بعد عنو اي شي بتلاقي عم يستهلك طاقتك بشي مالو فائدة وما منو هدف كمان ابتعد عنو ..
رح يمرق معكن بقلب السنة ناس يخوفوكم من مواد وفصول ممكن تكون بسيطة بالنسبة الكن (الفصل التامن البيو على سبيل المثال .. ناس لقتو سهل وفهمي وبعض الناس ما قدرت تمشي فيه) لذلك يا ريت هاد الحكي ما تردو عليه ..
- عقلك محتاج رااااااحة مو جلد .. العقل محتاج للراحة ليخزن اللي حفظو ويتهيأ لتلقي معلومات جديدة .. مو شطارة تدرس باليوم 12 ساعة .. مو شطارة تقطع نشاطاتك الخارجية .. سواء نادي، رياضة، لعب، افلام، مشاوير .. هدول النشاطات مهمة متلا متل الدراسة .. عيش حياتك عادي لكن نظم وقتك .. وقت الدراسة عطي كل طاقتك للدراسة واذا درست 3 ساعات او 4 بتركيز عالي احسن من دراستك ل 12 ساعة كل شوي عم تمسك صفحات الكتاب وتقول ايمت رح نخلص هالفصل ..
-ثالثاً. المصادر :
- الكتاب فقط .. خاصة المواد الطبية (بيو ، فيزيو ، تشريح ، وراثة ) انا بس درست الانجليزي وتاريخ الطب من محاضراات Rbcs والاحصاء من نوطة الدكتورة منال البابا والفيزيا من PreX.
- بالنسبة للدورات والكورسات .. برأيي هي شي ثانوي مانها ضرورية .. ممكن يستفاد من هي الكورسات الناس اللي كانو متعودين يجيبو استاذة خصوصي بالبكلوريا بصورة اكبر ..ممكن يساعدوهن شوي بشرح الأفكار وما الى ذلك .. بس لازم الانسان يبلش يحاول يعتمد عحالو بكون أحسن برأيي الشخصي .. حتى ااحضور بالجامعة من الممكن الاستغناء عنه (بالفصل التاني بسبب الكورونا ما نزلت على محاضرة وحدة).
اخيراً.
انشالله رح كون معكن انا وفريق MedHelp هالسنة لنساعدكن لتتجنبو اخطائنا اللي وقنعا فيها .. رح حاول دبلج فيديوهات شرح عاليوتيوب للغة العربية لمختلف موادكم .. ورح قدم بعض الشروحات عن كم فكرة صعبة بمادة البيولوجيا إذا الله راد ... وان شاء الله اقدر فيدكم قدر المستطاع ..
- رابط فريق MedHelp على الفيس ❤:
https://www.facebook.com/MedHelpForPreYears/
- قناتنا عالتلغرام ❤:
https://t.me/MedHelpForPreYears

🩸 محاضرات RBCs للغة 1 🩸

⚪️ Unite 1 :

♦️A1 :
https://t.me/MedHelpForPreYears/917

♦️B1:
https://t.me/MedHelpForPreYears/918

♦️C1:
https://t.me/MedHelpForPreYears/919

⚪️ Unite 2:

♦️A2:
https://t.me/MedHelpForPreYears/920

♦️B2:
https://t.me/MedHelpForPreYears/921

♦️C2:
https://t.me/MedHelpForPreYears/922

⚪️ Unite 3:

♦️A3:
https://t.me/MedHelpForPreYears/923

♦️B3:
https://t.me/MedHelpForPreYears/924

♦️C3:
https://t.me/MedHelpForPreYears/925

⚪️ اكسترا:
https://t.me/MedHelpForPreYears/1800


#English 🗽
#Med_Help_English 🗽
@MedHelpForPreYears